قانون الاحوال الشخصية السوري الجديد

[قرصان الأدرياتيك]

كاتب النص الأصلي : التقرير الجوال

بالبداية أنا مش خبير بقوانين أحوال شخصية و خصوصاً القوانين الروحية الموضوعة من قبل الكنائس .. ما بعرف شو خلّلاني افتح موبيلي لشوف شو صاير بالموضوع و إلا بالعادة أنا باخد قيلولة بأيام الاجازة .
طيب قانون الاحوال الشخصية الجديد أو القديم بشو بيتعرّض لغير ديانات؟ و كمان الكاثوليك و لو سامحين بالزواج بدي خلين تقرأ هالشي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و باختصار هي مجلس الأساقفة الايطالة مأصدر رسالة عام 2005 بعنوان "الزواجات بين الكاثوليك والمسلمين في ايطاليا" و هي تعليق لرئيس اللجنة الأسقفية بايطاليا رح حطلكيا باقتباس
كلام لايتناطح فيه عنزانبس بدّي قول عنّه بانه مغلّف بأوراق من السلوفان .
أنا مافي عندي مشكلة بخصوص الاديان و سيطرة و طغيان ديانة على اخرى بس النقطة يللي لازم نوعاها هي بأنو السنن و الشرائع و القوانين بتنحط للأكثرية و يا أخي الأقلية في عندن مرجعياتهن فوين الغلط.
و هي كمان تصريح للفاتيكان.
أنا مارح علّق و لا طالب منّك التعليق بس الشيئ بالشيئ يذكر و كتابك افضل أن تستلمه بيمينك.
باقي شي بخصوص الام الكاثوليكية يللي مطلوب منها شرعاً تنشئة أطفالها على ديانتها حتى إذا كانت متزوجة مسلم .. بظن أنت بتعرف هالشي .. الفاتيكان ما قال لأ بس ردودو الدبلماسية قالتها و لو الموافقة كانت و ماتزال على مضض .. شو برأيك بدهن يقولو لأ منشان الباقي المتبقى من القرون الوسطى يذهب مع أدراج الريح و بيفللو لبيوتهن؟

أهلا فيك من جديد...
حضرتك عم تقول إنك مانك خبير بالقوانين وخاصّة الكنسيّة فليش لسّاتك مصرّ تجادل؟! ولنمشي معك للآخر:
بالنسبة للتصريحات يللي نقلتها من هون وهون (زينيت يللي ماخذة عن مجلة العائلة المسيحيّة أو تصريحات للفاتيكان) فهدول يندرجوا ضمن التعليم الكنسي الاجتماعي وما ألهن خصّ بالقانون العام أو الشّرع الخاصّ يللي لازم يوافق القانون العام حكماً! والهيئة يا أخي ما عم تميّز بين التعليم والقانون... بكل الأحوال القوانين اللي حكيتلك عنها موجودة ضمن مجموعتين كبار أولها "مجموعة قوانين الكنيسة اللاتينيّة" يللي ما بيعنوا موضوعنا لا من بعيد ولا من قريب بس للأسف حضرتك دخلتهن عالنقاش فاضطريت جاوبك. وتانيا "مجموعة قوانين الكنائس الشرقيّة" وما يرافقها من شرع خاصّ بكل كنيسة! وهون بيت القصيد!
هلا ردود ديبلوماسيّة... موافقة على مضض هاد مو من شأنك ولا شأني نحكم عليه... القانون موجود وفيه تصريح علني عن الزواج بين كاثوليكي وغير مسيحي من أي دين كان.
بالنسبة للي ذكرتو بالبداية فالموضوع يتعلق بأزمة عم تعيشها إيطاليا وهيّ أزمة محليّة ما فيك تطبقها عالعالم الكاثوليكي أجمع ولهالسبب بتشوف اللجان يللي تعلم بتعود للجان خاصّة بالكنيسة الإيطاليّة ونحن موضوعنا سورية والقوانين العامة والخاصّة فيها فلا تبعد عن الموضوع الله يخليك!

أنا مافي عندي مشكلة بخصوص الاديان و سيطرة و طغيان ديانة على اخرى بس النقطة يللي لازم نوعاها هي بأنو السنن و الشرائع و القوانين بتنحط للأكثرية و يا أخي الأقلية في عندن مرجعياتهن فوين الغلط.

أنا عندي مشكلة، وكل إنسان بيشوف الوطن واحد والبشر متساويين لازم يكون عندو مشكلة بهالإطار... لأننا نحن بالدولة ما بنشرع لحضرتك أو لحضرتي، لدين أو لدين آخر، نحن بنشرع لدولة بتضم أديان ومذاهب وقوميات مختلفة ولجمع هود الكل تحت خيمة وحدة يقتضي العدل أنو يكون القانون واحد مع مراعاة خصائص كل منهن بدون ما تكون هالخصائص على حساب التانيين متل ما عم يصير معك أنت ومع قانون الأحوال الشخصية الجديد!

أنا قصدت مارح يكون في مصادقة على الزواج المدني و إلا أصلاً الزواج إلو صبغة مدنية بيتطبق ضمن تعاليم شرعية او لاهوتية .. إي نعم لما بيصير اشهار للزواج و شهود و من دون لا قاضي و لا قسيس فهاد زواج و كان حاصل و واقع.
و عندك لبنان و مشروج الزواج المدني يللي جوبه بالرفض من البرلمان أكتر من مرة.
هون بقى إذا مسيحية بدها تتزوج مسلم فحاصل بشكل او بآخر .. مسلمة بدها تتزوج مسيحي بيجوز إذا صار في وفاق و تنازلات و الموضوع في إلو تبعيات .. باختصار الزواج المدني الشعب مش رافضو لأنو انت و غيرك رح تختاروا يللي بيناسبكن .. لكن المرجعيات الدينية و أولها المسيحية قبل المسلمة هنّ يللي رافضينو و لو البعض قبلو فهو قبول على مضض

لا عيوني أنت قصدك واضح جداً وليك شو قلت بالحرف الواحد:

لأنو الزواج تشريع سماوي بكل الديانات و سننه و قوانينه مستمدة من مصادر بتعرفوها اذا كانت شريعة اسلامية أو مسيحية او غيرو.

فرجاءً التزم كلامك ولا تعملي تفاسير واجتهادات متل ما متعودين فقهاء أهل الذّكر!
شغلة تانية بحب تعرفها أنو المرجعيات المسيحية مانها رافضة للزواج المدني، والتجربة اللبنانيّة ما بتعبر عن سورية، لأن هونيك الموضوع يختلف تماماً، هونيك الزواج المدني رح يكون باب لكل الأطراف لتتخلص من المحاكم الدينيّة، وتتطلق على كيفها، والكنيسة بلبنان اعتبرت الموضوع مرفوض لهالسبب ولأسباب أخرى تتعلق بالمسلمين وشرائعهم الخاصة بلبنان وما بدنا نفوت بالتفاصيل لأن الموضوع ما بيهمني والمفضل نبقى بقصصنا نحن!

هاد الشرع الاسلامي شو بدك تعمل .. و انت عايش بين ظهرانين العرب و المسلمين " هي إذا انت مش عربي " و عم بتمارس حياتك اسم الله عليك و عم تنقد الاسلام و شرعه و ماشي حالك و ما تنسى بانو سوريا فيها 10% مسيحيين يعني إذا بدّك تجاري الواقع الصبغة و التشريع بصراحة بدو يكون اسلامي و مابظن 80% من الشعب مستعدين لتغيير معتقدهن منشان 10% هاد واقع

كتر الله خيرك وخير الإسلام إي والله لازم بوس إيد الله وخدودو على هالنعمة... عم يسمحولي مارس حياتي وماشي حالي كمان... وأنا عايش بين ظهرانين العرب والمسلمين... بس كمان بدي أتشكر الله ألف مرة وبوسو من طـ... على نعمة الحكم العلوي برغم كل مصايبو الاجتماعية والاقتصادية بالبلد داعس على راسن وحاطط الصرماية بتمن، هدوك يا رجل عرفت مين هن؟! ولولا الحكم هاد كنت هلا بنزل من عالرصيف إذا شفتلي شي أخونجي ماشي عليه، أو إذا شفتك أنت ماشي عليه لأنّك من نسل الآلهة وأنا من نسل الأبالسة... وبعلق صليب وزنو شي سطاعش كيلو برقبتي حتى يعرفوني ويبصقون بوجهي لأني مشرك كافر... الله يخليلنا ياك يا بشار لك روح إلى الأبد روح شايفلك على قولة الأخوية! فقر وتخلف تحت حكم علوي أرحم بستلاف سنة ضوئية من حكمكن أنت وأمثالك.
إي نسيت أترحّم كمان على تراب ترابو لأتاتورك مقوض الخلافة ونازع القلنسوة والعمامة وحالق الذقون من جميع الأطراف... بشرفي أنا رح أشهدلو يوم القيامة أنو الزلمة بار وصدّيق ورح أعطيه حسناتي ليفوت على جنة الحريم والحوريات... لك بس لو في متلو 3 اليوم بعالم العرب لنحط أوروبة بجيبنا هداك يلي معلق بالبنطلون من تحت!

هلأ المسيحية الكاثوليكية بتكفر المسلم و إذا كنت خاطئ ففي طوائف بتكفر المسلم و بتعتبرو خارج عن الرحمة و مآله النار .. حكو المسلمين شي بهالخصوص؟ ليش ما حكو؟ أنا قللك ليش!
المسلمين عايشين على ارضهن و كمان المسيحيين عايشين على ارضهن عمّي كل واحد بحالو بخصوص الامور الحياتية و بصراحة بس المسيححين العرب آخدين دور الـ Drama Queen و بعض العلمانيين يللي موعاجبهن شي و بدهن يغيرو بس للتغيير.

