أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > منتديات عامة > الصـــــــــــالون

إضافة موضوع جديد  إضافة رد
 
أدوات الموضوع
قديم 19/08/2009   #1
شب و شيخ الشباب VivaSyria
عضو
-- مستشــــــــــار --
 
الصورة الرمزية لـ VivaSyria
VivaSyria is offline
 
نورنا ب:
Jun 2008
المطرح:
في وطن تعب الناس فيه من الدعاء إلى الله
مشاركات:
2,166

افتراضي أنا لا أعبد الله...


نعم أنا لاأعبد الله لكنني لا أنكر وجوده...والفرق شاسع وسأحاول أن أحدد بعض النقاط التي أعتمدها حينما أفكر بموضوع الخالق أو المؤسس لهذا الكون...

لا أفسر العلاقة بين الله والبشر على أنها علاقة عبادة... لأنني لم أستطع فهم أن كياناً مؤسساً للكون أوجد كل هذه البشرية لعبادته فمفهوم العبادة هو مفهوم مفعم بالنرجسية والغرور وجنون العظمة... وكون طرق العبادة قد حصرها بعض البشر "الرسل!!" بالأديان فلاأستطيع اليوم أن أعتمد أي دين "من الموجودين على الساحة" كطريقة للتواصل مع "الخالق"... فكل دين اختص نفسه بالصحة والوكالة الحصرية للله والجنة وماشابه...
فكل الأديان توافقت على شروط أخلاقية معينة مع العلم أن بعضها تجاوز الأخلاق وشروط تأسيس مجتمعات سليمة من خلال بعض الإمتيازات التي قضتها الطبيعة الذكورية لمؤسسين الأديان... اما الأسس التي توافقت عليها الأديان وحتى غير الأديان التي تدعى "بالسماوية" منها كالبوذية والهندوسية فهي الفطرة البشرية التي يجب أن تكون الأساس الوحيد لحياة البشر...

فلا أستطيع مثلاً أن أفسر وجود البشرية منذ ملايين السنين وظهور أول دين من الأديان الذي يتخذها البعض أساساً لحياتهم منذ ثلاثة آلاف عام فقط... لا أستطيع أن أفهم أصحاب اللحى الذين اختصهم الخالق بقدرات خارقة على شرح طلباته للبشر..
ولا أستطيع أن أفهم بالأساس وجود هؤلاء الرسل والأنبياء الذين نقلوا رسالة من الله للبشرية... فعلاقتي بالله "كما أراها" لاتحتاج لسعاة بريد وعلاقته بي لاتحتاج لكتب ونصوص وتهديد ووعيد... علاقتي به تعتمد على مقياس وحيد هو الأخلاق الإنسانية...

الله كما أعرفه لايعلم كل شيئ.. نعم فهو لايعلم من سيتخذ منهجاً جيداً لحياته ومن سيخطأ ولو كان يعلم لما كان خلق السيئ من الأساس لأنه لايهتم بحضور مباراة بين البشر... وهو لايخفي نفسه عمداً عن البشر حتى يكفر البعض به فيتسلى بشويهم "يوم القيامة"

الله كما أعرفه ليس معقداً ولامجنوناً بجنون العظمة... لايريد للمخظئ أن يخطأ ليتلذذ بحرقه في نار أو تجميده في ثلاجة... هو بنظري أكبر من هذه الترهات فهو لايحتاج لعبادة أحد ولن تزيده أو تضره بشيئ هذه العبادة...

الله كما أعرفه أسس هذا الكون بطريقة ما وترك هذه الحياة لتأخذ مجراها دون تدخل منه.. لأنه لو تدخل مرة لوجب عليه التدخل كل مرة أو على الأقل أن يتدخل بكل حدث على تفس الشكل...

الله كما أعرفه لايحب محمداً أو عيسى أو موسى أكثر مني... فهو كما أفهمه لايمكن أن يركز تفكيره مع موسى وفرعون وكيف سيقتل فرعون موسى وكيف سينقذ موسى ويوحي لأمه بطريقة إنقاذه وينسى اليوم ملايين الأطفال الأفارقة تنهش الجوارح لحمهم وهم يأنون تحت الجوع والمرض..

والله كما أعرفه لم يرسل ملائكته ليدافعوا عن محمد وجيشه وينسى اليوم أطفال فلسطين والعراق دون ملائكة تحميهم من المجرمين... فإذا كانت المسألة مسألة النية ولإعداد فسيجد هذا "الإله" عشرين مناضلاً صادقاً في فلسطين يحتاجون فقط إلى بعض الملائكة ليدعموهم..

والله كما أعرفه لم يحد تفكيره وتفكيرنا بلباس المرأة أو طريقة عبادته أو الأكل الحلال والحرام...

الله كما أعرفه لايتدخل بسير الطبيعة والأمطار والرياح ولايتحمل مسؤولية المصائب التي تحذثها بحجة واهية مقيتة
أنه يعلم ما لانعلم... الله كما أعرفه لم يعتمد لغة ولادين بل اعتمد الأخلاق الإنسانية للتعامل مع البشر...

الله كما أعرفه لايحتاج لدور عبادة يرسم عليها هلال أو صليب أو نجمة ويصدح بداخلها أصوات وكلاء له يصرخون بنا ليعلموننا مايريد الله من خلال تكليفه الحصري لهم...لينتشر بعدهم مكلفون أًصغر يحملون سيف الجهاد ضد كل من لم يعجبهم تفكيره..

الله كما أعرفه مقياسه الوحيد هو الفطرة الانسانية التي خلق الانسان بها ولو صدقت الديانات لكان الله خلق ضمن الذاكرة الأساسية للإنسان بعضاً منها... كما تجهز الحاسبات بنظام "BIOS"...

الله كما أعرفه لم يقل يوماً لأحد لهم الدنيا ولكم الآخرة.. ولم يترك شعوباً كسولة كالشعوب العربية فرحت بالأديان لإتكاليتها وتخلفها... فتركت الأخرين "الغرب الكافر" يعملون ويطورون ويحسنون ويبتكرون ويخترعون وجلست هي متأكةً تفكر بأي قدم تدخل الحمام "بحسب الدين" هل اليمنى أفضل أم اليسرى...

