أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  و الله هالموضوع مقفول ترى
 
أدوات الموضوع
قديم 10/04/2009   #73
شب و شيخ الشباب شامي للنخاع
عضو
-- قبضاي --
 
الصورة الرمزية لـ شامي للنخاع
شامي للنخاع is offline
 
نورنا ب:
Sep 2008
المطرح:
مضيع جحشت خالتي
مشاركات:
562

افتراضي


لك كان في رد بدو يطهر البلد من كلشي الا الاخوان المسلمين هاد الي ئصدتو وين طار؟؟؟؟؟؟؟؟؟
وبدو يبلش بل العلوية هي عا ما أذكور بأخر لمبة شغالة بهل النافوخ
وكاسك ابو طوني
ويسعد اوقاتك

أي حبيب..ئعود لئلك كلمتين نضاف.....أحسن من جريدة معفنة........في حيط تنين تلتة أربعة.....وسئف ول الارضية....تم نطاح راسك بي ربون ليمشي حال......شو ستبينا يا معليم؟؟؟؟!!!!
 
قديم 10/04/2009   #74
شب و شيخ الشباب عياش
عضو
-- أخ لهلوب --
 
الصورة الرمزية لـ عياش
عياش is offline
 
نورنا ب:
Aug 2006
مشاركات:
292

افتراضي


هلق هو بدو يطهر كل البلد بما فيها النسوان؟؟؟؟؟

لو كان نبيٌّ مصابًا بالبَرَص، بُعِثَ إلى قوم من البُرْص، لكانت الإصابة بهذا الداء شرطًا من شروط الإيمان بالله.
.
.
.
عندما أصر على أن أجعلك شبيها بي، فأنا في الواقع أصر على أن ألغيك.
 
