إعترافــات .. !

[صياد الطيور]

كاتب النص الأصلي : yass

فانو هون بمنطقتنا و للأسف للكل نصيب متوازي من القذارة.. ما حدا انظف من حدا... فلذلك قصة بياض وجه الأميركان ما بتمشي.. مهما علّيتي صوتك و عملتي كل مين قال عكسك .. كل الشغلات اللي حكيتي عنهون..

أنا معك بهي 100%

[مسطول على طول]

ومين قالك أنو اللي انقتلوا بالبوكمال، منّون من ارهابيي فتح الاسلام ؟ عندك دليل؟ تفضل هاتو. أما أنا فعندي دليل، ودليلي هوّي : الأميركان والعراقيين ما لهم مصلحة بقتل مدنيين سوريين. بالمناسبة قولك: " الغريب حتى أميركا ما قالت أنو يللي استشهدوا .. من فتح الاسلام.." مالو معنى. لأنو الاميركان مو محتاجين يقولوا شي. فالغارة آالت كل شي.

شو دليلك أنو الي نقتلو بالبوكمال أرهابيين من فتح الاسلام؟

ممكن ينط أي واحد ويقلك الوالد تبعك كان ارهابي



............
شو دليلك أنو الامريكيين مالهم مصلحة بقتل مدنيين سوريين ؟

في مليون طفل عراقي أرهابي ماتو بالحصار الامريكي !!

في مليون عراقي أرهابي ماتو بالحرب على العراق وباعترافات أمريكية !!

في 5 مليون عراقي لاجىء بالخارج و4 مليون لاجىء بالداخل هدول لحنا هجرناهم ؟ لحنا حاربنا بحجة أرتباط نظام العراقي بالقاعدة ؟ ولا بوش مأثر فيكم كتير !

وفلسطين صرلها 60 سنة ملعون دينها والامريكان عم يدعمو دولة مسالمة كا اسرائيل !

من أبوها اللي أرغم على الهجرة ع الهرب من (سوريا ياحبيبتي )بعد ما دفع 15 سنة من حياتو في معتقلات حافظ الاسد

مع احترامي الك وللوالد الكريم في هون ومن هل المنتدى شباب بعمر الورد بالسجن ومتلهم كتير ،

واغلب الي عم تحاوريهم هنن معارضين للنظام بس مو على طريقتك ...الله تبعهم مو امريكا ومصلحتهم مو بزوال النظام وخراب البلد ، والتغيير على الطريقة الامريكية هيي الخيانة ، التغيير مابيجي من الخارج بيجي من الداخل والتغيير بالطرق السلمية مو بالبلطجة والارهاب والصاق تهم عفنة بمدنين أبرياء

لأنو عقلك مغيب، خريج مدارس البعث . لذلك ما ح أعتب عليك

شودليلك هاتي حجتك وبرهانك على أنو الشب "بعثي" بما أنو عندك أدلة وتهم بالجملة

[VivaSyria]

لا ،، رعبتني دخيلك يا ماما !

لاء يلي متلك مابيرتعبو ولا بيخافو... يلي بيوصف 8 شهداء مدنيين بالمجرمين بيكون وصل لمرحلة مارح قلك شو اسما... العوض بسلامتك

الشهدا هنن اللي بيسقطوا بساح الوغى دفاعاً عن قضية من قضايا الأمة الشريفة. أما اللي بيأووا أرهابيين ويقدموا لهم خدمات، ويتاجروا بالأسلحة، ويشاركوا في التفجيرات وقتل الأبرياء. فهدول ما بتنطبق عليهم الشهادة ، هدول مجرمين شئت أم أبيت.

هدا مفهومك عن الشهداء؟؟ المدنيين الأبرياء يلي تقصفون الأباتشي مو شهداء؟؟ أطفال غزة يلي عم يموتو بالسلاح الأمريكي كل يوم مو شهداء؟؟؟

أنتَ للأسف ما قدرت للآن تربط بين التنين، لأنو عقلك مغيب، خريج مدارس البعث . لذلك ما ح أعتب عليك.

هلأ هون أنا بمرحلة بيت المفاجأة والإشمئزاز... بتعرفي يمكن أي وصف تاني أو اتهام كنت قبلتو... بس بعثي؟؟ مارح قلك لاء على اعتبار ماني مستعد كون بموقف دفاع عن النفس مع وحده عم تحكي بإسلوبك...
بس بدي قول شغلة... يلعن رب البعث يلي خلق معارضة متلك... يلعن رب هيك نظام يلي خلا ناس تفكيرون متلك ينحسبو معارضين... لك يلعن رب ممارسات القمع والارهاب لأجهزة النظام يلي بتخلق عقليات متل عقلك...

أنا ولأول مرة بدي اعترف انو نظام القمع ببلدي بلش ينتصر... طالما قدر يخلق هيك عقليات نتيجة ممارساتو القمعية بحق الشعب... معناها بلش ينتصر وبلش يححق أهدافو.. ببساطه حقق أهم أهدافو بتوصيف بعض المعارضيين على انون اذناب واذيال لاميركا ومسوقيين للمشروع الامريكي...
واذا في حدا عم يخدم استمرار هالنظام واستمرار هيمنته وحمو هنن انتي وأمثالك... انتو يلي عم تثبتو كذبة الممانعه والصمود تبع النظام... انتو يلي تخلو البشر يشوفو بعينهون انو معارضي النظام والمتؤذين من ممارساته هنن أذيال لأمريكا...

فيقي... فيقي قبل ما تساهمي أكتر من هيك بهالشي.. فيقي قبل ماتساهمي بتثبيت بسطار هالنظام على صدر الشعب المسكين...

رح حاول فهمك القضية باختصار شديد:

انتبهي لنقطه مهمه.. انتي هون عم توضحي وجهة نظرك... ماعم تفهمي حدا.. لأنو ماحدا ناطرك لتفهميه... واذا مفكرة حالك جاية تفهميني فبحب قلك اني أبداً ماني مهتم بفهم الحقايق منك...

الحكومة السورية بتلعب بذكاء بورقة الإرهابيين الاسلامويين، بتمسك فيون للضغط على الأميركان لتحمي حالها من السقوط. و لكن الارهابيين ما عليهم أمان، فريق منون اللي هوّ فتح الاسلام انقلب على النظام السوري راعيه. بتحريض من الحريري والسعودية. وهذا ما دفع النظام ، أن يسمح للأميركان بضرب أوكارون على الحدود السورية العراقية. يعني كان هناك تنسيق سري بين الطرفين. ولاحظ أنو رد فعل النظام على ضرب الأوكار ما كان جدي ، ومو بس هيك بل قام النظام مباشرة بعرض محاكمة المجرمين للتغطية على الحدث. وكذلك ما اهتم العالم بالغارة الأميركية لانو الكل بيعرف أنو اللي انقتلوا كانوا من الارهابيين ومن اللي تخصصوا بتقديم الخدمات ألون. فأرهابي من المغرب أو السودان أو اليمن أو السعودية مثلاً لازم يكون له ناس أدلاء على نقاط العبور تساعدو، وإلا كيف بيئدر لحالو يدخل العراق ليفجر حزامو أو سيارتو.

