أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 17/05/2009   #37
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


على الهامش : تكرر اكتر من مرة مصطلح ( السلطة السياسية للبابا ) وما قدرت افهمه فشو اللي بتقصدوا فيها وفين تم فعليا تجسيد هلسطة ( في واقعنا الحديث مو بالتاريخ )

بخصوص البعد السياسي للزيارة
عم تابع ريبورتاج على قناة نور سات ( مكره أخاك لا بطل الست الوالدة مأدمنة على هلقناة )
سألوا رجل دين مسيحي ( برأيك هل سيكون لزيارة البابا بعد سياسي )
فكان جوابه ( طبعا .. نحن سكان المنطقة منتنفس سياسة )

وسؤال تاني هلق خطرلي
شو كان ممكن البابا يعمل ليرضى الاعلام العربي والاغلبية المسلمة المتحاملة عليه ؟

رايحة تزور
كوخ مسحور
  رد مع اقتباس
قديم 17/05/2009   #38
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


اقتباس:
كاتب النص الأصلي : Abu ToNi عرض المشاركة
شو كان ممكن البابا يعمل ليرضى الاعلام العربي والاغلبية المسلمة المتحاملة عليه ؟
كان لازم ما يعمل
أقل شي ... ما كان لازم يزور بيت شاليط
صحي هني عيلة كبيرة .. و إلها حضور قوي ...

بس كنا مفكرين مرجعية الفاتيكان يكون حضورها أقوى

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 17/05/2009   #39
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : MadMax عرض المشاركة
كان لازم ما يعمل
أقل شي ... ما كان لازم يزور بيت شاليط
صحي هني عيلة كبيرة .. و إلها حضور قوي ...

بس كنا مفكرين مرجعية الفاتيكان يكون حضورها أقوى
مزبوط
بس بنفس الوقت عم انطالبه بأشياء ما بيقدر يعملها
يعني قضية الأسير الإسرائيلي آخدة ضجة اعلامية بالغرب لدرجة مرعبة
رفض البابا زيارة عائلة الأسير حيتم تفسيرا بكتير طرق وممكن يكون احداها مباركة البابا ضمنيا لعملية الأسر !!

مافيني قدملك معلومة ماني متأكد منها .. بس بعتقد الحكومة الاسرائلية ضمنت زيارة البابا لعائلة الاسير .. بتأكدلك من المعلومة الصح وبرجع بحطها بالاخوية

بالنسبة الي بخصوص موضوع البابا وزيارته
تابعت الحادثة خطوة خطوة .. خصوصا الأيام اللي قضاها بفلسطين - اسرائيل
كل خطوة كانت أشبه بالمسير ضمن حقل ألغام
ما بقدر اطلق صفة ( النجاح ) على خيارات البابا بانتقاء أزمنة كلماته وتعابيره بقد مافيني سميها ( أقل الخسائر )
  رد مع اقتباس
قديم 17/05/2009   #40
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


اقتباس:
كاتب النص الأصلي : Abu ToNi عرض المشاركة
مزبوط
بس بنفس الوقت عم انطالبه بأشياء ما بيقدر يعملها
يعني قضية الأسير الإسرائيلي آخدة ضجة اعلامية بالغرب لدرجة مرعبة
رفض البابا زيارة عائلة الأسير حيتم تفسيرا بكتير طرق وممكن يكون احداها مباركة البابا ضمنيا لعملية الأسر !!

مافيني قدملك معلومة ماني متأكد منها .. بس بعتقد الحكومة الاسرائلية ضمنت زيارة البابا لعائلة الاسير .. بتأكدلك من المعلومة الصح وبرجع بحطها بالاخوية

بالنسبة الي بخصوص موضوع البابا وزيارته
تابعت الحادثة خطوة خطوة .. خصوصا الأيام اللي قضاها بفلسطين - اسرائيل
كل خطوة كانت أشبه بالمسير ضمن حقل ألغام
ما بقدر اطلق صفة ( النجاح ) على خيارات البابا بانتقاء أزمنة كلماته وتعابيره بقد مافيني سميها ( أقل الخسائر )

هلأ ما بعرف إذا فهمي للأمور صح
بس كنت بظن أنو واحد متل البابا .. يعتبر مرجعية روحية كبيرة بالعالم ... و المفروض ما تخضع للضغوط الساسية..... لأنو بوقتها رح تتخلى عن الهالة المحطوطة حولها و تصير متلها متل غيرها