قديم 10/04/2009   #75
شب و شيخ الشباب satoman
عضو
-- زعيـــــــم --
 
الصورة الرمزية لـ satoman
satoman is offline
 
نورنا ب:
Mar 2008
المطرح:
Syria
مشاركات:
1,354

إرسال خطاب MSN إلى satoman
افتراضي


هلأ كيفكون يا أخوان


تحيا سوريا

0 الباب يللي بيجيك منو الريح،
0 بيكون شي نجار فهمان مركبلك ياه

0 ســــــــــــــــMan ــــــــــــــــــا تـــــــــو
 
قديم 10/04/2009   #76
شب و شيخ الشباب مجنون يحكي وعاقل يسمع
عضو
-- قبضاي --
 
الصورة الرمزية لـ مجنون يحكي وعاقل يسمع
مجنون يحكي وعاقل يسمع is offline
 
نورنا ب:
Aug 2008
المطرح:
وين يعني مبيني العصفورية
مشاركات:
732

افتراضي


اقتباس:
كاتب النص الأصلي : satoman عرض المشاركة
هلأ كيفكون يا أخوان


تحيا سوريا
أهلين ساتو مان وينك افتكرت رحت بالحوادث توقفت كثيرا قبل أن أرد على هذا الموضوع , ولماذا موضوع الإخوان من جديد , وما هي الفائدة إذا كنّا كشعوب لا نتعلم من دروس التاريخ , فلماذا نقوم بنبش هذا التاريخ الذي لا نستفيد منه إلاّ من روائحه العفنة , لنكمم أفواهنا , أو بالأحرى لنحافظ عليها مكممة من مئات السنين وننبش مع النباشين هل الإخوان تنظيم سياسي , نستطيع أن نتحاور في أهدافه ومبادئه , وطرق الوصول إليها , ام أنهم مفوضون من الإله الكلي القوة بقيادتنا بعيداً عن ناره وإيصالنا إلى طريق البر والسلام ونستمتع في الختام بجناته ونشرب من نهر الخمر والعسل ونستمتع بالجنس المقدس مع الحوريات والغلمان , نعم ومع الغلمان أيضا .... ؟؟؟ هل تطورت نظرتهم أو تغيرت بعد ما حصل ابتداءً من منتصف السبعينيات وحتى منتصف الثمانينيات من القرن المقبور ؟؟؟؟ هل كان الوضع العام في البلد قبل قيامهم بما قاموا به يستحق الفعل الذي حصل ؟؟؟؟؟ هل كان هناك تمويل خارجي لما قاموا به ومن موّل العمليات ؟؟؟؟؟؟ هل كان هناك ربح وخسارة . ومن ربح ومن خسر من هذه المذابح والمعارك لو افترضنا جدلاً أن النظام في سوريا قد وقع في أخطاء لا تحتمل قبل بدء الأحداث , فهل طريقة الرد كانت صحيحة ومحسوبة أم أنه الإلهام الإلهي أم أوامر الله الذي لا يخطىء ؟؟؟؟؟؟؟؟؟ أولاً وأخيراً أقول كل الضحايا هم مواطنين سوريين فالخاسر كان الوطن في كل الأحوال ؟؟؟؟ هل استفاد الإخوان من الدرس وهل استفاد النظام من الدرس ؟؟؟؟؟؟؟ كترنا أسئلة لا تواخدونا خيو , اليوم عطلة وادعولنا الله لا يريح واحد متلي وقعدو بلا شغل

أنا الآن لا أخشى الإله مطلقا. ربما يعود ذلك إلى أنني نفذت تعاليمه. لا أخاف الموت لأنه لا يساوي شيئاً. وكما أنني لا أساوي شيئا بدوري، فأنا لا أخشى أخطر عناصر الطبيعة، مهما فعلت، وحتى إذ جاء ذنب مذنب ليضربنا ويحولنا إلى سلاطة طماطم، فأنا أضحك
 
قديم 11/04/2009   #77
صبيّة و ست الصبايا همس الياسمين
عضو
-- أخ لهلوب --
 
الصورة الرمزية لـ همس الياسمين
همس الياسمين is offline
 
نورنا ب:
Feb 2009
المطرح:
بعالم مليان وحوش
مشاركات:
297

افتراضي


انا اعترض وبشدةشغال الحذف؟!!
اخر خبرية الأخونجية عم يضاربو على ديتول
بدهم يطهرو البلد من كل البلد ماعم يقتنعوا انو سوريا بلد الياسمين بلد بتعشق الحياة
مافي مكان فيها للماعز وبيوت الشعر وهبل الرعيان وتخلف القبيلة مافيها مكان للجواري والعبيد مافي مكان لخناجرهم المسمومة ولآياديهم الموسخة بالدم السوري
سوريا لكل السوريين صح بس لكل يلي بيحبوها واكيد هنن مو منهم

الله يحميكي ياشام ياجنة الياسمين ورح تبقي جنة الياسمين مهما حاولو الشياطين

وينك ياملاك ضايع بين البشر
***روحي فاقدة لروحك ***
************
*********
******
اشتقتلك
ياشـــــــــــــــام
 
قديم 11/04/2009   #78
صبيّة و ست الصبايا nour333
عضو
-- زعيـــــــم --
 
الصورة الرمزية لـ nour333
nour333 is offline
 
نورنا ب:
Nov 2006
مشاركات:
1,010

افتراضي


اقتباس:
كاتب النص الأصلي : عياش عرض المشاركة
هلق هو بدو يطهر كل البلد بما فيها النسوان؟؟؟؟؟
والله شو مصدر معلوماتك يا ريت توثق خبرك او بلا علاك مصدي
اقتباس:
كاتب النص الأصلي : همس الياسمين عرض المشاركة
انا اعترض وبشدةشغال الحذف؟!!
اخر خبرية الأخونجية عم يضاربو على ديتول
بدهم يطهرو البلد من كل البلد ماعم يقتنعوا انو سوريا بلد الياسمين بلد بتعشق الحياة
مافي مكان فيها للماعز وبيوت الشعر وهبل الرعيان وتخلف القبيلة مافيها مكان للجواري والعبيد مافي مكان لخناجرهم المسمومة ولآياديهم الموسخة بالدم السوري
سوريا لكل السوريين صح بس لكل يلي بيحبوها واكيد هنن مو منهم

