زرع الأعضاء \ تجارة الأعضاء.. طلب رأي

[yass]

مرحبا يا شيوخ


هو وقع بإيدي ريبورتاج صحفي منيح كتير عن مافيات تجارة الأعضاء, هيك ريبورتاج خفيف نظيف رح اشتغل على اختصارو و ترجمتو بلكي هاليومين...

هو بغض النظر عن المعلومات اللي فيه و حجم هالتجارة و مناطق كثرتها و زبائنها و كل هالأمور, تركلي الريبورتاج عدّة تساؤلات, تدور كلها يمكن حول "الطرف الآخر" بهالتجارة.. يعني قصدي بهالكلام انو الرأي الطبي واضح جداً تجاه هالأمور, و لكن لو حطينا حالنا محل المريض شو منقول؟

لخّصت هالتساؤلات على شكل أسئلة مشان سهولة النقاش, بس كل واحد حابب يعطي رأي عندو كامل الحرية يعطيه متل ما بدو طبعاً:


- افرض نفسك مريض (لا سمح الله) أو أحد أفراد عائلتك, و بحاجة ماسة (حياة أو موت يعني) إلى عضو ما (كلية, جزء من كبد, الخ) يعني عضو ممكن يتبرع فيه شخص حي, و انت عايش ببلد ضايعة فيه الطاسة, و بتعرف شخص عندو استعداد يبيعك العضو لأنو هو بأمس الحاجة للمال... تشتريه؟

- طيب نفس السؤال السابق و لكن في بالنص تاجر أعضاء, يعني الشخص اللي رح "يبيع" العضو ما بتعرفو و لا شايفو.. بيختلف جوابك عن جواب السؤال الأول؟ و ليش؟

- طيب بدل ما تكون ببلد ضايعة الطاسة فيه انت ببلد منظّم فيه قضية الدور تبع الأعضاء اللي يتم التبرع فيها, لكن دورك (لا سمح الله طبعاً و دوماً) أو دور فرد عائلتك شوي مفشكل وضعو و ممكن يتأخر, و حدا عرض عليك ينظملك سفرة ع بلد تاني و يأمنلك العضو و المشفى و الطبيب الجراح و كل شي مقابل مبلغ مالي انت قادر تدفعو... بتدفعو؟

- لنفرض انك بحاجة إلى قلب أو رئة أو أي عضو يحتاج انو يتبرع فيه شخص ميت, و يخبروك انو في دولة ما, قريبة أو بعيدة, في مجرم (بغض النظر عن جريمتو) حكمو عليه بالاعدام و الضابط المسؤول عن السجن بيتاجر بأعضاء المعدمين, و انو في حدا قادر يأمنلك هالعضو اللي انت محتاجو من عند هالضابط و بمبلغ معقول لألك.. بتشتريه؟

- بالنسبة للسؤال الفوق.. بيفرق معك سبب اعدام المجرم في قرارك اذا رح تشتري العضو أم لا؟



مع الشكر على مشاركتكم سلفاً

-

[ابو نجبو]

كاتب النص الأصلي : yass

مرحبا يا شيوخ

أهلين سيدنا....

كاتب النص الأصلي : yass

- افرض نفسك مريض (لا سمح الله) أو أحد أفراد عائلتك, و بحاجة ماسة (حياة أو موت يعني) إلى عضو ما (كلية, جزء من كبد, الخ) يعني عضو ممكن يتبرع فيه شخص حي, و انت عايش ببلد ضايعة فيه الطاسة, و بتعرف شخص عندو استعداد يبيعك العضو لأنو هو بأمس الحاجة للمال... تشتريه؟

مابعرف ازا في شي بالنصوص الدينية بتحرم هالشي ولا لا....
وبكل الاحوال ...اي ...ليش لا ...