بعدين زيارة بيت شاليط ما بتندرج ضمن البروتوكولات السياسية ... ليصير فيها إحراج ألو


و إذا كان لا بد منها .. كان بيقدر يعملو شي مشوار صوب غزة .. بس هيك لعيون العالم
أنو يعني هالأسير مانو أغلى من آلاف الشهداء يللي راحو .... إذا الشغلة بتندرج بالإطار الانساني






القصد من كلامي
إذا البابا بدو يحافظ على مكانتو الروحية و الانسانية .. لازم يتصرف وفق هالمكانة و يكون فوق وسخ السياسة
  رد مع اقتباس
قديم 17/05/2009   #41
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


اقتباس:
بس كنت بظن أنو واحد متل البابا .. يعتبر مرجعية روحية كبيرة بالعالم ... و المفروض ما تخضع للضغوط الساسية..... لأنو بوقتها رح تتخلى عن الهالة المحطوطة حولها و تصير متلها متل غيرها

لحسن الحظ انو عالمنا ما عاد محكوم بالدين.. و البابا رغم مكانتو الدينية لكنو مجبر يتكيّف مع السياسة عجبو و للا لأ... و بأحيان كثيرة هاد أمر ايجابي كتير... لأنو الله يساعدنا لو انو كلمة البابا تمشي دائماً

أحياناً السياسة والاقتصاد تحكم الجانب الروحاني, و في فكرة انو لولا "مسايرة" السياسة و الاقتصاد كان المكانة الدينية انتهت, و عملياً الفاتيكان فقد كتير من نفوذو الديني حتى بالقرون الأخيرة لأنو ما عرف يمشي مع العالم بنفس الوتيرة..

انطلاقاً من هالأمر ما بستغرب انو زيارة شاليط كانت جزء من صفقة.. انو أي بزور امو لشاليط بس ما تجبروني فوت عالقاعة اللي حاطين فيها صورة البابا بيوس بجانب صور مجرمي النازية, و كقراءة سياسية برغماتية زيارة شاليط مافيها شي سيء لألو, يعني هو بهالشي ما أحرج الطرف الفلسطيني الممثل بمحمود عباس لأنو خطاب هالطرف هو انو أسر جلعاد شاليط هو خطأ (مش هيك السلطة الوطنية بتقول؟ و هيي مو المرجعية المعترف عليها دولياً؟)

بالنسبة لغزّة, و كقراءة سياسية برغماتية كمان... هو اكتفى بخطاب عنها لأنو هو مش قادر يزورها حتى لو أراد... لأنو السلطة الفلسطينية (اللي هي المرجعية المعترف بها دولياً) ما قادرة "تغطيلو" الزيارة بروتوكولياً و لا حتى تفتحلو طريق إليها, مزبوط حماس دعتو يدخل بس المفتاح مش بايد حماس و للأسف..

و متل ما قال عبد الباري عطوان اليوم برأي القدس العربي... بس يفوت أمين عام جامعة الدول العربية و غيرو من زعماء العرب ع غزة...ساعتها بيطلعلنا بنلوم الغريب ليش ما فات

أبو مـــــــــ1984ـــــــارال
خبز,, سلم,, حرّية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 17/05/2009   #42
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
هلأ ما بعرف إذا فهمي للأمور صح
بس كنت بظن أنو واحد متل البابا .. يعتبر مرجعية روحية كبيرة بالعالم ... و المفروض ما تخضع للضغوط الساسية..... لأنو بوقتها رح تتخلى عن الهالة المحطوطة حولها و تصير متلها متل غيرها
معك انا تماما باللي قلته بس هلحكي نظري لمراحل كتير بعيدة
زيارة البابا بأي صيغة كانت بده يكون في الها ابعاد سياسية
يعني اذا عطس وهوي على الجدار الفاصل بين الاسرائيلية والفلسطينية وكان راسه مايل لطرف من الطرفين وقت العطسة كنت بتلاقي اقلام التحليل اشتغلت سفق بهلمقالات
شخصيا بشوفا خطوة غبية كتير انه قرر تحديد موعد زيارته ( اللي تمت دون وجود دعوة رسمية الها انما برفض أطراف اسرائيلية وعربية عديدة ) مع هلزمن الحساس اللي عم تعيشه المنطقة
بس بنفس الوقت بعتبرا نقطة جريئة بأنه زار اكتر مناطق العالم حساسية بالوقت اللي ما حدا من المعنيين بالزيارة واليفترض يكونوا الأولى بالقيام بها حرك حاله .