الله برأيي لم يخلق الكون ليأتي يوم يكون له ملايين العباد ولايريد لأحد أن يعبده ولم يحدد طرقاً وأساليب للعبادة بل أوجدها بعض البشر ويكمل بها بعضهم الآخر في يومنا هذا.

الحرية لكل أسرى الحرية في سوريا...


العربي الذي لايجرأ من الذل والخوف على رفع رأسه لرؤية القمر !!!

كيف سينتصر على غزاة القمر؟؟!!
  رد مع اقتباس
قديم 19/08/2009   #2
شب و شيخ الشباب يمان Rooooonaldo
عضو
-- مستشــــــــــار --
 
الصورة الرمزية لـ يمان Rooooonaldo
يمان Rooooonaldo is offline
 
نورنا ب:
Jul 2006
المطرح:
من قاسيون أطل يا وطني ..
مشاركات:
6,937

افتراضي


كلامك .. ورأيك .. بحترمو .. وبحترم وجهة نظرك وطرحك للموضوع .. وانك حابب تفكر اكتر ..

انا من عندي .. ما لح احكي ورد على صياغة الموضوع ... لاني ما بلاقي بحالي .. اني قادر على اجابة على اسئلتك بطريقة وصل فيها الفكرة بالطريقة الصحيحة .. " القصة مالها قصة نقص او شي ضايع .. بس ما حلو انك تكون بتفهم بكلشي سوا .. لانو ما لح تقدر توصل للشي اللي انت بتعرفو .. ومقتنع فيو بالطريقة الصحيحة ." ..

بس عندي سؤال .. بعد ما حكينا انو الله خلق هالكون وتركو يمشي .. بحالو .. طيب وبعدين ؟

او بالاحرى خليني اسال بشكل ادق اكتر ..

الله ليش خلق هالكون ؟ " بما انك .. معترف انو هوةا للي خلق الكون وساواه " ..
وشغلة تانية .. بما انك .. عم تعترف بوجود قوة الهية خلقت هالكون والناس ..

هالاله اللي خلق وعمل .. ما من حقو انك تشكرو .. يعني خلينا بمثال صغير .. " مع عدم المقارنة ابدا لا سمح الله " .. وقت بيكون حدا هوة اللي ساواك وعملك .. وكمشك من انت وصغير .. وعملك وكبرك ورباك وساواك ودعمك .. بيستاهل منك .. شوية شكر .. ولا لا ..

وهل من المعقول .. انو عند اول شغلة ما ساعدك او .. وقف جنبك فيها .. متل حب يختبرك انو انت عنجد متربط فيه لمصلحة بس .. وانو على مبدا .. وحدة بوحدة يعني .. طول مانك جنبي وعم تشتغل معي عالمزبوط انا بضل .. محترمك وماشيين سوا .. وعند كم شغلة ما صارو .. ما بعود لا بيسال عليك .. ولا شي .. وبتصير بتسبو وبتطلع عليه بالعالي ..

تحياتي .

شاورما ©

كمّون ©

Calculater ©

" لو .. رجعت الشام .. لـ حضن الشام .."

2011
  رد مع اقتباس
قديم 19/08/2009   #3
صبيّة و ست الصبايا Reemi
مشرف متقاعد
 
الصورة الرمزية لـ Reemi
Reemi is offline
 
نورنا ب:
Dec 2005
المطرح:
WHATEVER
مشاركات:
13,241

افتراضي


** الموضوع مافيه أي شي مخالف لضوابط الكتابة.. رجاءً مافي داعي حدا يقلب الموضوع تكفير وتبشير للاديان مشان ماننجبر ناخد اجراءات اشرافية

ياريت نخلي الموضوع ضمن النقاش الفكري المحترم


شو هالعمر اللي مش باقي شي
لولا الوقت الولا خلى شي
خلالي طريقي و رح أمشيه


- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 19/08/2009   #4
شب و شيخ الشباب VivaSyria
عضو
-- مستشــــــــــار --
 
الصورة الرمزية لـ VivaSyria
VivaSyria is offline
 
نورنا ب:
Jun 2008
المطرح:
في وطن تعب الناس فيه من الدعاء إلى الله
مشاركات:
2,166

افتراضي


اقتباس:
كاتب النص الأصلي : يمان Rooooonaldo عرض المشاركة
كلامك .. ورأيك .. بحترمو .. وبحترم وجهة نظرك وطرحك للموضوع .. وانك حابب تفكر اكتر ..

انا من عندي .. ما لح احكي ورد على صياغة الموضوع ... لاني ما بلاقي بحالي .. اني قادر على اجابة على اسئلتك بطريقة وصل فيها الفكرة بالطريقة الصحيحة .. " القصة مالها قصة نقص او شي ضايع .. بس ما حلو انك تكون بتفهم بكلشي سوا .. لانو ما لح تقدر توصل للشي اللي انت بتعرفو .. ومقتنع فيو بالطريقة الصحيحة ." ..

بس عندي سؤال .. بعد ما حكينا انو الله خلق هالكون وتركو يمشي .. بحالو .. طيب وبعدين ؟

او بالاحرى خليني اسال بشكل ادق اكتر ..

الله ليش خلق هالكون ؟ " بما انك .. معترف انو هوةا للي خلق الكون وساواه " ..
ليش هي مشكلتو مو مشكلتي... مع العلم انو قد يكون في اختلاف جوهري لفهم مفهوم الله.. قد يكون الخالق هو منظومة الطبيعة بحد ذاتها.. يعني بشكل ابسط مافي كيان محدد اسمو خالق او الله.. بدي فوت بالفلسفة كتير اذا بدي اشرح احتمالات كينونة الخالق

اقتباس:
وشغلة تانية .. بما انك .. عم تعترف بوجود قوة الهية خلقت هالكون والناس ..

