أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 30/09/2009   #55
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


اقتباس:
كاتب النص الأصلي : rama1985 عرض المشاركة
اعلاناتنا بتهوي عليم الله بياع المازوت

يللي بحارة من حواري الشام عندو ابداع اكتر
من تبعون الاعلانات الهابطة بالتلفزيون عنا


انا بعتقد مستوى الاعلان بتعلق بمستوى المحطة المعروض عليها الاعلان

يعني مابظن ان المنتج حيدفع مبالغ كبيرة
لاعلان يبث على محطة ذات مستوى فني متواضع
او عدد مشاهديها محدود
نص العاملين في المجال الاعلامي والاعلاني
بالتلفزيون السوري فاتو بالواسطات
انو واحد ياجماعه مابيعرف تلت التلاته كام عم يعمل برامج حواريه
والتاني ما معو ابتدائيه عم يخرج اعلان
والتالت صرلوا خمسين سنه عم يقدم اخبار
فأي صناعة اعلام او اعلان هي اللي عم تحكوا عنا ..


بالاول ضروري يطورو التلفزيون عنا اعلاميا
بعدين منطلب اعلان تجاري مرموق بعيد عن الاسفاف ماهيك ؟؟


وبرهان على كلامي..هل حتقبل محطة متل mbc
بعرض اعلان متواضع متل يلي بعرضوه على تلفزيوننا ؟؟

اكيد لأ ..

في شغلة مو الكل بيعرفوها ...
أنو التلفزيون مو هو يللي بيصنع الإعلان
التلفزيون بيعرضو بس

بينما أغلبية هالتحف يللي عم نشوفا هي شغل مكاتب إعلان خاصة

حتى هالبنات يللي بيتنطوطو .... هدول تابعين لمكاتب تانية غير مكاتب الإعلان .. و بيستأجروهون استئجار لتصوير إعلانات أو كليبات أغاني

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 30/09/2009   #56
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : MadMax عرض المشاركة
على علمي ..... ما في تلفزيون بالعالم عامل رقابة عالإعلانات بما يخص السخافة
مين اللي قال؟

طيب ليش بكل العالم ما بتشوف هالإعلانات السخيفة إلا عندنا؟

بدّك تقلّي لإنو عندهن اللي بيشتغلوا إعلانات.. محترفين وفنانين وكذا

هاي وحدة نعم.. بس التانية لإنو عرض الإعلان ع المحطات (متل كل شي بينعرض فيها) إلو معايير.. إلو ضوابط

البي بي سي عطيها مليون دولار.. مستحيل تحطلّك إعلان تافه..


القصة مو بس ربح وقتي.. القصة سمعة واحترافية ومستوى ما لازم يهبط عن سوية معينة



ثم.. بتلاقي بـ "بلاد برّا".. ناس بلا موهبة وبلا احترافية.. وبيعملوا شغلات تافهة.. بس ما ممكن يلاقوا طريقهن للتلفزيونات المحترمة

ربما كان عدم الاتفاق أقصر مسافة بين فكرين. (جبران النبي)
  رد مع اقتباس
قديم 30/09/2009   #57
صبيّة و ست الصبايا rama1985
عضو
-- أخ لهلوب --
 
الصورة الرمزية لـ rama1985
rama1985 is offline
 
نورنا ب:
Feb 2008
المطرح:
بهالعالم
مشاركات:
272

افتراضي


اقتباس:
كاتب النص الأصلي : MadMax عرض المشاركة
في شغلة مو الكل بيعرفوها ...
أنو التلفزيون مو هو يللي بيصنع الإعلان
التلفزيون بيعرضو بس

بينما أغلبية هالتحف يللي عم نشوفا هي شغل مكاتب إعلان خاصة

حتى هالبنات يللي بيتنطوطو .... هدول تابعين لمكاتب تانية غير مكاتب الإعلان .. و بيستأجروهون استئجار لتصوير إعلانات أو كليبات أغاني

السؤال ليش التلفزيون عنا يقبل تنعرض هل اعلانات
السخيفه يلي مافيها ادنى احترام لذكاء
المشاهد على شاشتو ؟؟

تقريبا معظم الاعلانات عنابتعتمد عى أغنية جاهزة.
مع تغيير بكلماتها مشان تصير ملائمة للمنتج المعلن عنه
وين الابداع بالافكار بهاي الطريقه مابعرف
العتب على التلفزيون مو مكاتب الاعلانات يلي العاملين فيها
ماعندهن شهادات تؤهلهن للعمل بإسلوب إحترافي.
بتوقع كل يلي بشتغلو فيها من نوعية
(عندك كم دورة فوتوشوب بتصير مصمم )


