الإراءة ساحة حرب ضحيتها الاطفال

[Nay]

يوجد في مدينة دمشق في العام 2008 الفا حالة تفريق "طلب طلاق" نتج عنها 600 حالة اراءة
والاراءة هي طلب احد الزوجين عن طريق المحكمة حق رؤية ابنه الذي يكون في حضانة الطرف الثاني اذ أن الطرفين ولاسباب كيدية غالبا لا يتفقان على طريقة حضارية في التعامل والسماح للاطفال برؤية الطرف الذي لا يكون حاضنا لهما بعد الطلاق فيلجأ هذا الطرف للمحكمة للحصول على حكم بالاراءة في مركز اللقاء الاسري في دمشق الذي تم تأسيسه في العام 1999 بمبادرة من وزارة العدل السورية وبدعم من منظمة اليونيسيف ومشاركتها وبتمويل من الحكومة السويسرية وهو عبارة عن منزل في ساحة العباسيين فيه كراسي بلاستيكية يلتقي فيها الاطفال مع ذويهم في ظروف اقل ما يمكن وصفها بالفظيعة.. وسط زحام يصل الى 600 حالة اراءة في يوم واحد في هذا المركز ...تتعالى الاصوات.. صريخ ومشاجرات.. فضائح الاسر ومشادات المطلقين وزعيقهم المستمر يوتر الاطفال ويجعلهم في هيستيريا لاتطاق....
تبدو صعبة ومعقدة أية محاولة لفهم آلية تفكير الآباء والأمهات الذين اختاروا هذا المركز للقاء أطفالهم، وإصرارهم على الاستمرار في هذه (المقامرة) على الطفل... وتبدو اصعب محاولة فهم سكوت الجهات المعنية حتى الان وعدم وضع آلية عمل جديدة تحترم انسانية الاطفال ولا تحرمهم رؤية ذويهم...

[Ms. J.A]

الجهل مشكلة !! لهلأ صعب نلاقي ناس متحضرين يحطو مصلحة ابنهم او بنتهم أولا !! ولهلأ ما بنلاقي كتار بيعتبروا الطفل انسان حساس وبيلقط كل شي حواليه وبيتأثر فيه ! الأغلب بيفكرروا جاهل ما بيعرف شو اللي عم بيصير وانو سهل تضحك عليه بلعبة لتقنعو انو الأمور مشيت.

[ooopss]

وسط زحام يصل الى 600 حالة اراءة في يوم واحد في هذا المركز

معقول !
فعلا وضع محزن ..
بعرف ممكن يتم الاتفاق على الإراءة بمنزل الأب أو بمنزل شخص حيادي اذا وافق .
يعني ما شرط بالمركز
بس اذا ما اتفقوا الأبوين وتم العناد متل ما ذكرتي بيتم اللقاء بالمركز وضمن الدوام الرسمي وباشراف موظف الدائرة كمان .
قضية بتستاهل الاهتمام من الجهات المعنية . المراكز بحاجة لرعاية وتطوير .

شكرا للطرح

[Nay]

حسب الاحصاءات هناك 936 إضبارة إراءة موزعة على مدار أيام الأسبوع ماعدا يوم الأربعاء عطلة المركز، حيث يستقبل المركز يوم الأحد 50 حالة إراءة والاثنين 45 حالة والثلاثاء 48 حالة والخميس 80 حالة، أما يوما الجمعة والسبت فلهما حصة الأسد، بـ601 حالة ليوم الجمعة و136 حالة ليوم السبت كل ذلك خلال الدوام الرسمي وفي غرفة واحدة

شكرا للمرور

[Nay]

إذا كان عمر الطفل من شهر إلى 9 أشهر، فإن مدة الإراءة لن تتجاوز الخمس عشرة دقيقة وبالمركز حصراً، وعندما يبلغ الطفل عامه الرابع تكون مدة الإراءة بما لا يقل عن الساعة ولا يزيد عن الثلاث ساعات (لئلا يمل الطفل) دون المبيت عند الطرف غير الحاضن والذي يحظر عليه إخراج الطفل من المركز، وهكذا حتى دخول الطفل عامه الخامس إذ يحق بعدها لهذا الطرف باستضافة الطفل في بيته ولمدة محدودة وهي ما اصطلح على تسميته بالإراءة المنزلية ومن الصعب للغاية الحصول عليها...

[yass]

مشكلة لما شخصين ما فيهون يتفقو حتى من أجل مصلحة أهم شي مشترك بحياتهم و هم أولادهم.. مشكلة كبيرة..

