أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 18/05/2009   #37
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : wile عرض المشاركة
ما إختلفنا بس هلأ ما عادو عم يرضو يعطو جنسيات مثل الأول وبفرنسا عم تصير مشكلة كل فترة وفترة بين الحكومة والمسلمين هي عدا عن الدعاوي الي رافعينها المسلمين على الشرطة لأنها قاعدة عم تقمع المسلمين هنيك و مثله كثير -يعني خصوصا حكومة فرنسا هي أكبر المعادين لما يسمى بالزحف الإسلامي نحو الغرب-
و
بس معلومة صغيرة لمستها شخصيا بعائلتي
وقت كان في مشروع سفر بداعي الدراسة ( مو بهدف الهجرة يعني ) تم وضع كتير عراقيل من الجامعات لاستقبال الشخص المعني في حين كانت الأوراق المطلوبة بتنزل لأقل من النصف وقت بكون جنسية الانسان المهاجر ( ماروكيان ) يعني ( مغربي أو جزائري )
فمتل ما هوي واضح في تسهيلات للهجرة مش عراقيل

وبخصوص الدعاوي فهية مرفوعة بكل انحاء اوروبا وما بعتقد بتدل على واقع اضطهاد المسلمين بالدول الاوروبية لأن في كتير نقاط عم يتحسس منها المسلمين وعم يرفعوا عليها دعوى بحسب ما عم نشوفها ما عم حس بدها كل هلمشاكل والاحساس بالاعتداء

متل ما وقت دولة اوروبية نزلت بطاطا (شيبس يعني ) بتشتمل على نسبة منكهات كحولية وما صرّحت بأن منتجاتها بتحمل نسب كحولية معينة
وقت فتحت جهات الرقابة دعوة ضد الشركة تم ارفاقها بدعوى اسلامية بحجة أن الشركة تحاول ايقاع المسلمين بالخطيئة والعصيان لتعاليم الله وأن الشركة مستقصدة المسلمين بحركتها هي .

رايحة تزور
كوخ مسحور
  رد مع اقتباس
قديم 18/05/2009   #38
شب و شيخ الشباب wile
عضو
-- أخ لهلوب --
 
الصورة الرمزية لـ wile
wile is offline
 
نورنا ب:
May 2009
المطرح:
السعودية
مشاركات:
281

افتراضي


اقتباس:
كاتب النص الأصلي : Abu ToNi عرض المشاركة
بس معلومة صغيرة لمستها شخصيا بعائلتي
وقت كان في مشروع سفر بداعي الدراسة ( مو بهدف الهجرة يعني ) تم وضع كتير عراقيل من الجامعات لاستقبال الشخص المعني في حين كانت الأوراق المطلوبة بتنزل لأقل من النصف وقت بكون جنسية الانسان المهاجر ( ماروكيان ) يعني ( مغربي أو جزائري )
فمتل ما هوي واضح في تسهيلات للهجرة مش عراقيل

وبخصوص الدعاوي فهية مرفوعة بكل انحاء اوروبا وما بعتقد بتدل على واقع اضطهاد المسلمين بالدول الاوروبية لأن في كتير نقاط عم يتحسس منها المسلمين وعم يرفعوا عليها دعوى بحسب ما عم نشوفها ما عم حس بدها كل هلمشاكل والاحساس بالاعتداء

متل ما وقت دولة اوروبية نزلت بطاطا (شيبس يعني ) بتشتمل على نسبة منكهات كحولية وما صرّحت بأن منتجاتها بتحمل نسب كحولية معينة
وقت فتحت جهات الرقابة دعوة ضد الشركة تم ارفاقها بدعوى اسلامية بحجة أن الشركة تحاول ايقاع المسلمين بالخطيئة والعصيان لتعاليم الله وأن الشركة مستقصدة المسلمين بحركتها هي .
لاء يا معلم الدعاوي الي بفرنسا هي دعاوي ضرب مسلمين حتى الموت وصارت صايرة مع ناس كتير ولما بيطالبوا التحقيق فيها بتطلع الشرطة بريئة. وجابو عنها تقرير بالجزيرة

ومشان شغلة هجرة المغربي -يعني من بلاد المغرب العربي كلها- إيه ما فرنسا وهي الدول موقعين إتفاقيات لحتى صارت هي الدول كأنها جزء من فرنسا لك حتى نفس الأكل ونفس نظام البيوت ونفس كل شي يعني كأنه هي الدول عربية بالإسم -وباللغة الي مو مفهومة أصلا- حتى تونس-ما بعرف إذا في بباقي دول المغرب رحلة يوميا أو أقل بشوي-في بينها وبين باريس طيارة يوميا يعني العالم هونيك بسافرو على فرنسا أكتر من أي دولة أخرى بالعالم كله

ويسلمو عالرد السريع وهي
  رد مع اقتباس
قديم 19/05/2009   #39
شب و شيخ الشباب أبو الوليد
شبه عضو
-- اخ حرٍك --
 
الصورة الرمزية لـ أبو الوليد
أبو الوليد is offline
 
نورنا ب:
Jun 2006
مشاركات:
69

افتراضي الى ابو توني


مابدي اقتبس فقرة فقرة وارد عليها ولكن بدي ارد على كلامك بشكل عام
يعني انت على اساس رديت على كلامي واقتبست كل فقرة بفقرتها وصفيت حروف وجعلت منهم كلام فلسفي راقي وعم ترد من فوق لفوق وما عطيتني ولا اجابة صريحة وطبعا باين وواضح وضوح الشمس انك ما عندك اي جواب على الأسئلة اللي طرحتها أو يمكن عندك بس عم تحاول تغطي الشمس بغربالك المهتري.. بس معلش بدي ارجع أطرح عليك نفس الأسئلة بشكل اوضح وعندك الحرية انك ترد أو تعقب على كلامي بسخرية وتنعتني بالمسلم المتعشق بفكرة المد أو بالطفل المراهق اللي بيشعر بنبذ المجتمع له.

السؤال الأول --- ليش العالم الغربي ساكت عن المجازر اللي عم تصير في فلسطين وعم نشوفها كل يوم ومن سنة 1948 والى الأن يعني ما تقول انو من بعد احداث الحادي عشر من ايلول العالم الغربي اخد فكرة غلط عن الأسلام يعني أنا شايف من اول ما خلق الأسلام والعالم الصليبي اخد فكرة غلط عن الأسلام

السؤال التاني----- ليش العالم الغربي ساكت عن المجازر اللي عم تصير في الشيشان وكشمير وسابقا البوسنة والهرسك وطبعا اللي صار في العراق
لا ترد على سؤالي بكلمات وتمتمات فاضية وخليك واقعي اللي عم نشوفو وحشية فظيعة نساء وشيوخ عم يموتو كل يوم والغرب الصليبي ياريت يكون ساكت بل بالعكس داعم هلشي بكل طاقاته واسلحته الوحشية

السؤال الثالث--- ليش لما بينعقد مجلس الأمن بيقدر بكل سهولة بياخد قرارات ضد اي رئيس عربي مسلم متل عمر البشير وصدام حسين من قبله وما بيقدروا يطالعوا قرارات ضد رئيس روسيا اللي عم يرتكب المجازر في الشيشان او رئيس وزراء اسرائيل او اي رئيس قام بإرتكاب مجازر بحق المسلمين

السؤال الرابع--- ليش الى الأن عم يناقشو مسئلة مجازر الأتراك في حق الأرمن ومجازر هتلر في حق اليهود وما طرحوا موضوع المجازر الوحشية اللي قامت بها فرنسا وراح ضحيتها مليون ونصف شهيد او المجازر اللي قامت بها ايطاليا وراح ضحيتها مئات الألوف وطبعا المجازر الأسبانية في حق مسلمين اسبانيا والعديد من المجازر بس مارح اذكرها لأنها كثر

