الروح التقريدية الضائعة

[Abu ToNi]

احب بداية ان اوجه كلمة شكر ومحبة واخاء للقرود الاوائل الذين هبطوا عن الشجرة لينتجوا السلالة البشرية الراقية
وكلي اعجاب وتقدير لروح التمرد والجرأة التي تحلوا بها حتى يخالفوا مجتمع القرود المحافظين ويتخلوا عن انجازاتهم وعن رقيهم المتجسد باستيطان الاشجار ، التي لا تزال قمة الرقي عند معشر القردة حتى الساعة .
استطيع تخيل مقدار الاضطهاد الذي مورس ضدهم من قبل هؤلاء المحافظين ، والذين بلا شك لم يتباطئوا عن سيل الشتائم والاتهامات مثل (( الدنيوية ، الخروج عن العرف والتقاليد " وربما المقدسات " ، التخلي عن روح التقريد التي تستوجب التسلق والارتفاع الدائم )) ولا شك انه أصدقائنا المتمردين بعد تخليهم عن الفراء والأذناب اتُهموا بالطياشة والاباحية ، خصوصا بعد ارتكازهم على قائمين بدل الأربع

استمر سلفنا المتمرد بفعلته .. واغلب الظن انه ظهر بين جماعة المتمردين قسم لا بأس به من المرتدين الذين تراجعوا عن فعلتهم وعادوا لتسلق الاشجار من جديد ، ومما لا شك فيه ان وسائل الاتصال انقطعت بين الجانبين وفُقِدت اللغة المشتركة للتفاهم ـ باستثناء بعض أحفاد المتمردين الذين لا يزاولن يتقنون لغة الحيوانات .. وعلى رأسها لغة القردة _
استمر القردة الهابطون بالعمل ، مدفوعون بروح التقريد العالية التي رفعتهم إلى قمة التصنيف الحيواني ليصبحوا ارقى الحيوانات ، وليصنعوا هذه الحضارة التي نعيش في كنفها ، ويلنطق بعدها نيل ارمسترونغ (( اول انسان يمشي على القمر )) جملته الشهيرة (( خطوة صغيرة لإنسان ، قفزة عملاقة للبشرية )) والتي لخص بها عمل اسلافنا الهابطين .
لا شك ان الهبوط من قمم الاشجار او بمفهوم القردة المحافظين (( الهبوط من الرقي الواضح المعالم )) كان المسبب الاساسي للصعود إلى القمر ، اسلافنا صنعوا معجزتم وتمردوا على مفاهيم عصرهم بهبوطهم هذا.. تحدوا المستحيل وضربوا الافكار التقريدية السائدة عرض الحائط وتمردوا لصنع حضارة الانسانية ، فاين الخلف من ذلك السلف .

[باشق مجروح]

حلو كتير الاسلوب .
اي نعم سيدي نحنا بقا فينا جينات قردة أصوليين رافضين للتطور لذلك مصيرنا متل مصيرهون . وحسب قوانين الوراثة لا بد ان هناك صفات متنحية عند القردة التقدميين عادت لتظهر فينا . وليكنا رح نضل ننطنط على شجر التخلف و خلي العالم ينطنط بين الكواكب.

[satoman]

بتعرف ابو طوني انو عم نفتقر للروح التقريديه العاليه تبع اسلافنا؟
وخصوصا العرب لسى معلقين

[فسحة أمل]

يا سيدي الانسان هوي نتاج تطور طبيعي, وبقلك هاد الحكي لان بمجال دراستي , قبل الانسان الحديث الي هوي حضراتنا كان في أربع أنواع من التطورات البشرية المتسلسلة زمنياً , أول أنسان اكتشف هوي انسان الأسترولوبيتيك الي لقب بالعفاري نسبة إلى المنطقة الي اكتشف فيها , يليه الهومو أركتوس , والهومو هابيل , يليه النياندرتال الي هوي أقرب شكل للانسان الحالي , واكتشف في فلسطين , بس هاد الانسان (( النياندرتال انقرض )) أما الانسان الحالي فهوي تطور للانماط التلاتة الأوائل , طبعاً الفرق بالبنية التشريحية كتير كبير , وخصوصاً بشكل الجمجمة واعتدال القامة إضافة لعدة أمور.
على الأغلب إلى رجعة.
هاموش : بهنيك بهني القردة فيك .

[Abu ToNi]

كاتب النص الأصلي : باشق مجروح

حلو كتير الاسلوب .
اي نعم سيدي نحنا بقا فينا جينات قردة أصوليين رافضين للتطور لذلك مصيرنا متل مصيرهون . وحسب قوانين الوراثة لا بد ان هناك صفات متنحية عند القردة التقدميين عادت لتظهر فينا . وليكنا رح نضل ننطنط على شجر التخلف و خلي العالم ينطنط بين الكواكب.

بس شو هوي السبب اللي خلا الروح هي تموت ويرجع التطور بخطا عكسية .. حتى انفقدت الجينات كلها وصرنا من جماعة المحافظين ؟! شو كل هالقد طلعت صفة التمرد متنحية حتى اندعس عليها من قبل كل الصفات ؟!

