أهلاً وسهلاً بباراك أوباما في بلادنا...

[abo aljoud]

هلاء انا ماني مع ولا ضد السيد اوباما وبحترموا كتير لأنو بالدرجة الأولى عم يدور ع مصلحة بلدو من ناحية تغيير الفكرة عن أمريكا بالخارج أو كسب تأييد عربي كبير وبالتالي كسب الأموال الخليجية بهالظروف الصعبة وكلنا بيعرف انو أمريكا باعت هلامة سيارة الهامر (وهية رمز لصناعة السيارات الامركية) للصين العدو الاقتصادي الأول لأمريكا من أجل الخروج من أزمتها الاقتصادية لذلك بدنا ما نغفل الجانب الاقتصادي الهام دائما بالمعادلة الامريكية وهادا كان من اهم اسباب غزو العراق .وكمان هنة بحاجة لسوريا وايران ليطلعوا من ورطات العراق وافغانستان بأقل الخسائر ماديا ومعنويا.
منرجع انو السيد اوباما ماكتير بتهمو مصلحة العرب ولا الفلسطينيين بل مصلحة امريكا والمتحكمين فيها و اهمون اللوبي اليهودي ،هلاء بالمقابل بما انو بحاجة ولو بسيطة النا كعرب هون بتجي المعلمية (المفقودة عند القادة العرب للاسف) يعني لازم نستغل الظرف الحالي لأمريكا ونكسب قدر المستطاع من الظرف الحالي يعني لازم نكون استغلاليين لحد الوقاحة مافي مشكل ، بس اللي عم يصير انو بيجي سخص متل اوباما او شي يساري اسرائيلي بيضحك علينا بكام كلمة فبنسدقوا وبنفتح تمنا متل المساطيل .

بالنهاية انا بشوف انو الحل الوحيد بايدنا نحنا ونحنا اللي لازم نفرضوا طبعا باتغاق القادة العرب مع بعضون وبدون ما يعادوا أمريكا بس لما بشوفونا متل اليهود كتلة أكيد رح يحترمونا ويرضخوا لطلباتنا

وتحياتي.

[المقدسية]

. هو الرئيس الذي تفائلنا بخلفياته وأصوله قبل أن يستلم الحكم لكن تفاؤلنا بقي حذراً حينها..

ارجوك لا تتفاءل كثيرا..ليس الامر متعلقا باصوله.. انما هو يسعى لمصالح امريكا.. صح هناك فرق كبير بين اوباما و المجرم بوش لكن لم نعلق الامال على الاخرين بدل ان نكون نحن صناع الامل

[yass]

لم نعلق الامال على الاخرين بدل ان نكون نحن صناع الامل

منذ قرون و نحن مستهلكون فقط... متى كانت آخر مرة صنعنا فيها شيئاً؟

حتى الشماغات و الغترات و الجلابيات.. اصبحت تصنع في لندن

[المقدسية]

كاتب النص الأصلي : abo aljoud

هلاء انا ماني مع ولا ضد السيد اوباما وبحترموا كتير لأنو بالدرجة الأولى عم يدور ع مصلحة بلدو من ناحية تغيير الفكرة عن أمريكا بالخارج أو كسب تأييد عربي كبير وبالتالي كسب الأموال الخليجية بهالظروف الصعبة وكلنا بيعرف انو أمريكا باعت هلامة سيارة الهامر (وهية رمز لصناعة السيارات الامركية) للصين العدو الاقتصادي الأول لأمريكا من أجل الخروج من أزمتها الاقتصادية لذلك بدنا ما نغفل الجانب الاقتصادي الهام دائما بالمعادلة الامريكية وهادا كان من اهم اسباب غزو العراق .وكمان هنة بحاجة لسوريا وايران ليطلعوا من ورطات العراق وافغانستان بأقل الخسائر ماديا ومعنويا.
منرجع انو السيد اوباما ماكتير بتهمو مصلحة العرب ولا الفلسطينيين بل مصلحة امريكا والمتحكمين فيها و اهمون اللوبي اليهودي ،هلاء بالمقابل بما انو بحاجة ولو بسيطة النا كعرب هون بتجي المعلمية (المفقودة عند القادة العرب للاسف) يعني لازم نستغل الظرف الحالي لأمريكا ونكسب قدر المستطاع من الظرف الحالي يعني لازم نكون استغلاليين لحد الوقاحة مافي مشكل ، بس اللي عم يصير انو بيجي سخص متل اوباما او شي يساري اسرائيلي بيضحك علينا بكام كلمة فبنسدقوا وبنفتح تمنا متل المساطيل .

