مزايا صبايا الاردن

[القلب المنادي]

مزايا صبايا الاردن

1. أنا وماما زي الصاحبات ، دايماً بحكيلها كل إشي ،

ماما بتعرف عنك كل إشي شغل عرط و بس طبعا

2.

كلهم شقر وعينيهم لينسيز ملونة يخزي العين . تقول هاي رجعتهم من السويد

بتسألها بتحكيلك شو لينسيز؟هدول عيوني الحئيئيين

3.

كلهم ببعتولك المسج التالي : اتصل فيي ما معي رصيد ، و عندي امتحان مش آدره أروح أشتري بطائة

4.

لو سألتها عنأحلى سنين بحياتها رح تحكيلك : ما بين 19 و 23

و بتشرحلك كيف كانت حلوة و مجننة شباب الجامعة وكيف كلهم بركضوا وراها و هي ما كانت تعبرهم _.

. كلهم أخدوا رخصة السواقة بالواسطة ....و أكيد هذا واضح من البريكات الخبط أو
السرعة اللي ما بتتطلع عن 20,أو حزام الأمان اللي بروح ما ينمزع قد ما هو مشدود

6.بالجامعة بتطلب ساندوش لبنه - دايماً لبنه و إذا بدها تغير بتطلب منئوشة زعتر ،
و الكولا دايت طبعا بس ترجع على البيت بتقوم بصدر المنسف لحالها ،
والله ,بوكلونا على جوع

7. كلهم بابا بحبهم أكتر وحدة بين إخوانها ....وهي وبابا زي الصحاب و بابا بوخد رأيها بكل إشي

10. أكره إشي عليهم يشوفوك بتحضر مباراة ، بمعنى آخر أكتر إشي بكرهوا كرة القدم ،
إلا إذا المباراة فيها إيطاليا أو إنجلترا بتلاقيهم قعدوا و بسطوا
يبصبصوا على إجرين مالديني و بيكهام

بهاي معهم حق ، يعني بصراحة مالديني منظر و حسونة الشيخ منظر

8.مريحين بالهم و تنحصر اهتماماتهم في المواضيع التالية :
روجيم: - لازم أنزل كمان خمسين كيلو ،
حومرة وبودرة: - نزلوا حومرة جديدة بطعم الكيوي ،
أووولتك أسشور شعري ولا أعمله كيرلي ,
الأكل: - ماما طبخت جاجة محشية تفاح,
و ما بتغدوا غير ستيك مشوي ،و ما بشربوا غير مي.

الفن: - ما أزكاهbrad pitt,رايان شعره بجنن, شفتي أصالة ما أزنخها,
مش ألتلكانه بشار بحب سلمى,شفتي صندل نانسي,أحمد الشريف أحلى واحد بالعالم !,
لون بشرة اليسا واااااااو, حضرتي كليب جاد شويري ما أفيعوا؟
مو معئولة هالشاكيرا.

13. عندهم حالة تشابه غريبة: إذا واحدة عملت تاتو تاني يوم كل البنات تاتو ،
إذا واحدة حطت خلخال تاني يوم كل البنات خلخال ،إذا وحده صبغت شعرها أخضر تاني يوم بتنزلك موضة الأخضر.

مواصفات حبيب القلب:
فايع و شعره طويل ,معه سيارة حلوة,موبايله آخر موديل,يعزمها كل يوم ع كوفي شوب ,
وإذا بشبه توم كروز بكون ممتاز.

دايماً شنتتهم مليانة أشياء زاكية ، إذا جعت بتلاقي معاهم السيفوي بالشنتة
شبس ،شوكلاتة ،بسكوت, دروبس ،علكة,سوس

مفاهيم ربما تكون صعبة عليكم :-
عرط:كذب
تخويث:مزح
فايع:شاقق الدني بصدره ومش هامه حدا .

صحيح انا اردنية بس الصراحة انا هيك شايفة حال صبايا الاردن
يعني الموضوع للمزح مش اكتر
تحياتي القلب المنادي

[arwad_2000@yahoo.com]

7. كلهم بابا بحبهم أكتر وحدة بين إخوانها ....وهي وبابا زي الصحاب و بابا بوخد رأيها بكل إشي



والله انك صادقة...انا درست بالجامعةالاردنية وكلامك صحيــــــــح100 % كله جاي عالوجع....يسلمو من صمصوم قلبي.....

[امير الاردن]

[•• LEO ••]

مفاهيم ربما تكون صعبة عليكم :-

هاي مافهمتها !

[القلب المنادي]

ميرسي ارواد وامير الاردن ونسيم على الطلة الحلوة نورتو...

تحياتي القلب المنادي

[القلب المنادي]

كاتب النص الأصلي : نـــســـيـــم

هاي مافهمتها !

اصدي هادا الحكي للسوريين او الي غيرهم الي ما بيفهمو هيك الفاظ

[arwad_2000@yahoo.com]

أعـمى تطـاعـنه الشجـون ____ وجـراحه صــارت عيــون


حلوة عجبتني .... سلامي للجميع

[•• LEO ••]

كاتب النص الأصلي : القلب المنادي

اصدي هادا الحكي للسوريين او الي غيرهم الي ما بيفهمو هيك الفاظ

اهااااااااااااااا ....... وصلت
بس أنا فهمتها .. أنا مو سوري

[moh84]

حلو كتير

[القلب المنادي]

كاتب النص الأصلي : نـــســـيـــم

اهااااااااااااااا ....... وصلت
بس أنا فهمتها .. أنا مو سوري

اي بس انا بعرف انك اردني او عايش بالاردن ما هيك..

[arwad_2000@yahoo.com]

كاتب النص الأصلي : القلب المنادي

اي بس انا بعرف انك اردني او عايش بالاردن ما هيك..

يا عم نيالك يا نسيم ياواكل الجو ..واحنا ماكلين فلافل...

[abu-wdea3]

هع هع
حلو حلو

[•• LEO ••]

كاتب النص الأصلي :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

يا عم نيالك يا نسيم ياواكل الجو ..واحنا ماكلين فلافل...

صحتين حبيب

[the hunter]

حسونة الشيخ منظر وبيكهام ومالديني منظر هههههههههههه نهفة ههههههههههههه

حلوة منك

بس ماتكوني منهم!!!!!1

[•• LEO ••]

شد حالك هنتر بدنا نباركلك اليوم بالشلة وبالزعامة مع بعض

[هي الايام]

ميرسي الك شايف متل صبايا الشام تقريبا

[the hunter]

كاتب النص الأصلي : نـــســـيـــم

شد حالك هنتر بدنا نباركلك اليوم بالشلة وبالزعامة مع بعض

على راسي والله ...... بس الشلة مافيها زعيم وبصفتك مجرم سابق ومعتقل مرتين ومجموع الزعلات عندك 120 زعلة ممكن تكون زعيم

[اريجو]

ههههه حلو .. عجبتني هاي

10. أكره إشي عليهم يشوفوك بتحضر مباراة ، بمعنى آخر أكتر إشي بكرهوا كرة القدم ،
إلا إذا المباراة فيها إيطاليا أو إنجلترا بتلاقيهم قعدوا و بسطوا
يبصبصوا على إجرين مالديني و بيكهام
بهاي معهم حق ، يعني بصراحة مالديني منظر و حسونة الشيخ منظر

تسلمي مووضوع ممتع ومسلي