قانون الاحوال الشخصية السوري الجديد

[Abu ToNi]

كاتب النص الأصلي : hashtnasht

و الله يا شباب القوانين ما بتقدم و لا بـتأخر ..اذا كان المجتمع مصمم انو يجحش , فلا القانون ولا الله بيقنو , و اذا المجتمع حب ينهض و يتقدم , كمان لا القوانين و لا الالهة بتوقف بوجهو .

بقى شي حدا يشفلنا المجتمع هاليومين شو وضعو ؟

اخر مرة لمحتو كان متقل بالغدا و عم يحضر مسلسل تركي

لا يا أبو نهلا هلمرة خبصتا
مزبوط المجتمع بيتحدد درجة رقيه بكتير أشياء بس القانون احد اهم الاشياء اللي ممكن تسهل عمليه " افساده "
اذا عم نحكي على القانون بشكل عام وعم نحكي على المجتمع بشكل عام ففيك تقلي وين المشكلة الاساسية بجرائم الشرف ؟ وشو هية مطالب الجهات الحقوقية ؟
وقت بينرفع الحل القانوني وما بعود القاتل بيحصل على تخفيضات بشكل أو بآخر بده يتغير شي بالمجتمع ... ما عم قلك بده يصير خرافي افلطوني بس بده يتغير شي
وعلى فكرة .. القوانين كتير اوقات بتوقف بوج المجتمع .. خصوصي المنها جاية دايركت من الآلهة

[HashtNasht]

كاتب النص الأصلي : Abu ToNi

لا يا أبو نهلا هلمرة خبصتا
مزبوط المجتمع بيتحدد درجة رقيه بكتير أشياء بس القانون احد اهم الاشياء اللي ممكن تسهل عمليه " افساده "
اذا عم نحكي على القانون بشكل عام وعم نحكي على المجتمع بشكل عام ففيك تقلي وين المشكلة الاساسية بجرائم الشرف ؟ وشو هية مطالب الجهات الحقوقية ؟
وقت بينرفع الحل القانوني وما بعود القاتل بيحصل على تخفيضات بشكل أو بآخر بده يتغير شي بالمجتمع ... ما عم قلك بده يصير خرافي افلطوني بس بده يتغير شي
وعلى فكرة .. القوانين كتير اوقات بتوقف بوج المجتمع .. خصوصي المنها جاية دايركت من الآلهة

طيب ..رح وضحلك وجهة نظري نتفة.

انت عطيت مثال بينطبق تماما ع الشي اللي عم قولو , و هو القوانين المتعلقة بما يسمى جرائم الشرف .

انت مثلاً يا ابو طوني ....و كونك انسان مدرك تماما انو عقوبات ما يسمى جرائم الشرف هي عقوبات مخففة جدا , فهل يمكن بحال من الاحوال ( لا سمح الله ..و الله لا يقدر يعني) انك ترتكب جريمة شرف بس لأنو الحكم رح يكون مخفف ؟

هلأ صحيح انا ما بعرفك ..بس من عندي بقلك انو لاء , و السبب هو انت ما القانون , السبب انك انت ك بني ادم عندك قدرة انك تفهم انو هي جريمة ....شي غلط يعني ...غلط و ما بصير نغلطو ....حتى لو ما كان في رادع , الرادع جواتك انت .

بنفس الوقت في حمير الله يعزك ..و منتشرين بشكل عشوائي و كثيف , و يعني ما كتير بهمن القانون ...بغض النظر ان كانت عقوبات هالقانون رادعة او مخففة ....هدول الحمير عندهن قناعة انو في شي اسمو شرف لازم يحافظو عليه , و مستعدين يضحوا بالغالي و الرخيص يعني في سبيل هدا الشرف الخطير , و ما رح تفرق معهن ابداً اذا كان رح ينحكمو اعدام او 6 شهور , المهم الشرف ....لانو بتعرف , يعني الجياة ما الها معنى اذا كان الواحد عكالو منكس , كيف بدو يقعد بين الزلم ؟ اي حبل المشنقة اهون بشي مليون مرة !!!!

القوانين يا ابو طوني بتجي استجابة لتطلعات المجتمع , بتجي لحتى تناسب التطور الطبيعي للمجتمع , و ليس العكس . يعني وقت المجتمع بحس انو هالقانون صار ديق عليه , و عم يعيقو بغير القانون لشي تاني , بس ترى ما صار بالزمنات انو انحطت قوانين و بعدين المجتمع استجاب لاجتياجات القوانين , يا اخي بدك تقول انو القوانين هي العربة و المجتمع هو الحصان ..او الحمار اذا بدك ..المهم انو هو الحيوان اللي قدام العربة يعني

[أم الجود]

شو مشان هالسؤال اللي ما حدا جاوبني عليه ؟؟

كاتب النص الأصلي : أم الجود

طيب سؤال على هامش الموضوع يا ريت حدا من اللي دارسين قانون يجاوبني عليه ... إذا شب و صبية سوريين راحوا تزوجوا بلبنان أو بقبرص مثلاً بيتطبق عليهون هاد القانون التحفة ولا قانون البلد اللي تزوجوا فيه ؟؟؟

[HashtNasht]

كاتب النص الأصلي : أم الجود

شو مشان هالسؤال اللي ما حدا جاوبني عليه ؟؟

ما بينطبق ..على ما اظن يعني

[saman]

تناقشوا ازعة شام اف ام اليوم ومبارح بهالموضوع مع كم زلمة ..
فا حبيت حطلكن بعض الاراء الظريفة وبعض الاراء الفذة

كان عام 2007 في سوريا موعد لإصدار قرارا بتشكيل لجنة تقوم بصياغة مشروع قانون للأحوال الشخصية في البلاد، اليوم بعد عامين من ذلك المسودة الأولى للمشروع أصبحت جاهزة، لتستكمل الإجراءات الخاصة بإصدار القانون، لكن المشروع لم يمر من دون الكثير من الانتقادات التي وجهتها جمعيات نسائية وحقوقية سوريا عبر مجموعة كبير من المقالات والدراسات التي نشرت هنا وهناك.برنامج البلد اليوم خصص حلقتي 16/17 حزيران للحديث مع المعترضين والمؤيدين في وقت واحد، واستعراض مختلف وجهات النظر في هذا الموضوع، في الحلقة الأولى استقبل البرنامج الأستاذة المحامية مجد عابدين، والصحفي جديع دوارة من موقع سيريا نيوز.

وفي يوم الأربعاء استقبل البرنامج الأستاذة صباح الحلاق،والدكتورة كندة الشماط، كما اتصل البرنامج بالشيخ الدكتور محمود عكام، والشيخ الدكتور توفيق البوطي.

