هل الشخص الأخلاقي هو الشخص المتدين حكماً

[Abu ToNi]

الدين كفكرة مجردة من الوقائع واالأحداث المعاشة والتطبيقات العملية اله بتضمن سمو الاخلاق وبالتالي مع تعمق الانسان بالدين بأدي بشكل مباشر أو غير مباشر لتحسين خلقه .
بعيد لاقول ( كفكرة مجردة من الوقائع ) .
مجرد ما الانسان بيملك فكر وعنده مبادئ بانيها ومتبنيها على قناعة وملتزم فيها ..بكون اخلاقي شو ما كانت تكون مصادر هلمبادئ .. كتب سماوية او كتب ارضية او كتب مؤضة او كتب فلسفية او كتب تحليل رياضي او كتب تحليل سياسي .. المهم في مبادئ ملتزم فيها .

تحياتي عياش

[عياش]

على الرغم من ان الدين فكرة ممكن تهذب نفسيات بعض البشر لكن بشوف في كتير افكار غير دينية ممكن تعطي النتيجة نفسها والدليل المقارنة بين المجتمعات المتدينة و غير المتدينة اخلاقياً .

وشكراً عياش ع موضوعك الغني كالعادة

وحتى في أفكار تفوق الدين اخلاقيا كونها خضعت للتطوير والتنقيح ومنها شرعة حقوق الإنسان يلي ممكن تتعارض أحياناً مع الدين ببعض البنود.....أشكرك على الإطراء خجلتني

عن أي عدل بالنسبة للزوجة تتحدث الأديان وشلون ممكن يكون في عدل إذا قي أكتر من زوجة

إلك ولك مناصري حقوق المرأة الشرقية خاصة.
إذا بدنا نحكي عن حقوق المرأة وانصافها دينيا بدنا موضوع بحد ذاته إذا مو أكتر على الهامش جاء في القانون السوري في المادة491 ما يلي: (فللعاهرة الحق بأن تمنع نفسها عمن شاءت ومتى أرادت) فالقانون ضمن للعاهرة الحماية من الاغتصاب والدين لم يمنع الزوج من ممارسة الجنس مع زوجته ولو بدون رضاها لا بل ذم المرأة التي تمتنع عن ممارسة الجنس مع زوجها وحرض عليها الحوريات على فكرة في كثير من دول العالم الملحد هنالك ما يدعى بالاغتصاب الزوجي.

موضوعك مثير للاهتمام وبهنيك عن جد على اسئلتك لانو كلها بتحمل تساؤلات بتدور بخاطر اغلب الناس يلي منون متبنيين دين وبحب اني رد عليك بكم بند اولهون

شكرا جزيلا على الإطراء اللطيف.

الدين بينهي عن فعل اي شي بيضر وبيادي للاساءة للاخرين او لذات الشخص يلي عم بيقوم بالاساءة ((لا ضرر ولا ضرار))

المشكلة أن الملتزميين بالدين من الطامعين بالجنة والمتهيبين الاصطلاء بنار جهنم لا يتوقفون عند هذه القواعد لأنها فضفاضة ولم يأتي بها حكم شرعي بيّن.

في كمان قتل بداعي الردة هي بصراحة ما بقدر فيدك فيها لانو انا مو معها مابعرف ما بدي اغلط بشي انا ما بعرفو

أحترم جدا ردك هذا وأحترم إعمالك نقدك الذاتي حتى في الدين

في حديث شريف يقول "ادا اتاكم من ترضون دينه وخلقه فزوجوه"
معناها ممكن يكون المتدين سيء الاخلاق

كان ببالي ضيف الحديث السابق اليوم والحقيقة سبقتيني ومشكورة لأني فكرت متلك إنو هذا الحديث بيّن الفرق بين كون الإنسان متدين وكونه أخلاقي وفصل الدين بمنظومته الأخلاقية عن الأخلاق الحميدية بين الناس كمل للدين

هي الثقافة بتحط وبتمسخ علاقة الانسان بدينو وبأخلاقو بنفس الوقت...
وشكرا عياش

المشكلة أن هذه المبازرات (عجبني تعبيرك جدا) صارت اليوم البديل الاجتماعي عن الأخلاق وصارت العلمانية بمثابة دعوة للإباحية والفلتان الأخلاقي.