السؤال الخامس---- ليش بلغاريا ورومانيا دخلوا الأتحاد الأوربي وهلاء حليا اوكرانيا عم تحضر حالها للدخول مع العلم أن وضع اوكرانيا الأقتصادي متل الزفت ومع ذلك رح تدخل ولكن تركيا اللي حاولت جهدها للدخول وحسنت كتير من اوضاعها الأقتصادية ما دخلوها ولا رح يدخلوها طبعا

السؤال السادس ----ليش لما بتقوم حركة انفصالية مسيحية متل الحركة اللي قامت في جنوب السودان منشوف كل العالم الغربي الصليبي تعاطف معها ودعمها بالأسلحة وساعدوها على الأنفصال بينما منشوف حركات اسلامية مو انفصالية بل مقاومة متل حماس او حزب الله او اللي متل في كشمير بس العالم الغربي الصلبي اعتبرهم حركات ارهابية وحاربوها
ولا تقول أن المسئلة هي مصالح ومابعرف شو ولو كان الأمر مصالح سياسية فشو مصلحة العالم الغربي الصليبي في دعم حركة جربانة ومهتريه متل حركة تحرير جنوب السودان الأنفصالية المسيحية؟؟

ياريت ترجع للزمن وتقرأ عن الحملات الصليبية الأولى والثانية والثالثة وتقرأ شو اللي صار في فلسطين من مجازر وحشية قذرة بإسم الصليب المقدس طبعا واللي راح ضحيتها عشرات الألوف من النساء والأطفال بينما منشوف القائد المسلم صلاح الدين كيف عامل الصليبين بكل رفق ورحمة ما شهد التاريخ متل هيك رحمة

السؤال السابع--- ليش لما صارت احداث الحادي عشر من ايلول شفنا الناس كلها تعاطفت مع الضحايا بل وتحالفت كل الجيوش الغربية وشكلت حلف صليبي وشنوا هجمات في افغانستان والعراق وقتلوا مئات الألوف من الأطفال والنساء الأبرياء وما حدا انتقد او اعترض او قدر مجلس الأمن على منع ذلك

السؤال الثامن وهذا موجه لكل واحد بيضحك على نفسه وبيقول أن المسئلة مسئلة مصالح سياسية----- ليش دائما منشوف أن المصالح السياسية دائما ضد المسلمين
يعني معقول ولا مرة كانت المصالح السياسية مع المسلمين؟؟؟
يعني دعم الهندوس ضد المسلمين في الهند واليهود في فلسطين ضد الأسلام والروس ضد المسلمين في الشيشان وقبلها داغستان واثيبوبيا ضد المحاكم الأسلامية في الصومال وامريكا ضد المسلمين في افغانستان والعراق وووو الخ
يعني سبحان الله دائما في مصالح سياسية ضدنا يعني ياترى ما خرج تكون احقاد دينية دفينة ؟؟؟

لك والله في اسئلة ما بتخلص من هون لبكرا وهي على فكرة مو اسئلة هي حقائق واضحة واجوبة صريحة بس انا جعلتهم على صيغة اسئلة منشان اطعميك ياها بالمعلقة رغم انك فاهم علي وانا فاهم عليك ومتل ما بيقولو حارتنا كتير ضيقة ومنعرف بعضنا منيح

وأخر سؤال الي

لماذا دمائنا ماء ودمائهم دماء؟

ملاحظة ----
لا أحد يقول أنني عم اقلب المواضيع وعم اخليها طائفية لأنو بالأساس الموضوع طائفي


وترليون هلا
  رد مع اقتباس
قديم 19/05/2009   #40
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : أبو الوليد عرض المشاركة

مابدي اقتبس فقرة فقرة وارد عليها ولكن بدي ارد على كلامك بشكل عام
يعني انت على اساس رديت على كلامي واقتبست كل فقرة بفقرتها وصفيت حروف وجعلت منهم كلام فلسفي راقي وعم ترد من فوق لفوق وما عطيتني ولا اجابة صريحة وطبعا باين وواضح وضوح الشمس انك ما عندك اي جواب على الأسئلة اللي طرحتها أو يمكن عندك بس عم تحاول تغطي الشمس بغربالك المهتري.. بس معلش بدي ارجع أطرح عليك نفس الأسئلة بشكل اوضح وعندك الحرية انك ترد أو تعقب على كلامي بسخرية وتنعتني بالمسلم المتعشق بفكرة المد أو بالطفل المراهق اللي بيشعر بنبذ المجتمع له.


عم رد من فوق لفوق وغربالي مهتري وانت يا كبير عم تستحملني وترجع ترد عليّ
فعلا واحد ما بيعرف وين وكيف بده يمشي معكن
اذا ما ردينا بصير ما عم نستعبر حدا
واذا ردينا بالتفصيل منصير فوقيين وعم نغطي الشمس بغربالنا
مع ان ردي السابق شمل على كل نقطة بالتفصيل الممل ( حتى النقاط الما إلها بالموضوع من قريب او من بعيد رديت عليها ) بس معلش رح ارجع رد عليك وان كان الوضع مو مريح ومو كتير مشجع ( فينك تعتبرا الرد هاد تحميل منّية .. ما عندي مشكلة )


اقتباس:

السؤال الأول --- ليش العالم الغربي ساكت عن المجازر اللي عم تصير في فلسطين وعم نشوفها كل يوم ومن سنة 1948 والى الأن يعني ما تقول انو من بعد احداث الحادي عشر من ايلول العالم الغربي اخد فكرة غلط عن الأسلام يعني أنا شايف

ممكن تحددلي بالبداية شو بتقصد بالعالم الغربي ؟
لأن على اعتباراتك السابقة حطيت الهندوسية عدوة للإسلام وبتهاجم المسلمين فما عدت اعرف الغرب من الشرق من الشمال من الجنوب
بدي اعتبر ان الغرب بالنسبة الك وهوي نفس الغرب بالنسبة إلي المتمثل بأميركا وأوروبا ( في حال اعتراضك على هلجزئية فانسى الحكي المكتوب بعد هلسطر وخبرني شو بتقصد بالغرب )
بعد احداث 11 إيلول صار في اقبال غربي واضح ليشوف شو هاد الاسلام ؟ شو هاد القرآن ؟ من وين عم يجيب هلإرهابي هلآيات وهلأحاديث ؟
بدليل ارتفاع عدد المشتريات للكتب الاسلامية المترجمة
وهاد المقصود وقت بيطلع المسلم المعتدل بدين بن لادن والقاعدة وبيتهمن بتشويه صورة الإسلام لان فعليا هنن اللي لصقوا بالإسلام صفات كتير .. وللأسف التأييد الشعبي للقاعدة ثبّت بعقلية الأوروبي هلصفات

بخصوص رؤيتك بأن العالم الغربي عم يتحامل على الاسلام من أول من خلق
طب فينك تحددلي على مين انت بالضبط مانك متحامل ؟
ومين اللي راضي عنه وما بتعتبر نفسك على حرب معه ؟
ما انت شانن حربك على كل الغرب وعلى اوروبا وما عندك اتسعداد تتقبل أي حدا وعم تكيل الشتائم واللعنات وبنفس الوقت عم تنتظر الباقي يحترمك ويدافع عن قضاياك ؟!؟!
لك اذا الجماعات الاسلامية ما عم تقدر تبلع بعضها وعم تعتبر البقية عم تحاربها فشو منتظر مني جاوبك ؟!
يعني المسلم السني المتطرف بشوف انه محارب من كل البشرية ومن كل الأديان
لك حتى محارب من المسلم ( غير السني )
يعني نموذج التطرف الاسلامي غريب من نوعه .. بشوف الكل اعداءه ومع الايام ممكن يحس بأنه هوي كمان عدو نفسه
ملاحظة ما بعرف اذا مرقت قدامك بشي مرة .. في كتير جمعيات حقوقية وشخصيات بتحمل وزن دولي وسياسي تندد بالإرهاب الاسرائيلي وبتدين القادة الاسرائيلية وبتعتبن مجرمين حرب وهلشي حقيقة ما بتنتظر اقتناعك فيها او لا.

