سوريا الله حاميها.............. و من الفيروسات منجيها.......... و على الأوبئة مقويها

[kosayka2]

كاتب النص الأصلي : المحارب العتيق

على فكرة سمعت من شخص ذو اطلاع وسمعة حسنة . أنو في 7 حالات بدمشق . موجودين بمشفى المجتهد ومشفى المواساة ومشفى تالت . ومحاطين بسرية تامة . والله أعلم

العمى هدول راحت عليهم

يعني لو راحو فيها أقتصادية بيكون أحسن

و قال سووا لقاء مع وزير الصحة و قالولو بدنا منك بشفافية هل يوجد اي حالة من المرض

فقال بكل شفافيه
.......................................... لا

[kosayka2]

كاتب النص الأصلي : yass

ما بستغرب أبداً تكون صارت حالات و حتى اللي انصابو فيها مالون خبر... انو رشحة صيف لعينة و مضت

نظرياً اذا مافي مشكلة مناعية من الممكن جداً الشفاء بدون تدخّل دوائي..

و كمان دون معرفة ممكن تنتشر لتصير وباء !!!!

[kosayka2]

كاتب النص الأصلي : Huzun

أهلي هلكوني بهالقصة إنو ليش كل الدول اللي حوالينا ماصارلا شي ونحنا لا

بس مابعرف عن جد بحس إنو في تعتيم
بس كلام الناس كمان بينتشر بسرعة والقنوات الخاصة ممكن تفضح وتكشف إذا في شي!!

بالله مين بيسترجي يفضح ؟؟؟

لك ممكن يكون في تعتيم على كذا حالة

بس انو كل الدول يلي حولينا فيها المرض و نحن لا

اي شي غريب ما هيك ؟؟؟؟؟؟

[MadMax]

ما بعرف ليش ..
حاسس هالمرض تجليطة من منظمة الصحة العالمية .... لتنشيط تجارة الادوية بظل الازمة الاقتصادية العالمية

اذا بتشوفو هالرابط لأحصائيات الاصابات حول العالم

http://www.who.int/csr/disease/avian.../en/index.html


رح بتشوفو أنو ضحايا الانفلونزا العادية يللي بينصابو فيها كل البشر و تعتبر مرض كتير عادي
اكتر بكتير من ضحايا انفلونزا الخنازير

[kosayka2]

كاتب النص الأصلي : leonardo_dicabreo

هلأ أمريكا وبريطانيا صارت مو نافعه , ما علينا . . ! !

هلأ ولا واحد من المخترعين والمكتشفين الي ذكرتهم عايش بسوريا , واحد بكندا , واحد بسكوتلاندا , واخر شي بالسعوديّه , طيب يا ترى لو كانوا هدول الشلّه موجودين بسوريا , رح تقدر الحكومه السّوريّه أنّه تدعم هالشباب الواعده , وتقدر تتبناهم , وتخليهم يكملوا أختراعاتهم أو أكتشافاتهم بكامل الحريّه و الأريحيّه . . .

شغله تانيه أو (مشكله تانيه) :

انّه أغلب المكتشفين والمخترعين العرب عم تتبنّاهم دول وشركات أجنبيه , والأكتر من هيك أنها الدّوله بتقدم الجنسيّه للشخص هاد , لأنهم بحاجة لهيك شخص مفكّر , غير الّي عندهم كمان , وطبعاً بنسّوه بلده وأهله كمان من الأغراءات والمصاري الي متل الشّتى . . .

فللأسف ما إستفدنا شي , بكرا بيحكوا عنّه "مخترع بريطاني , أمريكي , وهلمّ جرا" . . !

مو مختلفين

بس شو منشان الأنفلونزا ؟؟؟؟؟؟؟

من الصنف السوري يلي بيكسر الدني ؟؟؟؟؟

[yass]

كاتب النص الأصلي : kosayka2

و كمان دون معرفة ممكن تنتشر لتصير وباء !!!!

