أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 25/07/2006   #1
شب و شيخ الشباب tiger
مشرف متقاعد
 
الصورة الرمزية لـ tiger
tiger is offline
 
نورنا ب:
Mar 2006
المطرح:
الجنة
مشاركات:
2,700

افتراضي نتائج الثانوية وصراعنا مع المغول ...


ثابر إلى الأمام يا عصفور يادكتور المستقبل, هذه وغيرها من العبارات التي تتحفنا بها الكثير من المدرسات وذلك لتشجيع الطفل الصغير للعمل بجد أكبر ليصير دكتوراً يعاين الفقراء بالمجان ( يا عيني عليهم شقدهم طيبين ... ) ومنهم من يظن أنه عصفور فيذهب ويلقي بنفسه من مكان مرتفع ليقع ويصيح بكاء وعويلاً ....

المهم هدفي من هذه المقدمة هو أننا ومن صغرنا تُزرع فينا بشكل مباشر وغير مباشر أفكار وكلمات تحدد مستقبلنا وطريقة تفكيرنا فيما سنصبح عندما نكبر وكيف سننتسب إلى نقابة الأطباء أو كيف سنشيد الأبنية العالية بعد التخرج من الهندسة المدنية أو كيف سنعد أسنان المريض ونشتم روائح غريبة وعجيبة بعد أن نتخرج من كلية طب الأسنان, وللأسف لا أحد يفكر فيما نريده نحن أو ماهي هواياتنا أو ماذا نتقن أو حتى ماذا يحتاج الوطن من مهن انقرضت من مجتمعاتنا, فالأم تريد أن تتباهى بابنها أمام الجارات والأب يريد تحقيق ذاته عن طريق ابنه بعد أن فشل في أن يكون ما أراد أن يكونه وهو صغير...

نتائج الثانوية العامة وكما كل سنة تحدث ضجة كبيرة فمنهم من يبكي فرحاً ومنهم من يبكي حزناً وآخر يبكي لأن أباه سيخجل أمام أصدقائه أو أمه ستحرج أمام جاراتها, فهو لم يحصل العلامات التي تدخله كلية الطب أو الصيدلة أو أضعف الإيمان كلية هندسة ما, المهم أن يتباها الأب وتزهو الأم أما ذلك المسكين "الطالب(ة)" فلا حول له ولاقوة إلا من رحم ربك واستطاع أن ينجو من فخ العادات والأفكار القديمة التي تعتبر أن من لايدخل كلية الطب فهو فاشل أو أن من يدرس في كلية الاقتصاد ليس إلا محاسب بسيط بقميص له كمين مميزين للحماية من الأحبار والأوراق, أما الذي يدرس في كلية الزراعة فهو فلاح مثقف ... والكثير غيرها من الأفكار الغريبة التي تضحك وتبكي بنفس الوقت.

أحمد كانت نتيجته فوق الـ 230 علامة ما عدا مادة التربية الدينية, فيقفز أهله فرحاً ويحيون الليالي الملاح وهنا تكون المهمة انتهت لأن ابنهم أصبح طبيبا سيشارك في تضميد جراح أجساد الإخوة في فلسطين ولبنان والعراق وربما جراح عقول بعض العرب التي بدأت تتعرض لجنون الغباء أو مهندساً سيعيد بناء الجولان وجنوب لبنان وغزة ونابلس وجنين ونسوا أنه مازال أمامه الكثير والكثير ليتعلمه ورحلة التعب قد بدأت للتو.

أما عوعو فحصّل أقل من 200 علامة ( شو كان عم بساوي طول السنة ) فلقد ارتكب خطأ سيكلفه عدة أسابيع من العبوس والتشاؤم والحرج وغيرها من التفاصيل الأخرى التي لاشك ترونها كل يوم من خلال أصدقائكم أو أهاليكم أو جيرانكم, أما عوعو فهو يريد أن يدخل كلية الآداب لدراسة التاريخ ويتخصص في التاريخ العربي والصراعات التي خاضتها أمتنا مع الطامعين والمحتلين على مدى العصور والقرون, فتهب بوجهه أمم الأرض كلها لتقول: تاريخ!!!!!! وماذات ستعمل بعد أن تنتهي من الدراسة, معلم؟؟؟!!!!! من أين ستأكل؟ وكيف ستعيش؟ هل ستبيع تاريخك لأعدائك وتذل نفسك أم ستحفر الأرض بحثاً عن جثث ضحايا مجزرة كفر قاسم ودير ياسين, أم ستحكي قصة صبرا وشاتيلا وذلك المسخ الذي ارتكبها.