الله يحميكي ياشام ياجنة الياسمين ورح تبقي جنة الياسمين مهما حاولو الشياطين
بس كمان هنن سوريين متلك ومين قلك انن عايشين او بدهم يعيشو الناس بخيم هلا هون بالمنتدى مصدر معلوماتكم عن الاخوان عن طريق وسائل الاعلان بكافة اشكالها المختلفة والمتفقة على تشويهم
بس بقطع ايدي ازا 90% من الاعضاء بأخوية تعالمو مع الاخوان عن قرب شوفو قناة الجزيرة انجح قناة حتى عمستوى العالم كتير من مذيعينها اخوان لو ما بيصرحو و الشهيد طارق ايوب اخوان و زوجتو كمان تعرفو عبعض بمسيرة وكتير تفكيرهم راقي
سامي الحاج اللي ضل اكتر من سنه بغوانتانامو ممتنع عن الطعام وندفعلو فلوس كتير وما سلم اي معلومات
شو كمانات لما تحكو عن الناس احكو بموضوعية مشان وقت يصير عنا موضوعية بجوز نبطل دول عالم ثالث
عارفيين بيعجبني بالاجانب بحكو سلبيات وايجابيات الناس سواء اعداء او رموز وطنية

*هنا يرقد جبر من بطن امو للقبر

*بحب اللي بحبو المنسف
 
قديم 11/04/2009   #79
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


اقتباس:
كاتب النص الأصلي : nour333 عرض المشاركة
بس بقطع ايدي ازا 90% من الاعضاء بأخوية تعالمو مع الاخوان عن قرب
ما في داعي نحتك فيهم

ببساطة حزب الاخوان المسلمين عم يطرح مشروع ما بناسب غالبية المجتمع السوري ..
و نحنا منحكم عليه من خلال مشروعو .. و الفكر يللي عم يطرحو ( لحتى ما نفوت هلأ بمتاهة الممارسات يللي صارت عالأرض و نشوف الحق على مين )

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

 
قديم 11/04/2009   #80
صبيّة و ست الصبايا nour333
عضو
-- زعيـــــــم --
 
الصورة الرمزية لـ nour333
nour333 is offline
 
نورنا ب:
Nov 2006
مشاركات:
1,010

افتراضي


اقتباس:
كاتب النص الأصلي : MadMax عرض المشاركة
ما في داعي نحتك فيهم

ببساطة حزب الاخوان المسلمين عم يطرح مشروع ما بناسب غالبية المجتمع السوري ..
و نحنا منحكم عليه من خلال مشروعو .. و الفكر يللي عم يطرحو ( لحتى ما نفوت هلأ بمتاهة الممارسات يللي صارت عالأرض و نشوف الحق على مين )
شوف يا سامر الدنيا بتوسع الكل ازا الكل استوعبو بعض انا بدي اوصل انو انتو لازم تستوعبوهم وهن لازم يستوعبوكو بعدين بالآخرة كل واحد بروح ع المكان اللي بناسبو بس بهالدنيا بدنا نتعايش سوا
 
قديم 11/04/2009   #81
شب و شيخ الشباب ..AHMAD
مشرف
 
الصورة الرمزية لـ ..AHMAD
..AHMAD is offline
 
نورنا ب:
Jan 2008
مشاركات:
4,906

افتراضي


اقتباس:
شوف يا سامر الدنيا بتوسع الكل ازا الكل استوعبو بعض انا بدي اوصل انو انتو لازم تستوعبوهم وهن لازم يستوعبوكو بعدين بالآخرة كل واحد بروح ع المكان اللي بناسبو بس بهالدنيا بدنا نتعايش سوا
عفواً منك خانم ... بس اذا انتي مآمنة بالدنية والآخرة والجنة والنار .... في كتير عالم غيرك ما بتآمن بهالشي .. وعهالأساس عندها الحياة فقط .. وعهالأساس كمان مانهن مضطرين يتعايشو مع أي حدا بيشكل خطر عليهن ... وتتحمل غلاظتو وتنسى ماضيه اعتماداً ع وعود مستقبلية بالآخرة والجنة والنار .. وكل مين بحالو ..