بالنهاية انا بشوف انو الحل الوحيد بايدنا نحنا ونحنا اللي لازم نفرضوا طبعا باتغاق القادة العرب مع بعضون وبدون ما يعادوا أمريكا بس لما بشوفونا متل اليهود كتلة أكيد رح يحترمونا ويرضخوا لطلباتنا

وتحياتي.

للاسف اعتادت شعوبنا الانبهار..
واعتاد حكامنا الذل والتمرغ على الاعتاب.. ولو ان بوش لم يترك امريكا في وضع اقتصادي حرج لما وجدت اوباما ودودا بشوشا كما هو الان.. هذه فرصتنا للنهوض فنجم امريكا في افول..

[المقدسية]

كاتب النص الأصلي : yass

منذ قرون و نحن مستهلكون فقط... متى كانت آخر مرة صنعنا فيها شيئاً؟

حتى الشماغات و الغترات و الجلابيات.. اصبحت تصنع في لندن

انت محق من هذه الناحية .. لكن قبل ان تفكر في تصنيع الغترات .. يجب ان نصنع حربا ضد كل عائق يحجبنا عن مرامينا

[المقدسية]

بحترموا كتير لأنو بالدرجة الأولى عم يدور ع مصلحة بلدو من ناحية تغيير الفكرة عن أمريكا بالخارج أو كسب تأييد عربي كبي

صدقا اتمنى ان يقتدي حكامنا النيام باوباما في هذه الجزئية بالذات

[المقدسية]

منرجع انو السيد اوباما ماكتير بتهمو مصلحة العرب ولا الفلسطينيين بل مصلحة امريكا والمتحكمين فيها و اهمون اللوبي اليهودي ،

[المقدسية]

كاتب النص الأصلي : Elephant And Castle

دايما كنت قول انو مو من مصلحتنا اعتبار امريكا عدو ...يعني كتير منسمع شو بينقال عن امريكا بالأوساط الشعبية العربية . امبريالية و استعمارية و همجية ,,,.مع احترامي ,,بس هادا كلو حكي فاضي ...

امريكا اكبر من حكومة محافظين جدد ..ولازم نعرف كيف نتعامل معها على اختلاف الحكومات يلي بتمر ...

على حد علمي..امريكا للاسف هي الداعم الاول للكيان الصهيوني .. وبالله عليك لا تنس حرب العراق ولا افغانستان ولا تهديد سوريا.. امريكا لا يمنعها شيء عن شن حملة جديدة سوى الازمة الاقتصادية..

[abo aljoud]

كاتب النص الأصلي : المقدسية

على حد علمي..امريكا للاسف هي الداعم الاول للكيان الصهيوني .. وبالله عليك لا تنس حرب العراق ولا افغانستان ولا تهديد سوريا.. امريكا لا يمنعها شيء عن شن حملة جديدة سوى الازمة الاقتصادية..

برأي من حق أمريكا تدعم اسرائيل لأنو مصحلتها تقتضي ذلك و عندما تحس أمريكا أن مصالحها مع العرب أكثر من اسرائيل أكيد رح تدعمنا اذن الموضوع بيدنا كعرب وعلينا أن نستغل اي ظرف مواتي .

[المقدسية]

كاتب النص الأصلي : abo aljoud

برأي من حق أمريكا تدعم اسرائيل لأنو مصحلتها تقتضي ذلك و عندما تحس أمريكا أن مصالحها مع العرب أكثر من اسرائيل أكيد رح تدعمنا اذن الموضوع بيدنا كعرب وعلينا أن نستغل اي ظرف مواتي .

للاسف نحن نتحدث عن حكومات تهتم باي شيء( بالطبل بالزمر.. بدق الحنك.. ) ولا تهتم لا بمصالح الامة ولا بقضاياها والله المستعان

[VivaSyria]

كاتب النص الأصلي : المقدسية

للاسف اعتادت شعوبنا الانبهار..
واعتاد حكامنا الذل والتمرغ على الاعتاب..

