المد الاسلامي في سوريا..الى اين؟موضوع للنقاش

[VivaSyria]

( ملاحظة كلمة أغلبية لاتعني الكل )

اي بالفعل مو كل... لأنو يلي مو أغبياء وساذجين منون بيكونو نصابين ومحتالين وأفاقين...

[محمد ابراهيم]

كاتب النص الأصلي : مسطول على طول

تذكرت شغلة وهية أصحاب الحى الطويلة هدول بالفعل كترانين ودارجة موضة الكلابية الباكستانية

بصراحة لما بشوفهم بحس حالي بقندهار .. ولانكى أنو الأغلبية منون أغبياء وساذجين ( ملاحظة كلمة أغلبية لاتعني الكل )

لهون وبس

الكلابية الباكستانية احد اشكال التبادل الثقافي بين الشعوب والدول وتربية اللحى من ثوابت الحرية الشخصية .

دوام الحال من المحال ، هاد ما كان رئيك ولا موقفك قديما ، يبدو انك اتعرضت لعملية غسيل مخ قذرة أو انك خايف من شيئ انا بعرفو وانت بتعرفو .

[مسطول على طول]

كاتب النص الأصلي : محمد ابراهيم

لهون وبس



دوام الحال من المحال ، هاد ما كان رئيك ولا موقفك قديما ، يبدو انك اتعرضت لعملية غسيل مخ قذرة أو انك خايف من شيئ انا بعرفو وانت بتعرفو .

غلطان كتير يا ابو حميد

بالماضي كانت سياسة أخوية غير هلء وبأكدلك أذا بترجع هدليك الايام لح ارجع

وتاني شي الدين شي ورجال الدين شي تاني .. أنا بصنفهم أنون رجال دين على الطريقة الاوربية ومابتذكر أني دافعت عن رجل دين الا عمرو خالد الي أنتة مابتحبو

خيو أنا مابحبهم ( الاغلبية )

[Ms. J.A]

بالوطن العربي اجمالا انتشرت ظاهرة التدين!!
التدين ما في مشكلة اذا كان ناشئ عن قناعة مش عن رهبة او خوف او حاجة او فكرة براس الناس انو هاد هو الطريق اللي بيخلصنا من الفقر والجوع والجهل والتخلف والتبعية واذا ما كنا بيأدي للتعصب والتطرف ورفض الاخر..
الحلو انو بين كل هالمتدينين الجداد ازا بنقدر نسميهم هيك في فريق منفتح على الدنيا وبيستوعب الاخر وعندو نقد ذاتي ورفض للتطرف والعنصرية..والمخيف انو قبال هالفئة في عالم متعصبة للغاية مش بس ترفض الاخر كمان بترفض المسلم الغير متزمت واللي مش متعصب ..
فـ ان شا الله خير ...

[محمد ابراهيم]

كاتب النص الأصلي : مسطول على طول

غلطان كتير يا ابو حميد

بالماضي كانت سياسة أخوية غير هلء وبأكدلك أذا بترجع هدليك الايام لح ارجع

وتاني شي الدين شي ورجال الدين شي تاني .. أنا بصنفهم أنون رجال دين على الطريقة الاوربية ومابتذكر أني دافعت عن رجل دين الا عمرو خالد الي أنتة مابتحبو

خيو أنا مابحبهم ( الاغلبية )

