|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
03/10/2008
|
#19 | |||||||
|
مشرف متقاعد
|
اقتباس:
لكن اليسار ما انتهى.. و رح يرجع, و عم يرجع... بدون اخطاء... و بدون ولاد حرام ما عندي شك بهالشي
أبو مـــــــــ1984ـــــــارال
خبز,, سلم,, حرّية
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
|||||||
|
|
03/10/2008
|
#22 | ||||||||||||
|
عضو
-- مستشــــــــــار --
  |
اقتباس:
 اقتباس:
اقتباس:
انت بربك بقالك سنة بيجوز او سنتين ما بعرف بالضبط و بتتخرج و بتصير دكتور...طيب اذا صرلك شغل بمشفى خاص رح تشتغل شي؟؟ الراتب مغري طبعا.... شو بيهمك بحياة ابوك عم حلفك يا ياس اذا كان صاحب المشفي امي ولا عالم ذرة ؟؟ اقتباس:
اقتباس:
 اقتباس:
((((*(*(*(*(*(*(*عصابة الملوك *)*)*)*)*)*)*) ))))
بلا حب بلا تخريف بيع القلب واشتري رغيف ايامنا صارت صعبة والدنيا منها لعبــــة |
||||||||||||
|
|
|
05/10/2008
|
#23 | ||||||
|
مشرف
  |
القصة ما بيمشي حالها الا بالثورة
SYRIA
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
"حسام*عاشق من فلسطين*ناطرك" We Ask The Syrian Government to STOP Banning Akhawia"
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
05/10/2008
|
#24 | ||||||
|
عضو
-- زعيـــــــم --
|
طب وبحالتنا نحنا
؟؟؟؟؟؟؟؟؟؟؟؟ بلد عم تاكله رؤوس الاموال وما عاد في مكان مو للفقير انما للمتوسط الحال اما الكل او لاشئ
قم واضرب المستحيل بقبضتك اليسرى
انت تستطيع ذلك http://themanofpapers.wordpress.com |
||||||
|
|
|
05/10/2008
|
#25 | ||||||
|
عضو
-- أخ لهلوب --
|
بالعودة إلى طفلة الكرسي الكهربائي... هذا الكرسي كلّف آلاف الدولارات, و قد يكون ثمنه أكبر من ثمن سيارة فخمة, و لكن أعتقد أن طيف ابتسامة الطفلة و هي تنال جزءا من حياة كريمة منعها المرض عنها, يبرر هذا الثمن, و يجب أن يكون المال ثمنا لأسباب ابتسامة جميع أطفال العالم, في جمع أقطاره... و ليس لتعويض نتائج جشع من نسي الإنسانية في رحم أمه عند ولادته.. هذا إن كانت موجودة أصلا انا بحكم خبرتي بهاد المجال هاد كرسي اسمو Tetraplegia w/cو هو فعلا مكلف كتيير بس بنظري بيستحق هالكلفة و اي طفل بيحتاجو لازم يحصل علية لو كلف شو ما كلف..لانو متل ما قلت ابتسامة هاطفل بتكون بابداية و بالنهاية هدفنا مهما كان التمن...بعدين نحنا منستمد سر الحياة و السعادة من هالابتسامة ..وقتا بتنسى الجشع و كل شي بشع بالدنيا
لغة الصدق سهلة دائما.
