أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  و الله هالموضوع مقفول ترى
 
أدوات الموضوع
قديم 25/02/2009   #1
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي هل السوري شجاع !!!


بعد ما أحد الأصدقاء بأخوية ذكر انو الشعب السوري بيتميز بالشجاعة و الكرم والأخلاق العالية ..ذلك كان ردا علا ما كتبته انا بأن السوري ضعيف و مهزوز الشخصية ...فكرت اطرح هالشي كموضوع و اسمع أرائكم بموضوعية ...بس خلوني أول شي اذكر كم بقطة ...


الفساد منتشر بكل مؤسّسات الدولة بشكل مستحيل تشوفوا ببلد تاني ,,يعني بدون رشوة ما فيك تعمل شي ,,هادا بيتسمى أخلاق !!

مين فينا ما سعى ورا الواسطة مشان شي وظيفة او شي مسابقة بالجامعة او شي تاني ....هادا بيتسمى اخلاق !!

الجريمة بسوريا بمعدلات مرتفعة كل سنة بسبب زيادة الفقر و الجهل ,,و هادا الكلام مدعوم متقارير منظمات مختلفة ,,,كمان مرة تانية ,,هيك الأخلاق

السرقة من مؤسّسات الدولة صارت حلال بمفاهيمنا هالأيام حتى صارت الأم تدعي للولد (روح الله يوفقك بشي وظيفة تقدر تقص منها دهب !! ) ...اخلاق !!

هلأ منجي عالشجاعة !!

مين فينا بيقدر ينتقد سياسات النظام بالداخل او بالخارج !! هادي شجاعة !!

مين فينا بيقدر يثور عالظلم والواقع المتردى !!
كيف الجميع بيسكت وقت بتنجاب سيرة احد الشباب المعتقلين ظلما بالسجون خوفا من انو يوصل البل لدقنا !! ما شا الله عالشجاعة

كام سنة صرلها الجولان محتلة دون اي محاولة لتحريرها ,,,شاطرآين بس بالكلام !!

مين فينا بيقدر بيحكي مع واحد من الشباب الشبيحة وقت بشفط بسيارتو بالليل و بكون قصدو يسمع شي بنت بالحارة ...!! لسا شغلة الشبيحا ما موجودة غير بسوريا !!

وقت القاضي بيحكم ظلم و ما حدا عندو ا الشجاعة يقول ليش !!!!!


بالغربة بتشوف استغلال السوري للسوري بأبشع الطرق !! مثلا صاحب عمل بيستغل حاجة احد العمال السوريين بطريقة قريبة للأستعباد !! ..هادا الكرم السوري ! هههه


مختصر الكلام ,,السوري مهزوز و لئيم بطبعوا ..وقت بكون محكوم بتلاقي ذليل ,,وقت بكون حاكم بتلاقي ظالم !!

شباب صححولي اذا غلطان

That is not Dead which Can Eternal Lie And With Strange Aeons even Death may Die

لا ميتاً ما قادراً يتبقى سِِِِِِِِِِر مدى فإذا يجئ الشذاذ الموت قد ينتهي



Who Sacrifices The Social Liberties For The National Security Deserves Neither  
 
قديم 25/02/2009   #2
شب و شيخ الشباب ayhamm26
عضو
-- زعيـــــــم --
 
الصورة الرمزية لـ ayhamm26
ayhamm26 is offline
 
نورنا ب:
Oct 2007
مشاركات:
1,200

افتراضي


من الخطأ برأيي انك تحكم على السوري هيك من فراغ, يعني يا ترى كل عمرو الانسان السوري هيك؟؟

قديش برايك النظام قتل ناس ونفى ناس و حط ناس بالمعتقلات مشان يقدر يكسر نفسية الشعب؟؟

لحد الان انصار النظام والمدافعين عنو بيتفاخروا انو اللي صار بحماة ربى الشعب كلو وخلى الناس تبطل حتى تفكر بالحكي بالسياسة.

فمشان هيك اللي مر على الناس بسوريا صدقني مو قليل ابدا ولو مر على اي شعب بالعالم لكان صار في نفس الشي.
 
