قدمها أشرف من غير المسلمين، على وجه الأرض

[HashtNasht]

عمر بكري اسم اول مرة بسمعو بحياتي ..اليوم لقيت اسمو ع كلشي بعرفو مواقع اخبارية ! بمناسبة انو صحيفة بريطانية منزلة مقال بشوه سمعتو.

المهم يا اخواتي انو الزلمي هيك ضمن ردود افعالو يعني شلف هالجملة التاريخية :

«إذا كان هذا الكلام عن أية امرأة مسلمة، ولو كانت آثمة وعاصية فإن قدمها أشرف من غير المسلمين، على وجه الأرض».

طيب يعني انو شو بدي أحكي ! ...أنا ما فهمت صراحةً ..أنو هو هيك عم يحكي وجهة نظرو الشخصية !..أو انو عم يحكي ك رجل دين باعتبارو عامل حالو شيخ و طول لفتو شي عشر متار !

أخي أنا بدي أفهم , أينو الله اللي قال هيك لحتى اجى بكري بيك و صار يتمنطق بهيك حكي !!

بشو بدي احلفلكن أنو ما زاعجني بالموضوع غير انو عم يحطو حد اسمو ع الانترنت أنو سوري !!! قال شو ( أصولي سوري بارز !!!! )

العمى وين بارز هاد !!...شو مبرزو يعني ..!!!!!!

وين التسامح بالاديان يا بكري !! وين ( يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ ) ؟؟؟؟

اذا ربك كرم الانسان و ما فرق بين مسلم و بوذي , مين انت لتطالع و تنزل البشر ع كيفك !!

وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَى كَثِيرٍ مِّمَّنْ خَلَقْنَا تَفْضِيلاً

ولك مين انت لتقول أنو رجلين جماعة أشرف من الناس كلها مين !! مين ؟؟ أنت مين ؟؟؟؟؟؟؟

[saman]

هلأ بيقوللك .....


((خير أمة أُخرجت للناس ))

أخي شو بدك تعمل ... يعني طوال الذقون وقصار الثوب هالايام ... عم يفتوا فتاوى عجيبة غريبة ... ومو بعيدة عنهن هيك كلمات ...
اذا هني بيستحقروا المرأة سواءً كانت مسلمة او لأ ... كيف اذا كانت مرأة وغير مسلمة .. بدك ياهن ما يستحقروها ... عيب بحقهن ...
بعدين بيطلع عليهن صيت انو مناصرين لحقوق المرأة وهادا حرام ... على حسب مشايخهن العضماء !!!

[MadMax]

كاتب النص الأصلي : hashtnasht

بشو بدي احلفلكن أنو ما زاعجني بالموضوع غير انو عم يحطو حد اسمو ع الانترنت أنو سوري !!! قال شو ( أصولي سوري بارز !!!! )

أنو اي معك حق عبارة أصولي سوري باز ... كتير بتزعج
بس يللي بهوّن الشغلة علينا ...............أنو ما حدا منا سامع فيه أصلاً
يعني لزقوه فينا لزق .....و نحنا ... كسوريين ( أو أغلبنا ) مو هيك

[sona78]

الحكي ما عليه جمرك ... هيك بينحكا يعني
فلشو زاعجك كلامو ؟؟ ولشو عاملو قيمة من الاساس؟؟؟
لانو بس وحدة ( مسلمة او غير مسلمة ) تعمل شي ما بيقبلو المجتمع ..
بنزلو نسف فيها بغض النظر عن دينها او بالاحرى بيتبرى منها اخوانها بالدين فورا .. انو هيي ما بتمثل كامل الفئة
بعدين بدنا كلام جديد ينسينا فتوى ميكي ماوس وجيري
فهيدا الكذب باين وما في داعي لا يزعجك .. ولا تصرف عليه طاقة ..سلامتك

[رجل من ورق]

مو هاد اللي قالت عنه العربية انو بنته عم تشتغل راقصة بلندن وهوي مدري شو عم يعملاويساعدا؟

[ابو ريتا]

ليش لحتى توجعوا راسكن بهيك شغلات .

[Kelo_Bzr]

كلامو مردود على حالو .. واكيد هيك حكي ما بعبر عن عن حالو ..