|
||||||
|
|
|
05/10/2008
|
#26 | ||||||
|
عضو
-- مستشــــــــــار --
|
قبل كلشي بشكرك رفيق ياس علي هالمقال عن جد شي كتير رائع فكرا وتعبير
مابعرف انا بنضري النظام الاقتصادي الافضل لهالضروف الي نحنا عايشيها يكون بتطبيق الاشتراكية الديمقراطية يعني اعطي الحق للراسمالين بالتواجد (مع بقاء نظم مراقبة وتحكم للجودة وضروف العامل من قبل الدولة عليه)وبنفس الوقت طبق قيم عالية من الضريبة عليهن والي راح تسمح بوجود نظام ضمانت اجتماعي للبقية المجتمع وبالتالي انت اتجاوزت ازمة البيروقراطية تبع القطاع العام وبنفس الوقت قلصت بهالضريبة العالية الفوارق بين الاغنياء والفقراء
اسكر اسكر اسكر...فهذا العالم مملوء بالليل
|
||||||
|
|
|
05/10/2008
|
#27 | |||||||
|
مشرف متقاعد
|
اقتباس:
هاد النظام الاقتصادي للاشتراكية الديمقراطية... سلم قلمك.. رفيق |
|||||||
|
|
|
05/10/2008
|
#28 | ||||||
|
مشرف متقاعد
|
أول شي بدي وجه تحياتي لوفوكوياما ..و أهديه أغنية وائل كفوري ( كذابة عرفتك كذابة )
تاني شي بدي أشكر ياس لأنو عم يحكي ع موضوع لازم ينحكي فيه يعني ..أقل منها أنو نحكي بموضوع انهيار النظام الرأسمالي بأمركيا !!! و بشكل عام يعني هلأ بدون شك و بوضوح و بدون تحليلات يعني ..الشباب فرطوا ..اي و الله ..و أكلين هوا بالمعلقة ..و اللايف ستايل الغربية كلياتها واقفة على شفير الهاوية ..أو شفير الوزان .ما بعرف بدقة يعني , و واقعين بحيرة محتارين كتير يعني ..و فايتين بالحيط , ما عرفانين شو يعملوا , أنو ياخدو مصاري من الشعب المسكين يعطوها لاصحاب البنوك الدلافين و يمشوا الحال , ولا يتركوا اصحاب البنوك الدلافين يغرقوا و يغرقوا معن الشعب المسكين !!!! انو حلين لا ثالث لهما يعني ..و التنين عوفاً للتعبير ..أخرا من بعض !!! هلأ هاي بخصوص الأزمة ...بس شو صار لحتى صارت هالأزمة ؟؟ ولا شي والله , سلامتكن يعني الجماعة كانو عاملين سوق حر ...حرية ع كيف كيفكن ..اسواق و اسهم و سندات و بيع و اشتري و دين هاد و اتدين من هداك و اشتري و قسط و بفوائد رمزية ..شغلة 8% شهرياً يعني !!! و صناعة و تجارة و تكنولوجيا و بورصات و سياحة و نقل جوي و نقل بحري و نفط و دهب و غاز و الله و ملايكة !! يعني كلو عادي , مافي شي غريب ...الغريب هو انو كيف كانو هيك عاملين , و لشو ليعملوا هيك من اساسو . انو لعنوا ابو ابسط قوانين السوق !!, العرض و الطلب مثلاً ..مين فيكن ما سمعان بالعرض و الطلب ؟ ...هاي اسهل شي مثلاً ..انو فري عرض كتير و طلب قليل انخفضت الاسعار , العرض قليل الطلب كتير ارتفع الاسعار ..كتير سهلة ..و كتير صحيحة كانت ...رأسمالياً يعني ...اي هاي لغوها ..ما عاد وفت معن ...أنو شو يعني اذافي عرض كتير بترخص الاسعار !! ..لاء بدها تضل تطلع الأسعار ....حتى لو اضطروا انو يزيدو القوة الشرائية للمستهلك بدون أساس ...بدك تشتري بالدين و بالتقسيط و بدك تشتري حتى بدون تقسيط لانو بيلتعن ربك اذا ما اشتريت ...