اقتباس:
بعدين زيارة بيت شاليط ما بتندرج ضمن البروتوكولات السياسية ... ليصير فيها إحراج ألو
متل ما قلتلك ماني متأكد من معلومتي لهيك مافيني حطا وسلّملك بحقيقتها
بس على الاغلب الحكومة الاسرائيلية فرضت عليه هلزيارة ضمن برنامجه .. تماما متل ما فرضت عليه زيارة البناء الرمزي للمحرقة اليهودية .

بخصوص ( شو بدها تكسب اسرائيل ) فهية بدها تكسب الكتير من الزيارتين لهيك بشوف من المنطقي تكون هية المدبرة ورائن
فزيارة مبنى الهولوكوست اله ابعاد استفزيزية بوافق عليها ياسين قلبا وقالبا بتحليله وقراءته
اما زيارته لكلعاط شليط فتعتبر من اهم النقاط اللي احرزتا اسرائيل كتأكيد على قضيتها واعادة تذكير العالم بأن موقع اسرائيل ليس الجلاد بل الضحية .

ورفض البابا الها حيكون متل ما قلتلك ذريعة كافية لحتى اطاله كافة الأقلام الناقدة الما عندا اسهل من شبك خطوط المؤامرة على ظهور الجذور النازية للبابا عن طريق عدم تعاطفه مع الأسرى الاسرائيلية .

اقتباس:

و إذا كان لا بد منها .. كان بيقدر يعملو شي مشوار صوب غزة .. بس هيك لعيون العالم
أنو يعني هالأسير مانو أغلى من آلاف الشهداء يللي راحو .... إذا الشغلة بتندرج بالإطار الانساني
عدم زيارته لغزة بحمله بالمرتبة الأولى للسلطة الفلسطينية اللي ما عرفت (تستغل ) وجود البابا لخدمة قضاياها القومية .. بعكس اسرائيل
هي اذا أهملنا بان خط الحج المرسوم ما بيتضمن مواقع بغزة
وأهملنا بأننا عم انطالب البابا يصير حامي الحمى ويرجعلنا الأراضي المغتصبة ويحمل حس عروبي اكتر من العرب انفسن .


اقتباس:
كاتب النص الأصلي : MadMax عرض المشاركة



القصد من كلامي
إذا البابا بدو يحافظ على مكانتو الروحية و الانسانية .. لازم يتصرف وفق هالمكانة و يكون فوق وسخ السياسة
أكبر غلطة وقت بتحاول السلطة الدينية التدخل بالسياسة
واقع ان البابا حط حاله بنص العراك السياسي خلاه يحصد الانتقادات من كافة الاطراف الاسرائيلية والعربية ..وبيني وبينك بيستاهل جزء منها .. بس الجزء الآخر تحول لمجرد محاولة اهانة شخصية دينية كان الها قبل سنتين او تلاتة احتكاك غير مريح مع الدين الاسلامي .


كان عندي ملاحظة حول معاداة البشرية (مجتمعة ) للدين الاسلامي .. بس قررت ما ضيفا حتى ما اتضيع الطاسة وتتشعب خيوط الموضوع
  رد مع اقتباس
قديم 17/05/2009   #43
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


اقتباس:
كاتب النص الأصلي : yass عرض المشاركة

انطلاقاً من هالأمر ما بستغرب انو زيارة شاليط كانت جزء من صفقة.. انو أي بزور امو لشاليط بس ما تجبروني فوت عالقاعة اللي حاطين فيها صورة البابا بيوس بجانب صور مجرمي النازية, و كقراءة سياسية برغماتية زيارة شاليط مافيها شي سيء لألو, يعني هو بهالشي ما أحرج الطرف الفلسطيني الممثل بمحمود عباس لأنو خطاب هالطرف هو انو أسر جلعاد شاليط هو خطأ (مش هيك السلطة الوطنية بتقول؟ و هيي مو المرجعية المعترف عليها دولياً؟)
أنا بشوف القصة كلا ... عبارة عن تحقيق معادلة معينة .. بأقل خسائر ممكنة .
يمكن زيارة شاليط تكون أقل الخسائر الممكنة
بس هادا ما لازم يكون منطق رأس الكنسية الكاثوليكية بالعالم

