دين الوطن... أهو الوطنية؟

[yass]

يتم الحديث اليوم عن مستقبل العراق دستوريا, نقاط الخلاف الأساسية تتعلق بعلاقة الدين مع الدولة وحقوق المرأة , كما يتم الحديث عن نظام السلطة ( فدرالي , مركزي ...الخ) .


يحزنني , يخجلني , يكهرب اعصابي , أننا أصبحنا في القرن الواحد و العشرين و ما زلنا نتحدث عن الدين و علاقته بالدولة , عن دولة اسلامية, سنية أو شيعية, لا يقتصر الأمر على العراق...نفس الاسطوانة في جميع الأقطار العربية , ما عدا بعض الأقطار العربية التي يبدو أنه هناك اجماع على الرغبة في العيش في العصر الحجري .


لماذا ما زال العرب في نقاشات و مداخلات فرغ منها باقي القرون منذ سنوات؟ هل ياترى نحب التمرغ في مزبلة التاريخ و قذارته ولا نرغب بالخروج ؟!


ما زلنا نتحدث عن مسلم و مسيحي ودرزي و علوي و شيعي و و و.... ألا نخجل من انفسنا؟ لماذا يعرف البعض عن نفسه في الخارج بقوله : فلان الفلاني , لبناني مسيحي , أو سوري ارثوذكسي , أو مصري قبطي... ألا لعنة الله , أو الجحيم لتقع على هذا الأفيون الذي تلحقونه باسماء أوطانكم, لتحل اللعنة على تحجراتكم وتخلفكم و عنصريتكم و قذارتكم , تمرغون الحياة بقمامة العصور الميتة, يتحدث العالم عن الذرة و الفضاء و الطب الحديث .......... و تتحدثون انتم عن الحجاب و الجهاد و الثالوث, وهل يتزوج المسلم من مسيحية, ومن اكثر ايمانا من الآخر , فلتعضوا أنفسكم يا أفاعي , عسى أن تموتوا بسموم أنيابكم "المؤمنة" .


لكي يسمو وطن و تعلو أمة يجب أن يكون الشعب هو الأله وهو الشيطان, هو الجنة وهو النار, أن يكون الايمان بالعدالة و المساواة و حرية الفكر هو الدين .


يقول أمين معلوف في روايته "سمرقند": ليس هناك أسوء من حكم يسيره النضال .... أنا أقول : ليس هناك أسوء من حكم يسيره الدين , من دولة تضع شعارا غير الوطنية و غير الحرية و المساواة لأبناءها...الوطن أعلى من أي قضية , أسمى من أي دين , وحريته واجب مقدس.



Yass

[حسون]

مشكور عالموضوع أبو مارال
و أهلا و سهلا برجعتك
عالموقع

[krimbow]

مرحبا ياس

متل العادة موضوع رائع

ياريت لو تنزل منو نسخة بحوار الاديان بلكي بيستوعبوا شوي

" الدين افيون الشعوب "

عبارة صحيحة 100 %

برأيي الشخصي ... ما بتعني ابدا انو الاسلام افيون او المسيحية هيرويين او انو الاديان شغلة ما بتسوا
لكن اي دين لما بدنا نسقطو ع شعب و نخلي عبارات انكتبت من كذا الف سنة هيي يلي تحط قوانين السير و التعاملات البشرية بين بعضهم البعض بدنا نوصل للعراق

الحل الوحيد هوي فصل الدين عن الدولة ... خصوصي ببلاد متل العراق و لبنان و سوريا و فلسطين

يتحدث العالم عن الذرة و الفضاء و الطب الحديث .......... و تتحدثون انتم عن الحجاب و الجهاد و الثالوث, وهل يتزوج المسلم من مسيحية, ومن اكثر ايمانا من الآخر , فلتعضوا أنفسكم يا أفاعي , عسى أن تموتوا بسموم أنيابكم "المؤمنة" .

هاد المقطع بالذات .... بتمنى انك تنزلو بحوار الاديان

لكي يسمو وطن و تعلو أمة يجب أن يكون الشعب هو الأله وهو الشيطان, هو الجنة وهو النار, أن يكون الايمان بالعدالة و المساواة و حرية الفكر هو الدين .

المبكي بالموضوع ... انو اذا بدك تشتغل "زبال" لازم يكون من " طائفة " معينة
بدك نسمو ...
اي بعيدة كتير عن شواربنا

يا هلا بابو مارال

ع فكرة ... في كتاب لأمين معلوف اسمو "الهويات القاتلة" طالما بلشت تقرالو بنصحك بهالكتاب

[أبو المجد]

شكرا أبو مارال موضوعك شيٍق ومهم جدا
فعلا إن الدين(افيون الشعوب) ويستخدمه الحكام ال00000000 لتسطيح عقول البشر
وبالتالي السيطرة على عقولهم 000000000 !!!!!!!!
ولا أظن اننا نستطيع ان نواجه هذا الأفيون بغير العلم والثقافة0
فعندما تريد أن تقنع أي إنسان متدين بأي فكرة أو رأي فإنك لا تستطيع00لماذا ياترى 0
لأنه مقتنع سلفا باللامنطق واللاعقل 0 عندها تكون المهمة شبه مستحيلة 000
فلنبدأ بأنفسنا ثم بأحبابنا 00000000000
اشكركم جميعا وخاصة ياس لأنه ضرب في الصميم 0

