أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > فن > أدب > الشعر

إضافة موضوع جديد  إضافة رد
 
أدوات الموضوع
قديم 25/03/2006   #1
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي جوزيف حرب


مرحبا

هالموضوع رح يضم اجمل اشعار الشاعر الكبير يللي تقريبا كلنا منردد كلماتو و ما حدا بيعرف انها الو

الشاعر و المطرب جوزيف حرب

عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش ..
حش الحشائش في حشيش محشش ..
حشاش يا أخا الحشيش ..
حشش على تحشيش محششنا القديم ..
سوريا الله حاميا
jesus i trust in you
  رد مع اقتباس
قديم 25/03/2006   #2
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


لما ع الباب


لما عالباب يا حبيبي منتودع
بيكون الضو بعدو شي عم يطلع
بوقف طلع فيك و ما بقدر أحكيك
وبخاف تودعني و تفل و ما ترجع
بسكر بابي شوفك ماشي عالطريق
فكر أنزل أركض خلفك عالطريق
و تشتي عليي ما تشوفك عينيي
و أنا أركض وراك أمدلك أيديي
و أندهلك أنطرني حبيبي و ما تسمع
ما رح ترجع بعرف أنن غيروك
يا حبيبي و عذبوني و عذبوك
سهروا عينينا و فرقوا أيدينا
و صرنا كتير نخاف اذا نحنا تلاقينا
ما بنتلاقى الا وقت اللي منتودع
  رد مع اقتباس
قديم 25/03/2006   #3
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


حبيتك تا نسيت النوم


حبيتك تنسيت النوم يا خوفي تنساني
حابسني براة النوم و تاركني سهراني
أنا حبيتك حبيتك أنا حبيتك حبيتك
بشتاقلك لا بقدر شوفك و لا بقدر احكيك
بندهلك خلف الطرقات و خلف الشبابيك
بجرب إني إنسى بتسرق النسيان
و بفتكر لاقيتك رجعلي اللي كان
و تضيع مني كل ما لاقيتك
حبيتك حبيتك أنا حبيتك حبيتك
يا خوفي إبقى حبك بالإيام اللي جايي
و اتهرب من نسيانك ما اتطلع بمرايي
حبسي أنت أنت حبسي و حريتي أنت
و أنتا اللي بكرهو و اللي بحبو أنت
يا ريت ما سهرت و خفيتك
حبيتك حبيتك أنا حبيتك حبيتك
  رد مع اقتباس
قديم 25/03/2006   #4
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


البواب

على باب منوقف تنودع الأحباب نغمرهن و تولع ايدينا بالعذاب
و بواب بواب شي غرب شي صحاب شي مسكر وناطر تيرجعوا الغياب
أه البواب
وقت اللي بلوحلك و بسكر الباب بياخدني الحنين
بفكر رح اشتقلك بفكر عا هالباب رح انطر سنين
أه يا باب المحفور عمري فيك رح انطر و سميك باب العذاب
في باب غرقان بريحة الياسمين في باب مشتاق في باب حزين في باب مهجور أهلو منسيين
هالأرض كلا بيوت يا رب خليها مزيني ببواب و لا يحزن و لا بيت و لا يتسكر باب
  رد مع اقتباس
قديم 25/03/2006   #5
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


ورقو الأصفر


ورقو الأصفر شهر أيلول تحت الشبابيك
ذكرني و ورقو دهب مشغول ذكرني فيك
رجع أيلول و أنت بعيد بغيمي حزيني قمرها وحيد
بيصير يبكيني شتي أيلول و يفيقني عليك يا حبيبي
ليالي شتي أيلول بتشبه عينيك
يا ريت الريح إذا أنتا نسيت حبيبي أول الخريف و ما جيت
ينساها الحور و قمرها يغيب و ليلا يطول
و نبقى حبيبي غريبي و غريب أنا و أيلول
  رد مع اقتباس
قديم 25/03/2006   #6
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


فيكن تنسو


فيكن تنسو صور حبايبكو
فيكن تنسو لون الورد و ورق رسايلكو
فيكن تنسو الخبز الكلام أسامي الأيام و المجد اللي الكن
لكن شو ما صار ما تنسو وطنكن
أنا البيسموني الملكة بالغار متوج زمني
و مملكتي ما فيها بكي و جبيني و لا مرة حني ما حني
شعبي دهبي فرحي و غضبي
بترك صوتي و ما بترك وطني
  رد مع اقتباس
قديم 25/03/2006   #7
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