اقتباس:
بالنسبة لغزّة, و كقراءة سياسية برغماتية كمان... هو اكتفى بخطاب عنها لأنو هو مش قادر يزورها حتى لو أراد... لأنو السلطة الفلسطينية (اللي هي المرجعية المعترف بها دولياً) ما قادرة "تغطيلو" الزيارة بروتوكولياً و لا حتى تفتحلو طريق إليها, مزبوط حماس دعتو يدخل بس المفتاح مش بايد حماس و للأسف..
طالما الشغلة فيها كل هالمعمعة ... ليش ما اقتصرت زياتو عالجانب الديني فقط

يعني غرض الزيارة الحج ...كان ممكن يقتصر برنامجها على طقوس الحج
أو عالأقل الإكتفاء بزيارة المقدسات المسيحية
اقتباس:
و متل ما قال عبد الباري عطوان اليوم برأي القدس العربي... بس يفوت أمين عام جامعة الدول العربية و غيرو من زعماء العرب ع غزة...ساعتها بيطلعلنا بنلوم الغريب ليش ما فات
إذا بتحطو البابا بموقع المقارنة مع عمرو موسى أو حسني مبارك أو الملك عبدالله أو ....
وقتها منسكت ...و ماعاد نطلب منو شي





الانتقادات للبابا .. اجت من اسرائيل أكتر من العرب ..

البابا عومل باسرائيل كـ ضيف غير مرحب فيه
حتى أنو وصلت الامور من بعض الجهات للإدعاء عليه و المطالبة باعتقالو



يعني برأيي كان المفروض يتصرف حسب ما بيملي عليه موقعو ... و رمزيتو
أما أمور السياسة .. و المساومات .. و المناورات و تقديم التنازلات و جني المكاسب ... فهي لازم يكون إلها ناسها
  رد مع اقتباس
قديم 17/05/2009   #44
شب و شيخ الشباب LiOnHeArT.3LA2
عضو
-- مستشــــــــــار --
 
الصورة الرمزية لـ LiOnHeArT.3LA2
LiOnHeArT.3LA2 is offline
 
نورنا ب:
Oct 2007
المطرح:
مشغل سيكارة .. وقاعدلك
مشاركات:
3,492

افتراضي


اول شي مرحبا ..
تاني شي مبارح .. المسا كان مطروح هالسؤال على الجزيرة .. ب" منبر الجزيرة "
المهم ..
في جملة اجت براسي واشتهيت اتصل عالجزيرة وقولا ..
انو طيب .. ما انتو عم تقولو البابا زيارتو كانت سياسية .. و انو مانا لا زيارة حج ولا شي ..
طيب يا جماعة الخير .. ليش ما منزتو بخانة هالمليون رئيس يلي اجا على فلسطين .. وصلّى .. وحكا عالقضية الاسرائيلية .. وحكا عالهولوكست .. وحكا على شي مليون شغلة ..
زتوه معهن ..

توضيح .. على ذمة الراوي
بس في شغلة بالنسبة للاعتذار .. بما انو العرب كلياتن والمسلمين كانو عم يستنوا هالاعتذار ..
وعلى زمة واحد اردني اتصل بالجزيرة قال ..
انو البابا قال .. انو ندمان على الكلام اللي قالو .. وهادا الحكي بالاردن .. مع مدري اينو امير ..

سلطة البابا ..
ما بعتقد في اي سلطة للبابا .. صح انو في اكتر من مليار شخص بيتبعوا .. بس ما في بابا بحياتو .. أثر على قرارات او على نظرة هالمليار شخص .. يعني بالنهاية .. البابا سلطتو روحانية لا اكتر ولا اقل .. ما بعتقد اكتر من هيك " وبتضل هي وجهة نظري انا "

انا برأيي انو الزلمي اجا يعمل زيارة حج .. ولقا في كتير شغلات منتظرة منو . ان كان من الاسرائيلية ولا العرب المسلمين ..
وقال جابي هون
اقتباس:
ورفض البابا الها حيكون متل ما قلتلك ذريعة كافية لحتى اطاله كافة الأقلام الناقدة الما عندا اسهل من شبك خطوط المؤامرة على ظهور الجذور النازية للبابا عن طريق عدم تعاطفه مع الأسرى الاسرائيلية
وكمان وقت عمل هيك .. لقا كتير اقلام ناقدة من الجانب العربي ..

يعني الزلمي اجا يحج .. فجأة لقا حالو كل البشر منتظرين منو كتير شغلات ..
يعني كمان .. لسا في عالم ما بين صوتن .. هني المسيحية الفلسطينية .. واللي هني احق العالم بصوت هدا الانسان .. ان كان سياسي ولا ديني .. انو عالقليلة يطالبلن بكم حق ..