مشاهد الاطفال الجرحى والقتلى بتاثر بكل البشر وبتدفعن للتعاطف والدفاع عن الضحايا
اقتباس:
من اول ما خلق الأسلام والعالم الصليبي اخد فكرة غلط عن الأسلام
اذا اتفقت معك هلشي معناها وصلنا لمرحلة كافية ليبدا الاسلام يفكر كيف لازم يغير من صورته اللي عم يأظهر حاله فيها قدام البشرية

اقتباس:

السؤال التاني----- ليش العالم الغربي ساكت عن المجازر اللي عم تصير في الشيشان وكشمير وسابقا البوسنة والهرسك وطبعا اللي صار في العراق
لا ترد على سؤالي بكلمات وتمتمات فاضية وخليك واقعي اللي عم نشوفو وحشية فظيعة نساء وشيوخ عم يموتو كل يوم والغرب الصليبي ياريت يكون ساكت بل بالعكس داعم هلشي بكل طاقاته واسلحته الوحشية

ازمة البوسنة والهرسك مين اللي وقفها ؟ ومين اللي أعطى للمسلمين كيان مستقل ؟!
راجع معلوماتك قبل ما تكيل الشتائم والاتهامات يمين ويسار متل ما عم تعمل هون .
مع أني ماني متعود على التعامل مع تسمية الغرب الصليبي
بس خلينا على أن الغرب فعليا مسيحي وصليبي وقائده البابا .. حلو الحكي ؟!؟!
شو اللي عمله البابا بزيارته الأخيرة
بتحب اعمل تقرير مفصل لكل كلمة قالها ولكل جملة نطق فيها ؟!
البابا ندد بجدار الفصل العنصري اكتر من مرة وحتى قبل صعوده على الطيارة حكى بهلنطقة اما القيادات الاسرائيلية بشكل مباشر
نادى بحق الشعب الفلسطيني بالحياة بسلام وبحقه بالتنقل وبفك الحصار وبحصوله على دولة مستقلة فيها
عبر عن تعاطفه مع ضحايا غزة وقال بما معناه بأنه بيذكرهن بكل صلاة اله !!
اذا كان الراس الصليبي ( لا تواخذني بس فعلا ما عم اقدر امسك ضحكتي وقت بستعمل هلتسمية هي ) عم يتعاطف مع الشعب الفلسطيني وعم يطالب بحقوقهم وعم يوقف موافق أجرا بكتير من أغلبية الدول العربية !!!
فشو اللي منتظره ؟! منتظر الغرب الصليبي يجي يرجعلك حقوقك بالوقت اللي انت فيه مانك سائل على حقوقك بالاصل !!
لا بل نازل شتم بالغرب كمان

اقتباس:

السؤال الثالث--- ليش لما بينعقد مجلس الأمن بيقدر بكل سهولة بياخد قرارات ضد اي رئيس عربي مسلم متل عمر البشير وصدام حسين من قبله وما بيقدروا يطالعوا قرارات ضد رئيس روسيا اللي عم يرتكب المجازر في الشيشان او رئيس وزراء اسرائيل او اي رئيس قام بإرتكاب مجازر بحق المسلمين
مزبوط مجلس الأمن بحط خارطة ملونة بناء على التوزع الديني للبشرية وبناء على الألوان الظاهرة على الخريطة بيتخذ قراراته وبيعلن طريقة تعامله مع الملفات

بخصوص البشير وصدام حسين ما بعتقد بحاجة لأحكيلك على همجيتن داخل دولن وعلى
مع اني برفض بشكل قاطع التدخل الخارجي لحل الأزمات الداخلية بس هاد ما بقلل من ضرورة معاقبة الطغاة
يعني ماني ابدا زعلان على اسقاط صدام حسين ( كفعل منفصل عن احتلال العراق وتحويله لدولة مقطعة واستنزاف خيراتها وتحويلها لسكنات عسكرية و منطقة نزاعات طائفية )
بدي اهمل قسم السؤال تبع البشير وصدام حسين

خليني احكي بلغتك الطائفية الحدة واسألك
البان كوسوفو المسلمين وحصولن على حكم ذاتي داخل يوغسلافيا الشيوعية - المسيحية كيف بتقدر تفسره ؟

اقتباس:
السؤال الرابع--- ليش الى الأن عم يناقشو مسئلة مجازر الأتراك في حق الأرمن ومجازر هتلر في حق اليهود وما طرحوا موضوع المجازر الوحشية اللي قامت بها فرنسا وراح ضحيتها مليون ونصف شهيد او المجازر اللي قامت بها ايطاليا وراح ضحيتها مئات الألوف وطبعا المجازر الأسبانية في حق مسلمين اسبانيا والعديد من المجازر بس مارح اذكرها لأنها كثر
ملفات المجازر ما بتفتح نفسها وبتحط حالها على الطاولة دون وجود جهود عظيمة لوضعها والبحث فيها
حاليا الأرمن ما حصلوا على تصريح تركي بحقيقة وجود المجازر
بس محاكم التفتيش الاسبانية تم الاعتراف فيها والعتذار بشكل رسمي بوثائق رسمية فشو متوقع اكتر من هيك ؟!

الجهود الجبارة اليهودية واستغلالها لآخر رمق للإعلام ولكافة اوراق الضغط اللي بتملكها وتحريكها للوبي الصهيوني بكل أنهاء العالم انتجت اعتراف دولي لا بل تحريم دولي بالتشكيك فيها !!

حاليا في جهود (خجولة ) من قبل اللبنانين للإعتراف بالمجازر الاسرائيلية .. بس ما بعتقد الثقل الإعلامي اللبناني بقوة الثقل الاعلامي الصهيوني فما بتصور بدها تعطي شي .
بالنهاية صاحب الحق هوي مين بده ينادي بحقه .. ما حدا بده يجي يعطي للعالم حقها ويرجع الاراضي ويفتح ملفات المجازر هيك لسواد عيوننا ..


اقتباس:
السؤال الخامس---- ليش بلغاريا ورومانيا دخلوا الأتحاد الأوربي وهلاء حليا اوكرانيا عم تحضر حالها للدخول مع العلم أن وضع اوكرانيا الأقتصادي متل الزفت ومع ذلك رح تدخل ولكن تركيا اللي حاولت جهدها للدخول وحسنت كتير من اوضاعها الأقتصادية ما دخلوها ولا رح يدخلوها طبعا
هاد الموضوع بالتحديد بده ملف كامل لأن ما بعتقد بدنا نخلص اذا فتحنا
بس كرد سريع بقلك نعم وجود أغلبية مسلمة بتركيا عم يشكل عائق من نوع ما لدخولها بالاتحاد الاوروبي
بس الشرح بطول ويطول لهيك بفضل انك تفتح موضوع خاص بهلنقطة لتاخد حقها والكل يشارك فيها.