من الافضل اني اكون غلطان (بس بصفة شبه دايمة مابيحصل الافضل )
المهم ، معك انو الدين شيئ ورجال الدين شيئ ، بس انتشار اللحيه اذا اخدناه على سيل المثال ، هو على مستوى المتدينين من العامة وليس رجال الدين ، مزبوط ؟ دوما رجال الدين ملتحين الا فيما ندر .
اذا انتشار اللحية امر على مستوى ابعد من رجال الدين ، ولا اره امرا مزعجا (فهي شكليات ياعزيزي وانت من خير العالمين)
وبخصوص (عمرو اللي مابحبو )والله ممتنع عن الخوض فيما يخصه حرصا على مشاعر اتباعه المتدينين (هو بالنسبة الي مابيختلف عن بن لادن ) من حيث كونو ممثل كبير وبيزنس مان ناجح بس ماحدا شايف التنين هيك ،
وهالشكيليات هي اللي بتنجح على مستوى المسلمين ، ( شوف الك تيار ديني واتزعمو ورح تلاقي مؤيدين بالملايين وساعتها رح تصير امير على المسلمين طبعا بقصد في نظر تابعينك ) هاد ذكاء من زعماء هالتيارات
واحد بيلعب دور متشدد ارهابي بيتاجر بالدين ومعو ملايين المؤيدين وطبعا هو ممثل قدير بس ادائو مقنع ولكن في عالم بتعرف انو ممثل ، وواحد بيلعب دور المعتدل وكمان بيتاجر بالدين وكمان معو ملايين المؤيدين وهاد ممثل اكثر احترافية من الاول (وهاد كمان في عالم بتعرف انو ممثل )
سبحانك ياربي اللهم لا اعتراض (التنين اصحاب شهرة والون اتباع بالملايين وعندون ثروة والتنين اتباعون بيشوفو انون رموز للاسلام ورايحين عالجنة ) لانو انا لا مع هذا ولا مع ذاك يظهر ان انا لحالي رايح عالنار ، اللهم لا اعتراض .

[Ms. J.A]

كاتب النص الأصلي : محمد ابراهيم

لانو انا لا مع هذا ولا مع ذاك يظهر ان انا لحالي رايح عالنار ، اللهم لا اعتراض .

انو لأ عدّي عليي بطريقك وخدني معك !!
مؤيدة لكلامك مليون بالمية فيما يتعلق بعمرو خالد.. و ع فكرة هو سبب في انو كتير شباب مسلم تدين وصارلو كتير معجبين ومعجبات...بكره اسلوبو وبحسو بياكل بعقل الناس حلاوة وبيستغل البسطاء بالعادة اللي بياخدو المعلومة زي ما هي !!

[مسطول على طول]

بس لاحظ محمد أنو رجال الدين عندي أغبياء فكيف أتباعون !.. وأنا بيوم من الايام قلتلك كنت ملتزم ومن اكتر من 8 سنين لاعاد دخلت مسجد ولاعاد صليت ومالي من الاسلام الا الاسم

وبالنسبة الك أنتة من الملتزمين وماعندك أي تشدد بس أنتة والتيار الي بتمثلو مو أقلية ؟ يعني قليل لنلاقي شباب متدينين وملتزمين

كاتب النص الأصلي : باشق مجروح

على مر العصور تلجأ الشعوب المظلومة والمقموعة للدين ظناً منها انه هو الحل الذي يرفض كل هؤلاء الظلام تطبيقه . الدين للهروب والاختفاء والاحتماء . لتعزية النفس بأن هناك قوة خارقة ستأخذ بثأرنا اذا التزمنا بطاعتها . وتنشط في ظروف الفقر والظلم جماعات اصولية تصور للشعب بأن الحل هو الدين والعودة اليه فهو العدل والمساواة للجميع . الحجاب والتدين والتشدد والغلو كلها علامات ظلم تمارس على الشعب . هي ظاهرة ستزول مع الأيام برأيي ولكنها بحاجة للوقت والوعي اللازم . رغم ايماني بأنها ضمن حدودها المحتواة لا تعدو كونها حرية اعتقاد.

في أمر تاني وهوي المد الوهابي بمواجهة المد الشيعي ، لاحظ لما تصاعد نفوذ وقوة حزب الله بالبنان شوصار بالمقابل ؟!! من أيمتا كنا نسمع بجماعات سلفية بلبنان بهل الحجم والقوة ؟ .. بما أنو الشيعة بالبنان في مين عم يدعمهم وعم ينظمو أمورهم وشعائرهم الدينية فلازم الطرف التاني يخاف وبالتالي لح يصير يصطف خلف طائفتو .. وعلى هل المقاس قيس

وعنا في شعور أنو النظام عم يقمع المذهب السني ويفتح الابواب أمام المذهب الشيعي بشكل غير مباشر أو مباشر عبر مؤسسات دينية أيرانية