وللتوضيح أنا اقرب مثال لـ هالوصف الي كتبتو فوق.. وبظن من واجبك.. ومن حقي تحترمي معتقداتي ...


- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

 
قديم 11/04/2009   #82
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


اقتباس:
كاتب النص الأصلي : nour333 عرض المشاركة
شوف يا سامر الدنيا بتوسع الكل ازا الكل استوعبو بعض انا بدي اوصل انو انتو لازم تستوعبوهم وهن لازم يستوعبوكو بعدين بالآخرة كل واحد بروح ع المكان اللي بناسبو بس بهالدنيا بدنا نتعايش سوا
كلامك مزبوط .. في حال كان فكر الاخوان فكر ديمقراطي .. بيحترم وجود الآخر
بس ..حزب الاخوان المسلمين ... حزب شمولي ... و بيشتغل على فرض آراءو عالآخرين

متل إقامة دولة أسلامية و تطبيق أحكامها على الكل ... و ضمن هيك نظام ما بيقدر الواحد ( متل ما قلتي انتي ) يروح عالمكان يللي بناسبو
 
قديم 11/04/2009   #83
شب و شيخ الشباب عياش
عضو
-- أخ لهلوب --
 
الصورة الرمزية لـ عياش
عياش is offline
 
نورنا ب:
Aug 2006
مشاركات:
292

افتراضي


اقتباس:
كاتب النص الأصلي : nour333 عرض المشاركة
شوف يا سامر الدنيا بتوسع الكل ازا الكل استوعبو بعض انا بدي اوصل انو انتو لازم تستوعبوهم وهن لازم يستوعبوكو بعدين بالآخرة كل واحد بروح ع المكان اللي بناسبو بس بهالدنيا بدنا نتعايش سوا

هلق نحنا بدنا عيش بس هنن رح يتركونا ننعيش ابراهيم اليوسف ترك الشباب بمدرسة المدفعية يعيشو ما بعرف؟؟؟؟؟

انا ما عند مشكلة يصلي مين ما بدو طول النهار وما يشرب ولا يروح ع المسرح بس عندي مشكلة كبيرة إذا الاخونجي لغم المسرح وفجر المحل يلي بشتري منو العرقات وبصراحة انا ما عندي استعداد أغامر وأجرب القيادة الجديدة للاخوان(إلى أي مدى جديدة) لأنو ع قولة الشوام يلي بيجرب مجرب بيكون عم يعمل علاك مصادري
 
قديم 11/04/2009   #84
شب و شيخ الشباب ayhamm26
عضو
-- زعيـــــــم --
 
الصورة الرمزية لـ ayhamm26
ayhamm26 is offline
 
نورنا ب:
Oct 2007
مشاركات:
1,200

افتراضي


انا مستغرب من النزعة الاقصائية اللي بشوفها عند بعض الملحدين , يعني اذا اغلبية الشعب متدينة وخاصة بهالايام هي , ايام الطفرة الدينية واذا الملحدين نسبة كتير قليلة بمجتمع متل المجتمع السوري (اذا مجتمع اوربي متل المانيا نسبة الملحدين ما بتتجاوز 5 بالمية) فشلون يعني هالاقلية القليلة جدا بدها تفرض على الاغلبية انو ما بدنا احزاب دينية؟؟ و شلون عرفتوا مثلا انو الشعب ما بدو احزاب دينية؟؟

يا اخي خلو اللي بدو يعمل حزب يعمل على اي مبدأ بدو ياه واللي بحدد مصيرو هو صندوق الاقتراع مو البوط العسكري.