سوريا يا بلدي يا أحلى البلاد ... دبحتيني بحبك اي حاجي عاد

متى ستعرف كم اهواك يا املا ابيع من اجله الدنيا ومافيها
لو تطلب البحر في عينيك اسكبه او تطلب الشمس في كفيك ارميها

I want to be with you all the time

الكلمات الجميلة تشبه اصحابها
  رد مع اقتباس
قديم 30/09/2009   #58
صبيّة و ست الصبايا rama1985
عضو
-- أخ لهلوب --
 
الصورة الرمزية لـ rama1985
rama1985 is offline
 
نورنا ب:
Feb 2008
المطرح:
بهالعالم
مشاركات:
272

افتراضي


اقتباس:
كاتب النص الأصلي : Nasserm عرض المشاركة

بدّك تقلّي لإنو عندهن اللي بيشتغلوا إعلانات.. محترفين وفنانين وكذا
المؤسف انو نحنا كسوريين
مامنفتقر لا إلى الأفكار الابداعيه
ولا إلى المواهب القوية
والدراما السوريه بتشهد على هاد الشي
عنا كوادر ومحترفين وفنانين بمجال الاعلان وغيرو
بس المؤسف اكتر انو هل كوادر كلا
عم تهرب برات البلد وتلاقي فرصتها بغير بلد

  رد مع اقتباس
قديم 30/09/2009   #59
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


اقتباس:
كاتب النص الأصلي : Nasserm عرض المشاركة
طيب ليش بكل العالم ما بتشوف هالإعلانات السخيفة إلا عندنا؟


مين قلك

عالقنوات المصرية مثلاً ..... في إعلانات لسا أتعس من هالإعلانات يللي عم تشوفا عنا

اقتباس:
بدّك تقلّي لإنو عندهن اللي بيشتغلوا إعلانات.. محترفين وفنانين وكذا

هاي وحدة نعم.. بس التانية لإنو عرض الإعلان ع المحطات (متل كل شي بينعرض فيها) إلو معايير.. إلو ضوابط
القصة قصة جو و مناخ معين و يمكن ثقافة
هون عنا متعودين أنو عبارة إعلان تلفزيوني ... يعني كم بنت عم يترقوصو على لحن شي غنية ضاربة بهالموسم و تطبيق كلام جاهز سلفاً لكل سلعة
يعني لما بتسمع أنو شي للنضارة و للسيارة مثلاً .... بتعرف أنو يللي جاي هو إعلان محارم

اقتباس:
البي بي سي عطيها مليون دولار.. مستحيل تحطلّك إعلان تافه..
أنا بظن القصة بشكل تاني
إذا بتدفع عشرة مليون دولار لشركة فيلب موريس .... ما رح ترضى أنو دعاية مارلبورو تطلع من استديو شركة ( طيف )





اقتباس:
ثم.. بتلاقي بـ "بلاد برّا".. ناس بلا موهبة وبلا احترافية.. وبيعملوا شغلات تافهة.. بس ما ممكن يلاقوا طريقهن للتلفزيونات المحترمة


هادا موضوع تاني
بيرجع للفساد و المحسوبية يللي موجود بكل القطاع العام عنا






عالهامش
أنا ضد أي رقابة فنية بتصير سواء عالأغاني أو عالمسلسلات أو حتى عالإعلانات

الغربلة لازم تكون من قبل الجمهور ... و الذوق العام
لما انمنعت اليسا و هيفا من الغناء بسوريا .... ما بطلو الناس يسمعوهون .. بالعكس شعبيتهم زادت


المفروض لما شركة بتنزل إعلان سخيف ... تعرف أنو تأثير هالإعلان على تسويقها إن ما كان سلبي فهو حتماً غير إيجابي


بغير بلدان لما شركة بتنزل إعلان بتقيّمو ....و بتشوف صداه بالشارع
عنا بيرجعو بينكشو إعلان أوريس يللي انعمل من 25 سنة ... لحتى ما بتكلّفوا على إعلان جديد
  رد مع اقتباس
قديم 30/09/2009   #60
صبيّة و ست الصبايا جلنارالغالية
عضو
-- أخ لهلوب --
 
