القبيسيات من هم؟

[ابو عمير السوري]

كاتب النص الأصلي : The morning

أنا ما كنت اعرف شي عن هالقصص بنوب حتّى ما كان الي خبر انّو في شـي اسمـه قبيسيات و من الجيّد انو صار حديث و عرفت لكن السـؤال اللي خـطر لبالي هو انّو ليش بـسموهم قبيـسيات مش قبيسين بقصد يعني مافي ذكـور بهالجماعات يعني ؟؟

يلي بيعرف دمشق هنن موجودين معنا بكل مكان هنن جماعة ندروا أنفسهم لتعليم الجيل الناشئ الخلق الجيد بلاضافة لتعاليم ديننا متل ماهي مكتوبة بالكتب لهم روضات أطفال كثيرة منها مثلا روضة الأنس بالمزة دار الفرح وفروعها يعني هنن أشبه بالراهبات وهبو نفسهم لخدمة الدين والمجتمع

[Barleb]

المضوع أنفتح بـ الأخوية من قبل

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

كاتب النص الأصلي : krimbow

اي بس يعني بيكفي انو تقوم هالشخصية بأي فتوى مهما كانت صحيحة .. لحتى كون ضدها

[VivaSyria]

كاتب النص الأصلي : ابو عمير السوري

دقت الباب شقيقتي الصغيرة ذات التسع سنين أتية من حفلة اختتام دورة تحفيظ القرأن في أحد الجوامع يقيمها من تطلقون عليهم اسم القبيسيات تأملتها فتاة صغيرة جميلة شعرها طويل مرتدية فستان جينز جميل وتحته كندرة حمراء تلمستها كاملة لم نفقد منها شيء عقلها اسم الله عليها هي هي توسعت مداركها وتعلمت تستفاد من وقتها وكلوا عال العال عموما القبيسيات هنن جماعة ندرت نفسها لخدمة وتربية الأجيال الله يعطيهم العافية تعبناهم معنا

دمعت عيوني وأنا عم اقرا قصتك..

حسيتك عم تحكي قصة ساندريلا.. بس ما قلتلي شقيقتك ذات التسع أعوام بعد كم سنة من دروس من هالنوع برأيك رح تبقى هي هي و"لن" تفقد شيئاً من عقلها؟؟

ولعلمك توسيع المدارك والاستفادة من الوقت له طرق أخرى ونتائجها مضمونة أكثر من بوس إيد "الأنسة".

[suryoyo]

كاتب النص الأصلي : ابو عمير السوري

يعني هنن أشبه بالراهبات وهبو نفسهم لخدمة الدين والمجتمع

يا اخي العربي ...

كل حالة مستقلة بذاتها ...

الرهبنات تابعة لمؤسسات رسمية .. معروف كل شيئ عنها و كل شيئ عن تعاليمها ... و عن المؤسسات الاجتماعية اللي تحت رعايتهم ...


و لذلك ... باب المقارنة ... غير مفتوح أبدا !!

[ابو عمير السوري]

كاتب النص الأصلي : VivaSyria

دمعت عيوني وأنا عم اقرا قصتك..

حسيتك عم تحكي قصة ساندريلا.. بس ما قلتلي شقيقتك ذات التسع أعوام بعد كم سنة من دروس من هالنوع برأيك رح تبقى هي هي و"لن" تفقد شيئاً من عقلها؟؟

ولعلمك توسيع المدارك والاستفادة من الوقت له طرق أخرى ونتائجها مضمونة أكثر من بوس إيد "الأنسة".

بوسة الايد هي سمعتها منك ....اي نعم شفتها عند بعض المشايخ الرجال أنا مابحبذها كل مين الو اسلوبه وتفكيره ونمط شخصيته على قصة الدروس هي تحفيظ وشرح معاني القرأن أكثر من أنو دروس بعدين لاتخاف مراقبين بشكل جيد من الدولة لو في شي كان منعوهم على كل ممكن تتبع نشاطهم بمدارسهم متل دار الفرح بالمهاجرين وفروعها حتى الجماعة عندهم مسرح للأطفال مالو مخهم مسكر متل ما متصوريين

[saman]

ليكي عيني وايت روز وانتي التانية باحبتها ..."صاحبة الموضوع " ...
الموضوع برأيي رح يصير فيلت وعجن زيادة عن الموضوع ..... بقا حاجة لف ودوران وخلصونا ... حضرتك يا " صاحبة الموضوع " قلنالك مين هني القبيسيات وجاوبناكي على سؤالك .... بقا ماعاد في داعي لللف والدوران انتي وياها ....
لسا كنا بالقبيسيات صرنا بالمسيحيين والشيعة والعلوية والسنة والمرشدية ... يعني لشو الطلعة عن الموضوع ... نحكي بهادا المحور فقط .... شو رأيكن!!!