بالعودة لموضوع الاخوان, طيب ما حدا خطرلوا مثلا انو الاخوان كانوا حزب سياسي تاسس عام 1945 وطوال الفترة الممتدة بين 1945 ولحد بداية الاحداث ما كان من المعروف عنن انو مارسوا العف او ارتكبوا اغتيالات, طيب انو ليش هيك لكن صار باواخر السبعينات؟؟

طبعا كلامي ابدا مو تبرير للجرائم اللي صارت , بس يعني بكفي بقى التمسك بشعار ان نتصدى للامبريالية و نسحق اداتهم المجرمة عصابة الاخوان المسلمين العميلة ولازم نحاول نشوف اللي صار بعيون محايدة ومنطقية بعيدا عن الانحياز لاي طرف
 
قديم 11/04/2009   #85
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


اقتباس:
كاتب النص الأصلي : ayhamm26 عرض المشاركة
انا مستغرب من النزعة الاقصائية اللي بشوفها عند بعض الملحدين , يعني اذا اغلبية الشعب متدينة وخاصة بهالايام هي , ايام الطفرة الدينية واذا الملحدين نسبة كتير قليلة بمجتمع متل المجتمع السوري (اذا مجتمع اوربي متل المانيا نسبة الملحدين ما بتتجاوز 5 بالمية) فشلون يعني هالاقلية القليلة جدا بدها تفرض على الاغلبية انو ما بدنا احزاب دينية؟؟ و شلون عرفتوا مثلا انو الشعب ما بدو احزاب دينية؟؟

في سبب بسيط جداً

النظام العلمانمي ... بيسمح للمتدين يمارس تدينو بشكل كتير كبير
بينما النظام الديني ... ما بيسمح للا ديني أو العلماني يمارس علمانيتو
 
قديم 11/04/2009   #86
شب و شيخ الشباب mhsen77
عضو
-- زعيـــــــم --
 
الصورة الرمزية لـ mhsen77
mhsen77 is offline
 
نورنا ب:
Nov 2008
المطرح:
بين البيت و الشغل ما عم افضى لشي تاني
مشاركات:
1,497

إرسال خطاب MSN إلى mhsen77 إرسال خطاب Yahoo إلى mhsen77
افتراضي


اقتباس:
كاتب النص الأصلي : ayhamm26 عرض المشاركة
انا مستغرب من النزعة الاقصائية اللي بشوفها عند بعض الملحدين , يعني اذا اغلبية الشعب متدينة وخاصة بهالايام هي , ايام الطفرة الدينية واذا الملحدين نسبة كتير قليلة بمجتمع متل المجتمع السوري (اذا مجتمع اوربي متل المانيا نسبة الملحدين ما بتتجاوز 5 بالمية) فشلون يعني هالاقلية القليلة جدا بدها تفرض على الاغلبية انو ما بدنا احزاب دينية؟؟ و شلون عرفتوا مثلا انو الشعب ما بدو احزاب دينية؟؟

يا اخي خلو اللي بدو يعمل حزب يعمل على اي مبدأ بدو ياه واللي بحدد مصيرو هو صندوق الاقتراع مو البوط العسكري.

بالعودة لموضوع الاخوان, طيب ما حدا خطرلوا مثلا انو الاخوان كانوا حزب سياسي تاسس عام 1945 وطوال الفترة الممتدة بين 1945 ولحد بداية الاحداث ما كان من المعروف عنن انو مارسوا العف او ارتكبوا اغتيالات, طيب انو ليش هيك لكن صار باواخر السبعينات؟؟