[عياش]

كاتب النص الأصلي : Abu ToNi

الدين كفكرة مجردة من الوقائع واالأحداث المعاشة والتطبيقات العملية اله بتضمن سمو الاخلاق وبالتالي مع تعمق الانسان بالدين بأدي بشكل مباشر أو غير مباشر لتحسين خلقه .
بعيد لاقول ( كفكرة مجردة من الوقائع ) .

تحياتي عياش

المشكلة يا صديقي أبو طوني بالمتمسكين بأهداب الدين ويعتبرونها عنواناً لأخلاقيتهم وبالتالي يصبح المضمون أمراً ثانوياً ولا يعود للتعمق بالدين أو بالمصدر الأخلاقي أهمية كبرى مادامت المظاهر والرتوشات كفيلة بعكس المطلوب وكافية لملئ حياة الشخص وتعويض شعوره بالالتزام.

وموفق بامتحاناتك

[رايح عاليسار شوي]

رفيقي المناضل ............
أنا شايف انو العنوان لازم يكون : الشخص اللا أخلاقي متدين حكما مع الأخذ بعين الاعتبار أن العكس ليس بالضرورة صحيح...........
مشكووووووووووووووور عالموضوع..........

[باشق مجروح]

كاتب النص الأصلي : رايح عاليسار شوي

رفيقي المناضل ............
أنا شايف انو العنوان لازم يكون : الشخص اللا أخلاقي متدين حكما مع الأخذ بعين الاعتبار أن العكس ليس بالضرورة صحيح...........
مشكووووووووووووووور عالموضوع..........

كيف زبطت معك انو الشخص اللااخلاقي هو متدين بالضرورة
ازا انا فهمت فكرتك صح بتخيل انها مجافية للحقيقة و غير منطقية و بيكون اسمك باخوية ( رايح ع اليمين كتير ) انسب .
المهم مهما كان انتماء الشخص الروحاني او عدم انتمائو فما بيصير يمنعو تعصبو عن رؤية الحقائق فـ الانتماء للدين او عدمو ما بيأثر بالضرورة على اخلاق الانسان .
الانسان اللااخلاقي هو شخص اخلاقو ليست فضيلة بغض النظر عن انتمائو الديني او علاقته بالدين
و العكس صحيح .

[عياش]

كاتب النص الأصلي : رايح عاليسار شوي

رفيقي المناضل ............
أنا شايف انو العنوان لازم يكون : الشخص اللا أخلاقي متدين حكما مع الأخذ بعين الاعتبار أن العكس ليس بالضرورة صحيح...........
مشكووووووووووووووور عالموضوع..........

يعني ع راسي منجلك ومعولك بس كمان ما بدنا نعمم بعدا منقلب تكفيريين بس بقالب مختلف، هلق أكيد إنت عم تقصد على المتمسكين بأهداب الدين لغايات معينة وفالتينا على الصعيد الأخلاقي.

الانسان اللااخلاقي هو شخص اخلاقو ليست فضيلة بغض النظر عن انتمائو الديني او علاقته بالدين
و العكس صحيح .

تماما..... بس بيضل عنا نقطة اشكالية مهمة هو تعارض الدين مع الأخلاقيات الإنسانية خصوصاً في مواضيع المرأة وحقوقها وموضوع اختيار الانتماء.