يعني من الملاحظ انو انتنَّ عم تشعلوا فتيشات طائفيةوترموها ....بقا بحب طمنكن .... هالفــــتـــيــــشـــــات فــــافـــــــوش ....

[saman]

اجا قرايبهن التاني ... شكلك انت فتيشاتك اكبر ....
بس ما رح تزبط معك لا انت ولا هني ....ما في امل ...


يا عيني والله قصص الطلاق ملاينة بالبلد من ورا الآنسات ... على هي يلي بتكون متجوزة ... وبتقلها الآنسة جوزك كافر وفاسق ... لازم تتطلقوا... بتروحبتتطلق المرا الحوبة ......والآنسة بتجبلها عريس يا بيكون اخوها يا ابنها يا مدري مين من قرايبينها .............. ((وطبعاً بتكون الطالبةغنية يعني مو لشي الآنسة جابتلها عريس من قرايبينها ))

بقا لا تقعد تقلي ايمان وصلاح المجتمع والدين ومن هالحكي الفاضي والعلاك المصدي ... الله يرضى عليك

[Marooshe]

اول مرة بسمع عن هلجماعة... بس هيئتهن شي كتير مقرف... اللة ستر وما عنا منهن هون...

[Abu ToNi]

بالنسبة لشخص ما بيعرف شي عنهم اسمحوا لي اهنئكم على خمس صفحات بتحمل بطياتها معلومات من كافة المجالات باستثناء الموضوع وانا عبقرا المشاركات حسيت بايدي ريمونت كونترول وعبقلب بين القنوات... شي بندخل بالعلوية .. شي بالشيعة .. شي بالمسيحية ... شي بالماسونية ... وبالأخير انحكى بكل شي الا بالموضوع الأصلي

خلونا نرجع شوي للموضوع وبدي حط كام سؤال من باب الاستفسار على امل نرجع للموضوع

بالأول لازم يتم تحديد عن شو عمنحكي ... بدعة .. مذهب .. تنظيم سياسي ... عن شو عبتحكوا انا لهلق ما فهمت

تاني شي بعد ما نعرف على شو عمنحكي لازم نعرف كيف نشأت الحركة او البدعة او المذهب او الحزب ايا كان يكن تسميتها كيف ظهر ما يدعى بال (( قبيسيات )) بشكل بغطي عملية التأسيس ونشأة الفكرة ومكان انتشارها وعلى ايدي من ...




شو هية الشروط للانتماء الها
وهل الانتساب الها بيتطلب تغيير مذهب او تغيير معتقد ام ما بيطلب من الانسان سوى نمط حياة يعني متل ما انت مؤمن استمر بايمانك بس بمفاهيم متطورة لمفاهيمك الأصلية ( مشان ما يصير مشاكل على الجملة السابقة كون اغلب العالم بحسب ما حسيت بيعتبروا (( القبيسيات )) احد المظاهر الرجعية ... مفهوم " متطورة " كان للدلالة على الانبثاق من نفس الامتداد قد يكون تطور رجعي نحو مفاهيم متخلفة متل ما عبصير حكي بالموضوع الا انه من نفس الامتداد فبعتقد بيصلح تسميته " متطور عنـ "


وما بتقد في مانع نحكي شوي عن نقطة حكى فيها المشرف زين حول ان الحكومة السورية كانت بتحارب القبيسيات ... ليش حاربتهم ... وليش ( كانت ) بتحاربهم وهلق لا ؟! شو اللي تغير يعني


ما بدي اتفلسف على العالم وما بدي قدم ملاحظات ومحاضرات بس بعتقد صاحب الموضوع ملزم بتحديد مسار الموضوع وهدف الموضوع ... وبصراحة 5 صفحات من اللعي الفاضي مانه كتير على مقدمة متل مقدمة هيك موضوع غير موجهة لا بل متخفية ومتناقضة بنفس الوقت ...