كاتب النص الأصلي : yass

- طيب نفس السؤال السابق و لكن في بالنص تاجر أعضاء, يعني الشخص اللي رح "يبيع" العضو ما بتعرفو و لا شايفو.. بيختلف جوابك عن جواب السؤال الأول؟ و ليش؟

نفس الشي...أكيد لما بدو يكون في طلب ...وفي عرض ...رح بنوجد سمسار بالنص
لكن وين رح أدور و أفتل على واحد يبيعني كلواية و لا قلب ؟

كاتب النص الأصلي : yass

- طيب بدل ما تكون ببلد ضايعة الطاسة فيه انت ببلد منظّم فيه قضية الدور تبع الأعضاء اللي يتم التبرع فيها, لكن دورك (لا سمح الله طبعاً و دوماً) أو دور فرد عائلتك شوي مفشكل وضعو و ممكن يتأخر, و حدا عرض عليك ينظملك سفرة ع بلد تاني و يأمنلك العضو و المشفى و الطبيب الجراح و كل شي مقابل مبلغ مالي انت قادر تدفعو... بتدفعو؟

اي طبعاً...شو بدي ساوي يعني..."الله لايسمح"

كاتب النص الأصلي : yass

- لنفرض انك بحاجة إلى قلب أو رئة أو أي عضو يحتاج انو يتبرع فيه شخص ميت, و يخبروك انو في دولة ما, قريبة أو بعيدة, في مجرم (بغض النظر عن جريمتو) حكمو عليه بالاعدام و الضابط المسؤول عن السجن بيتاجر بأعضاء المعدمين, و انو في حدا قادر يأمنلك هالعضو اللي انت محتاجو من عند هالضابط و بمبلغ معقول لألك.. بتشتريه؟

هلاء متل مابعرف انو الاجرام صفة مكتسبة و الخارطة الجينية مالها علاقة بهالشي "الاجرام يعني" لا من قريب ولا من بعيد....
ف كمان مافي مشكلة ....

كاتب النص الأصلي : yass

- بالنسبة للسؤال الفوق.. بيفرق معك سبب اعدام المجرم في قرارك اذا رح تشتري العضو أم لا؟

لا....لنفس السبب الفوق

كاتب النص الأصلي : yass

مع الشكر على مشاركتكم سلفاً

-

الشكر الك و لمواضيعك المميزة....

[Abu ToNi]

مرحبا يا شيوخ

من اولها تحيزّ لصالح الذكور

هو وقع بإيدي ريبورتاج صحفي منيح كتير عن مافيات تجارة الأعضاء, هيك ريبورتاج خفيف نظيف رح اشتغل على اختصارو و ترجمتو بلكي هاليومين...

هو بغض النظر عن المعلومات اللي فيه و حجم هالتجارة و مناطق كثرتها و زبائنها و كل هالأمور, تركلي الريبورتاج عدّة تساؤلات, تدور كلها يمكن حول "الطرف الآخر" بهالتجارة.. يعني قصدي بهالكلام انو الرأي الطبي واضح جداً تجاه هالأمور, و لكن لو حطينا حالنا محل المريض شو منقول؟
لخّصت هالتساؤلات على شكل أسئلة مشان سهولة النقاش, بس كل واحد حابب يعطي رأي عندو كامل الحرية يعطيه متل ما بدو طبعاً:

بأمركن سيدي حرية حرية بآمركن

- افرض نفسك مريض (لا سمح الله) أو أحد أفراد عائلتك, و بحاجة ماسة (حياة أو موت يعني) إلى عضو ما (كلية, جزء من كبد, الخ) يعني عضو ممكن يتبرع فيه شخص حي, و انت عايش ببلد ضايعة فيه الطاسة, و بتعرف شخص عندو استعداد يبيعك العضو لأنو هو بأمس الحاجة للمال... تشتريه؟

بما اني لا اشكل بمفردي مؤسسة خيرية وبما اني غير معني بمساعدة الشخص ماديا وبما انه مستعد يقدملي الشي اللي انا بحاجة اله .. ليش حتى ما وافق ؟
يعني ما عم حس في ايا عائق او سبب منطقي لأرفض التعامل معه .