طبعا كلامي ابدا مو تبرير للجرائم اللي صارت , بس يعني بكفي بقى التمسك بشعار ان نتصدى للامبريالية و نسحق اداتهم المجرمة عصابة الاخوان المسلمين العميلة ولازم نحاول نشوف اللي صار بعيون محايدة ومنطقية بعيدا عن الانحياز لاي طرف
تحياتي
بالنسبة لعدد الملحدين صح انا معك انو كتير قلال بسوريا و بظن انو افكارون ما كتير مؤثرة بالمجتمع و بظن انو لو صار انتخبات صحيحة وديمقراطية رح تنجح بعض الاحزاب الدينية طيب شو النتيجة؟
يمكنينجح اي حزب عندو تمثيل باقل من 25 % من الشعب وقتها البقية قادرة على تحمل نتيجة هالانتخابات؟
كمان يلي بعرفو انو الاقليات بتمثل اكتر من نص المجتمع السوري كيف رح يكون تأثير الحكم من قبيل احزاب متل حزب الاخوان المسلمين على الاقليات؟
 
قديم 11/04/2009   #87
شب و شيخ الشباب Abu ToNi
عضو
-- مستشــــــــــار --
 
الصورة الرمزية لـ Abu ToNi
Abu ToNi is offline
 
نورنا ب:
Mar 2006
المطرح:
العمى ليه هيك ؟
مشاركات:
5,248

افتراضي


اقتباس:
انا مستغرب من النزعة الاقصائية اللي بشوفها عند بعض الملحدين , يعني اذا اغلبية الشعب متدينة وخاصة بهالايام هي , ايام الطفرة الدينية واذا الملحدين نسبة كتير قليلة بمجتمع متل المجتمع السوري (اذا مجتمع اوربي متل المانيا نسبة الملحدين ما بتتجاوز 5 بالمية)
انا بصنف الرد هاد نوع من انواع الاقصاء !
على ايا قاعدة استندت بأن الملحد فقط هوي مين بيرفض الاحزاب الدينية !!
الاقصاء انك تأسقط احتمال إيمان شخص ما بالدين وترفضه فقط بسبب انه اختلف معك بالرأي واخد موقف مغاير الك بما يتعلق من الاحزاب الدينية وتعتبره ملحد " الصفة اللي ممكن جدا تجرح الشخص المؤمن "

اقتباس:
فشلون يعني هالاقلية القليلة جدا بدها تفرض على الاغلبية انو ما بدنا احزاب دينية؟؟ و شلون عرفتوا مثلا انو الشعب ما بدو احزاب دينية؟؟

يا اخي خلو اللي بدو يعمل حزب يعمل على اي مبدأ بدو ياه واللي بحدد مصيرو هو صندوق الاقتراع مو البوط العسكري.
المطالبة بابعاد الدين عن الاحزاب والنظم السياسة لا يمكن اعتباره مطلب الحادي او مطلب نابع من فكر الحادي او طريق لجعل افراد الدولة ملحدين

الالحاد نظرية دينية لا تمد للسياسة بصلة ..
العلمانية مطلب وطني بحت بنادي فيه كل شخص مهتم بوطنه ومؤمن بأن الوطن بحاجة لتجارب ووقائع وتقبل للآخر شو ما كان دينه وشو ما كان انتماءه او لونه .. وبعتقد هلشي ( المساواة - احترام وجود الآخر - احترام النصوص المقدسة وتخصيصها بأماكن خاصة بها وبتتناسب مع قيمتها - احترام القانون وتقدسيه .. الخ ) مطلب الانسان المؤمن قبل الانسان الملحد .

اقتباس:
كاتب النص الأصلي : ayhamm26 عرض المشاركة

بالعودة لموضوع الاخوان, طيب ما حدا خطرلوا مثلا انو الاخوان كانوا حزب سياسي تاسس عام 1945 وطوال الفترة الممتدة بين 1945 ولحد بداية الاحداث ما كان من المعروف عنن انو مارسوا العف او ارتكبوا اغتيالات, طيب انو ليش هيك لكن صار باواخر السبعينات؟؟