اختلفت الآراء حول المشروع، فرأت الأستاذة عابدين أن بعض مواد المشروع جيدة وبعضها الأخر يدس السم في الدسم، لكنها لم تعترض على المادة 38 التي يرى البعض أنها، تفتح الباب أمام تفتيت للمجتمع السوري.

الصحفي دوارة رأى أن من حق الإعلام، مناقشة المشروع، لأن قانونا مثل الأحوال الشخصية يهم جميع السوريين على اختلاف أرائهم وأطيافهم الدينية، في حين ذهبت عابدين إلى أن المادة الخاصة بالحسبة في المسودة قد تؤدي الى الكثير من المشاكل، بل والمصائب إذا ما طبقت فعلا.

قالت الأستاذة حلاق: إن المسودة ستؤدي إلى تفتيت المجتمع السوري بل إلى عودته سنوات إلى الوراء في بلد يسعى إلى التطوير والتحديث، الدكتور شماط حذرت من السرية التي أحاطت باللجنة التي وضعت المسودة، في قانون يرافقنا منذ الولادة وحتى الموت.

الدكتور عكام قال إن على أي قانون أن ينصف المرأة ويعاملها كشخصية مستقلة، لأن الإسلام أقر بذلك، في حين أعتبر الدكتور البوطي أن المعترضين على القانون يريدون التشبه بالغرب وجر الويلات على المجتمع السوري ولم يستبعد أن يطالب المعترضون اليوم في المستقبل بإقرار زواج المثليين.

كان فريق إعداد البرنامج قد حصل على اسم أحد القضاة الذين وضعوا مسودة القانون واتصل به، محاولا استضافته بالبرنامج، إلا أن القاضي السابق رفض المشاركة معتبرا أن اللجنة لم تنهي عملها بعد.

أحد المعنيين في وزارة الأوقاف رفض الحديث عن المسودة، معتبرا أن تناول الموضوع عبر الإعلام قد يسرع في إصداره بدل تعديله.

حوار قصي عمامة

[MadMax]

كاتب النص الأصلي : أم الجود

إذا شب و صبية سوريين راحوا تزوجوا بلبنان أو بقبرص مثلاً بيتطبق عليهون هاد القانون التحفة ولا قانون البلد اللي تزوجوا فيه ؟؟؟

لبنان حالتون أضرب من حالتنا ..و عندون هالمشكلة أصعب من عنا بكتير
أما بالنسبة لقبرص ..
أنو حدا بقلك جواز قبرصي ..!!



عنا إذا سمعوا عن حدا بيكرهوه أنو تجوز .. بقولو انشالله جواز قبرصي

[أم الجود]

كاتب النص الأصلي : MadMax

لبنان حالتون أضرب من حالتنا ..و عندون هالمشكلة أصعب من عنا بكتير
أما بالنسبة لقبرص ..
أنو حدا بقلك جواز قبرصي ..!!



عنا إذا سمعوا عن حدا بيكرهوه أنو تجوز .. بقولو انشالله جواز قبرصي

طيب مو بلبنان ولا بقبرص .. بالعراق .. بتركيا .. بزمبابوي .. بهونولولو !!

أنا اللي بدي أوصلو انو في حال هالقانون اتطبق رح نشهد أكتر من أي وقت حالات زواج خارج القطر .. خاصة الزواج المختلط بعد اليأس التام من سن قوانين بتضمن الحياة الكريمة للطرفين .

[Abu ToNi]

كاتب النص الأصلي : hashtnasht

طيب ..رح وضحلك وجهة نظري نتفة.

انت عطيت مثال بينطبق تماما ع الشي اللي عم قولو , و هو القوانين المتعلقة بما يسمى جرائم الشرف .

انت مثلاً يا ابو طوني ....و كونك انسان مدرك تماما انو عقوبات ما يسمى جرائم الشرف هي عقوبات مخففة جدا , فهل يمكن بحال من الاحوال ( لا سمح الله ..و الله لا يقدر يعني) انك ترتكب جريمة شرف بس لأنو الحكم رح يكون مخفف ؟

هلأ صحيح انا ما بعرفك ..بس من عندي بقلك انو لاء , و السبب هو انت ما القانون , السبب انك انت ك بني ادم عندك قدرة انك تفهم انو هي جريمة ....شي غلط يعني ...غلط و ما بصير نغلطو ....حتى لو ما كان في رادع , الرادع جواتك انت .

بنفس الوقت في حمير الله يعزك ..و منتشرين بشكل عشوائي و كثيف , و يعني ما كتير بهمن القانون ...بغض النظر ان كانت عقوبات هالقانون رادعة او مخففة ....هدول الحمير عندهن قناعة انو في شي اسمو شرف لازم يحافظو عليه , و مستعدين يضحوا بالغالي و الرخيص يعني في سبيل هدا الشرف الخطير , و ما رح تفرق معهن ابداً اذا كان رح ينحكمو اعدام او 6 شهور , المهم الشرف ....لانو بتعرف , يعني الجياة ما الها معنى اذا كان الواحد عكالو منكس , كيف بدو يقعد بين الزلم ؟ اي حبل المشنقة اهون بشي مليون مرة !!!!

القوانين يا ابو طوني بتجي استجابة لتطلعات المجتمع , بتجي لحتى تناسب التطور الطبيعي للمجتمع , و ليس العكس . يعني وقت المجتمع بحس انو هالقانون صار ديق عليه , و عم يعيقو بغير القانون لشي تاني , بس ترى ما صار بالزمنات انو انحطت قوانين و بعدين المجتمع استجاب لاجتياجات القوانين , يا اخي بدك تقول انو القوانين هي العربة و المجتمع هو الحصان ..او الحمار اذا بدك ..المهم انو هو الحيوان اللي قدام العربة يعني

ما بدي نفوت بقصة جرائم الشرف مشان خصوصية الموضوع بس بهاد الخصوص بقلك اني مقتنع تماما بأن الخطوة الأولى للحل بتجي بتغيير القانون وعدم وضع تسهيلات وامتيازات للمجرم .