أعلم أن آباءنا يريد الأفضل لنا دائماً, لكن هل الأفضل أن يكون كل الشعب أطباء أو مهندسين, من سيعلمنا تاريخنا المجيد وطرد بني النضير وبني القينقاع وبني قريظة وفتح حصن خيبر وحرب تشرين التحريرية وذكرى تحرير الجنوب, من يصنع المعاول التي تزرع الأرض لتطعم تلك البطون الجائعة التي تهرب من قنابل محرمة دولياً. ومن سيبني بيوتاً خربتها أيادي المغول, ومن ومن ومن ؟؟؟؟

أهالينا الكرام رفقاً بأخوتنا الطلبة وانظروا نظرة متفائلة إلى أي فرع من فروع العلم أو العمل التي يختارها أخي وأختي وساعدوهم لينجحوا فيها وامنحوهم الثقة لأن الوقت فات وما فات قد مات وما هو آت آت.....

م. إسماعيل عنجريني.

في البدء لم يكن اول افعال الله انتشارا نحو الخارج , , بل طي , انقباض .....

في البدء لا بد ان الله انسحب , انطوى , ميسرا بذلك ولادة العالم .....

في البدء كان الكلمة .....

مملكتي ليست من هذا العالم .....
  رد مع اقتباس
قديم 25/07/2006   #2
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


رائع جدا
تراجيديا التعليم السوري
فالعلم في بلادنا، و منذ عام 1948، له هدف واحد فقط، و هوي "خدمة المعركة".
عال كتير، هدف سامي جدا
ما عدا مشكلة وحدة
انو عدا "حزب الله" و كم فلسطيني بحماس، و كم حمار قبرصي من جماعة القاعدة، ما حدا عم يحارب.

عندما يهدف التعليم إلى "خدمة الموت"، لا يمكن لأي أمة إلا ان تكون كأمتنا، مهزومة، مكسورة، و ملتعن سلاف اللي خلفها

المشكلة اكبر من التعليم، فحياتنا كلها مرهونة للحظة الموت القاسية
إما ان ننتصر، او ان نموت. او "نستشهد" على اساس انو يللي بيستشهد ما بيموت (نظرية حمقاء لا يؤمن بها سوى الفشلة، و ما اكثرهم في بلادي)، جاعلين من النصر، غاية حقيقية، ليس لحياتنا معنى بدونها
اليابان هزمت، و هي اليوم ثاني اقوى اقتصاد في العالم
المانيا كذلك، و هي اقوى ممن انتصروا عليها

هل فكرنا يوما ان يكون التعليم لخدمة الحياة؟
هل فكرنا للحظة ان يكون النصر مجرد وسيلة لحياة اكرم؟

لا

فالنصر غاية، و بعدها مو مشكلة ازا عدنا لنحيا كما كانوا يعيشون قبل الف سنة، كما كنا نعيش بآخر مرة انتصرنا فيها

لقد فرغنا حياتنا من جميع معانيها سوى من لحظة النصر المنتظرة
فالعلم الجيد هوي ما يخدم المعركة
و الادب الجيد هوي ما يصور المعركة، و يمجد النصر الآتي مع قرع اجراس العودة
و الفن الجيد هوي ما يرفع معنويات المقاتلين الذين سيموتون لا محالة لأنه مطلبهم الاساسي

و كل ما عدا ذلك، هوي خيانة، او كفر، او انهزام

هل نحن حقا خير امة اخرجت للناس؟
هل نحن حقا ابناء الحياة؟؟؟

عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش ..
حش الحشائش في حشيش محشش ..
حشاش يا أخا الحشيش ..
حشش على تحشيش محششنا القديم ..
سوريا الله حاميا
jesus i trust in you
  رد مع اقتباس
قديم 25/07/2006   #3
صبيّة و ست الصبايا ري مي
عضو
-- زعيـــــــم --
 