اقتباس:
السؤال السادس ----ليش لما بتقوم حركة انفصالية مسيحية متل الحركة اللي قامت في جنوب السودان منشوف كل العالم الغربي الصليبي تعاطف معها ودعمها بالأسلحة وساعدوها على الأنفصال بينما منشوف حركات اسلامية مو انفصالية بل مقاومة متل حماس او حزب الله او اللي متل في كشمير بس العالم الغربي الصلبي اعتبرهم حركات ارهابية وحاربوها
ولا تقول أن المسئلة هي مصالح
ومابعرف شو ولو كان الأمر مصالح سياسية فشو مصلحة العالم الغربي الصليبي في دعم حركة جربانة ومهتريه متل حركة تحرير جنوب السودان الأنفصالية المسيحية؟؟
اذا بتعرف جوابي ليش عم تسألني ؟
اذا مانك مقتنع بفكرة المصالح وبترفض تتخلى عن نظرية المؤامرة اللي دائما عم تحكيها ( اسئلتك السابقة مانها غير نتاج صرف لنظرية المؤامرة .. )
في حال

اقتباس:
ياريت ترجع للزمن وتقرأ عن الحملات الصليبية الأولى والثانية والثالثة وتقرأ شو اللي صار في فلسطين من مجازر وحشية قذرة بإسم الصليب المقدس طبعا واللي راح ضحيتها عشرات الألوف من النساء والأطفال بينما منشوف القائد المسلم صلاح الدين كيف عامل الصليبين بكل رفق ورحمة ما شهد التاريخ متل هيك رحمة
مزبوط بأن الحملات الصليبية كانت وحشية ودموية بس ماعم افهم شو جابها على بالك هلق ؟
ما بعرف ليش عم حس بأنك عم تسمعلي درسك وعم تكرلي كل المعلومات اللي سمعان فيها عبر مسيرة حياتك
ليش دائما بتم فتح المجازر المرتكبة باسم المسيحية واللي اعترفت المسيحية عنها بأكتر من مرة وما حدا بقرب مثلا على عمليات القتل الإرهابية اللي عم تمارس اليوم وما حدا عم يعترف فيها لابل عم يتم التهليل الها !؟
بتحب اسردلك الاحداث اللي سجلها التاريخ من 8 سنين لهلق وكانت الحركات المتطرفة الاسلامية السبب ورائها ؟


اقتباس:
السؤال السابع--- ليش لما صارت احداث الحادي عشر من ايلول شفنا الناس كلها تعاطفت مع الضحايا بل وتحالفت كل الجيوش الغربية وشكلت حلف صليبي وشنوا هجمات في افغانستان والعراق وقتلوا مئات الألوف من الأطفال والنساء الأبرياء وما حدا انتقد او اعترض او قدر مجلس الأمن على منع ذلك
بخصوص التعاطف
انت بينك وبين حالك ما تعاطفت مع القتلى تحت الرماد ؟
بخصوص الحلف الصليبي لإحتلال العراق
فبحسب علمي ما كان في أفضلية للمسيحي العراقي عن السني العراقي عن الشيعي العراقي عن الكردي العراقي
كيف بتقدر تأطر الحرب هي بإطار طائفي وديني وتلغي كافة الاطارات السياسية والحسابات الباقية ؟!

اقتباس:
السؤال الثامن وهذا موجه لكل واحد بيضحك على نفسه وبيقول أن المسئلة مسئلة مصالح سياسية----- ليش دائما منشوف أن المصالح السياسية دائما ضد المسلمين
يعني معقول ولا مرة كانت المصالح السياسية مع المسلمين؟؟؟
يعني دعم الهندوس ضد المسلمين في الهند واليهود في فلسطين ضد الأسلام والروس ضد المسلمين في الشيشان وقبلها داغستان واثيبوبيا ضد المحاكم الأسلامية في الصومال وامريكا ضد المسلمين في افغانستان والعراق وووو الخ
يعني سبحان الله دائما في مصالح سياسية ضدنا يعني ياترى ما خرج تكون احقاد دينية دفينة ؟؟؟
حتى إذا بكوريا الجنوبية ظهرت ديانة جديدة بدها تكون موجه ضد الاسلام
واذا بجنوب انغولا ظهر تجمع معارض سياسي فهوي معارض للاسلام
شو بدك بالحكي الاسلام مستهدف بحد ذاته ومافي اي اعتبارات سياسية عم تحكم البشرية
البشرية محكومة بالسيادة الدينية ونقطة علسطر .

اقتباس:
لك والله في اسئلة ما بتخلص من هون لبكرا وهي على فكرة مو اسئلة هي حقائق واضحة واجوبة صريحة بس انا جعلتهم على صيغة اسئلة منشان اطعميك ياها بالمعلقة رغم انك فاهم علي وانا فاهم عليك ومتل ما بيقولو حارتنا كتير ضيقة ومنعرف بعضنا منيح
عذبتك معي كتير
للأمانة انا ماني كنت بيوم من الأيام فاهم سبب التحامل والكره الشديد للبشرية والاصرار على وضع حسابات دينية - طائفية واهمال كافة الحسابات التانية

اقتباس:
وأخر سؤال الي

لماذا دمائنا ماء ودمائهم دماء؟

ملاحظة ----
لا أحد يقول أنني عم اقلب المواضيع وعم اخليها طائفية لأنو بالأساس الموضوع طائفي
تف من تمّك واستغفر ربك .. مين بده يخطرله هلخاطر
اقتباس:
وترليون هلا
مية السلامة
  رد مع اقتباس
قديم 20/05/2009   #41
شب و شيخ الشباب I_Love_Syria
عضو
-- زعيـــــــم --
 
الصورة الرمزية لـ I_Love_Syria
I_Love_Syria is offline
 
نورنا ب:
Nov 2008
المطرح:
بالشام قريباً
مشاركات:
1,019

افتراضي


اقتباس:
كاتب النص الأصلي : أبو الوليد عرض المشاركة
مابدي اقتبس فقرة فقرة وارد عليها ولكن بدي ارد على كلامك بشكل عام

شرحو
اقتباس:
السؤال الثالث--- ليش لما بينعقد مجلس الأمن بيقدر بكل سهولة بياخد قرارات ضد اي رئيس عربي مسلم متل عمر البشير وصدام حسين من قبله وما بيقدروا يطالعوا قرارات ضد رئيس روسيا اللي عم يرتكب المجازر في الشيشان او رئيس وزراء اسرائيل او اي رئيس قام بإرتكاب مجازر بحق المسلمين
انّو بتعرف مين هي الناس يلي قتلها عمر البشير بدارفور ومين الناس يلي قتلها صدام حسين
انو نسبة كبيرة من سكان دارفور هنن مسلمين, بظن بتكفي هالإجابة لأسئلة لاحقة

اقتباس:
السؤال الخامس---- ليش بلغاريا ورومانيا دخلوا الأتحاد الأوربي وهلاء حليا اوكرانيا عم تحضر حالها للدخول مع العلم أن وضع اوكرانيا الأقتصادي متل الزفت ومع ذلك رح تدخل ولكن تركيا اللي حاولت جهدها للدخول وحسنت كتير من اوضاعها الأقتصادية ما دخلوها ولا رح يدخلوها طبعا

تركيا في عندها مشاكل داخلية بتمنعها من الإنضمام للإتحاد الأوروبي ومن فترة كان في برنامج عالجزيرة عم يحكي عن هالموضوع بالذات, إحدى المشاكل انو الأب محيكون الو سلطة عالأولاد وهاد الشي صعب بمجتمع متل تركيا مابيختلف كتير عن المجتمع العربي
كمان إذا صارت من دول الإتحاد الأوروبي معناها صاروا الأتراك كلّون بأوروبا وبصراحة نسبة كبيرة من الأتراك متعبين ومشاكلهن كتيرة وبصراحة أكتر لا يُحتَملوا


اقتباس:
السؤال السابع--- ليش لما صارت احداث الحادي عشر من ايلول شفنا الناس كلها تعاطفت مع الضحايا بل وتحالفت كل الجيوش الغربية وشكلت حلف صليبي وشنوا هجمات في افغانستان والعراق وقتلوا مئات الألوف من الأطفال والنساء الأبرياء وما حدا انتقد او اعترض او قدر مجلس الأمن على منع ذلك

