|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
15/10/2005
|
#19 | ||||||
|
أميـــــــــ
|
مرحبا ...
ما بعرف ليش تشعب الموضوع لهالدرجة .... بس بخصوص قطع اليد ... يعني مع احترامي للجميع هاد مو حل ... و قضية انو يد الانسان اغلى من الملايين غلطان كتير فيها شخصيا ازا بتضمنلي راحة الضمير و البال في حال سرقت و تم قطع يدي ... انا اول واحد رح اسرق و بأيدي بقطع ايدي و يا دار ما دخلك شر حتى بالكلام عن الرادع ... انت جبت مثال جيد .. يللي بدو يركب بدو يدفع و المتهرب عن الدفع ( سارق شركة النقل ) بيدفع اكتر بكتيييييير من غيرو ... بس اكيد ما بيقطعولو لا ايدو و لا رجلو و ازا ما دفع بينسجن و بيشتغل بالسجن ليدفع و الحرامي حرامي ... لو قطعتلو مو بس ايدو ... رح يبقى حرامي و بخصوص الهجرة ... المستوى المعيشي للمسيحيين بالبلد جيد جدا ... و ليست لقمة العيش هيي يللي دفعت المسيحيين للهجرة يللي دفعهم للهجرة هوي الاضطهاد العثماني و الفتن بينهم و بين الكراد و حاليا يللي بيدفعهم للهجرة هوي انعدام الحرية اولا و التخلف ثانيا و التعصب الاعمى عند المسلمين ثالثا مع انو انا معك بموضوع انو الحكومة بتشجع الهجرة و خصوصي هجرة العقول ... و الدليل هوي قانون البدل يللي بيحق للمغترب انو يدفعو و غيرو بياكلها كل واحد بيخلص جامعتو بيصير همو يأمن شغل بالخليج ... بس لحتى يخلص من ذل العسكرية ... بدال ما تكون العسكرية فخر صارت ذل لحتى حطك بالصورة ... ازا بتقرا ردود صياد الطيور يللي بيشوف انو التعذيب امر عادي و ضروري فهوي عم يحكي من نفس وجهة نظرك لأنو الناس يللي عم تحكي عن شرعهم قرروا انو هنن و بس بيحقلهم يبقوا عايشين و كفروا كل الناس .. عموما حتى لو سمحوا انو يعيش اهل الذمة بشرط انو يكونوا عبيد لالهم ... اما العلويين فهنن كفرة وجب قتالهم حسب الشرع العنصري الفاشي يللي عم تدافع عنو ... و بهالحالة بالتأكيد من حأ العلويين انو يدافعوا عن انفسهم بالطريقة نفسها يللي بتحكوا عنها ( قطع الايدي ) و حتى الرقاب ... انت قلت انو الايد غالية فكيف الروح ؟؟؟ الاخوان المسلميين و الاصوليين و اتباع السافل الخاين اسامة بن لادن و الديوس الحقير الفلسطيني ابو مصعب الزرقاوي يللي تارك فلسطين و رايح يغدر و يخرب بالعراق ... امثال هيك سفلة هنن يللي برروا للعلوية انو يبطشوا ... و يللي بيطبش ما بيفرق بين المنيح و العاطل ... و طالما قدروا يبطشوا شو المانع انو يسرقوا ؟؟؟ بعد ما برر الاصوليين الحمقى بطش العلوية بتجوا بدكم تحاسبوهم على سرقاتهم ؟؟؟ عن جد يا رب لا تواخزنا على ما فعل السفهاء منا و السفهاء هم الاصوليين ... اما عن بيت المال ... ما رح ناقشك فيه ما بتصور انو عندك المؤهل الكافي لا انت و لا احسن شيخ جامع و لا احسن عالم دين .. لك اصلا شو دخل الدين بالاقتصاد ؟ شو دخلو بالقانون ؟؟؟ و لسا بتسألوا ليش التخلف ضارب اطنابو بالمجتمعات المسلمة ؟؟؟؟ ما تفوق الغرب ع الشرق غير لما قسموا العمل و تخصصوا و طبعا بهالوقت ... كان شيخ الجامع بالشرق بدو يجمع الطب و البيطرة و الفلسفة و الاقتصاد و القانون و الفلك و التعليم و ........الخ ما رح نصير عالم و ناس غير لما يصير عدد يللي بيعرفوا انو مستحيل ينجمع الكون باسرارو بكتاب واحد اكتر من يللي مفكرين انو كل شي مكتوب بهالكتاب ... مع انو الكتاب زاتو بيقلهم انو مو كل شي مكتوب فيه ( بس الهبل هبل ) كل ما بيدق الكوز بالجرة بيقولولنا شوفوا شو عمل عمر بن عبد العزيز و شوفو شو عمل ابو بكر و شوفو شو عمل علاك البان طيب انا عم شوف انو ما عملوا شي شو رأيكم تشوفوا وين صرتوا من ورا هالناس ؟؟؟ شو رأيكم تشوفوا وين صار غيركم من ورا انو ما سألوا شو عملوا هالناس ؟؟؟؟ بيت للمال ؟؟؟ بدون فائدة ؟؟؟ هههههه ، شو في شي شيخ خاطب بالموضوع عندكم بالجامع ؟ بالله بيت المال هاد ع انو اساس رح يغطي العملة ؟؟؟؟ بحالة انو الاقتصاد تعرض لدورة انكماشية شو هيي السياسات يللي " هالبيت " رح يتبعها ؟؟؟ طيب و ازا تعرض لدورة تضخمية ؟؟؟ هي الاسئلة بسيطة جدا و اي طالب جامعة بكلية الاقتصاد بيجاوبك عليها و بيقللك شو هيي السياسات ... و حابب اسمع وجهة نظر اسلامية عن التعامل مع هيك حالات عامة بالاقتصاد و بتمنى اسمعها بموضوع مستقل ... يعني لا تخلط شعبان برمضان و اللا باعتبار انك مسلم ما بتقدر لازم تخلط ؟؟؟؟ لازم تفرجينا فضايح الشرع المتحجر يللي ما بينفع غير لينظم شؤون البدو يللي بالخيم بحايالله موضوع ؟؟ حتى لو كان الموضوع عم يحكي عن اغتيال كنعان ؟ تحضروا شوي و ازا ما قدرتوا تتحضروا فرجونا عرض كتافكم و ع فكرة هاد انذار ... ازا تاني مرة بلاقي اي خروج عن المواضيع بهالطريقة الشنيعة حتى لو كان الله يللي كتب شرعك هوي يللي خرج عن الموضوع بدي احزفلو ردو و كان ببساطة فيي احزف ردك بس حبيت فرجيك انو انت و شرعك و اسلامك و شيوخك مردود عليكم و على تفاهاتكم و هبلكم و سخافة تفكيركم و ضحالتو هون منبر حر لناس واعيين مو للي جايين من ورا الجمال في محل اسمو حوار الاديان للحوار بالشرائع و الاديان شو ما عم تقدر تميز بيناتهم .؟؟؟؟
عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش .. حش الحشائش في حشيش محشش .. حشاش يا أخا الحشيش .. حشش على تحشيش محششنا القديم .. سوريا الله حاميا jesus i trust in you |
||||||
|
|
15/10/2005
|
#20 | ||||||
|
عضو
-- أخ لهلوب --
|
شو هالحكي
أهلين .......
أولا أنت ما عرفت الغاية من كتابات اللي كتبتها ........ وشو ذنبي اذا ما عرفت شو قصدي من قطع اليد ..... وشو ذنبي اذا مافهمت أني عم احكي بعلم اقتصاد بس و...... وشو ذنبي اذا طالعتني متعصب ودخلتني بالفاشية وساويتني اخونجي .....وشو ذنبي لما ذكرت اسم عمر بن عبد العزيز وعصر عمر ابن عبد العزيز وانت ماعرفت شو عم احكي .. أو مين ألك اني عم اتباهى بالتاريخ .... ومين ألك أني مابعرف انو سبب فشلنا وجهلنا هو الاعتماد على التاريخ اللامع والحضارات الفايته بالحيط .. شو ذنبي أنك مافهمت ولا شي من الحكي اللي حكيتو وشو دخل المشايخه ولا الدين بالموضوع ... وشو عرفك أنو العلويين كفره أو مين ألك المشايخه تبعي بكفروا العلويين ... بعدين مالك خبر أنو موضوع قطع اليد بالاسلام ما عاد يقدروا يطبقوا أو مافي حدا بحقلوا يطبقو من 1000 سنه لأسباب كتير ة معليش سيد كريم ردك كان غير عادل ومزعج لدرجة كبيرة ... لأن مافهمت شي مني أو مافهمت أنو الحل الوحيد هو تطبيق قانون محكم وحازم حتى لو وصلنا لقطع اليد ... يعني عم بين أن الحالة صارت صعبة ....... ومابعرف ليش ما انتبهت بردودي أني ما بقصد مقصلة وايدين مقطوعة .. بعدين ماعاجبك موضوع البنك اللي ما بياخد فايده طبعا عم احكي على بنك اسلامي ... أنت فيك ما تاخد منو ..... يعني سهله وأعطيك معلومة أنو 50% يلي بالسجون الأوربية والأميركية من ورا القروض .. ولا مالك خبر .. يعني عم احكي بشي اسمو علم اجتماع ... ما دخلت بموضوع الدين ...