انو معقولة فينك تعيش بدون ايبود !!!! أو بدون لابتوب مثلاً ...مثلاً و ما كتير تدققوا انو النفط يا عمي ....اذا في عرض قد ما بدك ..و اذا بتنتج النفط الاحتياطي كلو بيوم واحد ..بدو يغلا ..و ليش غير ربك ما بيعرف !! أنو مثلاً المتر المربع للأرض حقوا هديك الحسبة ..ما هاي ..التانية الكبيرة ..شفتها ؟ ..اي هديك الحسبة حقو !!! يا أخي ليك قديش في أراضي !!..لك أصلاً ما حدا بدو يشتري !!...والله هيك حقو..و بدك تشتري !!!! اذا بدك تفوت لعند دكتور و ما معك تأمين بتكون عم تكفر ..مشان يشتغل التأمين الله وكيلك ..و اذا فتت معك تأمين بدك تطلع عم تكفر ..مشان يربحوا جماعة التأمين ..كمان الله وكيلك ! منخترع مبيدات مشان نبيعها و نربح فيها , و بعدين منروج للمنتجات العضوية و منربح فيها !! منشار لازم تكون ..ما بأثر انو الي تحتك من دم و لحم ..بدك تكون منشار ..و هاي سنة الحياة ...بالاخر نحنا عم نرفع مستوى الحياة ...صحي اللي ما عندن بيوت صارو اكتر من اول بكتير ...بس نحنا عم نعمل تكنولوجيا ..حتى وقت بتوصل ع البيت بتكبس زر بيفتح باب الباركنج ...ما في داعي تحرك طيزك منوب ....كاستك الشي منجيبها لعندك..ما نحنا طبعاً ..الخدامة الاسيوية ..كأنو الاسيوين خلقوا ليكونو خدامين مثلاً يعني !! زاد عندك شوية انتاج ...ما عم ينباعوا معك ؟؟؟ كبن بالبحر ...شو يعني منرخص سعر الحليب لحتى ينباع !!! ..كيلو الحليب ما منبيعو تحت ال 5 دولار...منكبو ولا مننزل سعرو .و انشالله عمرينن ما يشربوا حليب بالكونغو ...شو خلفناهن و نسيناهن لحتى نشربن حليب ...يروحوا يدبروا راسن ...اي كل سنة بيشتروا سلاح من عند جارنا بكذا بمليار دولار ...ما ناقصن الجماعة ! xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxx هي نظرة تهكمية بجوز..بس يعني بتضل نظرة لشو عم يعملوا الشباب ..هلأ بهاللحظة و متل ما قال ياس ..في منعطف تاريخي ..و الامور بعد اليوم رح تتغير ..بس كيف رح تتغير ما مبين ..انا بعتقد رح تتغير للاسوأ ..هيك احساسي , لسى بقناعتن بيقدروا يستغلوا الانسان اكتر ..لسى بينعصر اكتر من هيك ..!!! هلأ منجي لليسار شوي ..و منسأل مين عندو خطة بديلة , شو عندو اليسار شي يقولو ..شلون بيقدر اليسار يصلح الوضع , و ليش عم تحكي باليسار , لبش ما تقول الاسلام هو الحل متل ما علقوا غالبية المشاركين برايهن ع البي بي سي ؟ أنا برايي الغبي بشوف انو اليسار ما لازم يتدخل من فوق ..لا بخطط سياسية و لا باصلاحات حكومية ..اليسار اذا بدو يتدخل , لازم يتدخل من تحت ...بالنقابات و الهيئات العمالية و الفلاحية , ما حدا بيخفى عليه أنو الفلاح مانو مستفيد من الاسعار الخيالية للمنتجات الغذائية , و لا عمال المصانع مريشين من ورا الاسعار الفلكية للموبايلات مثلاً....اكلين هوا و ساكتين ..و الرابح الاكبر هو الرأسمالي لاعب الشطرنج ع الحدين ...هو وحدو المستفيد , المشتهلك خسران و المنتج خسار ن , و غالبا المنتج هو نفسو الخسران ..