ما هي الآن وباء على مستوى عالمي! لكن وباء لا يعني انو مميت...

بطبيعة الحال أنا ما عم دافع عن وزارة الصحّة ,و لو انو بمجالات معينة و ضمن امكانياتها ممكن تكون أكثر الوزارات كفاءة... الواحد يقول الحق يعني

بما يخص الإنفلونزا المكسيكية (أو شو ما كان الاسم المستخدم).. شخصياً انا بعد للمليون قبل ما أكذّب وزير الصحة.. لأنو ببساطة مالو مصلحة يكذب, يجوز فعلاً ما صار في حالات... أو الحالات ما وصلت للمشفى (و هاد أمر مو بايدو وزير الصحة بأي دولة كانت.. هو مافينو يراقب ملايين الأشخاص).

بخصوص أجهزة الكشف و كل هالقصص هاي.. يعني بصراحة دول متطورة جداً ما استخدمتها, و اذا بدكون رأي شبه اختصاصي (رأيي يعني) هاي الحركات ليست إلا عبارة عن placebo مشان انو ليكو عم نراقب (و تستخدم بكثرة في بعض المجتمعات المعروفة بنزعتها نحو الاستنفار)..

جهاز الكشف عبارة عن سكانر حراري, يقيس حرارة اللي عم يمر أمامو بسلّم ألوان.. طيب بلكي اللي داخل لساتو بالمرحلة I من الإصابة و لسى ما ارتفعت حرارتو؟ هاد مرق و ما حسينا عليه.. فانو اذا مافي اجهزة هاد ما بزعل عليه...

بعرف بشكل وثيق انو وزارة الصحة عندا مخزون من المضادات الفيروسية يكفي للتصدّي لهجمة مرضية عنيفة جداً بالبلاد, و الوزارة عم تطبّق بروتوكولات منظمة الصحة العالمية.. انو في دول معيّنة يحبو حركات الاستعراض (كوريا الشمالية, اليابان... الخ) و عاملين شغل أفلام هاد حكي تاني.. و كل هالحركات و ليكو صار عندون حالات...


يا زلمة بعدين 90% من الأمور الإدارية السورية ماشية "بقدرة قادر"... فلا تدقق

[zen]

هلق الدوا اللي عملتوا ألفا هو التامي قلو
وهوي نفسو دوا أنفلونزا الطيور وهي حل مفيد لأنفلونزا الخنازير اذا اعطي بين ال 12 و ال24 ساعة
ومشان الاجراءات بالمطار وع المنافذ الحدودية متوفر أجهزة حراية متل اللي بكل العالم والمراقبة شديدة جدا
وحتى انو اشتبهوا بحالات وبعدين ما طلعت أنفلونزا خنازير
انا بظن انو ما عنا حالات
وانشالله يطلع الظن بمحلو

[kosayka2]

كاتب النص الأصلي : yass

بما يخص الإنفلونزا المكسيكية (أو شو ما كان الاسم المستخدم).. شخصياً انا بعد للمليون قبل ما أكذّب وزير الصحة.. لأنو ببساطة مالو مصلحة يكذب, يجوز فعلاً ما صار في حالات... أو الحالات ما وصلت للمشفى (و هاد أمر مو بايدو وزير الصحة بأي دولة كانت.. هو مافينو يراقب ملايين الأشخاص).