انّو موضوع تنظيم القاعدة لحالوا مسلسل مكسيكي مع شوي هندي أصلاً محدا وصّل المسلمين لهالوضع هاد إلا أسامة بن لادن يلي ممكن اوصفوا بإنو شخصية بتخرّي كتير...
وصدقني لو بيطلع بإيدي لمارس كل أنواع السادية يلي عرفتها البشرية ويلي لسا ما عرفتها مع هالشخصية هي...
وبعدين بصفتوا شو عم يدافع عن المسلمين وحقوقهن ومين وكّلوا مابتذكّر قلتلوا خدلي حقي من حدا
.
غريب
وانّو اسمحلي بيكفينا تطرّف والله كتير مزعج التطرف إن كان تطرف مسلم ولا تطرف يهودي ولا تطرف مسيحي أو أو


وسلّملي على سيكولار


أنا الدمَشقي لو جرحت جسدي .... لسال منه عناقيد وتفاح
  رد مع اقتباس
قديم 20/05/2009   #42
شب و شيخ الشباب inodessa
عضو
-- أخ لهلوب --
 
الصورة الرمزية لـ inodessa
inodessa is offline
 
نورنا ب:
Apr 2008
المطرح:
حمص .... الامارات
مشاركات:
352

افتراضي


ليك اذا الناس بتحترمك و بتساعدك.. فأنت السبب
و اذا الناس بتكرهك وبتوقف ضدك.. كمان انت السبب
و مابحك جلدك الا ضفرك...
وبالسياسي ما في عدو وصديق دائم.. شو عم تلعب بالحارة مع رفقاتك انتي؟! ممكن عدوك التاريخي لمصالح معينة يصير صديقك الحميم و العكس صحيح..


وردي ل Abu ToNi
لازم يدخلوك كتاب غينس كصاحب اطول بال في العالم..

لا يصح الا الصحيح.
  رد مع اقتباس
قديم 20/05/2009   #43
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
وبعدين بصفتوا شو عم يدافع عن المسلمين وحقوقهن ومين وكّلوا مابتذكّر قلتلوا خدلي حقي من حدا.
غريب
وانّو اسمحلي بيكفينا تطرّف والله كتير مزعج التطرف إن كان تطرف مسلم ولا تطرف يهودي ولا تطرف مسيحي أو أو


وسلّملي على سيكولار
للأسف منح الشرعية للإرهابي يساوي بشكل أو بآخر بتشويه صورة الدين
اللي بيدعوا للتفاؤل وبيعطينا شوية أمل انه في عالم واعية وعن ترفض منح الشرعية للنماذج المتطرفة لتعبر عنها

بخصوص السلام بعتقد سيكولار رجع بذات نفسه ليسلم عليه





اقتباس:
وبالسياسي ما في عدو وصديق دائم.. شو عم تلعب بالحارة مع رفقاتك انتي؟! ممكن عدوك التاريخي لمصالح معينة يصير صديقك الحميم و العكس صحيح..
والأمثلة على هلشي لا تعد ولا تحصى
اللي بشوف مثلا العلاقات الاوروبية وطبيعتها مستحيل يخطرله انها بيوم من الأيام كانت مقسومة لقطبين وداخلين بحرب عالمية ضد بعض !!
تحميل بعد ديني لقضايا سياسية ما عادت لفتة منطقية بعصرنا اللي ما بيعترف غير بالمصالح الشخصية بعيدا عن الانتماءات الدينية

اقتباس:
وردي ل Abu ToNi
لازم يدخلوك كتاب غينس كصاحب اطول بال في العالم..
ترا انا كمان مستغرب من حالي


تحياتي لكل المشاركين بدون استثناء
  رد مع اقتباس
قديم 20/05/2009   #44
شب و شيخ الشباب wile
عضو
-- أخ لهلوب --
 
الصورة الرمزية لـ wile
wile is offline
 
نورنا ب:
May 2009
المطرح:
السعودية
مشاركات:
281

افتراضي


يا جماعة الطائفية شغالة بالسياسة مثل مو المصالح كمان شغالة

بس يعني أنا بدي أعرف أسامة بن لادن ما كان مع أمريكا وكان عم يحارب الإتحاد السوفيتي؟؟؟ وقتها ما حدى إستنكر بس هلأ لما يحارب أمريكا كأنه كفر؟؟؟
يعني صراحة أسامة بن لادن ساوا أشياء كتيرة بالسوفييت بس ما خدا فتح فمه وبنفس الطريقة بحارب أمريكا بس هلأ صار إرهابي ممكن تقولولي ليش؟؟؟؟؟؟؟؟؟؟؟؟

ويا شباب قبل ما تحكو عن عمر البشير وصدام لازم تعرفو شو عم يصير لحتى تقررو بعدها إذا كانو طغاة أم حريصين على مصالح شعبهن وإذا ما بتعرفوها أنا مستعد إحكيلكون ياها بالتفصيل الممل
  رد مع اقتباس
قديم 20/05/2009   #45
شب و شيخ الشباب inodessa
عضو
-- أخ لهلوب --
 
الصورة الرمزية لـ inodessa
inodessa is offline
 
نورنا ب:
Apr 2008
المطرح:
حمص .... الامارات
مشاركات:
352

افتراضي


اقتباس:
كاتب النص الأصلي : wile عرض المشاركة
يا جماعة الطائفية شغالة بالسياسة مثل مو المصالح كمان شغالة

بس يعني أنا بدي أعرف أسامة بن لادن ما كان مع أمريكا وكان عم يحارب الإتحاد السوفيتي؟؟؟ وقتها ما حدى إستنكر بس هلأ لما يحارب أمريكا كأنه كفر؟؟؟
يعني صراحة أسامة بن لادن ساوا أشياء كتيرة بالسوفييت بس ما خدا فتح فمه وبنفس الطريقة بحارب أمريكا بس هلأ صار إرهابي ممكن تقولولي ليش؟؟؟؟؟؟؟؟؟؟؟؟

ويا شباب قبل ما تحكو عن عمر البشير وصدام لازم تعرفو شو عم يصير لحتى تقررو بعدها إذا كانو طغاة أم حريصين على مصالح شعبهن وإذا ما بتعرفوها أنا مستعد إحكيلكون ياها بالتفصيل الممل
يا حبيب كلامك عن بن لادن رضي الله عنه دليل على انو امريكا لاحقة مصالحها.. وقت كان بن لادن بحرب مع السوفييت كانت امريكا و اوربا مو فارقه معاهن او بالاحرى داعمينو و قت صار يفجر بامريكا و اوربا صارو ضدو..!
في شي غريب بهالكلام؟!!!

مشان البشير وصدام.. طغاة هني او مو طغاة هاد مو موضوعنا هلق.. ويلي مفكر امريكا عم تحارب الطغاة بالعالم بكون غبي, وأهداف حروب أمريكا "بالنسبة للأمريكان" كبيرة ع عقلو..

-سوريا ضد اسرائيل بس لأنهم يهود.... (لو كانت اسرائيل بغير مكان بأفريقيا مثلا ما كنا ريفينا عينا مشانها)
ايران ضد اسرائيل بس لأنهم يهود....(ايران تريد السيطرة عالمنطقة من جهة و الضغط ع أمركا بتهديد اسرائيل من جهة اخرى)
-أمريكا ضد بن لادن لآنو مسلم.... (فوق واضحة)
-روسيا ضد الشيشان بس لأنهم مسلمين...(لك روسيا لو فيها تضم أكرانيا "رغم ضخامتها" ما كانت قصّرت)
-الخليج مع أمريكا لآنها مسيحية...(لأ لآنو بدها مين يحميها عسكريا.. وخصوصي المنطقة كلها وحوش وصداديم)
-الهند ضد باكستان بس لأنهم مسلمين (لولا الخلاف ع كشمير لكانو سمن ع عسل)
.
.
.
فلا تكونو عالبركي و ما تشوفو الا ظواهر الأمور...