ولنا عودة

,, Abu Mustafa ,,

الخيار لك...والرغبة منك...والحل بيدك...لنكون كلنا معا في سبيل مستقبل أخوية...
..
عقلنا .. ليس وظيفته التفكير .. لكن لرفع مستوى الادرينالين عندما نفعل شيئا منافيا له ..
..
احتجاج دماغي .
  رد مع اقتباس
قديم 18/05/2009   #45
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
توضيح .. على ذمة الراوي
بس في شغلة بالنسبة للاعتذار .. بما انو العرب كلياتن والمسلمين كانو عم يستنوا هالاعتذار ..
وعلى زمة واحد اردني اتصل بالجزيرة قال ..
انو البابا قال .. انو ندمان على الكلام اللي قالو .. وهادا الحكي بالاردن .. مع مدري اينو امير ..
للأمانة البابا ابدى أسفه من عدم فهم الوسط الإسلامي لمعنى كلمته اللي اغضبت المسلمين .

اقتباس:
سلطة البابا ..
ما بعتقد في اي سلطة للبابا .. صح انو في اكتر من مليار شخص بيتبعوا .. بس ما في بابا بحياتو .. أثر على قرارات او على نظرة هالمليار شخص .. يعني بالنهاية .. البابا سلطتو روحانية لا اكتر ولا اقل .. ما بعتقد اكتر من هيك " وبتضل هي وجهة نظري انا "
من ناحية بحياته ما قدر البابا يأثر على قرارات .. فالتاريخ بأكد انه في باباوات ساهموا بتحويل مجرى التاريخ عبر قراراتن السياسية كإقرار وجوب المشاركة بالحروب الصليبية مثلا
اما اذا كان قصدك بأن البابا الحالي ما قدر بحياتو يأثر على القرارات فأنا معك بهلنقطة وبعيد وبأكد بأن الكرسي الباباوي حاليا (مكانة البابا + شخص البابا ) لا يملك أي وزن سياسي انما يعتبر حدث في الوسط السياسي وفي فرق كبير بين المكانتين
الأولى قادرة بحد ذاتها على منحه القدرة باقرار الخطط وتغير معطيات الخارطة السياسية
اما التانية فهوي مجرد لاعب بتقوم السياسة باستغلال مكانته واستفزاز تصريحات ببتتوافق مع الغاية المراد تحقيقا .

اقتباس:
وكمان وقت عمل هيك .. لقا كتير اقلام ناقدة من الجانب العربي ..
الجانب العربي بده ينتقد يعني بده ينتقد
حتى لو زار عائلة الـ 11 ألف أسير وحتى لو أعتذر وابدى اسفه الشديد تجاه المسلمين ما بده يخلص وبده يطلعلك واحد يقلك .( بيبقى مسيحي .. ما أعلن اسلامه )
إرضاء الإعلام غاية لا تدرك
وهاد الشي معروف مو بس على مستوى العرب انما على المستوى العالمي
بس وقت بصير الاعلام طفل بالتحليل ومسيس للأمور غير ناقل للحقيقة لغاية في نفس يعقوب هون بتصير المهازل وهاد الشي اللي عم نعيشه .

اهلا بعلاء
  رد مع اقتباس
قديم 18/05/2009   #46
شب و شيخ الشباب wile
عضو
-- أخ لهلوب --
 
الصورة الرمزية لـ wile
wile is offline
 
نورنا ب:
May 2009
المطرح:
السعودية
مشاركات:
281

افتراضي


والله يا شباب إيه ليش شو طالع بإيدو يعمل يعني؟؟
سواء زار أو مازار .. إعتذر أو ما إعتذر ... وشو ما ساوى مانها فرقانة شي
  رد مع اقتباس
قديم 18/05/2009   #47
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


من ناحية ما بتفرق اكيد ما رح تفرق
بس ممكن بحركات بسيطة .. بمواقف بسيطة يتم نقل صورة معينة بتدعم قضية وبتأيدها .. وهاد اللي قصدته بأن البابا ماله مكانة سياسية بينما اله تغطية اعلامية سياسية .

بالنهاية متل أيا موقف بصير بالمنطقة .. اسرائيل بتعرف تستفيد منه لأبعد مدى ممكن .. والعرب بيبقوا عم يحيكوا المؤامرات ويكتبوا تقارير النقد .. لابعد مدى ممكن
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 16:22 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.11500 seconds with 14 queries