[باشق مجروح]

عياش برأيي الدين ثورة سياسية ممكن تكون ببعضها اخلاقي وببعضها الاخر لأ . او ممكن تحتوي على تعاليم غير اخلاقية متلها متل اي نظام او فكرة موجودة و مو بالضرورة كل اتباع هالنظام يكونو بنفس السوية الاخلاقية والدليل وجود طوائف تفسيرية في الدين الواحد وطرق تعامل مختلفة بين ابتاع الدين نفسو ( اقصد المتدينين )
ممكن اي طريقة تربية بينشأ فيها اي انسان تحمل بطياتها اشياء بعيدة عن الاخلاق .
فمن الممكن ان تنتج افكار دينية اناس غير اخلاقيين ( المتطرفين اليهود - تنظيم القاعدة الاسلامي - جيش المهدي الخ الخ الخ) بالوقت الذي يتربى اشخاص اخرون بفكر ديني ليكونو اخلاقيين .
ليس استخدام الدين في التربية هو ما ينتج اشخاص اخلاقيين ولا عدم استخدامو الموضوع مستقل عن ذلك
استخدام ما يتوافق مع الاخلاق الانسانية ان كان دينياً او لم يكن هو الشئ الصالح في التربية .

[i m sam]

كاتب النص الأصلي : عياش

تماما..... بس بيضل عنا نقطة اشكالية مهمة هو تعارض الدين مع الأخلاقيات الإنسانية خصوصاً في مواضيع المرأة وحقوقها وموضوع اختيار الانتماء.

اسمحلي عارضك هون ليس الدين هو من يتعارض انما طريقة ترجمتنا للدين وتفسيرنا للدين.
أعطيك مثال صغير : الدين ما حرم الرق والعبودية لكنه بنفس الوقت فتح الباب الواسع لاعتاق العبيد" كفارة القسم, كفارة الافطار, الاعتاق من النار..." طبعا لأنو بفترة نزول هالقوانين كان هالامر عادي ومنتشر بكل الارض مو بمنطقة معينة فقط.. هلق لما صار الضغط على الدول لتلغي الرق ألغي فانت بالدين مسمحلك لكن بما أنو أخلاقيات هالعصر بمتنع فاذا انت لازم تنمنع وتوقف .
نفس الشي بالنسبة للمرأة وتعدد الزوجات ما حرم لانو كان منتشر وحتى بتعسفية ودون قيود بس الدين حدد العدد بالمقابل قال لن تعدلوا "لن مو قد لا تعدلوا" ... فأخلاقيات هداك العصر بتسمح بس اذا أخلاقيات هالعصر ما بتسمح فاذا مو عاصي انت او مارق لما بتوقف عن التعدد بالعكس تماما .
بالنسبة للموضوع الأساسي فالاجابات يلي قبل قالت انو في فرق بين التدين والاخلاق.. وبرأي الأول لازم يكون متعلق بالتاني بس مو شرط التاني يكون متعلق بالأول .. بمعنى انو حتى تكون متدين م}من حقا لازم تكون خلوقي. بس حتى تكون خلوقي مو شرط تكون متدين مؤمن.
سامحونا على الاطالة
هاموش: عياش كترانين يلي عم يبعتولك ورد خود هي مني

[عياش]

باشق مجروح:

كاتب النص الأصلي : باشق مجروح

عياش برأيي الدين ثورة سياسية ممكن تكون ببعضها اخلاقي وببعضها الاخر لأ . او ممكن تحتوي على تعاليم غير اخلاقية متلها متل اي نظام او فكرة موجودة و مو بالضرورة كل اتباع هالنظام يكونو بنفس السوية الاخلاقية والدليل وجود طوائف تفسيرية في الدين الواحد وطرق تعامل مختلفة بين ابتاع الدين نفسو ( اقصد المتدينين )

ممكن اي طريقة تربية بينشأ فيها اي انسان تحمل بطياتها اشياء بعيدة عن الاخلاق .
فمن الممكن ان تنتج افكار دينية اناس غير اخلاقيين ( المتطرفين اليهود - تنظيم القاعدة الاسلامي - جيش المهدي الخ الخ الخ) بالوقت الذي يتربى اشخاص اخرون بفكر ديني ليكونو اخلاقيين .
ليس استخدام الدين في التربية هو ما ينتج اشخاص اخلاقيين ولا عدم استخدامو الموضوع مستقل عن ذلك
استخدام ما يتوافق مع الاخلاق الانسانية ان كان دينياً او لم يكن هو الشئ الصالح في التربية .