له له
|
||||||
|
|
|
15/10/2005
|
#21 | |||||||
|
عضو
-- أخ لهلوب --
|
اقتباس:
[/quote] فرجونا عرض كتافكم [/quote] صار [/quote] و كان ببساطة فيي احزف ردك بس حبيت فرجيك انو انت و شرعك و اسلامك و شيوخك مردود عليكم و على تفاهاتكم و هبلكم و سخافة تفكيركم و ضحالتو هون منبر حر لناس واعيين مو للي جايين من ورا الجمال في محل اسمو حوار الاديان للحوار بالشرائع و الاديان شو ما عم تقدر تميز بيناتهم .؟؟؟؟[/quote] انت ما حذفت الموضوع لحتى تشوفيني أنك شخص متعصب وبتعرف تشتم وتهين .. وعلى أي حال الله يسامحك ..... ومن ناحية أنا جايين من ورا الجمال ... رح ارجع لروا الجمال ... وشوفيني كيف رح تحلها بسياساتك الجبارة واللامعة ... وشوفيني كيف رح تؤول للحرامي (حاجه تسرء دخيل عينك بطلي ياها ) وأنا متأكد أنو رح يسمعلك ورح يعض أصابيعو ندم وخوف من ورا هالكلام اللي رح تحكي معو .... سلام |
|||||||
|
|
|
15/10/2005
|
#22 | |||||||
|
عضو
-- أخ لهلوب --
|
اووووووووووو
اقتباس:
شوف حبيبي مافي شخص عاقل عندو شوية فهم ... بيرضى تنقطع ايدو ولو بملايين الدنيا كلن ... ولاحظ أنك علقت على كلامي وحطيت بتعليقك شغلات ماني ذاكرها ... وتبليت عليي بكتير شغلات ما ذكرتها ... ولا تخاف ما رح ازعل منك بتأدر تحذف عضويتي ............ بس حابب خبرك شغله صغيرة قبل ما روح ..... لاحظ لما شافوا أنو رح يأثر على الدولة وعلى شغلات تانية ..... ( قتلوا) أو نحروا مو انتحر..... لأن رح يأثر ويضر الدولة والوطن ... ومستكتر كلمة قطع ايد مع أني ما كنت قاصدها بشكل عملي .... لأن ما بحب اقطع رجل نملة وخليها ناقصة رجل ..فما بالك ....... سلام |
|||||||
|
|
|
15/10/2005
|
#23 | |||||||||||||||
|
عضو
-- زعيـــــــم --
  |
اقتباس:
اقتباس:
و لكن كونه علوي لا يعتبر جريمة اقتباس:
اقتباس:
بس لمعلوماتك أنا كنت عايش بالسعوديي و الحكم عندكون ديكتاتوري أكتر من عنا بكتير اقتباس:
اقتباس:
هلق غاذي كنعان صار رمز وطني اقتباس:
ما أنتو بتعملو من كل واحد ميت الله بقا كيف ممكن يغلط يعني إذا اعتبرنا النهب و القتل حلال يعتبر المدفوس مانو غلطان اقتباس:
اقتباس:
بس هادا بدل على تورط المخابرات السوريي في جريمة مقتل رفيق الحريري و ما متل ما إنتا عم بتقول أنو نحرو لأنو بيستاهل لأنو المخابرات السوريي بتقتل يلي بأثر بمصالحها و ليس الشخص يلي بيستاهل
ΕΛΕΥΘΕΡΙΑ ΣΤΟΝ ΣΑΒΒΑ ΞΙΡΟ
|
|||||||||||||||
|
|
|
15/10/2005
|
#24 | |||||||||
|
عضو
-- زعيـــــــم --
|
اقتباس:
الرادع الحقيقي ممكن يكون الديموقراطيي و حرية التعبير لأنو لما الشعب بكون هوي الحاكم بخفو اللصوص خوفا من الشعب يلي عم بيتأذى منهون اقتباس:
اقتباس:
|
|||||||||
|
|
|
15/10/2005
|
#25 | |||||||
|
عضو
-- أخ لهلوب --
|
اقتباس:
يبو أنا اللي جاية من ورا الجمال رح ألك منين الحضارة الأوربية منين اجت ... ورح ذكرك أن للقرن الخامس عشر كانت اوربه كلها عبارة عن فساد ..... كان في عمليات خيانة للوطن وللشعب وخيانة الشعب للوطن و كان في عمليات سرقة ... كان في عمليات خيانة سياسية واقتصادية ... ........ يعني فساد كامل ... يعني كان تعب الشعب يروح عالفاضي ...... بتعرف يا حبيبي كيف بلشوا لحتى طلعوا من هالفساد أو بتعرف شو سبب هالحضارة .. ( سبب هالحضارة هو المقصلة .......... وبس يكون تعرف شو يعني مقصلة .. المقصلة يا حبيبي هي ألة لقطع الرأس ..) .. بلشوا يقطعوا راس الخاينين بدون رحمة أو شفقة ... كل يوم كان بالساعة العامة بباريس كان في قطع رأس أو عشرة أو أكثر .......... يعني كان في حساب عسير .... كان الفاسد والحرامي المعروف من قبل الشعب .. كان يحطوا راسوا تحت المقصلة بدون محكمة أو بدون حكم أو رحمة .. هي الطريقة اللي كان عم يشتغلوا فيها ليحاربوا الفساد .. هي هي الطريقة اللي وصلتن للحضارات ... وهي الطريقة اللي عرفتن أن الإنسان اللي بيشتغل بشرف بياكل والانسان اللي بيفسد حقو مقصلة ... وأي شخص عاقل لما بيقرا التاريخ بيعرف لو اتبعوا غير هالطريقة كان لسه اختراع الجمال لسه ما وصلهن ...