تكفير التفكير

[مشاعر]

كاتب النص الأصلي : MadMax

التكفير دلالة على هشاشة الفكر و ضعف الحجة عند المكفرين
يعني يا ترى لو جبنا صاحب الفتوى ......و طلبنا منو يناقش حيدر حيدر منطقياً ...
شو ممكن يطلع معو ..؟؟

راح يطلع معو ....
إنه راح يمسك النقاش من ذيله مثل ما يمسك القطة من ذيلها لكي يسمع موائها ، يعني راح يأخذ جملة من ضمن القصة ويبني عليها فتواه دون الرجوع إلى مدى ارتباط هذه الجملة بالقصة.

[فسحة أمل]

كاتب النص الأصلي : marwa hanna

لما اي حدا بيشعر انو ضعيف امام اي فكرة، اهين طريق لمحاربتها هيي الهجوم...
لانو بهيك حالات ما بيكونو قادرين على محاربة الفكرة بفكرة اخرى باعتبار انو مستخدمي هلاسلوب بيعانو من عاهة مستديمة بالتفكير... فشي كتير طبيعي انو يكفروة وينبذوة ويطالعو علية فتاوي غريبة عجيبة... يعني مافي اهين من سلاح الدين للسيطرة على عقول الاغبياء... لانو شي اكيد انو محاربة هشي بغير اسلوب ما رح تجيب النتيجة او الوقع والصدى يلي بيقدر يحصلها الدين... عدا عن انو في كتير احيان مجرد انو الواحد يفكر بشوية منطقية بيكون عدو للدين... الدين اصلا ما بدو غير قبائل عمياء تمشي ورا وخلصنا... يعني التفكير مو بصالحو.... لهيك هجوم الاديان والتكفير هني العدو الرئيسي للتفكير...

هلا مو من حقنا انو نقول عن الي بأمن بفكرة ويقتنع فيها انو غبي هلا الي بالدين هاد حقو وحرية شخصية ونحنا منحترم هاد الشي بس كمان من حق اي مفكر انو يعبر عن رأيو من دون ما يخاف يروح بشي محشاية او شي رصاصة طايشة مضروبة عمداً الفكرة انوأي فكرة مهما كانت قدسيتها هيي قابلة للنقاش وبتستحق الطرح وما ضروري تجبري الطرف التاني فيها

[فسحة أمل]

كاتب النص الأصلي : MadMax

التكفير دلالة على هشاشة الفكر و ضعف الحجة عند المكفرين
يعني يا ترى لو جبنا صاحب الفتوى ......و طلبنا منو يناقش حيدر حيدر منطقياً ...
شو ممكن يطلع معو ..؟؟

يناقش يا ابو سمرة هاد طلب صعب
صعبت الحكاية شوي لنو هالكلمة مانها موجودة بقاموسنا عقولة الماغوط إذا شي مسؤول عربي حبيت تناقشو فبجبلك الدبابو فتفضل ناقشها وأكيد لح يقنعك وقتا بيطلع معو كتير شغلات بستحي أحكيها

[فسحة أمل]

كاتب النص الأصلي : barcawi

هلق الكل عم يحكي والكل قاعدلك تحت مكيف وعم يعلق على موضوع اكبر منو بكتير وحساس كتير
يعني لما بكون رجل دين وبشوف حدى عم يتعدى على حرمات هذا الدين اكيد رح وقف ضدو ونحن حتى اخدين فكرة سيئ عن حرية التعبير
يعني انو نحكي بالسياسة ونعبر عن راينا(لازم) بس نحن بندور تندور وبنرجع بنعلق بقضايا الدين (وبنتخطى خهطوطو الحمرا) وبنطلب من الطرف التاني يستوعبنا ويقلنا شكرا الك

نعم نجيب محفوظ مفكر وكاتب عظيم ولكنه ملحد والدول الاوربية روح قلبها كتاب ضد الاسلام