قديم 25/02/2009   #3
صبيّة و ست الصبايا Marooshe
عضو
-- زعيـــــــم --
 
الصورة الرمزية لـ Marooshe
Marooshe is offline
 
نورنا ب:
Apr 2008
مشاركات:
1,420

افتراضي


مني سورية ، وصعب ناقش بصفات شعب مو معاشرتو ..
بس في شغلة الكل بيقدر يشوفها وهيي الأسباب لي خلت الشعب السوري يحمل هي الصفات او بعض منها ..
السوريين عايشين بواقع معين لي بيفرض عليهن غصب عن الله يكونو هيك ..

عندك بدائل شي ؟؟
ازا الدولة فاسدة .. كيف رح يقدر الشعب يتعامل معها بنضافة ؟
ازا حدا تمرد ضد الحكومة وعاتبها ع أسرى الفكر والحرية والضمير .. رح تضمنلو انو يفيق تاني يوم بفرشتو ؟
ازا شخص استرجى يتمرد ع الرئاسة .. رح تقدر تأمنلو مستقبل عيلتو ؟

انت شايف الشعب السوري مخيّر ؟ عم يعمل هيك لانو الشغلة مزاج ؟
عم يغترب لانو عايش بالجنة؟
عم يمسح جوخ لانو عايش بديمقراطية؟
عم يسكت لانو عايش بحرية ؟





بس بتعرف ،
أنضف وأفضل عالم تعرفت عليهن كانو سوريين .. يا ترى هالصدفه بتناقض نظريتك شي ؟
 
قديم 25/02/2009   #4
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي


بدكن تعرفوا انو انا سوري ابا عن جد يعني مو شخص غريب حتى مثلا يجي اي سخص و يحاول يقنعني انو هالمظاهر المريضة مو موجودة بالمجتمع عنا ...انا طالب ببريطانية بس بعرف حالي انو مستحيل العالم هون تتعامل معي غير ك foreigner مشان هيك بحس بحسرة لأنو بعرف مهما العالم عاملتني هون ,,بتبقى احسن من معاملة اهل البلد !!
في امور غريبة بسوريا عنجد ,,خلينا نفكر فيها شوي ...شباب ما بتلاحظوا انو عنا شي طبيعيي الواحد يتمسخر على اصل واحد تاني ,,او دينو او الحارة الساكن فيها او على لبسو او هندامو ..او على طريقة كلاموا او على شكلوا او حالتو المادية او احيانا على اعاقتو الجسدية او العقلية !!! كل هالشي شفتو بعيوني لما كنت عايش بسوريا ,,

اكيد الطيبيين كتار ,,والمثقفيين عنجد لسا اكتر ...بس لأسف وقت بكون الجهل هو الأغلبية فهالعالم بضييع بين هالحثالة!!

مجتمع ملئ بلأمراض بغض النظر عن السبب
 
قديم 25/02/2009   #5
صبيّة و ست الصبايا حنين.
عضو
-- زعيـــــــم --
 
الصورة الرمزية لـ حنين.
حنين. is offline
 
نورنا ب:
Oct 2008
المطرح:
L'Algérie mon amour
مشاركات:
1,516

افتراضي


مساء الخير بالنسبة لمسالة الرشوة والواسطة والسرقة وباقي الافات مو بس بسوريا
نحن كمان منتشرة عندنا بشكل رهيب ونحنا كمان بنشوف انو الفساد مستحيل يكون منتشر فاي مكان بالكرة الارضية اكتر مما هو منتشر عندنا
مستحيل تصير سرقة بالعالم بحجم سرقة عبد المؤمن خليفة اذا سمعتو عنها بتقدرو تفهمو قصدي
نجي على مسالة الشجاعة
بالنسبة للسورين السياسة والدولة مصدر الخوف والرعب
عندنال الرئيس بحد ذاتوا بشفق عليه كيف كل مين طلع على بالوا يشتم قد مابدوا وصلت لحد يعيرو مغني انطرد من تونس ولساتو عايش عادي ويعمل حفلات عادي
بس ماعاد حدايسال على حدا بالطريق
يشوف الظلم السرقة التحرش وما يقدر ينطق كلمة وهذا من نتائح الارهاب اللي تعرضنالوا طيلة العشرية السوداء
باكدلك او حتى في ناس يتنازلوا عن حقهم مو للدولة لا لاي صايع بالشارع خوف انو يكون ارهابي
حتى طبيعة الحياة اتغيرت صارت المحلات بالعاصمة تقفل بعد المغرب بعد ما كانت ما تقفل اساسا
طولت المختصر المفيد
ظروف الحياة بتفرض على المجتمع صفات وطبائع بس ابدا ما يجوز التعميم ولا التخيل ان هذه طبائع جبل عليها اهل البد