وحابب ذكر ان (FBI ) الأمريكية مو شغلتها الحرامية تبع الجزادين ... شغلتها الحرامية الكبار .. حرامية البلد .. وما بعرف اذا وصلك طرق المحاسبة اللي بتحاسب فيها ( FBI ) للي بخل بالنظام ..والله ما بعرف مين فينا لسا ورا الجمل .. حبيب ألبي اللي بخل بالدولة أو بيفسد أو أو أو بينحروا ( بيقتلوا ) ولا ما بتعرف منين اجا تعبير ( تصفية ) يعني مافي مزح .. موت مو قطع يد .. وعم تأول عني ما بفهم لما ذكرت لازم تنقطع ايد السارق وعم تتهمني أني شخص متعصب وعم اتباهى بتاريخ الأسلام.. أو عم تحكي عن الشيخ اللي بيتقن كل العلوم وكيف عم يقدر يتقن كل العلوم ... رح خبرك أنو ماعندي شيوخ أو ما بعرف شي اسمو شيخ ... نحن في عنا شي اسمو عالم أو علامة وهن معدودين على أصابع ايد وحده يعني أقل من خمسة ... وبالنسبة لموضوع ذكر التاريخ بالنسبة للمسلمين العلامة تبعنا شو بأول ( الغرب لما بيجي على بلدنا وبشوف الأثار والحضارات بألنا أنت صاحبين تاريخ عريق وحضارات قديمة لحتى يخلينا عايشين بهالحلم وكل ما قربنا نصحا بيرجع بذكرنا بتاريخنا وبينفخ بهالراس الفاضي لحتى نرجع نغفو من أول وجديد .. وهن بالحقيقه خلصوا عملهن وجايين للتسلية والترفيه ومالهن بالتاريخ ) وبالنسبة لألنا مقتنعين بهالكلام ... أما الشخص الفاسد ما بهمو هالحكي كلوا .. لأن لما الشعب بيصحا ما بعود بيقدر يسرق . طبعا الحديث طويل وما رح كمل .... بس يا ريت السيد كريم يحترم فكر الناس التانيين ولا يفكر أنو بس هو بيعرف وبس هو الفهمان ... وهو عرفان مصلحة وطنو .... |
|||||||
|
|
|
15/10/2005
|
#26 | ||||||
|
عضو
-- أخ لهلوب --
|
على أي حال
على أي حال رح خبرك أن موضوع قطع اليد لا يحق لأحد أن يطبقه ولا أكبر قاضي ... لأن في كتير شغلات ما متوفره .. وأولهن البنك اللي بدون فايده ( اللي صرت تضحك عليي لما صرت احكي فيه ) وألت عني مابفهم بالأقتصاد ... روح قرا وشوف شو يعني بنك بدون فايده وشو نوعه وكيف بيشتغل ... والمواضيع التانيه مستحيل تتحقق .. لأن اذا تحققت ما رح تلائي في حاجة تنقطع ايد حدا ... ( شي كبير عليك هالحكي )
ومن ناحية موضوع التكفير .. وموضوع العلوية .. رح نذكر اني من قبل سألوني عن شارون اذا كان كافر أو رح يدخل الجنه ولا النار بموضوع من المواضيع وكان السائل هو محبة ... وكان جوابي ما بعرف علمها عند ربو لأن هالشي بيتطلب علم بالغيب وكان جوابي كمان مو ذنبو انو يهودي أو رح يحاسب كونو يهودي ... أنا ألت رح يحاسب على عملو اذا كان مؤذي ومفسد ولا شخص خلوق وجيد فما بالك العلوي الذي يعد مسلم من نفس الديانه ............ طبعا أهم شي لا تحسب الموضوع اللي عم احكي عنو موضوع ديني أو بيتعلق بالدين مشان ما اذعل منك هاد تابع لعلم الاجتماع يعني الموضوع لا يحذف ولا ينقل ... يبقى على ما هو عليه وغير هيك .>>>>>> |
||||||
|
|
|
15/10/2005
|
#27 | |||||||
|
عضو
-- قبضاي --
|
اقتباس:
حبيت قلك انو قسم من ردو بظن كان موجه للمعلم ابو الميج بما يخص الشرع... وقسم موجه بشكل عام مو الك بالتحديد بينما انت مفكر انو الرد كلو كان الك انا شايف ردو منطقي واذا كان فيه شوية تعصب فهادا شي طبيعي لأنو التعصب بيولّد تعصب
¿
|
|||||||
|
|
|
15/10/2005
|
#28 | ||||||
|
أميـــــــــ
|
مرحبا
