|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
04/03/2009
|
#19 | |||||||
|
عضو
-- قبضاي --
|
اقتباس:
وبتمى من الجميع التقيد بالموضوع وأهلا فيك
أنا الآن لا أخشى الإله مطلقا. ربما يعود ذلك إلى أنني نفذت تعاليمه. لا أخاف الموت لأنه لا يساوي شيئاً. وكما أنني لا أساوي شيئا بدوري، فأنا لا أخشى أخطر عناصر الطبيعة، مهما فعلت، وحتى إذ جاء ذنب مذنب ليضربنا ويحولنا إلى سلاطة طماطم، فأنا أضحك
|
|||||||
|
|
04/03/2009
|
#20 | ||||||
|
عضو
-- قبضاي --
|
شو هالطريقة الربانية بالنقاش ...قال شو ما حدا سألك شو الحل !!
راجع الرد رقم 14 يلي كنت حضرتك عابتسأل عن المخرج من هالوضع !! schizophrenia !!
That is not Dead which Can Eternal Lie And With Strange Aeons even Death may Die
لا ميتاً ما قادراً يتبقى سِِِِِِِِِِر مدى فإذا يجئ الشذاذ الموت قد ينتهي Who Sacrifices The Social Liberties For The National Security Deserves Neither |
||||||
|
|
|
04/03/2009
|
#21 | ||||||
|
شبه عضو
-- اخ حرٍك --
|
معذرة بس عم شوفكون كتير عم تسبو عا النظام وبشكل اوفر شوي وبعدين عم تخلطو بين النظام وبين بشار مع انو كمان علقتوا وقلتوا انو اللي عم يحكمنا حقيقة هوين ذيول للعهد القديم وليس لبشار سلطة عليهون , اتمنى ما تجمعوا الصالح بالطالح ...
انا براي ايد مين فوق هي بتنطبق برا في الدول الغربية لان في ديمقراطية وفي احترام للذات الانسانية ولهيك ما بيقدروا يلعبوا عا المكشوف ومشان هيك بيحطوا واحد بالواجهة وبيعملوا هوين اللي بدون ياه من تحت لتحت كما اليهود في حكومة بوش "لا ادري بعد عن اوباما" المهم اما بالدول العربية فليس هناك احترام للانسان واظن انهم يروننا حيوانات منزلية "معذرة على التشبيه ولكنه الواقع" نحتاج لترويض او لرمي بالرصاص اذا خرجنا عن السرب .. للاسف وللاسف الشديد هي هي الصورة الحقيقية فدعونا لا نقنع انفسنا بوجود احزاب "لا وجود لها" ولنعترف انها صورة "مختلفة المسميات" واذا كنا نرى باحزاب مصر المعارضة احزاب تتفكك عن سلطة التيس الكبير فنحن نخدع انفسنا ونؤكد انو نحنا "عذرا" كما يروننا .... ف"خرافة الاحزاب العربية" هي متل البرغي تبع طنجرة الضغط بيعملها متنفس مشان ما تنفجر الطنجرة بس يا حلوين اذا انتو شايفين انو بتقدروا بيوم من الايام تطالعوا اليبرق من ها الثقب فاذا خليكون متمسكين بحلم الاحزاب وبتكون ايد الاحزاب موجودة ...