والاتجاه العام بالمنطقة بيدعو لمواجهة المد الشيعي بقا شو يلي لازم يواجهو ؟

[محمد ابراهيم]

كاتب النص الأصلي : مسطول على طول

بس لاحظ محمد أنو رجال الدين عندي أغبياء فكيف أتباعون !.. وأنا بيوم من الايام قلتلك كنت ملتزم ومن اكتر من 8 سنين لاعاد دخلت مسجد ولاعاد صليت ومالي من الاسلام الا الاسم

خلص رسالتك اللي مش الي وصلت الى اللي الو ، مع انو ما كان في داعي للرسالة اصلا برأيي ولكن عذرك معك .

وبالنسبة الك أنتة من الملتزمين وماعندك أي تشدد بس أنتة والتيار الي بتمثلو مو أقلية ؟ يعني قليل لنلاقي شباب متدينين وملتزمين

يا اخي سبحان الله ،ب3 سنين هون بالاخوية وبالفترة الطويلة اللي عرفتك فيها بشكل خاص وكنا كتير قريبين من بعض ، ولامرة قلت بلساني في احد نقاشتنا او كتبت بايدي اني ملتزم دينيا او متدين (بموضوع جاد) ولاحظ الفرق بين الايمان والتدين
أنا من أشد البشر على وجه الكرة الارضية ايمانا واقتناعا عقليا وقلبيا بان لهذاا الكون اله وخالق بغض النظر عن ماهية وذات هذا الاله،
وانا من اشد المسلمين على وجه الكرة الارضية ايمانا واقتناعا بان محمد بن عبد الله رسول من عند هذا الاله اللي خلق الكون ،
انا قبل رمضان ما بتذكر ايمتى اخر مرة صليت واول مرة بحياتي اصلي بهالشكل برمضان انا بتذكر اني كل رمضان ماعدا 3 ايام بس هننى اللي مادخلت فيون المسجد ، وهاد ماصار الا هالسنة برمضان وبس ،توضيحا عن تديني .
ومع ذلك انا على قناعة تامة بان كل حرف بالقرءان هو من عند اله هذا الكون وساتفق في الراي مع اي رجل دين مسلم من اي طائفة حين يكون هذا الراي مبني على احد ايات القرءان (وان لم افعل بهذا الراي )
* على فكرة انا بتمنى اكون ملتزم دينيا وبحب الملتزمين دينيا ورح كون احد اسعد البشر لما صير ملتزم دينيا (لاني بشوف الملتزمين دينيا الشكل الاقرب للمثالية )
* كمان سبحان الله ، كل واحد فينا بدو يروح للجهة اللي كان فيها التاني ! بس للاسف تركيبتي مابتخليني اروح

[bki]

كاتب النص الأصلي : باشق مجروح

الطبقة الواعية من الشباب الجامعي هني جماعة من البشر عريضة الأحلام وفي كامل طاقتها اذا تم استثمار هالطاقة بشكل يفيد الوطن . لكن الشباب الي عانى بدراستو واجبر على دراسة فروع لا يرغب بها ولا يميل لها . الشباب الي عم بيحس انو طاقتو بالوطن مهدورة واحلامو مسروقة بالتأكيد رح يكون بطاقتو العظيمة اما ضحية لجماعات اصولية او من الممكن يلجأ للدين لنفس الاسباب والي هي الظلم والاحساس بعدم ملكيتو ومشاركتو بالوطن.
هالكلام مو صحيح . سوريا بلد منفتح والتشدد فيه دخيل . والمد الديني محدث .
انا مو مزعوج متل ما قلتلك طالما هالظاهرة محتواة بيضل اسمها حرية شخصية.
المعروف عن بلدنا وحتى المتمسكين بالدين والاسر المحافظة انها معتدلة و وسطية اما هلق عم نشوف شي جديد وهو تشدد وكره للآخر وشركاء الوطن.
بدنا الدين يكون سند ما يكون حاجز وعائق.
من جهتي ما في اي عداء . حرية اللباس مقدسة ومن حق كل واحد يختار طريقة لباسو وانا ما عندي مشكلة مع المحجبات.

