تكفير التفكير

[فسحة أمل]

تعد الفكرة, حيناً ما كافرة تُحرم وتحارب , ثم تصبح _ مع الزمن _مذهباً بل عقيدة واصلاحاً تخطو بها الحياة خطوة نحو الأمام.
أمين الخولي .

هلا بالبداية حبيت اقتبس هالقول لأمين الخولي لأفتتح فيه الموضوع
لأن عدد كبير من المفكرين والأدباء من زمن ابن رشد مروراً( بطه حسين ,نجيب محفوظ, سيد القمني , نوال السعدوي, حيدر حيدر وغيرن كتير واجهو تهمة الكفر والألحاد وهدر الدم لمجرد الإبداع والتعبير عن الفكر والرأي. نجيب محفوظ تعرض لمحاولة الأغتيال بسبب رواية أولاد حارتنا وتعرضت للمنع من الطباعة في مصر بينما العالم كرمو بجائزة نوبل للأدب...... وحيدر حيدر تعرض لفتوة بهدر الدم بسبب رواية وليمة لأعشاب البحر وتعرض للمحاكمة....
ويمكن هاد أهم سبب للبطئ بالحركة الثقافية والحضارية بالعالم العربي فأي فكرة تمس بالدين تحرم حتى ولو كان هدفها اصلاح وضع راهن ودائماً بتحتاج لفتوى شرعية.....
بتمنى أنو الكل يشارك برأيو..

[VivaSyria]

التفكير والتخوين هو الطريق الأقصر لمحاربة أي أفكار جديدة تهدد وجود من لافكر لهم...

منطق الإقصاء هو منطق الضعفاء

[sona78]

الدين عنا هش جدا لانو قائم بشكل كبير ع بعض الخرافات والمعطيات العلمية عم اتقوض من الاحداث يلي اتفق ع انها معجزات ... والفكر بيناقش مشاكل الحياة والبشر بشكل عام يلي لازم فقط الدين يناقشها لانو لما بتعبر عن راي ما بيتفق مع الدين بتكون عم تساهم بتدمير اساسو يلي هوي باصلو هش ولهيك دائما التهمة المتوفرة ويلي بتلاقي قبول من بعض العقول المتحجرة وما اكثرها هيي الالحاد او الكفر بحث يسكت هيك قلم بسرع ما يمكن ... ما في قضية لا معاصرة ولا قديمة اخدت مكانتها الا اذا كانت مرتبطة بالطالع الديني ..
طالما الدين هوي يلي عم يسير حايتنا بكل ابعادها الثقافية والسياسية والاجتماعية ووووو ما بتوقع انو رح نطلع من هي البؤرة .. خاصة بالنسبة للدول التابعة للدين الاسلامي لانو هوي الوحيد يلي حلل قتل الملحد بينما الديانات الاخرى هي العقوبة ما نص عليها صراحة وانما صارت نتيجة تعسف المتدينين

[whiterose]

مرحبا
موضوع حلوكتير وخاصة بالموجة يلي نحنا فيها هلىء بالمنتدى

الأختلاف بالتفكير أمر عادي وبسيط اذا شفناه بعيون موضوعيه
واذا شفنا بعيون انو نحنا بس الصح رح يكون اسمه تكفير

لو كنا ملاقيين حالنا انو بس نحنا الصح
خلينا نشوف الغير انه هو حر مادام عقله تمام

[فسحة أمل]