the perfect men are like "the good car parks" always taken
|
||||||
|
|
![post[field7]](images/gender/undisclosed.gif)
|
05/03/2009
|
#22 | |||||||
|
عضو
|
اقتباس:
لاتقلي بشار لحال والنظام لحال ما هوا النظام بشار والعكس صحيح كمان يعني ازا راح بشار او بالأصح عائلة الاسد من الحكم بروح كل الفساد وبصير كل شي. لأنو ان شا الله ازا راح بتغير كل النظام |
|||||||
|
|
|
05/03/2009
|
#23 | ||||||
|
عضو
|
والله مع احترامي كلامك بضحك شوي
قال بالغرب بالغرب الرئيس او اي واحد بدو ينهب بينهب بالمعقول وازا انكشف ياويل ويلوا اما عنا يا سيدي العزيز الواحد بينهب وبيلعن اخت البلد وما حدا بقلوا مين انت ؟ بعطيك مثال : عائلة الحرامي مخلوف ابن خالة بشار تبعكن حرامية يا زلمة وناهبين البلد ولعنوا امها كمان وكمان شغلة : اصلاً يا حبيبي الامل الأول والأخير هوا الحزب السياسي لأنو النظام البعثي الاشتراكي ماعد ينفع وان شا الله راح يا خدوه متل ما اخدو اللي قبله . |
||||||
|
|
|
05/03/2009
|
#24 | ||||||
|
شبه عضو
-- اخ حرٍك --
|
ما بعرف انا بحترم رايك ولك الحق فيه وما رح احكي شي لغيرلك ياه لان هادا رايك بس انا بصراحة بحبو لبشار وبتعجبني سياستو ولا تنسى انو قبلو ما كنا منعرف الموبايل ولا الانترنت وما منعرف الهوا كيف نتنفسه ... هلا صحيح الاصلاح عم يدخل شوي شوي والتطور عجلته بطيئة جدا بس انا بلاقي انو هي نوع من انواع السياسة اللي هي انو بلد متل بلدنا كان محروم من كل شي ويجي فجاة تفتحلو بواب واسعة بيغرق اما اذا دخلت له الامور شوي شوي فممكن يكون هادا اسلم ... هادا رايي ... هلا انا ما بختلف معك في كتيييييييييييييييييير شغلات اساسية بدها تغيير وتطوير وتعديل ...بس على الاقل العجلة ماشية ولو ببطئ شديد لكن قبل ما كانت ماشية منووب ...
انا طبعا متل اي مواطن سوري اتمنى شوف وزراء حكماء ومثقفين مو "زبالة المجتمع" لان صدقني لما انت بتحط اشخاص راقيين بيرتقوا بالمجتمع واذا انت حطيت ناس حوش ونور "مهما كان مستواهون الثقافي" فبيبقوا لهم رؤية محدودة بكتير شغلات ولا بعمروا بيرتقي المجتمع وهادا السبب انو الممالك عادة ارقى من الجمهوريات ليش لان العائلة المالكة بيكون متأصل فيها العز والرقي مو بيجيلك مجند مو معروف من وين وبيصير رئيس لان بطل !! طيب بطل على عيني بس مانوا مناسب لرئاسة ؟ برجع بقلك هادا رايي ..بشار ما بيقدر فجاة يقول لكل الدولة وكل الوزراء وكل المسؤولين يالله كش ... بياكلوا بلا ملح ... ما بيقدر بشوراعنا المعدومة يروح يشيل جمارك السيارة ... انت رح تقل اي يوسع الشوراع ..بقلك هادا اللي عم يصير وحتى انو انا ملاحظ انو في خطة للتوسع عرضيا عم تصير وهادا شي مبشر بالخير ... لا تنسى انو كمان عم يخفض العسكرية شوي شوي وهي كانت كابوس الشعب السوري ... هادا كللو بينحسبلو ... شوف عزيزي انا ما مع ولا ضد انا مو مع بشار كشخص ولا ضد غيرو ك شخص انا مع اللي بيريد الخير للبلد او على الاقل عم يعمل جهد بها الشق ... نحنا لئيمت بدنا بس نقاتل الناطور ؟ خلينا نعطي فرصة ... خلينا نشوف بعرف انو كتيييير لسا بدنا فت خبز بس انا ما بعرف ليش قلبي حاسسني انو في خطة عند بشار وعندي امل فيه لا تنسى انو حتى الناس الكبارية اللي كانوا عم يعيثوا فساد ..عم يسحبون واحد ورا التاني اذا انتبهت ... بس معك حق بقصة مخلوف ..فعلا هوي بقيان الشوكة اللي بحلق التطور وهوي على فكرة النقطة الوحيدة السودا اللي انا شايفها حالياً .... كلنا منتمنى الخير لبلدنا وبركي ان شالله بيتحسن الوضع ما دام العجلة دايرة "بركي السلحفاة بتسبق متل القصص الخرافية " تقبل تحياتي وبرجع بقلك انا ماني مع حدا انا مع بلدي وخير بلدي ... |
||||||
|
|
|
05/03/2009
|
#25 | |||||||
|
عضو
|
اقتباس:
وعلى فكرة بعض كلامك فيه وجهة نظر بس مشان الخطة والله انا ما بعتقد ابداً ان فيه خطة في عندن خطة لنهب البلد وكل ثروات البلد وعبتقلي صار عنا شغلات كتير طيب بدي قلك شغلة : النظام لحد هلأ ليش ما ساوا اصلاح مع انو بشار صرلوا زمان بس هوا ما بدو طيب ليش عنا لما الواحد بدو يستورد سيارة من برا ما بخلوه ليش؟؟ وعبتقلي صار عنا شغلات كتير يازلمة اطلع لبرة وشوف الناس كيف عايشة والله حرية تعبير حرية تجارة وكل شي فيه حرية الا ببلدنا فالحل الوحيد هوا : التــــــــــــــغـــــــ ـــــــيير |
|||||||
|
|
|
06/03/2009
|
#26 | |||||
|
عضو
-- زعيـــــــم --
|
اقتباس:
فيك تشرحلي هالعبارة بس معك حق بقصة مخلوف ..فعلا هوي بقيان الشوكة اللي بحلق التطور وهوي على فكرة النقطة الوحيدة السودا اللي انا شايفها حالياً .... يعني يا اما انا لازمني نضارات يا انت, كل هالسواد اللي قدامك ما شفت منو غير قضية رامي مخلوف؟؟ كل هالفقر والتخلف و التراجع بجميع المستويات شايفو منيح وماشين هيك على الطريق الصحيح وكلو تمام فيك تقلي الوعود اللي اطلقها بشار عند استلام الحكم شو تحقق منها؟؟ لا تقلي انترنت وموبايل لانو هدا حكي مراهقين بالاول وعد بالاصلاح السياسي وانتهى هلق بقبضة حديدية اسوأ من أبو, بعدين على اساس رح نعتمد النموذج الصيني يعني اصلاح اقتصادي وشفنا نتائج الاصلاح الاقتصادي الكارثية وعد بمحاربة الفساد قام سلم الاقتصاد كلو لابن خالتو و حيتان الفساد التانيين كلن عم يسرحوا ويمرحوا تحت عينو وشو بدي عدلك لعدلك. بس بتعرف عجبتني هي انا ما بعرف ليش قلبي حاسسني انو في خطة عند بشار وعندي امل فيه وانا هيك قلبي عم يقلي انو عندو خطة رح يستغرق تنفيذها شي 30 سنة كمان و بعدين رح يكملها ابنو من بعدو  |
|||||
|
|
|
06/03/2009
|
#27 | ||||||
|
عضو
-- قبضاي --
|
قد ما بتعيش اكتر قد ما بتسمع شغلات غريبة ...