برجع بقول انا صار عندي فضول كتير حول فكرة القبيسيات وحابب اعرف اكتر عن الاشياء اللي بتدور حولهم .

مشكور كل شخص ساهم بالرد على الشي اللي انا حابب اعرفه ومنحني معلومة جديدة بضيفها بمسيرة حياتي

[MadMax]

على هامش هالنقاش
هالجماعة ما بمثلوا غير أنفسهم
بقى يا ريت ما حدا يتحسس من الموضوع و ياخدو بشكل شخصي
أو يأوّل تأويلات بلا طعمة
ما حدا عم يناقش دينهون
عم نحكي عن أفكارهون يللي عم يحاولو يخلطوها بالدين .... لاضفاء القدسية عليها

[ooopss]

بدأن من سوريا ويتميزن بالحجاب الكحلي
"القبيسيات" حركة إسلامية نسائية غامضة عضواتها يزدن عن 70 ألفا


فتيات سوريات محجبات أمام احدى مدارس "القبيسيات
دبي- العربية.نت
من سوريا والدول العربية تواصل انتشار تنظيم "القبيسيات" الإسلامي النسائي حتى وصلت حلقاته إلى المنازل في باريس وفيينا، وصولاً إلى الولايات المتحدة الامريكية، وأشارت التقديرات إلى أن عدد عضواته بلغ ما يزيد عن 75 ألفا يدرن العديد من المنشآت الدعوية والإسلامية، ولكن هذا كله لم يقض على الغموض والتضارب في المواقف حول هذه الجماعة التي تمثل أتباع "الآنسة" منيرة القبيسي.