و بتلاقيه كمان خسران ع الحدين !!! و هلأ عم ينطلب من اللي بالع الموس ع الحدين انو يساعد اللي بالع الدنيا ع الحدين كمان مشان ما ينهار !!! أنو شوفو ما احلاها ..بربكن ما بتجنن قد ما حلوة !!! اليسار ما خرجو يكون اداري ناجح ...بتحسو فوضوي نوعا ما ., ما بيعرف يزبط الامور و يرستق ...ما بينفع يقعد اليسار بالسلطة , بتصير الامور تماما متل كوريا الشمالية , و الاتحاد السيوفيتي , و باحسن الاحوال متل الصين , اليسار لازم يضل بين قواعدو ..لازم يضل ببيئتو ..و الا بيخرب ..و بينتزع ..و بتطلع ريحتو, ما كانت بتوصل الامور لهالدرجة من الخيبة و النحطاط بحال الناس و الاسواق لو كان اليسار عم ينظم المنتجين و المستهلكين , بالاضرابات و المقاطعات بتركع اكبر الشركات , و كتير اضرابات عطت نتائج بدون ما نسمع طنة و رنة بالاعلام , لانو الاخطبوطات ما الهن مصلحة انو تنسمع هيك اخبار كتير , وين التنظيمات النقابية الثورية ؟.ما عم قول ثورية انو يشيلو بواريد و يطلعوا يقوسوا و يدبحوا , الثورية بجوز تكون كلمة , بجوز تكون حركة بايد واحد واقف بساحة مصنع , بجوز تكون بانك تقول للشب اللي عم يشتغل ع المكنة اللي حدك ..انو بكرا اضراب ! هاد الدور هو احسن دور ممكن يلعبوا اليسار , انو يقدر يجمع المنتجين و المستهليكن ضمن روابط بتشتغل لتحمي مصالح المنتجين و المستهلكين , و ما ينترك هاد الدور لحكومات هي أصلاً ممثلة لمصاصين الدماء . هاد الدور كان شبه معدوم بامريكا او اوروبا ..و هاد اذا دل ع شي بدل على نجاح و سائل الاعلام ( الرتفيهية ) بانو تضلل الناس و تبعدهن عن اكتر تيار ممكن يحميهن و يحمي كيانهن . هاد الشي بدل انو الوعي كان معدوم , و انو العمال و الفلاحين و الطلبة قولة الشيخ امام كانو لاحقين الجزرة , و اللي هي مع العصا اهم ركائز النظام الرأسمالي الأمبريالي القائم على استغلال الانسان لأخيه الانسان ! هلأ كل هاللعي اللي لعيتو أنا بلخصوا جورج برناردشو بكلمتين حلوين رح حطن بالرد اللي بعدو لانو ما بساع هون
J.S: Death is the solution to all problems. No man = No problem.
|
||||||
|
|
|
05/10/2008
|
#29 | ||||||
|
مشرف متقاعد
|
جورج برناردشو بقول :
اذا كنت نقابيا مخلصا فسوف تقول لي: انه لا يجوز أن يحاول المرء الارتفاع بمستوى حياته عن غيره من العمال... .بل عليه أن يحاول رفع المستوى العام,.. والارتفاع مع الآخرين. ولكن هذه أخلاقية لا يمكن أن يحتملها أفراد الطبقة الوسطى... الذين تعلموا في جامعاتهم ومدارسهم أن الحياة هي سباق من اجل التميز والبروز.... كل امرؤ وشانه وويل لمن يتخلف ... هؤلاء الحمقى ..لا يعلمون أن ذلك السباق هو سباق حمير ..فالإنسان البسيط هو الحمار .. وهو يحمل على ظهره الملاك العقاري والرأسمالي .....ويحمل أيضا الفارس الذي استأجره هذان.....والفارس يمد الجزرة بعصا أمام عيني الحمار..... لكي يلهث مسرعا ولا ينالها أبدا .. وتركض الحمير ...ولا احد منها يربح .. الراكبون ينالون كل المتعة... , والحمير تقوم بكل العمل .., هذه هي حالة تسعة أعشار حمير السباق ضمن نظامنا الحالي للملكية ....,أما الحمار العاشر ..