شئ غريب

هلا بالنسبة انو الموضوع حساس كتير طبعاً لأنو بيحكي عن مستقبلك ومستقبلي ومستقبل ولادك وولادي وطريقة الحياة الي بدهن يعيشوها
وانا دارس تاريخ وبعرف شو عم حكيك مادامك عايش ببلادنا ما فيك تفصل الدين عن الدولة وجهين لعملة واحدة .
واذا قريت الحكي الكاتبو بتعرف اني ما عم اتهجم عالدين بغض النظر عن اعتقادي الي ممكن ما تتفق معو , انا عم ناقش تطبيق الدين من قبل رجال الدين وحقي بحرية التعبير ناقشني متل ما بناقشك حاججني يا أخي بالفكرة الي عم اطرحها اذا ما اقتنعت معك أو ما اقتنعت معي كل واحد بروح بطريق

[barcawi]

كاتب النص الأصلي : yass

نروح...و نرجع... و تختصر كل القضايا إلى "مؤامرة ضد الاسلام"

أول شي حابب اعرف الخوارزمية أو المعادلة الرياضية اللي قررت فيها حضرتك أنو الموضوع أكبر مني و من كل المعلقين... يعني بلاصغرة مين حضرتك لتقرر حجم العالم؟ هاي أول شي..

تاني شي... مافي فكرة خاطئة عن حرية التعبير... في فكرة خاطئة عن الاحترام.. اللي يبدو في ناس عاملتو كلمة مرادفة للصمت و الاسكات و الاخراس..

و آخر شي.. نجيب محفوظ... لأ لأ مو نجيب محفوظ.. أظفرو لنجيب محفوظ يسوى كل المهسترين اللي كفّروه.. و يسوى كل اللي حاولو يغتالوه.. و يسوى كل اللي هللو لمحاولة اسكاته...

لانو لو كل واحد لدو بفكر متل ما عم تحكي بيروح الاحترام
طيب انت عم تحكي على الاحترام وين الاحترام للاسلام في روايات نجيب محفوظ الخلاعية (هي ابدية وانا ببصم بالعشرة ) بس ضد الدين وقواعد الدين بتنص على هدر دم اي شخص ملحد (وانت شو بتعرف عن الاسلام حتى عم تحكي)
وهاد الاسلام واللي بدو يوقف ضدو لازم يتهاجم
ولا لما الدول الغربية بتسيئ للرسول ص معلش وانو اذا مفتي (اللي نصفهم للاسف مأجورين) بيطلع فتوة الكل بيهاجمو من دون ما يعرفو شو القواعد اللي بنى عليها فتواه

[فسحة أمل]

كاتب النص الأصلي : barcawi

لانو لو كل واحد لدو بفكر متل ما عم تحكي بيروح الاحترام
طيب انت عم تحكي على الاحترام وين الاحترام للاسلام في روايات نجيب محفوظ الخلاعية (هي ابدية وانا ببصم بالعشرة ) بس ضد الدين وقواعد الدين بتنص على هدر دم اي شخص ملحد (وانت شو بتعرف عن الاسلام حتى عم تحكي)
وهاد الاسلام واللي بدو يوقف ضدو لازم يتهاجم
ولا لما الدول الغربية بتسيئ للرسول ص معلش وانو اذا مفتي (اللي نصفهم للاسف مأجورين) بيطلع فتوة الكل بيهاجمو من دون ما يعرفو شو القواعد اللي بنى عليها فتواه

يا زعيم خلينا نحكي بعقل وللمرة التانية بقلك أنو مو الدين هو العقدة انت حر بدينك بس انا كأنسان ككائن حي يا اخي الي الحق اني عبر عن فكرتي حتى لو كانت ما بتعجبك

[barcawi]

كاتب النص الأصلي : فسحة أمل

هلا بالنسبة انو الموضوع حساس كتير طبعاً لأنو بيحكي عن مستقبلك ومستقبلي ومستقبل ولادك وولادي وطريقة الحياة الي بدهن يعيشوها
وانا دارس تاريخ وبعرف شو عم حكيك مادامك عايش ببلادنا ما فيك تفصل الدين عن الدولة وجهين لعملة واحدة .
واذا قريت الحكي الكاتبو بتعرف اني ما عم اتهجم عالدين بغض النظر عن اعتقادي الي ممكن ما تتفق معو , انا عم ناقش تطبيق الدين من قبل رجال الدين وحقي بحرية التعبير ناقشني متل ما بناقشك حاججني يا أخي بالفكرة الي عم اطرحها اذا ما اقتنعت معك أو ما اقتنعت معي كل واحد بروح بطريق