الصورة الرمزية لـ ري مي
ري مي is offline
 
نورنا ب:
Jan 2006
مشاركات:
1,210

افتراضي


ااااااااااخ موضوعك بيوجع
كل كلمة كتبتا 100% عايشا أي واحد سوري
بدك حدا يقتنع انو مو كل طبيب طبيب ...نصون ما عم يشتغلو مظبوط
صار فيه عنا بين كل صيدلية وصيدلية صيدلية جديدة والخير لقدام
لاء والانكى انو اذا كنت انت ورفيقك بشي محل وحدا سألكون شو عم تدرسو وانت قلت (....) ورفيقك قال طب أو صيدلة او هندسة
وقتا شوف الفرق بالنظرة والمعاملة
يعني لازم الناس تقتنع بقا انو سوريا بحاجة لكل الاختصاصات حتى الرقص
بس ما بتصور ب100 سنة بيقتنعو

أمام المواقف غير المتوقعة التي تضعنا فيها الحياة.
أحب أن يتبع المرء مزاجه السري,ويستسلم لأول فكرة تخطر بذهنه دون مفاضلتها أو مقارنتها بأخرى.
فالفكرة الأولى دائما على حق مهما كانت شاذة وغريبة لأنها وحدها تشبهنا.
.......
خلي حبنا يمشي ع المي وما يغرق
  رد مع اقتباس
قديم 25/07/2006   #4
شب و شيخ الشباب tiger
مشرف متقاعد
 
الصورة الرمزية لـ tiger
tiger is offline
 
نورنا ب:
Mar 2006
المطرح:
الجنة
مشاركات:
2,700

افتراضي


هذا موضوع طويل عريض وبيتفرع عنو كتير موضوعات لانو بينكش في اعماق مجتمعنا الخربان....
وهذا سؤال سألتو لنفسي ايام البكلوريا... يعني اذا كل العالم بدها تصير دكاترة شو بيصير بالبلد!!!!
وطبعا هالمشكلة منطلقة من اكتر من شغلة.. برستيج (مكانة اجتماعية) - الدكاترة دايما اغنياء ( ما بعرف ليش?!!!)
وما بعرف ليش هالعالم ما بقى تفهم انو نقطة عرق من عامل شريف اقدس بمليون مرة من اي منصب اجتماعي .....

انا باعتقد مشكلتنا هي بالاحترام وانو بدنا كتير لنتعلم نحترم بعض ... نحترم كل المهن ونعرف انو ما بنقدر بلاهون ... وانو الانسان مو مكانة اجتماعية ومهنة.....
اخخخخ تركوها بلقلب تجرح .....لك لسى الناس عم تكفر بعض وعم تقتل بعض على هالاساس فلسى الطريق طويلة لنتعلم نحترم الاخر لانو هو وبكل بساطة فقط انسان
  رد مع اقتباس
قديم 25/07/2006   #5
شب و شيخ الشباب tiger
مشرف متقاعد
 
الصورة الرمزية لـ tiger
tiger is offline
 
نورنا ب:
Mar 2006
المطرح:
الجنة
مشاركات:
2,700

افتراضي


لك صحي .... شكرا على مروركم.....
  رد مع اقتباس
قديم 26/07/2006   #6
صبيّة و ست الصبايا butterfly
مشرف
 
الصورة الرمزية لـ butterfly
butterfly is offline
 
نورنا ب:
Jan 2006
المطرح:
قلب الله
مشاركات:
14,333

افتراضي



شو مشان الحسد وضيقة العين ؟؟؟ خيو من تمك لبواب السما غنى ومصاري ...

أما بخصوص ليش الناس بتفضل هالمهنة ... أنا تماما وبالتفصيل صار معي شي بيشبه أحمد
الطب كمهنة مهنة مستقلة ... يعني بيشتغل الواحد لحالو .. وبرأس مال صغير نسبيا ...
وكمان قيمتا الأنسانية والتاريخية بتعطيا عند الناس بعد تاني ...
وبيصير الدكتور مواطن نخب أول ... عاللقب بس ....
بعدين ليش كتير عم ننكر ... هالناس تعبت لوصلت لهون ... تميزت ... جمعت أكتر ... لهيك يمكن بيحقلون .. يتقدروا ...