الصورة الرمزية لـ جلنارالغالية
جلنارالغالية is offline
 
نورنا ب:
Aug 2009
المطرح:
تحت شجرة ياسمين
مشاركات:
109

إرسال خطاب MSN إلى جلنارالغالية إرسال خطاب Yahoo إلى جلنارالغالية بعات رسالي عبر Skype™ ل  جلنارالغالية
افتراضي للأسف


اقتباس:
كاتب النص الأصلي : فايق ورايق ومدايق عرض المشاركة
من أعجب ما صادفني بسوريا,,, الابتسامة على وجوه العاملين بالقطاع السياحي,, و أخص بالذكر,,, فنادق الدرجه الأولى ( 5 نجوم يعني), و اذا بدي كون أكثر تخصيصا,,, سلسلة فنادق الشام.
اسم الله حولهم,,, و حواليهم,,, بيحتارو كيف بدهم يرضوك,,, ضحوكييييييييييييييين,,, يعني شو بدي احكي؟؟؟؟
ما فينك ما تكرر زيارتك عندهم, لياقه,,, لباقه,,, فهم,,, لغات,, ابتسامه دائمه,,, نضافه,,,,
يعني بجد ,,بجد يعني,,,, بتلعن الساعه اللي نزلت عندهم من كتر ماهم متمرسين بالمهنه,,,السياحيه
شي عم قلكم متل الكذب,,,, كما قال زياد رحباني,,,
متل الكذب
ايه والله

فيه وحدة صديقتي اجت لعنا عسوريا بالشتوية

ونزلت بفندق الله وكيلك ما صبرت يومين

ورجعت هربانه بردانة ,لا تسخين ولا نضافة ولا خدمات

ما بدنا نحكي عن الابتسامة واللباقة لأنها غير موجودة

اطلاقا بقاموس المستخدمين

مـا أجـمـل أن يـبـكـي الإنـسـان والـبـسـمـة عـلـى شـفـتـيـه وأن يـضـحـك
والـدمـعـه فـي عـيـنـيـه
فـي لـحـظـة تـشـعُـر أنـك شـخـصٌ فـي هـذا الـعـالـم بـيـنـمـا يـوجـد
شـخـص فـي الـعـالـم يـشـعُـر أنـك الـعـالـم بـأسـره
اهواك بلا امل...
  رد مع اقتباس
قديم 30/09/2009   #61
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


اقتباس:
كاتب النص الأصلي : MadMax عرض المشاركة
عالقنوات المصرية مثلاً ..... في إعلانات لسا أتعس من هالإعلانات يللي عم تشوفا عنا
القنوات المصرية!!

ماد.. يخليلي ياك

وجع المصريين متل وجعنا..

"كلنا في الهمّ شرقُ
"


اقتباس:
كاتب النص الأصلي : MadMax عرض المشاركة
عالهامش
أنا ضد أي رقابة فنية بتصير سواء عالأغاني أو عالمسلسلات أو حتى عالإعلانات

الغربلة لازم تكون من قبل الجمهور ... و الذوق العام
حلو.. وأنا معك

إنو من حيث المبدأ.. معك حق.. المفروض الشعب هو يعمل "رقابة".. بس هيدا بيفترض قبل إنو يكون هالشعب قادر على هالشي..

مثالك عن هيفا بيدلّك قديشو قادر.. مو؟

شيلك عن إنو طريقة الباشق صباح عبيد كانت "منفخة واستعراض"..



المهم منرجع للتلفزيون..

حسب حكيك.. بيصير بدنا حتى نزبّط التلفزيون السوري.. نروح قبل نزبّط كذا مليون سوري؟!!

إي لا وصلت..


تخيّل إنت فوق.. ونص هالشعب تحت.. وقال بدّك تشد كل هالعالم وتطالعهن لعندك!!

مين اللي رح يغلب؟

مبينة مو؟


ثم..

طيب..

لازم الجمهور يتطوّر.. ويتحسّن ذوقو ووعيو وكذا مذا..

جيد..

شو الأدوات؟ شو العـِدّة؟ وكيف؟ وقديش بدّك وقت؟

ع العـِـدّة.. أكيد التلفزيون واحد منها (مو بس بالإعلان.. بكل شي بيطلع بهالتلفزيون)

من هون كان قصدي.. إنو خلّينا نزبّط التوك اللي بالتلفزيون..

هيدا أهون بكتير.. ويا بيي شو بكتير.. من إنك تنطر الشعب حتى يتطوّر ذوقو العام



ثم..

بتتخيّل إنو تنلغي الرقابة ع المدى المنظور؟

لأ..