تمام انا معك بفكرة وزارة الصحة و مصداقيتها و الحمدلله الوضع الصحي عنا فينا نقول انو جيد و ما بخوف

بس الفكرة انو اسمعنا كتير انو في حالات صارت عنا مصابة بأنفلونزا الطيور بس ما أنكشفت هلق الحكي أكيد انا بقلك انو ما بعرف لانو هو عبارة عن حكي ممكن يتبهر
بس الفكرة انو لإذا كان في حالة أو حالتين من المرض عنا فعم يتم التعتيم عليهم من شان البرهان أنو كل الأجائيات يلي عم تتخذها الوزارة جيدة و عم تعطي نتائج مطمئنة من جهة
و من جهة تانية مو من مصلحة الوزارة أنو تكشف عن أي حالة لانو رح تسبب حالة كبيرة من الهلع و الخوف الشعبي
و رح تتطر الوزارة لتفوت بفوتات هي مالها فيها أو بالأحرى مانها خرج تفوت بنقد الشعب و الصحافة

و منشان هيك فسياسة التعتيم و الحد المبكر أو الوقاية بحجز المصاب هي أفضل من الأعلان

كاتب النص الأصلي : yass

يا زلمة بعدين 90% من الأمور الإدارية السورية ماشية "بقدرة قادر"... فلا تدقق

[/quote]

ليش بس 90 % قوي قلبك و قول 110%

تحياتي إلك

[kosayka2]

كاتب النص الأصلي : MadMax

ما بعرف ليش ..
حاسس هالمرض تجليطة من منظمة الصحة العالمية .... لتنشيط تجارة الادوية بظل الازمة الاقتصادية العالمية

اذا بتشوفو هالرابط لأحصائيات الاصابات حول العالم

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

رح بتشوفو أنو ضحايا الانفلونزا العادية يللي بينصابو فيها كل البشر و تعتبر مرض كتير عادي
اكتر بكتير من ضحايا انفلونزا الخنازير

و الله يا معلم صار كلشي ممكن

يعني فعلا ممكن يكون تضخيم للقصة

بس الفكرة انو فيروس جديد و عم يتسلى بهالشعب

منشان هيك لازم تصيرلو شي ضجة اعلانية
لان الألبوم الاول تبعو يلي كان تبع الطيور
لك اي سوا ضربة بالسوق و طل الناس سمعت أخبارو

فعني هلق نزل البوم تاني بأسم الخنازير

و شكلو ضارب منيح و المبيعات عم تزيد

بس شو ممكن يكون عنوان الالبوم التالت

[kosayka2]

كاتب النص الأصلي : zen

هلق الدوا اللي عملتوا ألفا هو التامي قلو
وهوي نفسو دوا أنفلونزا الطيور وهي حل مفيد لأنفلونزا الخنازير اذا اعطي بين ال 12 و ال24 ساعة
ومشان الاجراءات بالمطار وع المنافذ الحدودية متوفر أجهزة حراية متل اللي بكل العالم والمراقبة شديدة جدا
وحتى انو اشتبهوا بحالات وبعدين ما طلعت أنفلونزا خنازير
انا بظن انو ما عنا حالات
وانشالله يطلع الظن بمحلو

هاد هو الشي يلي بدنا ياه فعلا

انو انشالله عنجد نكون بخير

أحلى زينو

[yass]

تمام انا معك بفكرة وزارة الصحة و مصداقيتها و الحمدلله الوضع الصحي عنا فينا نقول انو جيد و ما بخوف

بس الفكرة انو اسمعنا كتير انو في حالات صارت عنا مصابة بأنفلونزا الطيور بس ما أنكشفت هلق الحكي أكيد انا بقلك انو ما بعرف لانو هو عبارة عن حكي ممكن يتبهر
بس الفكرة انو لإذا كان في حالة أو حالتين من المرض عنا فعم يتم التعتيم عليهم من شان البرهان أنو كل الأجائيات يلي عم تتخذها الوزارة جيدة و عم تعطي نتائج مطمئنة من جهة
و من جهة تانية مو من مصلحة الوزارة أنو تكشف عن أي حالة لانو رح تسبب حالة كبيرة من الهلع و الخوف الشعبي
و رح تتطر الوزارة لتفوت بفوتات هي مالها فيها أو بالأحرى مانها خرج تفوت بنقد الشعب و الصحافة

و منشان هيك فسياسة التعتيم و الحد المبكر أو الوقاية بحجز المصاب هي أفضل من الأعلان

لعلّ وزارة الصحة هي الوزارة الأكثر (تكنوقراطيّة) في سوريا, كل ما هو خارج الشؤون الإدارية و الاقتصادية, و حتى مو كل الشؤون الإدارية هي بإيد أطباء... و الطبيب بيحرّك عادة ضمن بروتوكولات...