أنا بشوفها اعتادت اللطم والشحادة أكتر من الانبهار.. والانبهار ضمن أسباب حقيقية ظاهرة صحية وصحيحة

ولو ان بوش لم يترك امريكا في وضع اقتصادي حرج لما وجدت اوباما ودودا بشوشا كما هو الان.. هذه فرصتنا للنهوض فنجم امريكا في افول

برجع بقول بغض النظر عن الأسباب يلي أدت لهالتطور الجديد بيبقى واجبنا استغلالو... ولعلمك وجود هالظرف الاستثنائي بيفرض علينا استغلالو بسرعة أكبر لفرض متطلباتنا ومصالحنا قبل مايتغير هالظرف وتتغير معو سياستون مرة تانيه...

الادارة الامريكية اليوم مادة إيدها للعرب "حتى لو بعدو كلام نظري"... اذا العرب ما استغلو هالفرصة بتأثبت اسرائيل انو هي الطرف الوحيد بالمنطقة يلي ممكن يكون في بينو وبين أميركا تبادل مصالح وعلاقة استراتيجية وهالشي مو من مصلحتنا ولا من مصلحة قضايانا ان كنا محقين بالدفاع عنها.

[abo aljoud]

كاتب النص الأصلي : VivaSyria

أنا بشوفها اعتادت اللطم والشحادة أكتر من الانبهار.. والانبهار ضمن أسباب حقيقية ظاهرة صحية وصحيحة



برجع بقول بغض النظر عن الأسباب يلي أدت لهالتطور الجديد بيبقى واجبنا استغلالو... ولعلمك وجود هالظرف الاستثنائي بيفرض علينا استغلالو بسرعة أكبر لفرض متطلباتنا ومصالحنا قبل مايتغير هالظرف وتتغير معو سياستون مرة تانيه...

الادارة الامريكية اليوم مادة إيدها للعرب "حتى لو بعدو كلام نظري"... اذا العرب ما استغلو هالفرصة بتأثبت اسرائيل انو هي الطرف الوحيد بالمنطقة يلي ممكن يكون في بينو وبين أميركا تبادل مصالح وعلاقة استراتيجية وهالشي مو من مصلحتنا ولا من مصلحة قضايانا ان كنا محقين بالدفاع عنها.

هالكلام صح ولا غبار عليه بس اللي عم يصير انو القادة العرب آخر همون شعوبن وبالتالي لازم يتغيروا هالقادة واللي لازم يغيرون هوة الشعوب ولحتى الشعوب تغير بدا دعم خارجي واللي بيقبل الدعم الخارجي صار خائن ووووووووو ودورها لقلك واعطيني شحطة وخلينا ننسا

[ayhamm26]

كاتب النص الأصلي : VivaSyria

إعتراف بحق الفلسطينيين بدولتون
اعتراف بمعاناة الفلسطينيين لمدة 60 سنة
اعتراف بأخطاء بوش مع العرب والاسلام
وعد بسحب القوات الاميركية من العراق وافغانستان
اعتراف بشرعية حماس ووعد بالحوار معها
اعتراف بعدم شرعية الاستيطان الاسرائيلي
عدم الاعتراف بالقدس عاصمة لاسرائيل
التودد للعرب من خلال زيارة المساجد والاستعانة بأيات قرئانية
لهجة خطاب ودية تعترف بالأخر وقضاياه
وغيرها الكثير

أنا عاجبتني كبداية ومروق عليها وشايف أحسن من هيك بداية مستحيل يصير غير اذا احتيلنا أميركا عسكرياً وأجبرناها على الخضوع لمطالبنا دفعة وحدة...


حلنا بقا نبطل عجرفة ونحنا أخر الناس... رحم الله إمرء عرف قدر نفسه فوقف عنده.. بقا كيف اذا جايينا واحد عم يقلنا انتو قدركون كبير وتعو نشتغل مع بعض لنوصل لشي يرضي الكل؟؟ منقلو انقلع من هون ومو أهلا وسهلا خليه يروح على تل أبيب ويخطب بالكنيست بالعبري ويرجع يعادينا للأخر متل بوش.