يعني قابلت كتيير من الناس يلي بتحب بشار الأسد بسبب كرها للشعب السوري .....لأنو طول ما بشار بالسطة فالشعب مدعوس عا راسو !! بتمنى تكون عرفت صديقي صاحب الموضوع يد مين هي فوق !! |
||||||
|
|
|
07/03/2009
|
#28 | |||||||
|
شبه عضو
-- اخ حرٍك --
|
اقتباس:
معك حق تناقض عجيب ... انا ماني شايف انو نحنا مناح ابدا وانا ما قلت ها الحكي ..انا اللي قلتوا انو بعهد بشار اختلفنا عن قبل مشينا خطوة لقدام انا هيك شفت ...هلا انو مشينا خطوة لقدام ما بينفي انو نحنا لساتنا ااااااااااااااااااااااااا اااااااااخر الركب وعادة بحلبة السباق اللي بالمرتبة الاخيرة بيفقدو الامل وما عاد بيدققوا هوين وين بالمرتبة الاخيرة على اعتبار انونن بالمرتبة الاخيرة ... بس انا معك بالنهاية المرتبة الاخيرة هي المرتبة الاخيرة وعن قصة الموبايل والانترنت انا وقفت لحظة قبل ما اكتبون لنفس السبب اللي انت شفتو بعدين حبيت حطون لحتى يظهرلنا انو حتى الاشيا التافهة "كنا محرومين منها" ... انا ما زلت عند رايي انو نحنا منستحق قنبلة نووية تمحينا ونرجع ننبنى من جديد ..بس انا ما زلت مصر انو سبب ها الشي هو الدكتاتورية القديمة اما العهد الجديد فانا ارى فيه بصيص من الامل ... اذا حالنا الان هو طبعنا وتشويهاتنا الداخلية بس ما منقدر نجزم انو الذنب يقع على بشار ... لو سمحتللي اطلب منك تحط حالك محللوا ...مع الشعب بالحالة اللي هوي هلا فيها شو بتعمل ؟ هلا بدك تقللي انو هوي السبب بانو الشعب وصل لهيك بصححلك مو هوي السبب "اللي قبله " وبرجع بعيد انو هدفنا مو نقتل الناطور .... انا برجع باكد انا ماني مع او ضد انا بس شايفو عم يحاول وقبل ما كان حدا عم يحاول ....يمكن كون غلطان بس انا هيك شايف اما عن مخلوف فيمكن انا لان الي تجربة مريرة مع طمعه وهيمنته المريضة على الانفتاح والتجارة السورية للاسف وللاسف الشديد ويمكن لاني بشوف انو انفتاح السوق هو بداية النهضة فلهيك انا حكمت انو هوي النقطة السودا اللي واقفة بحلق التقدم... يمكن يكون في غيرو بس هوي الحوت الكبير اما انو في حيتان بكبرو؟ ما بعرف يمكن عندك ناس انت بتعرفون "عم نحكي عا نفس المستوى ...بكل بلد في حيتان بس اكبر خطر يقتل السوق هوي لما حوت واحد بيبلع باقي الحيتان فبتصير البلد كلها بقبضة حوت واحد ...وهادا اللي صاير بسورية ومخلوف ... نحنا مالنا مختلفين انو نحنا باخر الحلبة وما بعرف اذا بيوم منقدر نركض بين المتسابقين او رح نبقى اخر الحلبة بس عا الاقل نحنا هلا عم نمشي بالحلبة ...قبل كنا مرميين على العشب مشلولين ... شو رايك ؟ |
|||||||
|
|
|
07/03/2009
|
#29 | ||||
|
عضو
-- زعيـــــــم --
|
1231405]وعن قصة الموبايل والانترنت انا وقفت لحظة قبل ما اكتبون لنفس السبب اللي انت شفتو بعدين حبيت حطون لحتى يظهرلنا انو حتى الاشيا التافهة "كنا محرومين منها" ...