إذن؟

خلينا نشتغل شغلة مفيدة منقدر نشتغلها


  رد مع اقتباس
قديم 30/09/2009   #62
شب و شيخ الشباب فايق ورايق ومدايق
عضو
-- أخ لهلوب --
 
الصورة الرمزية لـ فايق ورايق ومدايق
فايق ورايق ومدايق is offline
 
نورنا ب:
Sep 2009
المطرح:
في نعشٍ في مقبرة الزمان
مشاركات:
195

إرسال خطاب MSN إلى فايق ورايق ومدايق
افتراضي


يعني اليوم وبكل فخر لفتت أنتباهي شوارع أقدم عاصمة من حيث عكس النظافة .." التلوث البيئي"
لأن أنا أكتر شي بيقهرني بغض النظر عن الشغلات الباقية هو الشوارع والتنظيم العمراني والنظافة بقصد الوساخة ..أنو هاد الشي عم نعيشو كلنا .. لأن وين ما رحنا منلاقي موجود .. إلا ببعض المناطق ال.....حلوة ..
ليش مانكون متل الدول التانية مارح قول متل أورووبا أو شرق آسيا .. وأميركا .. رح قول متل الاردن ولبنان والإمارات يعني متل الدول الشقيقة ..
لك اليوم فقت الصبح كالعادة وركبت السيارة وماشي وبأمان الله وإذا بشغلة سودا بتنزل خبط على بلور السيارة وبتكسرو....
لك شو هاد ....؟ عرفتو شو هاد رح قلكون ماطلع كيس زبالة معقولة يعني لهدرجة وصلت أنكب الزبالة من البلاكين والله عيب...
فهموني أنتو ياأخوية على مين السبب...
على هالعامل المسكين ولا على المدراء تبعون العامل ولا على المواطنيين...

فهموني الله يخليكون انا زلمة إستيعابي على قدي...
ليش هيك عم يصير ليش..

أنا دائماً لوحدي ,,, بعزفي ,,, ونزفي ,,, وأحتراقي ,,, وجبروتي ,,, وسعادتي..
أشياء غير قابلة للتفاوض (قـــلــبـي ,, هــــي ,, و أنـــــا)
  رد مع اقتباس
قديم 01/10/2009   #63
شب و شيخ الشباب فايق ورايق ومدايق
عضو
-- أخ لهلوب --
 
الصورة الرمزية لـ فايق ورايق ومدايق
فايق ورايق ومدايق is offline
 
نورنا ب:
Sep 2009
المطرح:
في نعشٍ في مقبرة الزمان
مشاركات:
195

إرسال خطاب MSN إلى فايق ورايق ومدايق
افتراضي


بدي فوت بالموضوع دغري اليوم...
التبول في شوارع دمشق الى متى
(عذرا عالكلمة بس ما لقيت احسن)
معقول شوارع دمشق اصبحت مبولة لبعض الاشخاص عديمي التربية والاحساس
مين فينا ما بشوف او بشم الرائحة يوميا لشخص تافه عامل عملتو بشي شارع وماشي
هل هناك من تفقره ال 10 ليرات ليستخدم المرحاض المخصص للعموم
هل من الصعب الشرطة تفرض غرامة 500 ليرة على من يقوم بهذا العمل الحيواني
لا اعتقد ان الموضوع صعب الحل على الاطلاق
اففففففففففففففففففففففف شو قرفان من كل شي

وتحية لوزير الأوقاف المحترم..
  رد مع اقتباس
قديم 02/10/2009   #64
شب و شيخ الشباب ابو عمير السوري
عضو
-- زعيـــــــم --
 