خليك بالبيت


خليك بالبيت هلق حبيت
رح كون وحيدي وحدي فليت
الله يخليك خليك بالبيت خليك
خليك بالبيت هلق حبيت
رح كون حبيبي وحدي فليت
الله يخليك خليك بالبيت خليك
خليك لا تروح مشتاقة ليك
خليك كتير حبيت عينيك
و ما بعرف ليش و بغار عليك
الله يخليك خليك بالبيت خليك
ما تضل عالباب كرمالي فوت
ما خلى الليل طرقات و بيوت
ضجراني و شوب و كتير سكوت
الله يخليك خليك بالبيت خليك
  رد مع اقتباس
قديم 25/03/2006   #8
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


نبقى سوى


من يوم التكون يا وطني الموج كنا سوى
ليوم البيعتق يا وطني الغيم رح نبقى سوى
تاجك من القمح تمنيتلك السلام
و شعبك بيحبك لتبرد الشمس و توقف الإيام
عا رماد اللي راحوا عا خاتم الزمان
على حجار السود اللي بقيو من الحيطان
عا منديلك إمي عا بواب البيوت
عم بكتب يا وطني الوطن ما بيموت
و أنت أنت من يوم اللي كنت أنت
رسمتك سنابل شهدا و حمام
رسمتك يا وطني وطن السلام
من إيدين الفقرا و شباك الصيادين جايي الحريي
و من الشمس المحفورة بعيون المظلومين جايي الحريي
و من الحق الضايع إلا من الشوارع
من شهدا الأرض الماتوا للأرض وجوهن منسيي
جايي النصر و جايي الحريي
  رد مع اقتباس
قديم 25/03/2006   #9
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


ما قدرت نسيت


زعلي طول أنا وياك و سنين بقيت
جرب فيهن أنا إنساك ما قدرت نسيت
لو جيت نهار عابيتي لقيت إنك حبيبي بغيابي جيت
بتشوف إن ما مرقوا إلا إيديك على هالبيت
كإنك حبيبي و أنت عينيك هلق فليت
يا ريتك هون حبيبي و ليل
و يكون نبيد و شمع الليل
و أكتبلك عا ورقة حتى ما قول ما بقدر قول
يا ريتك مش رايح يا ريت بتبقى عطول
  رد مع اقتباس
قديم 25/03/2006   #10
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


اسوارة العروس

اسوارة العروس مشغولي بالدهب
و انت مشغول بقلوب يا تراب الجنوب
رسايل الغياب مكتوبه بالسهر
و انت بالعز مكتوب يا تراب الجنوب
و بتولع حروب و بتنطفي حروب
و بتضلك حبيبي يا تراب الجنوب
اللي حامل عكتافو زيتون و سنابل
قلعة بحر صور صخرة جبل عامل
اللي حامل وراق شعرا و عشاق
القمر مخبيلن لعراسن خواتم ما بيقدر يحمل ظالم
و شو ما اجا شعوب و شو ما راح شعوب
كلن راح بيفلو و بيبقى الجنوب
لما بغني اسمك بشوف صوتي غلي
ايدي صارت غيمي و جبيني علي ... يا جنوب
الشمس بتطلع سودا و بيبس الموج
اذا بفكر انو ترابك مش الي
و يا شعب الشعوب الأقوى من الحروب
بتبقى اذا بيبقى يا شعب الجنوب
  رد مع اقتباس
قديم 25/03/2006   #11
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


بليل وشتي


بليل و شتي صوتو مسموع يا هوي اغمريني يا هوي دموع
تنين عاشقين قاعدين دايبين عميحكو سوا على ضو شموع
عينيهن ببعضن إيديهن بردانين و شفافن عشاق مع بعض سهرانين
و مرقي يا سنين و تلجي يا سنين
خلي بواب الليل علينا مسكرين أه ولا يعطش حدا منا و لا يجوع
بلون الفراق ال بآخر قصتن ع خيوط الشتي مكتوبي سهرتن
و ما بين بوستن ع الشمع و آهتن
كل ما تذكرو هالباب بتنزل دمعتن أه اللي من جمرتا قلبن موجوع
  رد مع اقتباس
قديم 25/03/2006   #12
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


اسامينا


اسامينا شو تعبو أهالينا تلاقوها و شو افتكرو فينا
الأسامي كلام .. شو خص الكلام .. عينينا هني أسامينا
لا خضر الأسامي و لا لوزيات
لا كحلي بحري و لا شتويات
و لا لونن أزرق قديم ما بيعتق
و لا سود وساع و لا عسليات
و لا فيهن دار دار الخمار
علينا و بلش يسقينا
تلج و ورق طاير و المسا حزين
و ضباب و قناطر نحنا بردانين
لملمنا أسامي اسمي عشاق
من كتب منسيي و قصايد عتاق
و صرنا نجمع اسامي و نولع
تصارو رماد و ما دفينا
  رد مع اقتباس
قديم 25/03/2006   #13
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