أما بخصوص المواهب ... الدراسة عنا بسوريا ما بتكتشف موهبة حدا ... بالعكس ممكن تقتل عندك كتير كتير كتير مواهب ... أنا وقفت رسم وقت كنت صف خامس يمكن .. لأنو طلعت التانية عالصف لأني مروحة علامتين بالرسم ...

انك " فقير إلى الآخر " كما هو فقير إليك " وأنك محتاج إلى الآخر ، كما هو محتاج إليك
الأب جورج

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


  رد مع اقتباس
قديم 27/07/2006   #7
شب و شيخ الشباب tiger
مشرف متقاعد
 
الصورة الرمزية لـ tiger
tiger is offline
 
نورنا ب:
Mar 2006
المطرح:
الجنة
مشاركات:
2,700

افتراضي


اقتباس:
كاتب النص الأصلي : butterfly

شو مشان الحسد وضيقة العين ؟؟؟ خيو من تمك لبواب السما غنى ومصاري ...

أما بخصوص ليش الناس بتفضل هالمهنة ... أنا تماما وبالتفصيل صار معي شي بيشبه أحمد
الطب كمهنة مهنة مستقلة ... يعني بيشتغل الواحد لحالو .. وبرأس مال صغير نسبيا ...
وكمان قيمتا الأنسانية والتاريخية بتعطيا عند الناس بعد تاني ...
وبيصير الدكتور مواطن نخب أول ... عاللقب بس ....
بعدين ليش كتير عم ننكر ... هالناس تعبت لوصلت لهون ... تميزت ... جمعت أكتر ... لهيك يمكن بيحقلون .. يتقدروا ...


أما بخصوص المواهب ... الدراسة عنا بسوريا ما بتكتشف موهبة حدا ... بالعكس ممكن تقتل عندك كتير كتير كتير مواهب ... أنا وقفت رسم وقت كنت صف خامس يمكن .. لأنو طلعت التانية عالصف لأني مروحة علامتين بالرسم ...
انا معك بكل ياللي قلتيه ...
لكن قصدي كان انو مو لازم كل الناس تركز على مهنة واحدة لانها بتعطي مكانة اجتماعية ومصاري...كل مهنة ممكن انو تتميزي فيها وتعطيكي نفس النتائج ....
المهم انو تكون بتحبي المهنة ومؤمنة فيها وبنفسك...
وبشان الغنى والمصاري استني شوي انا متأكد انو رح يجو بس تبلشي حياتك العملية......
  رد مع اقتباس
قديم 27/07/2006   #8
صبيّة و ست الصبايا ري مي
عضو
-- زعيـــــــم --
 
الصورة الرمزية لـ ري مي
ري مي is offline
 
نورنا ب:
Jan 2006
مشاركات:
1,210

افتراضي


بس خيتو الطب كان يجيب مصاري هلق بتلاقي الدكاترة قاعدين واذا الواحد منهم ما هلك ما بين مشفى وعيادة ومناوبات واسعاف ليلي
بيضل مغمور وخاصة بالمدن الصغيرة
يعني الواحد بعد الدرس وتعبة القلب بيجيه شغل فظيع
وبعدين يعني انا باعتباري فيه اختصاصات كتير مهمة ومهملة ببلادنا ومو لازم يفوت عليها غير المتفوقين متل الرياضيات

وتحياتي
الي عودة
  رد مع اقتباس
قديم 27/07/2006   #9
صبيّة و ست الصبايا butterfly
مشرف
 
الصورة الرمزية لـ butterfly
butterfly is offline
 
نورنا ب:
Jan 2006
المطرح:
قلب الله
مشاركات:
14,333

افتراضي


اقتباس:
كاتب النص الأصلي : ري مي
بس خيتو الطب كان يجيب مصاري هلق بتلاقي الدكاترة قاعدين واذا الواحد منهم ما هلك ما بين مشفى وعيادة ومناوبات واسعاف ليلي
بيضل مغمور وخاصة بالمدن الصغيرة
يعني الواحد بعد الدرس وتعبة القلب بيجيه شغل فظيع
وبعدين يعني انا باعتباري فيه اختصاصات كتير مهمة ومهملة ببلادنا ومو لازم يفوت عليها غير المتفوقين متل الرياضيات