روح يا عبقرينو... شو هالشحطة؟! من وين جبتا هي دخيلو أنا؟! سمعان بشي اسمو علم "السوتيريولوجيا"؟! إذا مو سمعان فبنصحك تغطلك شي غطة بالنت بحبشة ونكوشة على هالكلمة بركي بتعرف شو معنى "علم الخلاص" عند المسيحيين، واللي بيقتضي بخلاص جميع البشر الأخيار لأن الله مانو لا مسيحي ولا مسلم ولا حتى يهودي من جماعة الليكود... إذا كان إله عادل وأب لكل الخلائق فهو بيخلص البشر أجمعين بناءً على أعمالك وإيمانك مو عالهويّة والقوميّة... بشرفي اللي يسمعك بيفكر في شي حاجز لبناني أو سوري على باب الجنّة (أيام الحرب الأهلية) ودبح عالهوية وشغال الكفوف!
يا سيد تقرير جوال بنصحك تترفع عن هيك أقوال ضعيفة مانا موجودة ولا بأي قاموس وإذا شفتا عند شي قس أو مطران فمتلو متلك ما في فرق وحياتك!
قلتلي الدراما كوين... الله يرحمك يا ستي الزلمة أمثالو كلا أنكلوسكسونيّة! لا حبيبي المسيحيين مانهن آخدين هالدور لأن أنتو ما مخلين الدور لحدا وبعدين أنا ما عم نادي لا بمسيحية ولا بإسلام أنا عم نادي بعلمانية شرقية توحد السوريين تحت لواء واحد وما بتميز بين فلان وعلتان بس لأنو مسلم أو عربي!

منحكي شوي عن عهد الذمة
شكلها هالكلمة بتأثر كتير بس الواقع حاصل و لما طُرحت هالكلمة و أخد العمل بها كانت الدولة اسلامية نهجها اسلامي صرف و ما بعرف انت اذا بدك تسمي المغاير لعقيدة دولة شو؟ بكل الاحوال لغةً الذمة هي الضمان و الأمان
و يعني انت شو قاهرك من هالعبارة يللي بتميز او بتفرق المسلم عن الغير مسلم أنت ما بيهمك بأنو حقوق الذمي هي نفسها حقوق المسلم؟ هاد حاصل
كمان وجوب الدولة المسلمة الذود عن أهل الذمة كما هو الحال عن المسلمين! كمان المسلمين و الذميين سواسية أمام القوانين القضائية من حيث تطبيقها عليهن .. ما عدا الشؤون الدينية فتحرم فيها عقائدهن بيكفي بأنو الحدود الاسلامية ما بتطبق عليهن لانهن مش مسلمين كمان بظن لا يدعى الذمي للمثول للقضاء في يوم عيده.
بدنا نحكي بمنهجية كلمة الذمي تطلق على من يعيش ببلد اسلامي أو بلد خاضع للاسلام و ما بظن هلأ المسيحيين عم يدفعو فلوس بس لسلتهن ما بيحاربو.

معليم إذا أنت جاهل بدينك فهاد مو ذنبي؟! فأما إذا ما كنت جاهل فيه فروح اقرا منيح شو تعني كلمة "أهل الذمّة" وبمعيتك اقرا شو هي أحكام أهل الذمّة... لك لسا في بشر عندن عقل يحكوا هيك؟! إي لأني غريب والدولة المسلمة بتذود عني... ماشالله عليك وعلى أفكارك النيّرة من نورها وطيت وسجدت!
هالحكي ما عاد مقبول بعالم عم ينادي بتحرر الإنسان من كل أشكال العبوديّة وبالمساواة بين جميع الأفراد ذكراً وأنثى... إذا بدك تبني عالم إنساني صحيح فبتمنى عليك تفتحلي عقلك شوي (متل البراشوت كل ما فتح أكتر بيشتغل أكتر) أنت وجماعتك وتخلولي عصور ما قبل التاريخ لهديك العصور وتبلشوا تطرحوا إسلام بينادي بالانفتاح والرحمة والعدل والمساواة وكل ما خلا هالأمر يستر عليه الساتر الأوحد! بيكفي تشوهوا صورة الإنسان يللي كان قبل كل الأديان... لك بدي أفهم قبل وجود الإسلام والمسيحية واليهودية وغيرا وغيراتا ما كانوا بشر؟! ولا هدوك جحاش وأنتو بس البشر؟!
الإنسان من يوم الخلق هو إنسان قبل ما يكون يهودي أو بوذي أو مسيحي أو مسلم... لك حاجتنا قرف!

حلوه هي المسيحي المسلم و بدّي اتبعها بمقولة لفارس الخوري منشان زيدك صَرَع هي من ويكيبيديا و ما بعرف صحتها قال فارس الخوري: "لا يمكننا محاربة النظريات الهدامة التي تهدد كلاّ من المسيحية والإسلام إلا بالإسلام" خلص كلامه.
كيف يعني حكومة شبه علمانية؟ شيوعية مثلاً او ما بتآمن بدين.. منشان هي رح اقتبسلك كمان مقولة إلو " لو خيرت بين الإسلام وبين الشيوعية لاخترت الإسلام" .. كمان قال: "يمكن تطبيق الإسلام كنظام دون الحاجة للإعلان عنه أنه إسلام" و للحقيقة هي المقولة فيها أبعاد كتيرة خلينا نتجاوزها.

إي عجبتك ما؟! اتبعها خال اتبعها بس دير بالك من تبعياتها أو ليسمعك شي إرهابي يفجر حالو فيك! أولاً فارس الخوري مانو معيار لألي ولا حتى لأي مسيحي سوري هو يمثل حالو بالنسبة لهيك آراء شخصية... لأن أنا إذا خيرت بين الإسلام (متل ما حضرتك عم تقدمو) وأي شي تاني لاخترت بالتأكيد هالشي التاني ولو كان الانتحار ! وتاني شغلة أنا لما أحكي عن "شبه علمانية" لأن بآمن بعلمانية (مختلفة عن الغربيّة ببعض الأمور) توحد الجميع بقانون عام مع احترام خصائص المذاهب بدون مخالفة القانون العام... تماماً متل الشرع العام والخاص ضمن الكنائس الشرقيّة!

هون بقى بدنا نقول بأنو المنطقة بأسرها بيسيطر عليها الفكر الديني ما بدي رشّح الاسلام للحل او العلمانية بس صدقني مش بالسهولة تطبيق العلمانية على أرض كانت مهد للديانات أرض تعمرت عليها آلاف المساجد و الكنائس أرض بشر لساتهن ماشين على سنن و نهج الرسول الكريم محمد عليه الصلاة و السلام .

وأنا ما بفكر أهدم الكنائس والمساجد ولا حتى معابد اليهود... أنا بفكر أنشر فكر جديد بيخلص البشر من عبودية الأديان والطقوس البالية والعادات الخنفشارية والأفكار المهترئة يللي سبق وقرأنا عنا هون.
والصّلاة والسلام على الإنسان بكل أشكاله!

[أم الجود]

يا جماعة كرمال الغوالي .. هالقانون ما بيناسب لا المسلمين ولا المسيحيين .. بقى حاج تقتلوا ببعضكون لأنه شكلو هاد هدف اللي حطوا هيك قانون ...

ٍٍٍSham FM

استكمالاُ لملف مشروع قانون الأحوال الشخصية في سوريا، افرد برنامج البلد اليوم حلقة السبت 20/6/2009، للحوار حول هذا الموضوع مع الأب أنطوان مصلح،رئيس المحكمة الروحية للروم الكاثوليك، والدكتورة منى غانم مديرة مركز التنمية.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[mhsen77]

كاتب النص الأصلي : أم الجود

يا جماعة كرمال الغوالي .. هالقانون ما بيناسب لا المسلمين ولا المسيحيين .. بقى حاج تقتلوا ببعضكون لأنه شكلو هاد هدف اللي حطوا هيك قانون ...

ٍٍٍSham FM

استكمالاُ لملف مشروع قانون الأحوال الشخصية في سوريا، افرد برنامج البلد اليوم حلقة السبت 20/6/2009، للحوار حول هذا الموضوع مع الأب أنطوان مصلح،رئيس المحكمة الروحية للروم الكاثوليك، والدكتورة منى غانم مديرة مركز التنمية.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

هالكلام صحيح مية بالمية



و الخير لقدام بقانون صدر مبارح وهوي قانون العمل يلي رح يشحد الناس

[MadMax]

بتاريخ 7/6/2007، صدر القرار رقم 2437 الذي بموجبه أعدّت لجنة «سريّة» شكلها رئيس مجلس الوزراء السوري قانوناً جديداً للأحوال الشخصية السوريّة. ومنذ أكثر من شهر، تسرّب القانون الجديد إلى بعض الناشطين السوريين المستقلين، ليثير زوبعة من الانتقادات الحادة ضده، وهي انتقادات أتت حصراً (في بدايتها على الأقل) من مثقفين ونشطاء مستقلين (لا هم من الموالاة ولا هم في صفوف المعارضة).
أجمع كل من تناول القانون الجديد على أنه ينسف جلّ ما حققته المرأة السورية من مكاسب حضارية سطّرتها بكفاحها ونشاطها وانخراطها في الشأن العام منذ مطلع القرن العشرين، وربما منذ النصف الثاني من القرن التاسع عشر. إلا أنه والحق يقال، أتى قانوناً مفصّلاً على مقاس مسلسل «باب الحارة»، وكأن المطلوب من السوريين بمختلف انتماءاتهم وخلفياتهم أن يعيشوا خلف أسوار تلك الحارة التي لم تعرف المدنيّة بعد!