هاد الحكي بمحملو أنا موافق عليه وماني مختلف معه... لعبة التنظيمات الارهابية النظام السوري أحد أكبر اللاعبين فيها بالمنطقة... وتورط السعودية وسعد الحريري مع هالتنظيمات مابستبعدو كمان...
وتورط النظام بالأحداث الأمنية بلبنان كمان مابستبعدو... وكمان مابستبعد تورط النظام بشكل أو بأخر بالغارة... كل شي قابل للنقاش والتحليل..

بس يلي لازم يكون واضحلك انو نحنا هون عم نحكي عن النظام يعني السلطة يعني الطبقة الحاكمة... يلي هيه أساساً مابتمثل الشعب ولا موجودة بحكم رغبة الشعب... وكل المذكور مابيبرر انو اقبل أميركا تنتهك أجواء بلدي.. ولابقبل تفوت على بلدي وتقتل ناس... هي سوريا أرضي.. عندون مشكل مع ممارسات النظام يطلعو على القصر الجمهوري ويصفو مشاكلون مع بشار... مو مع الشعب.. ولا بيحق لحدا ولا الله بذاتو يفوت على بلادنا يقتل وينتهك حرمة أرضنا...

واضحة الفكرة؟؟

و بعدين صحح معلوماتك وبلا ما ترمي الكلام من دون وعي: الشعب العراقي هوّ اللي عم ينقتل مو حكومتو وهوّ اللي عم يلعن الحكومة السورية لأنها ما عم تتخذ اجراءات حازمة لمنع تسلل الارهابيين عبر حدودها.

برجع بقلك اذا النظام متورط بهالعمليات الارهابية وبتصدير الارهاب لدول الجوار يصفو حسابون معو مو مع الشعب... وبرجع بقلك التمانه يلي ماتو مدنيين مدنيين مدنيين.. الأميركان اخدو جثث الارهابيين التنين معون وجثث الباقي المخابرات السورية أخدتون وهالحكي مذكور بـ3 تقارير استخباراتيه وبكل الجرايد الأميركية والأوروبية...

يعني أنت بهالزعيق والنعيق رح تئدر اتغطي على جرائم الارهابيين؟

زعيق ونعيق؟؟ ماحدا غيرك يلي عم يزعق وينعق... والمشكل زعيقك بيكشش البدن وبيعبر عن تفكير أقل مايقال عنه أنه قاصر ومحدود...

رح تئدر تقنع العالم أنو الارهابيين ما عمال يتسللوا من الحدود السورية؟ استخدم عقلك يا أخي ولو مرة وحده، وتجنب هالأسلوب الرخيص في الحوار

كمان مرة برجع بقلك الارهابيين يلي عم يتسللو الشعب السوري مادخلو فيون... لو جماعتك الأمريكان صادقين وشرفاء متل مانك مفكره كانو حاسبو المسؤولين الحقيقين عن هالشي.. بس الأميركان صحابك وصلانة فيون السفالة والحقارة انو عم يدعمو النظام بهالممارسات يلي عم يعملوها..
اي نعم أميركا تبعك والنظام شركاء بالجريمة... وشراكة كاملة... انتي يلي لازم تشغلي عقلك مو أنا.

أنا طلبت منك تجيب دليل واحد على أنو اللي انقتلوا كانوا أبرياء، أو دليل يثبت أنو كان بين القتلى أطفال ونساء متل ما حضرتك عم تدعي. رحت تهربت وصرت تتلهّى بقصيدة هجاء لتغطي على عجزك.

عجزي عن شو؟؟ برجع بقلك بدك من المقتول يجيب دليل برائته ومابدك القاتل يجيب مبرر جريمته؟؟

عن جد كتير صعبة الفكرة حتى مافهمتيها؟؟؟ مين يلي بيجيب الدليل؟؟ القاتل أما المقتول؟؟

عطيني دليل انو العمال المدنيين يلي ماتو "حصراً" ارهابيين..

هادا مو أسلوب حوار أو مناظرة، أو سجال، أو تبادل معلومات وأفكار، هادا أسلوب العاجزين المفلسين. إذا أنتَ مفلس خلي الدور لغيرك

والنعم منك ومن حوارك الغني... عمي أنا مفلس حوارياً.. بس ماني مستعد اغني حواري لا بدم شعبي يلي عم ينقتل وينظلم على ايدين النظام.. ولا مستعد اغنيه بالتطبيل والتهليل لممارسات الاجرام الأمريكية..

شفت أديش أنك شاطر بالتحليل السياسي؟! القوات الأمريكية يا شاطر مخولة بإحلال السلام في العراق، احلال السلام مسؤوليتها. وليست مخوّلة بالدخول في صراع عسكري مع النظام السوري، لذلك بتسعى لمكافحة الارهاب من وين من أجا.

مخولة بإحلال السلام بالعراق على حساب ضرب الأراضي السورية؟؟ ومو مخولة بإحلال السلام بفلسطين؟؟ مو مخولة بأطفال فلسطين يلي عم يموتو من ستين سنة؟؟ مو مخولة بغزة يلي بلا كهربا وصار ميت بمستشفياتها 3 أطفال من مبارح؟؟

لك انتي عن شو عم تحكي؟؟ عن أميركا؟؟

وبعدين لأيش لتحاسب النظام السوري؟ مادام النظام السوري عم يبدي استعدادو للتعاون معها على ضرب الارهابيين؟
ثمّ وين أرضك يا مسكين؟ أنتَ بأرضك بين أيادي النظام متل القملة المفروكة، ما بتسترجي ترفع راسك لفوق. لو كنت وطني وبتحب شعبك حب حقيقي كنت تظاهرت وقاومت تعسف المخابرات اللي راكبين فوق كتافك ؟ قل لي :ليش ما تظاهرت لما اعتقلوا المخابرات شباب أبرياء من المنتدى؟ وين عنجهيتك الوطنية ؟ وين حبك لأرضك وشعبك؟ وين رجولتك ؟ شاطر على الأميركان لأنو الأميركان ما بيعتقلوك ولا بيأذوك ولا ح يحطوك بيت خالتك.

هلأ هون صرتي عم تحكي عني بشكل شخصي... وللأسف ماني مستعد كون بموقف تبرير أو دفاع عن حالي... بس بعرف انو يلي بقدر ساويه عم ساويه كرمال بلدي وكرمال حرية شعبي... بحجمي الصغير كتير بس عم حاول ساعد بيلي بقدرو.... وأكيد مابدي تغيير النظام يكون على إيد الأمريكان ولا غيرون... بدي ياه يكون تغيير وطني.. لانو برأي اي تغيير مو نابع من الشعب مارح يكون هدفو أبداً مصالح الشعب...

المسخرة الحقيقة لما تطلع أنتَ وغيرك في مظاهرات حاشدة ضد أميركا. وبعد يوم ولا تنين بتصف بالدور مذلول ساعات طويلة أمام السفارة الاميركية لتشحد الهجرة على بلاد الاميركان.