اولا لما حاكيتك باللهجة الشديدة لأنك خارج عن الموضوع تماما الموضوع هوي موت كنعان و يللي ممكن انو يتم نقاشو فيه هوي هل انتحر ام اغتيل ام حسب نظرية عون في لعبة "لا مات و لا من يحزنون و الجثة لشخص تاني و هوي عايش بثبات و نبات " انت و ابو الميج قلبتوا الموضوع عصبية ضد العلويين و بناءا عليه رح اعطيك ليستة زغيرة ... محمد حربا وزير داخلية اسبق سني محمد عبد النبي عماد سني من حوران صبحي الطيب استلم قيادة القوات الخاصة و هوي سني من النبك مصطفى طلاس وزير الدفاع سني من الرستن محمد زهير مشارقة نائب الرئيس سني من حوران عبد الحليم خدام نائب الرئيس سني من بانياس عبدلله الاحمر امين قطري مساعد بحزب البعث سني من التل ( ريف دمشق) و القائمة تطوووووووووووول بس ما عم يحضرني اسماء حاليا كل هدول كانوا سنة و البلد خربانة ازا هالكلام الو نتيجة انو ما دخل الطائفة او الدين بالسياسة تانيا انت يللي قلت من شوي انو الشرع الاسلامي لا يمكن تطبيقة و هالحكي من الف سنة و كل خناقتي معك لأنك عم تدافع عن هالشرع يللي ما عاد ممكن تطبيقو اما بخصوص انو 50% من المعتقلين باوروبا و اميركا محبوسين لأنو ما عم يدفعوا يللي عليهم ... رح نفترض انو النسبة صحيحة و بقللك انو التصرف صحيح 100% اما انو نقطع ايدهم ... فهاد خاطئ 100% انت يللي استرسلت كتير و بلشت تحلم احلام وردية حول اقامة دولة اسلامية بدليل انك وصلت للاقتصاد و بلشت تحكي عن بيت المال و بعدين بلشت تتراجع بكلامك بيت المال بمثابة البنك المركزي حاليا و ليس بمثابة بنك اسلامي و حتى لو كان بمثابة بنك اسلامي .... لا يمكن ضمن النظام المصرفي انك تتعامل بدون فايدة و لعلمك انا خريج كلية اقتصاد و عملي هوي الصرافة و المضاربة بالعملات رح وضحلك بمثال بسيط مع اعتذار شديد لصاحب الموضوع للخروج عنو لنفرض انو معك مليون ليرة ... بتقدر تشتري فيهم سيارة تاكسي و تشغلها و تجبلك مردود 10000 ليرة شهريا و انا تاجر و عندي متجري و عندي راسمالي صحللي صفقة جيدة جدا بتكست منيح ... بس نقصني مليون ليرة و هالمليون ما رح احتاجها اكتر من شهر و الصفقة لو تمت بيربح فيها كل مليون ليرة 20000 ليرة و الصفقة ما بتتحمل شراكة ازا طلبت منك المليون حسب نظام الشريعة الاسلامية ... ساعتها ما رح يكون في عدل ازا ما عطيتك عليها شي و ازا شاركتني بتكون عم تظلمني لأنو الادارة و الصفقة كلها الي و انت ما لك فيها اي شيء سوى مليون ممكن اخدها منك او من غيرك اما ضمن نظام فائدة سائد بالسوق بقدر آخد منك المليون و ادفع ( مخاطرة و عطل و ضرر) المليون ليرة تبعك و لنفترض انو الفايدة 15000 ليرة بهالحالة بكون انت استفدت و انا استفدت مع الاسف مع عدم وجود سوق ديون بسوريا او بأي بلد عربي ( نتيجة السير حسب الشريعة باسلوب عجيب ) التجار بيعانوا من حالات الربا الفاحش لأنو الديون غير متوفرة و لازم نبوس ايد الفوايظي و فوق هيك بياخد ( ازا كان بيعرف ربو) 42% فايدة هي ما اسمها فايدة هي اسمها ربا فاحش ممنوع باميركا و اوروبا يللي ما بتسير ع نظام الشريعة و مستحيل ينسمح بفايدة فوق الـ 30% بحالات الكساد بيقوم البنك المركزي بتخفيض قيمة الفايدة و بالتالي الناس بتسحب اموالها من البنوك لأنو ما عاد تعطيهم الدخل المطلوب و بتبلش تضخ الاموال بالاسواق و هيك بيتم تحريك السوق متل مو صاير حاليا باليابان و الفايدة عندهم ع الين هلأ 0% بحالات التضخم بيقوم البنك المركزي برفع قيمة الفايدة و هيك العالم بتسحب اموالها من الاسواق و بتودعها بالبنوك لأنو الفايدة بتعطي الدخل المطلوب متل ما عم يصير حاليا ببريطانيا و اميركا من فترة وصل سعر الدولار مقابل الليرة للـ55.90 قام طلع حاكم المصرف المركزي السوري و اعلن عن رفع الفايدة على الودائع من 4.5% للـ 9% ضمن سلسلة من القرارات الاقتصادية بعد ساعة سعر الدولار 54.90 و تاني نهار سعر الدولار 54.10 هاد غيض من فيض اهمية الفايدة بالاقتصاديات و كل بنك اسلامي فاتح