أنا بتفق معك كل مرة بتحكي فيها عن التشدد المرفوض, والكره المرفوض لشركاء الوطن, أما الشباب فيا أخي مين قلك إنو في جماعات أصولية عم ينساق إلها, بحياتي ماسمعت إنو في أي دعوة ضمن شابا الجامعة لأي تجمع كان سلمي أو غير سلمي, كانوا الشباب يحفزوا بعض بكلمتين خفاف , أنا كنت ماصلي ورغم هيك ماحدا عاداني من رفقاتي أو رفقات رفقاتي, فمابتفق معك بنوب عهيك موضوع.

[BL@CK]

كاتب النص الأصلي : VivaSyria

اي بالفعل مو كل... لأنو يلي مو أغبياء وساذجين منون بيكونو نصابين ومحتالين وأفاقين...

هه !

للأسف الشديد , التعميم اللي حضرتك عم تعمموّا .. عنا ممنوع حتى لو كان بيخص الكلاب .. مع كوني لا بحب رجال الدين و بكره اليوم اللي بقعد "مجبر" مع حدا منون .. بس من الجائز يكون في واحد فقط و ما في منو

لذلك هالتعميم و هالإتهام مرفوض قطعا ً هون عنا بالمنبر

وجب َ التنويه ..

[boy freind]

اي شي بيزيد عن حدو بينقلب لضدو

يعني لو فرضنا انو كل سورياالتزمو بالاسلام يعني باقي العالم رح تنظلم او رح ينظرولها نظرة احتقار

و رح تنعدم الحرية الشخصية

يعني مو بعيدة بهيك حالة يصيرو يعدمو المسيحية لأنو ما عم يلبسو حجاب

الخ ............

يعني شغلة بتخوف

[SelavI]

كاتب النص الأصلي : مايسترو

لاحظت من فترة مو قليلة ولهلق طبعا

مد اسلامي فظيع عم يصير بالبلد من دمشق لحمص لحلب الى الى الى..

لدرجة انو سمعت انو في بحلب مسجد من 5 طوابق بالاضافة لارتفاع نسبة الحجاب بشكل مخيف

طيب ماشي انو نحنا مع حرية المعتقد وهالحكي كلو

بس انو مين ورا هالمد؟ولوين لح نوصل؟وشو اسبابو وشو حلولو؟


موضوع للنقاش

جميل

ممكن تشرح (طبعا بعد موافقتك) بما ان الموضوع قابل للنقاش

ما نوع المد الذي تقصده وما هي سلبياته على المجتمع

وبما يأثر المسجد الذي يتكون من 5 طوابق على المجتمع

يعني ما هي سلبيات واخطار الاشياء التي تكلمت عنها

[بيلساان]

المد وان صح التعبير (مد الاسلامي) حسب قول بعضكم ليس الامر المستهجن طالما تبقى النزعة او الفطرة الانسانية بداخلها تبحث عن اله خالق للكون والحياة و الانسان و ربما وجد اصحاب هذا المد ضالتهم في الدين الاسلامي ,, هذا ان كان هذا المد حقيقيا فهذا الانتشار ليس بالضرورة ان يكون جوهره (اسلاميا) بحتا حتى اتباعه ليس بالضرورة ان يكونوا مسلمين (فالبعض)من اصحاب القلوب المريضة يلتحقون به ويتخذونه دينا لهم تسترا على عيوبهم مثلا بلبس العبايات والالتحاء والحجاب ... الخ ,, عندها يصبح فعلا مظهرا من مظاهر التخلف لانهم بستترون على انفسهم باسم (الدين) ,, و هنا المشكلة !!