بيان اللجنة الدائمة للبحوث العلمية والإفتاء في السعودية
فتوة رقم(21546بتاريخ 26\6\1421) الحمد لله وحده والصلاة والسلام على من لا نبي بعده..
وبعد فقد اطلعت اللجنة الدائمة للبحوث العلمية والإفتاء على ما ورد إلى سماحة المفتي العام من بعض الناصحين والمحال إلى اللجنة من الأمانة العامة لهيئة كبار العلماء برقم (1962) وتاريخ 3\3\1421 ه.
وقد سأل المستفتون سؤالاً نصه:
تجدون برفقته صورة للرد الذي كتبه الدكتور محمد عباس جزاه لله خيراً وجعل عمله هذا في موازين حسناته وكتب له النجاة يوم الفزع الأكبر والرد موجه إلى رواية ( وليمة لأعشاب البحر ) للكاتب السوري حيدر حيدر نسأل الله له ولكل ضال الهداية . وسيجد فضيلتكم الرد المرفق ما قال الكاتب السوري في ذات الله سبحانه وتعالى وفي القران الكريم وفي الرسول الكريم صلى الله عليه وسلم , مالم يقله يهودي في توراة ولا نصراني في إنجيل, ليأتي الفاجر الفاسق في زمن الفجور والفسوق , ليستغل غفلة المسلمين علماء وعامة, ويتجرأ ليقول كلاماً لم يقله لو رأى المسلمين مرجعاً وحباً لربهم وكتابهم ونبيهم . يقول هذا الكلام في بلد مسلم ليسمع المسلمين روايةالغواية التي كتبها , لقد تحدى هذا الكتاب كل المسلمين وفي مقدمتهم العلماء والهيئات والمؤسسات الدينية, فما جواب فضيلتكم وفضيلة علماء هذا البلد الطيب المعروف بدفاعه عن دين الله وكتابه ورسوله صلى الله عليه وسلم.
أرجو أن يكون الجواب بقدر التحدي الذي أظهره الكاتب وأقوى, وحسبنا الله ونعم الوكيل. وبعد دراسة اللجنة للاستفتاء أجابته بعد الاطلاع على نصوص كافيه من رواية وليمة لأعشاب البحر تأليف حيدر حيدر, وبعد الوقوف على بعض البيانات الصادرة من جهات اسلامية بشأن الرواية وما فيها من ضلالات وكفريات تبين اللجنة اشتمال الرواية على أمور خطيرة منها:
1_ الأستهزاء بالله عز وجل ووصفه بما لا يليق به سبحانه .
2_ السخرية بالنبي صلى الله عليه وسلم والأفتراء عليه .
3_ انكار اليوم الأخر والاستهزاء بالجنة والنار والثواب والعقاب.
4_ الدعوة إلى الإباحية ونشر الفاحشة بين المؤميني.
5_ حمل الناس على الخروج على أحكام الإسلام وعدم الإلتزام بتشريعاته.
ولا يختلف المسلمون أن ما سبق ذكره كفر بالله والحاد في دينه وخروج عن مله الإسلام.
فالواجب على أهل الإسلام تمكين القضاء الشرعي والنظر في قضية صاحب الرواية المذكور ليحكم فيه بحكم الله ورسوله( هدر الدم) جزاء له وردعاً لغيره ممن تسول له نفسه النيل من دين الإسلام , وليعلم كل مسلم أن لرواية لا يجوز طبعها ولا نشرها ويجب اتلافها.
وبالله التوفيق وصلى الله على نبينا محمد وعلى أله وصحبه وسلم

[فسحة أمل]

كاتب النص الأصلي : VivaSyria

التفكير والتخوين هو الطريق الأقصر لمحاربة أي أفكار جديدة تهدد وجود من لافكر لهم...

منطق الإقصاء هو منطق الضعفاء

منطق الضعفاء فكرياً بس لا تنسى أنو بأيدهن الحل والربط ومهما حكينا بضل الحكي نظري بلا نتيجة

[فسحة أمل]

كاتب النص الأصلي : sona78

الدين عنا هش جدا لانو قائم بشكل كبير ع بعض الخرافات والمعطيات العلمية عم اتقوض من الاحداث يلي اتفق ع انها معجزات ... والفكر بيناقش مشاكل الحياة والبشر بشكل عام يلي لازم فقط الدين يناقشها لانو لما بتعبر عن راي ما بيتفق مع الدين بتكون عم تساهم بتدمير اساسو يلي هوي باصلو هش ولهيك دائما التهمة المتوفرة ويلي بتلاقي قبول من بعض العقول المتحجرة وما اكثرها هيي الالحاد او الكفر بحث يسكت هيك قلم بسرع ما يمكن ... ما في قضية لا معاصرة ولا قديمة اخدت مكانتها الا اذا كانت مرتبطة بالطالع الديني ..
طالما الدين هوي يلي عم يسير حايتنا بكل ابعادها الثقافية والسياسية والاجتماعية ووووو ما بتوقع انو رح نطلع من هي البؤرة .. خاصة بالنسبة للدول التابعة للدين الاسلامي لانو هوي الوحيد يلي حلل قتل الملحد بينما الديانات الاخرى هي العقوبة ما نص عليها صراحة وانما صارت نتيجة تعسف المتدينين

