قتل النساء.. برعاية حكومية

[اممي]

كاتب النص الأصلي : ABU WILLIAM

في كتير معلومات قانونية خاطئة
اول شي المادة المخصة بجرائم الشرف هي المادة 548 من قانون العقوبات

بدنا لحتى تتنفذ هالمادة في كم كلمة حمرا لازم تتحق لتكون هالمادة هي المادة المطلوبة
بس بالفقرة التانية من المادة 548 عبارة حالة مريبة هون بتعمل مشلكة لأنو مالها محدد
و كمان لازم يكون في عنصر التفاجئ بالظروف لأنو اصل المادة هوي وجود استثارة للشخص
هلق هي كتحليل بسيط للمادة 548

هلق كرئيي انو القانون السوري أعطى العذر المحل و العذر المخفف لكل من الزوج و الزوجة
مو بس الزوج متل ما عمل القانون المصري

و للأسف كلمة الجرم المشهود هون هوي بالمعنى العام يلي بكون مو بالضرورة
انو انشاف جرم الزنا بس تم التأكد من حدوثه
و هون صارت القصة مطاطة

___________

هامش : بتمنى لما نتعامل مع المواد القانونية بنوع من القدسية

و شكرا على الطرح

يسلمو كتير عالتوضيح لان الشائع ان القانون عنا بيجيز هالنوع من الجرائم للرجل دون المراة وبالتالي هالقانون بيصفي منو كلمة (وضعية مريبة) وبالتالي بعتقد الدعوة نازم تكون لتوضيخ او شطب هالجملة لان ساعتها اي حدا فيه يستغلها علي كيفو

[اممي]

كاتب النص الأصلي : Nay

يعني الخيانة انو العلاقة غير الشرعية ما بتهد الشخص القاتل.. ومن اهم القواعد القانونية لتبرير او تخفيف العقوبة انو لازم يكون رد القاتل على درجة متساوية مع فعل المقتول..
يعني اذا واحد بدو يصربك بالعصاية ما بيصير تقتلو بالمسدس...

فيني اعرف ان اذا شفت زوجك عم يمارس الجنس مع بنت بغرفتك وعلي سريرك شو فيه يكون موقفك
وان كيف بهالحالة يكون الرد من جنس العمل؟

[Nay]

بالنسبة للدكتور عبود السراج اكيد اكيد كان عميد كلية الحقوق.. اتاكد انت من المعلومة... ما بعرف اذا لسا بيدرس قانون عقوبات كمان
بالنسبة للمادة 242 ماحدا قال انو الها علاقة بجرائم الشرف انا قلت انو هي مادة عادلة وبتكفي لتبرير فعل قام بثورة غضب شديدة.. وهي بديل للمادة 548
بالنسبة للمادة 192 عم تستعمل لتبرير نفس الجريمة
بعتذر للخطا بالرقم كتبت 528 بدل 548

[Nay]

كاتب النص الأصلي : اممي

فيني اعرف ان اذا شفت زوجك عم يمارس الجنس مع بنت بغرفتك وعلي سريرك شو فيه يكون موقفك
وان كيف بهالحالة يكون الرد من جنس العمل؟

بس للعلم انا بالاصل صد عقوبة الاعدام او العقوبات الانتقامية..
مافي حدا شرير بالفطرة يعني حتى الاشخاص اللي بيقتلو بالحالات العادية فيك تلاقيلهن مبررات كتير..
انك تشوف زوجتك عم تخونك ما بيبرر القتل ابدا..
اذا بدك رايي تحديدا .. بتركو للابد.. بنجرح كتير.. ومستبعد كتير اقتلو ..بس اذا صار هادا ما بيبررلي انو ما اتعاقب ابدا..

[Nay]

[quote=اممي;1144803]
يسلمو كتير عالتوضيح لان الشائع ان القانون عنا بيجيز هالنوع من الجرائم للرجل دون المراة وبالتالي هالقانون بيصفي منو كلمة (وضعية مريبة) وبالتالي بعتقد الدعوة نازم تكون لتوضيخ او شطب هالجملة لان ساعتها اي حدا فيه يستغلها علي كيفو[/quote]
اي القانون السوري بيعطي العذر المحل والمخفف بس للرجل مو للمراة..
يمكن بيقصد صديقنا انو القانون المصري اعطى العذر للمراة كمان الى جانب المراة

[ِAbu Alzooz]

بالنسبة للدكتور عبود السراج اكيد اكيد كان عميد كلية الحقوق.. تاكد من المعلومات...