صحيح فالدين كان ضرورة دائمة للشعوب حتى تنظم نفسها سواء كانت تنظيماتها مدنية متل الفراعنة أو قبلية متل العبرانيين وسواء كانوا غزات محاربين متل الآشوريين أو مسالمين مبدعين متل الفينيقيين وكانت هالضرورة نابعة من الحاجة لوجود رادع عن الجرائم والمخالفات قوي بحجم الله وحافز للعمل الاجتماعي وثواب ومثال هالأمر مثلا التكافل الاجتماعي عند اليهود بالنسبة للتعشير (زكاة بعشر المحصول) أو تحريم بولس بالمسيحية لتناول الذبائح الوثنية حتى لا يقطع المتنصرين حديثا بلغط تكريم الأوثان(التشريع في المسيحية جاء غي مرحلة لاحقة عندما تنظمت كدين وليس كدعوة يهودية حديثة وبالتالي قام بجله الرسل ولم يذكر بالأناجيل بشكل تشريع حرفي) أو تنظيم الميراث بصورة النساء في القرآن وغرضي من عرض الأمثلة السابقة تبيان النقطة التي أشار إليها الباشق بقوله الدين ثورة سياسية وتوضيحها.

إذا بدنا ناخد الفروق بالتفاسير بالدين الاسلامي كمثال طبعا في فرق كبير بين منهج التكفيريين يلي ذكرهم الباشق وطريقة نظرتهم للدين ولله وبين الصوفية كمنهج حياتي وكنظرة تفسيرية وأسلوب تعاطي مع الدين ومع الله وشتان بين الطرفين وبين نتاجهم فبينما نبتلي من التكفيريين بالتفجيرات والقتل والدمار تتحفنا الطرق الصوفية بنتاج أدبي وشعري وفكري(الأهم) راقي ولطيف وإنساني يسمو بالروح وبالنفس الإنسانية.

وطبعا الفروقات الشخصية موجودة والعائلية والاجتماعية.

[عياش]

كاتب النص الأصلي : i m sam

اسمحلي عارضك هون ليس الدين هو من يتعارض انما طريقة ترجمتنا للدين وتفسيرنا للدين.
أعطيك مثال صغير : الدين ما حرم الرق والعبودية لكنه بنفس الوقت فتح الباب الواسع لاعتاق العبيد" كفارة القسم, كفارة الافطار, الاعتاق من النار..." طبعا لأنو بفترة نزول هالقوانين كان هالامر عادي ومنتشر بكل الارض مو بمنطقة معينة فقط.. هلق لما صار الضغط على الدول لتلغي الرق ألغي فانت بالدين مسمحلك لكن بما أنو أخلاقيات هالعصر بمتنع فاذا انت لازم تنمنع وتوقف .
نفس الشي بالنسبة للمرأة وتعدد الزوجات ما حرم لانو كان منتشر وحتى بتعسفية ودون قيود بس الدين حدد العدد بالمقابل قال لن تعدلوا "لن مو قد لا تعدلوا" ... فأخلاقيات هداك العصر بتسمح بس اذا أخلاقيات هالعصر ما بتسمح فاذا مو عاصي انت او مارق لما بتوقف عن التعدد بالعكس تماما .
بالنسبة للموضوع الأساسي فالاجابات يلي قبل قالت انو في فرق بين التدين والاخلاق.. وبرأي الأول لازم يكون متعلق بالتاني بس مو شرط التاني يكون متعلق بالأول .. بمعنى انو حتى تكون متدين م}من حقا لازم تكون خلوقي. بس حتى تكون خلوقي مو شرط تكون متدين مؤمن.
سامحونا على الاطالة
هاموش: عياش كترانين يلي عم يبعتولك ورد خود هي مني

يا سيدي أنا معك بطرحك 100% بس المشكلة إنو الشريحة العظمى من المجتمع تقوم بطرح الدين على أساس أنه منتهى الأخلاق أو سقفها وبالاستناد على تفاسير أكل عليها الدهر وشرب متجنبين اعمال العقل ومتناسيين تطوير بعض المفاهيم يعني مثلا بموضوع تعدد الزوجات انمع أسوة بالرقية بتونس وتركيا كدولتين اسلاميتين بس ما بتصور عنا القدرة بسوريا نس تشريع نمنعو بالوقت يلي عجزنا عن سن تشريع يحمي رقاب نص المجتمع من الحز بما يدعى جرائم الشرف وبالتالي أنا أمام الاشكالية التالية الأخلاق محدودة بالدين والدين نتجنب تفسيره بطريقة ملائمة للعصر.