إذا عم تحكي عني كشخص بحب قلك اني بعمري ماطلعت بمسيرة تأييد للنظام مو بحكم بطولتي بس بحكم انو ما انفرض هالشي عليي متل ما عم ينفرض على الشعب المسكين المقهور.. هالشعب يلي عم يطلع اجباري عنو مو بيكيفو... وحرام نلومو على غلط مو غلطو... مابعرف اذا بتعرفي بس يلي بسوريا ما بيصقف وبيهلل بيكون عميل صهيوني أمريكي انبطاحي سافل وبيكون جزائه فروعة المخابرات لأبد الأبدين...
وكمان بعمري ماوقفت بطابور سفارة وكمان مو بطولة بس الله ريحني من هالشغلة... وأخر شي بدي قلك ياه انو الاعتراف بالغلط مو عيب... بس العيب الاستمرار فيه...

هاد يلي عندي... بتمنى كون وضحت وجهة نظري.. وعذراً من الجميع على الإطالة.

[مسطول على طول]

هلأ هون أنا بمرحلة بيت المفاجأة والإشمئزاز... بتعرفي يمكن أي وصف تاني أو اتهام كنت قبلتو... بس بعثي؟؟

شاعر فيك فعلاً صعبة

بس بدي قول شغلة... يلعن رب البعث يلي خلق معارضة متلك... يلعن رب هيك نظام يلي خلا ناس تفكيرون متلك ينحسبو معارضين... لك يلعن رب ممارسات القمع والارهاب لأجهزة النظام يلي بتخلق عقليات متل عقلك...

أنا ولأول مرة بدي اعترف انو نظام القمع ببلدي بلش ينتصر... طالما قدر يخلق هيك عقليات نتيجة ممارساتو القمعية بحق الشعب... معناها بلش ينتصر وبلش يححق أهدافو.. ببساطه حقق أهم أهدافو بتوصيف بعض المعارضيين على انون اذناب واذيال لاميركا ومسوقيين للمشروع الامريكي...
واذا في حدا عم يخدم استمرار هالنظام واستمرار هيمنته وحمو هنن انتي وأمثالك... انتو يلي عم تثبتو كذبة الممانعه والصمود تبع النظام... انتو يلي تخلو البشر تشوف بعيتها انومعارضي النظام والمتؤذين من مماسته هنن أذيال لأمريكا...

فيقي... فيقي قبل ما تساهمي أكتر من هيك بهالشي.. فيقي قبل ماتساهمي بتثبيت بسطار هالنظام على صجر الشعب المسكين...

للأسف هدول أصبحو واقع والك بالغادري مثال عندما زار الكنيست .

وهيك معارضة مابيهمها الشعب أبداً بقدر مابيهما النظام والتخلص منو ماعندون مشكلة على دبابة أمريكية أو اسرائيلية مافي مشكلة المهم يتخلصو منو ويرجعو على البلد ، ويمكن مافي مشكلة يكونوا شركاء "بالحكم" للأمريكي أو للإسرائيلي كونه مخلصهم ، ومافي مشكلة شو ماصار بالمواطن ، وللأسف البعض بيقعود بينظرلك على ماقدمتة الولايات المتحدة لليابان أثناء احتلالها لليابان متناسين 4 مليون ياباني ماتو جوعاً ولولا الحرب الكورية ماغيرت الولايات المتحدة من سياستها تجاه الشعب هناك ، وكذالك في المانيا لولا بروز قوة الشيوعيين لما أقدم الامريكيين على المساعدات السخية ... في أعتقاد سائد لدى بعض الغلاة من المعارضة أن الولايات المتحدة تريد تكراره مع شعوب الشرق الاوسط !

ولعلمك من هلء كل مواطن بيعارض هيك معارضة شاذة فهوي بعثي بنظرهم التغيير مابيجي الا بالقوة وكل معارض لهم بعثي يجب استصاله ، وكون رأي حضرتك ماعجب فا أنت بعثي حتى تؤيد سيسات الولايات المتحدة وحماقات بوش وكوندليزا رايس

أما أنو يفيقو صعبة لانو الكراهية والحقد على النظام أعما قلوبهم عن معانات المواطن من استبداد النظام

عجزي عن شو؟؟ برجع بقلك بدك من المقتول يجيب دليل برائته ومابدك القاتل يجيب مبرر جريمته؟؟

عن جد كتير صعبة الفكرة حتى مافهمتيها؟؟؟ مين يلي بيجيب الدليل؟؟ القاتل أما المفتول؟؟

عطيني دليل انو العمال المدنيين يلي ماتو "حصراً" ارهابيين..

مو مكفيهم ظلم النظام للمواطن لاء كمان بيبررو جرائم من يرهم مخلصين أو حلفاء وبما أنه على المجني علية تقديم الدليل على أنه بريىء ؟ فطوبى لسوريا بهكذا معارضة خائنة ، الشعب مالو عرفان منين بدو يلاقيها

لاتستبعد أذا ضايق النظام انو يبلش اعتقالات بالجملة تحت مسمى "الأرهاب" وأذا أمريكا ساندة النظام هنن لح يكونو مع أمريكا وشو ماصار بالشعب مو مشكلة .

[..AHMAD]

كان بودي استرسل بالحكي عن كل حرف انحكى منك Haje لكن وقتي ما بيسمحلي وبالوقت ذاته هالذرة ضمير الي لساتا موجودة فيي ما بتسمح للساني انو يسكت عن شيئ يفترض قولو .. لذلك بالمختصر بعدة نقاط :

1- أرواح هال 8 مواطنين أطهر واشرف من انو تنجاب سيرتهن علسان شخصية متلك ويتم تحزيبهم وفق ما بتواتيكي مصلحتك ومصلحة عمك سام.
وهال 8 مواطنين إرهابيين بمنظورك الشخصي بس لأنهم كانو عميشتغلو مشان يوصلو لاخر نهارهم وهنن قادرين يقولو كلمة الحمدالله.

2- بالنسبة لنقطة بياض صفحة أمريكا.. فبياض صفحتها يضاهي بياض لباسٍ داخلي لطفل لا يزال يتبول في ملابسه.

3- مهما كانت ممارسات الحكومة ضد الشعب بالداخل قاسية وتعسفية هاد مانو مبرر ابداً لأنو مواطن سوري يكون راضي عن تدخل أمريكي او خارجي بالاراضي السورية... وازا معتبرة انو أمريكا جاية تخلصك وتوجهك للأفضل فـ يفضل تروحي العراق أو افغانستان على سبيل المثال... بجوز هناك المثالية الي عمتبحثي عنها تلاقيها مع حقيبة فيها حفنة من الدولارات وورقة تنازل عن كرامتك.

وبالنهاية بحب قلك ... لا أتوقع بحال استلم الحكم من بعد آل الأسد اطياف المعارضة المنتمية الهن حضرتك.. انو يكون الوضع أفضل ... بل أفضل أن أبقى تحت حكمهم على الرغم من حقدي عليهم وكرهي الشديد لهم .. لكنني أعرف مسار القذارة أين ينتهي لديهم ... بينما أمثالك لا حدود لهم.

ونصيحة أخيرة... لا تفكري بتاتاً انك تستخدمي أسلوب التخوين والعمالة للنظام مع اي عضو من الاعضاء، مشان تحفظي ماء وجهك.

وفي النهاية أوجه تحية لغسيل الدماغ والدولارات والطرنيب (41) والعرق

[قرصان الأدرياتيك]

صباح الخير...