بحسب رأي الشخصي بشوف بأنه القانون قادر على تطوير المجتمع لا بل وظيفته تطوير المجتمع
كمثال حي على قدرة القانون تحسين الواقع
حاليا في بالقانون مادة بتحدد العمر الأصغري للزواج بالنسبة للذكور بـ 16 سنة
والاناث إذا ماني غلطان بالـ 13
فعليا البنت اللي عمرها 13 سنة أقرب ما يمكن للطفولة ، حتى لقب مراهقة ما دائما بصح اطلاقه على هلعمر
وقت بدك تسمح شخص عمره 25 سنة بالزواج من طفلة !! فبتكون انت عم تقدم ستار لهلتطرف الما بعرف شو ممكن سميه .. انه بنت عمرها 13 سنة قادرة تصير زوجة وأم وتربي أولادها ؟ شو وضع هلأولاد اللي بدن يتربوا على ايد شخص خبرته بالحياة صفر مكعب ؟

وقت بتم رفع سن الزواج لمتل ما عملت بعض الدول الأوروبية للـ 18 سنة بتكون عم تقضي على ظاهرة "زواج" الأطفال بالمجتمع وهون بيجي دور القوانين لتحسين المجتمع

بده يكون المجتمع حمار حصان كديش ما بتفرق معي وما بختلف معك بس القوانين هية اشارات التوجيه اللي بدها ترسم الطريق ليعرف هلكديش يمشي متل بقية الكدايش

اذا بدنا نعتبر القانون اللي بين ايدينا ناتج عن رغبة المجتمع فمعناها مجتمعنا السوري بأبشع أحواله ومافيه شي اسمه تقبل للآخر وكل الحكي تبع انا سوري آه يا نيالي مو اكتر من ضحك على البقية والكل منتظر أول فرصة لينهش بجسد التاني .. ما بعرف اذا كنت كتير متفائل بس ما بعتقد هلقانون انعكاس لمجتمعنا

كاتب النص الأصلي : أم الجود

شو مشان هالسؤال اللي ما حدا جاوبني عليه ؟؟

ما حدا مرق على هلرد من الحوقيين المختصين ليعرفوا يجاوبوا على هلرد
بعتقد .. مجرد اعتقاد انه هي الحلات صارت بتدخل بالعلاقات بين الدول اكتر مما هية بقانون الأحوال الشخصية وبتلعب دور جنسية الأشخاص + المكان اللي تم توقيع العقد دور كبير بتحديد وجهة القانون
يعني بسوريا زواج المسلمة من المسيحي لا يجوز في حال المسيحي بقي على دينه
منسمع بكتير حالات سفر إلى لبنان ليقدروا يوقعوا عقد الزواج ويرجعوا .. وهلشي بصير بشكل كتير كبير
بس انه بيرجعوا على اساس هنن لبنانية ... او بتم تغيير الدين للزوجة مشان يلتفوا على القانون .. بدك تشوفي حدا بيعرف بهلقصص كيف بزبطوها بس أنا متأكد انه بصير هيك حالات

[التقرير الجوال]

للتنويه ..
صار في نقاش حول اثبات نس المولود لزوجين و أنا تطرقت بالحديث لشقين تتعلق بهالموضوع و هنّ في فرق بين اثبات نسب مولود لزوجين و اثبات أبوّة مولود .

و متل ما حكيت و ارجع احكي بأنو قانون الأحوال الشخصيّة بيخص بالعموم الديانة المسلمة, فإذا في استفسارات او أي تشكيك فيه .. فلازم يكون بشواهد تقبل الطرح .

2-تثبت الولادة وتعيين المولود بشهادة الواحد العدل المسلم ذكراً كان أم أنثى.

شو الفكرة كمان ؟؟ المسيحية وقت تولد ليش لتجبرها تجيب مسلم مشان يشهدلها حتى تثبت ولادتها؟؟ مابيمشي الحال بشاهد مسيحي؟

هي الفقرة التانية من مادة و باختصار بتحكي عن نسب المولود يللي ممكن تأثبتو قابلة قانونية و المادة فعلاً تتعلق حصراً بالمسلمين و مافي الها علاقة بالمولود المسيحي .

أما عن اثبات الولادة فالولادة ما بتنثبت لأنها أمر واقع و المعمودية وثيقة بينذكر فيها اسم الأب و الام و القس يللي عمّدالطفل .. منشان هيك صارت وثيقة تقبل لاثبات نس الطفل لزوجين و ليسى أبوين.


بدي من الشباب ما بينسو بأنو متل مافي قانون أحوال شخصية بيخص عموم الشعب السوري .. كمان بالمثل في قانون أحوال شخصية للطواثف و الأقليات .. بل كمان محاكم.
كمان ما بتنسو بأنو القوانين المشتركة أو خلينا نسميها التشريعات المشتركة يللي عالأساس بتصهر طوائف و أديان مع بعض .. بس الهيئة مافي أريحية و لا انسجام و الاختلام بالجوهر و الفكر و العقيدة بعمرو ما بيتفقو أو بيمشو بخط سير واحد .. إلا اذا في ناس مستعدين للتلاحم و الانصهار فهدول مش كتير و ما فيهن يبصمو بالمجتمع
منتمنالهن حظ أوفر .

منرجع لموضوع الأحوال الشخصية .. أنا مستغرب كتير بعد كل هالمعمعات ما انذكر و لاتعليق بخصوص مثلاً قانون الاحوال الشخصية للسريان الأرثوذوكس ..
طيب نظام سر الزواج للكنيسة الشرقية يللي صادر بروما 1949 .. لك كمان الموسويين الهن قانون أحوال شخصية فليش اسقاط مقارنات على قانون بيخص ديانة منفردة ..

اي نعم مافي زواج مدني و مابظن رح يصير لأنو الزواج تشريع سماوي بكل الديانات و سننه و قوانينه مستمدة من مصادر بتعرفوها اذا كانت شريعة اسلامية أو مسيحية او غيرو.


بالمناسبة أنا أخدت مخالفة لأني قلت: ما بحب الحكي الفاضي و اتهمتني المشرفة بالشخصنة لله في خلقه شؤون ..

هلأ إذا في حياديين أو منصفين هون و عم يقرأو أو يشاركو بيحكوا إذا فعلاً الحكي يللي بيحاول تطبيق الشرع الاسلامي على المسيحيين أو بالعكس ... بصراحة شو بينوصف الحكي .. الحكي يللي نعت القانون الجديد بأنو ما وزن المسيحي و المسلم بنفس كفة الميزان " كيف بدو يكون هيك و هاد قانون أحوال شخصي بالعموم للمسلمين .. أصلا المسيحي مارح يقبلو " من دون لاتمعن أو قراءة فية بس هيك أنا ما بدي تشريع اسلامي بيسود .. إذا أنا ضد القانون .. طيب يا أخي خليك ضد القانون يعني البلد صحي تشريعاتها اسلبامية رسمياً بس حياتيا انت فيك بتعمل ما تشاء .. مابظن في أي انسان بيقول لأ أنا مقيد أنتو ناقشتو فقرات بتخص الزواج و ما بعرف ليش .. الزواج و بس و المرأة و بس لك يا عمي المراة بألف خير عن باقي الدول و طلعوا و شوفو و القوانين مثالية كانت عرف و شرف لمجتمعات قد خَلَت و مافي انسان قادر على تغييرها لسبب المعتقد و الفكر بس بنفس الوقت انتو عايشين حياتكن مع المرأة بالطريقة يللي بتناسبكون و مافي حساب ... فشو الخبرية.