فهو إنسان عادي ينال الامتيازات ,... ويمثل وضعة نموذجا يقنع التسعة الآخرين بان بامكانهم تحسين أوضاعهم ...انه يقفز بقائمتيه الأماميتين على ظهر الحمار الذي أمامه.. , ويصل إلى خط النهاية بوصفه راكبا ...لا بوصفه حمارا ..., لكن الرأسماليين والمالكيين العقاريين ليسوا فرسانا جيدين ... إنهم يحتاجون لاتخاذ مساعدين لاتفسهم , وسطاء ومحامين وموظفين ...,وإنهم ليتخذون من يخدمهم من أطباء وخدم ... ومن يسليهم من ممثلين ومغنين....ويتخذون من يرفع عنهم التبعة الأخلاقية من قساوسة ورجال دين ..., يقومون بإقناع الحمير بان السباق أمر مشروع ..هؤلاء القوم جميعا يحملون الملاكين والرأسماليين على ظهورهم........ وأما الحمير فيخملون الجميع ..., وهناك أيضا الجنود ورجال الشرطة الذين يضمنون أن لا يحاول الحمير إلقاء من على ظهورهم ..., وقلب الأمور رأسا على عقب .....الاصطلاح الذي يصف هذه العملية هو الثورة ,... فهل هناك إمكانية في أن تحصل على المال دون أن تكون وارثا أو تكون ذو مواهب خارقة ..لا سبيل إلا في حالة واحدة ..اذا كرست كل حياتك وعقلك وروحك في سبيل المال ...,وجعلت هذا الأمر هدفك الوحيد الذي لا هدف يوازيه ولا هدف آخر يقف إلى جانبه أصلا ..., في هذه الحالة قد تصبح ذو ثروة ..., ولكن انظروا إلى ذلك البؤس الذي عاناه ذلك المليونير في جنوب أفريقيا ... لقد انتحر لأنه خسر مليونين مع انه ظل يحتفظ بأربعة ملايين أخرى ...قد تقول لنفسك :لقد فقد حياته في النهاية وعاش حياة الكلاب أساسا...ولكني أقول لك : لم يعش حتى حياة الكلاب ...إن كلبي اسعد منه ... ما اطلبه أنا في حياتي هو بيت مريح في لندن ..وبيت في الريف مع حديقة غناء ...وسيارتين فارهتين ...ولا اطلب أكثر من ذلك ... على أنني لا أكون راضيا بذلك إذا لم يحصل الآخرون عليه أيضا ...مبدأي هو فليسقط السلم الاجتماعي ..., فليسقط سباق الحمير ......وداعا... وداعا ...ما أسعدني بإيقاظكم من نومكم وإجباركم على التفكير ... وداعا وداعا ... والى لقاء. |
||||||
|
|
|
05/10/2008
|
#30 | |||||||||
|
مشرف متقاعد
|
بدي أول شي أشكر أبو نهلة ع هالدرس.. و ما عم اعطي اطراء... بالعكس من وجهة نظري المتواضعة بعتقد لخّص بردّين... المشكلة كلها, بشكل بديع
ع راسي أب نهلة منجي عالتعقيبات اقتباس:
 اقتباس:
أنا ما بعتقد الرأسمالية انهارت.. و لا رح قول انو بلشت تنهار.. لأنو بعتقد انو بلشت تنهار من لحظة اخترعوها.. و مو حكي يساري يعني.. لكن صرلي من وعيت عالدنيي بسمع ناس بتفهم بتقلك انو الرأسمالية هو تخمة بعض الناس اليوم.. مقابل انو نجوع كلنا بكرا, و فعلا هيك يعني, و شرح أبو نهلة بالقسم التحتاني بشكل بارع جدا, شو صار و شو عم يصير.. و كل مين عايش بدولة غربية, على اختلاف و تفاوت درجة وحشية الرأسمالية فيها.. بيشوف هالحكي بعتقد رح يطلعو من هالأزمة.. بحل ترقيعي.. و رح تتكرر و تتكرر و تتكرر... لحد ما يوصل الأمر الى انو مافي حتى حل ترقيعي.. ساعتا البشرية تعبّي ببعضا.. ان كان بحرب عسكرية أو بصراع من نوع آخر... و نقطة من أول... الخراب اقتباس:
بيحكو بحرية السوق, لكن حتى قواعد السوق (انو أخي اللي بتعلموهون بالجامعات.. انو عرض و طلب و هدولي.. شو مشان؟؟ ) و نقطة هامة كتير حكاها أبو نهلة انو بيحاولو يرفعولك قوتك الشرائية (حتى لو ما رفعوها عمليا.. بس يضحكو عليك و يوهموك هالشي مشان تشتري.. و تشتري شي محدد بدهون ياه يمشي) و هاد اللي صار بأميركا و عمل هالأزمة.. رح احكي عن تجربة شخصية.. شو بيعملو البنوك... أنا طالب مأنشح عايف ربي (انو مستورة و الحمد لله و ألله يخليلنا الأهل لبين ما نخلّص جامعة, لكن قصدي انو موارد... ما عندي, شخصيا) .. رحت مرة عالبنك, من شي سنتين, انو عندي حساب بحط فيه مدخراتي و مشان حوالات و شراء عالنت و هيك أمور.. .. فأنا دخلت مشان اسحب مصاري المهم عم وقّع أمر السحب و للا أجى واحد من اداريي الفرع.. و صار يتطلع فيني.. و ضربت عينو عالكمبيوتر اللي كانت تشتغل فيه الصبية و شاف بحسابي حركة كتيرة (لأنو كان وقت عم جمّع مصاري سفرة كوبا و كنت بحط كل سنت بدبرو بهالحساب) و رأسا ضرب الجرس براسو.. ما بشوف الا دعاني ع مكتبو و قال بدو يحكيلي مدري شو... و بدو يستفسر عن درجة الرضى عن خدماتون و هيك قصص المهم رحت معو .. و هدول حرابيق يقدر بسؤالين مدروسات يعرف عنك كل شي يلزمو.. فعن طريق سؤالي عرف انو مسافر بعد فترة سياحة.. و بلش يقدملي عروض قرض تسهيلي مشان كاميرات معينة بشرط شرائها بالمحل الفلاني, و كلهون طبعا كاميرات من الألف يورو فما فوق (شغل بروفيشنال).. و عندون قدرة اقناع رهيبة.. لك حتى أنا, اللي كل ما واحد يقلي مرحبا بشك فيه... أوشكت اوقع.. انو السؤال.. واحد ما عندو موارد متل حكايتي.. ليش لتورطو بقرض لا انت و لا هو بيعرف ازا بيقدر يدفعو.. يعني على مدى سنة أو سنتين... المهم تضحك عليي أتورط و آخد منك قرض بألف يورو مشان حس حالي غني و اروح اشتري كاميرا أغلى من كل السفرة اللي رح سافرها؟ طبعا هو ما خسران شي.. ازا عجزت عن الدفع بيطالعو المصاري من عيوني... بس رايحة عليي... على مدى أوسع.. نفس القصة صارت بأميركا... شغلة القروض العقارية "السوبرايم" .. انو واحد مأنشح انضرب ع قلبو و راح عالبنك يسأل شو ممكن تعطوه قروض ليشتري بيت ينضب فيه هو و عيلتو.. بيروحو بدل ما يعطوه شي يتناسب مع دخلو, أو حتى انو ما يعطوه لأنو دخلو و راتبو ما خرج قرض.. بيروحو يعطوه حق قصر يلدز.. و خود يا حبيبي مو بيناتنا هلأ.. روح اشتري بيت و انبسط ... بعدين بنمص دمك... طبعا الشخص وقت يعطوه حق بيت ما حلم فيه بحياتو... بيصير يبوس رب الرأسمالية ع رب اللي اخترعا... لكن وقت يجي وقت السداد.. و مافي مصاري ليسدد... بيصير يلعن رب الرأسمالية ع رب اللي اخترعا الناس ما عندون مصاري يدفعو للبنوك.. البنوك تصادر البيوت و تحجز عليها.. بس كمية البيوت المحجوزة كبيرة بشكل انو ما حدا بيشتريها بالمزادات .. و البنك يخسر سيولة لأنو ما بيوفوه... بس البنك مانو زعلان.. ليش؟ لأنو الا ما تجي الدولة هلأ تدفع قروض هالمساكين اللي انضحك عليهون.. الناتج: - الدولة (عن طريق الضرائب).. دفّعت الشعب ضريبة جشع البنوك (2500 دولار مقابل كل مواطن أميركي من كل الأعمار) - اللي اشترى البيت هلأ بالشارع لأنو البيت صادرو البنك - البنك قبض حق البيت من الدولة, و فوقها هالبيت ملكو لأنو كان مصادرو من المسكين اللي اشتراه رح يرجعو يعملو هالقصص.. بحجة السوق الحر.. ينصبو عالكون, بدون حسيب و رقيب, و دون مراعاة أدنى شروط المنطق و الأخلاق.. و تعي يا حكومة انقذينا من أزماتنا, بمصاري شعبك... يتبع ... آخر تعديل yass يوم 05/10/2008 في 16:12. |
|||||||||
|
|
|
05/10/2008
|
#31 | ||||||
|
عضو
-- مستشــــــــــار --
|
مشكور ياسين ومشكور كتير ابونهلة
عنجد تحليلكن اكثر من مذهل وصراحة خلال الاسبوع الماضي كنت عم دور بالنت عن شرح للالية الي عم تصير بالعالم وان شو دخلنا نحنا بالمانيا بالي عم يصير بقطاع العقارات باميركا خصوصا ان هالشغلة ماكتير الالمان قابضينها بس هلق الصورة وضحت اكثر وياريت نفتح موضوع خاص عن هالمنعطف الي حكى عن ياسين ونشرح فيه بشكل تقريري اليه بداية الازمة وتشعباتها عالميا واسباب الانهيار المتكامل للاقتصاد الراسمالي والحلول الي عم يحطلها لحالو ليطلع الرابح الاكبر وبنكفي هالفلم الاميركي الي ماكنو راح يطول كتير باي اي القطاعات القادمة الي متوقعين الي تكون اسباب لانهيارات قادمة للهانظام القائم علي الاستغلال من يوم ماخلق تحية الكن انتو الاثنين |
||||||
|
|
|
05/10/2008
|
#32 | ||||||||||
|
عضو
-- قبضاي --
|
للأسف ..
اقتباس:
بعيداً عن المصالح .. بعيداً عن الجشع والألعاب السياسية .. بعيداً عن الرؤية الحالية ... همهم جني الأموال .. بالحرب .. بالقوة .. أليسو على هذه الأرض ... أليسو يتنفسون نفس الهواء .. ذات يوم .. عندما تقع الحرب العالمية الثالثة والأخيرة ... والتي لامفر منها بعد نفاذ الموارد العالمية .. وتقاتل البشر على لقمة الغذاء ... سيجدون أنفسهم .. يقتلون أنفسهم بأنفسهم .. لماذا .. ألا يكفيكم مالديكم من النفط .. ألا تكفيكم بنكوككم ... اتركو البشر بحالهم .. لو فكرنا قليلاً ... نعود إلى جملتي الإعتيادية ... البشر أغبياء ... اقتباس:
أكثر من 1000 بشري (ركزولي ع كلمة بشري .. ) بيموتو كل يوم بأفريقيا من الجوع .. بتعرفو شو حلمن الأكبر والأعظم .. ياكلو ولو لمرة وحدة ويشبعو .. بس من شو .. (يشبعو خبز .. ) اي .. خبز .. يلي منكبو كل يوم .. مو رغيف وتنين .. منكب أطنان .. بتعرفو بشو بيفكر بعد ماينام .. بيقول . انشالله بكرا يطلعلي 20 مل من المي .. نحنا مننام منفكر .. بكرا انشالله بربح باليناصيب .. وشتري سيارة وبيت جديد .. بيتي صار قديم .. للأسف .. عنجد البشر فاضيين ... مافي بقا رحمة .. عقولة الشباب .. (ماتت قلوب الناس .. ماتت بنا النخوة .. يمكن نسينا بيوم .. انو البشر اخوة .. ) .. اقتباس:
اقتباس:
اشلاء محطمة ..
