هل الفتاة أو المتزوجة التي تطالب بورثتها عاهرة

[Nay]

المشكلة ليست في الميراث المشكلة هي في مجتمعناالذكوري في عقول النساء عندما تعتقد المراة بانها غير كافية لتكون انسانا وبانها غير اهل فعلا لتملك او تتصرف او تستقل ماديا عن سطوة اخوتها او زوجها او ابيها
مما يجعلها تمتنع مقتنعة عن المطالبة بميراثها او عنن الوقوف في وجه زوجها عندما يمنعها عن العمل او عندما يضربها على الرغم من وقوف القانون الى جانبها بشكل واضح..
نحن بحاجة الى اعادة تأهيل عقول النساء قبل الرجال..

[الباحثة عن الحرية]

اول شي هي العادة مش دينية يعني سبب انتشارها مش الدين بس من المجتمع الذكوري الموجود بالوسط العربي بالعكس في اديان متير بتساوي بين الرجل والمراة بكل شي مش بس الميراث
تاني شي هي العادة اسا بطلت منتشرة كتير يعني صار في وعي بس اكيد بعد في ناس بتمنع البنت من الورتة بس مش متل الاول

[fernanda bachchan kfoury]

نعم نعم ؟؟ شو عم بسمع ؟
هلاء شو دخل اللي يطالب بورثتو وبالعاهرة ؟؟؟
لك شو دخل هاد بهاد ؟؟ تخبيص والله
انو الصبية اللي تطالب بحقا واللي هوي حقا الشرعي بتصير مو منيحة ويصير مكانها الشارع؟
انو ليش؟؟ شو الفارق بين الشب والبنت ؟


اي شو هالتفكير المتخلف هاد يا
الله اللي هوي الله بيقول بكتابو انو للولد حظ الانثيين وهاد دليل ع انو للصبية ورثة وهنن مايورثوها
يقطع عمر كل مين بيفكر هيك

[MadMax]

كاتب النص الأصلي : Nay

المشكلة ليست في الميراث المشكلة هي في مجتمعناالذكوري في عقول النساء عندما تعتقد المراة بانها غير كافية لتكون انسانا وبانها غير اهل فعلا لتملك او تتصرف او تستقل ماديا عن سطوة اخوتها او زوجها او ابيها
مما يجعلها تمتنع مقتنعة عن المطالبة بميراثها او عنن الوقوف في وجه زوجها عندما يمنعها عن العمل او عندما يضربها على الرغم من وقوف القانون الى جانبها بشكل واضح..
نحن بحاجة الى اعادة تأهيل عقول النساء قبل الرجال..

نقطة كتير مهمة
يعني جزء كبير من المسؤولية عن وضع المرأة بمجتمعاتنا الشرقية ....بتوقع على عاتق المرأة نفسها

يعني في كتير نساء ... مبسوطين بالموقع يللي موجودين فيه ...و مو حابين يغيروه

[habiba2008]

كاتب النص الأصلي : lostman1

- بالصدفة استمعت لحديث تلفوني بين شخص و أمه .. .. قال لها بعد كل ما عملت و ضحيت به من أجل أخوتي جايي تطالب بورثة و حصة بالأرض .. اطرديها برات البيت للشوارع - هذا مكانها الطبيعي ، خليها برا .. هي مجرمة و مو أخت .. صدمني هذا الحديث و لا أريد أن أطيل كثيراً - لكن بكثير من المناطق في الساحل و الجنوب و السويداء و حمص و غيرها ترغم المراة على ترك حصتها تحت عوامل اجتماعية عديدة فما رأيكم ؟؟

:|3ahera
yemken ma fehem elkelma men asasou


tajhalouf ou 3oukad ou jnan ou 3adat balya ou sarahatan achi yemken men hajethoun ou fakerhoun elmadi watakafi wal fikri wa edini

talabat belwerta law kanet talabet belmousawat chou kan samaha

[whiterose]