يا عيني عليك
هون الحكي المنطقي بس شوف (في رجال دين مأجورين وهدلون مكشوفين للكل) وفي رجال دين بحق (بس نحن بنسمع الفتوة وبيطير عقلنا يعني كل فتوة لازم يكون فيها نص من القران والا تعد باطلة ويا هل ترى اللي عم يكفر المفكرين اكيد بيكون في نص الاهي تحت ايدو والا ما كان كفرو وبعدين انسيلي هي الشغلة
انت مو برأيك انو المفكرين السياسيين اللي عم ينحبسو بالمعتقلات بس لمجرد كلمة اهم بكتر من هذا الكلام الحساس

[MadMax]

كاتب النص الأصلي : barcawi

يعني لما بكون رجل دين وبشوف حدى عم يتعدى على حرمات هذا الدين اكيد رح وقف ضدو

يوقف ضدو ...... يعني يثبت عكس كلامو ...... بالنقاش و الحجة و المنطق ..
أما أنو يقتلو أو يهدر دمو ... فهاد دليل عجز .......و دليل حمق .....و ضعف معرفة
و ارهاب فكري

نعم نجيب محفوظ مفكر وكاتب عظيم ولكنه ملحد والدول الاوربية روح قلبها كتاب ضد الاسلام

و افرض أنو ملحد ..
مين حط المفتي وصي عليه ..؟؟
مين عطا هالمفتي حق أنو يفرض عالناس كيف تفكر

[barcawi]

كاتب النص الأصلي : MadMax

يوقف ضدو ...... يعني يثبت عكس كلامو ...... بالنقاش و الحجة و المنطق ..
أما أنو يقتلو أو يهدر دمو ... فهاد دليل عجز .......و دليل حمق .....و ضعف معرفة
و ارهاب فكري

والله ما هو بالحجة والبراهين اهدر دمو لكن من وين جاب الفتوة من عند امو مثلا

و افرض أنو ملحد ..
مين حط المفتي وصي عليه ..؟؟
مين عطا هالمفتي حق أنو يفرض عالناس كيف تفكر

الدين

[فسحة أمل]

طيب مثلا انا بتسائل عن قضية معينة وبنتقدها مثلاً فلتكن قضية الدولة وشكلها وكيف لازم تكون ولنفرض اني اختلفت مع الشريعة الأسلامية لازم ينهدر دمي لأني ما بدي إمارة اسلامية او ما بدي خلافة وهيئة امر بالمعروف ونهي عن المنكر خيو انا بدي عيش حياتي كأنسان وعبر عن افكاري بحرية ضروري عيشها عالوصفة والفتوى

[yass]

لانو لو كل واحد لدو بفكر متل ما عم تحكي بيروح الاحترام

لأ مو صحيح هالحكي ...

و حتى لو هيك.. الاحترام ما بيجي بالارهاب

طيب انت عم تحكي على الاحترام وين الاحترام للاسلام في روايات نجيب محفوظ الخلاعية (هي ابدية وانا ببصم بالعشرة ) بس ضد الدين وقواعد الدين بتنص على هدر دم اي شخص ملحد (وانت شو بتعرف عن الاسلام حتى عم تحكي)

هدر دم؟؟ بتحكي عن الاحترام و بتجيب ألفاظ من قبيل "هدر دم"؟ هاد اسمو ارهاب... و الارهابي التكفيري القمئ ما بيطلعلو يحكي عن الاحترام اذا هو بيحكي بلهجة القتل و الذبح
مجرد الرغبة بالغاء شخص و قتله, و دعم ذلك بسبب فكر, مجرد هالشي بيفقد الداعم أي حق بالحديث عن الاحترام... لأنو الحديث بلهجة القتل و الالغاء هو اسلوب المجرمين.. و المجرمين لا يستحقون أي احترام مهما تدثرو باللحى..