ازا عم يربح عم يربح من مبدأ " رزق الهبل ع المجانين" لا اكتر و لا اقل معظم اعمالهم تبييض اموال تالتا بخصوص اسباب التقدم الغربي بس قبل بحب سجل انو كل الاعدامات بدون محاكمة يللي تمت خلال فترة الثورة الفرنسية هيي وصمة عار بتاريخ الثورة كل الاعدامات اللي تمت من قبل محاكم التفتيش الفاتيكانية هيي وصمة عار بتاريخ الكنيسة الكاتوليكية و الكنيسة قبل نهاية الالفية التانية اعتذرت عنها كلها و اي اعدام بدون محاكمة و اي تجريم بدون محاكمة هوي وصمة عار بأي نظام و بأي ثورة مو متل ما عم تحكي انو سبب تقدم الغرب انو اقتبسوا حضارة العرب و لا لأنهم اعدموا الخونة السبب الرئيسي انو انفتحوا ع العرب و ع الشرق ... استوعبوا حضارتهم، ما تعصبوا ضدها، استفادوا منها و طوروها ... بعكس ما عم يعملوه المسلمين اليوم من اعتبار اي شيئ جايي من الغرب هوي بدعة من الشيطان ... لم يكن باي يوم من الايام اعدام الاشخاص سبب للحضارة لا باوروبا و لا بغيرها و الدليل انو الثورة تمت بفرنسا و المقصلة تمت بفرنسا بس بريطانيا كما متطورة و المانيا و ايطاليا و اميركا و ....الخ و عصر النهضة بلش باوروبا ابتداءا من فلورانسا الايطاليا مو من باريس الفرنسية ما عم انكر دور الثورة الفرنسية بتقدم الغرب بس عم اكدلك انو الاسباب يللي ذكرتها هيي غير الاسباب عموما مكافحة الفساد ( يللي هوي العنوان الاكبر لمنع السرقات ) ما بيتم عن طريق قطع الايدي و لا عن طريق منع الفايدة الشغلة اكبر من هيك بكتير و سبق و حكيت بالموضوع لازم لازم يكون القانون فوق الجميع لازم لازم يكون في قانون اساسا لأنو ازا ما عندك علم نحنا عايشين ضمن قانون طوارئ بيفرض الاحكام العرفية لازم يكون في انتخابات ديمقراطية لازم يكون في حرية صحافة لأنها السلطة الرابعة و الرأي العام و المراقب الاول يللي بيكافح الفساد مو قطع ايدين و رجلين و فتح تكيات بلا فايدة و ما بعرف شو ... اما اني احسب حكيك ديني فاسمحلي قلك انو حكيك ديني و دوغمائي ، و مو انا يللي تراجعت عن كلامي .. ساعة لازم نقطع الايدين و ساعة شرع الله ما ممكن انو يتطبق ، و لحتى نطبقو لازم نعمل شروط ... اما بخصوص التعصب انا متعصب لحرية التعبير و حرية التفكير يللي بيخنقها اي شخص بباقي المنتديات بمجرد انو يذكر شي حديث نبوي او آية قرآنية و خلص يا ويلو يللي بيعارض ...بيكون عم يعارض فكرة بيصير عم يعارض الله و حلال قتلو انا رافض رفض مطلق اي جهة بتمنعني من اني شك و فكر، حتى باقدس المقدسات بشك ... ازا كانت قوية بتلغي شكي ... ازا كانت ضعيفة فلتدمر مو يجي حدا و يدافع عنها بحجة الجهاد بتشكرك O A على ردك و بحب اكدلك انو ما رديت لأنو كنت ماني اون لاين |
||||||
|
|
|
16/10/2005
|
#29 | ||||||||
|
عضو
-- أخ لهلوب --
|
مرحبا
اقتباس:
اقتباس:
. يعني ما بصير يتنفذ هي كل القصه . ولا تشك للحظة من اللحظات عم دافع عن المسلمين .. شو ما كان انتمائهن ... والسبب عدم الوجود أو الانعدام بما معناه أنا عم اعطي حل للوضع اللي احنا فيه أو شي بيتعلق بالحادثة .. جايز أو أكيد أنا مستنبط الفكره من التشريع الاسلامي ... وهالشي موغلط لأني ذكرت أنو هو عبارة عن قانون متلو متل غيرو ... ولهلأ أنا متمسك بكلامي .. أنو الحل هو العقوبه الرادعة ... وكلمة رادعة تعني حتى إذا وصلنا لقطع يد السارق أو المختلس .. لأنها رادعة .. وأهم شي لاتتخيل وجود سيف وسفاح وهالمواضيع لأن الحاجة أم الأختراع .. يعني إلا ما يكون في طريقة رادعة أو قانون رادع يوافق الزمن اللي نحن عايشينوا ... وانسى شغله حبية و ببوس ايدك يا شباب .. |
||||||||
|
|
|
16/10/2005
|
#30 | ||||||
|
عضو
-- أخ لهلوب --
|
تكملة
لأن طريقة الحبية و يا شباب مضه ويا شباب حاج هي اسلوب ضعفاء ... والموضوع أكبر من هيك .