لو في حالات, الطبيعي انو تنحكى... لسبب بسيط, انو اذا عندك حالة حالتين تلاتة... شو ما كان الرقم, من الأفضل لألك و لمصداقيتك المهنية مش السياسية انو تحكيهون و بوضوح, من وين اجو (و الله عنا تلاتة قرايب اجاهون ابن عمهون من أميركا و قعد عندون بالبيت اسبوعين, أو عنا طالب جاي من مدري وين, أو كذا و كذا).. لأنو لو عتّمت و عرفو الناس انو في حالات, راح تنضرب مصداقيتك.. و انت بين كل الناس (كمسؤول بالقطاع الصحي) ما يجوز مصداقيتك تنضرب لأنو بلحظة من اللحظات ممكن تطلب من الناس يتحرّكو باتجاه معيّن و لازم يكون الك عندون المصداقية الكافية لحتى يصدقوك.

بخصوص شو البروتوكول المطلوب الآن من منظمة الصحة العالمية: المنظمة طلبت من الدول الأعضاء انو الاجراءات ما تأثر على تنقّلية الأشخاص, و بالتالي ما فيك تعزل بدون سبب واضح جداً... و الاستمارة اللي عملوها لما بدأت القصة بالنسبة للقادمين من الدول "الحرجة" هي نفس الاستمارة اللي استخدموها بالاتحاد الأوربي... و أنا شايفها بعيني (فحص حرارة, و مجموعة اسئلة حول صحة الشخص بآخر اسبوعين) و بدك تعتمد ع ذكاء الأشخاص و حسن نيتهون.. ما حدا احتمال يكون مصاب بهالمرض راح يكذب عليك.. لمصلحتو الشخصية البحتة!

أما الاشاعات... فوالله يا صاحبي (و بدون رغبة في الانتقاص انما فقط للتوصيف) مافيك تلاحقهون و لا فيك تعمل شي تجاههون, بالزمانات عنا بالبلد حاولو يخطفو ابن تاجر دخان مهرّب جماعة الهون عندو مصاري... و يا لطيف خلال الشهور التالية طلع في بالبلد عصابة خطف, و لو تجمع عدد القصص و الحالات اللي سمعتها يطلع معك انو كل أطفال هالبلد انخطفو...

بدها طولة بال... و انشالله تمضي القصة على خير, خصوصي انو نحنا هلأ بالصيف, و خلال شهور عديدة راح يكون في جو حار, و هاد شي ممتاز لأنو الجو الحار بيقلل من شراسة فيروس الانفلونزا... لبين ما تركد الأمور تماماً

[yass]

نظرية المؤامرة بخصوص انفلونزا الخنازير بعتقد انها تسقط بثقلها الذاتي... لأنو صح الانفلونزا العادية أكثر انتشاراً و أيضاً تسبب وفيات, و لكن بعتقد انو اجراءات منظمة الصحة العالمية (اللي هي بالنسبة الي المنظمة العالمية الوحيدة اللي بعطيها مصداقية 10000 %) كانت ممتازة جداً.. و اذا القصة ما تطورت فهي بفضل الاجراءات اللي قدرت تقص المتوالية الهندسية من بداياتا... قبل ما القصة تتحوّل إلى شوربة... كحالة الأوبئة الأخرى

[kosayka2]

كاتب النص الأصلي : yass

لعلّ وزارة الصحة هي الوزارة الأكثر (تكنوقراطيّة) في سوريا, كل ما هو خارج الشؤون الإدارية و الاقتصادية, و حتى مو كل الشؤون الإدارية هي بإيد أطباء... و الطبيب بيحرّك عادة ضمن بروتوكولات...