- طيب نفس السؤال السابق و لكن في بالنص تاجر أعضاء, يعني الشخص اللي رح "يبيع" العضو ما بتعرفو و لا شايفو.. بيختلف جوابك عن جواب السؤال الأول؟ و ليش؟

ما بتفرق الاجابة بالنسبة الي
لأن الشخص المستعد يبيع الأعضاء اكيد ما حيكون واقف بالطرقات وكاتب على حاله ( مستعد ابيع اعضائي ) واكيد ما بده ينزل اعلان بالجريدة .. بده يتوجه لشخص مختص او شخص وسيط ممكن يأمن زبون مناسب

- طيب بدل ما تكون ببلد ضايعة الطاسة فيه انت ببلد منظّم فيه قضية الدور تبع الأعضاء اللي يتم التبرع فيها, لكن دورك (لا سمح الله طبعاً و دوماً) أو دور فرد عائلتك شوي مفشكل وضعو و ممكن يتأخر, و حدا عرض عليك ينظملك سفرة ع بلد تاني و يأمنلك العضو و المشفى و الطبيب الجراح و كل شي مقابل مبلغ مالي انت قادر تدفعو... بتدفعو؟

بما ان الموقف افتراضي فالاجابة حتكون افتراضية ايضا
بالنسبة الي طالما المبلغ المالي مقدور عليه فما بفكر بالعوائق او الاجراءات ... يمكن يكون رأي شوي أناني وما بيحترم القانون بس حتى لو كان في وسيلة للالتفاف على القانون والتلاعب فيه بعتقد اني ما بدي اتردد كتير لالتجئ الها ... طبعا هلشي مرتبط بمدى خطورة الحالة ومدى حاجتي للعضو الممنوح .

- لنفرض انك بحاجة إلى قلب أو رئة أو أي عضو يحتاج انو يتبرع فيه شخص ميت, و يخبروك انو في دولة ما, قريبة أو بعيدة, في مجرم (بغض النظر عن جريمتو) حكمو عليه بالاعدام و الضابط المسؤول عن السجن بيتاجر بأعضاء المعدمين, و انو في حدا قادر يأمنلك هالعضو اللي انت محتاجو من عند هالضابط و بمبلغ معقول لألك.. بتشتريه؟

يا روح ما بعدك روح .. بشتريه

- بالنسبة للسؤال الفوق.. بيفرق معك سبب اعدام المجرم في قرارك اذا رح تشتري العضو أم لا؟

شو بدي اتجوزه يعني
اكيد ما بيفرق معي .. المهم شغال

كاتب النص الأصلي : yass

مع الشكر على مشاركتكم سلفاً

-

حاولت كون واقعي بعيدا عن الجمل الخلبية والافكار السماوية
تحياتي

[I_Love_Syria]

كاتب النص الأصلي : yass

- افرض نفسك مريض (لا سمح الله) أو أحد أفراد عائلتك, و بحاجة ماسة (حياة أو موت يعني) إلى عضو ما (كلية, جزء من كبد, الخ) يعني عضو ممكن يتبرع فيه شخص حي, و انت عايش ببلد ضايعة فيه الطاسة, و بتعرف شخص عندو استعداد يبيعك العضو لأنو هو بأمس الحاجة للمال... تشتريه؟

بشوفها صعبة انو لأنو الشخص المُعطي ما معو مصاري ولأنو عم يمر بظروف صعبة آخد منو عضو أكيد بالمستقبل حيسببلو مشاكل وبالتالي المبلغ يلي أخدو مقابل هالعضو حيصرفو بالمستقبل علاج لصحتو..

طيب نفس السؤال السابق و لكن في بالنص تاجر أعضاء, يعني الشخص اللي رح "يبيع" العضو ما بتعرفو و لا شايفو.. بيختلف جوابك عن جواب السؤال الأول؟ و ليش؟

نفس الفكرة بالعكس بهالحالة أكيد حيكون في استغلال للشخص المانح وبالتالي الموضوع أصعب بكتير

طيب بدل ما تكون ببلد ضايعة الطاسة فيه انت ببلد منظّم فيه قضية الدور تبع الأعضاء اللي يتم التبرع فيها, لكن دورك (لا سمح الله طبعاً و دوماً) أو دور فرد عائلتك شوي مفشكل وضعو و ممكن يتأخر, و حدا عرض عليك ينظملك سفرة ع بلد تاني و يأمنلك العضو و المشفى و الطبيب الجراح و كل شي مقابل مبلغ مالي انت قادر تدفعو... بتدفعو؟

كمان لاء

مع الشكر على مشاركتكم سلفاً

العفو

لنفرض انك بحاجة إلى قلب أو رئة أو أي عضو يحتاج انو يتبرع فيه شخص ميت, و يخبروك انو في دولة ما, قريبة أو بعيدة, في مجرم (بغض النظر عن جريمتو) حكمو عليه بالاعدام و الضابط المسؤول عن السجن بيتاجر بأعضاء المعدمين, و انو في حدا قادر يأمنلك هالعضو اللي انت محتاجو من عند هالضابط و بمبلغ معقول لألك.. بتشتريه؟