هو نزاعات الأراءة شغلة عالمية يعني... حتى بأوربا دائما في نزاعات كتيرة لكن غالبا يكون الحل على يد الأجداد (الطفل عند المرأة تعطيه لأمها اللي تاخدو ع بيت أهل أبوه يشوف أبوه و أهلو و بس تخلص الزيارة يروحو يجيبوه.. مثلا يعني)

شغلة المركز.. يجوز هي الحل الموجود لكن ما بعتقد انو مكان جيد لتشكيل علاقة أسرية.. يعني كأنو زيارة سجن.. لازم يكون في تعايش حقيقي لأنو هاد امر مهم جدا للطفل

[Nay]

استحصلت المراة منذ فترة قصيرة على حق الحضانة للاطفال حتى سن15 عام للبنت و12 للصبي

[Ms. J.A]

كاتب النص الأصلي : Nay

استحصلت المراة منذ فترة قصيرة على حق الحضانة للاطفال حتى سن15 عام للبنت و12 للصبي

بعد هيك سن البنت والصبي بيتم تخييرهم و هون في ظلم لأنو ازا اختارو امهم نفقتهم بتنقطع ويدبروا حالهم بعدين !!

[Marooshe]

تبدو صعبة ومعقدة أية محاولة لفهم آلية تفكير الآباء والأمهات الذين اختاروا هذا المركز للقاء أطفالهم، وإصرارهم على الاستمرار في هذه (المقامرة) على الطفل... وتبدو اصعب محاولة فهم سكوت الجهات المعنية حتى الان وعدم وضع آلية عمل جديدة تحترم انسانية الاطفال ولا تحرمهم رؤية ذويهم...

يعني ممكن اي عقل بشري يفهم انو تنين ما اتفقو وقررو الانفصال... بس انو عم يتنازعو على مكان رؤية اطفالهم؟؟؟

وضع بيثير عندي من جهة الشفقة ع الاطفال ومعاناتهم والعواقب الوخيمة يلي رح تنتج عن هيك تصرفات اجرامية بحقهم....
ومن الجهة الاخرى الاشمئزاز من الاهل وقلة عقلهن وعدم تفكيرهن بالتأثيرات والاضرار النفسية والاجتماعية يلي رح ترافق اطفالهن بسبب هيك قرارات...

بستغرب من جيل المفروض يكون ناضج عدم القدرة على التنازل والاتفاق لمصلحة حدا يلي المفروض يكون محور حياتهم...

[Nay]

كاتب النص الأصلي : Ms. J.A

بعد هيك سن البنت والصبي بيتم تخييرهم و هون في ظلم لأنو ازا اختارو امهم نفقتهم بتنقطع ويدبروا حالهم بعدين !!

اولا بشكر مرورك اللطيف واهتمامك..
ثانيا بحب صحح الخطا انا كتبت سن الصبي 12 هوي 13
ثالثا بحب كمان صحح معلومتك انو الاولاد بعد هذا السن بتنتقل حضانتون الى الاب حتى سن ال18 بعدين بيختارو
اضافة ليهك الاولاد لما بيكونو بحضانة الام المفروض انو يدفع الاب نفقة الهون بس المبالغ اللي عم تندفع قليلة للغاية يعني الف ليرة والف وخمسمية بالشهر واحيانا اقل من هيك..
كمان ما بيحق للمراة انو تتزوج خلال فترة الحضانة او انو تتغيب عن البيت بداعي العمل اذا كان دواما طويل مثلا
الموضوع كبير كتير... وموجع كتير...

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

هادا المقال حلو كتير.. يمكن بينبه لشغلات ممكن تصير معنا كلنا بس ما حدا بيخطر على بالو او رح تصير معو

[وشم الجمال]

يعني شغلة كتير جوهرية ما عم نقدر نستوعبها الطلاق هوي عبارة عن الحل يللي بلجألو الزوج والزوجة لما تصير الحياة بينهم مستحيلة وهاد معناتو انو انتهت علاقة الزوجية مو انتهت علاقتهم بشكل تام لانوفي شي اهم من العلاقة الزوجية وهيي العلاقة بابناءهم ...المشكلة انو ما عم يفهموا هالنقطة الاولاد ما بعنيهم علاقة الرجل بزوجتو ولكن بيعنيهم علاقتهم بأبوهم وأمهم فيعني بصراحة هالاهل فشلوا انهم يكونوا ناجحين بالزواج وفشلوا ينجحوا كمطلقين ....!!!!!

الموضوع يمكن صعب لانو نحنا عايشين بمجتمع بتسودو الاحقاد وحتى بعد ما يتطلقوا بيصير كل واحد بدو يثبت ذاتو وشخصيتو على حساب اطفالو بدون تفكير فيهم وبشخصيتهم....بصراحة مو الاراءة ساحة الحرب ولكن الاب والام يللي ما بعرفو من الامومةوالابوة شئ همو قاتلي مستقبل اولادهم