لقد أتى في طيات القانون الجديد تعابير اعتقد السوريون أنهم تجاوزوها منذ ما يزيد على القرن؛ فكيف ستغدو الحال، إذا كان من شأن بعض ما انطوى عليه تفتيت بنية المجتمع السوري، الذي من حقه أن يتطلّع إلى عيش حياة عصرية حديثة؟ فعلى سبيل المثال، استعاد القانون الجديد في المادة 38 منه مصطلح أهل الذمة، كما اعتبر مشروعه أن زواج الرجل والمرأة باطل في أكثر من حالة، كما أتى في نصّ المادة 63 منه، وهي زواج المسلمة بغير مسلم حال لم تكن كتابية (يلاحظ هنا استعادة مصطلح كتابية)، زواج المرتدّ أو المرتدّة عن الإسلام ولو كان الطرف الآخر غير مسلم. ناهيك عن أنه أتى في متن المادة 93 فإن عقد الزواج الباطل، وفق فقه المشرّع، لا يترتب عليه مهر ولا نسب ولا وراثة ولا حقوق!
بهذا المعنى، فإن زواج السورية من لا أدري أو ملحد أو بوذي (والعكس صحيح)، يعتبر زواجاً باطلاً حتماً! وفي أحد بنوده، ثمة إحياء بطريقة غير مباشرة لمصطلح الردّة وجواز محاكمة المرتد عن دينه (الإسلام). هذا ما تؤكده المادة 233 التي تنطوي على «إذا ارتدّ الزوج قبل الدخول، فسخ القاضي الزواج، وإذا وقعت الردّة بعد الدخول وعاد إلى الإسلام خلال العدّة عادت الزوجية ولها الفسخ». فيما تنصّ المادة 234 على أن ردّة الزوجة بمفردها لا توجب فسخ العقد.

ناهيك عن احتفائه بتعابير منفرة، أبعد ما تكون عن روح المساواة والمواطنة، ناهيك عن أن الأذن تخجل من سماعها، من قبيل: الموطوءة، والنكاح، وأجرة إرضاع الولد، وخفض سن زواج الفتاة إلى سن الثالثة عشرة، وتحويل المرأة إلى مجرد آلة إنجاب ووسيلة متعة للرجل لا أكثر، والكثير من هذا القبيل، وهو ما يتناقض مع الكثير من نصوص الدستور السوري الذي يؤكد على المواطنة بين الناس بمعزل عن دينهم ولونهم وعرقهم وجنسهم.
اللافت في السجال الذي جرى (وما يزال) في سوريا، بل المفجع، هو صمت المعارضة السورية (بشقيها الداخلي والخارجي). في وقت علت فيه أصوات بعض الإسلاميين المعتدلين رافضة المشروع جملة وتفصيلاً، وهذا ما عبر عنه أكثر من مقال للناشطة الإسلامية السيدة أسماء كفتارو (حرم الدكتور محمد حبش)؛ ففي أحد مقالاتها، في موقع «نساء سورية» بتاريخ 9/6/2009 اعترضت بشدة على القانون المذكور. نورد هنا بعض ما جاء فيه نظراً لأهميته :«ومع أنني أرفض اعتماد القانون المذكور أصلاً للحوار كونه بني على أساس من تجاهل الروح القانونية وتجاهل المرأة السورية العاملة (نائب رئيس الجمهورية، المستشارة في شؤون القصر والأمور الفكرية، الوزيرات، وأعضاء مجلس الشعب، والناشطات في حقوق المرأة) والتأكيد على ظلمها واستنكارها كإنسان كامل الأهلية وتغييب الروح التجديدية التنويرية في الفقه الإسلامي والمنهج الوسطي للإسلام والاعتماد على الفكر التقليدي التعصبي الذي يحاول أن يبعد المرأة عن مجالات الحياة العامة وقد فتحت لهم نافذة مشروعة من خلال رئاسة الوزراء ليحكموا فيها على النساء والمجتمع بما تهوى أنفسهم بقوانين مشروعة من الدولة، ولكن أذكر على سبيل الاستطراد النقاط الآتية:

1ـــــ إن إقحام اللجنة نفسها نائباً عن الطوائف المسيحية والدرزية والموسوية في البلد مع غياب أي أحد من أفراد هذه الطوائف عن مسودة القانون يعتبر خللاً فاضحاً، وهو تجاهل مؤسف لعدة قوانين صدرت في الماضي وصادق عليها مجلس الشعب، وصدرت فيها مراسيم جمهورية تقرّ ما ارتضته الطوائف الدينية لنفسها وما عبرت عنه مرجعياتها الدينية المختلفة.
2ـــــ المادة 44 أعادت مسوّدة القانون سن الزواج إلى ما دون السابعة عشرة للنساء والثامنة عشرة للرجال وهو ما كان محسوماً بالقانون السابق، وذلك حين منح القاضي سلطة تقديرية يمكنه أن يأذن بموجبها بإجراء عقد الزواج للأطفال إذا طلب الأطفال الزواج وقدر القاضي أنهما قادران على الزواج جسدياً فيطلب من الأب أن يأذن لهما بالزواج، وهذا يتنافى مع منطق الاتفاقات الدولية التي صادقت عليها سوريا ويتنافى مع واقع الحياة وما ثبت علمياً وطبياً واجتماعياً من عدم قدرة الأطفال على بناء حياة أسرية جيدة وتحمل الأعباء التي ستوكل إليهم.
3ـــــ إعادة ترسيخ تعدد الزوجات من دون وضع ضوابط حقيقية ترفع عن المرأة الظلم، وذلك عن طريق ذكر الشرطين التقليديين النفقة والعدل، مع العلم بأن هذه الشروط لم تتمكن على الإطلاق من رفع الظلم عن المرأة المتزوج عليها. وقد عجز القانون عن أن يجعل التعدد وضعاً استثنائياً بل عمد إلى اعتباره حقاً مطلقاً للزوج لا علاقة للمرأة فيه».
فيما انتقد الدكتور محمود عكام، أخيراً، القانون من خلال موقعه الإلكتروني، مسجّلاً شهادة لله والتاريخ، بحسب قوله، أهم ما أتى بها: «أنا أحمَدُ في الدستور السوري أنه قدم المادة /45/ التي تقول: تكفل الدولة للمرأة جميع الفرص التي تتيح لها المساهمة الكاملة والفعالة في الحياة السياسية والاجتماعية والثقافية والاقتصادية». نريد أن يكون الدستور هو الراعي للقانون، أو أن يكون أماً للقانون، ونريد من قانون الأحوال الشخصية أن يكون تحت ظلال الدستور، وأن يتماشى مع الدستور، لأن الدستور استراتيجية، والقانون تكتيك، ونريد من التكتيك أن يماشي الاستراتيجية، وأن لا يختلف عنه، أو يعاكسه، وأن يكون هذا القانون ـــــ الأحوال الشخصية باعتباره مُستمَداً من الشريعة الإسلامية ـــــ مماشياً للدستور، وفي ظلال الملامح الدستورية العامة في ما يخص المرأة.
أخيراً: وبعد دراسة مستفيضة وجدت أن ملامح الدستور الإسلامي للأسرة عموماً، وللمرأة خصوصاً، هي ما يأتي:
ـــــ الرجل والمرأة من أصل واحد ولا خلاف. ـــــ المرأة شخصية مستقلة فلا اندراج ولا اندماج. ـــــ المرأة تشارك وتساهم في الحياة الاجتماعية. ـــــ المرأة تشارك في الحياة السياسية. ـــــ المرأة ذات أهليّة كاملة ولا خلاف، و«إنما النساء شقائق الرجال».

في ظل صمت المعارضة المزمن إزاء القانون، بادر بعض النظام السوري إلى رعاية السجال، هذا ما نتلمسه من خلال أول مقال سطرته صحيفة «الثورة» الحكومية بتاريخ 12/6/2009 من خلال مقال بعنوان «حول مشروع قانون الأحوال الشخصية الجديد»، أتى فيه:«المشروع مليء بالمواد التي تكرس مفاهيم وأوضاع أنفقت الحكومة الكثير على تغييرها للنهوض بواقع المرأة والأسرة».‏ وكان ذلك إشارة إلى تناوله ضمن الإعلام الرسمي وغير الرسمي داخل سوريا، بمباركة سياسية رسمية على ما يبدو، فلم يلبث الأمر طويلاً حتى خصصت ندوات لمناقشته عبر محطة فضائية «المشرق» المستقلة بتاريخ 16/6/2009، وكذلك فعلت إذاعة «سوريا الغد» في التاريخ ذاته؛ إلى أن وصلت الحملة ضده إلى الفضائية السورية وهي رسمية، لكنها (أي الحملة)، حتى تاريخ كتابة هذه الأسطر ـــــ بحسب حدود معرفتنا ـــــ لم تصل إلى موقع «النداء» أو «الرأي» المعارضين.

فقطعاً لم تكن تحتاج سوريا إلى قانون كهذا، يشرّع زواج الطفلات (يكنّيها البعض تهكّماً: اغتصاب الطفلات) ويسلّع المرأة ويفرّق بين مكوّنات الشعب السوري، قدر ما هي بحاجة إلى قانون أحوال شخصية مدني. فبحسب زعمنا أن المخرج المناسب لسوريا، بغية الخروج من قوقعات الطوائف والمذاهب واختلاف الأديان وتعددها فيها، وصولاً إلى المواطنة الحقة، هو ذلك القانون الذي يقف على مسافة واحدة من جميع السوريين. ناهيك عن أن قانون الزواج المدني لا سواه هو المدخل الأول لاحترام الإنسان ككائن قائم بذاته، ولحريته الشخصية. ولا نعتقد أن قانوناً كهذا يتناقض مع حالات التديّن لدى الناس من أي دين أو مذهب كانوا، إذ بمقدور العازمين على الزواج حال كانوا متدينين الذهاب إلى الكنيسة أو إلى الشيخ بغية نيل بركته، قبل الزواج مدنياً أو بعده.