منرجع للمسيحي السوري و المسيحي المسلم و هون بدي اذكر فارس الخوري يللي ترأس المجلس النيابي السوري بالاربعينات و كمان رأس مجلس الوزرا السوري و هي منشان الشباب من المناصب يللي شغلها وزير داخلية .. مسيحي و زير داخلية و الأدهى من هيك بأنو فارس الخوري بروتستانتي.
هي سوريا و هاد هوي قانون أحوالها الشخصية .

[التقرير الجوال]

ما بعرف إذا بتوافقو على هالطرح .. شو رأيكن بعمل استفتاء بخصوص كم فقرة تناقشتو حولها من قانون الاحوال الشخصية .. تأييد أو معارضة I'm really feeling positive أنا جد ما بعرف كتير ناس هون و مابعرف إذا فعلاً العلمانية أو اللادينية طاغي صوتها هون .. بس كمان رح يكون في أصوات كتير بتأيد القانون يللي هوي شرع ربّاني بيخص كل مسلم .

سوريا البلد يللي زعّمت مسيحي بروتستانتي لقيادة مجلس الوزراء بتستاهل حب أكتر و تفاعل ايجابي أكتر.

[Abu ToNi]

كاتب النص الأصلي : التقرير الجوال

سوريا البلد يللي زعّمت مسيحي بروتستانتي لقيادة مجلس الوزراء بتستاهل حب أكتر و تفاعل ايجابي أكتر.

انت الصادق سوريا اللي ما فرقت بين مختلف الأديان بكل تاريخا بتستاهل انه يتعامل سكانها بحجم التضحيات اللي قدموها بسبيل هلأرض اللي عاشوا عليها من شهداء بتاريخ سوريا الحديث ومن عالم فضلوا يبقوا هون على انه يهاجروا ويغتربوا عن أرضها .. حتى وهنن مهاجرين بيبقوا حاملين همها بقلبن
بعتقد هلسكان بيستاهلوا ويتعاملوا كمواطنين بلا تفرقة أو تفريق .. لأنن بالأصل عم يقدموا لهلبلد باعتبارها بلد للكل مو لبلد للمسلمين او للمسيحين او لمدري مين


وغير بهي السوريا انا ما بعترف وماني مستعد شحي بشعرة من رجلي فداها

[Abu ToNi]

كاتب النص الأصلي : التقرير الجوال

للتنويه ..


بدي من الشباب ما بينسو بأنو متل مافي قانون أحوال شخصية بيخص عموم الشعب السوري .. كمان بالمثل في قانون أحوال شخصية للطواثف و الأقليات .. بل كمان محاكم.
كمان ما بتنسو بأنو القوانين المشتركة أو خلينا نسميها التشريعات المشتركة يللي عالأساس بتصهر طوائف و أديان مع بعض .. بس الهيئة مافي أريحية و لا انسجام و الاختلام بالجوهر و الفكر و العقيدة بعمرو ما بيتفقو أو بيمشو بخط سير واحد .. إلا اذا في ناس مستعدين للتلاحم و الانصهار فهدول مش كتير و ما فيهن يبصمو بالمجتمع
منتمنالهن حظ أوفر .

منرجع لموضوع الأحوال الشخصية .. أنا مستغرب كتير بعد كل هالمعمعات ما انذكر و لاتعليق بخصوص مثلاً قانون الاحوال الشخصية للسريان الأرثوذوكس ..
طيب نظام سر الزواج للكنيسة الشرقية يللي صادر بروما 1949 .. لك كمان الموسويين الهن قانون أحوال شخصية فليش اسقاط مقارنات على قانون بيخص ديانة منفردة ..

لو قريت القانون بموضوعية أو قريت الردود اللي بالموضوع هون على أقل تقدير كنت حصلت على اجابة شافية لهلنقطة بالتحديد
انا برد سابق كتبت عن هلشي وشو هوي الاعتراض خص نص بهلنقطة بالتحديد
بس اذا مانك حابب اتضيع وقتك بالقراءة فلا تتوقع حدا بده يضيع وقته ويرجع يعيد الجملة نفسه مدري كام كذا مرة مشان تفتكر بلش تقرا بالردود .

[قرصان الأدرياتيك]

كاتب النص الأصلي : hashtnasht

طيب ..رح وضحلك وجهة نظري نتفة.
انت عطيت مثال بينطبق تماما ع الشي اللي عم قولو , و هو القوانين المتعلقة بما يسمى جرائم الشرف .
انت مثلاً يا ابو طوني ....و كونك انسان مدرك تماما انو عقوبات ما يسمى جرائم الشرف هي عقوبات مخففة جدا , فهل يمكن بحال من الاحوال ( لا سمح الله ..و الله لا يقدر يعني) انك ترتكب جريمة شرف بس لأنو الحكم رح يكون مخفف ؟
هلأ صحيح انا ما بعرفك ..بس من عندي بقلك انو لاء , و السبب هو انت ما القانون , السبب انك انت ك بني ادم عندك قدرة انك تفهم انو هي جريمة ....شي غلط يعني ...غلط و ما بصير نغلطو ....حتى لو ما كان في رادع , الرادع جواتك انت .
بنفس الوقت في حمير الله يعزك ..و منتشرين بشكل عشوائي و كثيف , و يعني ما كتير بهمن القانون ...بغض النظر ان كانت عقوبات هالقانون رادعة او مخففة ....هدول الحمير عندهن قناعة انو في شي اسمو شرف لازم يحافظو عليه , و مستعدين يضحوا بالغالي و الرخيص يعني في سبيل هدا الشرف الخطير , و ما رح تفرق معهن ابداً اذا كان رح ينحكمو اعدام او 6 شهور , المهم الشرف ....لانو بتعرف , يعني الجياة ما الها معنى اذا كان الواحد عكالو منكس , كيف بدو يقعد بين الزلم ؟ اي حبل المشنقة اهون بشي مليون مرة !!!!
القوانين يا ابو طوني بتجي استجابة لتطلعات المجتمع , بتجي لحتى تناسب التطور الطبيعي للمجتمع , و ليس العكس . يعني وقت المجتمع بحس انو هالقانون صار ديق عليه , و عم يعيقو بغير القانون لشي تاني , بس ترى ما صار بالزمنات انو انحطت قوانين و بعدين المجتمع استجاب لاجتياجات القوانين , يا اخي بدك تقول انو القوانين هي العربة و المجتمع هو الحصان ..او الحمار اذا بدك ..المهم انو هو الحيوان اللي قدام العربة يعني