بس السياسيين المسلمين خاصة بيستخدمو الدين أحيانا للتعبئة الجماهرية... لآنو في شغلي بالاسلام اسمها الجهاد..!.. كل ما بدهن يحاربو حدا بقولو للناس البسطاء هادا عدو الاسلام... وهذا الشي يلي عم يجيب البلاء ع المسلمين.. مو الاسلام نفسو وانما استعمال الاسلام.!

الحديث يطول بس مليت..
  رد مع اقتباس
قديم 20/05/2009   #46
شب و شيخ الشباب I_Love_Syria
عضو
-- زعيـــــــم --
 
الصورة الرمزية لـ I_Love_Syria
I_Love_Syria is offline
 
نورنا ب:
Nov 2008
المطرح:
بالشام قريباً
مشاركات:
1,019

افتراضي


اقتباس:
كاتب النص الأصلي : wile عرض المشاركة

بس يعني أنا بدي أعرف أسامة بن لادن ما كان مع أمريكا وكان عم يحارب الإتحاد السوفيتي؟؟؟ وقتها ما حدى إستنكر بس هلأ لما يحارب أمريكا كأنه كفر؟؟؟
يعني صراحة أسامة بن لادن ساوا أشياء كتيرة بالسوفييت بس ما خدا فتح فمه وبنفس الطريقة بحارب أمريكا بس هلأ صار إرهابي ممكن تقولولي ليش؟؟؟؟؟؟؟؟؟؟؟؟

أسامة بن لادن كان ومازال وسيلة للوصول إلى الهدف


اقتباس:
ويا شباب قبل ما تحكو عن عمر البشير وصدام لازم تعرفو شو عم يصير لحتى تقررو بعدها إذا كانو طغاة أم حريصين على مصالح شعبهن وإذا ما بتعرفوها أنا مستعد إحكيلكون ياها بالتفصيل الممل

ياريت تحطلنا موضوع عن عمر البشير و عمايلوا بدارفور
__________________________________________________ __________
لا تواخذنا أب طوني بس صار الموضوع تبعك بوادي والنقاش بوادي تاني



  رد مع اقتباس
قديم 21/05/2009   #47
شب و شيخ الشباب wile
عضو
-- أخ لهلوب --
 
الصورة الرمزية لـ wile
wile is offline
 
نورنا ب:
May 2009
المطرح:
السعودية
مشاركات:
281

Cool


اقتباس:
كاتب النص الأصلي : inodessa عرض المشاركة
يا حبيب كلامك عن بن لادن رضي الله عنه دليل على انو امريكا لاحقة مصالحها.. وقت كان بن لادن بحرب مع السوفييت كانت امريكا و اوربا مو فارقه معاهن او بالاحرى داعمينو و قت صار يفجر بامريكا و اوربا صارو ضدو..!
في شي غريب بهالكلام؟!!!

مشان البشير وصدام.. طغاة هني او مو طغاة هاد مو موضوعنا هلق.. ويلي مفكر امريكا عم تحارب الطغاة بالعالم بكون غبي, وأهداف حروب أمريكا "بالنسبة للأمريكان" كبيرة ع عقلو..

-سوريا ضد اسرائيل بس لأنهم يهود.... (لو كانت اسرائيل بغير مكان بأفريقيا مثلا ما كنا ريفينا عينا مشانها)
ايران ضد اسرائيل بس لأنهم يهود....(ايران تريد السيطرة عالمنطقة من جهة و الضغط ع أمركا بتهديد اسرائيل من جهة اخرى)
-أمريكا ضد بن لادن لآنو مسلم.... (فوق واضحة)
-روسيا ضد الشيشان بس لأنهم مسلمين...(لك روسيا لو فيها تضم أكرانيا "رغم ضخامتها" ما كانت قصّرت)
-الخليج مع أمريكا لآنها مسيحية...(لأ لآنو بدها مين يحميها عسكريا.. وخصوصي المنطقة كلها وحوش وصداديم)
-الهند ضد باكستان بس لأنهم مسلمين (لولا الخلاف ع كشمير لكانو سمن ع عسل)
.
.
.
فلا تكونو عالبركي و ما تشوفو الا ظواهر الأمور...


بس السياسيين المسلمين خاصة بيستخدمو الدين أحيانا للتعبئة الجماهرية... لآنو في شغلي بالاسلام اسمها الجهاد..!.. كل ما بدهن يحاربو حدا بقولو للناس البسطاء هادا عدو الاسلام... وهذا الشي يلي عم يجيب البلاء ع المسلمين.. مو الاسلام نفسو وانما استعمال الاسلام.!

الحديث يطول بس مليت..
لو مثل ما عم تقول ما كان بوش لما بدأ حملته على -الإرهاب- قال بدأت الحروب الصليبية.
ولو مثل ماعم تقولو ما كان الجيش الأمريكي معوه أناجيل بلغات أفغانية قاعد عم ينشرها بأفغان ستان- لجيش الأمريكي كامل ما عندو ولا جندي بيحكي بلغات الأفغان-
هي عدا عن ضائح التنصير والتبشير الي إنتشرت السنة الماضية الي كانت بالعراق

يعني كنت باتمنى حكيك يكون صحيح بس للأسف خطأ
و
  رد مع اقتباس
قديم 21/05/2009   #48
شب و شيخ الشباب inodessa
عضو
-- أخ لهلوب --
 
الصورة الرمزية لـ inodessa
inodessa is offline
 
نورنا ب:
Apr 2008
المطرح:
حمص .... الامارات
مشاركات:
352

افتراضي


اقتباس:
كاتب النص الأصلي : wile عرض المشاركة
لو مثل ما عم تقول ما كان بوش لما بدأ حملته على -الإرهاب- قال بدأت الحروب الصليبية.
ولو مثل ماعم تقولو ما كان الجيش الأمريكي معوه أناجيل بلغات أفغانية قاعد عم ينشرها بأفغان ستان- لجيش الأمريكي كامل ما عندو ولا جندي بيحكي بلغات الأفغان-
هي عدا عن ضائح التنصير والتبشير الي إنتشرت السنة الماضية الي كانت بالعراق

يعني كنت باتمنى حكيك يكون صحيح بس للأسف خطأ
و
أخ وائل.. انا شخصيا ما سمعت بوش حكي هالحكي.. بعدين كلام بوش صار مقياس للحقائق.. يعني كلشي بيحكي بوش مناخدو و منمشي عليه؟... كلام الساسيين الو أهداف خفية عادة!!

مشان التبشير... ليش بيزعلو المسلمين من تبشير المسيحيين؟؟!! يا أخ.. شي عظيم أن يحاول شخص أن يعطيك ما لديه ويدلك على ما يؤمن بأنه طريق الحق!!!!
أصلا أنا بستغرب ايمان المسلمين بأن المسيحية واليهودية ديانات سماوية و عدم الرغبة باقتناء الكتاب المقدس!!
  رد مع اقتباس
قديم 21/05/2009   #49
شب و شيخ الشباب wile
عضو
-- أخ لهلوب --
 
الصورة الرمزية لـ wile
wile is offline
 
نورنا ب:
May 2009
المطرح:
السعودية
مشاركات:
281

افتراضي


اقتباس:
كاتب النص الأصلي : inodessa عرض المشاركة
أخ وائل.. انا شخصيا ما سمعت بوش حكي هالحكي.. بعدين كلام بوش صار مقياس للحقائق.. يعني كلشي بيحكي بوش مناخدو و منمشي عليه؟... كلام الساسيين الو أهداف خفية عادة!!