خيو انا شايف انك معلق امال كبيرة على اوباما , بس انا عندي رأي تاني

اول شي قضية الحوار اللي هو طرحها والتودد للعرب والاسلام طيب حكي كتير حلو وانا معك انو اول مرة بيصدر من رئيس امريكي وانا نفسي اتفاجأت بهالحكي ورحت قريتو بالانكليزي لاني فكرت الترجمة العربية غلط

بس اذا اجيت للواقع, الحوار بين مين ومين بدو يصير؟؟
بين اميركا من جهة و العرب, طيب مين هني العرب؟؟ حسني مبارك و لا عبد الله و لا بشار الاسد ولا القذافي؟؟

هدا حوار اعرج لانو اولا مافي تكافؤ بين الطرفين , والطرف التاني بالحوار ما بيمثل الشعوب العربية و طالما الشعوب العربية مغيبة عن الحوار رح تلاقي ناس كتير لساتن عم يسمعوا لخطابات بن لادن وغيرو

الاميركيين بالنهاية بتهمن مصالحن وبس ومصالحن ما بتمشي الا مع حلفائن الديكتاتوريين العرب , وطالما هالمعادلة عم تحكم العلاقة بين الطرفين رح تبقى الامور متل ما هي.


منجي للشغلات التانية بخطابو,

قضية الدولتين مو من عندو حتى بوش نفسو وعد فيها كتير ما رح قلك رح يعمل متل بوش بس خلينا نستنى ونشوف

الاعتراف بمعاناة الفلسطينيين مو جديد , قبلو رؤوساء امريكيين اعترفوا بهالشي, وهدا انا بسمي ربع اعتراف لانو ما حكى الحقيقة الكاملة ولا حكى عن المسبب لهيك معاناة

الاعتراف باخطاء بوش, وين هالاعتراف اذا قال انو العراق صار احسن بعد صدام

الاعتراف بشرعية حماس تم تحت شرط واحد وهو اعترافها باسرائيل وهالشي كمان ورثو عن بوش بس اعاد صياغتو, ومن المستحيل الامريكيين يحاوروا حماس او يدخلوا باي تفاوض رح يصير الا اذا عملت حماس متل ما عمل ياسر عرفات قبل اوسلو.

عدم شرعية الاستيطان الاسرائيلي, هي بعترف انها شي مختلف تماما عن سياسات بوش, بس انا بقول انو هو عم يستغل نوع من الانقسام بين مواقف اللوبي الصهيوني المدافع عن اسرائيل باميركا و بين مواقف نتنياهو ومشان هيك عم يقدر يستخدم لهجة قوية مع الاسرائيليين بخصوص هالموضوع, بس كمان بقلك هون بدك تستنى وتشوف شو رح ياخد من العرب تنازلات اضافية على اعتبار انو هو رح يضغط على اسرائيل.

عدم الاعتراف بالقدس عاصمة لاسرائيل, هالشي مو دقيق لانو الاعتراف موجود من زمان الشغلة كلها انو موعد نقل السفارة للقدس بيد الرئيس الاميركي وهالشي من ايام كلينتون اظن, ولاحظ انو بوش طوال 8 سنين ما عملها واوباما كمان هون مشي على خطاه.

[sona78]

بشكرك كتير ع الرد التحليلي .. يعني ما عرفت شو بدي قلك للصراحة

بس يمكن لسا ما اتعودت انو لما حدا يصفق فورا ارقص ..... بدي اعرف اكتر عن سبب التصفيق وعن توقيتو كمان

بس حبيت اقتبس هالرد

منذ قرون و نحن مستهلكون فقط... متى كانت آخر مرة صنعنا فيها شيئاً؟

حتى الشماغات و الغترات و الجلابيات.. اصبحت تصنع في لندن

حسيتو بيعبر عن حالتي ............ وامل ما تخيب لا امالك ولا امال الـ95% يلي حكيت عنون
تحياتي

[المقدسية]