جـزائـر يـال حـكــايـة حـبي ..ويا من حـملـتي السلام لقـلـبي
ويامن سكبت الجمال بروحي ..ويا من أشعت الضياء بدربي

لحظة شروق الشمس.. لحظة غروب اليأس..
ننسى دموع الأمس.. بين الامل نطويها..
 
قديم 26/02/2009   #6
شب و شيخ الشباب Ultimat_Ya
عضو
 
الصورة الرمزية لـ Ultimat_Ya
Ultimat_Ya is offline
 
نورنا ب:
Jan 2009
المطرح:
آخر ما عمر الله
مشاركات:
152

افتراضي


بالغربة بتشوف استغلال السوري للسوري بأبشع الطرق !! مثلا صاحب عمل بيستغل حاجة احد العمال السوريين بطريقة قريبة للأستعباد !! ..هادا الكرم السوري ! هههه


مختصر الكلام ,,السوري مهزوز و لئيم بطبعوا ..وقت بكون محكوم بتلاقي ذليل ,,وقت بكون حاكم بتلاقي ظالم !!

شباب صححولي اذا غلطان[/quote]

بالخارج مو كل الناس متل ما عبتقول
هوا فيه مو أنو ما في
بس هي برأيي انا مو طبع لئيم هي انا بسميها " عقدة نقص "
لأنو السوري بكون بالداخل ما عندو كراامة فبطلع لبرة بدو يساوي بالناس متل ما ساوو فيه .
وبعتقد هي كل القصة
بس ابداً لاتفكر انو هي شجاعة
والله جبن وقمة الجبن كمان
 
قديم 26/02/2009   #7
صبيّة و ست الصبايا whiterose
عضو
-- مستشــــــــــار --
 
الصورة الرمزية لـ whiterose
whiterose is offline
 
نورنا ب:
Aug 2005
مشاركات:
4,570

افتراضي


شو هالحكي هاد


لغة التعميم لغة فاشلة الاشياء اللي ذكرتها موجودة بنصف دول الوطن العربي وخاصة الرشوة
وعلى مستوى عالي

انا بشوف الشب السوري بالفعل اخلاقة عاليه
واكتر من اي شب تاني بالوطن العربي
اكيد في حالات شاذة بسوريا وبراتها
بس هاد مابيمنع انو الشعب السوري اخلاقي
بعدين شو مشانك جايه بحضنا وعم تنتف دقنا

لا تـــحــــزن لأن الحزن يزعجك من الماضي
ويخوفك من المستقبل ويذهب عليك يومك
لا تحزن لان الحزن يقبض له القلب
ويعبس له الوجه وتنطفي منه الروح
ويتلاشى معه الأمل لان الحزن يسرُّ العدو
ويغيظ الصديق ويُشمت بك الحاسد
ويغيِّر عليك الحقائق
سعود الشريم
 
قديم 26/02/2009   #8
صبيّة و ست الصبايا whiterose
عضو
-- مستشــــــــــار --
 
الصورة الرمزية لـ whiterose
whiterose is offline
 
نورنا ب:
Aug 2005
مشاركات:
4,570

افتراضي


اقتباس:
كاتب النص الأصلي : Ultimat_Ya عرض المشاركة
بالغربة بتشوف استغلال السوري للسوري بأبشع الطرق !! مثلا صاحب عمل بيستغل حاجة احد العمال السوريين بطريقة قريبة للأستعباد !! ..هادا الكرم السوري ! هههه

اهل الخليج مابيستغلو العماله الاجنبية عندهم وخاصة الهنود والباكستانيين وبيعاملوهم معاملة مزرية
وبيعطوهون رواتب بتبكي لانو بيعرفو فرق العمله عندهم كبير يعني 200 دولار بغص الهندي من الفرحة عليهم بالوقت يلي عندون ياها من طرف طرف الجيبة هي مو استغلال