لكن ان كان هذا المد -حسب قولك- بجوهره حقيقيا بحتا واتباعه (مسلمين ظاهرا وباطنا) عندها يحق لك ان تخاف انت وغيرك من دعاة الحضارة و الحرية ولكن هنا الخوف لا يكون عليهم يكون الخوف منهم لانه عندها يُمحى التخلف و ترجع الحضارة يا ادعياء الحضارة الواهية ,, لا تعجب فالامر سيحصل لكنه سياخذ وقت لان التغيير سنة من سنن هذا الكون و التغيير دائما ياخذ سنين و اعوام عديدة .



سلاام ...

[باشق مجروح]

كاتب النص الأصلي : مسطول على طول

في أمر تاني وهوي المد الوهابي بمواجهة المد الشيعي ، لاحظ لما تصاعد نفوذ وقوة حزب الله بالبنان شوصار بالمقابل ؟!! من أيمتا كنا نسمع بجماعات سلفية بلبنان بهل الحجم والقوة ؟ .. بما أنو الشيعة بالبنان في مين عم يدعمهم وعم ينظمو أمورهم وشعائرهم الدينية فلازم الطرف التاني يخاف وبالتالي لح يصير يصطف خلف طائفتو .. وعلى هل المقاس قيس

وعنا في شعور أنو النظام عم يقمع المذهب السني ويفتح الابواب أمام المذهب الشيعي بشكل غير مباشر أو مباشر عبر مؤسسات دينية أيرانية

والاتجاه العام بالمنطقة بيدعو لمواجهة المد الشيعي بقا شو يلي لازم يواجهو ؟

المد الاسلامي شيعي وسني هو حرية شخصية ان كان ضمن الحدود انا ما عارضت الفكرة رغم عدم تأييدي للوجود القوي للدين لكن احترم خيارات البشر . انا قدمت تصور لاسبابها بس .. النظرة الدينية بمجتمعنا هي غلط . ووجود قوة ممثلة لطائفة وتحقق مصالح طائفة هو بطبيعة الحال ظلم لبقية الطوائف وستقوم بقية الطوائف بانشاء قوة تحمي مصالحها وايجاد داعم مناسب وهذا ليس هو الحل الأمثل. برأيي الحل الأمثل هو عدم وجود تيارات دينية او طائفية في الساحة . برأيي المسألة بحاجة لتربية جيل جديد يستطيع التعامل مع الاخرين لا على اساس انتمائاتهم بل على اساس وطنيتهم.

[VivaSyria]

كاتب النص الأصلي : BL@CK

هه !

شو هي هه!!! عم تضحك لما عم تسعل لما ناطر قصة وفكرت حالك لقيتا؟؟ بس مشان أعرف الحالة لأنو كل وحدة إلها جواب... بكل الأحوال ما تعودنا بالمنبر نشوف هيك بداية بالمشاركات...

للأسف الشديد , التعميم اللي حضرتك عم تعمموّا .. عنا ممنوع حتى لو كان بيخص الكلاب ..

أكيد قصدك عنا بالمنبر يعني نحن كل أعضاء أخوية ماهيك؟؟ على اعتبار اني ما شفت ورقة طابو إنو المنبر بيخص ناس معينين وعلى اعتبار المنبر ليلي بيكتبو فيه وبيقرو فيه وكلون متل بعض...

المهم منجي على المفيد أنا ماعممت يعني اذا بترجع بتقرا شو كاتب مسطول على طول وشو رادد أنا "مع اني واثق انك ما قريت بس فايت تحكي هالكلمتين" ... شوف شو مكتوب:

مسطول على طول:

تذكرت شغلة وهية أصحاب الحى الطويلة هدول بالفعل كترانين ودارجة موضة الكلابية الباكستانية

بصراحة لما بشوفهم بحس حالي بقندهار .. ولانكى أنو الأغلبية منون أغبياء وساذجين ( ملاحظة كلمة أغلبية لاتعني الكل )

أنا:

اي بالفعل مو كل... لأنو يلي مو أغبياء وساذجين منون بيكونو نصابين ومحتالين وأفاقين...