الدين متل القوانين الوضعية لتنظيم الحياة البشرية وحل مشاكلها بس تطبيقو هو الغلط الموضوع مو ضد الدين والتدين كل واحد حر بطريقة تفكيرو بس المشكلة هيي الفئة المسيطرة الي الها سلطة ومكاسب من الدين والي بدها تحافظ على المكاسب الي أخدتها
الموضوع برجع مرة تانية مو عن الدين لا عن تطبيق الدين لأنو لو كل واحد التزم بدون ما يجبر التانيين يلتزمو بأفكارو ما كان صا الي صاير

[فسحة أمل]

كاتب النص الأصلي : whiterose

مرحبا
موضوع حلوكتير وخاصة بالموجة يلي نحنا فيها هلىء بالمنتدى

الأختلاف بالتفكير أمر عادي وبسيط اذا شفناه بعيون موضوعيه
واذا شفنا بعيون انو نحنا بس الصح رح يكون اسمه تكفير

لو كنا ملاقيين حالنا انو بس نحنا الصح
خلينا نشوف الغير انه هو حر مادام عقله تمام

تمام هاد الصح كل واحد بيفهم الفكرة بما يتناسب مع درجة وعيو وتفكيرو .
إذا اتقبلها مافي مشكلة بس اذا ما تقبلها ما ضروري يحرمها ويهدر دم صاحبها.

[yass]

أول مرة اقرا الفتوى تبعيت وليمة لأعشاب البحر...

هالفتوى الغبية انعملت بعد ما طلع الكتاب بكوم سنين ع فكرة... و عملولو مية معروف لما طلعت.. لأنو بسوريا و لبنان على اعتبار ما انمنع الكتاب كومة ناس اشترتو بس ليقروه و يعرفو وين الكفر و الزندقة بهالكتاب العجبة.. و أنا واحد منهون..

تخلف...

[Ms. J.A]

التكفير طريقة لمواجهة فكرة لا يوجد سبيل اخر لمواجهتها !!
صعب جدا تلاقي حدا فهمان وواعي ومخو منفتح عندو استعداد يناقش اي فكرة انطرحت او اي كتاب انكتب ويوصل لحل وسط ما بيوصل لاهدار الدم !
الاغلب ماخدين الاسلام زي ما هو والمرجع الاساسي لكل ما هو حرام وحلال كتب تفاسير واجتهادات اكل الدهر عليها وشرب يعني ما في تجديد واي حدا بيطلع عن الخط المستقيم اللي مرسوم للمسلمين يكفر بدون الاخذ بعين الاعتبار طبيعة الزمن اللي احنا فيه والتغير الكبير اللي طرأ ع تركيبتنا الاجتماعية وعلى عقولنا !!

[فسحة أمل]

اما بالنسبة للدكتورة نوال السعدوي بدأ سيناريو التكفير معها بسبب حوار صحفي اعترضت فيه على قواعد لميراث في الشريعة الإسلامية والتي تعطي الرجل مثل حظ الأنثيين في بعض حالات لميراث ووصفتها بأنها غير عادلة ودعت إلى وقف لعمل بها وضرورة تعديلها لتصبح أكثر عدلاً ومساواة, كما اعترضت أيضاً على فريضة الحج ووصفتها بأنها وثنية وخصوصاً فيما يتعلق منها بالطواف حول الكعبة وتقبيل لحجر الأسود كما هاجمت تعدد الزوجات ووصفتها بانها انتقال مستمر للرجل بين أسرة النساء ودعت إلى السماح للنساء بتعدد الزواج إذا اصر الرجال على تعدد الزوجات
وأن حجاب المرأة عادة بدوية ولا علاقة له بالأسلام