والمشكلة التانية اعتبار غير المتدين انسان منحل أخلاقيا مما يدفع الغالبية العظمى للتمسك بأهداب الدين.


وبموضوع الوردة كل الوردات وردة ووردتك عندي بوكيه ورد اهلين بعمي سام والله

[مجنون يحكي وعاقل يسمع]

كاتب النص الأصلي : wile

حبيب إذا مانك مسلم ممكن تقلي شو فهمك بالإسلام؟؟؟؟؟؟؟؟؟

وبعدين إذا كل هلقد متضايق من الإسلام إيه لا تصير مسلم حدا غصبك شي؟؟

وإذا كل هل القد الإسلام ظلم فيك تقلي ليش عم يزداد أعداد الداخلين بالإسلام يوما بعد يوم؟؟؟؟؟

وإذا المسلمين ما بدهم يسلموا عليك سلام الإسلام لازم تغصبهم يعني؟؟؟؟؟

وبعدين حدا قلك تزوج أكثر من زوجة ؟؟؟
لك إذا المسلم بدو يتزوج أكثر من وحدة والنسوان موافقين بصير تقوله لاء؟؟؟
لك يا أخي والله شي عجيب منيح ما غصبناك تصير مسلم شو كنت ساويت؟؟

عالعموم أنا ما قصدي لا إقدح فيك ولا ضايقك بس فوتتك خلتني عصب وإذا حسيت إنه حكيي في إهانة مني فأنا باعتذر عما بدر مني وبإتمنى ما تكون زعلت أو تضايقت وحقك علي

مشكور جدا حبيب كللك زوق وفهم ودين وإيمان وواحد متلي ما بيطلعلو يتفهم على واحد متلك

[wile]

يا جماعة رجاءا كل واحد يحكي عن دينه
يعني إذا المسيحية(مع إحترامي لجميع الأخوة من جميع الأديان)ما في عندهم مشكلة إذا أحكو على دين تاني
المسلمين ما بصير يحكو على الأديان الأخرى وخصوصا السماوية مشان هيك كل واحد يحكي عن دينه لأنه شايف إنه بالآخر رح تقلبوها الفلسفة
يعني الي بيرى إنه دينه ناقص هو حر بس ما يجي يعممها على جميع الأديان

ومشان شغلة التكفيريين ممكن حدا يقلي شو أعمالهم التفجيرية التخريبية (الشريرة)؟؟؟؟
وبالمرة شرحلنا كمان شوية عن الصوفية
رجاء خاص لا

[رايح عاليسار شوي]

كاتب النص الأصلي : عياش

يعني ع راسي منجلك ومعولك بس كمان ما بدنا نعمم بعدا منقلب تكفيريين بس بقالب مختلف، هلق أكيد إنت عم تقصد على المتمسكين بأهداب الدين لغايات معينة وفالتينا على الصعيد الأخلاقي.