كاتب النص الأصلي : abo aljoud

هالكلام صح ولا غبار عليه بس اللي عم يصير انو القادة العرب آخر همون شعوبن وبالتالي لازم يتغيروا هالقادة واللي لازم يغيرون هوة الشعوب ولحتى الشعوب تغير بدا دعم خارجي واللي بيقبل الدعم الخارجي صار خائن ووووووووو ودورها لقلك واعطيني شحطة وخلينا ننسا

ارجوووووووووووووووووووووو وووووووووووووووووووووووك لا تغيير.. ولاشعوب.. ولادعم خارجي... هذه المصطلحات...لها نتائج وخيمة... انا انسحب قبل ان يسمعنا احد

[VivaSyria]

كاتب النص الأصلي : ayhamm26

خيو انا شايف انك معلق امال كبيرة على اوباما , بس انا عندي رأي تاني

اول شي قضية الحوار اللي هو طرحها والتودد للعرب والاسلام طيب حكي كتير حلو وانا معك انو اول مرة بيصدر من رئيس امريكي وانا نفسي اتفاجأت بهالحكي ورحت قريتو بالانكليزي لاني فكرت الترجمة العربية غلط

بس اذا اجيت للواقع, الحوار بين مين ومين بدو يصير؟؟
بين اميركا من جهة و العرب, طيب مين هني العرب؟؟ حسني مبارك و لا عبد الله و لا بشار الاسد ولا القذافي؟؟

هدا حوار اعرج لانو اولا مافي تكافؤ بين الطرفين , والطرف التاني بالحوار ما بيمثل الشعوب العربية و طالما الشعوب العربية مغيبة عن الحوار رح تلاقي ناس كتير لساتن عم يسمعوا لخطابات بن لادن وغيرو

الاميركيين بالنهاية بتهمن مصالحن وبس ومصالحن ما بتمشي الا مع حلفائن الديكتاتوريين العرب , وطالما هالمعادلة عم تحكم العلاقة بين الطرفين رح تبقى الامور متل ما هي.


منجي للشغلات التانية بخطابو,

قضية الدولتين مو من عندو حتى بوش نفسو وعد فيها كتير ما رح قلك رح يعمل متل بوش بس خلينا نستنى ونشوف

الاعتراف بمعاناة الفلسطينيين مو جديد , قبلو رؤوساء امريكيين اعترفوا بهالشي, وهدا انا بسمي ربع اعتراف لانو ما حكى الحقيقة الكاملة ولا حكى عن المسبب لهيك معاناة

الاعتراف باخطاء بوش, وين هالاعتراف اذا قال انو العراق صار احسن بعد صدام

الاعتراف بشرعية حماس تم تحت شرط واحد وهو اعترافها باسرائيل وهالشي كمان ورثو عن بوش بس اعاد صياغتو, ومن المستحيل الامريكيين يحاوروا حماس او يدخلوا باي تفاوض رح يصير الا اذا عملت حماس متل ما عمل ياسر عرفات قبل اوسلو.

عدم شرعية الاستيطان الاسرائيلي, هي بعترف انها شي مختلف تماما عن سياسات بوش, بس انا بقول انو هو عم يستغل نوع من الانقسام بين مواقف اللوبي الصهيوني المدافع عن اسرائيل باميركا و بين مواقف نتنياهو ومشان هيك عم يقدر يستخدم لهجة قوية مع الاسرائيليين بخصوص هالموضوع, بس كمان بقلك هون بدك تستنى وتشوف شو رح ياخد من العرب تنازلات اضافية على اعتبار انو هو رح يضغط على اسرائيل.
.

أيهم أنا بهالموضوع تحديداً حابب إطلع على النص المليان من الكاسة وعندي قناعة اذا حكام العرب بيكون عندون شرف وبيشتغلو صح بهالوضع ومع هالإدارة بيغيرو كتير من المعادلة القائمة...