انا بعتذر معك حق
الدكتور عبود كان عميد للكلية بس ما ضل يمكن سنة وحدة

بالنسبة للمادة 242 ماحدا قال انو الها علاقة بجرائم الشرف انا قلت انو هي مادة عادلة وبتكفي لتبرير فعل قام بثورة غضب شديدة.. وهي بديل للمادة 548

في شروط لاستغلال فكرة الاثارة و الغضب
واحد لازم يكون العمل غير محق يلي اقدم عليه يعني مو ايا عمل اثار غضب الاخر
بيستفيد من العذر المخفف

بالنسبة للمادة 192 عم تستعمل لتبرير نفس الجريمة

الدافع الشريف بيفرق عن جرائم الشرف
و على فكرة عمليا ما بيستفاد الجاني من استخدام فكرة دافع الشرف بالدفاع
لأنو ما بتغير الصفة الجرمية من جناية لجنحة
بس تخفيف بنوع العقاب من اشغال شاقة ل حبس
و للتأكد اليوم براجع الدافع الشريف اكتر لاني ماني متذكرو كتير

[ِAbu Alzooz]

[quote=Nay;1144833]

كاتب النص الأصلي : اممي

يسلمو كتير عالتوضيح لان الشائع ان القانون عنا بيجيز هالنوع من الجرائم للرجل دون المراة وبالتالي هالقانون بيصفي منو كلمة (وضعية مريبة) وبالتالي بعتقد الدعوة نازم تكون لتوضيخ او شطب هالجملة لان ساعتها اي حدا فيه يستغلها علي كيفو[/quote]
اي القانون السوري بيعطي العذر المحل والمخفف بس للرجل مو للمراة..
يمكن بيقصد صديقنا انو القانون المصري اعطى العذر للمراة كمان الى جانب المراة

لا يا عزيزتي القانون السوري عطى العذر المحل و المخفف للرجل و المرأة
لأنو كلمة زوجه يقصد بها الذكر و الانثى

و اذا بتحبي التأكد اكتر فيكي ترجعي لنص المادة باللغة الفرنسية

بالعكس القانون المصري بنص المادة الموجودة فيه مع اعتذار ماني حافظ رقم المادة ((من فاجئ زوجته ))))

[Nay]

كاتب النص الأصلي : ABU WILLIAM

الدافع الشريف بيفرق عن جرائم الشرف
و على فكرة عمليا ما بيستفاد الجاني من استخدام فكرة دافع الشرف بالدفاع
لأنو ما بتغير الصفة الجرمية من جناية لجنحة
بس تخفيف بنوع العقاب من اشغال شاقة ل حبس
و للتأكد اليوم براجع الدافع الشريف اكتر لاني ماني متذكرو كتير

بالملتقى الوطنى حول جرائم الشرف كانت التوصيات الغاء الفقرة الثالثة من المادة 192 لانو مافي تعريف بالقانون السوري للدافع الشريف ..رغم انو نحنا وقت اللي درسنا الدافع الشريف بالجامعة ما كان مذكور انو الو علاقة بالشرف يعني معك حق انت انو الدافع الشريف غير الشرف.. بس المشكلة انو عم يستعمل كعذر مخفف لجرائم الشرف

[osian]

أنا برأيي أنو مو من حق الرجل ولا المرأة قتل الشريك عند الخيانة لأنو ببساطة مو من حقو ينهيلو حياتو ..
هلأ أنا ضد الخيانة بكل أشكالها بين الزوجبن بس برأيي علاج الخيانة أنو أترك يلي خانني وببساطة الطلاق بس أكيد مو من حقي أقتلو وموتو ,وفي حال ارتكايب جريمة القتل ضد الشريك الخائن لازم القاتل يلاقي عقوبة قوية مو 6 أشهر
هاد رأيي
شكرا للموضوع

[Nay]

[quote=ABU WILLIAM;1144836]

كاتب النص الأصلي : Nay

لا يا عزيزتي القانون السوري عطى العذر المحل و المخفف للرجل و المرأة
لأنو كلمة زوجه يقصد بها الذكر و الانثى

كلمة زوجه بيقصد فيهاالذكر والانثى بس كلمة اخته شووووووووو.... يا حلووو

[Nay]

كاتب النص الأصلي : osian

أنا برأيي أنو مو من حق الرجل ولا المرأة قتل الشريك عند الخيانة لأنو ببساطة مو من حقو ينهيلو حياتو ..