الحكومة السورية تعهدت في مؤتمر وزراء الخارجية العرب أنها تضب حدودها، وتمنع المتسللين. وإلا رح يكون من حق العراق وقوات التحالف التصرف مع الارهابيين داخل الحدود السورية.

ليش هي حدودنا بس؟! العمى على هالسمعة!!! ليش مو حدود عراقيّة- أميركيّة كمان؟! إذا افترضنا أنو سورية مو قادرة على ضب الحدود ليش ما بتضب حدودها أقوى دولة في العالم لأنا متل مانا حدودنا هيّ حدودها؟ ولا القصة تحجج بس؟! بعدين مع كل هالافتراضات بظن في شي اسمو دول وقوانين وعالم متمدن ومعاهدات... إلخ فلأ مو من حق لا العراق ولا أميركا ولا غيرن يفوتوا على أي بلد تاني بحجة محاربة الإرهاب! لأنا في الحقيقة حجة واهية مجرد غطاء لسيطرة عم تتم على قدم وساق! وإذا أنتِ مو شايفة هالسيطرة الشغالة فبنصحك تلبسي نظارات صنع وطني... بيكونوا أفضل بكتير من العوينات شغل أميركا!

واضح يا سيدي أنك مش فهمان القضية وواضح كمان أديشك موضوعي وأديش تفكيرك سليم لمّا بتسمي المجرمين شهداء.

وواضح تماماً يا سيدتي الكريمة أديشك أنتِ فهمانة القضيّة... لك أنت القضيّة بين يديكِ ومفليتيها تفلاية متل تفلاية القمل بالسجون!
وواضح جداً وأيضاً أديشك أنت موضوعية لما بتفوتي على موضوع يتعلق باعترافات مجموعة إرهابية وبتحكيلنا عن غارة ألبوكمال ووقائعها المخفيّة المكشوفة على أصحاب الحكمة الإلهيّة! وإذا حابة تجيبي سيرة "الموضوعية" لازم تعرفي شو بتعني بالأول وكيف بتنعاش بعدين تقارعي فيها، لأن السلاح الما بتعرفي تستخدميه ممكن يجرح بنت جلدا حساس كتير متلك!
فأما بالنسبة للتفكير السليم فعرض آراء وتبادل أفكار بخصوص أي موضوع ما لو خص بسلامة الفكر لأن هاد موضوع صار نسبي بعالم اليوم، والشي اللي أنتِ مختبريتيه، أو العفو، أبوكِ مختبرو مانو بالضرورة مقياس لسلامة الفكر والتفكير... لذلك رجاءً خليه عطرف إذا بدك تكملي بهيك نقاش!

أنتَ للأسف ما قدرت للآن تربط بين التنين، لأنو عقلك مغيب، خريج مدارس البعث . لذلك ما ح أعتب عليك...
يعني أنت بهالزعيق والنعيق رح تئدر اتغطي على جرائم الارهابيين... ؟
رحت تهربت وصرت تتلهّى بقصيدة هجاء لتغطي على عجزك...
هادا أسلوب العاجزين المفلسين. إذا أنتَ مفلس خلي الدور لغيرك...
المسخرة الحقيقة لما تطلع أنتَ وغيرك في مظاهرات حاشدة ضد أميركا. وبعد يوم ولا تنين بتصف بالدور مذلول ساعات طويلة أمام السفارة الاميركية لتشحد الهجرة على بلاد الاميركان...

بارك الله بالحوار الذي تدّعينه! أنت عم تطالبي الزلمة بالموضوعية والحوار وتتهميه بالإفلاس، وليكِ شو كاتبة فوق... يعني هالجمل حقيقةً بتعبر عن مستوى الحوار يللي حاملة رايتو ونازلة فيه ع ساح الوغى!
بعدين أنت بتعرفيه شي لفيفا سيريا لتتهميه بكل هالاتهامات؟! هاتِ دليل أنو الزلمة خريج مدارس البعث وعقلو مغيب وعاجز ومفلس وبيطلع بمظاهرات ضد أميركا وبيوقف عالسفارة شحاد؟! وإذا ما عندك دليل على هالحكي يا ست Haje شو رح ينقال فيكِ؟!
لا تنهَ عن خلقٍ وتأتي مثله ..... عارٌ عليكَ إذا فعلتَ عظيمُ
وغير هيك الحكم بتركو لألك لأنك واعية وابنة سياسي وعايشة بدولة متحضرة متل ما مبين.
وبقلك أنو قبل ما تتهمي أي شخص ما بتعرفيه روحي عمليلك شي جولة بالأخوية بلكي بتعرفي أكتر وتتعرفي عَ أكتر. ولا قلك بلا هالجولة مبين أنك عاملتيها مسبقاً، وبتعرفي بشكل جيد مين هاد ومين هداك وبتعرفي عن شبابنا المعتقلين وبتعرفي... كمّل؟!

الأميركان ما بيجندوا للأسف وحده درويشة متلي يا دوب معها بكالوريا، كل معلوماتها السياسية بتستمدها من أبوها اللي أرغم على الهجرة ع الهرب من (سوريا ياحبيبتي )بعد ما دفع 15 سنة من حياتو في معتقلات حافظ الاسد

إذا درويشة ونازلة بالشباب بالمنشار، شلون لتكوني مو درويشة الله عليم شو كان صار!
وبعدين يعني شو عمل أبوكِ ليعتقل 15 سنة؟!
ثمّ وأنّ بنت متلك عندا عقل وتفكير وكيان وخصوصية من المعيب جداً أنو تستمدّ معلومات (تحت أي تصنيف كان) من شخص آخر (حتى لو كان أبوها) هي ما بتفهم فيها! أنا ما عم أحكي من عندي... عم أحكي كلامك أنت يللي فيه أنو كل معلوماتك السياسية من أبوكِ!!! معناتو شغلة ما بتفهمي فيها لا تناقشي فيها أفضل. هيك عالأقل بتعبري عن رأيك متل ما أنت مقتنعة فيه مو متل ما يشوفو الآخر! هاي طبعاً نصيحة ألك لتنمي فكرياً وتدافعي دائماً عن أفكار وآراء أنت مكتشفيتيها بنفسك وأنت مطلعة عليها بنفسك وأنت محللتيها بمخك هداك! مو بروباغندا فارغة!

ويكون بعلمك أني ما بحاول أبيض وجه الاميركان، لأنو وجههم أبيض خلقه حتى لو كان أسود.

بغض النظر عن التناقض اللغوي غير المقبول (بحكم اللغة العربية) الوارد بجملتك السابقة، بقلك إذا كنت عم تحكي عن الحكومة الأميركية فوجهها متل أسفل صبّاط مسلّك التواليتات والمجاري! وإذا ما فهمتِ العبارة السابقة فبقلك أنو وجهها متل وجه "بعّاص البقر" يللي يضل مالصبح لليل واقف عمؤخرة البقرة لياكل الدود! وإذا ما فهمتِ العبارة هي كمان بحكم عدم خبرتك بالصّيد وعالم الحيوان فوجه الحكومة الأميركيّة متل نعل الدابة الماشية بحقل روث!

انا عايشه ببلد فيه هوا نضيف، فتّح لي عيوني على الحقيقة، وعرفني على حقوقي وواجباتي، وهداني حرية التفكير والقول .

