حزب الله .. و مصر

[jovia]

يعني ازا كان الخائن مبارك بياخد جرعات دم يهودي حاقد كل فترة شو بدو يطلع منو آآآآآآآآه لك من اول ما اجى على هالكرسي ما طلع منو شي الا بعد ما ياخد الرضى والبركات من امريكا و اسرائيل أأأأأأأأخ ياما نفسي شوف دمو مهدور لحتى فش غلي فيه بس والله ما حاشبع من دمو عم يسبح بالاراضي

[Nihal Atsiz]

كاتب النص الأصلي : باشق مجروح

لا يا عيوني ..
حماس وحيدة في مواجهة اسرائيل وحزب الله قدم لها المساعدة عبر اراضي مصر ولم يقدم سلاح لاي طرف مصري . ولكن ليس له الا هذا المنفذ البري الوحيد للوصول والمساعدة بما تمكن من المساعدة بعد مشاركة مصر في حصار غزة الاخير . هذا هو فقط حجم الموضوع . تقديم سلاح لمحاربة اسرائيل . انا برأيي ان هذه ليست جريمة بل على العكس . وعلى كل حال مصر عملت على تأليف فيلم هوليودي لسناريو انقلابي يسعى الى تنفيذه لبناني وحيد في رفح المصرية .

نعود و نقول مصر دولة ذات سيادة و لا يجوز تهريب اسلحة الى ارضها من دون علم السلطات الرسمية ولا يوجد دولة بالعالم تقبل بذلك, بعدين لا تنسى انو هناك اتفاقية سلام موقعة بين مصر و اسرائيل يعني لا يجوز لأي منهما ان يزعزع الاستقرار في ارض الاخرى , يعني حتى لو ما كنت بتعترف باسرائيل او بهالاتفاقية هادا هو الواقع و حاجتنا عنتريات.

وموضوع سوريا لم يفتحه احد في هذا النقاش سواك . ولو كان مثلاً النظام في سوريا يمنع المساعدة لحزب الله اللبناني وقامت حماس بتهريب الاسلحة له عبر سوريا لكان موقفي هو نفسه .

انت قلت انو سوريا تمنع تهريب الاسلحة عبر حدودها

كاتب النص الأصلي : باشق مجروح

نعم سوريا ايضاً تمنع تمرير الاسلحة عبر اراضيها ولها تحالفات تكتيكية للضغط من اجل السلام خارج اراضيها ارى ان بامكاننا التمييز بين ما هو صحيح وما هو خطأ ان كنا لا نتعصب لأي موقف

بالله عليك , تتقبل بأن النظام السوري اللي عم يدعي المقاومة و الصمود يمنع تمرير الأسلحة أو أي شيء آخر من القنيطرة السورية الى جزء محتل من ارضه ( الجولان ) أي من أرضه الى أرضه بواسطة شعبه, ثم نأتي و نتهجم على النظام المصري الذي لم يدعي يوما الممانعة و الصمود ويرتبط باتفاقية سلام مع اسرائيل , بحجة أنه منع مجموعة مسلحة غير مصرية من تمرير السلاح من مصر الى أرض غير مصرية ( غزة ) من دون علم السلطات المصرية!!!
كيف عم تزبط معكن هي؟؟؟

[باشق مجروح]

لك عيوني انا قلت بالمختصر انو مو لأنو الحدث حصل بمكان غير بلدي أو بالتحديد لأنو صار بمصر انا اخذت هالموقف لأ بالعكس . انا مع دعم المقاومة ضد الاحتلال بأي وسيلة ممكنة . كثير من ثوار العالم بعد نجاحهم بتحقيق نجاحات قدموا العون لبعضهم البعض والامثلة كثيرة في اميركا اللاتينية . حركات المقاومة ضد الاحتلال الذي لم يختلف احد نا على تسميته بهذا الاسم لديها هدف واحد وبتعاونها تستطيع ان توحد جهودها لتحقيق هذا الهدف . خلافي معك اخي بقضية انني لا اعتبر ما قام بفعله الحزب في مصر جريمة بل هو عمل وطني شجاع و لتفعل مصر الآن ما شاءت .. بالمناسبة مصر لم تتهم الحزب بتمرير اسلحة عبر حدودها لأنها تعلم ان هذا لا يمكن ان يكون دافع لاعتقال الاشخاص والتنكيل بهم ولن يعطيها اي دعم شعبي بل راحت الى تسويق أكاذيب هوليودية عن قلب النظام . لذلك اصبح الحديث عن مؤامرة حقيقة تحاك ضد الحزب وليس عن مجرد تمرير أسلحة عبر حدود مصر ازعج سيادة السلطات المصرية و زعزع أمن اسرائيل على حد تعبيرك .