افكار مشتتة .. مشاعر هائجة .. و .. كبرياء متواضع .. هذا بعض من جنون .. رجل المطر .. . . سنفهم يوماً ما .. أهمية مالم نفهمه يوماً .. ---- Unforgiven .. |
||||||||||
|
|
![post[field7]](images/gender/undisclosed.gif)
|
07/10/2008
|
#33 | ||||||
|
عضو
-- زعيـــــــم --
|
تحياتي الحارة اخي ياس زمان ما كنا سوا بموضوع واحد
هلأ اذا بدنا نحكي اقتصاد وفي اشخاص علقوا على موضوع الدمج بين الإشتراكية والرأسمالية ... رأيي إنو الإشتراكية تختلف جوهرا وقالبا عن الرأسمالية " كتنظيم إقتصادي " فبينما تقترح الإشتراكية او ما يسمى command system تدخل الحكومة في كل مفاصل الإقتصاد لضمان الإستقرار والعدالة في التوزيع تقترح الرأسمالية laissiz faire ترك الحرية للسوق ليصحح نفسه على مبدأ من الكلاسيكال موديل في الإقتصاد جاي جون ماينرد كينز بنظريته الكينزية بعد الكساد الكبير great recession ليتحدث عن ان على الحكومة ان تأخذ دورا في الإقتصاد وهذا كان نواة التيار الثالث في الإقتصاد mixed style ولكنه بقي محافظا على قالبا رأسماليا وغطى نفسه بقشور حكومية ..ولذا لم ولن نستطيع الحديث إلا عن الرأسمالية والإشتراكية وهذا حتى الأن . ولذا لا يمكن الحديث عن اكثر من تيار ليقود التغيير " حتى الأن " هو تيار وحيد إذا ما اردنا ان ننفي التناقضات التي راكمها الفكر الرأسمالي خلال ممارسته الإمبريالية التي دامت للقرن العشرين بكامله مر خلالها بأزمات رهيبة والازمة الحالية هي اقوى أزماتها وفي كل ازمة كان العالم كله يختنق واقل الدول التي كانت تعاني من جراء الأزمة هي تلك الدول التي أطلقت عليها سيدي إٍسم يسار الماركسية الوهابية تحياتي الحارة ظل جيفارا
فإقتلوني ..وأحرقوني ..بعظامي الفانيات ..ثم مروا برفاتي ..في القبور الدارسات
....................................................إلى روح الحلاج شهيد الحرية "تمركز رأس المال هو المشكلة ولا حل إلا الإشتراكية ." |
||||||
|
|
|
23/10/2008
|
#34 | ||||||
|
عضو
-- زعيـــــــم --
|
من وحي موضوع الأخ ياس تذكرت حالتان سوريتان بامتياز الأولى شاب سوري بمقتبل العمر وضعه يشبه وضع الطفلة من حيث تحريك أدواته بفمه فقط ولكن حالته أسوء فهو لايستطيع مبارحة سريره مربوط بعدة أجهزة ولكن هذا لم يمنعه من الاجتهاد والتعلم حتى أصبح مبرمج كمبيوتر ومصصم برامج بامتياز وقد ساعده أحد أصدقائه باختراع فأرة كمبيوتر تحرك بواسطة الفم الحالة الثانية فتاة سورية 17 عاما عندما أصيبت بحادث شنيع أدى للشل أطرافها السفلية حالفها الحظ أن شقيقها كان يدرس في ألمانيا فساعدها لتتابع دراستها وهي اليوم معيدة في أحد الجامعات الألمانية على كرسي متحرك تعتمد على نفسها بالكامل تركب سيارتها الخاصة بالمعوقين تعطي محاضراتها تتسوق تتنزه ...........الشعب السوري محب للحياة بدو دفشة صغيرة بس
|
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 07:45 (بحسب عمك غرينتش الكبير +3)