هالاله اللي خلق وعمل .. ما من حقو انك تشكرو .. يعني خلينا بمثال صغير .. " مع عدم المقارنة ابدا لا سمح الله " .. وقت بيكون حدا هوة اللي ساواك وعملك .. وكمشك من انت وصغير .. وعملك وكبرك ورباك وساواك ودعمك .. بيستاهل منك .. شوية شكر .. ولا لا ..

وهل من المعقول .. انو عند اول شغلة ما ساعدك او .. وقف جنبك فيها .. متل حب يختبرك انو انت عنجد متربط فيه لمصلحة بس .. وانو على مبدا .. وحدة بوحدة يعني .. طول مانك جنبي وعم تشتغل معي عالمزبوط انا بضل .. محترمك وماشيين سوا .. وعند كم شغلة ما صارو .. ما بعود لا بيسال عليك .. ولا شي .. وبتصير بتسبو وبتطلع عليه بالعالي ..
أخي مين قال انو هو مفضل عليي انو خلقني ولازم اشكروا؟؟ طيب هل بيحق للمخلوق يلي خلق غلط مثلاً مشلول واعمى وفقير انو يلعنوا؟؟ اذا بدك تحملوا الشكر على الشغلات المنيحة بدك تحمله مسؤولية الشغلات السيئة الكتيرة...

فكرتي من الموضوع انو الله مابيتدخل بتفاصيل الخلق وعمل فلان وساوا فلان وبدي اخلق 10 اليوم 5 منون مناح و3 نص نص و2 سيئين.. أبداً هالشي مادخلو فيه لأني رافض لوجهة نظر الأديان حول مفهوم الخالق من الأساس..


اقتباس:
تحياتي .
100 هلا
  رد مع اقتباس
قديم 19/08/2009   #5
صبيّة و ست الصبايا marochka
عضو
-- قبضاي --
 
الصورة الرمزية لـ marochka
marochka is offline
 
نورنا ب:
Apr 2009
المطرح:
بلبنان، مجبرٌ أخاك لا بطل
مشاركات:
915

إرسال خطاب MSN إلى marochka
افتراضي


شكراً لأنك ترجمت أشياء كتير عم فكر فيها، أنا مقتنعة أنو الله خلق بداخل كل واحد منا دينه ولذلك يجب أن نبحث داخلنا لنفهم الدين وليس وفي أي كتاب أو أي شخص آخر مهما اتسع علمه، ربما نستفيد من النقاش مع الآخرين ولكن في النهاية يجب أن نصغي إلى صوت الله في داخلنا، أن نعرف الخطأ والصواب مما يقوله لنا ضميرنا، حتى لو اختلف الآخرون معنا بالرأي. أنا جربت دور العبادة وجربت ترداد الصلوات، ولكني لم أفهم لم يحتاج الله أن أعيد وأكرر نفس الكلمات بنفس الترتيب ودون أي خطأ، ما دمت أفعل في حياتي ما جوهر ما هو مكتوب في هذه الكلمات، وبعد ذلك أحسست بأنني أخدع نفسي أو أخدع الله بتكرار ذلك وأنا لست مقتنعة بجدواه، أما الآن وبدون كل هذه الشعائر فأنا أكثر تصالحاً مع نفسي، وأشعر في كثير من الأمور التي تجري في حياتي بأن الله يحاورني من خلال أفكاري، وأنني أقرب إليه من أي وقت كنت أمارس فيه الشعائر الدينية، بالعكس أشعر أنها كانت تأخذ وقتاً استغله الآن لفهم الله الذي في داخلي.

إبحث أنت عن المعرفة فالمعرفة لا تبحث عن أحد

Whether humanity will consciously follow the law of love, I do not know. But
that need not disturb me. The law will work just as the law of gravitation
works, whether we accept it or not

Ghandi
  رد مع اقتباس
قديم 19/08/2009   #6
شب و شيخ الشباب ayhamm26
عضو
-- زعيـــــــم --
 
الصورة الرمزية لـ ayhamm26
ayhamm26 is offline
 
نورنا ب:
Oct 2007
مشاركات:
1,200

افتراضي


اقتباس:
كاتب النص الأصلي : VivaSyria عرض المشاركة
الله كما أعرفه

الله كما أعرفه


الله كما أعرفه

الله كما أعرفه

والله كما أعرفه

والله كما أعرفه

الله كما أعرفه

الله كما أعرفه

الله كما أعرفه


الله كما أعرفه .
معلش بالاول قبل ما نبدأ النقاش تشرحلي شو هي الطريقة اللي تعرفت فيها على الله؟ قصدي شو اللي مخليك معتقد انك بتعرف الله و كأنو صديق حميم ؟
  رد مع اقتباس
قديم 19/08/2009   #7
صبيّة و ست الصبايا معكرونة
شبه عضو
-- اخ حرٍك --
 
الصورة الرمزية لـ معكرونة
معكرونة is offline
 
نورنا ب:
Feb 2009
المطرح:
هون في الصالون
مشاركات:
44

افتراضي


قال تعالى: ( إِن تَكْفُرُوا فَإِنَّ اللَّهَ غَنِيٌّ عَنكُمْ )

صدق الله العظيم
  رد مع اقتباس
قديم 19/08/2009   #8
صبيّة و ست الصبايا jovia
عضو
-- زعيـــــــم --
 
الصورة الرمزية لـ jovia
jovia is offline
 
نورنا ب:
Apr 2009
المطرح:
احلا بلد عربي الامارات
مشاركات:
1,402

افتراضي


اسئلتك ما عم لاقيلا جواب بس طالما اعترفت بوجود الالوهية بالكون حاول انك تتلمس شي من رب العباد انا مو مسلمة هالايمان القوي لكن هالافكار بتجول بخاطري وما بقدر انكرها

ليك viva انا احيانا بحاول اني اكفر بالرب وبنظام الكون ونادرا ما يطلع بايدي لانو بحس حالي مخلوقة ضعيفة نهايتي اني لح موت واتفتت تحت تراب يعني بضل بقول انو لح احترم مكانتو بس بطريقتي مو بطريقة الناس للي عم تكفرني ليل نهار بسبب قلة صلاتي خمس مرات كل يوم ...