[sona78]

كاتب النص الأصلي : Nihal Atsiz

انت قلت انو سوريا تمنع تهريب الاسلحة عبر حدودها




بالله عليك , تتقبل بأن النظام السوري اللي عم يدعي المقاومة و الصمود يمنع تمرير الأسلحة أو أي شيء آخر من القنيطرة السورية الى جزء محتل من ارضه ( الجولان ) أي من أرضه الى أرضه بواسطة شعبه, ثم نأتي و نتهجم على النظام المصري الذي لم يدعي يوما الممانعة و الصمود ويرتبط باتفاقية سلام مع اسرائيل , بحجة أنه منع مجموعة مسلحة غير مصرية من تمرير السلاح من مصر الى أرض غير مصرية ( غزة ) من دون علم السلطات المصرية!!!
كيف عم تزبط معكن هي؟؟؟

ليك خيو
يعني صرعتونا بشغلة السيادة وما السيادة
يعني ع اساس انو كل الدول العربية هيي صاحبة السيادة الوحيدة على اراضيها
يعني من اخرو واختصارا للت والعجن
لما بدها تصير السيادة وحقوقها تعني قتل شعب ببطى عن طريق الحصار والمساعدة على قتلو بسرعة بحيث ما يدافع عن نفسو .. فيعني طز بهيك سيادة وبلي بيخاف عليها سواء من سورية ولا من مصر ولا من غيرون ..
لعتو نفسنا بقصة السيادة انو ما بيصير التهريب ..
ليك يا خالتو طالما في تهريب ( بكل اشكالو المنظم من قبل الدولة وغير المنظم ) فما رح كون يوما ما ضد تهريب السلاح لاسم قضية انسانية ووطنية اسمها فلسطين ورح يضلل هيك وسواء هيدا اخترق السيادة او اخترق شي تاني فما في داعي لطق الحنك
مصر وتصرفها الوقح ضد غزة ما بيبررو لا سيادة ولا غيرو ... ولما مات مصريين نتيجة قصف اسرائيلي ( خطا ) ما طلع مبارك بطلتو البهية وقال انو هيدا اختراق .. ولا هون بيسد بوزو ما عاد بيحكي
تقلي مقارنة بين سورية ومصر؟؟ ليك يا عيوني ما حدا قال انو النظام السوري هوي المنزل من السما .. والحمد الله جهودو بالجولان تكللت بالنجاح بحيث ما عاد في شي اسمو مقاومة فعالة بالجولان بحيث انو يساعدها حزب الله ويدعمها .. بس صدقني انو اليوم قبل بكرا لو صار وتشكل بالجولان مقاومة مسلحة ضد الاسرائيليين فاكيد الدعم الها من شان تهريب الاسلحة رح يضل نفسو ما رح يتغير ولا بيهمني لا سيادة السلطة السورية ولا هالحكي الفاضي .. بس يعني لا يضر انو نقارن الحالة السورية مع حزب الله خلال حرب لبنان الاخيرة مع الوضع المصري مع فلسطين بالحرب الاخيرة .. شي بيقرف ياه
طالما بمصر السلام والوئام يظلل سيناء من اكتر ممن 30 سنة وطالما غزة ما الها حدود غير مع مصر واسرائيل وطالما الحكومة المصريية تعتبر كلاب بوليسية رح ضل ايد انو ينخرق هيك نظام وهيك سيادة لانها هون هيي عبارة بس عن كلام باطل لا مشروع ولا غيرو

الله يبارك للحكومات السورية والمصرية وغيرها من هالحكومات باشخاص متلكون يشرعو يلي بدها ياه ويشجبو يلي بدها ياه .... ويقلل من امثالكون

[Nihal Atsiz]

كاتب النص الأصلي : باشق مجروح

انا مع دعم المقاومة ضد الاحتلال بأي وسيلة ممكنة ..

يمكن هون نقطة الخلاف, يعني بصير ندعم المقاومة لكن ليس بشكل مطلق فهناك أمن واستقرار ومصالح الدول الأخرى يجب أخذها بالحسبان و بعين الاعتبار.
بعدين اذا قرأنا تقرير هيومان رايتس ووتش الأخير عن حماس

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

واحدنا بطرح أسئلة استفهام حول دعم هذه ((المقاومة)) بأي وسيلة ممكنة.