الصورة الرمزية لـ ابو عمير السوري
ابو عمير السوري is offline
 
نورنا ب:
Aug 2005
المطرح:
دمشق
مشاركات:
1,112

إرسال خطاب MSN إلى ابو عمير السوري
افتراضي


اقتباس:
كاتب النص الأصلي : فايق ورايق ومدايق عرض المشاركة
يعني اليوم وبكل فخر لفتت أنتباهي شوارع أقدم عاصمة من حيث عكس النظافة .." التلوث البيئي"
لأن أنا أكتر شي بيقهرني بغض النظر عن الشغلات الباقية هو الشوارع والتنظيم العمراني والنظافة بقصد الوساخة ..أنو هاد الشي عم نعيشو كلنا .. لأن وين ما رحنا منلاقي موجود .. إلا ببعض المناطق ال.....حلوة ..
ليش مانكون متل الدول التانية مارح قول متل أورووبا أو شرق آسيا .. وأميركا .. رح قول متل الاردن ولبنان والإمارات يعني متل الدول الشقيقة ..
لك اليوم فقت الصبح كالعادة وركبت السيارة وماشي وبأمان الله وإذا بشغلة سودا بتنزل خبط على بلور السيارة وبتكسرو....
لك شو هاد ....؟ عرفتو شو هاد رح قلكون ماطلع كيس زبالة معقولة يعني لهدرجة وصلت أنكب الزبالة من البلاكين والله عيب...
فهموني أنتو ياأخوية على مين السبب...
على هالعامل المسكين ولا على المدراء تبعون العامل ولا على المواطنيين...

فهموني الله يخليكون انا زلمة إستيعابي على قدي...
ليش هيك عم يصير ليش..
ذكرتني بصديق ساكن بخيم اليرموك بدمشق أول مرة كسرو بللور سيارته الخلفي بقطرميز مكسور المرة التانية وجد فوطة نسائية ممعوط ببللور سيارته الأمامي والمرة التالتة واحد سكران زت حجرة على البلور الخلفي والرابعة على الطريق
  رد مع اقتباس
قديم 02/10/2009   #65
شب و شيخ الشباب ابو عمير السوري
عضو
-- زعيـــــــم --
 
الصورة الرمزية لـ ابو عمير السوري
ابو عمير السوري is offline
 
نورنا ب:
Aug 2005
المطرح:
دمشق
مشاركات:
1,112

إرسال خطاب MSN إلى ابو عمير السوري
افتراضي


اقتباس:
كاتب النص الأصلي : فايق ورايق ومدايق عرض المشاركة
بدنا نحكي عن سوريا
وبدنا تحديدا,,, نحكي عن الاصلاح,, بمعنى أنو كل واحد فينا يطرح فكره بسطر أو تنين عن شي, أي شي, حاسس أنو ممكن يساهم بلفت النظر, مش ضروري يكون سلبي
خلونا نحكي سلبي و ايجابي, خلونا نحكي بحضارية, اذا مدحنا لا نبالغ,, و اذا انتقدنا,,خلي نقدنا يكون بناء.
اللي بدو يشارك,, ( طبعا اذا عجبتكم الفكرة ) أرجو أنو ما يشارك بجمل من نوع:
فكره رائعه و شكرا لك
تقبل مروري
أحييك يا أخي
لا تحرمنا من سطورك
يعني هالنوع من المجاملات الممجوجه,,, أنو بلاها
و شكرا
مشاركتي الأولى رح تكون عن سيارات التكسي, أنو ليش لون شوارع سوريا كلو أصفر من كتر التكاسي,, و بنفس الوقت بتتطلع روحك ليحن عليك شوفير و يرضى يركبك معو,, كأنك عم تشحدو يعني
يعني ما شفتها ولا ببلد أنو شوفير التكسي يتشرط عليك اذا على طريقو بيوصلك و اذا مش على طريقو,,خليك منقوع بالشارع
جملة تقرأها في جميع تكاسي احدى البلاد العربيه أول ما بتركب بتقول:
عزيزي الراكب, الرحلة مجانية في حال لم يتم تشغيل العداد, رقم الشكاوي ................
صعب كتير تنفيذها؟؟؟؟
يعني أنا مستعد اركب بسكليتة ولا اركب تكسي اتنكرز طول نهاري أو لقلك المشي شو ماله
  رد مع اقتباس
قديم 04/10/2009   #66
صبيّة و ست الصبايا ياسمين_الشآم
عضو
-- أخ لهلوب --
 
الصورة الرمزية لـ ياسمين_الشآم
ياسمين_الشآم is offline
 
نورنا ب:
Oct 2009
مشاركات:
179

افتراضي


حدّث ولا حرج

حكينا كتير ونقدنا كتير وشفنا ولاحظنا كتير

بس الحكي لوحدو مابيكفي .. وين الفعل ؟ بدنا ناس تسمع وتنزل عالشارع وتشوف

مع انها بتشوف بس سياراتهم الفاخرة "مفيمة " منشان مايشوفوا ويقرفوا

والناس البسيطة من كتر مو شايفة العين بصيرة والايد قصيرة بتكتفي بتقول

يلا شو فينا نسوي المهم البلد بخير والله يخليلنا الناس اللي فوق والحمد لله

اخ بس لاحول ولاقوة الا بالله

شكرا يافايق
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 14:13 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.12701 seconds with 14 queries