أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > منتديات عامة > الصـــــــــــالون

إضافة موضوع جديد  إضافة رد
 
أدوات الموضوع
قديم 01/09/2009   #19
شب و شيخ الشباب suryoyo
مشرف
 
الصورة الرمزية لـ suryoyo
suryoyo is offline
 
نورنا ب:
Dec 2005
المطرح:
اطلال المدينة الفاضلة
مشاركات:
5,118

افتراضي


اقتباس:
كاتب النص الأصلي : الشعله الحمراء عرض المشاركة


ترجع وتقول لي الديمقراطية , ماذا تفعل الديمقراطية غير الفشل الإداري , من كلمة انتخابات! , سينتخب القوي حتى لو كان فاشل من الناس , فهل المحبة أو دفع المال والرشاوي للناس والكلام يكفي لكي تكون إنسان قيادي ؟! , رأينا فشل الديمقراطية في فلسطين , عندما قسمت الشعب الفلسطيني إلا قسمين
عزيزي انت ... من تدرس مبدأ .. لازم تقارنو بمبدأ .. . و من تقارن واقع .. لازم تقارنو بواقع

يعني الديمقراطية كمبدأ هي جكم الشعب ... لكن اسس التطبيق في الحالة الي طيقتها كانت فاشلة
و طريقة تطبيقها كان تحويلها الى اداة الى فرض الرأي ..


اقتباس:
الحريات الفردية ! , مجتمع ليبرالي يعني مجتمع فاسد أخلاقياً , ينتشر فيه اللواط والسحاق , وتحويل الرجال إلى نساء ! , وإستحقار الإنسانية , فعذراً إنها الحرية المطلقة , إفعل ما تشاء , فمعك الحرية المطلقة , طبعاً كل شئ متاح إلا الجريمة , حتى جنس المحارم !
يعني الغاء الحرية الشخصية ... تعني مجتمع محافظ ؟؟


اقتباس:

أرى بكل تأكيد وقوف المجتمعات الليبرالية معنا , فها هي أمريكيا تقول بوقف الإستيطان ويهدد نتانياهوا وتتراجع أمريكا عن قرارتها بكل هدوء !
ما دخل سياسة اميركا بالموضوع ؟

انت موضوعك اساسا عن المبادئ ... لا عن سياسة حكومة فلان..


اقتباس:
, شو عملت إلنا المجتمعات الليبرالية ؟!
قبل ما نسأل ماذا عمل الاخرين لنا .. ماذا عملنا نحن ؟

على الاقل المجتمع الليبرالي استقبل الناس من كل الارض و اعطاهم الاموال و الاعانات .. و الجنسيات و حقوق لا يحلمو فيها في وطنهم (و نعرف هذه ليست راسمالية بحتة)

على الاقل بنوا قانون فوق الجميع تماما ...

انا لست ليبراليا .. لكن معجب بكثير امور اقرها الليبراليون ... منها مبادئ اشتراكية قدروا على ادخالها الى المجتمع


فــ خلينا نتناقش في المبادئ ... و طرق التطبيق
لان ما رح نعرف الحل اذا ما عرفنا وين المشكلة


بالمناسبة اليسار لا يعني الالحاد ...
و الليبرالية انبثقت من جناح اليسار .. لا اليمين

أدعى الناس الى الشفقة ذلك الي يحول أحلامه الى الفضىة و الذهب.. جبران خليل جبران

اذا كان العالم اشتراكيا بالفطرة و رأسماليا بالفطرة و ربما قوميا بالفطرة ... فهل يا ترى كان رجعيا بالفطرة ؟

لن نبق اسرى الماضي ...
  رد مع اقتباس
قديم 04/09/2009   #20
شب و شيخ الشباب الشعله الحمراء
شبه عضو
-- اخ حرٍك --
 