تحياتي

[باشق مجروح]

منظمة متل هيومان رايتس ووش اتهمت حزب الله وقت حرب لبنان بالتقصد باستهداف مدنيين اسرائيليين ووجهت عتب للجيش الاسرائيلي على ضعف تقنية التمييز بين المدنيين والعسكريين . اي فشل تقني عند الجيش في احدى التقارير الصادرة عن المنظمة وقت الحرب على لبنان .
يعني الغزل الدائم للمنظمة لاسرائيل وازدواجية المعايير عندها ومساواتها الدائمة بين الضحية والجلاد و بكل الحالات عدم استقلالية قرارها بيطرح مليون تساؤل على شفافيتها ومصداقيتها .
لست هنا بصدد تبرئة حماس من اي تهمة في تصفية خصوم سياسيين أو لا . الذي اعلمه ان حماس تحارب الكيان الصهيوني الموجود على ارض فلسطين المحتلة وهذا هدف كثير من حركات المقاومة التي تود ان توحد جهودها في مواجهة هذا الكيان ولا أجد أي مانع من مساعدتهم لبعض . بل على العكس من ذلك هو عمل شجاع وجرئ وقوي .
و تحية محبة

[Nihal Atsiz]

كاتب النص الأصلي : باشق مجروح

منظمة متل هيومان رايتس ووش اتهمت حزب الله وقت حرب لبنان بالتقصد باستهداف مدنيين اسرائيليين ووجهت عتب للجيش الاسرائيلي على ضعف تقنية التمييز بين المدنيين والعسكريين . اي فشل تقني عند الجيش في احدى التقارير الصادرة عن المنظمة وقت الحرب على لبنان .
يعني الغزل الدائم للمنظمة لاسرائيل وازدواجية المعايير عندها ومساواتها الدائمة بين الضحية والجلاد و بكل الحالات عدم استقلالية قرارها بيطرح مليون تساؤل على شفافيتها ومصداقيتها .

هالكلام مو دقيق كتير, يعني اذا قرأنا التقرير التالي للمنظمة بنلاقي:

Human Rights Watch researchers have been in Lebanon since the onset of the current hostilities and have documented dozens of cases in which Israeli forces have carried out indiscriminate attacks against civilians while in their homes or traveling on roads to flee the fighting. A report of these findings and their legal consequences will be issued later this week.
Human Rights Watch has also documented Hezbollah’s deliberate and indiscriminate firing of Katyusha rockets into civilian areas in Israel, resulting in 18 civilian deaths to date. These serious violations of international humanitarian law are also war crimes.

يعني أولا اتهمت اسرائيل ووثقت عشرات الحالات حول حول قتل مدنيين آمنين في بيوتهم او في الطرق هربا من القتال واذا بتقرا بأول التقرير رح تجد انو المنظمة وصفت القصف العشوائي الاسرائيلي بكل صراحة جريمة حرب, وبنفس الوقت كمان اتهمت حزب الله بالقصف العشوائي للمدنيين الاسرائيلين.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

لذلم انا ماني شايف اي تحيز لاسرائيل ضد حزب الله ومن المعروف انو حزب الله قتل مدنيين خلال الحرب من بيناتهن طفلين فلسطينين, بس شغلة انو متعمد او لا أنا ما عندي تعليق



لست هنا بصدد تبرئة حماس من اي تهمة في تصفية خصوم سياسيين أو لا . الذي اعلمه ان حماس تحارب الكيان الصهيوني الموجود على ارض فلسطين المحتلة وهذا هدف كثير من حركات المقاومة التي تود ان توحد جهودها في مواجهة هذا الكيان ولا أجد أي مانع من مساعدتهم لبعض . بل على العكس من ذلك هو عمل شجاع وجرئ وقوي .

يعني بشكل عام ممكن بس مو دائما بصير هالحكي يعني مثلا عندك منظمة القاعدة بالعراق عم تقول انها تسعى لطرد (الاحتلال الامريكي) , بس هادا لا يعتبر عمل شجاع جريء قوي لأنو كلنا بنعرف القاعدة شوهي, وبنفس الوقت بنعرف حماس شو هي.