- بالنسبة للسؤال الفوق.. بيفرق معك سبب اعدام المجرم في قرارك اذا رح تشتري العضو أم لا؟

انو إذا تجارة لاء, أما عن طريق أهلو مافي مشكلة

مابتذكر وين سمعت عن شي اسمو بنك الأعضاء مالي متأكد مليون بالمية منو
بس انو سمعت الأشخاص يلي بيموتوا وما بيعرفوا مين أهلن أو في أشخاص قبل ما يموتو بيكون أحد بنود وصيتهون انون يتبرعوا بالعين أو الكلية أو الكبد أو أي عضو لهالبنك هاد
هلأ أنا مستعد آخد أي عضو من أي شخص ميّت ماعندي أي مشكلة بس مابقدر اتصور انو لأنو أنا معي مصاري أكتر من شخص تاني أخدت عضو من أعضائو وبالتالي أسّرت على حياتو وعلى صحتو كرمال أنا عيش بصحة أفضل

[The morning]

هو بغض النظر عن المعلومات اللي فيه و حجم هالتجارة و مناطق كثرتها و زبائنها و كل هالأمور, تركلي الريبورتاج عدّة تساؤلات, تدور كلها يمكن حول "الطرف الآخر" بهالتجارة.. يعني قصدي بهالكلام انو الرأي الطبي واضح جداً تجاه هالأمور, و لكن لو حطينا حالنا محل المريض شو منقول؟

لحظه لحظه عمـّي ياس .. قبل ما نحط حالنا محل المريض خلينا نكون محل ما نحنا .. انو انا كنت سمعت عن هيك عصابات و قصص بتخطف الناس و بتقتلها لتاخد أعضاءها و تبيعها .. و هالشـي بخليني قبل ما صير مريـض فـكّر و مخمخ هيك أنـو الفكره لحالها عم تعرض حياه اناس كتير كتير للخطر و للاستباحه .. يعني المبدأ هون بشـوّكني .. هالحكي هون اتطرقت اله لارجعله بالاجوبه عالاسئله اللي طرحتها ..

و أيضا اسمحلي احكي بس عن حالي بعيدا عن احد افراد العائله لانو ما بحس حالي مخوله امنح او امنع فرصه حياه عن شخص تاني ..

- افرض نفسك مريض (لا سمح الله) أو أحد أفراد عائلتك, و بحاجة ماسة (حياة أو موت يعني) إلى عضو ما (كلية, جزء من كبد, الخ) يعني عضو ممكن يتبرع فيه شخص حي, و انت عايش ببلد ضايعة فيه الطاسة, و بتعرف شخص عندو استعداد يبيعك العضو لأنو هو بأمس الحاجة للمال... تشتريه؟

هممم هلئ عني انا انو حسب قديش عمري.. و قديش عمر اللي عم يبيعني العضو اللي لازمني ..
يعني اذا انا مثلا عمري شي 65 و عمر الشخص اللي عم يتبرّع 30 أو تحت .. فأنـّو يمـكن ما برضى .. بس اذا كانت الاعمار متقاربه(( أنا 30 و هوّ 30 أو انا 65 و هو 65 )) و هو حالته الصحيه تمام فـأنـّو اي نعم بشتري منه ..

- طيب نفس السؤال السابق و لكن في بالنص تاجر أعضاء, يعني الشخص اللي رح "يبيع" العضو ما بتعرفو و لا شايفو.. بيختلف جوابك عن جواب السؤال الأول؟ و ليش؟