و أما شو بعرف عن الاسلام... فشي ما يخصك شو أنا بعرف لأنو أنا ما عم احكي عن الاسلام. عم احكي عن احترام الفكر...اللي هو مقدس بالنسبة الي قد ما يكون مقدس الاسلام بالنسبة الك.. و كونك مسلم لا يعطيك الحق بانك تلغيني.. و لا حتى باستخدام الطرق الارهابية اللي عم تستعملها

وهاد الاسلام واللي بدو يوقف ضدو لازم يتهاجم

هاد المنطق اللي ما بيعرفو المتطرفين غيرو... و هاد مانو فكر.. هاد اجرام و لازم ينوقف بوجهو

ولا لما الدول الغربية بتسيئ للرسول ص معلش وانو اذا مفتي (اللي نصفهم للاسف مأجورين) بيطلع فتوة الكل بيهاجمو من دون ما يعرفو شو القواعد اللي بنى عليها فتواه

طالما الفتوى نهايتها اسكات و ارهاب و قتل ما بيهمني ع أي أسس انبنى عليها و مالها أي حق بالاحترام من أي نوع... كل واحد يعتقد شو ما بدو بس بأصول احترام الآخر... و شي جميل لما الارهابيين يحكو عن الاحترام بس بنفس الوقت يدافعو عن القتل باسم الدين... ما بيطلعلون يحكو عن الاحترام...

[MadMax]

كاتب النص الأصلي : barcawi

وقواعد الدين بتنص على هدر دم اي شخص ملحد

جملة مهمة ... يا ريت تثبتلنا ياها

(وانت شو بتعرف عن الاسلام حتى عم تحكي)

ما في داعي يعرف
المهم يعرف عن قانون الدولة يللي عايش فيها

[Ms. J.A]

كاتب النص الأصلي : barcawi

والله ما هو بالحجة والبراهين اهدر دمو لكن من وين جاب الفتوة من عند امو مثلا




الدين

هلأ انا مش فاهمة !!
لمّا انا أكون مقتنع باللي مؤمن فيه وعارف انو فيه جواب لكل سؤال وانو قوي لدرجة تسكت الكل فيه !
ولما بنحكي انو الدين انتشر ببد
ايتو بالحجة والبرهان لشو نحرم النقاش بأي موضوع ديني ؟
ولشو نحط خطوط حمرا !!
دين كامل وفي كل هالصفات ليش ما بيستخدمو الفاهمين فيه المنطق ليقنعو الناس ويجاوبو ع تساؤلاتهم ؟؟
ولايش بنحط عواقب ترهيبية فظيعة زي اهدار الدم؟؟!
وهل ا ي واحد من هالمفتين كامل كفاية ومفوض لينهي حياة شخص لأنو مقتنع انو تخطى خطوط حمرا !؟؟؟؟؟؟؟؟

[barcawi]

ما عاد بدي احكي اكتر من هيك
لانو مسنحيل لحق عليكم كلكلم بوقت قصير كتيييييييييييييييييير بس بوعدكم ارجع

بس عندي تعقيب على كلام السيد المحترم ماد ماكس
مين قلك انو الدولة اللي عم تعيش فيها اسلام اصلا اصالا لو كانت دولة اسلامية لما كنا وصلنا على هاد الانحطاط الخلقي

[yass]

كاتب النص الأصلي : barcawi

ما عاد بدي احكي اكتر من هيك
لانو مسنحيل لحق عليكم كلكلم بوقت قصير كتيييييييييييييييييير بس بوعدكم ارجع

بس عندي تعقيب على كلام السيد المحترم ماد ماكس
مين قلك انو الدولة اللي عم تعيش فيها اسلام اصلا اصالا لو كانت دولة اسلامية لما كنا وصلنا على هاد الانحطاط الخلقي

الله يديم الانحطاط الخلقي (اذا معتبر الخلق هو قتل من يخالف الفكر الاصولي المتطرف فمزبوط.. في انحطاط خلقي) و يبعد الارهاب المجرم اللي تدافع عنو...

كل من يدافع عن قتل شخص بسبب فكر هو مجرم متلو متل اللي ينفذ القتل, و ما يطلعلو يحكي عن الاحترام لأنو أدنى احترام للآخر اللي هو احترام حق الحياة مانو موجود...