كاتب النص الأصلي : hashtnasht

و الله يا شباب القوانين ما بتقدم و لا بـتأخر ..اذا كان المجتمع مصمم انو يجحش , فلا القانون ولا الله بيقنو , و اذا المجتمع حب ينهض و يتقدم , كمان لا القوانين و لا الالهة بتوقف بوجهو .
بقى شي حدا يشفلنا المجتمع هاليومين شو وضعو ؟
اخر مرة لمحتو كان متقل بالغدا و عم يحضر مسلسل تركي

كلامك هاد بينطبق أكتر على مجتمعات أو "دول" تخطّت التمييز بين مواطن وآخر على أساس ديني أو عرقي أو عشائري أو... إلخ! يعني مجتمعات بتحاول تكيّف القانون بحسب الأنسب والأفضل لنموها وارتقائها.
بس ما بينطبق ولا بذرّة على مجتمعات لسّاتا عايشة بقصص متل جرائم الشّرف وتدنّي درجة المرأة والتمييز على أسس دينيّة وعايشة بقلب عادات وتقاليد وقبليّة أغلبها خاضعة للدين ولسلاسل الدين المعتّة!
والمثال الأكبر هو تركيّا أيّام أتاتورك... تركيّا والمجتمع التركيّ كان مسلم والخلافة كانت تتجسّد برئيس الدولة العثمانيّة (السلطان) ولو تُرك القرار للمجتمع كان مستحيل يكون في تقدّم كون الدين كان مسيطر بشكل شبه تام عدا عن الجيش يللي كان خاضع لحكومة ماسكها وزراء وقواد ما ألهن علاقة لا بالإسلام ولا بغيرو... (الإنكشاريّة كان جيش من صغار المسيحيّين ومن أسرى الحروب الغرباء).
ولمّا شرّف حضرة جنابو أبو صطيف أتاتورك خلع الخلافة وعلمن المجتمع بقوانين صارمة نالت شوي من كرامة الأديان.
وهالمثال بيوضّح أنّو مجتمع متل المجتمع السّوري رح ينمو باتّباع قوانين ونواميس جديدة... والله وكيلك متل القطيع كيف ما تهشّو رح يهشّ! وحضرتك عطيت مثل كتير حلو بيعارض يللي تفضّلت فيه واللي هوّ "جرائم الشّرف": يعني لو ما كانت القوانين مخفّفة وتخلي البشر تتمادى كان قلّت بنسبة كبيرة. لو بتفرض قانون متل الإعدام (وأنا ماني معو بس...) أو المؤبّد أكتر من خمسين بالميّة منها كان انمحت، هاد إذا مو أغلبها! بينما اليوم بتسمع يا بيعطوا السلاح لقاصر لتنفيذ القتل يا الأخ أو غيرو بيقول كلا كام شهر وبطلع!!!!
أنا برأيي أنّو ليوصّل مجتمعنا للدرجة اللي عم تحكي عنها بدو فتّ خبز كتير وهالفت ما بيجي إلا بقوانين قريبة من العلمانيّة (بنمط شرقي جديد) بتلغي أي تمايز بين أي سوري وآخر.

كاتب النص الأصلي : التقرير الجوال

منرجع لموضوع الأحوال الشخصية .. أنا مستغرب كتير بعد كل هالمعمعات ما انذكر و لاتعليق بخصوص مثلاً قانون الاحوال الشخصية للسريان الأرثوذوكس ..
طيب نظام سر الزواج للكنيسة الشرقية يللي صادر بروما 1949 .. لك كمان الموسويين الهن قانون أحوال شخصية فليش اسقاط مقارنات على قانون بيخص ديانة منفردة ..

معلوماتك شوي قديمة، بالنسبة للكنائس الشرقيّة الكاثوليكيّة (وما في شي اسمو "كنيسة شرقيّة" بل "كنائس") فعندن قوانين جديدة تختصّ بالزواج فأمّا عن النظام السّابق فباطل المفعول! وإذا كنت عم تحكي عن قوانين أحوال شخصيّة، فالكنائس الأورثوذكسيّة متل سريان وروم وأرمن عندهم قانون خاص بكل كنيسة منهم، والطوائف الكاثوليكيّة جامعيهن سوا بقانون صدر سنة 2006 ووقعو الرئيس بشّار الأسد، وفيو إيجابيّات كتيرة مُنحت للكاثوليك ما كانت موجودة بالشّرع الأسبق، كالتبني وتساوي المرأة والرجل في ما يخص الإرث... إلخ!
وإذا حضرتك مطلع على هالقوانين هدول بتشوف أنّو ما بتتعرض لأي دين إلا بخصوص الزواج وفيه ما بتقلل من قيمة أي إنسان غير مسيحي أو تعتبروا أقل قيمة متل ما هو موجود في قانون الأحوال الشخصيّة الإسلاميّ! لا بل قوانين الكنائس الكاثوليكيّة تسمح بزواج المسيحي أو المسيحية من أي دين...

اي نعم مافي زواج مدني و مابظن رح يصير لأنو الزواج تشريع سماوي بكل الديانات و سننه و قوانينه مستمدة من مصادر بتعرفوها اذا كانت شريعة اسلامية أو مسيحية او غيرو.

مين قلّك هالحكي... ؟! الزّواج في اليهوديّة كان يتمّ ببركة عشائريّة (يعني مدنيّة) ما ألها علاقة بالكهنوت اليهوديّ! وبالقرون المسيحيّة الأولى وخاصّة الـ 3 الأولى الزّواج المسيحي ما كان يحتاج لكاهن وكنيسة، كان تكفي بركة أهل البيت أو التسجيل في الدولة، يعني كان علماني ميّة بالميّة بس الله يصلحن راحوا سنولوا قوانين ودخّلوه على قائمة الأسرار! وبالنسبة للإسلام فأنت أعرف منّي بزواج نبيّك من خديجة! وهيك بقي يتم بالبدايات بمجرّد بركة الآباء أو أولياء الأمر أو رؤساء العشيرة يلي كانوا يمثلوا الدولة أكتر من الدّين... وللأسف لاحقاً صارت الأمة هي قالب واحد للدولة والدين!