إذا كنتِ تدعي برؤية الحقيقة فعلى الأقل لا تعتمي على جرائم الغرب، محدا أنكر ولا حدا رح ينكر جرائم النظام السوري وعلى كل المستويات، بس الجانب الآخر من الحقيقة أنو هالنظام ربيان على إيد الغرب وخاصّة الولايات المتحدة الخنفشاريّة!!! يللي ربّت نص إرهاب العالم ليكون ورقتا الرابحة بسيطرة عم تتعمق يوم بعد يوم!
وإذا كنتِ تدعي بمعرفة الحقوق والواجبات فمن واجبك تحترمي أي طرف بالحوار في ما يتعلق بشخصيتو وفيك تشتمي الفكر والأفكار قد ما بدك... المهم شخص المحاور ما بتمسيه بأي سوء واتهام وبظن أنو دولة متل ألمانيا بتعلم أنو هاد أقل واجب من الواجبات! ولا نكتفي بحقوقنا وطزّ بالواجبات؟!
وإذا كنت تدعي حرية التفكير والقول فأبداً الحرية ما كانت بالشتم والتعليق على أسماء البشر! صياد الطيور طالعتيه صياد دبان... وإذا كانت عندك هي حرية القول والتفكير فبئس الحرية اللي عم تتدعين فيا!

بعض الجنود الاميركان ارتكبوا جرائم إنسانية في العراق.

الحكومة هي اللي أصدرت قرار الحرب عالعراق برغم اعتراضات غالبية دول العالم وحتى دولة الفاتيكان اللي تعتبر دولة دينية روحية! وحتى اليوم الجميع يأسف عاللي عم بيصير بأمر من الحكومة، فأنو بعض وأنو جنود؟! بترجاكِ تكوني شوي مبصرة للي عم يساووه بحجة ضرب الإرهاب!

وآخر شي حابب قلك إذا افترضنا أنو هدول إرهابيين وما إلى هنالك من هالادّعاءات بظن أنو الدخول بمروحيات وبهالطريقة هو قمّة الهمجيّة والبربريّة لدولة بتدّعي أنها متحضرة فعالم متمدن ماشي على شي اسمو "قانون" مو مشاع.

وتحيّة لجميع المتحاورين الأفاضل ولألك يا Haje أحلى وردة .

[Haje]

و أنـــا عمـ قول شو الإبداع الي نزّل عليي فجأة .. تاري من البلد .. !
عـ فكرة ماعاد في شي ينحكى بالموضوع ..

بس :


اقتباس:
بتستمدها من أبوها اللي أرغم على الهجرة ع الهرب من (سوريا ياحبيبتي )بعد ما دفع 15 سنة من حياتو في معتقلات حافظ الاسد. الاميركان بيجندوا رؤساء دول ، وزرا ورؤساء وزرا، وضباط كبار بالجيش والمخابرات، وقادة أحزاب. فشو بتئدر وحده متلي تقدم لون معلومات؟ أو تعقد معون صفقات؟
رغمـ هلـ الشي .. ما ممكن ننزل بمستوى التضحية هاي لنقول :


اقتباس:
لاميركان، لأنو وجههم أبيض خلقه

عزيزتي مايا آسفة كتير لأني مارديت مبارح على رسالتك اللطيفة، طلعت من المنتدى أبل ما شوفها. أنت بألمانيا؟ وين ساكنة؟
أنا ساكنة بOchsenfurt , وحالياً عم أدرس Politikwissenschft بجامعة Erlangen .
وإذا صار عندك شي يوم مشوار قريب مني تبئي خبريني. بحب أتعرف عليك.
لحتى أستقوي فيك ع شباب المنتدى، شايفة كيف تكاتروا عليي؟
معليش أنا رح فرجيون. أنا قدها وقدود لا تخافي، والله العظيم لأنتّف شواربون شعره ورا شعرة وأكبّون ب(...) حمص. أستني عليي بس. هنن لهلأ مو عرفانين مع مين علقوا. بسيطة.
بالنسبة لقولي:" أنا ما بحاول أبيض وجه الأميركان .... الخ " فتفسيرو يا عزيزتي على النحو التالي: الولايات المتحدة من الدول العظمى ، متفوقة في العلوم والتكنولوجيا والاقتصاد والتجارة، وبيحكمها نظام ديمقراطي مؤسساتي هو من أحسن الأنظمة في العالم. وشعبها طيب مرفه وحر . وبلد بهالصورة ما بيحتاج ل(هايه) لحتى تبيّضلو وشّو.
هاد هو المعنى اللي أصدتو بتمنى يحوز على رضاك.
كفّي معي الحوار إذا بتريدي، رح بلّش بالأول بالاستاذ _ياس_

[yass]

معليش أنا رح فرجيون. أنا قدها وقدود لا تخافي، والله العظيم لأنتّف شواربون شعره ورا شعرة وأكبّون ب(...) حمص. أستني عليي بس. هنن لهلأ مو عرفانين مع مين علقوا. بسيطة.

لو سمحتِ.. هون مانا بحلبة صراع لحتى نحكي عن "علقة" و لحتى نستخدم الأسلوب التهديدي و الوعيدي هاد..

الرجاء الالتزام بسوية حوارية ملائمة كي لا أضطر آسفا لإغلاق الموضوع

[Haje]