وكلما اتسعت الرقعة التي تنمو فيها "القبيسيات" في الشوارع والمدارس والبيوت السورية والعربية والأجنبية، زادت إثارة وتشويقاً الحكايا والأساطير حول هذه الحركة، ليبلغ بشأن "الاخوات"، وهن داعيات إسلاميات أثرن نقاشاً وانقساماً في الأوساط الاسلامية في سورية، أخيراً شبكة الإنترنت بين من يتهمهن بتشكيل "تنظيم سري خطير" وبين من يشيد بدورهن، في "فعل ما عجز عنه الرجال".
وفيما يرى البعض أن "القبيسيات" هن حركة دينية وسطية تلتزم بمنهاج أهل السنة ولا تتبنى منهجا فقهيا معينا، يتحدث آخرون ولا سيما من طائفة الأحباش اللبنانية الإسلامية عن الحركة باعتبارها امتدادا لحركات صوفية منحرفة العقيدة، وساهم من زيادة التضارب في المواقف حول هذه الحركة ذلك الغموض الذي أحاط بشخصية بل بصورة زعيمتها ومؤسستها وقلة الإنتاج الفكري المنسوب إليها.
ورغم الحذر الشديد الذي يبديه رجال الدين والخبراء في الحديث عن "الأخوات القبيسيات"، حاول الصحفي ابراهيم حميدي، في تحقيق نشرته صحيفة "الحياة" اللندنية، الاقتراب من هذه الحركة وعضواتها والمؤسسات التابعة لهن والشكل التنظيمي، ان وجد، الذي يربط بينهن.
ابتسامة الموناليزا
وحسبما يقول التحقيق الذي نشرته "الحياة" فقد كان الحصول على وصف هيئة "الآنسة" هو أقصى ما تسنى لمراسل "الحياة" الحصول عليه، من قبل شيوخ شاهدوها قبل سنوات و"داعيات" شاهدنها قريباً.
فشبّه اثنان من رجال الدين ابتسامتها بوجه موناليزا، وقال الداعية صلاح الدين كفتارو -ابن مفتي سوريا الراحل أحمد كفتارو- إنها سمراء وطويلة القامة. ونادراً ما يرى أحد وجهها من دون منديل أسود يغطيه. وهي تسكن في منطقة تقع بين شارعي "الشعلان" و"الروضة"، مع عدد من "الآنسات" والداعيات المقربات منها. وقيل انها تعاني من أمراض. وتختلف تسميتها بين "الشيخة الكبرى" أو "الآنسة الكبرى" أو "الآنسة الأم"، غير أن أكثر التسميات شيوعاً هو "الآنسة".
وفي الصف الأول في "القبيسيات"، هناك بضع "آنسات" غير متزوجات كما هي حال منيرة وهي إحدى أشهر داعياتها، واذا كانت بين داعيات الصف الأول، أميرة جبريل شقيقة الأمين العام لـ "الجبهة الشعبية - القيادة العامة" أحمد جبريل الذي عرف بأفكاره اليسارية قبل عقود، فان باقي الداعيات هن من أبناء الشريحة الغنية في دمشق وبينهن: الآنسات خير جحا ومنى قويدر ودلال الشيشكلي (توفيت قبل فترة)، ونهيدة طرقجي وفائزة طباع وفاطمة غباز ونبيلة الكزبري ورجاء تسابحجي والدكتورة سميرة الزايد التي اشتهرت كثيرا بعلمها خصوصاً انها الفت "الجامع في السيرة النبوية" في عشرة اجزاء، و"مختصر الجامع" في جزئين في منتصف التسعينات. وهناك أيضاً سعاد ميبر التي تدرس في "معهد الفتح" وصاحبة كتاب "عقيدة التوحيد من الكتاب والسنة".
ورغم تأكد وجود الكثير من العازبات بين "الداعيات"، فإن احداً لم يقدم تفسيراً لهذا. وفيما يعزو بعض منتقدي "الجماعة" السبب إلى "انهن لا يردن الانشغال بالزوج عن الآنسة" والى انهن يفضلن الحياة الأخرى على الحياة الدنيا، استغرب كفتارو ذلك لأنه "لا رهبنة في الإسلام".
غير أن آخرين قللوا من أهمية ذلك، إذ أشاروا إلى العكس، لان "القبيسيات" ناشطات في ترتيب الزيجات، وربما كان هذا من أسباب سرعة انتشار الحركة وزيادة نفوذها، اي عبر زواج الداعيات من رجال الأعمال والمتنفذين والمغتربين. وساهمت الزيجات من مغتربين شباب ورجال أعمال مغتربين في إقامة حلقات قبيسية في فرنسا والنمسا وأميركا.
لجمع بين الدعوة والاستثمار
جمعت منيرة بين الرغبة في الاستثمار ونشر الدعوة الإسلامية، اذ شجعت النساء وأخواتهن على الاستثمار في المدارس الابتدائية. وبحسب المعلومات، هناك عدد كبير من المدارس الابتدائية التابعة لـ "القبيسيات" وغالباً ما تسمى المدرسة بـ "الدار" وبينها "دار الفرح" التي تديرها منى قويدر في المهاجرين و"دار النعيم" و"مدرسة عمر بن الخطاب" في المزة و"عمر عبد العزيز" في الهامة و"دوحة المجد" في المالكي و"البشائر" في المزة و"البوادر" في كفر سوسة.
وتقول مديرة "البوادر" ان مدرستها مثل باقي المدارس الخاصة تتبع منهج وزارة التربية السورية في تعليم المواد المدرجة، لكن الإضافي يكمن في "تخصيص دروس إضافية لتعليم الدين وإقامة نشاطات اجتماعية خارج الدوام الرسمي، إضافة إلى تنظيم مسابقات دينية". لكن أهم عنصر يكمن في كون معظم المدرسات من المحجبات.
وتبدو قصة هذه المدرسة نموذجية لجهة فهم كيفية انتشار مدارس "القبيسيات". اذ ان "البوادر" تأسست العام 1977، وكانت مدرسة عادية. لكن آل الملاح، كانت لديهم مدرسة صغيرة في حي المزة وتحقق نجاحاً بعد آخر بسبب اهتمامها بأصول الدين وجهدها لحماية التقاليد. وتقول المديرة: "في العام 1999، اشترى اخوتي هذه المدرسة ووسعنا الصفوف لأن الإقبال بات عليها كثيراً".
وتروي إحدى فتيات منطقة "القنوات" في دمشق القديمة ان معظم آنساتها كن جميلات وكن من "القبيسيات"، وان مدرسة منهاج الرياضيات حاولت إقناعها بضرورة وضع الحجاب، وتقول: "كانت الآنسة ترتدي المعطف الكحلي الغامق والحجاب الأزرق الغامق. وكانت ترتدي تحت المعطف تنورة زرقاء مع قميص ابيض وجوربين سميكين وحذاء اسود من دون أي كعب".