لا .. للسـبب اللي ذكرته ببـدايه الرد .. انو هالتاجر ممكن يكون عم يجيب الاعضاء اللي لازمتني بطرق بتتنافى مع مبادئي .. و مع مبدأ الحريات و الحياه و هالقصص هي .. يعني هو بجوز يكون دابح شخص كرمال يأمنلي هالعضو اللي أنا بحاجه اله و بـذلك هو اذا رجع لزمه هالعضو هاد فيمكن يدبحني مشان رجعلو ياه .. لذلك بالأحوال العاديه ما بهمني شوف الشخص (( و للصراحه فانا يمكن بفضل ما شوفه كرمال ما حس بالذنب اتجاهه )) و لكن اللي بهمني اني كون عرفانه تاريخ هالعضو اللي انا بحاجه اله و كيف اجى و من مين و هل الشخص موافق او تم سرقه العضو من جسده (( لانو بزمناتو سمعنا عن اطباء عم يسرقو اعضاء من المرضى و هنن مخدرين و مو دريانين بشي )) .. خصا اذا بلد ضايعه الطاسه فيها !!
اضافه لهيك بتخيّل انت لهيك كتبت "يبيع " ضمن اشارتين (( " " )) لأنـّو هل الشـخص رح يبيع فعلا ؟؟

- طيب بدل ما تكون ببلد ضايعة الطاسة فيه انت ببلد منظّم فيه قضية الدور تبع الأعضاء اللي يتم التبرع فيها, لكن دورك (لا سمح الله طبعاً و دوماً) أو دور فرد عائلتك شوي مفشكل وضعو و ممكن يتأخر, و حدا عرض عليك ينظملك سفرة ع بلد تاني و يأمنلك العضو و المشفى و الطبيب الجراح و كل شي مقابل مبلغ مالي انت قادر تدفعو... بتدفعو؟

حسب ..
يعـني متل ما قلت سـابقا انا بدي اعرف و كون متأكده و شوف براهين بتأثبت انو الشخص المتبرع موافق هو نفسه شخصه بكامل قواه العقليه (( و هون فينا نأهمل قصـّه العمر حاليا لانو صار في شغلات اهم و هي تعريض ناس للقتل او سرقه اعضاءهم )) .. لأنو يطلعو عم يدبحو بهالناس كرمال يتاجروا بأعضائها و انا عم ساعدهم .. باني اشتري منهم .. فانو بدي براهين او مابعرف شو بدي بدي ااتأكد و ارتاح للقصه و اذا ما ارتحت للقصـّه و حسيت فيها كاني ماني ما بـوافق .. و اذا تمام الوضـع و ارتحت و ابتهجت اساريري فـبوافق (( بذكر الحكي عني شخصيا مش عن حدا من عيلتي ))

- لنفرض انك بحاجة إلى قلب أو رئة أو أي عضو يحتاج انو يتبرع فيه شخص ميت, و يخبروك انو في دولة ما, قريبة أو بعيدة, في مجرم (بغض النظر عن جريمتو) حكمو عليه بالاعدام و الضابط المسؤول عن السجن بيتاجر بأعضاء المعدمين, و انو في حدا قادر يأمنلك هالعضو اللي انت محتاجو من عند هالضابط و بمبلغ معقول لألك.. بتشتريه؟

اذا اهل المعدم موافقين بـوافق .. بس ببلاد برّا (( أو خليني قول بأميركا مابعرف عن اوربا بس بتوقع ذات الشي )) انو بيكتبو على هويه الشـخص اذا هو نفسه بوافق يتبرع باعضاءه بعد وفاته أو لا .. و أنا بـحب أني احترم هالرغبـه الشخصيه عند الواحد لـذلك اذا هالشـخص باصم عهويته أنو لا ما بدو يبترّع فبنسـتنى لينعدم واحد كاتب عهويته أنـّو بدو يتبرّع ..

- بالنسبة للسؤال الفوق.. بيفرق معك سبب اعدام المجرم في قرارك اذا رح تشتري العضو أم لا؟

لا ما بيفرق .. لأنو حتـّى لو ظلـم فما رح اقدر ارجع ابعث فيه الحياه و ردله ياها .. لذلك باخد العضو اللي لازمني و بقراله الفاتحه ..

أنـّو هاد الحكي كلّه فرضيا و انا عم نط و العب و لكن وقت بكون الانسان تحت الخطر قد تتغيـّر نظرته للأمـور ... و يمـكن ما تتغير .. مابعرف اذا ( لا سمح الله )) صـارت معي بالمسـتقبل بخبركم اذا تغيرت أو ما تـغيرت ..

[yass]

مشكورين جميعاً على المشاركة...