كلام موجود منو كتير حاليا وباخر فترة .. وما لازم ياخد هالقيمة الكبيرة ..

بحياتو الغلط ما بكون صح ..

عراسي

[حموي]

سلام
بس هو عم يحكي من وجهت نظروا , قد يصيب وقد يخطء

[Kelo_Bzr]

سلام
بس هو عم يحكي من وجهت نظروا , قد يصيب وقد يخطء

عفوا منك .. وقت بتطرح قضية او فكرة .. اشرحلنا شوي عنها اكتر لانو ما كتير منعرف انو ننجم لحالنا شو عم تقصد ..

حبيبنا

[ooopss]

برأيي هي المشكلة الأكبر خصوصا بالدين الاسلامي .
لما بيكون داعية أو شيخ أو مفتي" متل مفتي السعودية يلي ترك الدنية كلها وفكر وحرم توم وجيري وأفلام الكرتون - هدول الاشخاص أمام الناس أمام الاديان التانية هنن ممثلين للدين يلي عم يحكي عنو

فهلأ أنا مشكلتي أنو لما هيك شخص بيعتبروا ممثل لديني بيحكي هالحكي
هو بيكون عم يشوه سمعة ديني
ويعطي عنو فكرة غير موجودة .. ويأدي لكتير فجوات بين الأديان ..ونفور من الاسلام يمكن ببعض الأحيان
لهيك الأهم نحسن نفصل حكي هالاشخاص عن طبيعة الدين يلي عم يحكوا عنو

شكرا
و تحية

[الباحثة عن الحرية]

لك اخخخخخخخخخخخخخخخخخ اخخخخخخخخخخخ بس شو بدي اقول
يعني هالمشايخ "المتدينين" هني الي عم بشوه صورة دينهن ....مع انو لازم العكس
لك لا تهتم بهيك حكي هذا بدو ينشهر بس متل عمو تبع توم وجيري

[MadMax]

كاتب النص الأصلي : حموي

سلام
بس هو عم يحكي من وجهت نظروا , قد يصيب وقد يخطء

على هالحالة ...قد يخطئ أو قد يخطئ .... ما في حل تالت
وجهة نظرو بتهوي ..
و مردودة عليه .. و على كل يللي بفكروا متلو

[..AHMAD]

«إذا كان هذا الكلام عن أية امرأة مسلمة، ولو كانت آثمة وعاصية فإن قدمها أشرف من غير المسلمين، على وجه الأرض».

تصرفات وأحكام .. وأقوال غوغائية ما الها والي ولا عاقل ولا مجنون بيقدر يتقبلها

ذكرني بالحكم الي صدر من فترة بالحاق طفل على دين أمه المسلمة لأنه " أشرف الأبوين ديناً" او بمعنى آخر " أشرف الأديان"

يمكن مالو كتير علاقة بصلب الموضوع هاد .. بس النقطة اللي بيتقاطع فيها مع هالموضوع
هوي تذليل باقي الأديان دونما الإسلام .

[بنفسجة]

عمر بكري؟؟
يقبرني شو فهيم
من وين طالع هالمقولة بالله من اي كتاب؟

[Abu ToNi]

يمكن اذا شفنا السياق اللي وردت فيه الجملة نفهم اكتر شو اللي بيقصده الزلمة

[The morning]

قال رجال دين قال !
لسّا حدا بيسمع لرجال الدين يا ابني يا ابو نهله ..

[Damask Rose]

هلأ هو ديننا مافرق بين لااجناس ولاشعوب ولاعروق..بعدين ديننا تعايش مع الديانات الاخرى بكل سهولة وتسامح..فلو كان هالرجال حاكي هالكلام جد..فمنو لالله..الله يسامحو..ماالعالم من الله نظرتها للاسلام مشوها..مو ناقصة يعني.......

[سوا ربينا]

يا زلمة ينعن سنسفيل اهلو وهو واشكالو المتخلفين اللي ما الهم علاقة بالاسلام ويمكن ما الهم علاقة بالدنيا كلها ....... والحق علينا احنا اللي بنعمل لهالاشكال قيمة ....... ما بنقول غير ................................