فتحرك مفتي مصر نصر فريد واتهم نوال السعدوي بانها خارجة عن الأسلام وقام محامي اسلامي بالتقدم ببلاغ إلى النائب العام يطالب فيه بمحاكمة الكاتبة وقام باقتطاع أجزاء من قولها ودعا إلى التفريق بينها وبين زوجها الدكتور شريف حتاتة
وعلق المفتي على ما قالته في الحوار بانها تعتبر:" خارجة عن الإسلام ويجب استتابتها أمام لجنة من علماء الأزهر " وهي فتوى لا تعني فقط تكفير السعداوي بل انها تعطي مبرراً لقتلها كمرتدة عن الإسلام
والسعدوي حتى الأن تعاني من حظر رسمي على ظهورها على شاشة التلفزيون المصري, على الرغم من احتفاء جميع قنواة العالم بأحاديثها وأفكارها.

وهنا تجدر الإشارة إلى أن الدكتورة نوال السعدوي تحمل في رصيدها أكثر من 35 كتاب معظمها يدرس في كليات وأكاديميات علمية ابتداءً بالولايات المتحدة الأمريكية وانتهاءً بافريقيا باستثناء عالمنا العربي
وعلقت الدكتورة نوال على هذه القضية بالقول من الغريب أن ينسب إلي كلام لا يمكن أن تقوله من هي في مثل مركزي وسني وخبرتي وثقافتي ..... قلبو كلامي رأساً على عقب , وذكروا فقرات منه ولم يذكروا فقرات أخرى , حتى يصبح للكلام معنى أخر .

[فسحة أمل]

كاتب النص الأصلي : yass

أول مرة اقرا الفتوى تبعيت وليمة لأعشاب البحر...

هالفتوى الغبية انعملت بعد ما طلع الكتاب بكوم سنين ع فكرة... و عملولو مية معروف لما طلعت.. لأنو بسوريا و لبنان على اعتبار ما انمنع الكتاب كومة ناس اشترتو بس ليقروه و يعرفو وين الكفر و الزندقة بهالكتاب العجبة.. و أنا واحد منهون..

تخلف...

طلعت من حظو

[فسحة أمل]

كاتب النص الأصلي : Ms. J.A

التكفير طريقة لمواجهة فكرة لا يوجد سبيل اخر لمواجهتها !!
صعب جدا تلاقي حدا فهمان وواعي ومخو منفتح عندو استعداد يناقش اي فكرة انطرحت او اي كتاب انكتب ويوصل لحل وسط ما بيوصل لاهدار الدم !
الاغلب ماخدين الاسلام زي ما هو والمرجع الاساسي لكل ما هو حرام وحلال كتب تفاسير واجتهادات اكل الدهر عليها وشرب يعني ما في تجديد واي حدا بيطلع عن الخط المستقيم اللي مرسوم للمسلمين يكفر بدون الاخذ بعين الاعتبار طبيعة الزمن اللي احنا فيه والتغير الكبير اللي طرأ ع تركيبتنا الاجتماعية وعلى عقولنا !!

اكبر المهرطقين هو من يشعل نار المحرقة

[Marooshe]

لما اي حدا بيشعر انو ضعيف امام اي فكرة، اهين طريق لمحاربتها هيي الهجوم...
لانو بهيك حالات ما بيكونو قادرين على محاربة الفكرة بفكرة اخرى باعتبار انو مستخدمي هلاسلوب بيعانو من عاهة مستديمة بالتفكير... فشي كتير طبيعي انو يكفروة وينبذوة ويطالعو علية فتاوي غريبة عجيبة... يعني مافي اهين من سلاح الدين للسيطرة على عقول الاغبياء... لانو شي اكيد انو محاربة هشي بغير اسلوب ما رح تجيب النتيجة او الوقع والصدى يلي بيقدر يحصلها الدين... عدا عن انو في كتير احيان مجرد انو الواحد يفكر بشوية منطقية بيكون عدو للدين... الدين اصلا ما بدو غير قبائل عمياء تمشي ورا وخلصنا... يعني التفكير مو بصالحو.... لهيك هجوم الاديان والتكفير هني العدو الرئيسي للتفكير...

