زواج متعدد الجنسيات

[wild_angel]

عن تجربتي الفعلية بقلكون ...
صعب يكون في فارق عمري كبير بين الزوجين لآنو فارق العمر بشكل عائق قدام كتير أمور ..
أما من ناحية الجنسيات فعن تجربة بقلكون أنو إختلاف الجنسيات بيعتبر كسجن على المرأة إلا إذا كانت متأكدة انو هم التنين منفتحين أو ملتزمين ...
وبظن انو الأهل مالهم حق يتدخلوا بس لازم ينصحوا ..

[MaTyA]

كاتب النص الأصلي : wild_angel

عن تجربتي الفعلية بقلكون ...
صعب يكون في فارق عمري كبير بين الزوجين لآنو فارق العمر بشكل عائق قدام كتير أمور ..
أما من ناحية الجنسيات فعن تجربة بقلكون أنو إختلاف الجنسيات بيعتبر كسجن على المرأة إلا إذا كانت متأكدة انو هم التنين منفتحين أو ملتزمين ...
وبظن انو الأهل مالهم حق يتدخلوا بس لازم ينصحوا ..

ما دام الحكي عن تجربة يعني اكيد فيو صِحة ومصداقية يعني مو بس راي

[لوليانا33]

ميرسي إلك متايا على ردك الحلو

يعني الحئيئة ما لي حابة اطلع كتير عن الموضوع بس شايفة إنو البعض عم يفصل كتير ببعض النقاط

يعني الحئيئة ما ممكن أبني قاعدة على تجربة واحدة ولا على عشر تجارب الحكي لازم يكون مبني على إحصائية ومبررات وأسباب تشرح أرقام هالاحصائية إذا كان في أرقام ووقائع شاذة مخالفة للشائع والمعروف بمنطقة معينة

بس يعني كل وحدة وواحد يجيب قصة واختي صار معها هايك وبنت خالي صارت هيك وشو بيعرفني هي مو شغلة
ولو أنو نحنا الصبايا شغلتنا اللت والعجن وقصص فلانة وعلتانة

يعني حبيت حط مجموعة قواعد بنظري وبرأيي الشخصي بظنها أساسيات بناء زواج ناجح
1- المعرفة التامة بين الزوجين وطبائع وعقلية وبيئة كل منهما
يعني ما معئولة وحدة تاخد واحد ما بتعرف قرعة أبوه بحجة أنها حربوءة وزكية وبتمشي حالها وين ما فاتت الشغلة مو بيعة وشروة
2- أن يكون الزوجين من مستوى معيشي متقارب نسبياً ومن بيئة واحدة ( هاي القاعدة العامة وما بيمنع وجود تجارب كتيرة ناجحة لزواج بين بيئات مختلفة ومستويات اجتماعية مختلفة وجنسيات مختلفة ) والسبب هو اعتياد كل شخص على نمط معيشي واجتماعي معين واتباعه لمنظومة أعراف وعادات وتقاليد وموروثات ، فالمفروض يكون في شيء من التجانس بين الطرفين والتشابه بهالشغلات
( في متل بيقول يلي بيتجوز من غير ملته بيموت بعلته )
3- ضمن بند المستوى الاجتماعي الواحد بظن أنو طالما نحنا بمجتمع ذكوري ، الرجال هو المسيطر على شؤون الأسرة غالباً وهو صاحب الحل والربط ، فالمفروض يكون الزوج هو الأكبر سناً ولا يفضل أنو تكون الزوجة أكبر منه سناً لعدة أسباب يمليها عرف المجتمع غالباً
4- كمان إذا كانت الزوجة بتشتغل المفروض ما يكون شغلها أو موقعها الوظيفي أو الاجتماعي أحسن أو أقوى من زوجها لنفس سبب البند يلي أبله وهو وضع المجتمع الذكوري الشرقي