هلأ إذا في حياديين أو منصفين هون و عم يقرأو أو يشاركو بيحكوا إذا فعلاً الحكي يللي بيحاول تطبيق الشرع الاسلامي على المسيحيين أو بالعكس ... بصراحة شو بينوصف الحكي .. الحكي يللي نعت القانون الجديد بأنو ما وزن المسيحي و المسلم بنفس كفة الميزان " كيف بدو يكون هيك و هاد قانون أحوال شخصي بالعموم للمسلمين .. أصلا المسيحي مارح يقبلو " من دون لاتمعن أو قراءة فية بس هيك أنا ما بدي تشريع اسلامي بيسود .. إذا أنا ضد القانون .. طيب يا أخي خليك ضد القانون يعني البلد صحي تشريعاتها اسلبامية رسمياً بس حياتيا انت فيك بتعمل ما تشاء .. مابظن في أي انسان بيقول لأ أنا مقيد أنتو ناقشتو فقرات بتخص الزواج و ما بعرف ليش .. الزواج و بس و المرأة و بس لك يا عمي المراة بألف خير عن باقي الدول و طلعوا و شوفو و القوانين مثالية كانت عرف و شرف لمجتمعات قد خَلَت و مافي انسان قادر على تغييرها لسبب المعتقد و الفكر بس بنفس الوقت انتو عايشين حياتكن مع المرأة بالطريقة يللي بتناسبكون و مافي حساب ... فشو الخبرية.

يا أخي أنت أيّ حياديّة تطلب؟ يللي تقلّك إي وبس؟! والله قانون بينعت المسيحي بصفة "ذمّي" الله أكبر عليه شو عادل وحقاني وما إلى هنالك من صفات العدل والإنصاف!!! عذا (وعوذا من) بعض القوانين المشوّهة يللي بتعطي الأسبقيّة للمسلم على بقيّة المنتمين لأديان أخرى! قال "ذمّي" قال لسّاتني أنا تحت كنفك بدفعلك الجزية صاغر وأنت بتدافع عنّي... إي روح دافع عن حالك أوّل بعدين اعتبر البشر "ذمّيين".

منرجع للمسيحي السوري و المسيحي المسلم و هون بدي اذكر فارس الخوري يللي ترأس المجلس النيابي السوري بالاربعينات و كمان رأس مجلس الوزرا السوري و هي منشان الشباب من المناصب يللي شغلها وزير داخلية .. مسيحي و زير داخلية و الأدهى من هيك بأنو فارس الخوري بروتستانتي.
هي سوريا و هاد هوي قانون أحوالها الشخصية.

"المسيحي المسلم" كيف قدرت تزبّط هي...؟! ليكون قصدك "المسلم السوريّ"؟! إذا هيك بسيطة "جلّ من لا يخطئ" وإذا مو هيك فما فهمت هالتعبير! وبالنسبة لفارس الخوري صرعتونا فيه... بوقتها يا سيّد "التقرير الجوّال" سورية كانت متكاتفة ضدّ الانتداب وكانت تسعى لبناء حكومة شبه علمانيّة وهيك بدأت الأحزاب متل البعث والقومي والاشتراكي والشعب وغيراتن يلي أغلبها أحزاب علمانيّة ما بتميّز عَ أساس ديني بطيخي مجعفص مصدّي ريحتو طالعة! بس اليوم سورية متغيرة كتير كتير بيكفيها وصمة عار أنو في مادة بالدستور السوري بتقول "الرئيس لازم يكون مسلم سنّي" وهالمادّة لوحدها تجعل من أي مواطن آخر ملحد ولا ختفشاري مو على نفس الدرجة أو المساواة مع المسلم "السني"! عدا عن كل التشريعات والانتهاكات يللي صدرت من بعد أيام فارس الخوري لحتى اليوم!

كاتب النص الأصلي : التقرير الجوال

ما بعرف إذا بتوافقو على هالطرح .. شو رأيكن بعمل استفتاء بخصوص كم فقرة تناقشتو حولها من قانون الاحوال الشخصية .. تأييد أو معارضة I'm really feeling positive أنا جد ما بعرف كتير ناس هون و مابعرف إذا فعلاً العلمانية أو اللادينية طاغي صوتها هون .. بس كمان رح يكون في أصوات كتير بتأيد القانون يللي هوي شرع ربّاني بيخص كل مسلم .
سوريا البلد يللي زعّمت مسيحي بروتستانتي لقيادة مجلس الوزراء بتستاهل حب أكتر و تفاعل ايجابي أكتر.

لازم نعمل استفتاء مو على هالحكي الفاضي بل على بناء مجتمع جديد يجعل السوري سوري قدام الأمن والقضاء والمؤسسات كافّة بدون ما نقول مسلم أو مسيحي أو إنكشاري! سورية يللي زعمت رئيس حكومة بروتستانتي عطتك عمرها عشرين سنة قبل أحداث الإخوان وانداس عَ رقبتها بكل لافتة دينيّة انزرعت بشوارع البلد، وصارت موطوءة ألف مرّة ومرّة من قبل المنابر يلي بتدعو للقتل والتفرقة والعنصريّة ويللي تجعل من المرأة متاع مو بشر!

[MadMax]

كاتب النص الأصلي : التقرير الجوال

منرجع للمسيحي السوري و المسيحي المسلم و هون بدي اذكر فارس الخوري يللي ترأس المجلس النيابي السوري بالاربعينات و كمان رأس مجلس الوزرا السوري و هي منشان الشباب من المناصب يللي شغلها وزير داخلية .. مسيحي و زير داخلية و الأدهى من هيك بأنو فارس الخوري بروتستانتي..

مجرد طرحك لهيك مثال ... فيه شيء من العنصرية
و كأنو الدولة السورية منّت و تفضلت عالطائفة المسيحية لما سلمت أحد أفرادها منصب هام من سبعين سنة


حق أي مواطن كفؤ أنو ياخد فرصتو و ياخد دورو و ياخد المنصب اللي بيستاهلو .... بغض النظ عن دينو و معتقدو
و هالحق مو منّة و لا هبة من حدا هادا حق بتفرضو المواطَنة

هي سوريا و هاد هوي قانون أحوالها الشخصية

شو خص قانون الاحوال الشخصية بتوزيع المناصب .؟؟

[MadMax]

كاتب النص الأصلي : أم الجود

طيب مو بلبنان ولا بقبرص .. بالعراق .. بتركيا .. بزمبابوي .. بهونولولو !!

أنا اللي بدي أوصلو انو في حال هالقانون اتطبق رح نشهد أكتر من أي وقت حالات زواج خارج القطر .. خاصة الزواج المختلط بعد اليأس التام من سن قوانين بتضمن الحياة الكريمة للطرفين .