وبرجع بأول لا تتوقع مني أني بقدر بقطع رجل نملة وخليها ناقصه رجل أو إلى ألب لهالشي .. وطبعا السبب مو لأني حباب وكويس , السبب لأن في عندي رادع لهالشي .. يعني الرادع هو الأساس أما بالنسبة لموضوع بيت المال اللي كنت عم احكي عنو أو بيت مال المسلمين .. هو طريقة القروض بدون فائدة ... ولفترات متقطعة .... وهالشي صار عنا بس الحرامية شاوفوا أنو هن أحق بهالموضوع .. وهاد اسمو بيت مال ... وبعيد عن الربا .. لأن الربا هو عبارة عن دمار للمجتمع ... وهو سبب السرقات الداخلية وتشكيل العصابات وانعدام الأمن .. بعد أن تدمر حياة الشخص بشيك أو كمبيالية أو قرض يستحق الوفاء بعد الفشل .. هي قاعدة عامة ... وسبب الأمان النسبي اللي نحنا في هلأ هو عدم تفشي هالموضوع .. طبعا كلامي نسبي حتى ما تعلق عليه وهو أحد الأسباب .......... وذكري لكلمة بيت مال لأني بحترم هالكلمة .. ولأن مافي تسمية تانية ...ولأن كلمة بنك ما بتنطبق عليها ... وهي سبب ليبقى الشباب والعقول بهالبلد. وهي سبب لمنع كتير من طرق الفساد ......... بعتذر عالأطالة والخروج عن الموضوع .......... بتقدر تحذفوا اذا أحببت والسلام |
||||||
|
|
|
16/10/2005
|
#31 | ||||||
|
مشرف متقاعد
|
من باب التوضيح :
حبيب القلب و صوت المناضلين حسون، أنا بصراحة لما قلت رمز وطني قصدت المنصب (وزير الداخلية السورية) و يعني أنا قلت رمز وطني مو بطل وطني أو قومي .. و أنا معك أنو لما منجيب سيرة حدا في مناصب استخباراتية عليا بيكون في إن و اخواتها و اولاد عمها إن كان لجهة تورطهن في مخالفات للدستور بتخص حريات المواطنين و أمنهن أو لجهة تورطهن بالفساد و المحسوبيات بس بصراحة أنا ما بعرف شي عن الراحل غازي كنعان ثانيا - يا أخ SAA يعني تشعب الموضوع كثير و انا عندي تعليقات و تعقيبات تقريبا على كل شي حكيتو و على الردود اللي اجتك بس خليني اختصر ردودي بسطور معدودة : - لاحظت أنه طريقة نقاشك و علاجك و طرحك للأفكار عم تفترض جهلي شبه المطبق بكثير من الأمور في مقابل امتلاكك لخيوط الحقيقة (برجع و بقلك هذا الشي لاحظتو من اسلوب و محتوى ردودك) ما عندي مشكلة بأني بجهل كثير من المواضيع بشكل عام بس يعني لما بناقش بشي موضوع ما بدعي ما لا أعرف.. - عم تفترض انتماءاتي و خلفياتي الفكرية، ((و مو زابطة معك))، و عم تحاول ترد من هي الزاوية - يا استاذ أنا فهمت من حديثك باختصار أنك بتعتقد أنو الحل بتطبيق شريعة الله كما جاءت بالقرآن و أنو هذا الشي ما بيتم برأيك بالطريقة الشائعة و اللي بتختلف عن الجوهر ، و دليل نجاح التجربة بحسب رأيك التجربة التاريخية و الأهم المصدر (المشرع) باختصار أنا هون بعترض على نقطة محورية في نقاش الشريعة و التعاطي معها هو التفريق بين قدسيتها و نفوذها دنيويا بكلمات أخرى أنا بوافق أنو النص المقدس مقدس بالنسبة للي بيآمن فيه بس اللي ما بوافق عليه و ما بقبله هو أن يصبح من يآمن بـ و يصدق النص المقدس أتوماتيكيا هو الأصح و الأفضل و الواصل إلى سدرة المنتهى يعني هي باختصار لأنو فعلا النقاش تحول عن أساس الموضوع و عن طبيعة القسم النازل فيه
تحيا سوريا!