الصورة الرمزية لـ الشعله الحمراء
الشعله الحمراء is offline
 
نورنا ب:
Feb 2008
مشاركات:
51

افتراضي


اقتباس:
كاتب النص الأصلي : Elephant And Castle عرض المشاركة
اول شي التمييز واجب بين المجتمع الأمريكي الليبرالي المتمثل لحد بعيد بالحزب الديمقراطي الأمريكي و المجتمع الأمريكي المحافظ المتمثل بالجمهوريين المحافظيين ,,المجتمع الليبرالي بأمريكا هو يلي طلع مظاهرات بالملايين لمنع حدوث الحرب و هو يلي اعطى ثقتو ب باراك اوباما ل أيقاف الحرب و سحب القوات الأمريكية من العراق و نفس الشي الفئات الليبرالية البريطانية و المتمثلة بال الديمقراطيين الليبراليين اصحاب اكبر كتلة ليبرالية بالبرلمان البريطاني خاضوا حرب سياسية شرسة ضد مشاركة بريطانية بالحرب ,,يعني مستحيل تلاقي حزب او تيار ليبرالي ممكن يمدح اي نوع من انواع الأحتلال ,,و كمان اعتبار المهتمع الأسرائيلي مجتمع ليبرالي فيه كتير من الظلم لليبراليين ,,,مع انو في فئات ليبرالية بأسرائيل بس حجمها صغير كتير و تأثيرها يكاد يكون معدوم امام تأثير الليكود و العمل و شاس و كاديما ,,,لهيك ما فينا نقول انو المجتمع الأسرائيلي ليبرالي ,,,,هيك منكون عم نهين الليبراليين حول العالم ....

,
ما راح أحكي كثير , بس راح رد بسؤال , المجتمع الليبرالي كلوا برئاسؤا وشعبوا , ولا موقف تشافيز الشيوعي ؟

لا أحب القول أحب الفعل , وكلنا نعرف من فعل ومن طرد السفير الإسرائيلي , وهو القائد تشافيز

اقتباس:
يعني اول فكرة حبيت قولها هي انو الليبرالية وصلت لمرحلة تكوين احزاب قوية بس لسا ما وصلنا لمجتمعات ليبرالية بأمتياز ,,حتى بأوروبا و الولايات المتحدة ,,,الأحزاب الليبرالية عم تناضل للوصول للمجتمع الليبرالي ,,,بس بيبقى دايما بأي مجتمع قوى بتحاول اعاقة المسيرة الليبرالية مدفوعة دايما من اسُس قومية و دينية و عقائدية ..

أكيد ما وصلوا , بس حققوا الحرية المطلقة ( الزيادة عن اللازم ) والإنحطاط الإخلاقي الشديد
رغم اعجابي بالكثير من الليبرالية كمبدأ , بس كل شي زيادة عن حدوا بخرب