حلقات "سرية" ودروس علنية
يتأرجح نشاط "القبيسيات" المنزلي بحسب الظروف المحيطة أمنياً وسياسياً ودينياً في البلاد والمنطقة. وسجلت العقود الثلاثة الأخيرة انتقالهن بين النشاط العلني والدروس في المساجد والمدارس وبين اقتصار نشاطهن على البيوت.
ويرى النائب السوري الإسلامي محمد حبش ان ابرز ما يميزهن هو "تجنب الدخول في السياسة سواء تأييد النظام أو رفضه. والجماعة لم تتورط في أي عمل ضد البلد". هذا في المرحلة التي شهدت صراعاً مسلحاً وعنيفاً بين تنظيم "الإخوان المسلمين" والسلطات في نهاية السبعينات وبداية الثمانينات.
وفيما يعتقد خبراء مستقلون ان "القبيسيات" يشكلن الظل النسائي للإسلام السياسي، يقول حبش ان "لا مشروع سياسياً لديهن. لجأن إلى العمل السري بسبب ظروف سورية في الثمانينات"، أي أنهن لسن تنظيماً بل خلايا تنمو في شكل حلزوني وتصاعدي.
وقيل ان مرتبة "القبيسية" تعرف من لون منديلها، فكلما اقترب اللون إلى الاسود اقتربت الداعية من الآنسة منيرة. لكن الأمر الأكيد، ان اللباس الموحد المعتمد، هو المعطف الكحلي مع غطاء رأس بلون كحلي ترتدي تحته القبيسية "قمطة" لشد الشعر تحت الغطاء. وبعض القبيسيات يرتدين منديلاً اسود لغطاء الوجه، مع جوربين نسائيين سميكين وحذاء اسود من دون كعب. وتؤكد الداعيات على عدم تشذيب الحاجب و "عدم التبرج" عبر وضع المساحيق على الوجه.
ويوضح الداعية محمد سعيد رمضان البوطي: "انهن يرتدين الحجاب الكحلي لتمييزهن عن غيرهن. وغطاء الوجه ليس اجبارياً. ليس هناك إجبار على ذلك إلى ان يصير ثبات ديني عند الفتاة، بعدها ممكن ان تلبس المنديل اذا شاءت".
الكحلي للوسطيةولم يكن صدفة اختيار "الآنسة" منيرة اللون الكحلي، ذلك ان هناك اعتقادا شائعاً ان سبب اختيار اللون هو للدلالة على "الوسطية بين الأبيض والأسود، بين التطرف والإعتدال". وقال البوطي: "لديهن مقاربات علمية وفكرية ومعظمهن من خريجات الجامعات وعلوم الطب والهندسة، وهن منفتحات وابعد ما يكن عن التطرف".
الواضح ان الفترة الأخيرة شهدت تشجيعاً من قبل السلطات لـ "القبيسيات" على عدم إعطاء دروس في المنازل مقابل إعطاء تراخيص لدروس علنية بدلاً من "الحلقات السرية".
وكانت السلطات سمحت في الفترة الأخيرة لـ "القبيسيات" باعطاء دروس في مساجد "المحمدي" و "بدر" و "سعد" في المالكي، اذ أوضح البوطي ان عدداً من الشيوخ ابلغ السلطات انه "من مصلحتكم ان تعطوا الموافقات للعمل بالعلن. أعطوهن المواثيق للعمل العلني لأن عملهن مستقيم ووطني ليس فيه أي شائبة ولا علاقة له بالسياسة".
من هي "الآنسة الأم"؟
ولدت منيرة القبيسي عام 1933 في دمشق، لأسرة تضم عشرة أطفال: ستة شباب يعملون في التجارة أو المهن ذات الكفاءات العلمية العالية، وأربع فتيات ربات بيوت.
درست في مدارس العاصمة السورية إلى ان نالت إجازة في العلوم الطبيعية، استندت اليها في التدريس في مدراس حي "المهاجرين" وبقية إحياء دمشق.
وفي بداية الستينات، زاوجت بين النشاطين الدعوي والتعليمي، وذلك في ضوء اقترابها من "جامع ابي النور" التابع لمفتي سورية الراحل احمد كفتارو. وقال نجله حسن كفتارو: "نتيجة النشاط الدعوي منعت من التدريس في المدارس".
ساهم هذا المنع من جانب الحكومة اليسارية حينها، في أمرين: الأول، إقامة منيرة في جامع أبي النور والإقبال على التعلم على يد كفتارو، والثاني اتجاهها إلى دراسة علوم الدين في كلية الشريعة في جامعة دمشق.
وخلال العقدين الماضيين ترواح نشاط منيرة القبيسي بين العلني والسري، لكنها استطاعت من خلال المزج بين الأمرين من توسيع نشاطاتها في المحافظات السورية قبل ان تعبر حدود البلاد في مرحلة أولى والعالم العربي في مرحلة ثانية، الى ان بلغ عدد "اتباعها" اكثر من 75 ألف فتاة، كحد أدنى، وفق ما أجمعت عليه تقديرات متابعين وشيوخ.
ولم تبتعد منيرة القبيسي كثيراً عن "معهد الفتح الاسلامي" التابع لجامع الازهر ومديره مفتي دمشق الشيخ عبدالفتاح البزم وأحد اقطابه الشيخ حسن فرفور، إضافة الى علاقتها مع جماعة الشيخ بدر الدين الحسني والمسؤول عنه الشيخ أبو الخير شكري. ويقول حبش: "كل طرف من الجماعات الدينية في البلاد يقول انها تابعة له أو قريبة منه". وربما أحد أسباب نجاح أسلوبها، هو كون معظم، ان لم يكن جميع، زوجات الشيوخ الكبار أو بناتهم هن من الداعيات "القبيسيات".