[MadMax]

التكفير دلالة على هشاشة الفكر و ضعف الحجة عند المكفرين
يعني يا ترى لو جبنا صاحب الفتوى ......و طلبنا منو يناقش حيدر حيدر منطقياً ...
شو ممكن يطلع معو ..؟؟

[barcawi]

هلق الكل عم يحكي والكل قاعدلك تحت مكيف وعم يعلق على موضوع اكبر منو بكتير وحساس كتير
يعني لما بكون رجل دين وبشوف حدى عم يتعدى على حرمات هذا الدين اكيد رح وقف ضدو ونحن حتى اخدين فكرة سيئ عن حرية التعبير
يعني انو نحكي بالسياسة ونعبر عن راينا(لازم) بس نحن بندور تندور وبنرجع بنعلق بقضايا الدين (وبنتخطى خهطوطو الحمرا) وبنطلب من الطرف التاني يستوعبنا ويقلنا شكرا الك

نعم نجيب محفوظ مفكر وكاتب عظيم ولكنه ملحد والدول الاوربية روح قلبها كتاب ضد الاسلام

شئ غريب

[yass]

كاتب النص الأصلي : barcawi

هلق الكل عم يحكي والكل قاعدلك تحت مكيف وعم يعلق على موضوع اكبر منو بكتير وحساس كتير
يعني لما بكون رجل دين وبشوف حدى عم يتعدى على حرمات هذا الدين اكيد رح وقف ضدو ونحن حتى اخدين فكرة سيئ عن حرية التعبير
يعني انو نحكي بالسياسة ونعبر عن راينا(لازم) بس نحن بندور تندور وبنرجع بنعلق بقضايا الدين (وبنتخطى خهطوطو الحمرا) وبنطلب من الطرف التاني يستوعبنا ويقلنا شكرا الك

نعم نجيب محفوظ مفكر وكاتب عظيم ولكنه ملحد والدول الاوربية روح قلبها كتاب ضد الاسلام

شئ غريب

نروح...و نرجع... و تختصر كل القضايا إلى "مؤامرة ضد الاسلام"

أول شي حابب اعرف الخوارزمية أو المعادلة الرياضية اللي قررت فيها حضرتك أنو الموضوع أكبر مني و من كل المعلقين... يعني بلاصغرة مين حضرتك لتقرر حجم العالم؟ هاي أول شي..

تاني شي... مافي فكرة خاطئة عن حرية التعبير... في فكرة خاطئة عن الاحترام.. اللي يبدو في ناس عاملتو كلمة مرادفة للصمت و الاسكات و الاخراس..

و آخر شي.. نجيب محفوظ... لأ لأ مو نجيب محفوظ.. أظفرو لنجيب محفوظ يسوى كل المهسترين اللي كفّروه.. و يسوى كل اللي حاولو يغتالوه.. و يسوى كل اللي هللو لمحاولة اسكاته...

[Ms. J.A]

كاتب النص الأصلي : barcawi

هلق الكل عم يحكي والكل قاعدلك تحت مكيف وعم يعلق على موضوع اكبر منو بكتير وحساس كتير
يعني لما بكون رجل دين وبشوف حدى عم يتعدى على حرمات هذا الدين اكيد رح وقف ضدو ونحن حتى اخدين فكرة سيئ عن حرية التعبير
يعني انو نحكي بالسياسة ونعبر عن راينا(لازم) بس نحن بندور تندور وبنرجع بنعلق بقضايا الدين (وبنتخطى خهطوطو الحمرا) وبنطلب من الطرف التاني يستوعبنا ويقلنا شكرا الك

نعم نجيب محفوظ مفكر وكاتب عظيم ولكنه ملحد والدول الاوربية روح قلبها كتاب ضد الاسلام

شئ غريب

المشكلة انو احنا حاطين خطوط حمرنا ومانعين التفكير فيها !!
طب على اي اساس وليش ومين اللي حط هيك خطوط؟؟
الامور الدينية لو هي مقنعة كفاية وممكن تقنع اي حدا ليش نخاف نحكي فيها وناقشها ؟؟