لنبدا نرد ع كم شغلة بعتقد لازم يكون في تعقيب عليهون

===

The morning

انو انا كنت سمعت عن هيك عصابات و قصص بتخطف الناس و بتقتلها لتاخد أعضاءها و تبيعها .. و هالشـي بخليني قبل ما صير مريـض فـكّر و مخمخ هيك أنـو الفكره لحالها عم تعرض حياه اناس كتير كتير للخطر و للاستباحه .. يعني المبدأ هون بشـوّكني .. هالحكي هون اتطرقت اله لارجعله بالاجوبه عالاسئله اللي طرحتها ..

هالحالات بتصير, و لكنها حالات هامشية جداً يعني و تعني حالة خاصة جداً أيضاً هي حالة الأطفال, فما كان قصدي عليها لأنو طبعاً هاي بعتقد ما بدها 2 يحكو فيها..

أنا كنت قاصد تحديداً توجّه بعض الأشخاص إلى بيع أعضائهم بسبب الحاجة المادّية و الفقر المدقع

يعني اذا انا مثلا عمري شي 65 و عمر الشخص اللي عم يتبرّع 30 أو تحت .. فأنـّو يمـكن ما برضى .. بس اذا كانت الاعمار متقاربه(( أنا 30 و هوّ 30 أو انا 65 و هو 65 )) و هو حالته الصحيه تمام فـأنـّو اي نعم بشتري منه ..

صعب جداً كلية شخص عمرو 65 سنة تكون صالحة للزرع, عادة يكونو المتبرعين شباب تحت سن معيّن

لانو بزمناتو سمعنا عن اطباء عم يسرقو اعضاء من المرضى و هنن مخدرين و مو دريانين بشي

هاي قصص تنحكى بس كلها كذب بكذب... لسبب بسيط و هو انو ما تنفع كلية أيا واحد و انما لازم يكون في تطابق بالدم و الأنسجة لدرجة كبيرة, و هالتحاليل لازم تكون جاهزة قبل نزع الكلية من المتبرّع (بضم الميم و كسر الراء).

انو الشخص المتبرع موافق هو نفسه شخصه بكامل قواه العقليه

أي أي هو موافق بكل قواه العقلية بس لأنو محروج جداً على مصاري (بفرض عندو ابنو الصغير مريض) و مسكّرة بوجهو كل الأبواب و ما بقيانلو غير يبيع كليتو أو قطعة كبد... معنى الكلام انو لو فيه يدبّر هالمصاري بطريقة تانية كان ما باع

اذا اهل المعدم موافقين بـوافق .. بس ببلاد برّا (( أو خليني قول بأميركا مابعرف عن اوربا بس بتوقع ذات الشي )) انو بيكتبو على هويه الشـخص اذا هو نفسه بوافق يتبرع باعضاءه بعد وفاته أو لا .. و أنا بـحب أني احترم هالرغبـه الشخصيه عند الواحد لـذلك اذا هالشـخص باصم عهويته أنو لا ما بدو يبترّع فبنسـتنى لينعدم واحد كاتب عهويته أنـّو بدو يتبرّع ..

مزبوط.. بالدول الغربية يكون التبرع القانوني بطريقتين, الأولى انو الواحد و هو عايش يعمل وثيقة بمشفى حكومي أو عند كاتب بالعدل أو عند المحكمة انو في حال وفاتو هو يرضى يتبرع بأعضائو لمن يلزم (و كتير كتير ناس يعملوها, تقريباً ما بعرف حدا هون من اللي حواليي مو عاملها و منهون أنا.. يجوز لأنو عم نشوف بعيوننا كيف انو حادث سير ممكن يكون أليم جداً لأهل الميت, و بنفس الوقت يكون فرصة حياة لشخص مريض), أو انو أهل المتوفي يوافقو على التبرع.

بهالحالة أنا كنت أقصد تحديداً الصين.. في ضباط كبار بأجهزة الأمن الصينية يتاجرو بأعضاء المحكومين بالإعدام (طبعاً ما بيسترجو الأهل بيطالبو بالجثة مثلاً.. هاي ازا عرفانين وين ابنون) و في حالات الضباط بيعدلو طريقة الإعدام للمحافظة على العضو اللي يكون التاجر موصيه عليهون (متل انو يكون محكوم بالإعدام بالرصاص و يروح يشنقو مشان ما ينصاب الكبد أو القلب أو الرئة .. الخ).. يعني هون مافي لا موافقة قتيل و لا موافقة أهلو... هيك عالحاف