كاتب النص الأصلي : MadMax

يعني عدم المؤاخذة كلامك عاري عن الصحة ( ما بدي احكي عن شو دوافعك )
بس أنو الشغلة بسيطة ... بتقدر تراجعي قانون الاحوال الشخصية عند المذهب الجعفري يللي يتندرج تحتو الطائفة العلوية و الطائفة الشيعية
أما بالنسبة للأعراف .... فبتختلف حسب المناطق و مدى تطورها
يعني يمكن تشوفي هيك كلام بالأرياف بكل المناطق السورية و عند كل الطوائف
و بتقل هالأمور كل ما اتجهتي أكتر باتجاه المدن

انا لما قلت قصدت انها عرف وتقليد مو دين
لأنو الدين اكيد امر بالتوريث
مابدي احكي عن حالي
لكن عدم توريث المرأة بالمذهبين موجود وهالشي اكيدة منو ورجعت اتاكدت منه من اهلي
وبرجع بقول انهم مو بس بيكتفو بعدم توريث المال وعدة اشياء تانية
وماعاد في شي ممكن ضيفه

[MadMax]

كاتب النص الأصلي : whiterose

انا لما قلت قصدت انها عرف وتقليد مو دين
لأنو الدين اكيد امر بالتوريث
مابدي احكي عن حالي
لكن عدم توريث المرأة بالمذهبين موجود وهالشي اكيدة منو ورجعت اتاكدت منه من اهلي
وبرجع بقول انهم مو بس بيكتفو بعدم توريث المال وعدة اشياء تانية
وماعاد في شي ممكن ضيفه

كيف عرف محصور بطائفة ....
مع العلم أنو هالطائفة مو معزولة .... بالعكس .. فيها تداخل كبير مع الطوائف الأخرى
العرف بصير ببيئة معينة مو بدين
يعني مثلاً ... في أعراف و عادات كتيرة مشتركة بين العلويين و المسيحيين بطرطوس
أكتر من الاعراف المشتركة بين علويي طرطوس و علويي ....... الغاب مثلاً










عالهامش ... عندك قدرة غريبة لتحويل أي موضوع لسجال طائفي

[whiterose]

كاتب النص الأصلي : MadMax

كيف عرف محصور بطائفة ....
مع العلم أنو هالطائفة مو معزولة .... بالعكس .. فيها تداخل كبير مع الطوائف الأخرى
العرف بصير ببيئة معينة مو بدين
يعني مثلاً ... في أعراف و عادات كتيرة مشتركة بين العلويين و المسيحيين بطرطوس
أكتر من الاعراف المشتركة بين علويي طرطوس و علويي ....... الغاب مثلاً
عالهامش ... عندك قدرة غريبة لتحويل أي موضوع لسجال طائفي

مابقدر كون طائفية وعمري ماكنت طائفية
لكن الأنسان بشوف بالواقع قصص بتخليه يتعلم ويفكر
اكيدمابقصد شي كل الناس خير وبركه
والانسان هو المسؤول عن تقييم نفسه اتجاه الناس التانية

بعرف بالنسبة لطرطوس باعتبار صافيتا دركيش اغلبها مسيحيين وعلويين فقط
وطريقة التشابه بالعرف بتجي من المنطقةوتاريخها مو من البشر
خلينا بصلب الموضوع

[محمد ابراهيم]

كاتب النص الأصلي : VivaSyria

منرجع لحضرتك عمي حاولي تقري شوي تتثقفي شوي تفهمي شوي قبل ماتحكي...