طبعا كلامي ابدا مو تبرير للجرائم اللي صارت , بس يعني بكفي بقى التمسك بشعار ان نتصدى للامبريالية و نسحق اداتهم المجرمة عصابة الاخوان المسلمين العميلة ولازم نحاول نشوف اللي صار بعيون محايدة ومنطقية بعيدا عن الانحياز لاي طرف
قاعدة الاخوان بالنسبة الي قاعدة نتنة لأن مرتكزاتها بالاساس بتنادي لطريق مسدود مافي منه نتيجة .. اذا ما كان في احداث قبل السبعينات مع الاخوان هاد ما بيعني انه ما كان بيعملوا مشاكل .. التيارات السلفية قبل احداث 11 ايلول ما كان حدا بالعالم عاطيها اهمية ، هلشي بيعني انها مؤسسة بشكل صحيح لكن التغييرات السياسية اللي صارت على مستوى العالم هية سببت انحرافن للطريق التكفيري الاقصائي اللي اليوم هية عليه ؟


بعد زمان ايهم

رايحة تزور
كوخ مسحور
 
قديم 11/04/2009   #88
شب و شيخ الشباب Nihal Atsiz
عضو
-- أخ لهلوب --
 
الصورة الرمزية لـ Nihal Atsiz
Nihal Atsiz is offline
 
نورنا ب:
Feb 2008
المطرح:
دمشق
مشاركات:
350

افتراضي


اقتباس:
كاتب النص الأصلي : MadMax عرض المشاركة
كلامك مزبوط .. في حال كان فكر الاخوان فكر ديمقراطي .. بيحترم وجود الآخر
بس ..حزب الاخوان المسلمين ... حزب شمولي ... و بيشتغل على فرض آراءو عالآخرين

متل إقامة دولة أسلامية و تطبيق أحكامها على الكل ... و ضمن هيك نظام ما بيقدر الواحد ( متل ما قلتي انتي ) يروح عالمكان يللي بناسبو
نفس الوصف تبعك هاد ينطبق على حزب البعث الأسدي الارهابي فهو أيضا حزب شمولي يفرض نفسه بالقوة على الآخرين و كل من يخالفه يحاكم بتهمة أضعاف الشهور القومي و اهانة هيبة الدولة
لذلك فان حزب البعث الاسدي و الاخوان وجهان لعملة واحدة و كل من يرفض أحدهما فقط و يؤيد الآخر هو مع احترمي صاحب فكر ظلامي متخلف ومصالح ومصالح و منافع شخصية

The homeland of Turks is not Turkey or Turkistan
its great and eternal place called Turan
 
قديم 11/04/2009   #89
شب و شيخ الشباب VivaSyria
عضو
-- مستشــــــــــار --
 
الصورة الرمزية لـ VivaSyria
VivaSyria is offline
 
نورنا ب:
Jun 2008
المطرح:
في وطن تعب الناس فيه من الدعاء إلى الله
مشاركات:
2,166

افتراضي


اقتباس:
كاتب النص الأصلي : ayhamm26 عرض المشاركة
انا مستغرب من النزعة الاقصائية اللي بشوفها عند بعض الملحدين , يعني اذا اغلبية الشعب متدينة وخاصة بهالايام هي , ايام الطفرة الدينية واذا الملحدين نسبة كتير قليلة بمجتمع متل المجتمع السوري (اذا مجتمع اوربي متل المانيا نسبة الملحدين ما بتتجاوز 5 بالمية) فشلون يعني هالاقلية القليلة جدا بدها تفرض على الاغلبية انو ما بدنا احزاب دينية؟؟ و شلون عرفتوا مثلا انو الشعب ما بدو احزاب دينية؟؟

يا اخي خلو اللي بدو يعمل حزب يعمل على اي مبدأ بدو ياه واللي بحدد مصيرو هو صندوق الاقتراع مو البوط العسكري.