[yass]

مابتذكر وين سمعت عن شي اسمو بنك الأعضاء مالي متأكد مليون بالمية منو

هو الاسم مش هيك تحديداً.. لأنو الأعضاء ما بتتخزّن متل الدم انما تروح فوراً من جسم إلى جسم... و لكن مجازاً بيسمو القانون تبع زرع الأعضاء

شرح سريع للقانون الاتحادي بالدول الأوربية حول زرع الأعضاء:

- زرع الأعضاء محصور بالمشافي الحكومية و تحت اشراف لجنة موسعة تضم رجال قانون و أطباء, يمنع تدخل الجهات الخاصة.

- التبرع الحي داخل أوربا (يعني شخص حي بدو يتبرع لشخص آخر) محصور فقط ضمن العائلة المباشرة, يعني حتى لو بدك, ممنوع تتبرع بالحياة لشخص لا ينتمي لعائلتك المباشرة).

- تنعمل قوائم للمحتاجين لأعضاء ضمن بروتوكول صارم و الترتيب يكون حسب الأولوية الصحية الاسعافية, و المريض مستحيل يعرف قديه ترتيبو بهالقائمة, و لما يتوفر قلب مثلاً نتيجة حادث سير بيروح فوراً على أول واحد بقائمة محتاجي القلب تتطابق أنسجتو مع أنسجة هالقلب بأكثر من نسبة معينة

و هكذا...

[i m sam]

برأيي الروح غالية والحياة أسمى ما يملك الواحد.
فبمثل هيك حالات أكيد رح دور على اي طريقة " من الطرق المذكورين أعلاه"وبغض النظر عن اي رادع سوى انو يكون فيها انهاء حياة شخص آخر .أو ايذاؤوا بدون علمو." ربما يعني " لتنقذني من موت او من آلام مبرحة,
هلق قد انو الامور المادية ما تساعد او أمر ما يمنعني عن تنفيذ ذلك فيما يتعلق فيي شخصيا , بس لا سمح الله اذا احدى بناتي احتاجت هالشي فبجوز اسرق مصاري لاقدر حصللها العلاج." طبعا بوقتها وبمتل هيك حالات ما بتقدر تعرف شو هي الحالة يلي ممكن يوصل فيها تفكير الانسان لذلك أغلب هيك امور اجوبتها متل ما قلتو نظرية حاليا , والله لا يحيجنا لهيك امور"
لذلك أنا مع وبشدة انو تنتظم هيك امور عن طريق الدولة وبنظام صارم.

[The morning]

صعب جداً كلية شخص عمرو 65 سنة تكون صالحة للزرع, عادة يكونو المتبرعين شباب تحت سن معيّن

اللي قصدته بأنو حسب العمر هوّ اني مرّه سمعت في بنت تبرعت لوالدها بقلبها و هي عمرها بالعشرينات و والدها بيجي تقريبا شي 50-60 .. البنت توفيت و الأب طالع بالجريده عم يحكي القصه و فرحان بحاله .. فاللي قصدته تحديدا هو انو ما ناخد فرصه حياه من شخص شب مشان نحطها بشخص كبير بالعمر ..

بهالحالة أنا كنت أقصد تحديداً الصين.. في ضباط كبار بأجهزة الأمن الصينية يتاجرو بأعضاء المحكومين بالإعدام (طبعاً ما بيسترجو الأهل بيطالبو بالجثة مثلاً.. هاي ازا عرفانين وين ابنون) و في حالات الضباط بيعدلو طريقة الإعدام للمحافظة على العضو اللي يكون التاجر موصيه عليهون (متل انو يكون محكوم بالإعدام بالرصاص و يروح يشنقو مشان ما ينصاب الكبد أو القلب أو الرئة .. الخ).. يعني هون مافي لا موافقة قتيل و لا موافقة أهلو... هيك عالحاف

Wow !!