[مالي خايف]

مسا الخير جميعا شباب وصبايا اختيارية وولاد

الحقيقة أنا ماقريت كلشي تعليقات عالموضوع لأنهون كتار

بس من بداياتو لقيت انو كتير من الشباب والصبايا اخدين فكرة عن هالجماعة من المسلسل بس
أنا بدي احكيلكون عنهون باعتباري عايش بيناتهن يعني الجو المحيط فيني من هالجماعة هدول

الجماعة هي لاهي عاملة مذهب لحالها ولا هيي عاملة دين لحالها ولا مألهة الآنسة بإختصار شديد

هالمجموعة هي ظهرت كنوع من إعطاء الدروس للنسوان بحكم انو مافي من هالحكي للنسوان هالحكي بس موجود للرجال
كبدايات كانت الآنسة منيرة من جماعة كفتارو يعني تلامذتو وبعدين فكرت انو يصير في دروس للنساء على غرار
الدروس الموجودة للرجال.
هلأ طبيعة الأمور الدينية المدرسة فيها أو النظام الي ماشيين عليه هالجماعة هي ومن خلال الكتب يلي بشوفها
بين الأيادي هي أغلبها كتب للشيخ البوطي إذا مو كلها يعني كل ما يدرس يدرس من كتب الشيخ البوطي
هلأ نقطة تانية تعليقا على موضوع انو الحيط مذكر فهاد الشي حرام للمرة والمخدة مؤنث فالرجال مابيصير ينام على مخدة فهاد الشي غلط مليون بالمية ومافي إلو اساس من الصحة

هلأ في ناس كتير استغلت هالموضوع هاد لأغراض شخصية ويعني اي جماعة من عشر أشخاص بيطلع فيهون واحد عاطل بيهلك الجماعة كلها
وصندوق التفاح الي في تفاحة معاينة مابنشتريه لأنو خلص شفنا وحدة منزوعة فسقطو من عينا كلهون ونفس المثال بالنسبة لصحن البيض الي في بيضة مكسورة الخ الخ الخ من أمثلة الفواكه والخضراوات

هلأ حابب أعطيكون فكرة عن تنظيمهم يمكن تساعدكون بفهمون أكتر

خلينا ناخد جامع من جوامع الشام والي بيكون في مجموعة آنسات ومجموعة سيدات هلأ كل جامع لنفرض في عشرين حريمة طلاب بيكون الهون أربع حريمات معلمات

هالأربع حريمات هدول بيكون الهون حريمة مسؤولة عنون والي هيي نفسها بتعطيهون دروس يعني طلابها

هالمسؤولة عنهون كمان طالبة بحلقة تانية والها معلمة عندها فقه بالدين أكتر بتعلمهون وهيك خليك عم تقيسها لتوصل للآنسة منيرة