كاتب النص الأصلي : osian

هلأ أنا ضد الخيانة بكل أشكالها بين الزوجبن بس برأيي علاج الخيانة أنو أترك يلي خانني وببساطة الطلاق بس أكيد مو من حقي أقتلو وموتو ,وفي حال ارتكايب جريمة القتل ضد الشريك الخائن لازم القاتل يلاقي عقوبة قوية مو 6 أشهر
هاد رأيي
شكرا للموضوع

والله ما حدا فهم عليي غيرك ... انا كمان بشاركك الرأي
اهلا فيكي بيناتنا..

[zen]

لسؤال اللي بيطرح نفسو
انو ليش المرأة اذا دخلت على زوجها أو اخوها وشافتون عم يزنوا
أو بوضع مريب
ليش اذا ارتكبت فيون جريمة ما بتتسمى جريمة شرف
؟؟؟؟؟؟!!!
مع أنو التبرير اللي بنعطى للشب اذا قام بهيك عمل بشع
انو عقلوا بعد ما يشوف هالمنظر بيصير غايب وبتتحكم فيه المشاعر الغاضبة والحمية
و المفارقة
انو بيقولوا أنو المرأة بنصف عقل لأنو بتستخدم مشاعرها
شو هالمفارقة الغريبة
!!!!!!!!!!!
طبعا أنا ضد الجهتين وضد هيك شي بشكل قاطع بس حبيت اطرح مفارقة غريية
و انشالله بالقريب العاجل راح تنشال هالمادة من القانون
بلشو يحكو بالموضوع

[Nay]

كاتب النص الأصلي : zen

لسؤال اللي بيطرح نفسو
انو ليش المرأة اذا دخلت على زوجها أو اخوها وشافتون عم يزنوا
أو بوضع مريب
ليش اذا ارتكبت فيون جريمة ما بتتسمى جريمة شرف
؟؟؟؟؟؟!!!
و انشالله بالقريب العاجل راح تنشال هالمادة من القانون
بلشو يحكو بالموضوع

انشا الله يازين .. شكرا على مرورك الغالي

[Nay]

اذا حدا حب يسجل اسمو بالوثيقة الوطنية لايقاف العنف ضد النساء وجرائم الشرف..هيدا اللينك لموقع نساء سوريا

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[Nay]

في 7-10-2008 لبنى فتاح من مواليد حمص بابا عمرو 1991 خرجت من منزل اهلها بعد شجار عائلي وقضت الليلة في منزل اختها المتزوجة في مكان غير بعيد عن منزل اهلها..
في اليوم التالي قضى والد لبنى عدة ساعات بجلدها بخرطوم مياه ثم ثار عمها غضبا واطلق عليها ست رصاصات

[Nay]

حلب _ حملت (ف أ) 18 عاما سفاحاً بصورة غير شرعية وقد صبر عليها أهلها لمدة ثمانية أشهر مع أن علامات الحمل واضحة عليها ليقرر شقيقها أخيراً التخلص منها بالتعاون مع الأهل والأقرباء وعن طريق وضع السم لها في الشراب فنجت من المحاولة الأولى في 16 شباط ليعاود الأخ المحاولة بعد يومين حيث لم تنج حينها وفارقت الحياة على إثرها, ومع استمرار التحقيق بالموضوع من قبل جنائية الكلاسة منذ ذلك التاريخ ولغاية 3/3/2007 توصلوا أخيراً إلى معلومات تفيد بتورط عشرة أشخاص 6 رجال و4 نساء واشتراكهم جميعاً في إجهاض المغدورة عنوة وهي في شهرها الثامن ورمي جنينها المتوفى بالحاوية ومن ثم قتلها بالسم ودفنها بطريقة غير نظامية وقد تمت إحالة المتورطين إلى القضاء مع إنكار الجميع بعدم معرفتهم بالسفاح والد الطفل.

عن جريدة الثورة 20/3/2007

[اممي]

كاتب النص الأصلي : Nay

في 7-10-2008 لبنى فتاح من مواليد حمص بابا عمرو 1991 خرجت من منزل اهلها بعد شجار عائلي وقضت الليلة في منزل اختها المتزوجة في مكان غير بعيد عن منزل اهلها..
في اليوم التالي قضى والد لبنى عدة ساعات بجلدها بخرطوم مياه ثم ثار عمها غضبا واطلق عليها ست رصاصات

فينا نعرف شو االاحكام القضائية الي صدرت بحق الجناة ...وياريت مصدر القضايا

[yass]

كاتب النص الأصلي : اممي

فيني اعرف ان اذا شفت زوجك عم يمارس الجنس مع بنت بغرفتك وعلي سريرك شو فيه يكون موقفك
وان كيف بهالحالة يكون الرد من جنس العمل؟

بفهم من هالحكي انو من الغضب الشديد يبرر جريمة قتل؟