[personita]

الله لا يحط حدا في هيك موقف! بعرف انو اللي بيمر بهيك حالة غير اللي بيحكي عالفاضي وبينظر. بالنسبة للتبرع بالأعضاء، ممكن أتبرع لشخص عزيز علي، كابن أو أم مثلا، وممكن بالمقابل أقبل عضو بنفس الطريقة، بحيث انو ما يكون في خطر على الشخص اللي بدو يتبرعلي. هلا إذا المسألة فيها بيع وشرا، ما بعرف.. بعتقد إذا عجوزة وضايلي يومين، فبلاها، مش مستاهلة القصة
أما بالنسبة لعضو من شخص ميت، أنا بحكي لا بعطي حدا و لا حدا يعطيني (بمنتهى الأنانية هيك) ، ما بعرف، مش قادرة أتخلص من فكرة انو الشخص الميت، في اللحظات الأولى من وفاتو، واللي لسة فيها الأعضاء حية، ما بيحس بشي، مع أنو بعرف انو هبل مني وعلميا لا أساس له من الصحة، وهاي الأعضاء مصيرها تخرب وياكلوها الدود، بس انو ما بقدر أتصور انو خالعين قرنية شخص لسة ميت، مشان يحطولي اياها، أو لما أموت يعملو في هيك. بتصور لازم يكون الشخص عندو كتير شجاعة مشان لما يحكولو انو ابنك مات حالا، إذا بترضى تتبرع بأعضاءو يوافق.
وبالفعل، صايرة عنا في العائلة وما قدرنا نتخذ هيك قرار

[Nay]

كاتب النص الأصلي : yass

- افرض نفسك مريض (لا سمح الله) أو أحد أفراد عائلتك, و بحاجة ماسة (حياة أو موت يعني) إلى عضو ما (كلية, جزء من كبد, الخ) يعني عضو ممكن يتبرع فيه شخص حي, و انت عايش ببلد ضايعة فيه الطاسة, و بتعرف شخص عندو استعداد يبيعك العضو لأنو هو بأمس الحاجة للمال... تشتريه؟

ممكن!!.. المسألة مرتبطة بالوضع بهداك الوقت وبوضع الشخص الصحي.. ومدى حاجتي ومدى تضرر الشخص من فقدان العضو

- طيب نفس السؤال السابق و لكن في بالنص تاجر أعضاء, يعني الشخص اللي رح "يبيع" العضو ما بتعرفو و لا شايفو.. بيختلف جوابك عن جواب السؤال الأول؟ و ليش؟
لا مستحيل..... لانو ممكن يكون التاجر حاصل على العضو بطريقة غير مشروعة .. سمعنا من قبل بحالات خطف لأطفال وسرقة الكلى تبعون وحالات تجارة الاعضاء بأوروبا الشرقية "حضرت عنو برنامج بالتلفزيون".. وقصص كتير تانية لا مجال لذكرها هون

- طيب بدل ما تكون ببلد ضايعة الطاسة فيه انت ببلد منظّم فيه قضية الدور تبع الأعضاء اللي يتم التبرع فيها, لكن دورك (لا سمح الله طبعاً و دوماً) أو دور فرد عائلتك شوي مفشكل وضعو و ممكن يتأخر, و حدا عرض عليك ينظملك سفرة ع بلد تاني و يأمنلك العضو و المشفى و الطبيب الجراح و كل شي مقابل مبلغ مالي انت قادر تدفعو... بتدفعو؟
ممكن حسب البلد.. مو كتير عندي معلومات عن هي القصة بالذات.. ممكن تكون تجارة لاعضاء بهداك البلد على مستوى المشافي وهادا شي انا برفضو

- لنفرض انك بحاجة إلى قلب أو رئة أو أي عضو يحتاج انو يتبرع فيه شخص ميت, و يخبروك انو في دولة ما, قريبة أو بعيدة, في مجرم (بغض النظر عن جريمتو) حكمو عليه بالاعدام و الضابط المسؤول عن السجن بيتاجر بأعضاء المعدمين, و انو في حدا قادر يأمنلك هالعضو اللي انت محتاجو من عند هالضابط و بمبلغ معقول لألك.. بتشتريه؟
لاااااااا
- بالنسبة للسؤال الفوق.. بيفرق معك سبب اعدام المجرم في قرارك اذا رح تشتري العضو أم لا؟
لاااااااااااااااااااااااا اااا


مع الشكر على مشاركتكم سلفاً

-

شكرا على الموضوع اللي لازم يكون لكل شخص رأي فيه.. يعني لازم تكون عند الكل معلومات عن هادا الموضوع ووجهة نظر متكاملة عنو..