لو في حالات, الطبيعي انو تنحكى... لسبب بسيط, انو اذا عندك حالة حالتين تلاتة... شو ما كان الرقم, من الأفضل لألك و لمصداقيتك المهنية مش السياسية انو تحكيهون و بوضوح, من وين اجو (و الله عنا تلاتة قرايب اجاهون ابن عمهون من أميركا و قعد عندون بالبيت اسبوعين, أو عنا طالب جاي من مدري وين, أو كذا و كذا).. لأنو لو عتّمت و عرفو الناس انو في حالات, راح تنضرب مصداقيتك.. و انت بين كل الناس (كمسؤول بالقطاع الصحي) ما يجوز مصداقيتك تنضرب لأنو بلحظة من اللحظات ممكن تطلب من الناس يتحرّكو باتجاه معيّن و لازم يكون الك عندون المصداقية الكافية لحتى يصدقوك.

بخصوص شو البروتوكول المطلوب الآن من منظمة الصحة العالمية: المنظمة طلبت من الدول الأعضاء انو الاجراءات ما تأثر على تنقّلية الأشخاص, و بالتالي ما فيك تعزل بدون سبب واضح جداً... و الاستمارة اللي عملوها لما بدأت القصة بالنسبة للقادمين من الدول "الحرجة" هي نفس الاستمارة اللي استخدموها بالاتحاد الأوربي... و أنا شايفها بعيني (فحص حرارة, و مجموعة اسئلة حول صحة الشخص بآخر اسبوعين) و بدك تعتمد ع ذكاء الأشخاص و حسن نيتهون.. ما حدا احتمال يكون مصاب بهالمرض راح يكذب عليك.. لمصلحتو الشخصية البحتة!

أما الاشاعات... فوالله يا صاحبي (و بدون رغبة في الانتقاص انما فقط للتوصيف) مافيك تلاحقهون و لا فيك تعمل شي تجاههون, بالزمانات عنا بالبلد حاولو يخطفو ابن تاجر دخان مهرّب جماعة الهون عندو مصاري... و يا لطيف خلال الشهور التالية طلع في بالبلد عصابة خطف, و لو تجمع عدد القصص و الحالات اللي سمعتها يطلع معك انو كل أطفال هالبلد انخطفو...

بدها طولة بال... و انشالله تمضي القصة على خير, خصوصي انو نحنا هلأ بالصيف, و خلال شهور عديدة راح يكون في جو حار, و هاد شي ممتاز لأنو الجو الحار بيقلل من شراسة فيروس الانفلونزا... لبين ما تركد الأمور تماماً

هلق شوف انو هاد الشي هو فعلا يلي بدنا ياه
انو نحن نكون معافيين ما عنا و لا أي حالة و نكون بخير

بس كمان ما فينا نضع كل ثقتنا بالوزارة لما تقول انو ما في حالة موجودة عنا

و كل الدول المحيطة انتشر فيها الوباء

يعني صح نحن ما شفنا أو ما في اي حالة عنا بس هاد لا يعني أو أكيد ما في عنا أي حالة

و بالنسبة للمصداقية انا برأي أنو لما تقول وزارة الصحة بشكل علني أنو نحن قدرنا أنو نحمي سوريا من الوباء بكون موقفها أقوى بكتير من لما تقول أنو في عنا كذا حالة
بغض النظر عن الشي الصحيح انو في أو ما في
لان ممكن أنو الوزارة تلاقي حالة فتسعى لمالجتها و عزلها صحيا عن العالم للمدراة من جهة و للحماية من جهة أخرى
يعني وجود حالة عنا لا يعني أنتشار وباء و بالتالي عدم الأعلان عنو و مداراته بالطرق الصحيحة بيكون أفضل من نشر حالة من الرعب الجماهيرة يلي ممكن يكون مالها داعي