جريدة الأخبار

[المحارب العتيق]

بما أنو في ناس مشاء الله فهمانة وعقلها نير ويلي ضدهم أفكارهم مهترئة . بستغرب ليش أصحاب الافكار المهترئة مابيطالبو بحقوقهم بباقي تشريعات القانون السوري . هلأ القانون لحظ مثلا خصوصية المسيحيين والدروز . ليش مثلا القانون التجاري مابيلحظ أنو المسلم مابيتعامل بالتعاملات الربوية مع البنوك . ومع ذلك المسلمين كأنهم مخدرين . مابيحاولو يطالبو بأي حق . لأنو تهمتو جاهزة (( أخونجي وتفجيري وباقي الأسطوانة))

[التقرير الجوال]

يعني كيف هَي صارت!!؟ شو هي تعليم كَنسي عام و شرع خاص؟ يعني أنا يللي بعرفو في شي واحد هوي إذا بدنا نسمي رح يكون تشريعات كنسية للزواج و هي بعمرها مارح تتوافق مع أي تعليمات للقانون العام و إلا كانت الكنيسة سمحت بالزواج المدني أو بالأحرى أجازتو .. يعني كيف و لساتها رؤوس الكنيسة في عندها تحفظات على زواج الكاثوليك من ديانات اخرى؟ هاد الظاهر يللي عم ينتشر بالميديا .. فما بالك بالمخفي!! لك يا رجل الكنيسة الأرثوذوكسية رافضة بتاتاً زواج المسيحي من وثني او من غير ديانة

طيب شو رأيك بنخبة بدها تشرح لطائفة من البشر في عندها معتقد و أيديولوجية فكرية دينية معيّنة؟ كيف هي بدك ترضيها بتشريع .. تبتكر تشريع حَداثي يعني بيتماشى مع الزمان و تطورات العولمة؟ و إذا أصلاً هالناس الموجودين بسوريا يللي أغلبهن مسلم في عندهن شرع و راضين في و بدهن ياه فمنشان شو بدك تنط من فوق الأساطيح و تفبرك و تحوّر بعقيدتهن؟ برأيك رح يرضون؟؟

و مين قللك بانو الوطن مش واحد و القانون و التشريح بيحتوي الكل.. هي في حلول و تشريعات للكل.. شرع عام موجود .. كنائس روحية كمان موجودة و محاكم للأقليات كمان موجودة و كلٌ يُغنذي على ليلاه ضمن بوتقة فيها شرع عام .. قللي شو هو التفريق و التمييز .


أنا كتير ملتزم بكلامي و انشالله مارح يتحور و لا يتلّون مع هوا الأحوال انا قلت بالحرف الواحد الزواج أسنه التشريع السماوي و طبقو الناس بالماضي على شكل مّدني يعني اشهار للزواج و هي هي بس يعني بعبارة تانية مادام في تطبيق للتشريع السماوي فانت فيك تتزوج بالبيت بوجود تنين شهود و خلص و بيتم الاعلان و هي هي .. هاد أصدي و هاد كلامي يللي أخد صبغة مدنية من دون لامحكمة شرعية و لا كنيسة .. فمابعرف كيف أنت أوّلت كلامي!!


بالبداية الكلمة هيك بتنفال " سَتِيريُولوجي " soteriology و هاد علم مسيحي لاهوتي بحت بيتعلق بالخلاص
يللي تم على إيد المسيح, و بيني و بينك الستيرولوجي المسيحي بيدرس كيف الفرد بواسطة نعمه الايمان بيسوع و الـ Triune God و الثالوث الرباني كيف بواسطة الايمان بهي المقدسات رح تحصل للبشر الخلاص و الغفران من الخطايا .. فأنت عن شو عم تحكي و كيف السيتيريولوجي بيخص المسلم و هوي اصلاً ما بيآمن بالثالوث؟ Got ya hey
بعدين شكلك مش مطلع كتير على أقوال البابا الجديد بخصوص الكنيسة الكاثوليكية بأنها هي كنيسة المسيح الوحيدة و بانو الأرثوذوكسية كنيسة معيبة و لا تملك الخلاص " هاد يللي حاولت تحكي عنّو "

بعدين في أصول للحديث و النقاش.. بالرغم من أنك أدليك بكلام مافي إلو شيئ من الصحّة رح كمان سلّمك برهانك بيمينك ..

Vatican text angers Protestants

هاد عنوان لمقال انشر بالـ BBC بيقول نص من الفاتيكان بيغضب البروتستانت

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

يا عمي بتقراه إذا بتعرف انكليزي و أنا رح احكي عن النص بشكل موجز .. بيقول

" البابا بنديكت وافق على النص الجديد مؤكد بان الطوائف المسيحية خارج الكاثوليكية ليست كنائس حقيقية بكل معنى الكلمة.
نص كتبه الفاتيكان بخصوص عقيدة الإيمان يللي يرأسه البابا بنديكت السادس عشر قبل انتخابه بابا.
وتذكر أن المسيح أنشأ كنيسة واحدة فقط هنا على الأرض.
كمان بيقول النص لا يمكن أن تسمى كنائس بالمعنى الصحيح لأنها لا يمكن أن تعقب على الاساقفةيللي هنّ رسل المسيح.
و كمان عندك الانبا بيشوي الرجل التاني في الكنيسة الأرثوذوكسية وسكرتير المجمع المقدس والمرشح لخلافة شنودة

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

شو بيحكي عن البروتستانت بل بيكفرهن و بيسميهن وثنيين و ساجدين لأصنام و أيقونات في الكنيسة .. فما بالك برأيهن بغير ديانات؟

الحقيقة ما بعرف انت عن شو عم تحكي..
انت أكيد سمعت بزيارة البابا يوحنا بولص التاني لمصر و رغبتو بالصلاة بدير سانت كاترين بسينا و رفض القساوسة دخول البابا للكنيسة و صلى بفناء الدير؟ سمعت هالشي و إلا لأ و بتعرف ليش رفضو دخولو الدير و بتعرف ليش بابا الكنيسة الشرقية ما استقبلو بالمطار!! كان شيخ الأزهر باستقبالو.. و الله أنا ما عم إكتب هون لإستعرض!!
لك يا رجل الانبا بيشوي بدو وثيقة من البروتستانت و الكاثوليك بيعترفو فيها بانهن غير مسيحيين منشان يكف عن مهاجمتهن .. انت من وين عم تجيب أخبارك ... يعني لاحظ المسيحية بالداخل كيف فما بالك عن وجهات النظر عن باقي الأدياتن؟؟



سبق و أوردت شو بتعني كلمة ذمة .. و أهل الذمة شكلها واحد .. و بدي احكيلك شغلة عن جنود البابا لما كانوا يروحو يسلبو تخوم بيزنطة المسيحية و هنّ بطريقهن على القدس .. القدس فيها مسيحية بس ما بيحاربو " ما بيحاربو " و سبق قلنا هالشي .. فالجيش الاسلامي بياخد مبلغ زهيد من البالغين الراشدين ليحميهن بمعية المسلمين .. المسلمين ليش ما بيدفعوأ؟ و الله اعلم بيجوز لأنو الجيش بيتكون من الابناء و الآباء و غيرو و غيراتو من المسلمين .. بدّك تعرف بأنو المسيحي ما كان يحارب و جد الدولة مش مجبوره في إذا أجيط فيها خطر و هوي قاعد فاتح محلّو عم يتسبب و تارك الحمل على غيرو .. " فكرت بهاد الشي " شو رأيك إذا عكسنا الآية و صارت الأقلية مسلمة و الجيش مسيحي برأيك .. برأيك الشخصي المحصور بفكرك الواعي شو رح تكون الاجراءات المتخدم بخصوص الفرد المسلم يللي بيعتبر من الاقللية؟ ما يكونو يجزرو متل ما صار بكوسوفو و البوسنة و الهرسك منشان التطهير العرقي.
في نقطة بدي منك تفكر فيها كل ما بدك تحكي عن الذمة .. هلأ المسيحي ما بيدفع مصاري بس لساتو ما بيحارب ..

إسلام بينادي بالانفتاح والرحمة والعدل والمساواة هاد كلامك
هي الامور كلها من صلب العقيدة الاسلامية و جد مارح ناقشها معك أنت .. بس بدي اعرف انفتاح شو يعني شو طبيعة هالانفتاح يللي عم تحكي عنّو؟

مافي حدى عاقل بدّو يهدم كنيسة أو معبد أو مسجد بس جد أنت المفروض تلاحظ بأنو الطلبات يللي عم تطلبها انت و غيرك مستحيلة .. إنشاء اسلام مودرن مارح يصير بقدرة قادر بيصير الكنيسة تغير بتعاليمها و شرائعها هاد أمر بيخصها .. تغيير الشرع و سنن لتناسب الغير دينيين منشان يتم استيعابهن رسمي هي قصة فيها نظر
أما عن ايجاد حلول بترضي الأطراف المتنازعة فرح قللك صدّقي الانسان العاقل المسلم راضي بشرعو و مستحيل بيغيرو لأن هاد بيعتبر كفر .. فيك تسقط العبارة الأخيره عالمسيحي .. أما العلماني فهي جد قضيتكن انتو و إذا جادين فيها فلازم تجتهدوا أكتر و تلاقو بدائل و تعرضوها على الأغلبية عسى و لعل! بيتم القبول.

[Abu ToNi]

على علمي كنا عم نحكي على مشروع قانون الاحوال الشخصية
صرنا عم نحكي على البابا يوحنا بولس التاني ليش ما فات على كنيسة بمصر ؟
يا سيدي ويتقلع من مصر كلها وينبذق عليه شو خصه هلموضوع بقانون الاحوال الشخصية وباهانته لمفهوم المواطنة عنا ؟

سبق و أوردت شو بتعني كلمة ذمة .. و أهل الذمة شكلها واحد .. و بدي احكيلك شغلة عن جنود البابا لما كانوا يروحو يسلبو تخوم بيزنطة المسيحية و هنّ بطريقهن على القدس .. القدس فيها مسيحية بس ما بيحاربو " ما بيحاربو " و سبق قلنا هالشي .. فالجيش الاسلامي بياخد مبلغ زهيد من البالغين الراشدين ليحميهن بمعية المسلمين .. المسلمين ليش ما بيدفعوأ؟ و الله اعلم بيجوز لأنو الجيش بيتكون من الابناء و الآباء و غيرو و غيراتو من المسلمين .. بدّك تعرف بأنو المسيحي ما كان يحارب و جد الدولة مش مجبوره في إذا أجيط فيها خطر و هوي قاعد فاتح محلّو عم يتسبب و تارك الحمل على غيرو .. " فكرت بهاد الشي " شو رأيك إذا عكسنا الآية و صارت الأقلية مسلمة و الجيش مسيحي برأيك .. برأيك الشخصي المحصور بفكرك الواعي شو رح تكون الاجراءات المتخدم بخصوص الفرد المسلم يللي بيعتبر من الاقللية؟ ما يكونو يجزرو متل ما صار بكوسوفو و البوسنة و الهرسك منشان التطهير العرقي.