اقتباس:
طبعا الشيوعية هي اكبر عدو لليبرالية ,,لأنو بتحد من كتير من الحريات الفردية وبتعتمد على التأميم و بتدخل بتفاصيل حياة المواطن من خلال رسم الدور يلي لازم يلعبو كل مواطن ,,,حتى انو الشيوعية بتدخل بقناعاتك او بتدفعك لتترك الأيمان بالديانات المؤمن فيها مسبقا لتصير تآمن برجل الدولة الواحد المستبد !! ,,عم تسألني انو كيف الشيوعية هي فكر عقائدي مع انو ملحدين ,,,اولا صديقي ,,,ما حدا اهان الفكر الملحد اكتر من النازيين و الشيوعيين ,,و يا ريتون ما كانو تبنو الألحاد لأنو كتير شوهو من صورة الملحد و خلت الناس تنفر من شي اسمو الحاد ,,,و بدي اعطيك مثال عن المجتمع العقائدي الشيوعي ,,, ب كمبوديا و قت استلم الخمير الحمر الشيوعيين السلطة ,,قتلو اكتر من مليونيين شخص خلال تلات سنيين ,,,لك حتى لما جبرو الناس تترك اعمالها و صناعاتها و خلوها تشتغل بالزراعة بالقوة ,,,كانت دوريا الخمير الحمر تمشي بين المزارع "يلي هي ملكية عامة " و تقتل كل مين عم يستريح او قاعد من دون شغل ,,,,,طيب ممكن تقلي انو انا جبت اسؤا مثال عن الشيوعية ..لأ ..بالأتحاد السوفيتي و الصين و كوبا كمان كتير صار قمع و تصفية و اضطهاد ...يعني انت وقت بتمنع الأنسان انو يتملك بتكون حرمتو من واحد من اهم حقوقو ,,و لما بتمنع نظام السوق المفتوح بتكون مارست الأحتكار بأسؤا اشكالو ,,و لما بتعطي للناس ادوار لازم تمارسها مو لرفع مستوى المعيشي الشخصي ,,لأ لرفع مستوى الجيش و المؤسّسات الحكومية التانية ,,بتكون عم تجوع الشعب على حساب غنى المؤسّسات الحكومية ...ثانيا عم تقلي انو الأنسان مظلوم بالمجتمعات الليبرالية !! طيب خلينا نعتبر امريكا و اوروبا مجتمعات ليبرالية ( مع اني بشوف قسم منها ليبرالي مو المجتمع كلو ) ...بتعرف انو الدولة مسؤولة على رعايتك الصحية و ومسؤولة عن تأمين كل حاجاتك من سكن او تعليم و عمل ,,او حتى مساعدات اجتماعية اذا كنت عاطل عن العمل ,,,و مساعدة اجتماعية وحدة خلال شهر بيطلع قد ما بتقبض خلال سنة اذا اشتغت بأفضل بلد شيوعي او اشتراكي ...لهيك ما تقلي انو الأنسان هنيك مظلوم ,,,الليبرالية بتقدس الأنسان و بتسخر كل مؤسّسّات الدولة لخدمتو ,,,بينما المجتمعات الشيوعية بتقدس المؤسّسات الحكومية و بتسخر الأنسان لتقويتها !!

أكيد الشيوعية عدوت الرأسماليين

بس لازم تعرف نقطة , الدولة الشيوعية لليوم ما اطبقت , لهيك لا تحكم على شو عملوا , احكم على الفكر الشيوعي الأصلي

ثانياً الشيوعية لا تمنع أحد من ممارسة حرفته أو هوايته في عمله , وبكونوا كلهم في الدولة أخوة والكل بكمل الثاني وقيمة الزبال في المجتمع بتكون نفس قيمة الدكتور , لإنوا الزبال بساعد الدكتور ليلم زبلوا والدكتور بساعدوا ليداوية , لهيك كلهم بكونوا اسرة وحدة بعيداً عن الكبرياء وعلاوة النفس .

ثالث شئ يلي عندوا القدرة إنوا يشتغل وما بشتغل ليش ليعيش وياكل ويشرب على حساب الحكومة , لو صار هيك الكل بحكي أقعد في بيتي وبلا من هالشغل ما هيني باكل من عرق الفقراء والكادحين يلي بشتغلوا , الكل بشتغل ويلي ما بشتغل ما بلزم , والانسان الشيوعي بفضل الشغل عن أي شئ

أحكيلك شغلة الإنسان الشيوعي بحب الخير لغيروا ولوطنوا قبل نفسوا , وبالعكس ما بكون مدايق لو عمل شو ما عمل , كلوا بعتبروا عمل , والشي يلي عندوا خبرة أو هواية فيه راح يمارسوا بكل حريتوا

واحنا هون عزيزي أرجوك ما بدنا نخرج عن سياق الموضوع خلينا بالليبرالية والشيوعية جايها الدور

أما بالنسبة لمصاريف العلاج والتعليم والمستشفيات فأكيد شي منيح بالليبرالية يلي موجودة بالشيوعية فكل شئ ملك الشعب ومجانا , وممنوع تدرس وتشتغل لازم تفرغ وقتك للشغل وبعد ما تخلص دراسة تشتغل , واكيد ما في فرق بين الشاب والبنت. , الشيوعي بسعى ليعمر وطنوا وبثق في حكومتوا , وبكون مبسوط وهو بعمل هيك , ما بهموا المال وبس زي الليبرالي والرأسمالي