5- البند الأخير وهو اللي بينسف كل البنود السابقة واللي ممكن في غيرها بس هاد يلي خطر ببالي هلأ وهو نوعية الزوج ومدى تقبله لمرته ونوعية العلاقة بيناتهون وتفاهمون ومحبتهون لبعضهون وهيك شغلات لأنو كتير من الشي يلي سبق وذكرته ممكن ما يكون إلو قيمة في حال الزوج وزوجته متفاهمين ومتصافيين ومركزين اهتمامهم على أمور أهم من الأمور الاجتماعية والفروق الطبقية وهي حالة نادرة وقليل ما يكون في هيك نوع من الازواج

[MaTyA]

كاتب النص الأصلي : لوليانا33

ميرسي إلك متايا على ردك الحلو

يا ئلبي بحياة ..الله والملايكة..اسمي ماتيا مو متايا يا عمري انتي

يعني الحئيئة ما ممكن أبني قاعدة على تجربة واحدة ولا على عشر تجارب الحكي لازم يكون مبني على إحصائية ومبررات وأسباب تشرح أرقام هالاحصائية إذا كان في أرقام ووقائع شاذة مخالفة للشائع والمعروف بمنطقة معينة

بس يعني كل وحدة وواحد يجيب قصة واختي صار معها هايك وبنت خالي صارت هيك وشو بيعرفني هي مو شغلة
ولو أنو نحنا الصبايا شغلتنا اللت والعجن وقصص فلانة وعلتانة

معك انو القواعد تبنى على احصائيات موثقة..لكن التجربة وان قل عددها لازم تؤخذ بعين الاعتبار
يعني انو ناخد تجربة بعين الاعتبار ونحكي عن معطياتها
ليتم تحليل النتيجة واسباب النتيجة ما بيعني لت وعجن


وبالنسبة لمجموعة القواعد الاساسية لبناء الحياة الزوجية الناجحة يللي كتبتيها (بنظرك)
هي ممكن تكون ناجحة..بما انها ايجابية بس بالمقابل ممكن يتم الفشل

بس بما انو حكيتي عن انو ما ممكن انك تبني القواعد دون احصائية مسبقة..
فـ كيف بنيتي قواعدك اعلاه ؟!!

[لوليانا33]

اكيد بغياب الاحصائيات أي كلام بيكون عاري عن الصحة

لكن من وجهة نظري بظن ان هالقواعد هي الأسلم ب80 بالمية من الحالات
ما رح نختلف على كل حال

وبعتذر انا قريت الاسم مرة وما عرفت هجيه بس بلا سئلة شو يعني اسمك

[MaTyA]

كاتب النص الأصلي : لوليانا33

اكيد بغياب الاحصائيات أي كلام بيكون عاري عن الصحة

لا مو عاري عن الصحة..لو عاري عن الصحة بيصير ما فيو مصداقية البتة وبالتالي ما بيتاخد بهالكلام نهائياً..وهالشي غلط..
لانو اي تجربة بتصير لازم ناخدها بالحسبان ومو نقول ما في احصائية..الا بنقول في معطيات ونتيجة ..
وفي عنا عقل نفكر باللي صار بدال ما نتجاهلو

وبعتذر انا قريت الاسم مرة وما عرفت هجيه بس بلا سئلة شو يعني اسمك

مو مشكلة..ومو هون مكان السؤال

[jina2009]

هل تعتقد ان زواج الرجل من امرأة أوروبية او امريكية هو على الغالب زواج فاشل؟؟؟؟؟
هل مثل هذه الحالات على الغالب تكون نهايتها الطلاق؟؟؟
هل انت رافض هذه الفكرة من الأساس أم ليس بالضرورة ان تنتهي بمشاكل؟؟؟؟
ماذا رأيك ؟؟؟؟؟؟

[..AHMAD]

هل تعتقد ان زواج الرجل من امرأة أوروبية او امريكية هو على الغالب زواج فاشل؟؟؟؟؟

تسؤ مانو فاشل ... لانو اختلاف المجتمع ما بيعني بالتأكيد فشل علاقة ما .. بالاخير احد الطرفين مضطر يتاقلم مع مجتمع الآخر ... وهون فشل العلاقة او فشل الزواج بيعتمد على قدر التفكير والوعي اللي اتزود فيه هالطرف اللي أدّى للفشل