صدقا عم احكي معك وبتمنى ما تفسرها على انها موقف شخصي منك
بس صدقا قرفت حياتي وأنا عم عم اقرا هلفقرة المقرفة هي
يا اخي طلاع من دائرة أنا مسلم وحاول تفكر بمنطق انا سوري
تعا لئلك انا انسان لا ديني
ما بشتريه لبابا الفاتيكان ولكل الطوايف المسيحية بقشرة بصلة .. الك عندي شي ؟
شو الأفضلية اللي حضرتك عم تقدمها لهلوطن عني حتى تتفضل وتتفلسف على ربي وتقلي انت أكثرية وانا أقلية ؟
انا مواطن سوري بقلع عين كل واحد بشككل بمواطنتي ومحبتي لهلأرض
لا أنت ولا أكبر راس بأيا طائفة دينية بحقله يشكك بوطنيتي وانتمائي لهلأرض .
يا زلمة بأوروبا العرب بكونوا مغتربين .. الجيل التاني (اولادن يعني ) يعاملوا معاملة المواطن الأوروبي بنسبة 100% ( هي اذا ما تعامل المغترب نفسه كمواطن ) وانت جاية تنطلي على السكان الاصليين لهلبلد .. متلك متلن يعني .. جاية تقلي ذمي وبتدفع مصاري وما بتدفع ؟ مو عيب عليك ؟ بشرفك ما بتخجل من حالك وقت بتحكي بهلمستوى التخويني هاد ؟

في نقطة بدي منك تفكر فيها كل ما بدك تحكي عن الذمة .. هلأ المسيحي ما بيدفع مصاري بس لساتو ما بيحارب ..

اكتر من مرة شفت هاي الفكرة بردودك وديما كنت قول لحالي انك مانك قاصد هاد المعنى واني فاهمك غلط
بس هلمرة قطعتلي الشك باليقين
بدي اعرف مين المفسد اللي زرع براسك هي الفكرة وكيف عشتا
المسيحي بيخدم علم بلاده متله متل اللاديني ومتل الملحد
يا زلمة علم بلاده هاد مانه علم بلاد الاسلام
عم يدافع عن الارض اللي ربي عليها وعن الشوارع اللي عاش فيها وعن الشعب اللي بينتمي اله
لساتو ما بحارب قلتلي ...روح دور على اسماء متل الدكتور زاهي أزرق .. متل الشهيد جول جمال الشهيد ميخائيل كشور
بأيا عين بدي وقف قدام والد جدي اللي ترك عيلته كلها ودفش ابنه العمره سنة ونص من على صدره وتركه بلا أب وراح استشهد بحرب سفر برلك مع العثماني

عيب عليك تهين وطنية كل هلأشخاص اللي قدموا حياتن ودمن لتقدر تربى انت على ارض مستقلة .
روح عراف تاريخ سوريا بعدين تعا تفلسف على رب اللي خلقني ، لأن صدقا أشعرني تفكيرك بالقرف
اذا الفئة المفترض تكون مثقفة وواعية مانها فهمانة المبادئ الاساسية للمواطنة ... شو صرلك عم تعمل بأميركا كل هلفترة ؟ ما تعلمت ولا 1% من الفكر المعاصر ؟

إسلام بينادي بالانفتاح والرحمة والعدل والمساواة هاد كلامك
هي الامور كلها من صلب العقيدة الاسلامية و جد مارح ناقشها معك أنت .. بس بدي اعرف انفتاح شو يعني شو طبيعة هالانفتاح يللي عم تحكي عنّو؟

لا والله انا على بالي ناقشها معك
القرف من الموضوع بأنه المسلم بحط عقيدته وافكاره الدينية الخاصة على طاولة النقاش وبيمنع كل الجالسن من نقدها مشان احترام عقيدته !!
يا اخي انا من حقي انقد قانون الأحوال الشخصية في حال ما حقق للعادلة
اذا بدك تحكيلي على مفهوم العدل والمساواة فما المطلوب مني أثبت غيابن .. مطلوب منك انت تأثبت وجودن
انا ماني مضطر احترم قانون ما بحقق المساواة وما بيتماشى مع مفهوم المواطنة ، لا بل بينتهك أبسط قواعد العدل وبيخلق عدة اتجاهات وأحكام مو بناء على الحالات .. بناء على ديانة الاشخاص !!
اذا البشرية بتعبر عن العدل بميزان كفيتنه متوازنات .. فصار فيها تعبر عن عدم المساواة برسم كتاب اسمه " قانون الأحوال الشخصية السوري "

اذا بتحب تعتبر نقدي للقانون اهانة للدين الاسلامي والشرع الاسلامي بتبقى هي مشكلتك
انت اللي نزلت معتقداتك لطاولة النقاش وعم تحاول تفرضا على البقية .. ويفترض تتحمل كل عواقب الرفض والمعارضة لقرارك هاد
الا اذا بتعتبر انه المعارضة خطيئة واهانة للإسلام فبيبقى هاد حكي تاني .

مافي حدى عاقل بدّو يهدم كنيسة أو معبد أو مسجد بس جد أنت المفروض تلاحظ بأنو الطلبات يللي عم تطلبها انت و غيرك مستحيلة .. إنشاء اسلام مودرن مارح يصير بقدرة قادر بيصير الكنيسة تغير بتعاليمها و شرائعها هاد أمر بيخصها .. تغيير الشرع و سنن لتناسب الغير دينيين منشان يتم استيعابهن رسمي هي قصة فيها نظر

يا اخي انا ما بدي الاسلام كعقيدة يصير موديرن
عاجبني كتير وضع الاسلام هيك مافي احلى منه
وما شغلتي انا قلك عملي عقيدة اسلام مودين او رجاع قصله شعره بانكي او فيرزاتشي
انا بدي القانون اللي بيحكم حياتي الشخصية يكون مودين عصري واقعي ما بيهدم مبادئ المواطنة
بشرفي عيب نطالب بهيك أشياء .. كأننا عم نطالب بهوا نتنفس فيه
يا اخي هاد حق للكل الهوا مينو انت لتسمحلي اتنفس او لا ؟

حضرتك مانك مستعد تحط قانون وضعي نطور فيه ومتمسك بمرجعية اسلامية
فطبيعي نطالب بإسلام مودين .. لأن ما عم يقدر اسلام الـ 600 ميلادي يحكم بالعدل داخل مجتمع الـ 2009
صعبة كتير هلنقطة حتى ما حدا من الاسلاميين المتشددين قادر يفهما ؟
انه يفصل بين عقيدة اللي بآمن فيها وبين الشرع اللي فارضه على القية نقطة كتير عسيرة الفهم على العقلية المتشددة ؟

أما عن ايجاد حلول بترضي الأطراف المتنازعة فرح قللك صدّقي الانسان العاقل المسلم راضي بشرعو و مستحيل بيغيرو لأن هاد بيعتبر كفر .. فيك تسقط العبارة الأخيره عالمسيحي .. أما العلماني فهي جد قضيتكن انتو و إذا جادين فيها فلازم تجتهدوا أكتر و تلاقو بدائل و تعرضوها على الأغلبية عسى و لعل! بيتم القبول.

البديل الوحيد بيجي وقت بيقتنع الانسان بانه مقعتده الشخصي بينه وبين ربه ، وقت بيحتفظ فيه بينه وبين ربه ما بعود لحدا الحق يتدخل فيه أو ينعته بعدم العدل والمساواة متل ما عم نعمل هلق
عم تقلي العلماني لازم يشتغل بالمجتمع ويقدم البدائل
اذا المسلم الملتزم بحسب ما قلت (وبوافقك بهاد الحكي ) بيعتبر القانون الوضعي غير المطابق 100% للشريعة الاسلامية كفر
كيف بده يسمعني اذا بيعتبرني كافر ؟
ما بيسمعني وبيخضع لرغبة العلماني الا وقت بحس حاله أقلية .. متل أوروبا يعني
وقت بصير أغلبية متل سوريا يعني بقلك نحن الأكثرية ومن حقنا نطبق شرع الله على الأرض .. لا بل هاد فرض علينا
بشكل مطابق تماما لطريقة التفكير اللي انت فتت فيها على النقاش
سوريا بلاد أغلبية سكانها من المسلمين ومن حقن يطبقوا شرع الله لأنه الشرع العادل والصحيح



اذا رجعت لحوارك أنت وقرصان وشفت كيف عم تحكوا على هامش المشروع .. انا مسيحي وانت مسلم .. كتر خيرك ما عم تخليني ادفع مصاري وما عدت ذمي .. انا حاويك ببلاد بشكل فيها الأغلبية وفوق المنها قاعد اتطالب بحقوقك

بتفهم تماما شو القصد من وصف القانون هاد بالقانون الطائفي والقانون المفرق بين أولاد الوطن الواحد

[التقرير الجوال]

ليك لقللك شغلة! الدين و العقيدة من صلب محور نقاشنا .. أوكي! لو ماكان في معتقد ديني و شرائع- آخدينها الناس كدَيدَن إلهن من وقت ما انزلت هالشرائع-لما كان في لا قانون أحوال شخصية مستمدة أفكاره و ركائزة من الشرع .. هي بسيطة و ما بدها فكر نجيب ليعرفها.
إذاً الديانة سبب أساسي من أسباب وضع القانون يللي نحن بصدد الحديث عنّو!
بعدين نصيحة لوجه الكريم .. إذا ما بدّك تحترم البابا يوحنا التاني و هاد شأنك الخاص, فجد من المستحسن بأنك تحترم علمه و المسيرة يللي مشيها بقطع النظر عن ماهيتها .. ببساطة الشخص كان عَلَم و مابظن كلامك رح يكون مسموع لما بتشتمو جُزافاً.