طيب انا رح اسألك سؤال, هالشغلات البسيطة اللي كنا محرومين منها بدء من الموبايل والانترنت ومرورا بقصص العسكرية تبع المدارس الاعدادية والثانوية و قصص تانية كتيرة كانت مطينة عيشة المواطن, هي كلها كانوا بيقدروا بسهولة بعهد حافظ الاسد يغيروها طيب ليش ما عملوا هيك؟؟ ليش كل هالقرارات كانت موجودة على مكتب الاسد الاب من اوائل التسعينات و طنشها؟ مشان يخليها سلاح دعاية لابنو من بعدو, هالاساسيات اللي عم يمنن الشعب فيها هي حقوق مو منية. الفلسطينيين اللي تحت الاحتلال الاسرائيلي كان عندن موبايل والشعب السوري كان لسا عم يشوف الموبايل على التلفزيون. يعني واحد اكل عليك حقك وحرمك منو وبالاخير قرر يعطيك جزء منو ويمننك كمان , اي لازم يعطيك ياه و يبوس ايدك ويستسمحك كمان. انا ما زلت عند رايي انو نحنا منستحق قنبلة نووية تمحينا ونرجع ننبنى من جديد ..بس انا ما زلت مصر انو سبب ها الشي هو الدكتاتورية القديمة اما العهد الجديد فانا ارى فيه بصيص من الامل ... لهلق انا ما عم لاقي فرق بين الدكتاتورية القديمة و الجديدة قانون الطوارئ والقمع ما زال موجود, الاعتقال لمجرد ابداء الراي بسوريا رجع متل اول, كم الافواه متل اول مهازل الاستفتاءات وال99 بالمية اضرب من اول واللي صار ب 2007 اكبر دليل الحياة الاقتصادية للشعب صارت اسوأ من اول واللي كانوا 20 الف بالشهر يكفوا صار هلق بدوا 40 الف كل التناقضات اللي حكيت عنها بحياة السوريين استفاد منها النظام الحاكم وغذاها لتخدم مصالحو لو سمحتللي اطلب منك تحط حالك محللوا ...مع الشعب بالحالة اللي هوي هلا فيها شو بتعمل ؟ هلا بدك تقللي انو هوي السبب بانو الشعب وصل لهيك بصححلك مو هوي السبب "اللي قبله " وبرجع بعيد انو هدفنا مو نقتل الناطور ... ما فيني حط حالي محلو, لانو مجرد وصلوا للحكم بالطريقة المسرحية اللي صارت سبب عار لمنصب رئيس الجمهورية بسوريا, اللي بدو يعمل اصلاح لازم يبدأ من نفسو اولا اللي بيخاف حتى يعمل انتخابات حرة و يصير في انتخاب رئيس الجمهورية مو استفتاء على شخص واحد , للاسف ما فيني حط حالي محلو . اما عن مخلوف فيمكن انا لان الي تجربة مريرة مع طمعه وهيمنته المريضة على الانفتاح والتجارة السورية للاسف وللاسف الشديد ويمكن لاني بشوف انو انفتاح السوق هو بداية النهضة فلهيك انا حكمت انو هوي النقطة السودا اللي واقفة بحلق التقدم... يمكن يكون في غيرو بس هوي الحوت الكبير اما انو في حيتان بكبرو؟ ما بعرف يمكن عندك ناس انت بتعرفون "عم نحكي عا نفس المستوى ...بكل بلد في حيتان بس اكبر خطر يقتل السوق هوي لما حوت واحد بيبلع باقي الحيتان فبتصير البلد كلها بقبضة حوت واحد ...وهادا اللي صاير بسورية ومخلوف ... طيب ما انتي هون عم تناقض نفسك, طيب اذا بشار عندو رغبة حقيقية بالاصلاح بيجي بسلم اقتصاد البلد لابن خالتو؟؟؟!!! المليارات اللي عم تخسرها الدولة و اللي عم تروح لجيبة مخلوف بيك هي شو بتسميها؟ هي مو غلطة , هي جريمة لاتقل عن جرائم التعذيب و القتل اللي عم ترتكبها الاجهزة الامنية . نحنا مالنا مختلفين انو نحنا باخر الحلبة وما بعرف اذا بيوم منقدر نركض بين المتسابقين او رح نبقى اخر الحلبة بس عا الاقل نحنا هلا عم نمشي بالحلبة ...قبل كنا مرميين على العشب مشلولين . نحني عم نمشي بالحلبة بس بالاتجاه التاني , الاتجاه السالب لمحور تطور الشعوب [/quote] يا صديقي بحب قلك شي, الانظمة الشمولية تبنى عادة على قواعد فاسدة, القمع و الفساد و ارهاب الشعب و غيرها بعد كل الجرائم اللي بترتكبها هي انظمة بصير من المستحيل اصلاحها, واي محاولة لاصلاحها تعني تدميرها وهي التاريخ الحديث مليان امثلة على هالشي. وفي سوريا الوضع مو كتير مختلف, الاصلاح الحقيقي ,اللي ممكن فعلا يخلينا على الاقل نحط رجلنا على الطريق ونصير على الاقل ما رح قلك اوربا مشان ما تضحك عليي رح قلك تركيا , هو اللي بيحقق للانسان كرامتو واللي بيخلي الانسان يحس انو هو بني ادم بدولتو وهالشي للاسف مستحيل التحقيق مع هيك دولة فاشلة متل اللي عنا. |
||||
|
|
|
07/03/2009
|
#30 | |||||||
|
شبه عضو
-- اخ حرٍك --
|
اقتباس:
[/quote] اول شي اسمحلي اشكرك على نقاشك وثقافتك الواسعة اللي عم تحاورني فيها وانا اسعد بالتحاور وتبادل وجهات النظر لا لنغير وجهات النظر وانما لتنميتها وتبادل المهم بها ..وهادا الشي اللي العرب "نعم انا متحامل عليهون" ما بيفهموه انو الاختلاف بديهي ولا يمكن انا وانت يكون النا نفس النظر للوحة بس على الاقل لما انت بتعطيني نظرتك وانا بعطيك نظرتي انا بغني افكاري واحيانا اتنبه لنقاط ما كنت شايفها وانت نفس الشي وهادا حوار كتير هادف لما ما بيغير وجهات النظر وانما يغنيها ....فبرجع بكرر شكري ...وبقول عذرا لكاتب الموضوع اذا نحنا طلعنا شوي عن السياق ولكننا في النهاية بساحة المنبر اي نستطيع الخروج قليلا بحرية .....فاسمحلنا اعود لنقاطك اللي طرحتها ... صحيح ومعك حق صحيح ها الشغلات البسيطة وكتير شغلات غيرها هي من حقنا وكانت مغتصبة مننا وانا ما قلت بكلامي لازم نشكره عليها لا ابدا ولكن اذا كان كما تظن "وهي فكرة محتملة" انو والده تركها له ليبيض فيها وش ..طيب فعلا بيض وش ... انا برجع بعيد جملة قلتها باول رد وهي مهمة جدا كمان لازم نتنبه الها والجملة كانت حرفياً " نا ما مع ولا ضد انا مو مع بشار كشخص ولا ضد غيرو ك شخص انا مع اللي بيريد الخير للبلد او على الاقل عم يعمل جهد بها الشق" صديقي انا ما بيهمني مين هوي الشخص وشو خططه وشو الماضي انا بيهمني هلا ... شو عم يعمل ....وبعرف والله انو كتييييييييير عم تنقط الحنفية تنقيط ...بس طيب عطيني حل تاني ؟ اما سئمنا انقلابات وما اجانا منها الا كل ردي ... ام برايك نعيش ما عاشه العراق هل انت مستعد للتضحية التي قدمها العراق ليصل الى ما وصل ؟ انا ماني مستعد بس لو بالعهد القديم كنت لابصم بالعشرة ... انا ما عم قول انو ما نعيشه هو شيء جيد بس نحنا ما بدنا بس نعيط ونقاتلو نحنا لازم ناخد الموضوع من كل الزوايا مو بس يالله نحنا معادينو .... ما هو البديل المطروح واتمنى نكون واقعيين ولا نعيش احلام الاحزاب الوردية ..