العرب عطيهم مال واتفرج عالاستغلال
 
قديم 26/02/2009   #9
صبيّة و ست الصبايا whiterose
عضو
-- مستشــــــــــار --
 
الصورة الرمزية لـ whiterose
whiterose is offline
 
نورنا ب:
Aug 2005
مشاركات:
4,570

افتراضي


اقتباس:
كاتب النص الأصلي : Elephant And Castle عرض المشاركة
بدكن تعرفوا انو انا سوري ابا عن جد يعني مو شخص غريب حتى مثلا يجي اي سخص و يحاول يقنعني انو هالمظاهر المريضة مو موجودة بالمجتمع عنا ...انا طالب ببريطانية بس بعرف حالي انو مستحيل العالم هون تتعامل معي غير ك foreigner مشان هيك بحس بحسرة لأنو بعرف مهما العالم عاملتني هون ,,بتبقى احسن من معاملة اهل البلد !!
في امور غريبة بسوريا عنجد ,,خلينا نفكر فيها شوي ...شباب ما بتلاحظوا انو عنا شي طبيعيي الواحد يتمسخر على اصل واحد تاني ,,او دينو او الحارة الساكن فيها او على لبسو او هندامو ..او على طريقة كلاموا او على شكلوا او حالتو المادية او احيانا على اعاقتو الجسدية او العقلية !!! كل هالشي شفتو بعيوني لما كنت عايش بسوريا ,,

اكيد الطيبيين كتار ,,والمثقفيين عنجد لسا اكتر ...بس لأسف وقت بكون الجهل هو الأغلبية فهالعالم بضييع بين هالحثالة!!

مجتمع ملئ بلأمراض بغض النظر عن السبب
يعني ماشاء الله عليك مثئف وفهمان وعم تدرس ببريطانيا
وجاية تتهم 18 مليون نسمة بالمرض واللئم والرشوة والمابعرف شو

18 مليون؟؟!!!
يعني مع عدم المؤاخزة هيك بتكون شملت عيلتك الأهل وأهل الأهل انو يعني معقولي انت
 
قديم 26/02/2009   #10
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي


اقتباس:
كاتب النص الأصلي : whiterose عرض المشاركة
شو هالحكي هاد


لغة التعميم لغة فاشلة الاشياء اللي ذكرتها موجودة بنصف دول الوطن العربي وخاصة الرشوة
وعلى مستوى عالي

انا بشوف الشب السوري بالفعل اخلاقة عاليه
واكتر من اي شب تاني بالوطن العربي
اكيد في حالات شاذة بسوريا وبراتها
بس هاد مابيمنع انو الشعب السوري اخلاقي
بعدين شو مشانك جايه بحضنا وعم تنتف دقنا
عفوا ..فيني أعرف شو بتقصدي جاية بحضنا و بتنتف بدقنا !!

ثانيا يا عيوني بعرف انو نصف هالظوهر و اكتر موجود بكل الدول العربية ,,,,بس انا بهمني بلدي سوريا ...يعني قالو للحرامي ليش سرقت راح قلن شوفو جاري عابيقتل !! ما عذر ابدا انو نقول شوف الدول العربية التانية ,,,يروحو كلن عالجحيم ,,,,رجاء يلي بدو يناقش يحصر الموضوع بسوريا ,,,
 
قديم 26/02/2009   #11
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي


اقتباس:
كاتب النص الأصلي : whiterose عرض المشاركة
يعني ماشاء الله عليك مثئف وفهمان وعم تدرس ببريطانيا
وجاية تتهم 18 مليون نسمة بالمرض واللئم والرشوة والمابعرف شو

18 مليون؟؟!!!
يعني مع عدم المؤاخزة هيك بتكون شملت عيلتك الأهل وأهل الأهل انو يعني معقولي انت
و بضيف عليهم قلة الكرامة والأخلاق
 
قديم 26/02/2009   #12
صبيّة و ست الصبايا whiterose
عضو
-- مستشــــــــــار --
 
الصورة الرمزية لـ whiterose
whiterose is offline
 
نورنا ب:
Aug 2005
مشاركات:
4,570

افتراضي


اقتباس:
مين فينا بيقدر بيحكي مع واحد من الشباب الشبيحة وقت بشفط بسيارتو بالليل و بكون قصدو يسمع شي بنت بالحارة ...!! لسا شغلة الشبيحا ما موجودة غير بسوريا
كلامك مو صحيح
هالشي ماعاد موجود وفعلا اتغير
بس التغيير انو انسمح لغير ابن المسؤول يشفط
معك x5 خمسا وشوف شو بصير
 