[Syria Man]

شكرا أبو مارال موضوعك شيٍق ومهم جدا

[aboalzeik]

على راسي الشبيبة
و الله حيوووووووووووووا ياس

بتعرفوا شو المشكلة شباب كل واحد بيقعد على الكرسي بيكون مثلا سني بيقوم بيقلب دنيتنا كلها على هالاساس
بيقول بيجي مسؤول بعده شيعي او ارثذوكسي او ايا دين او طائفة بيغير على كيفة

مشكلتنا متل ما قلتوا فصل الدين عن السياسة يعني لما الواحد بيبدى بمسيرة اصلاح ولا ايا شي لازم اللي بيجي بعده يكملها
نحن عنا كل واحد فكرة مختلف و ما بيجمعنا غير مصالحنا الشخصية

اما العالم كله بيجمعه مصلحتة المشتركة متل اوربا اللي توحدت اقتصاديا لمصحتها المشتركة علما انوا فيها 100 دين و عرق و جنسية
و نحن اللي كلنا على بعضنا اخوة و كلنا منشترك بكتير شغلات كل واحد واقف على مزبلة و عم يصيح عليها



متل ما قال صاحبنا كلما تعرفت على البشر ازداد حبي للكلاب
انا كلما تعرفت على الاديان ازداد حبي للالحاد
دائما لازم يكون عنا الدين بكل شغلة منحشرة
بالبطاطا منحشر الدين بالسياسة منحشر الدين لك حتى بعلاقاتنا الشخصية و صداقتنا منحشر الدين

[صياد الطيور]

انا كلما تعرفت على الاديان اذداد حبي للالحاد

أنا وصلت لهل المرحلة ....

بس بتعجبني مقولة ( الدين لله والوطن للجميع ) ....لو بتتنفذ

بالبطاطا منحشر الدين بالسياية منحشر الدين لك حتى بعلاقاتنا الشخصية و صداقتنا منحشر الدين

ولك آآآآآآآآآآخ

[yass]

حسون , krimbow , أبو المجد , syria man , صياد الطيور

شكرا عالردود يا شباب

[Maher 4x4]

ياريت لو تنزل منو نسخة بحوار الاديان بلكي بيستوعبوا شوي

ناوي تجيبلو وجع راس للزلمة ؟


yass: الدين هوه أخلاق الأنسان وتعاملو مع الناس (( مو بالأسم )) يعني ... أقرأ توقيعي

والشباب كفوا ووفوا

[silent_storm]

فليشغل العراقيون ويحلو مشاكلهم

[to live is to die]

اول شي حلو كتير بس باينتك معصب

أنا أقول : ليس هناك أسوء من حكم يسيره الدين , من دولة تضع شعارا غير الوطنية و غير الحرية و المساواة لأبناءها...الوطن أعلى من أي قضية , أسمى من أي دين , وحريته واجب مقدس.

يا ياس صار في شي اجدد من رفع شعار ديني والقيادة على اساسو صار في رفع شعارات دينية على اساس وطني وعند هالعالم الله تبعون ما بيغلط ويلي بيغلط بيكون خاين للوطن والدين سوا ففي عنا تتطور بالتخلف يعني شي جديد كتير كتير
وما لابعرف شو قللك انو الوضع مرعب
وشكراً كتير عالمقال الصح

[توت توت توت]

يعطيك العافية يا سين ...
بعرف انو الموضوع طالع من حرقة و من وجع على هالواقع المعفن ...
بس بقولوا ..
خير لك أن تشعل شمعة واحدة .. من أن تجلس طول العمر تلعن الظلام ...
تحياتي ..

[عاشق من فلسطين]

مشكور كتير أبو مارل على هالمقال الرائع ... لأنو فعلا الدين أصبح شيء يهدم بدلا" من أن يبني ... واللي صاير فينا نحنا العرب تحديدا" متل ما قال زياد الرحباني " حتى بالبرغل والعدس في طائفية .. بس بالعدس أكتر"

مشكر مرة تانية ..

[here i am]

ياس أهلين برجعتك
خيو كلنا منعرف ماهو الدين خلقولنا ياه و قسمنا فيه مشان يشلو عقول البني ادمين مشان يحصرونا و ينظمونا ضمن طوائف بيسهل السيطرة عليها هذا من وقت ماخلق الانسان
الدين مانو إلا حاجز أكتر الأحيان بيوقف عندو العقل و بينطر أنو يرضي الله
---------------
مشكور ياس و حسام نورتوا المنتدى برجعتكون

[krimbow]

up
up
up

[yass]

آه!! صبابة. مشكور يا كريمبو على تذكيرك بهالموضوع يللي طلع كفشة خلق يوميتها

أنا شخصيا أعتبر أنو أجمل ما كتبت بكل حياتي كانت هالجملة:

لكي يسمو وطن و تعلو أمة يجب أن يكون الشعب هو الأله وهو الشيطان, هو الجنة وهو النار, أن يكون الايمان بالعدالة و المساواة و حرية الفكر هو الدين .

تحياتي

[bmi]

أسوأ ما يمكن أن يحصل لأي بلد هو الطائفيه

[sweetbaby]

حابة اعمل up....
موضوع رائع.....

وللاسف انو عنجد الدين افيون الشعوب



شكرا ياسوو