لبيروت


لبيروت من قلبي سلامٌ لبيروت و قُبلٌ للبحر و البيوت لصخرةٍ كأنها وجه بحارٍ قديمِ
هي من روحِ الشعب خمرٌ هي من عرقِهِ خبزٌ و ياسمين فكيف صار طعمها طعم نارٍ و دخانِ
لبيروت مجدٌ من رمادٍ لبيروت من دمٍ لولدٍ حُملَ فوق يدها أطفأت مدينتي قنديلها
أغلقت بابها أصبحت في السماء وحدها ... وحدها و ليلُ
أنتِ لي أنتِ لي أه عانقيني أنتِ لي رايتي و حجرُ الغدِ و موج سفرٍ
أزهرت جراح شعبي أزهرت .. دمعة الأمهات .. أنتِ بيروت لي أنتِ لي أه عانقيني
  رد مع اقتباس
قديم 26/03/2006   #14
شب و شيخ الشباب قليل مروة
عضو
-- أخ لهلوب --
 
الصورة الرمزية لـ قليل مروة
قليل مروة is offline
 
نورنا ب:
Aug 2005
المطرح:
بتعلوس انجلوس
مشاركات:
240

إرسال خطاب MSN إلى قليل مروة بعات رسالي عبر Skype™ ل  قليل مروة
افتراضي


شكرا كتير كتيروفي شغلة ما بعرف اذا كنت بتعرفا
وهي اغنية زعلي طول/ جوزيف حرب كتب كلمات الغنية بعد ما سمع الموسيقا يلي عملا زياد لاغنية انا عندي حنين وفيلمون عمل لحن انا عندي حنين فشاف زياد والسيدة ام زياد انو لحن فيلمون مناسب اكثر لاغنية انا عندي حنين/بعدين سمع جوزيف اللحن يلي كان عاملو زياد وكتب الكلمات على اللحن هاد المعلومة من لقاء خليك بالبيت مع الشاعر الكبير جوزيف حرب
  رد مع اقتباس
قديم 26/03/2006   #15
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


اقتباس:
كاتب النص الأصلي : قليل مروة
شكرا كتير كتيروفي شغلة ما بعرف اذا كنت بتعرفا
وهي اغنية زعلي طول/ جوزيف حرب كتب كلمات الغنية بعد ما سمع الموسيقا يلي عملا زياد لاغنية انا عندي حنين وفيلمون عمل لحن انا عندي حنين فشاف زياد والسيدة ام زياد انو لحن فيلمون مناسب اكثر لاغنية انا عندي حنين/بعدين سمع جوزيف اللحن يلي كان عاملو زياد وكتب الكلمات على اللحن هاد المعلومة من لقاء خليك بالبيت مع الشاعر الكبير جوزيف حرب
لا والله ما كنت بعرفا

شكرا ع المعلومة الرائعة

يا زلمة هي الغنية بالزات (زعلي طول) بتحطني ع غيوم الجنة بس اسمعها، كلمات و لا اروع و لحن و لا اجمل
  رد مع اقتباس
قديم 18/09/2007   #16
شب و شيخ الشباب مزعل كل البنات
مسجّل
-- اخ طازة --
 
الصورة الرمزية لـ مزعل كل البنات
مزعل كل البنات is offline
 
نورنا ب:
Dec 2006
مشاركات:
7

افتراضي


يا ريت اذا عندك كتب لجوزف تنزلهن هون... أو أشعار الو غير اللي غنتها فيروز
  رد مع اقتباس
قديم 29/08/2009   #17
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


لما بطلّع بالشجر..

بعرف من التلويح..

قدّيش هالساعة..

بإيد الريح

.






من ديوان (طالع ع بالي فل)

ربما كان عدم الاتفاق أقصر مسافة بين فكرين. (جبران النبي)
  رد مع اقتباس
قديم 29/08/2009   #18
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


بيوت

لا بتعرف مفاتيحهن بابي..

ولا بتعرف بوابن مفاتيحي..

بيوتن حجر..

وبيتي أنا روحي..

بحضّر سهر للحزن..

كل الليل..

وبالنهار..

برتّب جروحي

.
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 04:19 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.09030 seconds with 14 queries