الزواج المدني يللي بصير خارج القطر ... بيتثبت هون



كل ما في الامر ... أنو هالعريس يللي مجمعلو قرشين ليشتري فيهون بيت مثلاً .. الدولة بتجبرو يصرفون ع سفرة بيلتف فيها عالقانون








و بيعمل شهر عسل بفرد مرة

[ظل جيفارا]

زبالة الله يلعن رب المشرع
أسف على اللفظ البذئ بس شو هالقرف الحاصل ...حاسس حالي عايش بقبيلة
تحياتي الحارة
ظل جيفارا

[achelious]

كاتب النص الأصلي : أم الجود

طيب سؤال على هامش الموضوع يا ريت حدا من اللي دارسين قانون يجاوبني عليه ... إذا شب و صبية سوريين راحوا تزوجوا بلبنان أو بقبرص مثلاً بيتطبق عليهون هاد القانون التحفة ولا قانون البلد اللي تزوجوا فيه ؟؟؟

بيطبق عليون قانون الأحوال الشخصية الحالي (قانون الأحوال الشخصية السوري الصادر المرسوم التشريعي رقم 59 تاريخ 7/9/1953)

المادة 40
1- يقدم طلب الزواج لقاضي المنطقة مع الوثائق الآتية:
أ ـ شهادة من مختار وعرفاء المحلة باسم كل من الخاطب والمخطوبة وسنة ومحل إقامته واسم وليه وأنه لا يمنع من هذا الزواج مانع شرعي
ب ـ صورة مصدقة عن قيد نفوس الطرفين وأحوالهما الشخصية
ج ـ شهادة من طبيب يختاره الطرفان بخلوهما من الأمراض السارية ومن الموانع الصحية للزواج، وللقاضي التثبت من ذلك بمعرفة طبيب يختاره
د ـ رخصة بالزواج للعسكريين ولمن هم في سن الجندية الإجبارية
هـ ـ موافقة مديرية الأمن العام إن كان أحد الزوجين أجنبياً
2- لا يجوز تثبيت الزواج المعقود خارج المحكمة إلا بعد استيفاء هذه الإجراءات على أنه إذا حصل ولد أو حمل ظاهر يثبت الزواج بدون هذه الإجراءات ولا يمنع ذلك من إيقاع العقوبة القانونية

أما مايجري التدوال بشأنه الآن فهو مشروع قانون مادخل حيز التنفيذ بعد

[التقرير الجوال]

بالبداية أنا مش خبير بقوانين أحوال شخصية و خصوصاً القوانين الروحية الموضوعة من قبل الكنائس .. ما بعرف شو خلّلاني افتح موبيلي لشوف شو صاير بالموضوع و إلا بالعادة أنا باخد قيلولة بأيام الاجازة .

وإذا حضرتك مطلع على هالقوانين هدول بتشوف أنّو ما بتتعرض لأي دين إلا بخصوص الزواج وفيه ما بتقلل من قيمة أي إنسان غير مسيحي أو تعتبروا أقل قيمة متل ما هو موجود في قانون الأحوال الشخصيّة الإسلاميّ! لا بل قوانين الكنائس الكاثوليكيّة تسمح بزواج المسيحي أو المسيحية من أي دين...

طيب قانون الاحوال الشخصية الجديد أو القديم بشو بيتعرّض لغير ديانات؟ و كمان الكاثوليك و لو سامحين بالزواج بدي خلين تقرأ هالشي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و باختصار هي مجلس الأساقفة الايطالة مأصدر رسالة عام 2005 بعنوان "الزواجات بين الكاثوليك والمسلمين في ايطاليا" و هي تعليق لرئيس اللجنة الأسقفية بايطاليا رح حطلكيا باقتباس

كما تطرق الى هذه المسألة من جديد، رئيس اللجنة الاسقفية الايطالية للعائلة، أسقف أوستا جوزيبي أنفوسّي، في مجلة " فاميليا كرستيانا" (العائلة المسيحية) التي صدرت في 28 يناير، فقال: "هناك مسافة كبيرة بين شخصين، رجل وامراة، عندما يخططان للعيش سوية ولبناء عائلة، في الوقت الذي ينتميان فيه الى عالمين ثقافيين ودينيين مختلفين كلّ الاختلاف".

كلام لايتناطح فيه عنزانبس بدّي قول عنّه بانه مغلّف بأوراق من السلوفان .
أنا مافي عندي مشكلة بخصوص الاديان و سيطرة و طغيان ديانة على اخرى بس النقطة يللي لازم نوعاها هي بأنو السنن و الشرائع و القوانين بتنحط للأكثرية و يا أخي الأقلية في عندن مرجعياتهن فوين الغلط.

و هي كمان تصريح للفاتيكان

الفاتيكان 6 فبراير 2007 .. ليس المنع وإنما الصعوبات الموضوعية، ما يدفع بالكنيسة الى أخذ الحيطة تجاه الزواج بين أشخاص من ديانات مختلفة، وخاصة بين الكاثوليك والإسلام في إيطاليا.

أنا مارح علّق و لا طالب منّك التعليق بس الشيئ بالشيئ يذكر و كتابك افضل أن تستلمه بيمينك.

باقي شي بخصوص الام الكاثوليكية يللي مطلوب منها شرعاً تنشئة أطفالها على ديانتها حتى إذا كانت متزوجة مسلم .. بظن أنت بتعرف هالشي .. الفاتيكان ما قال لأ بس ردودو الدبلماسية قالتها و لو الموافقة كانت و ماتزال على مضض .. شو برأيك بدهن يقولو لأ منشان الباقي المتبقى من القرون الوسطى يذهب مع أدراج الريح و بيفللو لبيوتهن؟

مين قلّك هالحكي... ؟! الزّواج في اليهوديّة كان يتمّ ببركة عشائريّة (يعني مدنيّة) ما ألها علاقة بالكهنوت اليهوديّ! وبالقرون المسيحيّة الأولى وخاصّة الـ 3 الأولى الزّواج المسيحي ما كان يحتاج لكاهن وكنيسة، كان تكفي بركة أهل البيت أو التسجيل في الدولة، يعني كان علماني ميّة بالميّة بس الله يصلحن راحوا سنولوا قوانين ودخّلوه على قائمة الأسرار! وبالنسبة للإسلام فأنت أعرف منّي بزواج نبيّك من خديجة! وهيك بقي يتم بالبدايات بمجرّد بركة الآباء أو أولياء الأمر أو رؤساء العشيرة يلي كانوا يمثلوا الدولة أكتر من الدّين... وللأسف لاحقاً صارت الأمة هي قالب واحد للدولة والدين!