واكيد للحديث بقية بس هلا ما ضل عندي وقت

انـــــا آســــف لأنــــــي ما كنـــش غصـــب عنـــي.... بيـــن الســـحاب ادوب وارحـــــل بين الدروب
...... وعــــن حبــــك اتـــوب.. وانســـى انـــــ كنتـــــي منـــــي .... ماكنـــش غصــب عنـــي مــا كنش غصـــب عني


انـــــــــا آســــــف
  رد مع اقتباس
قديم 19/08/2009   #9
شب و شيخ الشباب VivaSyria
عضو
-- مستشــــــــــار --
 
الصورة الرمزية لـ VivaSyria
VivaSyria is offline
 
نورنا ب:
Jun 2008
المطرح:
في وطن تعب الناس فيه من الدعاء إلى الله
مشاركات:
2,166

افتراضي


اقتباس:
كاتب النص الأصلي : ayhamm26 عرض المشاركة
معلش بالاول قبل ما نبدأ النقاش تشرحلي شو هي الطريقة اللي تعرفت فيها على الله؟ قصدي شو اللي مخليك معتقد انك بتعرف الله و كأنو صديق حميم ؟
أكيد مو طريقة البصم أو التلقين... أكيد طريقة بتعمد على التفكير والعقل مو على قال فلان وحكا فلان وهيك صار من 2000 سنة...
قلي انت شو الطريقة يلي اتعرفت على الله من خلالها؟؟ نصوص مكتوبة من مئات السنين ولا موروثات اشخاص عاشو قبلك بدهور؟؟
  رد مع اقتباس
قديم 19/08/2009   #10
شب و شيخ الشباب يمان Rooooonaldo
عضو
-- مستشــــــــــار --
 
الصورة الرمزية لـ يمان Rooooonaldo
يمان Rooooonaldo is offline
 
نورنا ب:
Jul 2006
المطرح:
من قاسيون أطل يا وطني ..
مشاركات:
6,937

افتراضي


قبل ما رد .. وارجع ..

بتمنى .. ما تبلش الشبيبة مسخرة .. او الرد على معكرونة .. والالتزام بقوانين المنتدى لحتى يجي حدا ويفوت .. من المشرفين ..

رجاء
  رد مع اقتباس
قديم 19/08/2009   #11
شب و شيخ الشباب VivaSyria
عضو
-- مستشــــــــــار --
 
الصورة الرمزية لـ VivaSyria
VivaSyria is offline
 
نورنا ب:
Jun 2008
المطرح:
في وطن تعب الناس فيه من الدعاء إلى الله
مشاركات:
2,166

افتراضي


اقتباس:
كاتب النص الأصلي : jovia عرض المشاركة
اسئلتك ما عم لاقيلا جواب بس طالما اعترفت بوجود الالوهية بالكون حاول انك تتلمس شي من رب العباد انا مو مسلمة هالايمان القوي لكن هالافكار بتجول بخاطري وما بقدر انكرها

ليك viva انا احيانا بحاول اني اكفر بالرب وبنظام الكون ونادرا ما يطلع بايدي لانو بحس حالي مخلوقة ضعيفة نهايتي اني لح موت واتفتت تحت تراب يعني بضل بقول انو لح احترم مكانتو بس بطريقتي مو بطريقة الناس للي عم تكفرني ليل نهار بسبب قلة صلاتي خمس مرات كل يوم ...

واكيد للحديث بقية بس هلا ما ضل عندي وقت
أهم اساس اعتمدتو الأديان لاستغلال البشر هو ايهامون بوجود قدرة خارقة لامرئية قادريين على الاتكال عليها... وباعتبار البشر اتكاليين وبالغالب عندون احساس بالضعف وبالحاجة لاسناد مشاكلون لطرف اكبر فمشي سوق الاديان مزبوط

هلا
  رد مع اقتباس
قديم 19/08/2009   #12
شب و شيخ الشباب VivaSyria
عضو
-- مستشــــــــــار --
 
الصورة الرمزية لـ VivaSyria
VivaSyria is offline
 
نورنا ب:
Jun 2008
المطرح:
في وطن تعب الناس فيه من الدعاء إلى الله
مشاركات:
2,166

افتراضي


اقتباس:
كاتب النص الأصلي : يمان Rooooonaldo عرض المشاركة
قبل ما رد .. وارجع ..

بتمنى .. ما تبلش الشبيبة مسخرة .. او الرد على معكرونة .. والالتزام بقوانين المنتدى لحتى يجي حدا ويفوت .. من المشرفين ..

رجاء
مابعرف بس يمكن لازم يكون واضح من اي طرف عم يتم اقحام النصوص القرآنية بالنقاش... ويعني انت سيد العارفين وقت واحد يحطلك رد حتى لو نص قرآن بدك تنجبر ترد عليه وتناقشو مو تسكت انو هو هيك خلص افحمك وحطك عند حدك...
وبالمطلق اذا هو استعمل النص القرآني بردو اذاً ماعندو مشكل بالنقاش حولو وهالنص بيخصو متل مابيخصك فيعني بيحقلو يستعملو ويناقش فيه.. مع العلم اني مارح رد على المشاركة يلي فيها النص احتراماً لرغبتي بنقاش حضاري.
  رد مع اقتباس
قديم 19/08/2009   #13
شب و شيخ الشباب يمان Rooooonaldo
عضو
-- مستشــــــــــار --
 
الصورة الرمزية لـ يمان Rooooonaldo
يمان Rooooonaldo is offline
 
نورنا ب:
Jul 2006
المطرح:
من قاسيون أطل يا وطني ..
مشاركات:
6,937

افتراضي


اقتباس:
ليش هي مشكلتو مو مشكلتي... مع العلم انو قد يكون في اختلاف جوهري لفهم مفهوم الله.. قد يكون الخالق هو منظومة الطبيعة بحد ذاتها.. يعني بشكل ابسط مافي كيان محدد اسمو خالق او الله.. بدي فوت بالفلسفة كتير اذا بدي اشرح احتمالات كينونة الخالق


هي مشكلتو ؟ .. بس هيك وخلصنا يعني .. ما انت عم تقول انك معترف عالله بالفكر والعقل والتفكير ..