دخيل ربو المثقف

وشو هو الحد الادنى من القراءة او الثقافة اللي سيادتك بتسمح فيه النا لحتى نقدر نتشارك بالاخوية ونكتب من دون ما نزعج سيادتك وكمان حتى ننول رضاك عنا ؟

تؤتؤتؤتؤتؤ

العالم مارح تكتب فقط متل ما انا بدي او متل ما انت بدك او متل ما اي شخص بدو ، الحكمة في انو كل واحد يعبر عن اللي بدو (واذا اخطأ في التعبير ، اللي بيدرك خطأ هالشخص يقوم يصحح الو على فرض انو بدو يصحح هالخطأ) لكن انو تقصر حق التعبير على "فقط" الي بدو يقرا شوي ويتثقف شوي يبقى على مايبدو انت اكتر واحد بحاجة الى انو يتثقف شوي ، هذا بغض النظر عن محتوى رد الشخص الي انتقدتو وبغض النظر عن مستوى ثقافتو او علمو ، الاخوية لا تبدو لي ملتقى العلماء والمثقفين والنخبة (مع مراعاة انو في اشخاص اكثر مني علما وثقافة ، لا اقصد تقليل حجمهم او انكار وجودهم بالاخوية ) ولكن الغالبية العظمى بالاخوية لا من النخبة ولا علماء ولا مثقفين .

[lostman1]

كاتب النص الأصلي : W.E.G.A

كانك تقلت على البنات شوي

عاهرة

نعم في حالة بالمجتمع أن من تطالب بتركتها هي امراة بلا شرف .. و هذا عبر عن ذلك بقوله لأمه
قلعيها برات البيت و خليها بالشوارع ..

.

[madona]

كاتب النص الأصلي : almurtaja

كلامك صحيح انو موجودة هالشغلة بالأرياف والضيع

بس والله انك تجي وتقلي انو هي الشغلة موجودة عند العلويين والشيعة فأنا بقلك لاتحكي شغلة مانك متأكد منا أو ما بتعرفا

انا بعرف حالات صايرة متل ما قلت انت بالنسبة للميراث بس هادا سببو الجهل وليس الدين يا حبيبي

و انا بايد كلامك لان الجهل ما برتبط بدين او مذهب
كل اراضي حوران من السويداء و درعا من مسيحيين و اسلام محرم على الانثى ان تطال يدها ارثها من ارض ابويها

[Marooshe]

انو انا ما عم افهم يعني وين نقطة العهر بالزبط... وشو الهدف منها هون...
وليش لحتى المرأة ما تطالب بورثتها؟ لانها كائن منقوص؟

كاتب النص الأصلي : MadMax

نقطة كتير مهمة
يعني جزء كبير من المسؤولية عن وضع المرأة بمجتمعاتنا الشرقية ....بتوقع على عاتق المرأة نفسها

يعني في كتير نساء ... مبسوطين بالموقع يللي موجودين فيه ...و مو حابين يغيروه

اول شي...
معك حق بانو جزء من التغيير ما بيجي الا بأيد المرأة نفسها... يعني بواقع هيك مجتمع اكيد ما رح يجي الرجال ويقول للنساء تعو تأعطيكو مساواة... يلي بدو شي المفروض يسعالو ويطالب فية هي عم نشوف انو المرأة قدرت تحصل على جزء كبير من حقوقها بعد ما تجرأت انو تطالب فيها...

وتاني شي...
مافي مرأة بتكون مبسوطة بالذل والاهانة والقمعية والدونية والقرف يلي عم عيشو الا لسبب واحد وهو الخوف... او بكل بساطة عدم الوعي للشي...
يعني عدم الوعي للدونية هاي والسبب بيكون طبعا بأنو النساء رضعانين خليب تخلف بيفرض عليهن هشي وبيربو علية وكأنو اكثر من طبيعي...

وتالت شي...
الواقع صحيح ما بيتغير الا ازا النساء سعيت لهشي بس كمان مستحيل يتغير الا ازا النص التاني ساعد وساهم بهشي... وبس بهطريقة هي بيكون عنا مجتمع متمدن متكافئ...

[VivaSyria]

كاتب النص الأصلي : madona

و انا بايد كلامك لان الجهل ما برتبط بدين او مذهب
كل اراضي حوران من السويداء و درعا من مسيحيين و اسلام محرم على الانثى ان تطال يدها ارثها من ارض ابويها

يا عمي هاد الكلام كلنا منعرفو وصحيح 100%... في مناطق بسوريا لسا فيها هيك قصص... بس منبقى أحسن بكتير من غير دول بالمنطقة...بس في ناس جاهزين ليقلبو أي نقاش لنقاش طائفي أو ديني أو مذهبي... وبطريقة كتير بغيضه ومستفزه.... لك وبرجع بقول ياريت يتعلمو أو يعرفو شي عن هالمذاهب والأديان قبل مايحكو عنها... بس هيك القصة رمي حكي فاضي والسلام.

