شو هو السبب الي اشتركت فيه بأخوية ؟

[Black Orchid]

لانو الشام هون

[boozy]

بصراحة السبب كان غادة السمان
كنت ابحث عن كتبها وبدي حملها بشدة
فكان السبب الاول
وبعدين اتعودت على الشباب والصبايا الحلوين وصرت احسهم مثل اهلي والله

[Ichigo]

انا لم اكن اعرف عن المنتدى اي شيء ووجدته في غوغل عن طريق الصدفة ودخلت

[adon]

كاتب النص الأصلي : khaliiiil

بالعكس كلنا صحاب و رفئاات هوون و من السهل جدا انك تكون صداقات
من خلال مشاركات او مواضيع

اهلا و سهلا فيك نورت

شكرا يا خليل كلك ذوق على كلن من الممتع انه الواحد يتعاطى مع الشباب السوري المميز والمهضوم بنفس الوقت

[لامار رمز الدمار]

انا بفتكر كان بدي نغمة شي مسلسل وحبيت المواضيع ولفت نظري اللهجة صح انا سورية بس حبيت طريقة شرح الاقسام كان شرح دمو خفيف
يعني تغيير شكل
وعجبتني ثقافة الاغلبية

[عطر الايام]

بالنسبة الي
بما اني متغربة كنت حس بريحة الشام وحس حالي كأني اعدة بالشام بهالموقع
كتير كنت انبسط بالردود والتعليقات والمواضيع وخصوصا باللهجة الشامية

[khaliiiil]

يعني اللهجة الشامية هية الأغلبية

[W.E.G.A]

والله هون

قدرت كون انا متل ما انا

مع اقل ردود افعال متخلفة

يعني هون الاعضاء متفتحي الذهن اكتر بكتير من غير منتديات

طبعا الاعضاء

مو الزباين الطيارة الي بتجي شهر وبعيدن بتغير

[Sarita]

كاتب النص الأصلي : W.E.G.A

والله هون

قدرت كون انا متل ما انا

مع اقل ردود افعال متخلفة

يعني هون الاعضاء متفتحي الذهن اكتر بكتير من غير منتديات

طبعا الاعضاء

مو الزباين الطيارة الي بتجي شهر وبعيدن بتغير

بتزكرني برفيقا غالي علينا كتيير
رغم انو واجه الانتقادات غير انو ضل واثبت محلو
تحية لرامي
وتحية الك كمان ويجا

[عاشق سلاف]

مابتذكر شو بالضبط الي خلاني اسجل باخوية

بس حبيته لان سوري .. واسلوبه حلو كتير في شرح الاقسام .. تغيير يعني

والشغلة الاهم

الاعضاء الموجودين ثقافتهم عالية كتير

يعني بتحس حالك عم تحكي مع ناس عارفة شو بدها


وكل شي فيه بيذكرني بالشام .. وأيام الشام .. وحكيات الشام



حلو كتير


ملاحظة: المنتدى الوحيد الي بشارك فيه هو اخوية .. فقط

[W.E.G.A]

كاتب النص الأصلي : Sarita

بتزكرني برفيقا غالي علينا كتيير
رغم انو واجه الانتقادات غير انو ضل واثبت محلو
تحية لرامي
وتحية الك كمان ويجا

ومني كمان تحية لرامي مع انه غاطط اله فترة

والك كمان Sarita ما انتي والاعضاء الي متلك
عملو من اخوية اخوية

[Abu ToNi]

الله يلعن اللي كان السبب


طنّت دانه ليامن

[قرصان الأدرياتيك]

السبب: كنت يومتها بمحل ما كنت، وصديقة عزيزة على قلبي طلبت مني شارك بنقاش، وفعلاً سجلت دغري وشاركت بالنقاش مباشرةً، واتسكر الموضوع وناس راحت عالمعتقل وناس أكلتها مخالفة هذا مع حذف غالبية المشاركات ومن بيناتها مشاركاتي. ومن يومتها حسيت أنو الإدارة تتساهل مع الأعضاء الجدد كرمال يتعرفوا عالأجواء قبل ما يْحَلقوا وينْحلقوا!

وطبعاً شدني هالكم الكبير والمختلط من العقول والأشخاص وهالاختلاف الكبير كان أحد الأسباب الرئيسية في بقائي. موضوع الاختلاف بيصقل الإنسان قلباً وقالباً وبتمنى الجميع يستفيدوا من ورشة النجارة هي "الأخوية".

الله يذكرك بالخير يا... .

[saman]

والله انا كنت عم بحبش على موسيقى يمكن .. نسيت شو هيي هلأ .. بس يمكن موسيقى مسلسلات ...
كانت المرفقات ما في متلها .. شغالة وعين الله عليها .. والموقع مو محجوب ولا شي ...
كنت فوت على قسم الموسيقى ... حمل موسيقى
وحوّل على منبر اخوية الحر و حوار الاديان واقعد اضحك
ضليت هيك .... من شهر اوغست 2006... لـ شهر سبتمبر 2007 عم بعمل هيك .. بعدين حوّلت على قسم المسابقات .. الله يرحم ايامها .. والله كانت حلوة .. كان في عندك باشق مجروح .. ماتيا .. انا .. ساندرا .. ييييييييي سقا الله
على اول الـ 2008 بلشنا نشارك بالصالون والسقيفة .. بعدين كملنا بباقي الاقسام .. الا قسم بسطة اخوية .. يلي لهلأ ما كنت طيقو !

وهيكة

[Sarita]

كاتب النص الأصلي : W.E.G.A

ومني كمان تحية لرامي مع انه غاطط اله فترة

والك كمان Sarita ما انتي والاعضاء الي متلك
عملو من اخوية اخوية

لازم نتقبل الرفيق كيف ماكان

[khaliiiil]

كاتب النص الأصلي : عاشق سلاف

ملاحظة: المنتدى الوحيد الي بشارك فيه هو اخوية .. فقط

انا كمان متلك

[marioma alghzayala]

كاتب النص الأصلي : khaliiiil

يعني اللهجة الشامية هية الأغلبية

الحومصيي ازا بتريد هاي تاني مرة بتقول شاميي ومنصلّحلك

[khaliiiil]

كاتب النص الأصلي : marioma alghzayala

الحومصيي ازا بتريد هاي تاني مرة بتقول شاميي ومنصلّحلك

لك عاراسي من فووووق كل حماصنة حمص

حيااااتي اتووو