انت :

مع كوني لا بحب رجال الدين و بكره اليوم اللي بقعد "مجبر" مع حدا منون .. بس من الجائز يكون في واحد فقط و ما في منو

مين جاب سيرة رجال الدين؟؟؟ شو مشانك؟؟

وين التعميم بحكيي؟؟ الكلابية الباكستانية صارت تعميم؟؟ هاد رب التخصيص.. عم احكي عن حالة خاصة وخاصة كتير... ما بتمت لقيمنا وعادتنا وأخلاقنا بصله... ولابتمت لزينا بصله.. لك ولا بتمت للإسلام بصله... الا اذا معتبر الزي الباكستاني جزء من مجتمعنا...

رح قلك وين التعميم.. التعميم بكلامك لما بتقول انو حكيي بيمس رجال الدين... فبحب ضفلك معلومه انو رجال الدين مابيلبسو كلابيات باكستانيه ومادرسوا بقندهار... يلي درسوا بقندهار ويلي بيلبسو هاللبس هنن يلي عايشين بتورا بورا.. يعني جماعة بن لادن والقاعده والملا عمر...
هدول تحديداً طول عمرنا منحكي عنون هالحكي... انون هنن جماعة مرتزقة ومجرمين.. واذا بتحب بجبلك كتير مشاركات لمئات الأعضاء قايلين فيه هالحكي.. فياريت ماتقلب حكيي الواضح وتعمموا على رجال الدين يلي بالفعل فيهون ناس محترمين... أبداً مو حلو الأسلوب...

لذلك هالتعميم و هالإتهام مرفوض قطعا ً هون عنا بالمنبر

برجع بقلك أكيد بتقصد بعنا بالمنبر انو عنا نحنا كلنا أعضاء أخوية...

مازبطت هالمرة.. بلكي غير مره بتحسبها أحسن... وبلاها قصة التنويه لما يكون في شي غلط بمشاركاتي بوجهك على مشرف القسم واذا شاف شي غلط خليه يحاسب بالزعلات والمعتقلات...

هامش: أنا هلأ بالمنبر وحكيي من المنبر... عنا بالمنبر هيك منحكي وهيك مناقش... ويلي شايف غير هيك يتصرف.

[كذبك حلو]

السلام عليكم
يا جماعة الخير صاحب الموضوع بين على حقيقتو .لانو حط موضوع وهو قاصد انو يستخدم مفردات مستفزة حتى يولعها وهو يقعد يتفرج من بعيد.والدليل على الموضوع انو ما فات عليه وما رد.طب معقوووووولة هاي؟؟؟؟؟؟؟؟؟؟
فالمرجو منكم ظبط نفسكم ولا تعطوه اكثر من ما يستحق لانو هو عرف كيف يلمس الشغلات اللي بتمسنا مباشرة.
هو صغير ولح يظل صغير.بالفكر والشخصية طبعا.
وحابة اقول له انه حتى لو انتشر الفكر الاسلامي بسوريا فهاد شيئ مو غريب لانو بالاول وبالاخير سوريا دوله اسلامية وحاكمها اسلامي وبتمشي على الشريعة الاسلامية واللي مو عاجبو يضب غراضو وارجينا عرض كتافو.لانو عمرنا ما سمعنا مثلا باسرائيل في مد يهودي لانها دولة يهودية .يعني بينطبق الموضوع على كافة الدول الاسلامية.
فبعيد اذا انتشر شيئ في مكانه فهو طبيعي.واللي مش طبيعي ينطو زغار مثلك ويحكو.بالله عليك انقلو وريحونا من قرفكم

[كذبك حلو]

كاتب النص الأصلي : maged-syrian

لااعرف ماهو سبب انزعاج صاحب الموضوع من هذا المد اللي صاير بالبلد !
مو على اساس ان مبدأكم حرية الفرد بممارسة معتقداته ولا المد الاسلامي قاعد على قلوب بعض ناس ؟
سبب هذا المد الاسلامي هو اقتناع الناس بأن الدنيا فانية وأنه لاملجأ الا لله عز وجل



