الاقليات وانتماءاتها القومية

[المحارب العتيق]

كاتب النص الأصلي : ..AHMAD

سوريا*

حقك . صرلي ساعة عم أكتب سورية بشغلة تانية وأخدت أيدي

[Abu ToNi]

كاتب النص الأصلي : Nay

الوطن بجغرافيته.. لما بيحترمك بيحترم خصوصيتك الشخصية والثقافية ... بيمنحك حياه محترمة كانسان.. حرية لتعبر عن ارائك.. وحق بالاشتراك باتخاذ القرارات المصيرية فيه.. وقتها ممكن تحس انك مو بحاجة لتنتمي لقبيلتك او عشيرتك او طايفتك لحتى تحمي نفسك.. وانتمائك لهي القبيلة او الطايفة رح ياخد منحى مختلف منحى عاطفي متل ما حكيت قبل ومنحى بعيد عن العصبية والتعصب والغاء الاخر
وقتها بتحترم هادا البلد و بيخف شعور اللامبالاه تجاه هذا الوطن اللي اكثر شي ممكن تشعرو تجاهو هوي الشفقة.. كل الشباب السوري تقريبا عندون شعور بللامبالاه تجاه هادا الوطن وكلمة من نفس المقال لخالص جلبي.. ربما اتمنى ان ادفن في هذا الوطن لكنني متأكد انني لا أريد ان اعيش فيه

مفهوم الانتماء بالنسبة الي كتير معقد وبدك الصراحة لهلق ما مشكل براسي فكرة واضحة تماما على ماهية الانتماء وطرق تشكيله .ومعرفة سبب كون الانتماء " حاجة " .. بدأ من انتماء الولد الصغير لفريق الفوتبول المفضل عنده انتهاءا بالانتماء للوطن " كون الوطن هوي الصيغة الاعلى والاقدس بنظري "

خلينا نمشي خطوة خطوة ..

وحق بالاشتراك باتخاذ القرارات المصيرية فيه..

الطالب او المهاجر لدول اجنبية خلال اقل من خمس سنوات وقبل حصوله على الجنسية ومع وجود امكانية ترحيله بين اللحظة او التانية .. بتحسي عنده انتماء ... لا بشارك بالاجتماعات ولا بيعرف شي عن تاريخ البلد وهمومه وافكاره بيشترك فيها مع الطالب المغترب اكتر من اشتراكه مع المواطن العايش بكنف البلد ..

وقتها ممكن تحس انك مو بحاجة لتنتمي لقبيلتك او عشيرتك او طايفتك لحتى تحمي نفسك..

يمكن يكون الانتماء لمجتمع بقدملك " الأمان " يعتبر من مبدئيات او من الصيغ الأولية للانتماء .. في بعض الاحيان بتكون الاقليات معرضة للمضايقات بسبب انتماءاتها القومية ، وبدل ما تتخلى عنها كونا بتشكلها مصدر خطر عليها منشوف انها عما تتمسك فيها بقوة اكتر بكتير ..

وقتها بتحترم هادا البلد و بيخف شعور اللامبالاه تجاه هذا الوطن اللي اكثر شي ممكن تشعرو تجاهو هوي الشفقة. كل الشباب السوري تقريبا عندون شعور بللامبالاه تجاه هادا الوطن وكلمة من نفس المقال لخالص جلبي.. ربما اتمنى ان ادفن في هذا الوطن لكنني متأكد انني لا أريد ان اعيش فيه

الحكي هاد نازل علوجع تمام
صفحة الاخوية اكبر دليل على مغالاة الشعب السوري بدفاعه عن وطنه .. والمنبر هاد فيه اكبر عبارات وجمل الانتماء للأرض وفداءها بالدم وعشق ترابا ...

يمكن كون شوي متشائم هلفترة .. بصراحة صرت شوف الحكي هاد جزء من " الافكار المثالية " اللي بتم ادراجا لملاقاة التأييد العام لا اكتر ولا اقل .. ما عما قلل من حب الشبيبة هون لوطنن ... كام شخص مشترك بعمل فعلي لخدمة الارض اللي عما يغالي بالدفاع عنها ..

العملي الفعلي ككلمة ممكن نحسا كبيرة ومتشعبة بس على الواقع ممكن يكون العمل هاد من اصغر الجزئيات البسيطة متل الامتناع عن رمي المحرمة بالطريق .. هلنقط بتأظهر مقدار حبك للأرض .. لا بعدد الاشعار الكاتبها ولا بعدد المرات اللي مدافع فيها عن قضاياه ومتشاكل مع اصحاب الجنسيات العربية الاخرى ومهزئن وكاسرلن راسن

هامش : سوري على آخر فقرة .. شردت بالحديث كتير بس انه من زمان بقلبي هلكام كلمة وما صرلي احكين لهلق

[Abu ToNi]

كاتب النص الأصلي : ..AHMAD

أستغرب كيف لـ فئة كبيرة من العالم الجرأة بأنها تطالب بحقوقها كـ سوري ... دون إنكار انو عمتحكي بصفتها / شيء ما غير سوري "هندي على سبيل المثال" / .

بس تعتبر حالك أقل ما يمكن / سوري / وتهتم فيما يتعلق بسوريا الوطن فقط وتنسالي تاريخك السابق ... وقتها ممكن منطقياً اتقبل مطالبتك بحقوقك كـ سوري




لما يكونو تحت الغطاء الوطني ... وقتها بكون مافي احلى منهن لكن طالما التعدد الديني عميسعى لإيجاد الانتماء الديني فقط ... كما العرقي بيسعى للانتماء العرقي فقط والقومي للانتماء القومي فقط ... ما بقدر اعتبرهن جمالية فسيفساء سوريا ، بل بقدر اعتبرهن / جلغمة/ ع لوحة غاية في الجمال ... تدعى سوريا.

ابو حميد ضروري يكون الانسان سوري لنقدر نعتبره مواطن ؟
حق المواطنة بيحصل عليه كل انسان عايش على تراب الوطن .. قانونيا ما بدنا نفوت فيها لأن في اجحاف كبير بهلقصة كعدم اعتبار ابن المرأة السورية مواطن سوري يمتلك حقوق .. بس اجتماعيا " كون حكينا كله مقتصر على الرؤية الاجتماعية وما عما نسن قوانين وتشاريع هون بالاخوية " منقدر نطالبه باسقاط تاريخ اجداده وانما النبذ مصيره ؟

اقتباس من فيلم اميركي طويل لزياد الرحباني :

- الحكيم : ما انت ارمني لبناني
- زافين : شفت كيف .. ارمني مش لبناني

[quote

=المحارب العتيق;1252829]هلأ بس نخلص من الأنتماء القومي

حكولنا عن الأنتماء الطائفي . لنشوف شو ممكن يبقى معنا من سورية [/quote]


بتم الرمد افضل من العمى يا عم
فخلينا على القومية على الاقل التعصب القومي ما كتير منتشر بعكس التعصب الطائفي .. فـأنه يعني بلاها هلسيرة

كاتب النص الأصلي : ..AHMAD

سوريا*

ولا يزال ابو طوني منتظر المقال الموعود به عن سوريا وسورية