وبحب آخر شي وضح نقطة جدا مهمة انو مو كل الحريمات الطالبات محجبين في كتير منهون سبور يعني بيطلعوا ببدي وبنطلون وأحيانا بيلبسوا بنتكور هي تعقيبا بس على سامر الي قال انهون بيقولوا عن الي مو محجبة فاسقة
وكمان بالنسبة لتجربتي الخاصة بما اني عايش بينهم فبحب الكون انو حياتنا طبيعية جدا جدا وآخر رواق ومافي أي تعقيدات فيها

وبالمناسبة أوبس فيكي تقليلي أي وحدة من يلي بالصورة الي حاطيتيها قبيسية

وأي تعليق عاللي كاتبو أو استفسار أو نقض فأنا جاهز وبإنتظاركون

وعلى راسي الجميع دون استئناء

مساكون سعيد

[ooopss]

مجرد حبيت انقللكن هالمعلومات
ساويت شوية غوغلة لأن أنا كمان ماكان عندي فكرة كافية عن هالموضوع

[مالي خايف]

كاتب النص الأصلي : ooopss

مجرد حبيت انقللكن هالمعلومات
ساويت شوية غوغلة لأن أنا كمان ماكان عندي فكرة كافية عن هالموضوع

هلأ غوغلة عالحل ما بتنفع لأنو مو دائما بتعطيكي الجواب الشافي والصحيح يعني أنا صراحة قريت عالنت عنهون شغلات كتير مالي شايفها على أرض الواقع

[zen]

كاتب النص الأصلي : ابو عمير السوري

يلي بيعرف دمشق هنن موجودين معنا بكل مكان هنن جماعة ندروا أنفسهم لتعليم الجيل الناشئ الخلق الجيد بلاضافة لتعاليم ديننا متل ماهي مكتوبة بالكتب لهم روضات أطفال كثيرة منها مثلا روضة الأنس بالمزة دار الفرح وفروعها يعني هنن أشبه بالراهبات وهبو نفسهم لخدمة الدين والمجتمع

اي الله ينور دربهون
لك حااااااااااااج كل شوي بمثلولي ياهون بمثال بعيد عنون
قال راهبات

ليش الراهبات بس يطلع بمكروا بيناولك المصاري متل كانو قرفانين مشان ما تلمس ايدك ايدهون الحنونة
أو لما بتعقد عنفس الكرسي بيضغر حجمها للنصف مشان ما تدق فيك
تسالي

[saman]

يا اخي يلي بالصورة تطلع عاليمين بتلاقيهن ...او انزيل عالميدان او البرامكة .... بتلاقيهن وين ما بتلتفت ....

[MadMax]

كاتب النص الأصلي : مالي خايف

وبحب آخر شي وضح نقطة جدا مهمة انو مو كل الحريمات الطالبات محجبين في كتير منهون سبور يعني بيطلعوا ببدي وبنطلون وأحيانا بيلبسوا بنتكور هي تعقيبا بس على سامر الي قال انهون بيقولوا عن الي مو محجبة فاسقة

بنتكور ........مع تحريم إزالة الشعر ...!!!!!


ما بحسدك على هالمحيط العايش فيه

[saman]

بنتكور ........مع تحريم إزالة الشعر ...!!!!!


ما بحسدك على هالمحيط العايش فيه

ههههههههههههههههههههههههه هههه
يعني ضحكتني مع اني عم اتخيل المنظر المقرف يلي بدي شوفو

بس من بداياتو لقيت انو كتير من الشباب والصبايا اخدين فكرة عن هالجماعة من المسلسل بس
أنا بدي احكيلكون عنهون باعتباري عايش بيناتهن يعني الجو المحيط فيني من هالجماعة هدول

يا عيني وقت ينقبروا على آمتهن ويساوو مسلسلات عنهن او حلقات او ايا شي ... بقا هني ما بيكونوا عم بيلفقوا برأيي وبيعرفوا شو عم يكتبوا يعني ما في شي عم يجي من الهوا ... ما في دخان من دون نار ... يعين عالقليلة بحط نسبة 40 بالمية من صحة يلي عم يحكو بالمسلسلات عنهن .......

هي غير يلي بالجرايد ... واخبار الطلاق يلي بيناتهن .... وتعاليم الآنسة يلي ما بتنزل لا بميزان ولا بأبان !!!!!