كل شي حكيتي عنو.. كل شي ها.. ممكن يكون قابل للأخذ و العطا إلا بياض وجه السياسة الأميركية.. اللي هيي سياسة و أسلوب عمل مجرم بنظر جزء مهم حتى من الداخل الأميركي..
عزيزي ياس،
فسّرت لمايا مغزى (تبييض الوجه) بتمنى عليك ترجعلو. وموضوع السياسة الامريكية مالو علاقة بتبييض وش الولايات المتحدة. فخلينا نكون من البداية دقيقين باستخدام اللغة. ولحتى نكون دقيقين مية بالمية لازم نستخدم مصطلح(السياسة الخارجية للولايات المتحدة).وهاد مصطلح مستقل لحالو مالو علاقة بأميركا ككل.
نعم أنا بوافقك على كتير من النقاط حول السياسة الخارجية الاميركية : الانانية، العدوانية ، السياسة اللي ما بتراعي مصالح الشعوب اللي بتتعامل معها. أميركا بسياستها الخارجية متل التاجر الكبير، تاجر الجملة ما بفكر إلا بمصلحتو .
مين موّل كل التنظيمات الارهابية بآخر خمسين سنة غير الأميركان (و انقلبت عليهون جزئيا.. كون وجودها هو دافع للأميركان للاستمرار بالمنطقة)
مين دعم كل الأنظمة العربية, من السوري و انتي طالعة, غير الأميركان؟
مين تحالف مع صدّام حسين غير الأميركان؟ .
أسئلتك بمحلها ما في عليها أيّ اعتراض، بس لا تنس أنها عملت كل هالشي لنفع شعبها . ولا تنسى أنو أيّ دولة تكون محلها ح تتصرف نفس تصرفها. هاد اسمو منطق الحياة. القوي بياكل الضعيف. قانون القوة والضعف بيتحكم بعلاقات الشعوب ببعضها، متل ما بيتحكم بعلاقات الأفراد بين بعضون. لهذا ما في داعي للاستنكار والغضب والتهديد واللعن وخوض معارك خاسرة. إذا بدك تعيش حياة لائقة كريمة متل ما بيعيشوا أكتر الاميركان، اخلق الشروط الكفيلة بأنها تخليك قوي مستقل متوازن متساو مع الدول الكبرى. خود ع سبيل المثال اليابان الصين كوريا الجنوبية..
هالدول استطاعت توقف على قدم المساواة مع الولايات المتحدة وتنافسها، مو بالندب والشتم واللعنات وإنما بالعمل والاجتهاد. أعضاء المنتدى بدل ما يسعوا لايجاد الوسائل الكفيلة بترقية بلادون أو يحرضوا عليها، بيشغلوا كل وقتون بالتعبير الفارغ عن كراهيتون لأميركا وحقدون عليها وهنن مو عرفانين ليش عم يكرهوها وليش عم يحقدوا عليها. إذا كانوا بيعتقدوا أنو أميركا بتحمي النظام فهنن غلطانين - بقولها مع أني بعرف أنو أميركا حالياً بتحمي التظام السوري- لانو اميركا في أي لحظة ممكن تتخلى عن النظام السوري وتدعم قوة سورية جديدة صاعدة عندها استعداد تعقد معها صفقات تجارية متكافئة أو متأرجحة تحقق للطرفين مكاسب. بس السؤال وين هيي هالقوة؟ ما في.. مافي بسورية قوة تحل محل النظام قادرة تعمل علاقات طيبة مع الولايات المتحدة. في عنا قوة واحدة بارزة بالساحة هي قوة الاخوان المسلمين. بس الولايات المتحدة مو مستعدة تتعامل مع قوة ألها برنامج عقائدي مضاد لمصالحها ووجودها الحضاري. ولا شك أنها أخدت درس ما بينتسى من تهاونها في حماية عرش الشاه الايراني اللي خلى الحركة الاسلامية الشيعية تنتصر بإيران . ولهذا مو حابه تكرر الغلطة بسوريا. السوريين أمامهم تلات طرق:
1-خلق قوة سياسية معارضة متعاونة مع الدول الكبرى
2- الرضوخ للنظام القائم
3-الاستسلام للمد الاسلامي المتطرف.
وغير هيك بتضل حياتون السياسية قائمة على محاولات فردية عاجزة خائبة تنتهي بأصحابها على الأغلب بمآسي : ملاحقة - قتل - تجريد من الحقوق - اعتقالات..الخ
شو اسرائيل؟ غير نظام ارهابي دموي.. ما قادر يبرر جزء بسيط من جرائمو حتى ألصق حلفائو؟
اسمح لي أخالفك هون بالرأي، اسرائيل مو نظام ارهابي دموي. اسرائيل أول بلد ديموقراطي بالشرق كلو. خليك منصف.. هالدولة عم تتعرض منذ قيامها للارهاب ومحاولات الابادة والحروب من جيرانها العرب والفلسطينيين . ولهذا فهي مضطرة للدفاع عن وجودها بشتى الوسائل الممكنة. وأنت إذا كنت ما بتعترف بوجود الدولة الاسرائيلية، فهاد بحث آخر يمكن نتناقش فيه بعدين.
مين عامل من أكثر الحكومات تخلّفا و قذارة و همجية و بدائية, اللي هو النظام السعودي, حليفها الوثيق غير الأميركان؟
هون بسألك: مين اللي "فرعن" هالحكومات المتخلفة القذرة الهمجية البدائية؟ إذا كنت بتعرف مين فالمنطق بؤللك حارب اللي "فرعنها" بالاول واقتلعو من جذورو أبل ما تبلّش بخوض معركة فاشلة مع اللي بيتعاون مع هالأنظمة. هاد هو عدوك الحقيقي (....)وبتمنى تكون عرفتو.
مزبوط من خيبتنا مستوطين حيطنا... لكن مانهون ملائكة الله على الأرض, مجرمون كحكوماتنا تماما.. و شركائهم بكل الألعاب من الألف إلى الياء... و مو رايحة إلا على المعتّرين...
هاي أنت عم تعترف بأنو المشكلة فيك مو بالولايات المتحدة ، فعليك بنفسك أولاً.
يبقى اعمليني جاهل و طابور خامس و خرّيج مدارس البعث... ع راحتك.. لكن يكون بعلمك انو اسلوب علاوة الصوت و المزاودة و التخوين و الاتهام.. هو اسلوب مدارس البعث بالضبط.
أنتَ لست جاهل ولا طابور عاشر حاشاك . بس أنتَ بصراحة خريج مدارس البعث متلي قبل خمس سنوات. تعاليم مدارس البعث تغلغلت بمسامات الشبيبة السورية على اختلاف توجهاتها السياسية والاخلاقية. أنا بعرف أنو أكتر اللي بتحاور معون مانون بعثيين، بس أخلاقهم بالحوار وطريقتهم في التعبير ، ومنهجهم الفكري، متأثر بتعاليم البعث.
أنا وأنتَ والاعضاء الآخرين كلنا تخرجنا من مدارس البعث. اللي من أبرز صفاتها : التخوين المزاودة والاتهام متل ما تفضلت ..الخ . وإذا بتدقق بكتابات الأعضاء اللي تناقشوا معي رح تتوضح لك الصورة أكتر وأكتر. منذ البداية اتهمت بالخيانة والتعامل مع المخابرات الامريكية .. الخ أقرأ بشكل خاص كتابات صياد الطيور وكتابات أحمد...
أنا ما بخوّن حدا، ولا بتهم حدا ولا بزاود على حدا مالي مصلحة بهالأشيا كلها. قدرت خلال وجودي بأوروبا أني أتخلص من تأثيرات مدرسة البعث عليي . أنا اليوم بؤمن بحرية التفكير والاعتقاد والاتجاه. بس برفع صوتي هاي شغله ما بنكرها لانو من حقي أدافع عن أفكاري بحرارة وحماسة. وأنا بالمقابل ما بمنع الآخرين أبداً من أنون يدافعوا كمان عن آراءهم بحرارة وحماسة.
وشكراً. واسمح لي أنتقل لنقطة تانية

[i m sam]

كاتب النص الأصلي : Haje

معليش أنا رح فرجيون. أنا قدها وقدود لا تخافي، والله العظيم لأنتّف شواربون شعره ورا شعرة وأكبّون ب(...) حمص. أستني عليي بس. هنن لهلأ مو عرفانين مع مين علقوا. بسيطة.

عم حاول حس بالهواء النضيف يلي اتنشقتيه وعلمك تحكي هيك...
أنا عايش طول عمري بسوريا ومتل ما عم تقولي تربيت بظل النظام البعثي " طبعا هذا لا يعني اني حاليا موافق على ما كنت مجبولا عليه" فرغم اني متنشق هوا سوريا بس " الملوث على وصفك" وهوا العالم الثالث الفاسد بحياتي ما ناقشت حدا وجبت هاد الكلام عنو او معو فما بعرف شو رب هالهوا يلي عم تتنشقيه ويخليكي تقولي هيك .
ربما ما كون عم ناقش او داخل بالنقاش لسبب ما بس ما بيعني اني وافق اني اقرأ هيك كلام عن اشخاص بتجمعني فيهم أخوية.
المفروض تكون طريتك بالنقاش اعلى مستوى من هيك ...