بالعودة لموضوع الاخوان, طيب ما حدا خطرلوا مثلا انو الاخوان كانوا حزب سياسي تاسس عام 1945 وطوال الفترة الممتدة بين 1945 ولحد بداية الاحداث ما كان من المعروف عنن انو مارسوا العف او ارتكبوا اغتيالات, طيب انو ليش هيك لكن صار باواخر السبعينات؟؟

طبعا كلامي ابدا مو تبرير للجرائم اللي صارت , بس يعني بكفي بقى التمسك بشعار ان نتصدى للامبريالية و نسحق اداتهم المجرمة عصابة الاخوان المسلمين العميلة ولازم نحاول نشوف اللي صار بعيون محايدة ومنطقية بعيدا عن الانحياز لاي طرف

مرحبا أول شي

شوف أيهم مع العلم انو انا بتفق معك بأغلب الأفكار السياسية يلي بتطرحها بس دائماً بخالفك بموضوع الإخوان وبحاول ما نتواجه بهالشي بس هالمرة حابب وضحلك كم نقطه:

مو كل حزب بيسمي حالو بإسم معين بيكون ممثل لهالإسم بمعنى مو إذا الحزب اسمو حزب "الله" بيكون بيمثل الله على الأرض ومو إذا الحزب اسمو الإخوان "المسلمين" بيكون بيمثل الإسلام على الأرض وواجب علينا طاعة هالأحزاب والسكوت عن أخطائها "القاتله أحياناً" حتى مانكون عم نحارب الله والإسلام... بغض النظر عن شعارات الأحزاب لازم نعالج الأمور بموضوعية ومنطقية...

النقطه التانيه ماحدا عم ينادي بإقصاء الإخوان عن النسيج الوطني السوري وإنما المناداة عم تكون بالإقصاء للفكر التكفيري للإخوان ورفض الأخر ويلي هو الفكر الإقصائي بحد ذاته... ومتل مابتعرف بالفترة الأخيرة الإخوان مخففين من اللهجة التصعيدية ومن خطاب الإلغاء وهالشي خطوة على الطريق الصحيح...

النقطه التالته وبالعوده لظهور الإخوان بالأربعينات وبدراسة بسيطة للطرق يلي إعتمدوها بفرض أفكارون منشوف انو أغلب هالطرق كانت طرق عنيفة.. هاد طبعاً إذا ماحكينا عن الجماعات يلي اتبنت فكر الإخوان وطورته سلبياً بحيث كانت عم تحاول تفرض أفكارها بالإجرام...

ببساطه الشعب عنده تخوف من الإخوان بسبب تاريخون يلي شابه الكثير من الأخطاء الدموية "أحياناً" وبغض النظر عن الأسباب والمبررات... واذا قدرو الإخوان يثبتوا انو هنن غيرو هالنهج الرادياكالي بالتعامل صدقني ماحدا بيكون إلو مشكل معون.

الحرية لكل أسرى الحرية في سوريا...


العربي الذي لايجرأ من الذل والخوف على رفع رأسه لرؤية القمر !!!

كيف سينتصر على غزاة القمر؟؟!!
 
قديم 11/04/2009   #90
شب و شيخ الشباب Nihal Atsiz
عضو
-- أخ لهلوب --
 
الصورة الرمزية لـ Nihal Atsiz
Nihal Atsiz is offline
 
نورنا ب:
Feb 2008
المطرح:
دمشق
مشاركات:
350

افتراضي


اقتباس:
كاتب النص الأصلي : mhsen77 عرض المشاركة
كمان يلي بعرفو انو الاقليات بتمثل اكتر من نص المجتمع السوري كيف رح يكون تأثير الحكم من قبيل احزاب متل حزب الاخوان المسلمين على الاقليات؟
متل تأثير حكم حزب البعث الأسدي الفاشي حاليا اللي عم يضطهد الأقليات الغير عربية في سورية من تركمان و أكراد وعم يحرمن من كامل حقوقن اللغوية والثقافية و أصلا هو ما بعترف بوجودن لأنو بالأوراقنا الثبوتية بنكتب عربي سوري فقط
 
إضافة موضوع جديد  و الله هالموضوع مقفول ترى


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 12:17 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.13677 seconds with 12 queries