صدقا عم احكي معك وبتمنى ما تفسرها على انها موقف شخصي منك
بس صدقا قرفت حياتي وأنا عم عم اقرا هلفقرة المقرفة هي
يا اخي طلاع من دائرة أنا مسلم وحاول تفكر بمنطق انا سوري
تعا لئلك انا انسان لا ديني
ما بشتريه لبابا الفاتيكان ولكل الطوايف المسيحية بقشرة بصلة .. الك عندي شي ؟
شو الأفضلية اللي حضرتك عم تقدمها لهلوطن عني حتى تتفضل وتتفلسف على ربي وتقلي انت أكثرية وانا أقلية ؟
انا مواطن سوري بقلع عين كل واحد بشككل بمواطنتي ومحبتي لهلأرض
لا أنت ولا أكبر راس بأيا طائفة دينية بحقله يشكك بوطنيتي وانتمائي لهلأرض .
يا زلمة بأوروبا العرب بكونوا مغتربين .. الجيل التاني (اولادن يعني ) يعاملوا معاملة المواطن الأوروبي بنسبة 100% ( هي اذا ما تعامل المغترب نفسه كمواطن ) وانت جاية تنطلي على السكان الاصليين لهلبلد .. متلك متلن يعني .. جاية تقلي ذمي وبتدفع مصاري وما بتدفع ؟ مو عيب عليك ؟ بشرفك ما بتخجل من حالك وقت بتحكي بهلمستوى التخويني هاد ؟

هّي المرّه أنا مضطر جاوبك و لقللك ليش! اللغة يللي عم تحكيها و تكتب فيها زاخرة و فيها ينابيع من المرادفات يللي إذا استخدمتن رح تجمَل كلامك و تصيغو بشكل لائق بيخللي الغير بيسمعك بجدية و كمان بيجاوب بجدية أكتر, فيا ريت المرّة التانية تختار ألفاظ بتناسب و بتليق بالحديث.
أي حبيبي مافي شك بانك بتحب بلدك و بتعتز في .. و بدّي قللك شي شغلة بسيطة منشان ما تتعمق أكتر باوربا أو بأميركا بما يخص دساتيرهن و طرق فرزهن للبشر .. بدّك تعرف بأنو الأميركان أو الدستور الأميركاني ما بيسمحلك ترشّح لمنص الرئاسة إذا ما كنت ولدان بأميركا .. يعني إذا أهلك اجو فيك عاأميركا و انت عمرك يومين فهيك ما بيحقللك ترشح لتصير رئيس أميركا " برأيك شو بتسمي هالقانون "؟ هلأ بسبب هالقانون فيك تسمي اميركا دولة طائفية مثلاً؟
منرجع للذمة انتو ليش ماسكين فيها كل ما دق الكوز بالجرة .. يعني انا سبق و مازلت احكي عن هالموضوع بأنو لك ياعمي المسيحية ما بيدفعوا هلأ .. "و إلا فينا نفكر بأحقاد متوارثة"؟ خلونا نحكي فيها بجدية مرة وحدة و بتكون آخر مرّة .. هالنظام كان قديم .. فشو القصة كل شوي بينطلو واحد و بيقللي لأ يا عمي مين انت لتدافع عنّي .

بدنا ننسى موضوع الذمة و لو مؤقتاً لأنها مش حاصلة حالياً على أرض الواقع .. بس للأمانة ما رح تنمحي من قاموس الاسلام.

أما عن السفربرلك فهي ما بدنا نحكي فيها من أصله لأنها ببساطة لما العصمللي ببدايات 1914 صار بيللقط الشباب و الأطفال و يدفعهن لاتون حرب و بالغصب بظن الروحة للحرب ما كانت خيار أي انسان و لا سيما المسيحي.

المسلم بحط عقيدته وافكاره الدينية الخاصة على طاولة النقاش وبيمنع كل الجالسن من نقدها مشان احترام عقيدته !!

سكت دهراً و نطق شذراً .. ما صار و لا رح يصير بأنو مجمع اسلامي بيحط سننه و شرائعه لنقاشها مع علماني او مسيحي أو شي غير ديانة .. و منشان نرجع لموضوعنا بدّي قللك بأنو المسلم ما عم يحط عقيدته عالطاولة .. الحال عم يفرض هالشي .. منرجع نقول 80% من الشعب مسلم!! الأحرى و الأجدر بأنو نظّم حياتهن من خلال شرعهن .. صح و إلا لأ .. لا الاسلام و لا العقيدة عم يفرضو حالهن عالغير و خصوصاً بمجتمع متل المجتمع السوري
يعني لما بيذكر قانون الأحوال بأنو المراة مش من حقها تزوج نفسها هاد شرع و بظن بسوريا في كتير ناس تجاوزو الشرع و عم يعملو على هواهن " ما هيك " بس كلمة للحقيقة " هاد الشرع و بدو ينتقل كما هو و مافي انسان مسلم عاقل راشد رح يتطاول عالشرع ليغيرو .. بدي منك تفهم هالنقطة ... في مُسَلّمات بالشريعة الاسلامية يللي مافي مخلوق من حقو بأنو يعمل عليها تعديل أو تطوير .. يعني مثلاً زواج المسلمة من غير ديانة باحكام الشريعة صارت زانية ليش؟ لأنو أصلاً زواجها باطل .

إذا بدنا ناقش مسألة بأنو انتو يا أخي المسلمين حاملين السلم بالعرض و مسكرين عيونكن على شرع صرلو 1400 سنة ... إذا بدكن تطرحو هيك موضوع هاتو لنشو شو في عندكن, بس برجع قللك بأنو صارت فطرة عند كل مسلم يعني بدي اوصفلكياها بأنها صارت متل التركيبة المخية يللي مستحيل تتجزّأ و ما بتفاوض على حلول تانية و اذا برأيك مأخودة على أساس خاطئ ففي كتير راضين في و بدهنياه ... العبرة بأنو الرافض بيعمل على التغيير بأسلوب بيتماشى مع عقيدة الأغلبية و غير هيك رح بيكون تطاول و تعدي.

بدي احكيلك شغلة صارت معي مع ست السنة الماضية, طبعاً الست مسيحية و المسيحية هون متدينين أكتر من غيرهن, فتناقشنا عن الصلب و قيامة المسيح .. سألتها ببساطة أنت بتآمني بقيامة المسيح؟يعني مقتنعة بهالقصة؟ قالت ببساطة "لأ" بس بنفس الوقت هي راضية و مبسوطة بدينها و ما بدها تغيرو ..
الخلاصة .. بشر انفطروا و ربيو على مفاهيم و أفكار أخدت كامل فكرهن و جنانهن فكيف بدك تغيرلهن بأفكارهن و بمسلمات ماشيين عليها و يربو أطفالهن عليها! برأيك سهل هالشي .. هون عم احكي عن المسلمين.

فيك تعمل اسقاط للقصة هي مع الشرع الاسلامي يللي مافي مسلم بدّو يغير في شيئ بتاتاً.

يا اخي انا ما بدي الاسلام كعقيدة يصير موديرن
عاجبني كتير وضع الاسلام هيك مافي احلى منه
وما شغلتي انا قلك عملي عقيدة اسلام مودين او رجاع قصله شعره بانكي او فيرزاتشي
انا بدي القانون اللي بيحكم حياتي الشخصية يكون مودين عصري واقعي ما بيهدم مبادئ المواطنة
بشرفي عيب نطالب بهيك أشياء .. كأننا عم نطالب بهوا نتنفس فيه
يا اخي هاد حق للكل الهوا مينو انت لتسمحلي اتنفس او لا ؟

حضرتك مانك مستعد تحط قانون وضعي نطور فيه ومتمسك بمرجعية اسلامية
فطبيعي نطالب بإسلام مودين .. لأن ما عم يقدر اسلام الـ 600 ميلادي يحكم بالعدل داخل مجتمع الـ 2009
صعبة كتير هلنقطة حتى ما حدا من الاسلاميين المتشددين قادر يفهما ؟
انه يفصل بين عقيدة اللي بآمن فيها وبين الشرع اللي فارضه على القية نقطة كتير عسيرة الفهم على العقلية المتشددة ؟

يعني يللي بيسمعك تحكي هيك بيقول بانك عايش ببلد متشدد حالو متل حال دول الخليج .. يعني شو الفرق بين المسيحي و المسلم أو غيرو من باقي الملل او الطوائف .. بس لأنو القانون نوضع للأغلبية؟
يا رجل الناس عايشين بأساليب حياة مختلفة ضمن المجتمع الواحد ليك الأرمن بحلب عندهن مجتمعهن الخاص فيهن بس كمان منصهرين بأسلوب الحياة العام .. ليك الشام من كل حَد و صوب و ماشية الأمور و عال كتير
لك شو بدكن بالظبط
بدّي فتحلك عيونك على شغلة بيجوز هي يللي عم تعمللك اللبس بأنو المتشددين ما عم يقتنعو بضرورة الحداثة و التطوير و الـ 2009 بعيدة كتير عن الـ 600 ميلادي .. الزمن بعيد كتير بس الشريعة هي هي .. و مارح يصيبها اي تغيير أو تطوير و هاد إذا انت بتسمي تزمّت و تشدد غيرك بيسمي إتباع نهج شرعة الله
هلأ لما الكنيسة الكاثوليكية بتعمل تفريق أو فصل بين الأزواج منشان بس ما بيلجأو للطلاق هيك الشرع و الزواج شرع من السما و يللي بيزوج هو الله عندهن فصعب تجي و ببساطة تقول يللا بدنا نطلقكن .. هيك نسفت كل مبادئك بل دخلت ضمن الكفر لأنك تطاولت على شرع معبودك .. فيك تدرسها من هالمنطلق, لأنك عم تتعامل مع بشر في عندهن إلاه معبود و لازم الناس تتبع شرعه و هاد بظن من حقهن .. هون بقى بدنا نحكي عن الحداثة و التغيير .. كيف بدنا نغير بكلام و شرع المعبود؟ على شو و منشان شو .. و مين أصلاً حابب يعمل هيك ليدخل ضمن دائره غضب الله؟
الموضوع مش بهالسهولة يللي عم تحكو عنها .. اي وضع قوانين حداثية سهل بس الصعب تأنيب الضمير.
شو رأيك بأنو شهود يهوه بانجيلهن بانو بس شي 140 أو 144 ألف رح يدخلو الجنّة بس هيك هاد قرار صاغو انسان
إذا فيك تعمل على تضليل البشر و بتنام مرتاح قرير العين فرح يكون سهل عليك تفبرك بشرع الله

