لوما الأمل شو بتنكسر الرواح

[أرواد الجولان]

عرس تحرير الأسير كميل خاطر
عقبال التحرير لجميع الأسرى في السجون العربية قبل الإسرائيلية
قالوا لي أننا نعيش هنا بشكل أفضل من هناك..
ولكنني لا أفهم كيف لا يثور المظلوم في كل مكان، هنا أو هناك، بدل أن "يقتنع" أن "هناه" أسوأ من كل "هناك" آخر

يبقى حلمنا حي.. بوطن حر جميل

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

زورونا دائمًا.. يال حاملين الهم.. حمل الألم روّاح

[أرواد الجولان]

بتعرفوا؟
نحنا منشفّق.. عايشين بفلم واحد طويل..

قال نحنا منعمل مظاهرات ومنغني اغاني وطنية ومنرفع العلم السوري.. وكمان منبكي لما بيقفز الدم على راسنا تأثرًا بالشي الانساني يلي عمنشترك فيه..
وقال كمان بيجو على عين التينة محافظ القنيطرة ومش عارفي كام واحد معو يضربو كام كلمة الهون مية سنة عبيعيدوهون.. وقال نحنا منسمعهون.. عشان شو ؟ عشان نحنا ما بدنا حدا بكل العالم يفكر انو نحنا ما بدنا نسمعهون بسبب انو نحنا صرنا متأسرلين.... وتنازلنا عن عروبتنا وهويتنا السورية..

وقال شو كمان؟ اسرائيل ومخابرات اسرائيل بتكون قاعدي على البرندة يلي عقبال المظاهرة.. وقال بتخلينا نرفع العلم السوري والفلسطيني اليوم.. وقال نحنا منكيّف منكيّف.. لانو بطلت متل زمان تمنعنا من انو نرفعو ..

اي اسا وشو؟ قال منحلل الوضع ومنشيل ومنحط.. قال قسم ملّ (هذا جيل الفايس بوك والمتزوجون حديثًا) وقال بيقولوا بيصيروا انو سوريا باعتنا من زمان.. وعشان هيك ما راح نستنى اكثر.. وراح نعيش بضمن حدود المتاح.. يعني باختصار مرتاحين هيك ومش راح نكثّر غلبة.. (وهون بتذكر واحد اسمو joe كتب شي بيشبه الشي يلي عنا بموضوع "تذكرتك لبيت خالتك").
وقال كمان شو؟ قسم ما ملّش ومش عارفي قلكون اذا نيتهون 100% حقيقية.. بس بعتقد انو اي ولأ.. قسم منهون من كل قلبو وقال قسم ثاني بيقولو مش من كل قلبو.. وقال هذا القسم الثاني بعثي ومدعوم وكلمتو مسموعة.. كيف؟ انا شو بعرفني!
اي وكمان شو في عنا.. في عنا حالة احتضار كوميدية. بعمركون سمعتو بهيك شي؟
اسرائيل بيحكو عنا "خليهون يعملو شو بدهون" .. "دروزيم (يعني دروز بالعبري) تبع رمات هاجولان (يعني هضبة الجولان، صاروا بجيبتنا الصغيرة" ..
وقال امي بعدها بس يكون في مظاهرة او اسير "عبيتحرر " بتقعد تجلّي وتبكي.. ويبكو هالنسوان.. وخوذ على مشاهد مؤثرة.. بهذا الفلم الطويييييل .. يلي نحنا عايشين فيه
لا وقال شو اكثر شي مضحك بحالة الاحتضار الكوميدية انو كلنا كلنا مفكرين انو كل سوريا بتفكر فينا.. نحنا غير انو منشفّق، كمان انانيين باحتراف، ومش بس هيك، مفكرين حالنا محور العالم أو كل العالم بيعرف عن "قضيتنا"....

نحنا مش بس تفكيرنا ضيّق، نحنا أضيق من أضيق شي بحياتكون قستوه
منتغزل بحالنا صبح وظهر وعشيي..
الانعزال التام عن الجنبين، السوري والاسرائيلي، خلانا نتحول لخالة بيضاء الثلج: "من أكثر شعب محبوب وطيوب ونغش في هذا العالم يا مرآتنا؟"................."أنتم الجولانيون يا سيداتي وسادتي"..

اي وقال عشان يزيد الدلال.. اذا بتلتقي بأي فلسطيني خط اخضر او خط احمر او برتقالي كمان، بيعبر عن اعجابو فينا، وعن رغبتو بأنو شعبو لو كان عمل "متل ما نحنا عملنا" بهالدولة..
بس بدون ما فكر بعرف انو بيحكو هيك لانو لهجتنا غير عن لهجتهون.. والغريب بيثير الفضول.. والحب احيانًا لغرابتو عن السائد! ونحنا؟ اكلين مقلب واحد كبير بحالنا..

كل هذا بيصير، ونحنا باليوم العادي عاديين.. ومرتاحين.. وكل اسبوعين منزور أولياءنا الصالحين!!
نحنا شعب المناسبات..

بتعرفو شو؟ اذا بدكون يانا نطلع بشي مناسبة عندكون حكولنا نحنا قدها وقدود! ما منخجّل! منرفع اعلام ومنجلّي ومنزلغط ومنحمل الاسرى لما بيتحرروا على كتافنا ومنعزم على لقمة عشاء! مناح كثير! جربونا!



يا حسرة يا كميل.. لوين رايح بهالدوكة؟

ايييييه وشو منشفّق...



(بحياتكون سترو ما شفتو منّا.. ما تتفرجو عالفيديو بيكون احسن النا والكون )