اما بالنسبة لامريكا فانا عندي نقطة دم بتنزل من أخي السوري أغلى عندي من أمريكا وأمنها وامانها كلو . " بغض النظر وجهها ابيض متل ما بتقولي ..أو أسود متل مو أنا شايف "

عالهامش : viva syria ولك صاير جاسوس وعميل للنظام لا وبعثي كمان .

[Haje]

الرجاء الالتزام بسوية حوارية ملائمة كي لا أضطر آسفا لإغلاق الموضوع

لا ، اسمحي بأى .. أنا اللي لازم هلأ اغلق الموضوع وانقلع من هون.
بصراحة أنا ما بحب كل دقيقة على الطالعة والنازلة اتهدد وتتوجه لي ملاحظات . يبدو أنكون ناس مكشرين مش متعودين ع المرح ولا على حرية التعبير. وهاي صفات ما بتناسبني أبداً .
شكراً لاستقبالكم ومع السلامة.

[yass]

أي بيظل خيارك الشخصي.. مع انو من المنيح تراجعي نفسك و تشوفي انو فيكي كل الصفات اللي تتهمي فيها غيرك.

و كلامك اللي رديتي علي فيه, مردود عليه, بأدنى المشاعر الانسانية الموجودة بقلب أي بني آدم. ما تحتاج حدا يرد عليها

اسرائيل أول بلد ديموقراطي بالشرق كلو. خليك منصف..

اذا الانصاف هو انو أفكر متلك فيسعدني جدا انو ما أكون منصف. نظام مشرعن فيه وجود مواطنين درجة أولى و ثانية و عاشرة, ثم بعد العاشرة ربع مواطنين, مش حتى بشر, لا يمكن يتوسّخ فيه اسم نبيل كالديمقراطية اللي تستعمليها ع مراقك.


أما قرارك بانو من أي مدرسة أنا, فهاد بيدل على شغلات كتيرة, منها انك تعطي لنفسك القدرة و الحق على الحكم على أي شخص, و هاد لا يحمل أي معنى من معاني الانصاف


و بالنهاية أنا من الحالمين اللي بيفكرو باللي قالو الرائع جبران خليل جبران لما قال:"اجعلني اللهم فريسة الذئب قبل أن تجعل الأرنب فريستي". (يجوز جبران كمان كان خريّج مدارس البعث), و أعتبر انو مصلحة فرد أو شعب لا يمكن بأي شكل من الأشكال أن تقوم على الاعتداء على غيره, و بئس التبرير اللي عطيتيه للوحشية الأميركية..


و أهلا فيكي, سواء ظليتي أو رحتي...

[مسطول على طول]

اسمح لي أخالفك هون بالرأي، اسرائيل مو نظام ارهابي دموي. اسرائيل أول بلد ديموقراطي بالشرق كلو. خليك منصف.. هالدولة عم تتعرض منذ قيامها للارهاب ومحاولات الابادة والحروب من جيرانها العرب والفلسطينيين . ولهذا فهي مضطرة للدفاع عن وجودها بشتى الوسائل الممكنة. وأنت إذا كنت ما بتعترف بوجود الدولة الاسرائيلية، فهاد بحث آخر يمكن نتناقش فيه بعدين.

انصحك بالأنضمام الى حزب فريد الغادري الذي اعلن عن عزمه أقامة متحف وانشاء متحف للمحرقة اليهودية التي قام بها هتلر ، و اقامة نصب تذكاري لها في دمشق ، ما أن يتولى الحكم ، فعلاً الغادري يريد ان يؤسس دولة رائعة والاجمل تباكية على الديموقراطية المفقودة في سوريا ، ياهل ترى هل حدثتي نفسك أنت والغادري عن نظرت الشعب السوري لما يسمى بدولة اسرائيل الديموقراطية ؟

لن أتطرق الى جرائم اسرائيل ومافعلته من مجازر وماتقوم به الى يومنا هذا ، ناهيك عن ضربها لكل قرارات مجلس الامن عرض الحائط

لندخل الى اسرائيل من داخل ولو بشكل سطحي

الدولة اليهودية هي دولة الشعب اليهودي ويحق لكل يهودي أن يهاجر إليها وجمع الشتات اليهودي هو من قيمها الأساسية وهي دولة يتشابك تاريخها وأعيادها تعكس انبعاثها القومي, كما أنها تعتبر الاستيطان اليهودي في حقولها ومدنها على رأس سلم أولوياتها أيضاً هي دولة تكرس ذكرى اليهود الذين ذبحوا في المحرقة وتنمي الثقافة اليهودية وحسب الشعب اليهودي كما تستبقي من تقاليدها الدينية وتلعب الشريعة اليهودية دوراً مهماً في دولتها.‏

ودلة اسرائيل الديموقراطية تصدر وبشكل سنوي تشريعات جديدة تخص عرب 48 مثل منع أو عرقلت الزواج بينهم وبين فلسطيني 67 وعدم أعطاء الجنسية للأطفال بما أن والدهم يحمل هوية السلطة الفلسطينة رغم أن والدتهم تحمل الجنسية الاسرائيلية ؟؟



وأنني أتسأل بما أن اسرائيل دولة ديموقراطية لماذا تصر حكوماتها على يهودية الدولة ؟ والاصرار على تسميته مبادئ الإجماع الصهيوني
وهل يوجد دولة ديموقراطية تنتهك ابسط حقوق مواطنيها من عرب 48 .. لك بعض الامثلة البسيطة من داخل اسرائيل ، عرب 48 ينادون بدولة لكل مواطنيها ويطالبون بالمساواة القومية .. يطالبون بالتوقف عن مصادرت أراضيهم من قبل الدولة فهل اسرائيل توقفت أو حققت تلك المساوات ؟

وهناك المئات من الشباب العرب الذين جرو الى المحاكمات وكثر تمت محاكمتهم لاسباب بمنتها السخافة كاحيازت كتاب أو طباعة مقال أو لتأيدهم للمقاومة الفلسطينة او صورة لفلسطين او صورة لسيد حسن نصر الله ، هم لم يرتكبو أي شيىء الا أن أفكارهم لم تروق للديموقراطية الاسرائيلية !

واسرائيل التي تدعي أن ما يميزها ويرفع شأنها عن باقي الدول العربية هو كونها "دولة" ديمقراطية تؤمن بحرية التعبير عن الرأي.. نراها تعتقل كل من يؤيد "دولة معادية كاسوريا أو لبنان أو حقوق الشعب الفلسطيني او حيازت كتاب او قصيدة " في نظرها هذه الأمور من المحرمات ، وتمنع العرب من زيارة اشقائهم ، وتمنع الطلاب العرب من دراسة قصائد محمود درويش وسميح القاسم وتوفيق زياد و نزار قباني وتفرض عليهم بدل ذلك دراسة قصائد حاييم نحمان !!

ولايفوتك عشرات الدراسات التي تتخوف من تغيرات ديموغرافية مستقبلية وتطالب بطرد السكان العرب فعلاً ديموقراطية عظيمة

كما تدفعهم ديمقراطيتهم أيضا إلى تخطيط أسلوب الإعلام وبرمجة محطات الأخبار بأسلوب تنقل فيه جزءا من الحقيقة وتخفي أجزاء أكبر ! كتلك المجازر في جنوب لبنان والتي قام الاعلام الاسرائيلي بتعتيمها كليا عن المشاهدين الاسرائيليين.