مشان التبشير... ليش بيزعلو المسلمين من تبشير المسيحيين؟؟!! يا أخ.. شي عظيم أن يحاول شخص أن يعطيك ما لديه ويدلك على ما يؤمن بأنه طريق الحق!!!!
أصلا أنا بستغرب ايمان المسلمين بأن المسيحية واليهودية ديانات سماوية و عدم الرغبة باقتناء الكتاب المقدس!!
ما هو لو إنهن عم يبشرو ببلد في علماء مسلمين وشعب فهمان ما كنا حكينا شي بس ياريت

قاعدين عم يبشرو ببلد تعبان وعم يستغلو حاجة الشعب وإنتشار الجهل مشان ينشرو دينون
لاء وياريت بس هيك... مين الي عم يبشر؟؟؟؟ الجيش الأمريكي
إيه مشان هيك لازم ما نرضى بها الشي مو؟؟؟؟؟؟؟؟؟
  رد مع اقتباس
قديم 21/05/2009   #50
شب و شيخ الشباب inodessa
عضو
-- أخ لهلوب --
 
الصورة الرمزية لـ inodessa
inodessa is offline
 
نورنا ب:
Apr 2008
المطرح:
حمص .... الامارات
مشاركات:
352

افتراضي


اقتباس:
كاتب النص الأصلي : wile عرض المشاركة


ما هو لو إنهن عم يبشرو ببلد في علماء مسلمين وشعب فهمان ما كنا حكينا شي بس ياريت

قاعدين عم يبشرو ببلد تعبان وعم يستغلو حاجة الشعب وإنتشار الجهل مشان ينشرو دينون
لاء وياريت بس هيك... مين الي عم يبشر؟؟؟؟ الجيش الأمريكي
إيه مشان هيك لازم ما نرضى بها الشي مو؟؟؟؟؟؟؟؟؟

وقت الرسول انهمك بدعوة كبار القوم من الفهمانين و أهمل و "عبس" بواحد من المساكين ما نزلت سورة (عبس و تولّى) لتنبّه الرسول ع خطأه؟؟؟
فالدعوة للجميع...
يا عيني يا وائل.. ما كانت الجيوش الاسلامية تبشر بالاسلام..؟؟؟ كانو يبشرو العقلاء والفهمانين فقط؟؟؟
لما لا نرى أخطائنا أولا ثم ننتقد الناس؟؟!
بهذه المناسبة بحب حطلك كلام السيد المسيح بالانجيل..:

أوجه لك ما بالاحمر... بس ما حبيت اقتطع النص..
القذى = نسرة الخشب الصغيرة جدا

«لاَ تَدِينُوا لِكَيْ لاَ تُدَانُوا، 2لأَنَّكُمْ بِالدَّيْنُونَةِ الَّتِي بِهَا تَدِينُونَ تُدَانُونَ، وَبِالْكَيْلِ الَّذِي بِهِ تَكِيلُونَ يُكَالُ لَكُمْ. 3وَلِمَاذَا تَنْظُرُ الْقَذَى الَّذِي فِي عَيْنِ أَخِيكَ، وَأَمَّا الْخَشَبَةُ الَّتِي فِي عَيْنِكَ فَلاَ تَفْطَنُ لَهَا؟ 4أَمْ كَيْفَ تَقُولُ لأَخِيكَ: دَعْني أُخْرِجِ الْقَذَى مِنْ عَيْنِكَ، وَهَا الْخَشَبَةُ فِي عَيْنِكَ؟ 5يَامُرَائِي، أَخْرِجْ أَوَّلاً الْخَشَبَةَ مِنْ عَيْنِكَ، وَحِينَئِذٍ تُبْصِرُ جَيِّدًا أَنْ تُخْرِجَ الْقَذَى مِنْ عَيْنِ أَخِيكَ! 6لاَ تُعْطُوا الْقُدْسَ لِلْكِلاَب، وَلاَ تَطْرَحُوا دُرَرَكُمْ قُدَّامَ الْخَنَازِيرِ، لِئَلاَّ تَدُوسَهَا بِأَرْجُلِهَا وَتَلْتَفِتَ فَتُمَزِّقَكُمْ. 7«اِسْأَلُوا تُعْطَوْا. اُطْلُبُوا تَجِدُوا. اِقْرَعُوا يُفْتَحْ لَكُمْ. 8لأَنَّ كُلَّ مَنْ يَسْأَلُ يَأْخُذُ، وَمَنْ يَطْلُبُ يَجِدُ، وَمَنْ يَقْرَعُ يُفْتَحُ لَهُ. 9أَمْ أَيُّ إِنْسَانٍ مِنْكُمْ إِذَا سَأَلَهُ ابْنُهُ خُبْزًا، يُعْطِيهِ حَجَرًا؟ 10وَإِنْ سَأَلَهُ سَمَكَةً، يُعْطِيهِ حَيَّةً؟ 11فَإِنْ كُنْتُمْ وَأَنْتُمْ أَشْرَارٌ تَعْرِفُونَ أَنْ تُعْطُوا أَوْلاَدَكُمْ عَطَايَا جَيِّدَةً، فَكَمْ بِالْحَرِيِّ أَبُوكُمُ الَّذِي فِي السَّمَاوَاتِ، يَهَبُ خَيْرَاتٍ لِلَّذِينَ يَسْأَلُونَهُ! 12فَكُلُّ مَا تُرِيدُونَ أَنْ يَفْعَلَ النَّاسُ بِكُمُ افْعَلُوا هكَذَا أَنْتُمْ أَيْضًا بِهِمْ، لأَنَّ هذَا هُوَ النَّامُوسُ وَالأَنْبِيَاءُ.

آخر تعديل inodessa يوم 21/05/2009 في 11:21.
  رد مع اقتباس
قديم 21/05/2009   #51
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


اقتباس:
كاتب النص الأصلي : inodessa عرض المشاركة
أخ وائل.. انا شخصيا ما سمعت بوش حكي هالحكي.. بعدين كلام بوش صار مقياس للحقائق.. يعني كلشي بيحكي بوش مناخدو و منمشي عليه؟... كلام الساسيين الو أهداف خفية عادة!!
هلاء هو حكاها ...
وبخالفك بموضوع انو كلام السياسين لا يؤخذ مقياس....
معلش لما بيجي رئيس أكبر دولة بيقول لتكن حرب صليبية و اللي مالو معنا فهوه ضدنا ....
وللاسف كلامو اتطبق ...يعني مو كلام و خلص ......على عادة زعمائنا...
اقتباس:
كاتب النص الأصلي : inodessa عرض المشاركة
مشان التبشير... ليش بيزعلو المسلمين من تبشير المسيحيين؟؟!! يا أخ.. شي عظيم أن يحاول شخص أن يعطيك ما لديه ويدلك على ما يؤمن بأنه طريق الحق!!!!
!!
هلاء انا رح ئللك شغلة .....
ازا فرضنا انو انت منتوف و عايف حالك من الفقر و التشرد (لاسمح الله) و اجيت انا قلتلك كل شهر بعطيك راتب و بعطيك بيت و بحللك أمورك المالية ....بس على شرط تصير مسلم .... بتقبلا...!!! (العفو منك)
أو بحالة أخرى ...قلتلك يا بتصير مسلم يا أما بقتلك أو بشردك أو بعتدي على عيلتك ....بتقبل !!!

المشكلة هون انو بتصير الشغلة صراع وجود...و لما الواحد أو الجماعة أو "الطائفة" بتحس حالها عمتنتفي أو عمتنمحي رح تحاول بكل الوسائل .."المشروعة و غير المشروعة" انو تقاوم .....حتى لو لزم اللجوء للشيطان

اقتباس:
كاتب النص الأصلي : inodessa عرض المشاركة
أصلا أنا بستغرب ايمان المسلمين بأن المسيحية واليهودية ديانات سماوية و عدم الرغبة باقتناء الكتاب المقدس
لا بالعكس ....أنا شخصياً بحتفظ بالكتب المقدسة التلاتة ورتانن من الوالد ....
بس نحن بيلزمنا الوقت ليطلع من بعدنا جيل جديد ....يكون أوعى و أقدر على استيعاب الاخر.