اقتباس:
مشان نقطة ,,الليبرالية بتدعي لمجتمع منحل اخلاقيا ,,,هون بتشوف الفرق بين العقائدي و غير العقائدي ,,,العقائدي هو يلي بيتدخل لتعريف الأخلاق و فرضها عن الناس بينما غير العقائدي هو يلي بيترك للناس الحرية لتبني افكاراها و قناعاتها الخاصة ,,,و هاد شي مو غلط و ما فينك تقول انو هي دعوة للفساد ,,,لأ ,,,لما بكون بالمجتمع قوانيين عادلة بتطبق عالكل ,,,معلش خلي الناس تآمن بأي شي بتريدو ,,,هدا مو واجب اي شخص يحدد شو هو الأخلاقي و شو هو غير الأخلاقي ....صحيح مشان ايقاف انتشار السالح النووي و ليش ما منعوا اسرائيل من امتلاك السلاح النووي ,,,,اتحاد الأحزاب الليبرالية العالمي يلي بيضم اهم الأحزاب الليبرالية حول العالم ,,بكل اجتماعاتو و بياناتو بيطالب ب شرق اوسط خالي من السلاح النووي ,,,يعني متل مطالب العرب تماما !!


برجع و بقول ,,ما من حق اي شخص يفرض ما هو الأخلاقي و ما هو غير الأخلاقي على مجتمع كامل.. لأنو هيك المجتمع هاد رح يصير من لون واحد و طعم واحد و رح تنحل الحريات الفردية لصالح الفكر المتسلط و المستبد
أول شي حرية الإنسان الشيوعي بين ايدية , بأنوا يسكر يزني ( ينام مع البنت يلي بحبها ) ما ينام مع شاب , الحشيش والمخدرات ممنوعات لإنوا شئ غير أخلاقي وبعمل ادمان وفساد للمجتمع , لهيك في حدود للأخلاق , وطبعا تنتهي حريتي عند بدء حريات الأخرين , لهيك المجمتع الشيوعي ما بحكيلك صلي ولا صوم ولا بحكيلك لا تشرب وحرام وحلال , لاء في ضوابط للإنسان ليكون سليم ويكون انسان مثالي ناجح , وأكيد لازم الكل يأمن انوا الشي لزيادة عن حدوا غلط

أما بلنسبة يلي بطالبوا فهم قلة , ولا يسمع صوتهم إلا نادراً , واسرائيل أكيد مطنشة وبتحكي طز , وما في محاكمات لإلها لا على جرائم ولا على عدم تنفيذ الأوامر , ومادام أمريكا بدها اسرائيل فلازم الكل يحكي بدوا اسرائيل , واحنا ما بدنا سلام مع الإحتلال بدنا يرجع وطنا فلسطين لإلنا , ولا مش من حقنا كمان ؟! , لازم كل شخص في العالم ياخذ حريتوا ووطنوا وما في ناس أحسن من ناس ( هيك الشيوعية بتحكي )

مشكلتك بتعتبر اليسار نفس اليمين والأديان , اليسار عدو الدين , لإنوا معروف الدين رأسمالي من الدرجة الأولى .

ويلي بحكموا الدولة الشيوعية هما من أفضل الأشخاص , ما بتصير بالواسطة والكذب , تحت ظل الإنتخابات الديمقراطية , عمر الإنتخابات ما بتحط الرجل المناسب بالرجل المناسب إلا ما ندر

وتحياتي لإلك
والاختلاف بالرأي لا يفسد الود بكل تأكيد




  رد مع اقتباس
قديم 04/09/2009   #21
شب و شيخ الشباب الشعله الحمراء
شبه عضو
-- اخ حرٍك --
 
الصورة الرمزية لـ الشعله الحمراء
الشعله الحمراء is offline
 
نورنا ب:
Feb 2008
مشاركات:
51

افتراضي


اقتباس:
كاتب النص الأصلي : suryoyo عرض المشاركة
عزيزي انت ... من تدرس مبدأ .. لازم تقارنو بمبدأ .. . و من تقارن واقع .. لازم تقارنو بواقع

يعني الديمقراطية كمبدأ هي جكم الشعب ... لكن اسس التطبيق في الحالة الي طيقتها كانت فاشلة
و طريقة تطبيقها كان تحويلها الى اداة الى فرض الرأي ..