[yass]

و بالنسبة للمصداقية انا برأي أنو لما تقول وزارة الصحة بشكل علني أنو نحن قدرنا أنو نحمي سوريا من الوباء بكون موقفها أقوى بكتير من لما تقول أنو في عنا كذا حالة

يا صديقي القصة مانا مزايدة مع الدول التانية, بعد ما الفيروس وصل لكذا دولة بالعالم ما بعتقد في حدا يعتب اذا وصل لسوريا...


مبدئياً و حتى يكون في معطيات تثبت العكس, أنا بوثق بحكي وزارة الصحة... لأنو ماني مستفيد من العكس, انو حتى لو عم يكذبو (و هاد شي بستبعدو).. أنا شو مستفيد؟

بما يخص الدول المجاورة... ما فينا نقول انو صار في وباء لأنو بكل الدول المجاورة و المحيطة ما وصل فيها عدد الحالات المؤكدة إلى 30 حالة-بكل دولة على حدا- (و أغلبهون ما وصل العشر حالات) فهاي حالات تؤخذ إبيديميولوجيّاًَ (علم الأوبئة) على إنها حالات هامشية متعلّقة على الأغلب بعلاقة مباشرة من منابع المرض, يعني واحد كان هنيك و اجا مريض, أو اجا و عمل عدوى لأحد أقرباؤو...

كنت متوقع بلبنان يكون في أكتر بسبب كبر الجالية اللبنانية بالمكسيك, و بلبنان في 12 حالة فقط... فما فينا نحكي علمياً عن وباء بالمنطقة, انما نحنا متل كل هالدول بالعالم.. بحكم العولمة معرّضين يفوتو علينا حالات

أما بخصوص مسألة الثقة... يعني هلأ شو منكسب من انو ما نوثق بالإدارة الصحية؟ برأيي ولا شي.. في إرشادات صحّية للأفراد بخصوص تجنّب انتقال العدوى و هيك.. و على اعتبار ماني مقيم بالبلد مافيني قيّم اذا هالإرشادات تم نشرها بشكل صحيح... بس مصادر المعلومات موجودة, و اللي حب يعرف شو لازم يعمل عرف! الإدارة الصحية وثّقت لمنظمة الصحة العالمية انو عندا ما يكفي مخزون من المضادات الفيروسية يكفي عدوى كبيرة جداً (ضمن احصائيات محددة) و هاد شي ممتاز, أكتر من هيك مجرد اجتهادات مش أكتر

أنا عايش باسبانيا و صار عنا هون فوق الميتين و شوي حالة (ما بعرف الرقم بالضبط بس فوق الميتين و خمسين).. و صدقني ما انقلبت الدنيا, و لا صار شي.... حياة طبيعية حتى بالمشافي, دون أي اضطرابات

[yass]

رابط مفيد حول الانفلونزا المكسيكية في منطقة شرق المتوسط:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[zen]

كمان عنا مثال حي
انفلونزا الطيور ما فاتت ع سوريا

[باشق مجروح]

يا حبيبي و الي معو شوية رشح بكرة بالمطار بيعملولو قصة ؟!!

[whiterose]

كاتب النص الأصلي : المحارب العتيق

على فكرة سمعت من شخص ذو اطلاع وسمعة حسنة . أنو في 7 حالات بدمشق . موجودين بمشفى المجتهد ومشفى المواساة ومشفى تالت . ومحاطين بسرية تامة . والله أعلم

وحياتك إشاعة

لو في هيك شي كانو اعلنو حتى تحتاط كل الجهات وتقدر تحصل على الادوية من الخارج

هاد الشاطرين فيه بكرى بعد كام يوم بيقلولك هال7 صارو 20 والله اعلم