رفيقي..................:
أنا ما عم عمم بس الفكرة اني عم احكي متل ما اتفضلت عالأشخاص اللي ماسكين الدين من ((ورا))
ومعتبرين انو نحنا غنم وراهن............أكيد مو غير هيك ومو قصدي التعميم.............بيعجبني فيك انك بتفهمني رفيق

[باشق مجروح]

كاتب النص الأصلي : wile

يا جماعة رجاءا كل واحد يحكي عن دينه
يعني إذا المسيحية(مع إحترامي لجميع الأخوة من جميع الأديان)ما في عندهم مشكلة إذا أحكو على دين تاني
المسلمين ما بصير يحكو على الأديان الأخرى وخصوصا السماوية مشان هيك كل واحد يحكي عن دينه لأنه شايف إنه بالآخر رح تقلبوها الفلسفة
يعني الي بيرى إنه دينه ناقص هو حر بس ما يجي يعممها على جميع الأديان

ومشان شغلة التكفيريين ممكن حدا يقلي شو أعمالهم التفجيرية التخريبية (الشريرة)؟؟؟؟
وبالمرة شرحلنا كمان شوية عن الصوفية
رجاء خاص لا

أولاً : مين عينك مدافع عن الاديان و حكم ورقيب على تفكير الناس وافكارهون لحتى تتجرأ على تحديد مسارات النقاش والخطوط الحمر الي لازم يتوقف عندها العقل ؟
فـ نصيحة مني تقبل الرأي الآخر الناقد وخلي العقل بنظرك قوة لا يحد تقدمها شي و اكسر القيود المكبلة لعقلك لتقدر تتفهم و تتقبل كل الافكار مع احتفاظك بأفكارك الخاصة .
ثانياً : التكفيريين عملو اعمال مرعبة و دموية وارهابية بالعراق وما زالت مستمرة هالأعمال اضافة الى باكستان و افغانستان و اليمن و حتى 11 سبتمبر و اعمال لندن ومدريد .
فـ ازا كنت من انصار التيارات التكفيرية بنصحك كمان اعادة النظر و الانخراط بالحياة اكتر واستخدام العقل و الاطلاع بدون حدود على كل شئ وليس الانصات الاعمى لخطاب واحد .

[عياش]

كاتب النص الأصلي : باشق مجروح

أولاً : مين عينك مدافع عن الاديان و حكم ورقيب على تفكير الناس وافكارهون لحتى تتجرأ على تحديد مسارات النقاش والخطوط الحمر الي لازم يتوقف عندها العقل ؟
فـ نصيحة مني تقبل الرأي الآخر الناقد وخلي العقل بنظرك قوة لا يحد تقدمها شي و اكسر القيود المكبلة لعقلك لتقدر تتفهم و تتقبل كل الافكار مع احتفاظك بأفكارك الخاصة .
ثانياً : التكفيريين عملو اعمال مرعبة و دموية وارهابية بالعراق وما زالت مستمرة هالأعمال اضافة الى باكستان و افغانستان و اليمن و حتى 11 سبتمبر و اعمال لندن ومدريد .
فـ ازا كنت من انصار التيارات التكفيرية بنصحك كمان اعادة النظر و الانخراط بالحياة اكتر واستخدام العقل و الاطلاع بدون حدود على كل شئ وليس الانصات الاعمى لخطاب واحد .

لا تضيع وقتك بالرد على مشاركات دون المستوى الحواري بنصحك تعتبر هالنمط من المشاركات جملة مقارنة لتعرف قديش بدو رجل الشارع العربي ليتعلم يناقش بطريقة علمية تقبل النقد والنظرة النقدية....ولتعرف بأي حاضنة عم تظهر بذور التكفيريين....

رفيقي..................:
أنا ما عم عمم بس الفكرة اني عم احكي متل ما اتفضلت عالأشخاص اللي ماسكين الدين من ((ورا))
ومعتبرين انو نحنا غنم وراهن............أكيد مو غير هيك ومو قصدي التعميم.............بيعجبني فيك انك بتفهمني رفيق

هيك إنت عيني أتريك على اليسار شوي مو كتير

[ziad rahbani]

الآخلاق أهم من الدين
:de al:

[ziad rahbani]

الاخلاق اهم من الدين هل كان هناك دين عندما خلق ادم وحواء

[wile]

شباب شوفو هالمناظرة وفيها رد على الي بيقول إنه الإسلام ظالم وبعدين تعو قولولي شو رأيكن
هي طويلة شوي بس رجاء كملوها للآخر
http://www.youtube.com/watch?v=LYKfhxGL6i8&feature=related