البديل الوحيد بيجي وقت بيقتنع الانسان بانه مقعتده الشخصي بينه وبين ربه ، وقت بيحتفظ فيه بينه وبين ربه ما بعود لحدا الحق يتدخل فيه أو ينعته بعدم العدل والمساواة متل ما عم نعمل هلق
عم تقلي العلماني لازم يشتغل بالمجتمع ويقدم البدائل
اذا المسلم الملتزم بحسب ما قلت (وبوافقك بهاد الحكي ) بيعتبر القانون الوضعي غير المطابق 100% للشريعة الاسلامية كفر
كيف بده يسمعني اذا بيعتبرني كافر ؟
ما بيسمعني وبيخضع لرغبة العلماني الا وقت بحس حاله أقلية .. متل أوروبا يعني
وقت بصير أغلبية متل سوريا يعني بقلك نحن الأكثرية ومن حقنا نطبق شرع الله على الأرض .. لا بل هاد فرض علينا
بشكل مطابق تماما لطريقة التفكير اللي انت فتت فيها على النقاش
سوريا بلاد أغلبية سكانها من المسلمين ومن حقن يطبقوا شرع الله لأنه الشرع العادل والصحيح

أما بالشرع الإسلامي فمافي معتقد بيني و بين ربّي .. العقيدة أنزلت على الرسول لكي تكون هداية و شرع للعالمين و من هالمنطلق مبدأ بأنو أنا بعبد ربي بطريقتي مرفوضة و عاملني كانسان من دون التطرق لعقيدني فيها نظر و لقلك بانو الانسان حقوقه مصانة بالاسلام,بقطع النظر عن ديانته هاد إلا إذا بغى و عمل عالافساد.
و بالنهاية ولاد الوطن مشتركين بالوطن "عالقليل حالياً بهالظروف " مافي فرق و لاتمييز و الجدارة و الحضور و التميز للأسبق و المجتهد و لتبسيط الموضوع كل شي ناقشو قانون الاحوال من منظور إسلامي ما بيناسبك تركو أنت مش مجبور في و يا عمي خود بس يللي بيناسبك.
و للتذكير أمور الزواج و التركة و العَقَديات مارح تتغير و رح ترجع كمان مستقاة من الشرع الإسلامي.

[Abu ToNi]

الحكي بالقانون هاد ما عاد بينفع لأنه انشلف بالمحل اللي لازم ينحط فيه من الأول ( اي الزبالة في حال ما دارتلك )
فلهيك ما رح عقب على شي
مع انه ردك الاخير بيحمل من السذاجة الكتير متل قانون موضوع للأغلبية والتركيبة المخيّة صعبة التجزئية
فقصة بيدفع وما بيدفع عيب عليك ترجع تفكر فيها ... لأن اهانة الك قبل ما تهين القدامك .

على أمل ما نرجع نشوف هيك كابوس من شخصيات متطرفة .. تصبحون على وطن ..

[المحارب العتيق]

كاتب النص الأصلي : Abu ToNi

الحكي بالقانون هاد ما عاد بينفع لأنه انشلف بالمحل اللي لازم ينحط فيه من الأول ( اي الزبالة في حال ما دارتلك )
فلهيك ما رح عقب على شي
مع انه ردك الاخير بيحمل من السذاجة الكتير متل قانون موضوع للأغلبية والتركيبة المخيّة صعبة التجزئية
فقصة بيدفع وما بيدفع عيب عليك ترجع تفكر فيها ... لأن اهانة الك قبل ما تهين القدامك .

على أمل ما نرجع نشوف هيك كابوس من شخصيات متطرفة .. تصبحون على وطن ..

بس سؤال نصبح على وطن متل تصورك ومتل مو راسملو ببالك . ولا وطن للجميع؟

[zen]

عجبني رد التقرير الجوال

لما عم يقول انو شو نحنا عايشين ببلد مشتدد
اي ياسيدي لما كان راح يتطبق القانون
كنا راح نصير اضرب من السعوديين
بعدين انو ماني فهمان
انت عم تقول 80% من الشعب مسلم
؟!!
طبعا بس بالنفوس هي النسبة
ما بنكر انو في نسبة كبيرة متدينن
بس نسبة ال 80 % اللي بشك فيها
محسوب فيها الدروز والعلويين والأسماعيليين والمرشديين و و و كلون ع اساس مسلمين
وكل واحد من هالطوايف بتحكوا قوانين شكل
بعدين بدي تجاوبني ع نقطو معينة او نقطين
لما قانون بيجي بيقلك
انو المسلم بتاقبل شهادة تنين مسيحيين او ذميين او كتابيين
يعني اذا واحد مسيحي شاف واحد انقتل لازم يجب واحد تاني معو مشان يشهدو
انو فيك تخبرني وين المواطنة بالقصة

[التقرير الجوال]

كاتب النص الأصلي : Abu ToNi

الحكي بالقانون هاد ما عاد بينفع لأنه انشلف بالمحل اللي لازم ينحط فيه من الأول ( اي الزبالة في حال ما دارتلك )
فلهيك ما رح عقب على شي
مع انه ردك الاخير بيحمل من السذاجة الكتير متل قانون موضوع للأغلبية والتركيبة المخيّة صعبة التجزئية
فقصة بيدفع وما بيدفع عيب عليك ترجع تفكر فيها ... لأن اهانة الك قبل ما تهين القدامك .

على أمل ما نرجع نشوف هيك كابوس من شخصيات متطرفة .. تصبحون على وطن ..

لك يا عمي اشلفو مطرح مابدّك بس في طائفة رح تبقى ماشية على شرائعها و هاد مش غلط و لا عيب
و السذاجة يللي عم تحكي عنها بالفعل حاصلة هون بهالموقع بشكل او بآخر و إذا بدك تعرف وينها, فبدّك تفتش عنها خصوصاً عند الناس يللي بتغير أفكارها بين عشيّة و ضحاها بيجوز تأثراً بالغرب أو تطلع لحداثته أو انحلاله
يعني أنا يللي بعرفو بانك من شي كم شهر كنت محارب صليبي, هلأ عم تقللي بأنك برات اللعبة .. أـي كل شي بيصير هون.. و منشان هيك من السذاجة او مضيعة الوقت طرح حوار جدّي .
لاحظ بأنك نعتت طائفة او شخص بالتطرف -و يا ريتك تعرف شو معنى التطرف- بس لأنهن بدهن شرعهن بيتطبق على أمورهن الحياتية لتنظيمها .

[Abu ToNi]

ما بعرف شو الهدف من اكمال نقاش على شي انحذف وراح مع الهوا .. بس انه يعني عم تخبص بالحكي ومن طبعي اني ما بستحمل شوف حدا عم يخبص وابقى ساكت .. لعنة من عند سعدو بذات نفسو ما بعتقد الي ايد فيها .

كاتب النص الأصلي : التقرير الجوال

لك يا عمي اشلفو مطرح مابدّك بس في طائفة رح تبقى ماشية على شرائعها و هاد مش غلط و لا عيب

واضح انك ما فهمت ولا كلمة من الردود السابقة أو ما عذبت حالك بانك تقراها
وقت بدك تفتح باب السماح لطائفة معينة بالحصول على قانون شخصي خاص فيها بتكون بشكل أو بآخر عم تجزء البلد ..
ممكن يطلعلك كل 200 زلمة بطائفة معينة شو بتعمل ببلدك ؟ بتعمل قانون خاص بكل واحد منن ؟
برد من هلردود اللي حضرتك ما فهمت مضمونها قلت اننا صعب نستورد قانون مدني وصعب نهمش الجانب الديني للانسان المتدين وخصوصا عند المسلمين كون الاسلام بعرّف على نفسه على انه ( دين + دولة )
ما حكينا شي .. حلو اننا نفصل تياب على قياسنا
وقت بدك تخصص للطوايف خصص يا اخي ما حدا ماسكك
المسلم بده يتجوز 4 يتجوز ما خصني فيه .. بدها تكون شهادته ضعف شهادة الانثى يشهد الله يوفقه ويحسن اله .. اللي بقصده انه بالجانب الاسلامي من حياته يعيش كمسلم وشو ما بده يعمل فيها
بس وقت بدها تصير علاقات بين اديان مختلفة ما بعتقد من المنطقي يمشي دين هاد على حساب التاني .. على أقل تقدير ينحط بجانب العلاقات اللي بتجمع المواطنين قانون مدني بيضمن حقوق الكل بدون تفضيل واحد عن التاني .
يا أخي روح قرالك من أيا مصدر كان تعريف حق المواطنة ورجاع بعدها لعندي ليكون عنا شي على الأقل متفقين عليه !
وبيني وبينك بحلقي كلمة من أول الموضوع وما عم دجا بوجك مشان ما حدا يتدايق .. تركتا لفهمك وذكائك لتوصلك الفكرا لحالها .. بس بظل قرائتك الخرافية صار لازم دجها بوجك ..
لو الشريعة الاسلامية عم تحقق العدل بين المواطنين ما كان حدا فتح تمه .. لو عم تضمن العدل والمساواة بين الكل وما عم تعمل على التفرقة بين واحد على التاني ما كان صار بالأصل مشاكل واعتراضات على القانون من الأساس .
بس برجع بقلك بدك اتطبق على حياتك الشخصية أيا شي حاببه ما لي علاقة فيك .. بس وقت بدك اتطبع العلاقات بينك وبين بقية المواطنين وتمنح حالك أفضلية على البقية فصار لازم تعرف حدودك وشو الك وشو عليك .