[روعة1]

لك وبرجع بقول ياريت يتعلمو أو يعرفو شي عن هالمذاهب والأديان قبل مايحكو عنها... بس هيك القصة رمي حكي فاضي والسلام.

ليش مين حضرتك لتقييم كلام الناس ان كان فاضي ولا مليان..!!
العالم رح تيجي تحكي على حسب ما هي بتعرف و على حسب ما هي مقتنعة مو على حسب ما انت بتعرف و مقتنع..!! و حتى لو كلامون كان فعلا غلط كان من الارجح يتم تصحيحو بطريقة افضل..

[ارسلان]

قد يملك الرجل حجة تدفعه لعدم توريث أخته

فقد تبدو الخيانة مشروعة أحياناً

[zen]

هلاء ببداية الموضوع انو محطوطة كلمة عاهر لتلفت النظر مو أكتر
بس قصة عدم التوريث للبنت موجودة بالمجتمع كتيررررر
وما لازم نحكي طوائف بهالموضوع
بس وايت روووز صايبها فايروووس اسمو طوائف

انو هالقصة بترجع ع تربية الشخص والمجتمع ككل
ما بعرف كيف يعني والله انا شفت علية علوية مابتورث
يعني هاد مو بيطبق على كل العلويين
وشفت علية سنية ما بتورث كمان ما بتطبق على الكل
هاد الموضوع راجع للبيئة
بس كأني شايف روعة معصبة
من فيفا

أنفيغ شيفووووووووو
عقولة زياد

يعني غريب انا ما شفت بكلام فيفا تقييم لحدا
انا شفت تصويب
وكلشي ضمن حدود النقاش
ممكن
يعني هو ماحرم نسرين انها تحكي
ولا قال لحدا ما تحكي
بس اللي بدو يحكي
يحكي بعقل
انا من حقي اعطي رأي بأي شي
هي بيجوز من قانون المنبر
ولا كيف
?

[صياد الطيور]

كاتب النص الأصلي : whiterose

وعند أخواننا العلويين والشيعة
يلي بيحرموا البنت من الميراث

كاتب النص الأصلي : whiterose

العلويين مابيورثو البنت لا مال ولا عيلة ولا سلطة ولا حتى دين

كاتب النص الأصلي : whiterose

هي حقيقة موجودة بالأرياف وللأسف العلويين والشيعة كمان مابيورثوا الأنثى أبدا

أنا مصدوم لدرجة الانبهار و الانشداه و الانصراع و الانفلاج ..

خيتي بحياة الله الي بتعبديه لا تحكي كلام ما بتعرفيه ..

[روعة1]

بس كأني شايف روعة معصبة
من فيفا

لا بالعكس زين.. لا معصبة ولا من يحزنون..
من شو بدي عصب

يعني غريب انا ما شفت بكلام فيفا تقييم لحدا
انا شفت تصويب
وكلشي ضمن حدود النقاش

زين لما بينعت كلام الناس بالتخبيص و المسخرة و الحكي الفاضي هون التقييم بحد ذاتو..

ممكن
يعني هو ماحرم نسرين انها تحكي
ولا قال لحدا ما تحكي
بس اللي بدو يحكي
يحكي بعقل

انا ما قلت انو هو حرمها من انو تحكي..
بس كل واحد بيحكي على حسب ما هو معتقد و على حسب ما هو بيعرف.. يعني مثلا انا ما فيني انعت كلامها لوايت روز بالمسخرة لانو هي هيك مقتنعة و هيك عم تحكي.. اكتر ما هنالك اني فيني ناقشها و حاول صححها..