و تحية محبة

ومني ايضا

[باشق مجروح]

لأ صديقي باحد تقارير المنظمة اثناء حرب لبنان وردت كلمة ( فشل تقني اسرائيلي ) و ( استهداف مقصود للمدنيين الاسرائيليين ) وانا ارى بهالحكي تحيز كبير .
على كل الثقة بالمنظمات الدولية اصبحت شبه معدومة عدا عن عدم جدوى تقاريرها الي ماننا بصدد النقاش فيها .
الموضوع باختصار من جهتي كالآتي :
حماس ممثل شرعي للشعب الفلسطيني .. حماس حركة مقاومة .. اسرائيل شنت حرب على قطاع غزة وحركة حماس كانت عم تتصدى لهالعدوان بالوقت الي سكرت مصر حدودها مع القطاع وكان القطاع ينزف بحاجة ع الاقل لمؤونات ليبقى سكانو على قيد الحياة وكانت اسرائيل تتعاطف اكتر من مصر . برأيي موقف مصر بالحرب على غزة عار ملتصق بجبين النظام الحاكم في مصر للأبد .
حزب الله حركة مقاومة قامت بتحقيق ما عجزت جيوش عربية على تحقيقه طول تاريخها . وحركة هالمقاومة برأيي شريفة . وما قبلت ان تبقى حركة حماس وحيدة في هذا الصراع وسط التواطئ والسكوت العالمي ودعم الجلاد ومنع الضحية من الدفاع عن نفسها حتى ( علماً ان هذا حق مشروع بالقانون الدولي ) وقام حزب الله ببساطة بايصال سلاح لهالحركة للمساعدة بالمقاومة ضد اسرائيل ..
ومن كم يوم عجبني مقال لكاتب مصري بيتسائل ليش كان مصير خلية التجسس الاسرائيلية بمصر سجن لسنين و لم يتم بعد صدور قرار عفو من حسني مبارك واستقبل رئيس الشبكة في اسرائيل استقبال الابطال . وهنا عندما يصبح الحديث عن حزب الله يصبح النظام المصري كالمسعور موظفاً كل طاقاته وكل اعوانه في مهاجمة حزب الله وتلفيق الاكاذيب حوله ..

صدقني انا ما بحكي تنزيه لاي طرف او حركة من الاخطاء . بس انا هي قرائتي للواقع . ما بشوف الحكومة المصرية الا عم تستخدم هالقضية بتصفية حسابات مو اكتر . وبشوف حماس ممثل شرعي ومقاوم وما ثبتت ضدو ممارسات ارهابية وبشوف حزب الله كذلك . ومحاولة مساعدة حركات المقاومة الوطنية الحقيقية بمنظوري يجب ان تقابل بالاحترام والتقدير ..
وتحية اخرى

[Nihal Atsiz]

رأيك واضح ووصل, ورأيي كمان بظنوا واضح, والاختلاف للرأي لا يفسد للود قضية
سلام

[jovia]

والله ما عندي كلام غير اني قول الله مع اصحاب الحئ وانشالله من نصر لنصر اكبر

[marochka]

بس بقدر أفهك ليش مصر بيحقلا تبعت مخابراتا على لبنان لمساعدة مهرجي 14 آذار على التوصل إلى معلومات تؤدي إلى اغتيال السيد نصر الله أو ضرب المقاومة؟

[marochka]

ليش أخي ما فينا نساعد حزب الله أو إيران أو العفاريت الزرق حتى على ضرب اسرائيل وبعدين منبقى منختلف معهن عقائدياً ومذهبياً واجتماعياً وأيا إياً بدكن ياها!. وبعدين أنو لحتى ما تنضرب بيروت لازم الجنوب يضل محروق سلّافه؟
أنو العرب ما فاقو على خطر إيران على التفاهة العربية إلا لما صارت تشكل خطر على اسرائيل؟؟؟
أنا بحياتي ما كنت حب الإيرانيين وخصوصاً لما يعبو الأسواق بالشام متل الغمامة السودا، بس الحق يقال ما فيك إلا تحترم التقدم التقني والعلمي والاعتماد على الذات اللي عم يحققوه وعم يفرضو احترامهن على العالم حتى اللي ما بيهضمن

[marochka]

أنا طول عمري بتزاول من رجال الدين (من كل الطوائف والمذاهب والأديان بدون استثناء) لأنهن بيشوهو الدين برأيي وبيستغلوه عن قصد أو عن غير قصد. بس يا عمي السيد حسن إلو كاريزما وهيبة غريبة يمكن لأنه أنا ما بسمعو كرجل دين بس كزعيم وطني بيحكي منطق واضح وإنساني.
بين قوسين (لو الفرنسيين خافو من دمار باريس يمكن فرنسا كانت بقيت محتلة لهلأ)
مظبوط حزب الله ألو أغلاط ويمكن بفترة من الفترات منع بطريقة أو بأخرى أي جهات تانية تقاوم بس في ضرورات بتبرر هالأشيا اللي بتبقى أصغر بكتير من الإنجازات اللي حققا.
واللي ما بدو إيران تدعم المقاومات العربية يدعموهن هني وما يتركو دور لإيران

[wile]