لان صدقني الصراع الدموي اللي رح يصير بينهون اكثر ضراوة من ما حدث بالعراق ... نعم العراق على منعطف تطور ان شا الله هائل "على ما اظن" ولكن برجع بقول والله يا صديقي كانت التضحية كبيرة جدا ...وانا لا ارى وضعنا بالسوء الذي كان في العهد الماضي فهل ترى ذلك صدقاً ؟ نعم وضعنا سيء ومتردي وانا كنت واضح بموضوع "السوري شجاع" ولكن عندما تريدني ان اوافق على "تغيير جذري" سأقف كثيراً فالموضوع ليس ورقاً وحبراً الموضوع أجساد ودماء .... فعلا اصبحت العشرين الف ما تكفي ولكن رواتبنا في سورية ارتفعت اسقفها وصار في ناس تاخد اربعين وخمسين وستين ...ومو مدراء ...اذا بالعكس انا بشوفها نقطة النا مو علينا فلا بد من رفع الرواتب حتى لو ارتفعت الاسعار لرفع المستوى المعيشي ..نعم هناك طبقة فقيرة ولكنها دائما ...كانت هناك ...انها متوالية ولا اراها تغيرت اما عن القمع والترهيب فبرجع بقلك نحنا بدنا نكون واقعيين وانا هون وقت بحكي معك لا مشان القي محاضرة ولا حتى بركز كتير كلامي بحيث يعجبك وعليه فلا بد انو ما نعيش حلم لا يمكن تحقيقه ليس لانها سورية بل "لاننا دولة عربية" تركيا تتكلم عنها وتريد ان تقارننا بها صديقي العزيز اردوغان قالها وانا اقولها بعده "ان تركيا ليست عشيرة "او بما معناه والله ما بذكر الجملة بالضبط ولكن مرماه كان واضح مباشر ...بان تركيا بلد متحضر وليست بلد عشائر وبدو .... نعم عزيزي نحن عرب ولا يمكننا الهروب من واقع اننا دول عربية متخلفة عشائرية ما زالت تعيش نظام الرعي والمراعي ..وعليه لا نستطيع حتى ان نفكر بحرية راي مطلقة فهذا حال العشائر العربية العظيمة من يتكلم على الملك يموت .... فلا يمكن لسوريا ان تخرج عن السرب "بغض النظر عن مدى بغضنا لهذا السرب " ولكنها الحقيقة فامل حرية التعبير هو حلم بعيد جدا جدا جدا ...ولا ارى امكانية لتحقيقه مهما تغيرت الانظمة فهو غير مرتبط بأنظمة ... بموضوع مخلوف ما بعرف بس انا بشوف اني ما ناقضت نفسي وخصوصا انو قلت انو بشار "برايي" عم يحصييهون واحد ورا واحد ...ما بتعرف الزمن شو مخبيلنا مفاجات ...ولهيك قلت انو خلينا نعطي الوقت فرصة يا اخي اذا ما بدنا نعطي بشار فرصة خلينا نعطي الوقت فرصة .... "نحني عم نمشي بالحلبة بس بالاتجاه التاني , الاتجاه السالب لمحور تطور الشعوب" جملتك هي منتفق عليها .... آخر تعديل loui يوم 07/03/2009 في 16:53. |
|||||||
|
|
|
08/03/2009
|
#31 | ||||||
|
عضو
|
خير الكلام ماقل ودل
والله مالي خلق اقرا كل هاد الحكي !!!! |
||||||
|
|
|
08/03/2009
|
#32 | |||||||
|
شبه عضو
-- اخ حرٍك --
|
اقتباس:
معك حق انت عربي ..طبيعي يكون ما عندك وقت للناس اللي بتختلف عن وجهة نظرك ..."لازم كل الناس تاكل بطيخ..يا اما مالها مكان عنا" |
|||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 12:21 (بحسب عمك غرينتش الكبير +3)