قديم 26/02/2009   #13
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي


اقتباس:
كاتب النص الأصلي : Elephant And Castle عرض المشاركة
و بضيف عليهم قلة الكرامة والأخلاق
انا قلت اغلبية الشعب يعني اكتر من النصف ...ما قلت 18 مليون
 
قديم 26/02/2009   #14
صبيّة و ست الصبايا whiterose
عضو
-- مستشــــــــــار --
 
الصورة الرمزية لـ whiterose
whiterose is offline
 
نورنا ب:
Aug 2005
مشاركات:
4,570

افتراضي


اقتباس:
كاتب النص الأصلي : Elephant And Castle عرض المشاركة
و بضيف عليهم قلة الكرامة والأخلاق
لو كانو اهلك؟؟؟ وانت متاكد من نزاهتون

يعني حكمت على ال18 مليون نسمة هواء
 
قديم 26/02/2009   #15
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي


اقتباس:
كاتب النص الأصلي : whiterose عرض المشاركة
لو كانو اهلك؟؟؟ وانت متاكد من نزاهتون

يعني حكمت على ال18 مليون نسمة هواء
عيوني شو مشكلتك مع اهلي ,,,بعرف انو اهلي سوريين ,,,و هال كلام بيشملون كلون كسوريين ,,,,
 
قديم 26/02/2009   #16
صبيّة و ست الصبايا whiterose
عضو
-- مستشــــــــــار --
 
الصورة الرمزية لـ whiterose
whiterose is offline
 
نورنا ب:
Aug 2005
مشاركات:
4,570

افتراضي


اقتباس:
انا قلت اغلبية الشعب يعني اكتر من النصف ...ما قلت 18 مليون
واكيد اهلك من هالقله؟؟؟

مابصير يلي عم تحكي مو زابط
اوكي معك انا في ناس مو شريفة ولا نزيها ولا سارية
بس تحكم على 9 ملايين لا هيك كتير يعني حدا متصرف بحقك غلط وهو سوري؟
حتى عم تجيب هالحكي
ولا لبناني معك الجنسية
 
قديم 26/02/2009   #17
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي


اقتباس:
كاتب النص الأصلي : whiterose عرض المشاركة
واكيد اهلك من هالقله؟؟؟

مابصير يلي عم تحكي مو زابط
اوكي معك انا في ناس مو شريفة ولا نزيها ولا سارية
بس تحكم على 9 ملايين لا هيك كتير يعني حدا متصرف بحقك غلط وهو سوري؟
حتى عم تجيب هالحكي
ولا لبناني معك الجنسية
دخيل عينك هالموشح ملينا منو ,,انو كل ما واحد بينتقد شي بهالبلد لازم يكون يا لبناني او امريكي او اسرائيلي ...طبعا بفهم هالشي ,,لأنو الشعب السوري صرلوا ساكت اكتر من قرن ,,,
 
قديم 26/02/2009   #18
شب و شيخ الشباب Elephant And Castle
عضو
-- قبضاي --
 
الصورة الرمزية لـ Elephant And Castle
Elephant And Castle is offline
 
نورنا ب:
Feb 2009
المطرح:
The Other Side
مشاركات:
526

افتراضي


اقتباس:
كاتب النص الأصلي : Elephant And Castle عرض المشاركة
دخيل عينك هالموشح ملينا منو ,,انو كل ما واحد بينتقد شي بهالبلد لازم يكون يا لبناني او امريكي او اسرائيلي ...طبعا بفهم هالشي ,,لأنو الشعب السوري صرلوا ساكت اكتر من قرن ,,,
لكن بلد عشرين مليون ما فيها غير تلات جرايد ناطقة باسم الحزب ,,,,و لسا بتقولي شعب مو جاهل !! ..
 
إضافة موضوع جديد  و الله هالموضوع مقفول ترى


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 03:11 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.11717 seconds with 12 queries