طيب انو ما خطر عبالك بعد هالتفكير كلو .. انو تسال حالك الله ليش خلق هالكون ..

معقول يعني ! .. ما خطر عبالك وفكرت فيها .. !

معلشي .. خلينا نكون واقعيين شوي .. الطبيعة .. او القوة الخالقة اللي عم تحكي عنها في حال ما حبيت انت تسميها الاله .. ما بدو يكون في سبب معين لقامت بهالشي .. ولا صارت نتيجة تفاعلات كيماوية يعني .. وانفجارات وتطورات عبر الزمن .. عملت منا هالبشر ..


اقتباس:
أخي مين قال انو هو مفضل عليي انو خلقني ولازم اشكروا؟؟ طيب هل بيحق للمخلوق يلي خلق غلط مثلاً مشلول واعمى وفقير انو يلعنوا؟؟ اذا بدك تحملوا الشكر على الشغلات المنيحة بدك تحمله مسؤولية الشغلات السيئة الكتيرة...



عطيتك مثال على شغلة الخلق والشكر .. " بدون المقارنة اصلا لانو مانها صحيحة " عن شغلة واحد تعب عليك واشتغل معك .. وما رديت عليها يعني ..

شي طبيعي واخلاقي جدا .. بما انا منحب نحكي عن اخلاقيات انسانية انو نشكر .. ونحترم .. اللي عملنا وساوانا .. فـ كيف باللي اوجدك واوجدني .. " بما انك معترف بوجود الخالق " !

منجي بالنسبة للاشخاص اللي اجو مشلولين او .. مريضين .. او معهم امراض ما معينة .. هي هيّة الاختبارات .. اللي حكيت عنها من قبل .. بمثالي .. هلا بتختلف من حدا لحدا تاني ايمتا بتجيه .. او ان اجته او لا .. بس انو
بتلاحظ انت .. احيانا اللي بكون معهم امراض او نقص معين بشي ما .. بكون عندهم تعويض بشكل او اخر .. بشي تاني .. ولكن بغض النظر .. عن هالحكي .. هون بقا بيلعب دور كبير الشخص زاتو وتفكيرو نفسو ..

يعني ازا بدك تشكرو .. عم تقلي لازم تحملو مسؤولية الشغلات التانية .. فـ شي طبيعي واكيد انو هوة بيعرف انو خلق هاد .. مثلا .. معو نقص بهرمون معين .. ومالو علاقة الشخص المخلوق .. بهي الشغلة .. لذلك شي طبيعغي واكيد يعني انو يكون هوة المتحمل .. هاد الشي .. بس النقطة بقا .. انو انت لح تشوف الشي المنيح اللي عملو معك او لا .. ولا بس بدك تشوف الشي المانو منيح وتبلش .. ما يعجبك وتحكي وتسب عليه ..

ازا عبالك نرجع شوي عالمثال .. لو هالزلمة اللي رعاك .. واشتغل عليك .. كان في شغلة ما معينة وزاوية معينة منك ما اشتغل عليها مع انها مهمة بنظرك او .. انو ما مهمة بنظرك بس هية عنجد مهمة بس هوة .. عطاك بشغلات تانية .. وطورك فيها اكتر .. بتحاول انك دائما تزكرو .. انك ما عملت وتعتب عليه .. ولا .. بتشكرو عالشي اللي عطاك ياه .. من الاساس .. وبتحاول انك تتحمل .. النقص اللي عندك .. وتحاول انك .. تطور حالك فيه ..
" مع عدم المقارنة ابدا بين عملية الخلق وهاد المثال " ..

اقتباس:
فكرتي من الموضوع انو الله مابيتدخل بتفاصيل الخلق وعمل فلان وساوا فلان وبدي اخلق 10 اليوم 5 منون مناح و3 نص نص و2 سيئين.. أبداً هالشي مادخلو فيه لأني رافض لوجهة نظر الأديان حول مفهوم الخالق من الأساس..


عفكرة ما الله اللي بيخلق انسان منيح وانسان عاطل .. الله بيخلق وبيكون هالانسان .. وبينفخ فيه من الروح .. وبعدين .. عطاك بقا هالشي اللي اسمو مخ فوق .. انت بتعرف وين تروح ووين تجي .. عود حلل وعميل .. واشتغل عحالك .. شوف انت وين بتشوف طريق الصح وامشي عليه .. وبوقتا لح تتحاسب عاختيارك لهاد الشي .. لانو كلشي متوافر وموجود امامك ..

حكينا من قبل .. انو دور البيئة والدين اللي بتتربا عليه من صغرك بيلعب دور كبير بشخصيتك .. وبطريقة تفكيرك .. وبس لتكبر .. حاول انك تفكر شوي وتحاول تشوف هالشي مقنع او لا .. وحاول انك تحرك مخك وتفتل وتدور .. وتشوف ازا مزبوط او لا ..

اما انك تجي .. وتشوف كلشي ما بيعجبك تلحشو ع الله ويالله .. مين قلو ما يعملي ومين قلو ما يساعدني .. فـ .. ما اتوقع انو بيزبط هالحكي ..
  رد مع اقتباس
قديم 19/08/2009   #14
شب و شيخ الشباب يمان Rooooonaldo
عضو
-- مستشــــــــــار --
 
الصورة الرمزية لـ يمان Rooooonaldo
يمان Rooooonaldo is offline
 
نورنا ب:
Jul 2006
المطرح:
من قاسيون أطل يا وطني ..
مشاركات:
6,937

افتراضي


اقتباس:
مابعرف بس يمكن لازم يكون واضح من اي طرف عم يتم اقحام النصوص القرآنية بالنقاش... ويعني انت سيد العارفين وقت واحد يحطلك رد حتى لو نص قرآن بدك تنجبر ترد عليه وتناقشو مو تسكت انو هو هيك خلص افحمك وحطك عند حدك...
وبالمطلق اذا هو استعمل النص القرآني بردو اذاً ماعندو مشكل بالنقاش حولو وهالنص بيخصو متل مابيخصك فيعني بيحقلو يستعملو ويناقش فيه.. مع العلم اني مارح رد على المشاركة يلي فيها النص احتراماً لرغبتي بنقاش حضاري.
عفوا منّك .. بس وقت تكون بمكان ما معين .. وممنوع .. تحكي بموضوع ما معين حسب قوانين هالمكان اللي انت موافق عليها .. ازا حدا خرق هالقوانين .. ما مفروض نكمل معو بخرق هالقانون ونبلش ونتحاور معو .. لانو ما حدا بيكمل خرق القوانين بخرق تاني .. مشي معليم ..