ماكنت اعرف انو بسوريا في ناس مرعوبة لهالدرجة من هاي الظاهرة المبشرة بالخير
انت بكلامك هاد بتنطبق عليك الآية
سَنُلْقِي فِي قُلُوبِ الَّذِينَ كَفَرُواْ الرُّعْبَ بِمَا أَشْرَكُواْ بِاللّهِ مَا لَمْ يُنَزِّلْ بِهِ سُلْطَاناً وَمَأْوَاهُمُ النَّارُ وَبِئْسَ مَثْوَى الظَّالِمِينَ


الله القى في قلبك الرعب فهنيئاً الك

يسلملي اللي خلقك والله انو بردك وفيت وكفيت وفشيت اللي بالقلب.يا هيك الرجال يا بلا

[محمد ابراهيم]

كاتب النص الأصلي : بيلساان

المد وان صح التعبير (مد الاسلامي) حسب قول بعضكم ليس الامر المستهجن طالما تبقى النزعة او الفطرة الانسانية بداخلها تبحث عن اله خالق للكون والحياة و الانسان و ربما وجد اصحاب هذا المد ضالتهم في الدين الاسلامي ,, هذا ان كان هذا المد حقيقيا فهذا الانتشار ليس بالضرورة ان يكون جوهره (اسلاميا) بحتا حتى اتباعه ليس بالضرورة ان يكونوا مسلمين (فالبعض)من اصحاب القلوب المريضة يلتحقون به ويتخذونه دينا لهم تسترا على عيوبهم مثلا بلبس العبايات والالتحاء والحجاب ... الخ ,, عندها يصبح فعلا مظهرا من مظاهر التخلف لانهم بستترون على انفسهم باسم (الدين) ,, و هنا المشكلة !!


لكن ان كان هذا المد -حسب قولك- بجوهره حقيقيا بحتا واتباعه (مسلمين ظاهرا وباطنا) عندها يحق لك ان تخاف انت وغيرك من دعاة الحضارة و الحرية ولكن هنا الخوف لا يكون عليهم يكون الخوف منهم لانه عندها يُمحى التخلف و ترجع الحضارة يا ادعياء الحضارة الواهية ,, لا تعجب فالامر سيحصل لكنه سياخذ وقت لان التغيير سنة من سنن هذا الكون و التغيير دائما ياخذ سنين و اعوام عديدة .

سلاام ...

لافض فوكي يا أختاه ، والله لقد كتبتي ما عجز عنه أصحاب الشوارب واللحى والعمائم

كاتب النص الأصلي : linato85

السلام عليكم
يا جماعة الخير صاحب الموضوع بين على حقيقتو .لانو حط موضوع وهو قاصد انو يستخدم مفردات مستفزة حتى يولعها وهو يقعد يتفرج من بعيد.والدليل على الموضوع انو ما فات عليه وما رد.طب معقوووووولة هاي؟؟؟؟؟؟؟؟؟؟
فالمرجو منكم ظبط نفسكم ولا تعطوه اكثر من ما يستحق لانو هو عرف كيف يلمس الشغلات اللي بتمسنا مباشرة.
هو صغير ولح يظل صغير.بالفكر والشخصية طبعا.
وحابة اقول له انه حتى لو انتشر الفكر الاسلامي بسوريا فهاد شيئ مو غريب لانو بالاول وبالاخير سوريا دوله اسلامية وحاكمها اسلامي وبتمشي على الشريعة الاسلامية واللي مو عاجبو يضب غراضو وارجينا عرض كتافو.لانو عمرنا ما سمعنا مثلا باسرائيل في مد يهودي لانها دولة يهودية .يعني بينطبق الموضوع على كافة الدول الاسلامية.
فبعيد اذا انتشر شيئ في مكانه فهو طبيعي.واللي مش طبيعي ينطو زغار مثلك ويحكو.بالله عليك انقلو وريحونا من قرفكم

هدي شوي الله يكرمك ، مفردات الموضوع مستفزة اوك بس مين بيقدريقول انو صاحب الموضوع بدو يولعها !! من خلال معرفتي البسيطة فيه هون ، ماهيك اسلوبو ، هو بدو يعبر عن الفكرة وان استخدم الفاظ مثيرة او مبالغ فيها .
بخلاف هذا اعتقد مافي داعي للباقي ومشكورة طبعا .