وتحياتي
الي عودة
لك لأ خيت مو هيك ... هادا صيت هني بيطالعووه مشان ما حدا يقر
عنا بالأسنان الدكتور بيتخرج بعد سنة بيكون عندو سيارة ( مو حسد يعني بس كمثال ) مع انو لسى بالريف ...
أما بخصوص المتفوقين .. اختيار الفرع ما عم يتم حسب صعوبتو ... بل حسب المهنة اللي بيأمنا بعدين ...
  رد مع اقتباس
قديم 27/07/2006   #10
شب و شيخ الشباب TheLight
مشرف
 
الصورة الرمزية لـ TheLight
TheLight is offline
 
نورنا ب:
May 2006
المطرح:
عند ساركوزي اللعين..
مشاركات:
3,091

افتراضي


انا يا جماعة راح اعطيكون الاسباب يللي بعضها دفعني متل ما دفع غيري لدراسة الطب
1 الحالة الاقتصادية المتواضعة التي يعيش فيها معظم المواطنين السوريين
2 الرغبة بالتمييز اجتماعيا وان كان هذا التمير سطحي و على مستوى اللقب فقط
3 الرغبة في مواكبة ركب العائلة في بعض الحالات حيث يكون كل افراد العائلة اطباء
4 الرغبة في السفر خارج البلد والاستقرار في بلد اخر ولطالما كانت دراسة الطب هي الطريقة الاكثر سهولة لفعل ذلك ع الرغم من مثات المعوقات
اما فكرة كثرة عدد الاطباء في سوريا وكذلك الصيادلة وغيرهم فهي جزء من المشكلة الاكبر التي تعيشها سورية وهي الزيادة المهولة في تعداد السكان والتي تبلغ نصف مليون سنويا اي بمعدل 3.8 % ممثلة بذلك ثاني اعلى نسبة في العالم
وشكرا

I am quitting...
  رد مع اقتباس
قديم 28/07/2006   #11
صبيّة و ست الصبايا ري مي
عضو
-- زعيـــــــم --
 
الصورة الرمزية لـ ري مي
ري مي is offline
 
نورنا ب:
Jan 2006
مشاركات:
1,210

افتراضي


[quote=butterfly]لك لأ خيت مو هيك ... هادا صيت هني بيطالعووه مشان ما حدا يقر
عنا بالأسنان الدكتور بيتخرج بعد سنة بيكون عندو سيارة ( مو حسد يعني بس كمثال ) مع انو لسى بالريف ...
اي بس الطب البشري الله يعين أنا اختي يهالمجال وعنجد الله يعين
أما بخصوص المتفوقين .. اختيار الفرع ما عم يتم حسب صعوبتو ... بل حسب المهنة اللي بيأمنا بعدين ...[/quote]
للاسف انو هالموضوع صحيح بتعرفي رفيقتي كانت متفوقة بالبكالوريا جابت 234 بدون ديانة
وبدون دروس خصوصي
وكان حلمها الرياضيات
بس دخلت صيدلة لانها بتامن لها مستوى افضل ومهنة مريحة ولانو يمكن المجتمع ما بيرحم لو دخلت فرع بالعرف العام عادي متل الرياضيات

اي مكان بيحترم حالو لازم يحترم علماؤه
وللاسف عنا اللي بيدرس فرع متل رياضيات او فيزيا خلص حكما صار مصيره (أستاذ مدرسة ثانوية)
بأحسن الاحوال
يعني ما في بحوث ما فيه قيمة لهالنوع من العلم ببلدنا لا من قبل الناس والمجتمع ولا غيرو
وإذا بدك تعرف مقدار تطور اي بلد المؤشر الاول هوي مستوى العلم +القضاء
وما في داعي احكي عن الوضع هون بهالمجالين لانو صار عرض المشكلة ممل
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 16:12 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.15872 seconds with 14 queries