وشكرا لعدم ردّك .. بناء على اي رغبة كانت موجودة عندك ..
  رد مع اقتباس
قديم 19/08/2009   #15
شب و شيخ الشباب DARKNESS
عضو
-- زعيـــــــم --
 
الصورة الرمزية لـ DARKNESS
DARKNESS is offline
 
نورنا ب:
Jul 2006
المطرح:
In ThE DaRk
مشاركات:
1,755

افتراضي


كلامك سليم و جميل و لكن لدي سؤال نحن دائما نركز على الله

هل ركزنا يوما على أنفسنا


لماذا نهاجم الله طالما اننا نعرف انه لا علاقة له بنا

عزيزي صاحب الموضوع مواضيعك و اطروحاتك كلها تعجبني و تتفق حتى مع ارائي و لكنني لست من محبي التهجم على الله
فالله عندي عبارة عن نظام يسير الكون و لكنه لا يسيرك فالكون العظيم يجب ان يكون له نظام او اي شيء يسيره بهذه الدقة
و هذا النظام هو الله و لكن لهذا النظام قدرة محدودة فهو غير نافع و غير ضار لك
فوجوده ليس ضروريا لك و حتى عدم وجوده بالرغم من استحالة هذا منطقيا فلم تعجبني ابدا نظرية الصدفة
قد لا يكون الله هو الله الذي نعرفه قد لا يسمعنا قد لا يكترث بنا و لكن هو موجود في كل مكان فأي نظرة على هذه السلسلة المعقدة من الأحداث تكفي لأكتشاف روعة هذا النظام الذي هو الله

و لكننا كبشر طالما فكرنا به فأننا كالذي يفكر في مشكلة دون ان يفكر في الحل

الأمور معقدة و متشابكة جدا من هذه الناحية و لكن حتى الان لم تكتمل الصورة و لم نستطع الوصول الى الفكرة النهائية
الى في قوالب جاهذة نستحضرها نسميها الدين
الدين جاوب على كل شيء و لكن أجاباته قصرية فهو حد التفكير بحدود الحرام و الكفر
و هذه الحدود غير موجودة في العلم

للحديث بقية و لي عودة.......

نحن ننتظر الضياء و لكننا نرى الظلام

---------------------------------------------------------------

ذو العينين البراقتين ......... الذي يقرر المصائر .............


DaRkNeSs LoRd

Lord Of DarkneSs

Lord Of The Sweet Sadness
  رد مع اقتباس
قديم 19/08/2009   #16
شب و شيخ الشباب ayhamm26
عضو
-- زعيـــــــم --
 
الصورة الرمزية لـ ayhamm26
ayhamm26 is offline
 
نورنا ب:
Oct 2007
مشاركات:
1,200

افتراضي


اقتباس:
كاتب النص الأصلي : VivaSyria عرض المشاركة
أكيد مو طريقة البصم أو التلقين... أكيد طريقة بتعمد على التفكير والعقل مو على قال فلان وحكا فلان وهيك صار من 2000 سنة...
قلي انت شو الطريقة يلي اتعرفت على الله من خلالها؟؟ نصوص مكتوبة من مئات السنين ولا موروثات اشخاص عاشو قبلك بدهور؟؟
حلو, خلينا نبدأ من انو نقطة ذكرتها باول مقالتك وهي وجود الله ( هيك وفرنا كتير نقاش) .

أول شي يا معلم انا بلاحظ انو فكرتك عن الله و كأنو هو شيشبيه بالبشر, يعني بدك الاله يكون منطقي حسب منطق البشر, بدك يكون عادل حسب ما انت بتشوف العدل, بدك ياه رحيم حسب ما انت بتشوف الرحمة, بدك ياه يمشي الدنيا متل ما انت بتشوفها صح حسب التفكير والعقل والمنهج اللي انت بتؤمن في و اذا ما صار هيك بتصير بدك تعمل اضراب, يعني كأنك عم تحتج على سياسات الحكومة و عم تعمل اسقاط لعلاقتك مع الحكومة على علاقتك مع الله.

طريقة التفكير والعقل مثالية لما بدك تحكي عن تنظيم علاقات البشر بين بعضن, بس تفكير ومنطق بعلاقتك مع الاله!!! طيب ما بدك بالاول معطيات لتستعمل العقل, يعني قضية متل قضية التعرف على الله شلون ممكن تستخدم عقلك فيها؟؟ اشرحلي؟؟

ماهية الاله , شلون ممكن لحالك تعرفها؟؟
أنت عم تحكي عن من خلق كل شئ من العدم, ونحني البشر مستحيل نقدر نستوعب فكرة انو شئ يطلع هيك من لاشئ, تفكيرنا مهما كان كبير بيضل محدود بحدود معروفة.


من ناحية تانية, هالاله اللي خلق البشر على الارض, طيب بعد ما خلق الارض و جعلها مكان للبشر و حط فيها كتير امثلة على انو في يد عظيمة انجزت هالشي كلو , ورغم هيك صاروا البشر يعبدوا احجار , يعبدوا الشمس والقمر والرعد والبقرة وغيرو , لانو في حاجة داخلية عند الانسان للبحث عن شئ مقدس.