ولو كنتي مطلعة على التركيبة الاسرائيلية من الداخل لما تجرئتي وقلتي أن اسرائيل دولة ديموقراطية ،

دولة يصنف شعبها على اسس دينية ها تعلمي كيف هيا التصنيفات داخل المجتمع والدولة العبرية ؟

معليش أنا رح فرجيون. أنا قدها وقدود لا تخافي، والله العظيم لأنتّف شواربون شعره ورا شعرة وأكبّون ب(...) حمص. أستني عليي بس.

ياااااااااااااا بطل

الحمدلله انك ماكنتي بنت شي مسؤول ، أذا كانت هي طريقتك معنا بالحوار فياترى لوكنتي فعلاً بنت مسؤول شو كنتي عملتي فينا لو كان هل الحوار على أرض الواقع ؟ أعدام ولا مؤبد ؟

هاد ياستي بزمناتي ربيت شواربي فطلعو بلا ترباية فحلقتون ، فلاقيلك شغلة تانية تنتفيلي ياها

هنن لهلأ مو عرفانين مع مين علقوا. بسيطة.

مع مين ؟

بشرفي تسالي

[VivaSyria]

عزيزتي مايا آسفة كتير لأني مارديت مبارح على رسالتك اللطيفة،

يبدو انو في عندك مشكل بالقراية كمان مابتقل عن مشكلتك بالإستيعاب... ارجعي اقري رسالة مايا على أمل تقدري تفهمي شو قايلتلك... مع اني بشك انك تقدري...

والله العظيم لأنتّف شواربون شعره ورا شعرة وأكبّون ب(...) حمص.

شو رأيك بلا علاك وتروحي تنتفي شي شغلة بتقدري تنتفيها؟؟ مو أحسنلك؟

اسرائيل أول بلد ديموقراطي بالشرق كلو. خليك منصف.. هالدولة عم تتعرض منذ قيامها للارهاب ومحاولات الابادة والحروب من جيرانها العرب والفلسطينيين .

بعد هالحكي الواصح والصريح مافيني غير قلك بالفعل أنا كرهان حالي اني ناقشت وحدة متلك وبأفكارك... ولازم نعرفي انو هاد الكلام يلي قلتيه أعتى متعصبين الصهاينة ما وصلو لمرحلتو...
المشكلة الأساسية يلي ماعم توعيها انو أغلب الشباب يلي ناقشوكي دارسين برا وعايشين برا وبعضون معو جنسية تانيه غير السورية... بس ماحدا منون اتنفس الهوا الوسخ والقذر يلي انتي اتنفستيه ولا شرب الأفكار الحاقده يلي انتي شربتيها وللأسف مفكرتيه هوا نضيف...
كلنا درسنا برا وسافرنا ورحنا وجينا... وأغلبنا معظم حياتون برات سوريا... بس سوريا دايماً فينا.. والقيم يلي أخدناها من عيشتنا برا هيه القيم يلي بتعزز وطنيتنا وبترفع من قيمة وطنا وأبداً ما أخدنا القيم الصهيونية "مو اليهودية" يلي حضرتك أخدتيها ومفكرتيها قيم حرية... هي مو حرية هاد حقد على بلدك وشعبك... واذا مفكرة بهالحكي بتورجي أميركا وإسرائيل انك حضارية... صدقيني بهالحكي بيضحكو عليكي وبيقولو لو مانها بلا كرامة ما كانت اتبنت الأفكار يلي نحنا بدنا ياها...

أطفال فلسطين إرهابيين... نساء وشيوخ فلسطسن ارهابيين... الشعب الفلسطيني المهجر قسراً إرهابي... وكل دول الجوار إرهابيين وعم يأجرمو بحق الحمل الوديع إسرائيل... إذا لم يسمى هذا الكلام بالخيانة فلا أدري ما هي الخيانة..

أنا وأنتَ والاعضاء الآخرين كلنا تخرجنا من مدارس البعث. اللي من أبرز صفاتها : التخوين المزاودة والاتهام متل ما تفضلت

الغريب انك أطلقتي صفة البعثية على كل مدارس سورية... ترديد الشعار الحزبي على الأطفال كل يوم لا يجعل منهم بعثيين يا أنسة... والدليل انو ولا واحد من يلي ناقشوكي بهالموضوع ما قضى كم سنة بمدارس سورية... بس ماحدا منون يمت إلى البعث بصلة...
ولم أجد هنا أحداً خوًّن وزاود وإتهم غيرك... أنتي التي اتهمتي البشر بالبعثية وأنتي التي تهكمتي على البشر بمداخلاتك... وأنتي التي زادتي حتى على عتاة الصهيونية العالمية...

أنا اللي لازم هلأ اغلق الموضوع وانقلع من هون.

عن جد ياريت تلتزمي بهالقرار... لأنو بهالأفكار هي مارح تلاقي حدا يرحب فيكي بيناتنا... لأنو قد ما اختلفت وجهات نظرنا... بس ما ممكن نوصل ليلي انتي وصلتيلو ولا ممكن نقدر نستوعبو أو نناقشو..
بوجك على مطار بين غوريون بلكي بيشغلوكي غرسون بشي مطعم متل عناصر جيش لحد...

[VivaSyria]

كاتب النص الأصلي : i m sam

عالهامش : viva syria ولك صاير جاسوس وعميل للنظام لا وبعثي كمان .

سيدي تعودنا على هالشخصيات الصغيرة... شي بيطلعني عميل للإسرائيل وشي بيطلعني عميل للنظام وبعثي...

عقول سوادء مريضة....

[ayhamm26]

يا جماعة ليش هيك نازلين بالمخلوقة , ما قريتو شو كاتبة , قال عم تدرس علوم سياسية يعني المفروض بتحطنا بجيبتها بالفهم بالسياسة

شي غريب انحراف العقل البشري لوين بيوصل

انا من خلال اقامتي بالمانيا تعرفت على كذا واحد امريكي , وكان سؤالي الن دايما عن سبب وجودن بالمانيا رغم انو ممكن ببلدن يحصلو رواتب اعلى بحكم شهاداتن, وكان رد الكل على سؤالي انن قرفانين من اميركا بعهد بوش , خجلانين من بلدن ومن السمعة الرهيبة اللي صارتلن بعد احتلال العراق وغوانتنامو وغيرها

فجاي حضرتها هلق بدها تعمل حالها ملكية اكتر من الملك , لك اي واحد امريكي او اسرائيلي عندو شوية منطق وتفكير متوازن بتلاقي قرفان من سياسات بلدو ومن الجرائم اللي عم ترتكبها دول على اساس انها ديمقراطية

شي مسخرة, عن جد صارت السياسة ملطشة لكل واحد جاهل بدو يعمل علينا معلم

[صياد الطيور]

أنا بدي عبر لـ Haje
عن مدى اعجابي بشخصيتها و منطقها الي خلا جميع أقطاب السياسة السورية ( متمثلين بأعضاء منتدانا )
يجتمعوا على الاعتراض على كلامها و منطقها