عدم الاعتراف بالقدس عاصمة لاسرائيل, هالشي مو دقيق لانو الاعتراف موجود من زمان الشغلة كلها انو موعد نقل السفارة للقدس بيد الرئيس الاميركي وهالشي من ايام كلينتون اظن, ولاحظ انو بوش طوال 8 سنين ما عملها واوباما كمان هون مشي على خطاه

له ياحبيب أنا إيمت شفتني عم قول شي مو دقيق "بكل تواضع يعني " ... سيدي ماعلينا

هي النص الحرفي لفقرة القدس من الخطاب بالعربي:

لقد تدفقت دموع الكثيرين وسالت دماء الكثيرين وعلينا جميعا تقع مسئولية العمل من أجل ذلك اليوم الذي تستطيع فيه أمهات الإسرائيليين والفلسطينيين مشاهدة أبنائهم يتقدمون في حياتهم دون خوف وعندما تصبح الأرض المقدسة التي نشأت فيها الأديان الثلاثة العظيمة مكانا للسلام الذي أراده الله لها، وعندما تصبح مدينة القدس وطنا دائما لليهود والمسيحيين والمسلمين المكان الذي يستطيع فيه أبناء سيدنا إبراهيم عليه السلام أن يتعايشوا في سلام تماما كما ورد في قصة الإسراء عندما أقام الأنبياء موسى وعيسىومحمد سلام الله عليهم الصلاة معا.

وهي النص الحرفي بالإنكليزي:

Too many tears have flowed. Too much blood has been shed. All of us have a responsibility to work for the day when the mothers of Israelis and Palestinians can see their children grow up without fear; when the Holy Land of three great faiths is the place of peace that God intended it to be; when Jerusalem is a secure and lasting home for Jews and Christians and Muslims, and a place for all of the children of Abraham to mingle peacefully together as in the story of Isra, when Moses, Jesus, and Mohammed (peace be upon them) joined in prayer

.

طبعاً المصدر كل وكالات الأنباء وموقع البيت الأبيض...

فأيهم هاد الكلام جديد كلياً وفيه نص كاسة مليان فينا نتطلع عليه ونشتغل عليه ونطلع فيه خطوة خطوة.. بس برجع بقلك بدو شرفا يشتغلو عليه..
وبرجع بقول أكيد مانك متأمل يجي رئيس لأميركا وبوضع لسا العلاقات فيه مادخلت مرحلة استراتيجية انو يقلك من أول يوم القدس عاصمة إسرائيل وبدي اتدخل عسكرياً لطلع إسرائيل...

اعتذر عن اتهامي بعدم الدقة لشوف

[VivaSyria]

كاتب النص الأصلي : sona78

بشكرك كتير ع الرد التحليلي .. يعني ما عرفت شو بدي قلك للصراحة

ببساطة فيكي تقوليلي معك حق

بس يمكن لسا ما اتعودت انو لما حدا يصفق فورا ارقص .....

خليكي ماعم ترقصي في مين عم يرقص من 80 سنة "إسرائيل" ومبسوطين على عدم رقصنا وعم يستغلو هالموقف الذكي من قبل العربان...

بس ياريت ماتنطري كتير لأنو بعد 8 سنين على أبعد تقدير إذا عرضنا عليون نرقص معون ماعد نلاقي مين يستقبلنا متل ما كان الوضع السابق.. بيكونوا زبطو حالون وزبطوا رقصاتون مع ناس غيرنا وأكيد ما حيكون رقص الأخرين لمصالحنا...

بدي اعرف اكتر عن سبب التصفيق وعن توقيتو كمان

أحسن ما تشغلي حالك بالتوقيت الشيطاني الأسود لهالتصفيق شو رأيك تشغلي بالك بطريقة استغلالو وتسخيرو لمصلحة بلادنا وقضايانا؟؟ ولا بدنا نبقى مضوعين الهدف دايماً؟؟


بتعرفي عن جد أنا اتفاجئت لطريقة حكيك بأول مشاركة يلي طلعتيني فيها سكران لأني طالبت بإنو ما نضوع الفرص متل العادة ونقعد نلطم ونشجد...


بكل الأحوال ببقى بحترمك وبحترم أرائك

[sona78]

بتعرفي عن جد أنا اتفاجئت لطريقة حكيك بأول مشاركة يلي طلعتيني فيها سكران لأني طالبت بإنو ما نضوع الفرص متل العادة ونقعد نلطم ونشجد...

وانت فاجاتني انو من اول خطاب يطلع معك هالتفاؤل وهالراي (وانو .. بيكون ردك بهالطريقة يلي بتعطي عكس رايك يلي كتبتو عني )