و السذاجة يللي عم تحكي عنها بالفعل حاصلة هون بهالموقع بشكل او بآخر و إذا بدك تعرف وينها, فبدّك تفتش عنها خصوصاً عند الناس يللي بتغير أفكارها بين عشيّة و ضحاها بيجوز تأثراً بالغرب أو تطلع لحداثته أو انحلاله

أغرب نموذج بالعالم هوي اللي ببوس الايدين والرجلين ليطلع للغروب وبيقعد بينتف بدقن الغرب على انحلال الحداثة وسذاجة الانسياق نحو الفكر الغربي
تعا لئلك احكيلي شو ممكن آخده اذا التفتت على الحاضرة العربية
معك من العصر القديم للحديث .. هات لشوف أسمعني وأطربني أنغامك الشجية
نهضة فكرية ؟ فكر سياسي ؟ نظريات اقتصادية ؟ خطط وتوجهات ؟ تطور وعمل ؟ أفكار اخلاقية وقيم انسانية ؟
هات نورني بنور علمك ومعرفتك .

يعني أنا يللي بعرفو بانك من شي كم شهر كنت محارب صليبي, هلأ عم تقللي بأنك برات اللعبة .. أـي كل شي بيصير هون.. و منشان هيك من السذاجة او مضيعة الوقت طرح حوار جدّي .

عدم المؤاخذة منك .. حضرتك نايم بالخسة وما بتعرف شي من شي
محارب صليبي صرلي زمان ماني ضحكان بهلشكل هاد ..
لوضحلك شغلة على أمل انك تفهم ( الله يطول عمرك يا بسام كوسا وقت عملت مسلسل مافي أمل شو كان عنوانك بمحله )
وقت بصير الحكي على المسيحية كدين كمعتقد وكأسس إيمانية .. حضرتنا منسحب ايدنا من الموضوع لأن الدين المسيحي ما بيعنيلي بحد ذاته شي ولاني حتى مقتنع بأفكاره الأساسية ومبادئه الباني حاله عليها
بس وقت بصير الحكي على المجتمع المسيحي كبنية تطور فكرية .. فالحكي صار بخصني بشكل من الأشكال كوني ربيان ببيئة مسيحية من ناحية العلاقات الاجتماعية ومنهجية التفكير .. انه كيف البنت بتم التعامل معها .. كيف بحكي انا وأبي بالبيت هي ما خصها بالمسيحية بشي وبعتر نفسي معني فيها
يعني وقت بنط واحد متل حضرتك بقلي البنت غير المحجبة أكثر ميلاً للرزيلة وأقرب من العهر بحسب ما بذكرلك بمرة من المرات ، هون ما بتكون عم تحكي على مجتمعي وعيلتي وبكون معني بشكل مباشر بالرد على تهجمك هاد
تماما متل ما وقت بقسم قانون الأحوال المواطنين لطبقات .. انا رايح بالعبطة بهلقصة ومن حقي نادي بحقوقي كوني صرت من أبناء الطبقة التانية المشمولة فيها كل الاديان المخالفة للإسلام .

لاحظ بأنك نعتت طائفة او شخص بالتطرف -و يا ريتك تعرف شو معنى التطرف- بس لأنهن بدهن شرعهن بيتطبق على أمورهن الحياتية لتنظيمها .

بعتقد واضح تماما ادراكي لمفهوم للفكر المتطرف وقدرتي على مناقشته
ولا ما كنت استمريت معك لهي المرحلة .


خدمة بعد أذنك :
فينك تقلي من وين طالع بنظرية انه المسيحي حاليا ما بيخدم العلم وبنفس الوقت ما بيدفع مصاري
شككتني بحالي لدرجة قمت نطيت على غزانتي تأكدت من تاريخ التحاقي بالعسكرية
اذا حابب صورلك دفتر الخدمة اللي عندي مافي ايا مشكلة .. بس انه خبرني مين مخبص براسك وزارع هي الفكرة المشوهة هي ؟

[Abu ToNi]

كاتب النص الأصلي : المحارب العتيق

بس سؤال نصبح على وطن متل تصورك ومتل مو راسملو ببالك . ولا وطن للجميع؟

عم تستنى جواب ولا مشي الحال وخلصت من هلسؤال هاد ؟

[المحارب العتيق]

كاتب النص الأصلي : Abu ToNi

عم تستنى جواب ولا مشي الحال وخلصت من هلسؤال هاد ؟

في خلاف كبير . مع اني شرحت انو انا ماعم دافع عن القانون ككل . بس أنا دافعت عن روح القانون ( يلي مابعتقد تتغير بعد التعديل ) . بس انا من حقي شوف كمان بما أنو عم نحكي عن قوانين تكون مظلة للجميع . أنو في كتير من قوانين العقوبات والأقتصادية هية ضد عقيدتي . فياريت تطالبونا بالمساواة فيها . بما أنو طالبتو بالمساواة بهاد القانون . وبما أنو عم ننادي بمساواة للجميع

[Abu ToNi]

كاتب النص الأصلي : المحارب العتيق

في خلاف كبير . مع اني شرحت انو انا ماعم دافع عن القانون ككل . بس أنا دافعت عن روح القانون ( يلي مابعتقد تتغير بعد التعديل ) . بس انا من حقي شوف كمان بما أنو عم نحكي عن قوانين تكون مظلة للجميع . أنو في كتير من قوانين العقوبات والأقتصادية هية ضد عقيدتي . فياريت تطالبونا بالمساواة فيها . بما أنو طالبتو بالمساواة بهاد القانون . وبما أنو عم ننادي بمساواة للجميع

شو اللي ضد عقيدتك ومجبرو على تنفيذه ؟

[المحارب العتيق]

كاتب النص الأصلي : Abu ToNi

شو اللي ضد عقيدتك ومجبرو على تنفيذه ؟

مجبر مافي شي . وبقانون الأحوال الشخصية ماكان في شي مجبر .

مثلا القوانين الأقتصادية مابتراعي ابدا التعاملات الأسلامية . وأنا مافيني أستفيد مثلا من اي قرض حكومي . لأنو كل القروض ربوية ( يعني محرمة بالنسبة ألي ) . مع انو في كتير بنوك أوروبية وعالمية بتشتغل بأسلوب ( كتير منها عن غير قصد ) يتماشى مع الشريعة الاسلامية . متل انهم بيشترو هنن البيت مثلا وبيبيعوك ياه بسعر اعلى وبيضل مرهون لألهم حتى توفي حقو . أما عنا (مع انهم بيحجزو على البيت ) فبيعطوك المصاري بتروح بتشتري بعد مايكونو قدرو سعر البيت بيسوا ولا لأ . بعدين بيحجزو عليه . وبيطالبوك بفوائد عن المصاري

[Abu ToNi]

كاتب النص الأصلي : المحارب العتيق

مجبر مافي شي . وبقانون الأحوال الشخصية ماكان في شي مجبر .

لآ رجاع لقانون الأحوال الشخصية .. في اشياء بأحوالي الشخصية مجبر على اتباعها والتعامل فيها
ما جاي على بالي ارجع افتح ملف الـ PDF بس بعتقد ما كان في مجال للشك بأنها قوانين عم تحكم الحياة الشخصية للإنسان وبالتالي هوي مجبر على التعامل فيها .
على سبيل المثال لا الحصر ، عدة المرأة المسيحية من وين لوين حتى تجي هي .. لا على البال ولا على الخاطر يا زلمة
هي جبتلك اقل شي بيتدخل بحياة الانسان الشخصية .. ما قربنا صوب القصص اللي معتمدة على صيغة العلاقة المسيحي مع المسلم .

مثلا القوانين الأقتصادية مابتراعي ابدا التعاملات الأسلامية . وأنا مافيني أستفيد مثلا من اي قرض حكومي . لأنو كل القروض ربوية ( يعني محرمة بالنسبة ألي ) .

مو دقيق هاد الكلام
بتقدر تحط وديعة بالبنك دون فائدة ودون ما ترجعلك بربح هلشي موجود بالبنوك الحكومية من ناجية الايداع
بينما من ناحية القرض فما بعتقد البنك مؤسسة خيرية .. فمن الطبيعي يكون في اله أرباح وعائدات ، وحاليا في بنوك اسلامية في سوريا بحسب الشرع الاسلامي ، ما بعرف شو تفاصيل تعاملها بس بعرف انها موجودة .

مع انو في كتير بنوك أوروبية وعالمية بتشتغل بأسلوب ( كتير منها عن غير قصد ) يتماشى مع الشريعة الاسلامية . متل انهم بيشترو هنن البيت مثلا وبيبيعوك ياه بسعر اعلى وبيضل مرهون لألهم حتى توفي حقو . أما عنا (مع انهم بيحجزو على البيت ) فبيعطوك المصاري بتروح بتشتري بعد مايكونو قدرو سعر البيت بيسوا ولا لأ . بعدين بيحجزو عليه . وبيطالبوك بفوائد عن المصاري

بالحالتين انت بدك تدفع قيمة القرض + قيمة اضافية
ما بدنا نشطح الموضوع للبنوك الاسلامية والبنوك غير الاسلامية واعتمادها على الربا من عدمه
بالأخير ما بعتقد انه في شي ناقصك من ناحية التعامل ومن ناحية تطبيق دينك على اتمم وجه وهاد أدنى ما يمكن من الحقوق اللي لازم تحصل عليه وبعتقد انك عم تحصل عليها متلك متل البقية .