الحرية لسوريا و السوريين I'm going to buy this place and start a fire Stand here until I fill all your heart's desires Because I'm going to buy this place and see it burn Do back the things it did to you in return آخر تعديل Danito يوم 16/10/2005 في 05:57. |
||||||
|
|
|
17/10/2005
|
#32 | ||||||
|
عضو
-- أخ لهلوب --
|
باعتبار أنني إنسان عاقل في هذا الكون العجيب وسمعت أن هناك تشريعا قد نزل من عند الله تعالى وقد شمل كل نواحي الحياة فهذا يدعوني لدراسة جادة لهذه الشريعة لأنني دائما أسير وراء المعرفة والمعرفة الجادة
ولو على الأقل أن أسمع لمن يعرف بها ما رأيكم بعمرو خالد على قناة إقرأ؟؟؟؟؟؟؟؟ أتمنى لو تسمعوا له ولو من باب الفضول فكلكم واعون عاقلون والحمد لله وتستطيعون التمييز بين الحق والباطل فلن تخسروا شيئا وهو يدعو المسلم والنصراني للعمل يدا بيد من أجل النهضة نهضة الأمة العربية فلنضع أيدينا بأيدي بعضنا ولنبدأ العمل وكفانا استهتارا فلن نصل إلى شيء إن رمينا بالمسؤولية على بعضنا البعض ونسينا بأن أنفسنا هي أول من يجب أن نحاسبها لأن الشعور بالمسؤولية وتحديد الهدف هو الذي سيدفعنا نحو الأمام ويجعلني أرى نقد غيري هدية يجب أن يشكر عليها لأنني أريد أن أصل إلى الأفضل وأقصر الطرق لمعرفة أخطائي عن طريق ناقدي كما قال سيدنا عمر بن الخطاب رضي الله عنه : ( رحم الله امرؤا أهدى إلي عيوبي ) اللهم وفق كل من يعمل لصالح البشرية لكل خير وأيده بالبطانة الصالحة واشدد أزره اللهم وخذ كل من يريد بالإنسانية شرا ولا يرى إلا مصالحه اللهم فخذه أخذ عزيز مقتدر اللهم واجعل تدميره في تدبيره يا أرحم الراحمين اللهم أعنا على التغيير فأنت القائل : ( إن الله لا يغير ما بقوم حتى يغيروا ما بأنفسهم ) يا علي يا كبير يا متعال برحمتك أستغيث فلا تكلنا إلى أنفسنا طرفة عين مع محبتي لكم إخوتي في الإنسانية جميعا 
نحن قوم أعزنا الله بالإسلام ومهما ابتغينا العزة بغير ما أعزنا الله به أذلنا الله
قال تعالى : (قل يا أهل الكتاب تعالوا إلى كلمة سواء بيننا وبينكم ألا نعبد إلا الله ولا نشرك به شيئا ولا يتخذ بعضنا بعضا أربابا من دون الله ) إلى كل حر يضع عقيدته من وراء عقله... ويطلق عقله من أسر إرادته .... يفكر .... ليختار الذي يريد ... ولا يريد ليفرض على عقله كيف يفكر .... أهدي كلماتي |
||||||
|
|
|
08/09/2006
|
#33 | ||||||
|
عضو
|
أخوتي الأعزاء اني أراكم تقولون سمعتم رأي فلان وراي علان.....أين اراؤكم.....لماذا نحن ببغائيون؟؟؟تعالوا لنعتزل كل الاراء ونعمل بارائنا الخاصةلتطوير هذا البلد والنهوض بالامة العربية.........ثم من هو عمرو خالد...ذلك المدعي وليس الداعية....اي شخص منا يستطيع ان يكون مثل عمرو خالدبل وافضل منه......كلنا متساوون....وكلنا قادرون على العمل
|
||||||
|
|
|
29/09/2006
|
#34 | ||||
|
مسجّل
-- اخ طازة --
|
ياعيب الشوم على هيك واحد عايش بدولة تسمى على اسم حكامها وليس على اسم الارض التي ظهر منها الرسول الاعظم عليه وعلى اله ا4لصلاة والسلام بدل من ان تسمى على اسم ال سعود الفاسدين والذين لا يسمحو لاي طائفة الا الوهابين بالظهورر على الواجهة وكل الشيعة ومن يمت لهم بصلة مختفون ويعيشون في فق فس الشرق من السعودية ولا حق لهم في ثروات بلادهم فبالله عليك ايها السعودي انت الذي يجب ان تقييم من يجب ان يكون وزير للداخلية في سورية او انت الذي يحق لك يالحكم على طائفة مسلمة اذا كانت تعرف الله او لا فلو كنت تعرف الله والحق لما نطقت بهذا فو الله انت لا تعمل الا على بث الطائفية بين شباب الشعوب العربية واتمنى من اصدقائنا في هذا المنتدى ان ينتبهوا الى هولاء الناس الحاقدين على السوريين
|
||||
|
|
|
04/10/2006
|
#35 | |||||||
|
عضو
|
اقتباس:
free your mind
الإنسان الوحيد الذي لا يخطئ أبدا هو الإنسان الذي لا يعمل أبدا |
|||||||
|
|
بمناسبة انتحار الطاغية البعثي العلوي غازي كنعان عليه لعنة الله ومثواه جنهم وبئس المصير هو وزمرته الطغاة وعشمنا ان ياتي شخص بدلا من هذا الطاغية يخاف الله في عباده ويعامل الناس كما امره الشرع واتمنى ان يتولى منصب وزير الداخلية ان يكون من دمشق وان يكون سني وليس علويا |
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 10:25 (بحسب عمك غرينتش الكبير +3)