طيب يعني معقول هالاله اللي خلق كل شي بالاخير الناس تعبد جمادات هو خلقها وتترك صاحب الفضل وهو عم يتفرج؟؟

يعني كان لازم يصير في توضيح لهالبشر, تذكير انو اذا بدن يعبدو فلازم يعبدو الله مو اي شي تاني .

اسلوب التواصل بين الله والبشر هو اللي علي الاختلاف الهائل بين البشر, في ناس ادعت انها هي الله وانو الله حل فيها, في ناس ادعت انو الله هو اللي أرسلها برسالة معينة, في ناس ادعت انن هني نواب الله على الارض و منفذين للي بدو ياه.

هلق رح تسالني اكيد مين لازم نصدق منن و كيف رح نعرف الصح من الغلط؟

بقلك هون بقى بتجي شغلة الاختيار, الديمقراطية اذا حبيت تسميها, كل واحد عندو عقل ومعطيات وفلسفة مختلفة بيقدر يفكر بحكي كل فريق ويشوف شو هو الصح بالنسبة الو.

المشكلة عم تصير عند البشر انو بيتم الحكم على أي دين من مظاهرو الخارجية فقط, من خلال سلوك المتحكمين بالدين والمحتكرين لهذا الدين و هدا اللي بيخلي كتيرين يتمردوا ويحاولوا يلاقوا طريقة منفصلة للتعرف على الله .

مشان هيك البعض بيقلك , الله هو المحبة, الله هو كل شي حلو بحياتنا , الله هو ...... وما بعرف شو كمان في ابداعات بهذا المجال, بس بالنهاية هدا كلو تخمينات لانو الله لو كان بدو يكون متل ما نحني منتمنى يعني على هالحالة صار بدنا شي مليار اله .
  رد مع اقتباس
قديم 19/08/2009   #17
شب و شيخ الشباب VivaSyria
عضو
-- مستشــــــــــار --
 
الصورة الرمزية لـ VivaSyria
VivaSyria is offline
 
نورنا ب:
Jun 2008
المطرح:
في وطن تعب الناس فيه من الدعاء إلى الله
مشاركات:
2,166

افتراضي


اقتباس:
كاتب النص الأصلي : يمان Rooooonaldo عرض المشاركة

هي مشكلتو ؟ .. بس هيك وخلصنا يعني .. ما انت عم تقول انك معترف عالله بالفكر والعقل والتفكير ..

طيب انو ما خطر عبالك بعد هالتفكير كلو .. انو تسال حالك الله ليش خلق هالكون ..

معقول يعني ! .. ما خطر عبالك وفكرت فيها .. !

معلشي .. خلينا نكون واقعيين شوي .. الطبيعة .. او القوة الخالقة اللي عم تحكي عنها في حال ما حبيت انت تسميها الاله .. ما بدو يكون في سبب معين لقامت بهالشي .. ولا صارت نتيجة تفاعلات كيماوية يعني .. وانفجارات وتطورات عبر الزمن .. عملت منا هالبشر ..

فكرت كتير باسباب وجود الكون... بس أبداً ما اقتنعت بانو الخالق يلي اقتنعت فيه أنا خلق هالكون ليرضي غروره ونرجيسته وتقعد البشر تركع ليل نهار... ما اقتنعت ابداً انو هاد هدفو من وجود هالكون اما اذا انت مقتنع انو هاد الهدف فانت حر خليك ماشي على طريق ارضاء خالق الكون بعبادته

اقتباس:
عطيتك مثال على شغلة الخلق والشكر .. " بدون المقارنة اصلا لانو مانها صحيحة " عن شغلة واحد تعب عليك واشتغل معك .. وما رديت عليها يعني ..

شي طبيعي واخلاقي جدا .. بما انا منحب نحكي عن اخلاقيات انسانية انو نشكر .. ونحترم .. اللي عملنا وساوانا .. فـ كيف باللي اوجدك واوجدني .. " بما انك معترف بوجود الخالق " !

منجي بالنسبة للاشخاص اللي اجو مشلولين او .. مريضين .. او معهم امراض ما معينة .. هي هيّة الاختبارات .. اللي حكيت عنها من قبل .. بمثالي .. هلا بتختلف من حدا لحدا تاني ايمتا بتجيه .. او ان اجته او لا .. بس انو
بتلاحظ انت .. احيانا اللي بكون معهم امراض او نقص معين بشي ما .. بكون عندهم تعويض بشكل او اخر .. بشي تاني .. ولكن بغض النظر .. عن هالحكي .. هون بقا بيلعب دور كبير الشخص زاتو وتفكيرو نفسو ..

يعني ازا بدك تشكرو .. عم تقلي لازم تحملو مسؤولية الشغلات التانية .. فـ شي طبيعي واكيد انو هوة بيعرف انو خلق هاد .. مثلا .. معو نقص بهرمون معين .. ومالو علاقة الشخص المخلوق .. بهي الشغلة .. لذلك شي طبيعغي واكيد يعني انو يكون هوة المتحمل .. هاد الشي .. بس النقطة بقا .. انو انت لح تشوف الشي المنيح اللي عملو معك او لا .. ولا بس بدك تشوف الشي المانو منيح وتبلش .. ما يعجبك وتحكي وتسب عليه ..

ازا عبالك نرجع شوي عالمثال .. لو هالزلمة اللي رعاك .. واشتغل عليك .. كان في شغلة ما معينة وزاوية معينة منك ما اشتغل عليها مع انها مهمة بنظرك او .. انو ما مهمة بنظرك بس هية عنجد مهمة بس هوة .. عطاك بشغلات تانية .. وطورك فيها اكتر .. بتحاول انك دائما تزكرو .. انك ما عملت وتعتب عليه .. ولا .. بتشكرو عالشي اللي عطاك ياه .. من الاساس .. وبتحاول انك تتحمل .. النقص اللي عندك .. وتحاول انك .. تطور حالك فيه ..
" مع عدم المقارنة ابدا بين عملية الخلق وهاد المثال " ..
عندكون قدرة غريبة للصق يلي بيرضيكون بالله وتبرأته من يلي مابيعجبكون... كيف بقا اذا واحد خلق مشلول واعمى وفقير بيكون هرمونات واذا واحد خلق بكامل صحته لازم يشكر الله على هالصحة؟؟ يعني يا هو بيعطي وبياخد يا أما هو مادخلو والقصة منهجية منطقية
كيف اذا واحد قبض راتبو ها لازم يشكر الله ويروح يطج كم ركعة واذا واحد مات من الجوع بيكون الله مادخلو وهاد بسبب الانسان؟؟ يا الانسان مسؤول عن كل شي يا الله مسؤول عن كل شي.. لازم تعتمدوا