[فسحة أمل]

كاتب النص الأصلي : barcawi

ما عاد بدي احكي اكتر من هيك
لانو مسنحيل لحق عليكم كلكلم بوقت قصير كتيييييييييييييييييير بس بوعدكم ارجع

بس عندي تعقيب على كلام السيد المحترم ماد ماكس
مين قلك انو الدولة اللي عم تعيش فيها اسلام اصلا اصالا لو كانت دولة اسلامية لما كنا وصلنا على هاد الانحطاط الخلقي

دولة اسلامية شو
من غير دف نحنا عم نرقص بلا دولة اسلامية والعالم عم ينهدر دمها وعم تجاهد حالها اذا ما شافت حدا تجاهدو
بعدين فكرة الدولة الإسلامية ما تطبقت بشكل صح على طول التاريخ كلو كذب التاريخ الي عم تقراه
يا عمي حاج دول اسلامية بقا فصلولي الدين عن الدولة والحياة الدين شغلة بينك وين ربك انت حر عبدومتل ما بدك بس ما تفرض عليي هالشي شوف العالم وين صارو ونحنا اسا عم نستفتي المشايخ كل يوم جمعه عن الفوتة عالتواليت اذا باجر اليمين ولا الشمال حشا السامعين بلا ما ندخل بهل النوع من الحديث

[whiterose]

كاتب النص الأصلي : فسحة أمل

اما بالنسبة للدكتورة نوال السعدوي بدأ سيناريو التكفير معها بسبب حوار صحفي اعترضت فيه على قواعد لميراث في الشريعة الإسلامية والتي تعطي الرجل مثل حظ الأنثيين في بعض حالات لميراث ووصفتها بأنها غير عادلة ودعت إلى وقف لعمل بها وضرورة تعديلها لتصبح أكثر عدلاً ومساواة, كما اعترضت أيضاً على فريضة الحج ووصفتها بأنها وثنية وخصوصاً فيما يتعلق منها بالطواف حول الكعبة وتقبيل لحجر الأسود كما هاجمت تعدد الزوجات ووصفتها بانها انتقال مستمر للرجل بين أسرة النساء ودعت إلى السماح للنساء بتعدد الزواج إذا اصر الرجال على تعدد الزوجات
وأن حجاب المرأة عادة بدوية ولا علاقة له بالأسلام

فتحرك مفتي مصر نصر فريد واتهم نوال السعدوي بانها خارجة عن الأسلام وقام محامي اسلامي بالتقدم ببلاغ إلى النائب العام يطالب فيه بمحاكمة الكاتبة وقام باقتطاع أجزاء من قولها ودعا إلى التفريق بينها وبين زوجها الدكتور شريف حتاتة
وعلق المفتي على ما قالته في الحوار بانها تعتبر:" خارجة عن الإسلام ويجب استتابتها أمام لجنة من علماء الأزهر " وهي فتوى لا تعني فقط تكفير السعداوي بل انها تعطي مبرراً لقتلها كمرتدة عن الإسلام
والسعدوي حتى الأن تعاني من حظر رسمي على ظهورها على شاشة التلفزيون المصري, على الرغم من احتفاء جميع قنواة العالم بأحاديثها وأفكارها.

وهنا تجدر الإشارة إلى أن الدكتورة نوال السعدوي تحمل في رصيدها أكثر من 35 كتاب معظمها يدرس في كليات وأكاديميات علمية ابتداءً بالولايات المتحدة الأمريكية وانتهاءً بافريقيا باستثناء عالمنا العربي
وعلقت الدكتورة نوال على هذه القضية بالقول من الغريب أن ينسب إلي كلام لا يمكن أن تقوله من هي في مثل مركزي وسني وخبرتي وثقافتي ..... قلبو كلامي رأساً على عقب , وذكروا فقرات منه ولم يذكروا فقرات أخرى , حتى يصبح للكلام معنى أخر .

معلش تعذرني

هون نوال السعداوي ما اطلقت فكر من فكرها والناس كفرته
هون هية مست بعقيدة وباساسيات دين
كفريضة الحج يلي تعتبر من اساسيات الدين الاسلامي
مابتخيل هاد فكر هاد فعلا اسمه تكفير

بغض النظر عن فكرها باشياء آخرى غير المساس بالعقائد على القليل احترام العقائد الدينية كافة

[yass]

كاتب النص الأصلي : whiterose

معلش تعذرني

هون نوال السعداوي ما اطلقت فكر من فكرها والناس كفرته
هون هية مست بعقيدة وباساسيات دين
كفريضة الحج يلي تعتبر من اساسيات الدين الاسلامي
مابتخيل هاد فكر هاد فعلا اسمه تكفير

بغض النظر عن فكرها باشياء آخرى غير المساس بالعقائد على القليل احترام العقائد الدينية كافة

أي و المعنى؟؟