كاتب النص الأصلي : satoman

بتعرف ابو طوني انو عم نفتقر للروح التقريديه العاليه تبع اسلافنا؟
وخصوصا العرب لسى معلقين

بالنسبة إلنا انا بشوف معك حق عما نفتقدلا كتير .. وسياسية حط راسك بين الروس صايرة احد الرموز المحلية ..
هي بالنسبة إلنا
بس بالنسبة للعرب .. ما بقدر غير شعلّن شمعة .. ..(( بيني وبينك رضيان يصلوا لمرحلة القرود المحافظة بالتفكير .. بكون هاد انجاز بحد ذاته ))

كاتب النص الأصلي : فسحة أمل

يا سيدي الانسان هوي نتاج تطور طبيعي, وبقلك هاد الحكي لان بمجال دراستي , قبل الانسان الحديث الي هوي حضراتنا كان في أربع أنواع من التطورات البشرية المتسلسلة زمنياً , أول أنسان اكتشف هوي انسان الأسترولوبيتيك الي لقب بالعفاري نسبة إلى المنطقة الي اكتشف فيها , يليه الهومو أركتوس , والهومو هابيل , يليه النياندرتال الي هوي أقرب شكل للانسان الحالي , واكتشف في فلسطين , بس هاد الانسان (( النياندرتال انقرض )) أما الانسان الحالي فهوي تطور للانماط التلاتة الأوائل , طبعاً الفرق بالبنية التشريحية كتير كبير , وخصوصاً بشكل الجمجمة واعتدال القامة إضافة لعدة أمور.
على الأغلب إلى رجعة.
هاموش : بهنيك بهني القردة فيك .

تشكلت جمجمتنا .. اعتدلت قامتنا .. أخدنا صورتنا الحالية .. وبعدها !! ليش بقينا محلنا ؟! فين راح روح التمرد على الروتين .. روح التمرد على الاخطاء الاجتماعية المتفشية ؟!
بعتقد واقع سلفنا الهابط كان ارحم كتير من واقعنا .. لا كان في عندهم جرائم شرف .. لا كان في عندهم نهب وسرقة . لا كان في عندهم طائفية ... لا كان في عندن تفرقة عرقية .. ومع هاد الشي شفنا في حركة مميزة خلقت جيل كامل
لو اجا سلفنا وشاف واقعنا .. كان تمنى يرجع وحيد خلية

[فسحة أمل]

ليش مين قلك انو تطور الانسان وقف !
اما من ناحية التمرد على الاخطاء الاجتماعية والامراض الاجتماعية هي ما عاد ضل منها الا عنا يعني صنع محلي


هاموش : الله يرحم ايام وحيد الخلية

[ظل جيفارا]

بيقلك التاريخ اذا ما لقى مين يعمل النقلة النوعية بمرحلة لازم يصير فيها نقلة نوعية فالتاريخ يعيد نفسه
بإنتظار القرداتي اللي رح يعمل النقلة النوعية رح نضل ننطنط على الشجر.
هامش:صديقي بشر انا بعرف إنو النياندرتال إكتشف في سواحل أفريقيا الشرقية والسواحل الغربية لإستراليا
اول مرة بعرف إنو بفلسطين ؟ فمعلومتك اكيدة ولا بضل على معلومتي ؟
تحياتي الحارة
ظل جيفارا

[فسحة أمل]

كاتب النص الأصلي : ظل جيفارا

هامش:صديقي بشر انا بعرف إنو النياندرتال إكتشف في سواحل أفريقيا الشرقية والسواحل الغربية لإستراليا
اول مرة بعرف إنو بفلسطين ؟ فمعلومتك اكيدة ولا بضل على معلومتي ؟
تحياتي الحارة
ظل جيفارا

معلوماتي أكيدة بحكم دراستي
انسان النياندرتال اكتشف في فلسطين وبلاد الشام وهيدي السلالة من البشر انقرضت لاسباب ما معروفة لحد هلا على الرغم من أنو انسان النياندرتال اقرب للانسان الحديث , بس اثبتت الدراسات أنو الانسان الحديث هوي من سلالة الهومو هابيل , اما الانسان الي اكتشف في افريقيا فهوي الإسترولوبيتيك الجد الاقدم المعروف للانسان , واكتشف أول هيكل عظمي لألو بعفار بافريقيا لهيك أطلق عليه الاسترولوبيتبك العفاري

[ظل جيفارا]

كاتب النص الأصلي : فسحة أمل

معلوماتي أكيدة بحكم دراستي
انسان النياندرتال اكتشف في فلسطين وبلاد الشام وهيدي السلالة من البشر انقرضت لاسباب ما معروفة لحد هلا على الرغم من أنو انسان النياندرتال اقرب للانسان الحديث , بس اثبتت الدراسات أنو الانسان الحديث هوي من سلالة الهومو هابيل , اما الانسان الي اكتشف في افريقيا فهوي الإسترولوبيتيك الجد الاقدم المعروف للانسان , واكتشف أول هيكل عظمي لألو بعفار بافريقيا لهيك أطلق عليه الاسترولوبيتبك العفاري

ع راسي حبيب القلب ...طيب الهيكل اللي إكتشف في إستراليا مو كان كمان لنياندرتال؟
تحياتي الحارة
ظل جيفارا

[فسحة أمل]

كاتب النص الأصلي : ظل جيفارا

ع راسي حبيب القلب ...طيب الهيكل اللي إكتشف في إستراليا مو كان كمان لنياندرتال؟
تحياتي الحارة
ظل جيفارا

بهل الخصوص ما بعرف على كل حال بدور على الموضوع