لك يا جماعة مشان شغلة تهريب السلاح من خلال الحدود السورية فغير ممكن أبدا شلون بدها توصل السلاح الغزة وما في معها حدود مشتركة؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
أما على الضفة ففيها خونة كتير ومافي أمان هنيك هي عدا عن نقاط التفتيش الإسرائيلية المنتشرة فمو ممكن إنه يفوت السلاح من الحدود السورية

[wile]

وبعدين مشان شغلة الإتفاقية بين مصر وإسرائيل
فهمنا إنه مصر ما بدها تزعزع إستقرار إسرائيل إيه يا أخي تمنع دخول السلاح مو تمنع دخول الأكل؟؟؟
وليش لتمنع العالم من الخروج من غزة؟؟؟؟
لك حتى الأنفاق بتدمرها (مع إنه كتير منها لتهريب الغذاء والدواء والإحتياجات الأساسية)ولا تقلي في إتفاقية على تدمير الأنفاق كمان

[Elephant And Castle]

كاتب النص الأصلي : wile

لك يا جماعة مشان شغلة تهريب السلاح من خلال الحدود السورية فغير ممكن أبدا شلون بدها توصل السلاح الغزة وما في معها حدود مشتركة؟؟؟؟؟؟� �ŸØŸØŸØŸØŸØŸØŸØŸØŸØŸØŸØŸØ� �؟؟؟؟؟؟؟؟
أما على الضفة ففيها خونة كتير ومافي أمان هنيك هي عدا عن نقاط التفتيش الإسرائيلية المنتشرة فمو ممكن إنه يفوت السلاح من الحدود السورية

هلئ حضرتك حكمت انو اهل الضفة خونة ...وكل تاريخ النضال برام الله و جنين و نابلس و الخليل و بيت لحم و القدس ,,كلو انمسح بضغطت كام زر من حضرتك ... يعني حضرتك عندك الكتيب يلي موجود فيه تعريف العمالة و ما حدا عندو ياه ..!! بكل بساطة ما فيني قول غير انك ملك المعايير و المقاييس بالعالم ,,,,كلو ..اي ..لأنو عندك القدرة انك تكشف الخونة تبعا للمعاييرك ..

[الأدهم]

شو عم يعملو حزب الله بمصر ؟؟؟؟؟؟؟؟سؤال يطرح نفسو.
اذا كانت نوايا نصر الله حسنه لماذا ارسل مرتزقته الى ارض مصر ؟
وليش بالبداية انكر انهم تابعين الو ؟ وليش بعدين اعترف انهن من حزب الله؟؟؟؟
خلينا واقعيين ونفكر بموضوعية انا ما بدافع عن مصر بس كمان نصر الله مو ملاك يعني هو رجل لدولة معروفة بالمنطقة وما بدها اتنين يحكو فيها والعداء بين مصر والدولة الداعمة لنصر الله معروفة لعدة اسباب
ولا يخطر في بالكم انو السبب ديني يعني تشيع وهالحكي المسألة اكبر من هيك الشغلة فيها مصالح ومواقع استراتيجية و خطوط دفاع عن اسرائيل وتهديد مصالح

[Natufian]

كاتب النص الأصلي : توم و جيري

اخي باشق ...
من العنوان الواحد بيقول شو جاب القرد ل بسم الله ....
في فرق ضخم بين نظام خائن متل النظام المصري ومقاومة متل حزب الله ..

كلامك صحيح

كاتب النص الأصلي : بنفسجة

بالنهاية برافو عالشاطر
اذا تنظيم صغير متل حزب الله قادر يزعزع نظام متجذر متل النظام المصري يلي بيدعي القوة والتفاف الشعب حولو فبرفعلون القبعة
بالتصريح الاخير للسيد حسن قال انو العنصر المعتقل هو من حزب الله وما نكر انما قال انو عم يحاول يفوت سلاح على غزة مش على مصر
وهيدي نقطة القوة بخطاب السيد حسن انو دايما صريح ومش مضطر يراوغ
انا براي اذا قدر حزب الله يتغلغل ليسقط اي نظام عربي اي نظام فبرافو عليه
مو على اساس الانظمة كلها عميلة ولازم نسقطها وبما انو نحنا مو شاطرين الا بطق الحنك ولما بيجد الجد بيصير الهريبة تلتين المرجلة فخلو حزب الله يحقق الاحلام المرجوة ولو كان جنجويد ومدري مين
عدينا كتير لوصلنا لمرحلة صار شغلتنا نعد قتلى ونتحسر بس

حزب الله "التنظيم الصغير" كما تصفه تسنطاع ان يزعزع اقوى نظام بالمنطقة (اسرائيل) و ليس فقط النظام المصري