السيدات أولاً ؟؟؟!

[la-vierge]

كاتب النص الأصلي : ASH

بونجووووووووووووووووووووو وووووس اخويه "التصريف التالت من كلمة بونجور"

المهم اكيد الكل بيسمع بكلمة السيدات أولا او Ladies First ، بنسمعها كتير و بنستخدمها اكتر بس هل في شخص هون بيعف قصة هل كلمه او من وين جابوها ، بتوقع الأغلبيه لا ...

لح احكيلكم قصة هل كلمة .... ببساطه طبعا


بدية القصه بروما باطياليا ، لو ماني مخربط بالمدينه بس ، المهم كان في تنين يحبو بعضم لدرجة انو كل اهل البلده كان يعرفو انهم مغرمين ببعضهم لاقصى درجات العشق و الهيام ، الشب كان فقير و البنت غنيه او العكس ، اهل البنت كل ما تقدملها الشب ما كانو يوفقو عليه ، ما بعرف شو الاسباب طبعا ، حاول الشب كتير و حاولة البنت تقنع أهلا اكتر بدون جدوى ...

اهل المدينه صارو يشوفهم انهم عم يتقابلو بالخفاء هروب من أهلم ، و حبهم صار أقوى و أقوى ، قصتهم كانت متل روميو و جوليت ، طبعا بعد محاولات كتيره من الطفرين و شافو الرفض ، يأسو بالنهايه و رضخو للأمر الواقع هنه التنين ...

وهون بلشت قصة الكلمه ، قررو التنين ينتحرو ، و الانتحار بطريقة انهم يطلعو لاعلا جبل بمدينتهم و ينطو من عليه و يموتو مع بعضهم و يظل هل حب معهم للنهاية حتى لو كان الموت ، و مشان يظل هل حب قصه للمدينه تحكيها و يحكوها للجيل القادم ...

طلعو على هل جبل ، اجة البنت حكتلو لحبيبها انا بدي نط قبلك و انت نط بعد المني ، ام حكالها موافق ، لما اجة بدها تنط من قمة الجبل ، مسكها حكالها لأ انا مالح اتحمل انك تنطي قبل المني خليني انا نط قبل المنك وانت بعدي ، ام حكتلو طيب ، المهم الشب نط و نتحر و هوه عم يحكيلها انا بحبك و حبنا لح يدوم للابد ، البنت لما شافتو نط و مات ، خافة و قررت بسرعه انها ما تنط و ترجع للمدينه و فعلا نزلت و رجعت علمدينه لما لقو جثت الشب ، لقو كاتب بورقه نحنى نتحرنا لنخلد حبنا و لانو مستحيل نعيش بعاد عن بعض ، وهون عرفو انو البنت خانتو و ما نتحرت معو ...

من هون بلشة كلمة السيدات أولا ، خوف من الغدر الخيانه او الأنانية ...


شكرا للمتابعه

عن جد ACH مش دايما احنا اللي بنغدر ممكن الشاب يكون هو الغدار بس أكيد أنا ما بعمم لانو في من البنات و في من الشباب

[nanoosh rose]

لا مافي شي ولا عصبية ولا تجريح انا يلي اسفة بس فعلا والله لحد هلق مافهمت الظاهر انا بحكي بقصة وانت بقة تانية او عم ندور على شغلة متفقين عليها بس مخبصة اسفة تاني

[ASH]

كاتب النص الأصلي : la-vierge

عن جد ACH مش دايما احنا اللي بنغدر ممكن الشاب يكون هو الغدار بس أكيد أنا ما بعمم لانو في من البنات و في من الشباب

اول شي شكرا

تاني شي اسم ASH not ACH

تالت شي اكيد الشغله على التنين مو بس على شخص واحد وانا بايدك بهل شي

[ASH]

كاتب النص الأصلي : noor shabaan

لا مافي شي ولا عصبية ولا تجريح انا يلي اسفة بس فعلا والله لحد هلق مافهمت الظاهر انا بحكي بقصة وانت بقة تانية او عم ندور على شغلة متفقين عليها بس مخبصة اسفة تاني

انسي مو مشكله لا نحنى حكينا على نفس النقطه و خلص عرفة قصدك متل ما فهمتي قصدي

وشكرا الك مره تانيه نووووورررر

[mey]

يلا ..............بسرعة يا اش و و يا نور....................



























..يلا لازم تعملو قمة مستعجلة
مشان تتفاهمو عرواء

[la-vierge]

كاتب النص الأصلي : ASH

اول شي شكرا

تاني شي اسم ASH not ACH

تالت شي اكيد الشغله على التنين مو بس على شخص واحد وانا بايدك بهل شي

اي أنا كتبت اسمك بالفرنسي و انت بالانجليزي
بس انا غلطانة لانوم كان لازم اكتبو مثل ما انت بتكتبو لانو بالاخر اسمك مو اسمي
اسفة عالغلط