أكيد المبدأ مبدأ والواقع واقع , بس أنا ببينلوا إنوا التطبيق عكس الواقع الموجود .
الديمقراطية حكم المرئوس المنتخب من قبل الشعب , وممكن ينتخبوه بالواسطة أو بضحك على الناس بفلوسوا أو بمشاريع كذاب, وللأسف الشي لمنيح منها ما بطبق , وكلوا بستغلوا لمصالح شخصية .

اقتباس:
يعني الغاء الحرية الشخصية ... تعني مجتمع محافظ ؟؟
أنا ضد إلغاء الحرية وضد اعطاء الحرية المطلقة , ولكني أقول أن الحرية أسمى ما يملك الإنسان , في اختيار فكره ودينه وحياته ووطنه وممارسة حياته اليومية كما يريد , ولكن كما قلت تنتهي حريتك عندما تبدأ حريات الأخرين
وأنا ضد المجتمع المحافظ بكل تأكيد

اقتباس:
ما دخل سياسة اميركا بالموضوع ؟

انت موضوعك اساسا عن المبادئ ... لا عن سياسة حكومة فلان..

أكيد كلامنا عن المبادئ , بس لازم الواقع ياخذ شي , يعني بكفينا حكي مثالي ولا شو رايك , خلينا نقارن الواقع بالمبدأ

اقتباس:
قبل ما نسأل ماذا عمل الاخرين لنا .. ماذا عملنا نحن ؟

على الاقل المجتمع الليبرالي استقبل الناس من كل الارض و اعطاهم الاموال و الاعانات .. و الجنسيات و حقوق لا يحلمو فيها في وطنهم (و نعرف هذه ليست راسمالية بحتة)

على الاقل بنوا قانون فوق الجميع تماما ...
نحن مقيدين بالدين الإسلامي , ونحتاج لثورة لنتحرر من هذا الفكر القديم

وأنا شخصياً يعجبني ما قلت عن المجتمع الليبرالي

اقتباس:
انا لست ليبراليا .. لكن معجب بكثير امور اقرها الليبراليون ... منها مبادئ اشتراكية قدروا على ادخالها الى المجتمع

فــ خلينا نتناقش في المبادئ ... و طرق التطبيق
لان ما رح نعرف الحل اذا ما عرفنا وين المشكلة


بالمناسبة اليسار لا يعني الالحاد ...
و الليبرالية انبثقت من جناح اليسار .. لا اليمين
وأهلين بيك

وخلينا نعرف وين المشكلة وبتمنا نشاط من الجميع أكثر من هيك , والكل يعطي رأيوا

نورت خيا , خلينا نشوفك دايماً هون
  رد مع اقتباس
قديم 04/09/2009   #22
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي


بشكل عام الليبرالية دايما مكانها الوسط بالمفهوم السياسي و الأقتصادي الرائج بأيامنا هي ...و يمكن تميل لليسار او لليمين شوي .بس بتبقى ضمن الوسط ,,و الميلان هاد بالأتجاهين ناتج عن انو الليبرالية ليست فكر واحد ..لأ عدة افكار و تيارات معظمها بتتشارك بالمبادئ يلي بتشكل قلب الليبرالية بس بتختلف عن بعضها بفهمها للأقتصاد ..مع انو فهم الليبرالية جدا سهل ..بس دور الدولة بتنظيم الأقتصاد كان مصدر خلاف عند الليبرالييين ..بالوقت يلي كان الليبراليين الكلاسيكيين او المحافظيين او ليبراليين اليمين الوسط بيعتبرو انو الدولة ما لازم تتدخل بالأقتصاد غير بحالات كتير طارئة و فقد لتجنب شي اسمو الفقر المطلق ..يعني ما بيضر بالنسبة الون انو يكون في فئة فقيرة بالمجتمع و في فارق اجتماعي في سبيل الحفاظ على المفهوم الليبرالي القديم يلي بيدعي للحرية المطلقة ..و الأفكار هي شافت مين يساندها من احزاب متل حزب الشعب للحريات و الديمقراطية الألماني يلي بتشوف انو الدولة ما لازم تتدخل بالأقتصاد غير عند اقصى ضرورة ..و ممكن يتصنف معون الرئيس ريغن و رئيسة الوزراء البريطانية تاتشر يلي شكلو مفهوم جديد لليبرالية المحافظة و البعض بسميهم اليبراليين الجدد .....على اي حال ..الليبرالية المنتشرة اليوم بشكلها الناجح و القابل للتطبيق على الأرض الواقع هي الليبرالية اليسارية او الحديثة او حتى بيسموها الليبرالية الأشتراكية ,,و يلي بيعتنقها اقوى الأحزاب و المنظمات الليبرالية العالمية ,,و هي بتختلف عن الليبرالية المحافظة من ناحية الأقتصاد بحيث بشوفو الليبراليين اليساريين انو لازم يكون للدولة دور قوي للتحكم بالأقتصاد لهدف واحد هو عدم خلق فجوة اقتصادية بين طبقات الشعب ..يعني تقليل الفوارق الطبقية ..بس من دون الوصول لمجتمع اشتراكي ...يعني التحكم بالأقتصاد بيكون لمنع الفقر عن شريحة من الشعب , ما بيكون لرسم سياسات اقتصادية بتساوي بين طبقات الشعب متل ما بتدعي الأشتراكية .لهيك سموهون ليبراليين يساريين بس يساريتون ما بتوصل ابدا للأشتراكية ,,يعني محصوريين باليسار الوسط ...انا برأيي انو النمط هاد من الليبرالية هو النمط الواجب اتباعو و هو النمط الأنجح ....ما حدا يفهم انو الفارق كتيير كبير من جناحين الليبرالية ,,انا بس ذكرت الفوارق بين التنيين ,,بس الشي يلي بيجمعون كمان كبير كتير من جهة تانية ...يعني متل ما قال سوريويو الليبرالية المايلة لليسار هي ليبرالية قابلة للتطبيق و عندها مبادئ و افكار بتسمحلها الحفاظ على حريات الفردية و المساواة و العدل ..بس من دون ما تلغي دور الدولة بالتدخل بالأقتصاد لتصحيح اي اعوجاج ...و اليسار الوسط بعمرو ما كان بيعني اشتراكية .

That is not Dead which Can Eternal Lie And With Strange Aeons even Death may Die

لا ميتاً ما قادراً يتبقى سِِِِِِِِِِر مدى فإذا يجئ الشذاذ الموت قد ينتهي



Who Sacrifices The Social Liberties For The National Security Deserves Neither  
  رد مع اقتباس
قديم 04/09/2009   #23
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي


ذكرت الشي هاد ردا على كلام صديقنا الشعلة الحمرا يلي حكم مباشرة اني ليبرالي متشدد ..و كلمة ليبرالي متشدد ما بتنفهم غير ليبرالي محافظ بيدعي لأبعاد الدولة عن الأقتصاد.بشكل كامل حتى ولو كلف الشي هاد وجود طبق فقيرة بالمجتمع ..لأ ,,بشوف انا انو ليبرالية يسار الوسط هي الأنسب...طبعا من دون اهمال حقيقة مهمة ,,هي انو الأفكار الليبرالية دايما بتطور من نظرياتها و آلياتها و الأحزاب الليبرالية ابدا مانها جامدة ..يعني التذبذب بين اليمين و اليسار ضمن الوسط هو الية مرحلية لمواجهة اوضاع معينة بدول معينة ,,يعني كلنا الأيام هي عم نشوف النزاع بالمجتمع الأمريكي بشأن قانون الرعاية الصحية و اتهام اوباما بتحويل امريكا لمجتمع اشتراكي ..بسبب القانون الجديد يلي بيخلي الدولة تتدخل بمنظومة الرعاية الصحية لحد كبير ,,,هيك الليبرالي الديمقراطي صار يتهم بالأشتراكية ...طبعا هاد اتهام باطل ,,بس ذكرت الشي هاد لأعطي مثال كيف الليبرالية بتتذبذب بين اليمين و اليسار الوسط ,,يعني الحزب الديمقراطي الأمريكي يلي يعتبر ليبرالي اعطى رئيس ليبرالي يميني وقت الحاجة كانت بدها رئيس متل ريغن ...و هلئ اعطت رئيس ليبرالي يساري هو اوباما لأنو الحاجة هلئ صار بدها هيك رئيس ....و المرونة هي للحزب الديمقراطي هي يلي انقذت الحزب بعد ابتعادو عن السلطة لصالح الجمهوريين عدة سنوات .
  رد مع اقتباس
قديم 04/09/2009   #24
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي


و نفس الشي ببريطانية ..الليبراليين هلئ معظمهم بيميل لليسار الوسط ,,بالوقت يلي كانت تاتشر الليبرالية البريطانية بوقت من الأوقات من الليبراليين المحافظين ,,,يعني هنيك الليبراليين اعطو نوعين ,,طبعا حسب الحاجة شو بتطلب ....اسف اذا كل كلامي كان عن الليبرالية الغربية ...حابب انقل النقاش شوي لنحكي عن الليبرالية و امكانية تطبيقها بعالمنا لعربي و مجتمعنا السوري بشكل خاص ,,بغض النظ عن الأقتصاد ...مبادئ الليبرالية عن المساواة و الديمقراطية و الحريات الفردية هي اكتر ما بيحتاجو مواطنا السوري ..يعني السجال الصاير بالغرب بين الليبرالية المحافظة و الليبرالية اليسارية الحديثة ما لازم يتطبق عنا بسوريا لأنو نحنا بالأصل ما وصلنا لأهم مبادئ الليبرالية و ابسطها يلي الغرب وصلها من زمان ,,طبعا بقصد هون ,,,الحريات و المساواة و الأستيعاب ,,يعني ك ليبراليين سوريين ..مو من واجبنا اعطاء تصور اقتصادي مفصل لسوريا ,,,لأنو بالأول لازم نسعى لتطبيق المبادئ الأساسية لليبرالية قبل ما نحكي عن الأقتصاد ,,و حتى قبل المبادئ الأساسية ,,لازم بالأول نناضل مشان مساجين الضمير يطلعو من السجن و الازم نناضل من اجل ايقاف قانون الطوارئ ,,بعدين ,,منجي لنناضل مشان المبادئ الأساسية لليبرالية ,,,يعني الطريق طويل كتير قدامنا ....بس ..اهم شي لازم نمشي بالطريق ...و مو مهم الوقت المهم انو نبدأ نمشي بالطريق هاد
  رد مع اقتباس
قديم 07/09/2009   #25
شب و شيخ الشباب جاد81
عضو
-- قبضاي --
 
الصورة الرمزية لـ جاد81
جاد81 is offline
 
نورنا ب:
Dec 2008
المطرح:
lebanon
مشاركات:
706

افتراضي


أنا كرجل علماني أحترم الإنسان كقيمة خلاقة و خيرة....لي أفكاري التي بنقاءها أحوذ على إحترام الآخرين و أحترم ما لدى الآخرين....لا أنكر وجود أحد....لكني أبحث عن منظومة إنسانية ترتقي بالإنسان للأعلى...و هذا البحث يتطلب منى عمل فكري حر َّ ...لذا أحاول البحث في الفكر الإنساني بشكل عام....

انظري خيط الدم ِ القاني على الأرض ، هنا مرَّ ، هنا انفقأت تحت خطى الجند عيون الماء و استلقت على التربة قامات السنابل
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 16:00 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.10626 seconds with 14 queries