اقتباس:
عفكرة ما الله اللي بيخلق انسان منيح وانسان عاطل .. الله بيخلق وبيكون هالانسان .. وبينفخ فيه من الروح .. وبعدين .. عطاك بقا هالشي اللي اسمو مخ فوق .. انت بتعرف وين تروح ووين تجي .. عود حلل وعميل .. واشتغل عحالك .. شوف انت وين بتشوف طريق الصح وامشي عليه .. وبوقتا لح تتحاسب عاختيارك لهاد الشي .. لانو كلشي متوافر وموجود امامك ..

حكينا من قبل .. انو دور البيئة والدين اللي بتتربا عليه من صغرك بيلعب دور كبير بشخصيتك .. وبطريقة تفكيرك .. وبس لتكبر .. حاول انك تفكر شوي وتحاول تشوف هالشي مقنع او لا ..
ايوا ايوا... يعني الله مابيتدخل بالبشر وبأرزاقهن وبشخصيتهن؟؟ في تناقض بالحكي شوي بيكون الله خلق البشر ليعبدوه وبعدين يحاسبون ويكافئون.. شوي بيصير مادخلو بطريقة حياتون... شوي بيكون بيعرف كل شي وبيعرف مين عالجنة ومين عالنار وهالحياة كلها بلاطعمة.. شوي بيطلع تارك حرية القرار للبشر..

عيني بكل الاحوال اذا الهدف هو الثواب والعقاب بعد مسلسل العبادات كان الافضل توفير وقت هالمسرحية وياخدها من الآخر بناءً على النتائج يلي هو بيعرفها ويحاسب فوراً... او الاجدى بلا كل هالقصة وبلا خلقة هالبشرية اذا هاد الهدف من الوجود بوجهة نظرك..



اقتباس:
وحاول انك تحرك مخك وتفتل وتدور .. وتشوف ازا مزبوط او لا ..
انت حاول تحرك مخك وتطلع شوي برات هالقوقعة يلي وصلت لمرحلة انك تبررها بمفاهيم متناقضة وغير مقنعة لخوفك من انكارها استناداً للعقل والفكر..
انا مخي مابحاول حركو وانما بحركو دايماً ومو ناطر حدا يشجعني على محاولة تحريكو..


اقتباس:
اما انك تجي .. وتشوف كلشي ما بيعجبك تلحشو ع الله ويالله .. مين قلو ما يعملي ومين قلو ما يساعدني .. فـ .. ما اتوقع انو بيزبط هالحكي ..
لاء لاء.. انا عم قول بناءً على مفهومك صار لازم اشكرو وقت بيكون الوضع منيح والعنو وقت الوضع مو منيح.. مو على صعيد شخصي عم احكي وانما بالشكل العام للحياة... او الحل التاني انو لا اشكرو ولا ذمو ولا حملو اي مسؤولية بثناء او هجاء... بقا انت اختار
  رد مع اقتباس
قديم 19/08/2009   #18
شب و شيخ الشباب VivaSyria
عضو
-- مستشــــــــــار --
 
الصورة الرمزية لـ VivaSyria
VivaSyria is offline
 
نورنا ب:
Jun 2008
المطرح:
في وطن تعب الناس فيه من الدعاء إلى الله
مشاركات:
2,166

افتراضي


اقتباس:
كاتب النص الأصلي : DARKNESS عرض المشاركة
كلامك سليم و جميل و لكن لدي سؤال نحن دائما نركز على الله

هل ركزنا يوما على أنفسنا


لماذا نهاجم الله طالما اننا نعرف انه لا علاقة له بنا
بس توضيح على هالفقرة انا ماعم هاجم الله وانما عم برأه من المفاهيم المتوارثة التي تلصق به... انا عم قول الله مادخله بالتفاصيل وطلعوه برات هالدوامة وانسو القصص والحكايا يلي لصقوها فيه..

الفكرة ابداً مانها التهجم وانما التوضيح المنطقي للحالة..


اقتباس:
عزيزي صاحب الموضوع مواضيعك و اطروحاتك كلها تعجبني و تتفق حتى مع ارائي و لكنني لست من محبي التهجم على الله
فالله عندي عبارة عن نظام يسير الكون و لكنه لا يسيرك فالكون العظيم يجب ان يكون له نظام او اي شيء يسيره بهذه الدقة
و هذا النظام هو الله و لكن لهذا النظام قدرة محدودة فهو غير نافع و غير ضار لك
فوجوده ليس ضروريا لك و حتى عدم وجوده بالرغم من استحالة هذا منطقيا فلم تعجبني ابدا نظرية الصدفة
قد لا يكون الله هو الله الذي نعرفه قد لا يسمعنا قد لا يكترث بنا و لكن هو موجود في كل مكان فأي نظرة على هذه السلسلة المعقدة من الأحداث تكفي لأكتشاف روعة هذا النظام الذي هو الله

و لكننا كبشر طالما فكرنا به فأننا كالذي يفكر في مشكلة دون ان يفكر في الحل

الأمور معقدة و متشابكة جدا من هذه الناحية و لكن حتى الان لم تكتمل الصورة و لم نستطع الوصول الى الفكرة النهائية
الى في قوالب جاهذة نستحضرها نسميها الدين
الدين جاوب على كل شيء و لكن أجاباته قصرية فهو حد التفكير بحدود الحرام و الكفر
و هذه الحدود غير موجودة في العلم

للحديث بقية و لي عودة.......
كلام نضيف 100%
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 15:04 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.20241 seconds with 12 queries