هل مثل هذه الحالات على الغالب تكون نهايتها الطلاق؟؟؟

هــــــــــــــــــئة

هل انت رافض هذه الفكرة من الأساس أم ليس بالضرورة ان تنتهي بمشاكل؟؟؟؟

عدم تبني الفكرة .. ما بيعني بالضرورة رفضها

ماذا رأيك ؟؟؟؟؟؟

رأيي بشو

عالهامش : نتمنى ها ... يكون عنوان الموضوع معبر عن محتواه

[fernanda bachchan kfoury]

هل تعتقد ان زواج الرجل من امرأة أوروبية او امريكية هو على الغالب زواج فاشل؟؟؟؟؟

الزواج مع امراة اوربية او اميركية بيفرض ع الرجال اشيا كتيرة خصوصا ازا عاش معها ببلدها
متلا لو الرجال تزوج وحدة اوربية عالاكيد رح تفرض عليها سيطرتا باعتبار عندن حق المراة اسبق من حق الرجل اما بالنسبة للاميركية فما بعرف لانو ماعندي معلومات ع الاوضاع باميركا
المهم باغلبية الاحيان يكون الزواج فاشل اول شي بسبب الي قلتلو سابقا وتاني شي باعتبار انو اغلبية الرجال وقت يتزوجو اوربية بيتزوجوها كرمال les papiers يعني حتى مرتن الاوربية تصنعلن وراق المعيشة ويصير مغترب ومعو اوراق ثبوتية انو émmigré

هل مثل هذه الحالات على الغالب تكون نهايتها الطلاق؟؟؟

عالاغلب بتكون يا طلاق يا الرجال يرجع لبلدو ويترك مرتو الاجنبية >>> وبالعلامة في كتار عملو هيك ووصل فيون الوضع انو نسوانن الاجانب اجو يدورو عليهن

هل انت رافض هذه الفكرة من الأساس أم ليس بالضرورة ان تنتهي بمشاكل؟؟؟؟

انا عن نفسي برفض هالفكرة من اساسها يعني يتزوج اوربية او اميركية عن حب متبادل ومو عن طمع بركي بتنجح وبتزبط معو القصة

بس زواج متل يلي عم نشوفو بوقتا ؟؟ نو واي برفض الفكرة


شكرا جينا عالموضوع المفتوح للنقاش


إلي رجعة

[jina2009]

كاتب النص الأصلي : M i i i D O

تسؤ مانو فاشل ... لانو اختلاف المجتمع ما بيعني بالتأكيد فشل علاقة ما .. بالاخير احد الطرفين مضطر يتاقلم مع مجتمع الآخر ... وهون فشل العلاقة او فشل الزواج بيعتمد على قدر التفكير والوعي اللي اتزود فيه هالطرف اللي أدّى للفشل

هــــــــــــــــــئة

عدم تبني الفكرة .. ما بيعني بالضرورة رفضها

رأيي بشو

عالهامش : نتمنى ها ... يكون عنوان الموضوع معبر عن محتواه

شو رأيك يعني شو تعليقك على الموضوع هيك يعني
ومابتصور انو عنوان الموضوع مو معبر عن محتواه
حبك تعطينا رأيك اوكي ماحبيت مو مشكلة

[Reemi]

يا انسه

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

موضوعك
1-مكرر لذلك تم دمجه مع موضوع بيحكي تقريبا عن نفس الشي والرجاء المره الجايي تستعملي زر البحبشه والنكوشه مشان تشوفي اذا الموضوع الي رايده تطرحي قد تم طرحو من قبل او لا .
2-عنوانك كان لا يعبر عن المحتوى متل ما قال MIIIDO وهالشي طبعا غير مسموح ..
3-

حبك تعطينا رأيك اوكي ماحبيت مو مشكلة

هالطريقه بالتعامل مع الاعضاء يا ريت ما تتكرر

تحياتي