اللي بيتو من قزاز .....يبيعو فوراً ...أريحلو

.........

غيبة السبع ...خلّت للندل هيبة

.....

يعني ان لم تكن زئباً....ضروري تكون خروف..!!!!

آخر تعديل ابو نجبو يوم 21/05/2009 في 11:28.
  رد مع اقتباس
قديم 21/05/2009   #52
شب و شيخ الشباب wile
عضو
-- أخ لهلوب --
 
الصورة الرمزية لـ wile
wile is offline
 
نورنا ب:
May 2009
المطرح:
السعودية
مشاركات:
281

افتراضي


اقتباس:
كاتب النص الأصلي : inodessa عرض المشاركة
وقت الرسول انهمك بدعوة كبار القوم من الفهمانين و أهمل و "عبس" بواحد من المساكين ما نزلت سورة (عبس و تولّى) لتنبّه الرسول ع خطأه؟؟؟
فالدعوة للجميع...
يا عيني يا وائل.. ما كانت الجيوش الاسلامية تبشر بالاسلام..؟؟؟ كانو يبشرو العقلاء والفهمانين فقط؟؟؟
لما لا نرى أخطائنا أولا ثم ننتقد الناس؟؟!
بهذه المناسبة بحب حطلك كلام السيد المسيح بالانجيل..:

أوجه لك ما بالاحمر... بس ما حبيت اقتطع النص..
القذى = نسرة الخشب الصغيرة جدا

«لاَ تَدِينُوا لِكَيْ لاَ تُدَانُوا، 2لأَنَّكُمْ بِالدَّيْنُونَةِ الَّتِي بِهَا تَدِينُونَ تُدَانُونَ، وَبِالْكَيْلِ الَّذِي بِهِ تَكِيلُونَ يُكَالُ لَكُمْ. 3وَلِمَاذَا تَنْظُرُ الْقَذَى الَّذِي فِي عَيْنِ أَخِيكَ، وَأَمَّا الْخَشَبَةُ الَّتِي فِي عَيْنِكَ فَلاَ تَفْطَنُ لَهَا؟ 4أَمْ كَيْفَ تَقُولُ لأَخِيكَ: دَعْني أُخْرِجِ الْقَذَى مِنْ عَيْنِكَ، وَهَا الْخَشَبَةُ فِي عَيْنِكَ؟ 5يَامُرَائِي، أَخْرِجْ أَوَّلاً الْخَشَبَةَ مِنْ عَيْنِكَ، وَحِينَئِذٍ تُبْصِرُ جَيِّدًا أَنْ تُخْرِجَ الْقَذَى مِنْ عَيْنِ أَخِيكَ! 6لاَ تُعْطُوا الْقُدْسَ لِلْكِلاَب، وَلاَ تَطْرَحُوا دُرَرَكُمْ قُدَّامَ الْخَنَازِيرِ، لِئَلاَّ تَدُوسَهَا بِأَرْجُلِهَا وَتَلْتَفِتَ فَتُمَزِّقَكُمْ. 7«اِسْأَلُوا تُعْطَوْا. اُطْلُبُوا تَجِدُوا. اِقْرَعُوا يُفْتَحْ لَكُمْ. 8لأَنَّ كُلَّ مَنْ يَسْأَلُ يَأْخُذُ، وَمَنْ يَطْلُبُ يَجِدُ، وَمَنْ يَقْرَعُ يُفْتَحُ لَهُ. 9أَمْ أَيُّ إِنْسَانٍ مِنْكُمْ إِذَا سَأَلَهُ ابْنُهُ خُبْزًا، يُعْطِيهِ حَجَرًا؟ 10وَإِنْ سَأَلَهُ سَمَكَةً، يُعْطِيهِ حَيَّةً؟ 11فَإِنْ كُنْتُمْ وَأَنْتُمْ أَشْرَارٌ تَعْرِفُونَ أَنْ تُعْطُوا أَوْلاَدَكُمْ عَطَايَا جَيِّدَةً، فَكَمْ بِالْحَرِيِّ أَبُوكُمُ الَّذِي فِي السَّمَاوَاتِ، يَهَبُ خَيْرَاتٍ لِلَّذِينَ يَسْأَلُونَهُ! 12فَكُلُّ مَا تُرِيدُونَ أَنْ يَفْعَلَ النَّاسُ بِكُمُ افْعَلُوا هكَذَا أَنْتُمْ أَيْضًا بِهِمْ، لأَنَّ هذَا هُوَ النَّامُوسُ وَالأَنْبِيَاءُ.
لك يا معلم المسلمين لما كانو يدعو غيرهن بيكونو إتفقو مع زعيم البلد ما عدا بشغلة قبيلته لرسول الله لأنه زعيم قبيلته كان عمو
  رد مع اقتباس
قديم 21/05/2009   #53
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
كاتب النص الأصلي : inodessa عرض المشاركة
أخ وائل.. انا شخصيا ما سمعت بوش حكي هالحكي.. بعدين كلام بوش صار مقياس للحقائق.. يعني كلشي بيحكي بوش مناخدو و منمشي عليه؟... كلام الساسيين الو أهداف خفية عادة!!
انا شخصيا سمعان بهلحكي وشايفه عم يقوله ببث تلفزيوني مباشر
وبتذكر كان في كمالة بأن الله ظهرله بالمنام وقله روح احتل العراق او شي من هلأشيا .. بس انه كان في رؤيا إلهية بما يتعلق بملف العراق
وبصراحة ما قدرت افهم شو عم يعمل
يمكن كان عم يحاول يعطي انطباع بأن المسيحي مطالب بتأييد الحرب على الإرهاب
عم يحاول يكسب رأي الكنيسة ( مع أن رأي الكنيسة ضمن المجال السياسي حقه فرنك مبخوش )
طبعا بوش ظهر بأكتر من مرة بشكل متطرف مسيحي -بروتستانتي واستفاد من هلشي ضمن حملته الانتخابية على ما أذكر قبل 9 سنين من اليوم

اقتباس:

مشان التبشير... ليش بيزعلو المسلمين من تبشير المسيحيين؟؟!! يا أخ.. شي عظيم أن يحاول شخص أن يعطيك ما لديه ويدلك على ما يؤمن بأنه طريق الحق!!!!
أصلا أنا بستغرب ايمان المسلمين بأن المسيحية واليهودية ديانات سماوية و عدم الرغبة باقتناء الكتاب المقدس!!
من جهتي ما عندي ايا مشكلة مع العمليات التبشيرية من أيا ديانة كانت
كل الديانات بتمتلك حق التبشير وكلها من حقها الإجهار بمرتكزاتها الإيمانية ومن حقها تدعو العالم للانضمام
بس وقت بيتحول التبشير لإستغلال الأوضاع المزرية اللي عم يعيش فيها الانسان
او وقت بيتحول لشي قصري او بتم التبشير تحت التهديد فهاد ما عاد حق من حقوق الدين
عم احكي الحكي هاد بشكل عام وما خصيت اي ديانة من الديانات لأن بهلموضوع الكل عنده تاريخ اسود وما حدا احسن من حدا .. بس الأحسن فتح صفحة جديدة على العودة لعفونة الماضي .

  رد مع اقتباس
قديم 22/05/2009   #54
شب و شيخ الشباب ابو نجبوعضو مساهم
-- مستشــــــــــار --
 
الصورة الرمزية لـ ابو نجبو
ابو نجبو is offline
 
نورنا ب:
Dec 2006
المطرح:
瓷器..china
مشاركات:
2,011

إرسال خطاب MSN إلى ابو نجبو
افتراضي


اقتباس:
كاتب النص الأصلي : Abu ToNi عرض المشاركة
بس الأحسن فتح صفحة جديدة على العودة لعفونة الماضي .


مية بالمية....

  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 16:13 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.24085 seconds with 14 queries