أنا قصدت مارح يكون في مصادقة على الزواج المدني و إلا أصلاً الزواج إلو صبغة مدنية بيتطبق ضمن تعاليم شرعية او لاهوتية .. إي نعم لما بيصير اشهار للزواج و شهود و من دون لا قاضي و لا قسيس فهاد زواج و كان حاصل و واقع.
و عندك لبنان و مشروج الزواج المدني يللي جوبه بالرفض من البرلمان أكتر من مرة.

هون بقى إذا مسيحية بدها تتزوج مسلم فحاصل بشكل او بآخر .. مسلمة بدها تتزوج مسيحي بيجوز إذا صار في وفاق و تنازلات و الموضوع في إلو تبعيات .. باختصار الزواج المدني الشعب مش رافضو لأنو انت و غيرك رح تختاروا يللي بيناسبكن .. لكن المرجعيات الدينية و أولها المسيحية قبل المسلمة هنّ يللي رافضينو و لو البعض قبلو فهو قبول على مضض

يا أخي أنت أيّ حياديّة تطلب؟ يللي تقلّك إي وبس؟! والله قانون بينعت المسيحي بصفة "ذمّي" الله أكبر عليه شو عادل وحقاني وما إلى هنالك من صفات العدل والإنصاف!!! عذا (وعوذا من) بعض القوانين المشوّهة يللي بتعطي الأسبقيّة للمسلم على بقيّة المنتمين لأديان أخرى! قال "ذمّي" قال لسّاتني أنا تحت كنفك بدفعلك الجزية صاغر وأنت بتدافع عنّي... إي روح دافع عن حالك أوّل بعدين اعتبر البشر "ذمّيين".

هاد الشرع الاسلامي شو بدك تعمل .. و انت عايش بين ظهرانين العرب و المسلمين " هي إذا انت مش عربي " و عم بتمارس حياتك اسم الله عليك و عم تنقد الاسلام و شرعه و ماشي حالك و ما تنسى بانو سوريا فيها 10% مسيحيين يعني إذا بدّك تجاري الواقع الصبغة و التشريع بصراحة بدو يكون اسلامي و مابظن 80% من الشعب مستعدين لتغيير معتقدهن منشان 10% هاد واقع.
هلأ المسيحية الكاثوليكية بتكفر المسلم و إذا كنت خاطئ ففي طوائف بتكفر المسلم و بتعتبرو خارج عن الرحمة و مآله النار .. حكو المسلمين شي بهالخصوص؟ ليش ما حكو؟ أنا قللك ليش!
المسلمين عايشين على ارضهن و كمان المسيحيين عايشين على ارضهن عمّي كل واحد بحالو بخصوص الامور الحياتية و بصراحة بس المسيححين العرب آخدين دور الـ Drama Queen و بعض العلمانيين يللي موعاجبهن شي و بدهن يغيرو بس للتغيير.

منحكي شوي عن عهد الذمة
شكلها هالكلمة بتأثر كتير بس الواقع حاصل و لما طُرحت هالكلمة و أخد العمل بها كانت الدولة اسلامية نهجها اسلامي صرف و ما بعرف انت اذا بدك تسمي المغاير لعقيدة دولة شو؟ بكل الاحوال لغةً الذمة هي الضمان و الأمان
و يعني انت شو قاهرك من هالعبارة يللي بتميز او بتفرق المسلم عن الغير مسلم أنت ما بيهمك بأنو حقوق الذمي هي نفسها حقوق المسلم؟ هاد حاصل
كمان وجوب الدولة المسلمة الذود عن أهل الذمة كما هو الحال عن المسلمين! كمان المسلمين و الذميين سواسية أمام القوانين القضائية من حيث تطبيقها عليهن .. ما عدا الشؤون الدينية فتحرم فيها عقائدهن بيكفي بأنو الحدود الاسلامية ما بتطبق عليهن لانهن مش مسلمين كمان بظن لا يدعى الذمي للمثول للقضاء في يوم عيده.

بدنا نحكي بمنهجية كلمة الذمي تطلق على من يعيش ببلد اسلامي أو بلد خاضع للاسلام و ما بظن هلأ المسيحيين عم يدفعو فلوس بس لسلتهن ما بيحاربو.

المسيحي المسلم" كيف قدرت تزبّط هي...؟! ليكون قصدك "المسلم السوريّ"؟! إذا هيك بسيطة "جلّ من لا يخطئ" وإذا مو هيك فما فهمت هالتعبير! وبالنسبة لفارس الخوري صرعتونا فيه... بوقتها يا سيّد "التقرير الجوّال" سورية كانت متكاتفة ضدّ الانتداب وكانت تسعى لبناء حكومة شبه علمانيّة وهيك بدأت الأحزاب متل البعث والقومي والاشتراكي والشعب وغيراتن يلي أغلبها أحزاب علمانيّة ما بتميّز عَ أساس ديني بطيخي مجعفص مصدّي ريحتو طالعة! بس اليوم سورية متغيرة كتير كتير بيكفيها وصمة عار أنو في مادة بالدستور السوري بتقول "الرئيس لازم يكون مسلم سنّي" وهالمادّة لوحدها تجعل من أي مواطن آخر ملحد ولا ختفشاري مو على نفس الدرجة أو المساواة مع المسلم "السني"! عدا عن كل التشريعات والانتهاكات يللي صدرت من بعد أيام فارس الخوري لحتى اليوم!

حلوه هي المسيحي المسلم و بدّي اتبعها بمقولة لفارس الخوري منشان زيدك صَرَع هي من ويكيبيديا و ما بعرف صحتها قال فارس الخوري: "لا يمكننا محاربة النظريات الهدامة التي تهدد كلاّ من المسيحية والإسلام إلا بالإسلام" خلص كلامه.

كيف يعني حكومة شبه علمانية؟ شيوعية مثلاً او ما بتآمن بدين.. منشان هي رح اقتبسلم كمان مقولة إلو " لو خيرت بين الإسلام وبين الشيوعية لاخترت الإسلام" .. كمان قال: "يمكن تطبيق الإسلام كنظام دون الحاجة للإعلان عنه أنه إسلام" و للحقيقة هي المقولة فيها أبعاد كتيرة خلينا نتجاوزها.

هون بقى بدنا نقول بأنو المنطقة بأسرها بيسيطر عليها الفكر الديني ما بدي رشّح الاسلام للحل او العلمانية بس صدقني مش بالسهولة تطبيق العلمانية على أرض كانت مهد للديانات أرض تعمرت عليها آلاف المساجد و الكنائس أرض بشر لساتهن ماشين على سنن و نهج الرسول الكريم محمد عليه الصلاة و السلام .