سوريا الله حاميها.............. و من الفيروسات منجيها.......... و على الأوبئة مقويها

[yass]

لا حول الله يا رب...

لك عيني عن جد انت بتقرا المواضيع اللي بتشارك فيها؟

شو دخل الحكي اللي جايبو باللي عم نحكي فيه؟ لك أي مزبوط الفيروس هاد نتج عن تزاوج 3 أنواع من الفيروسات داخل خنزير و منها انتقل إلى الإنسان, و من إنسان إلى إنسان, بس النوع الفيروسي هاد عم ينتقل بين البشر, مابيأثر اذا عندك خنازير بمنطقتك لما لأ.. انشالله يكون أصلو من الديناصور... ما عاد مهم هالشي, خلص صار مرض بشري ينتقل من إنسان إلى إنسان آخر

متلو متل الإيدز, كان مرض خاص بإحدى فصائل القرود, و منها تحوّر الفيروس و بشكل ما انتقل إلى إنسان, و من إنسان إلى إنسان... خلص صار مرض بشري, و هداك نفس الشي..

هالحكي مالو علاقة و لا يعني أبداً انو بلد ما فيو خنازير يعني هالبلد ما رح ينصاب أو راح ينصاب أقل, لأنو الوباء عم ينتقل بين البشر الآن....

أما الحكي المنقوص الخاص بانو و الله هالآفة صارت لأنو في مين عم يربي خنازير, فهالحكي علمياً مهزلة, و لا يأتي إلا لرغبة من بعض الدجّالين بالتأثير على رأي العوام و تحريك شعورون الديني, لأنو في مئات الأنواع الفيروسية اللي تنتقل من حيوان لبشر, من البقر من الخرفان من الطيور ... الخ الخ, و هالشي لا يعني انو لازم ننهي كل هالفصائل هدول مشان ما يعدونا...

[yass]

عنا بسوريا في مختبرات وتجهيزات منتشرة بكل البلد بتقدر تكشف هلأمراض والأوبئة هي ؟

ما بعرف اذا بكل البلد بس أكيد على الأقل بالمدن اللي فيها كلّيات طب لازم يكون في مخبر ميكروبيولوجيا عندو امكانياتها..

بسوريا اذا في 3 مختبرات من هالنوع بعتقد بيكفي... و بتوقّع انو موجودين

[..Jimy]

الفايروس ما دخل سوريا..توقف عالحدود لأن لسا ماطلع قرار رئاسي بيخولو يدخل..

[zen]

انو انت جايب دليل ع حكي او حكيك

كاتب النص الأصلي : wile

معلم هادا دليل من موقع السي إن إن على أن إنفلونزا الخنازير نشأت في الخنازير وتكونت فيها ثم إنتشرت إلى العالم









وهادا الرابط للتأكد

كاتب النص الأصلي : wile

http://arabic.cnn.com/2009/scitech/4..._qa/index.html


وهادا مقال جميل لاقيته في أحد المواقع بس رح تقولولي مانو موثوق مشان هيك ما رح حط الرابط

[i m sam]

جهاز الكشف عبارة عن سكانر حراري, يقيس حرارة اللي عم يمر أمامو بسلّم ألوان.. طيب بلكي اللي داخل لساتو بالمرحلة I من الإصابة و لسى ما ارتفعت حرارتو؟ هاد مرق و ما حسينا عليه.. فانو اذا مافي اجهزة هاد ما بزعل عليه...

هاد فعلا هو الاجراء يلي عم يعملوه على جميع المداخل الحدودية بيقيسو الحرارة اذا في ارتفاع بيعملو باقي فحوصات ... " عم احكي عن الحدود البرية ما بعرف بالمطار"
بالنسبة لسياسة التعتيم . بغض النظر انو هي سيئة او جيدة ... بس بنظري كشعب عنا وحياة ربك لو يدروا انو صار في اصابات لحتى يتقاتلو على المواد التموينية ويخزنو وكل واحد يسكر على أهلو باب بيتو وبتجمد البلد شي شهرين زمان ما بتلاقي زلمة بالشارع " اي ما بتتذكر شو صار يوم كسوف الشمس".
شعب على كيفك بدو شغلة تشغلو بس .
من ناحية تانية وكوننا بلدان عالم تالت فانو اي خبر عن اصابات رح تضرب الموسم السياحي , وانا عم احكي عن السياح الغربيين مو العرب .
هلق برجع بقول انا ما عم دافع عن التعتيم وما بعرف ولا سمعت عن اصابات. وبتوقع لانو الانفلونزا عنا دواها عند الصيدلي مو عند الدكتور فأكيد ما رح تبين الاصابات عند اهل الاختصاص او عند الدولة .

[kosayka2]

كاتب النص الأصلي : باشق مجروح

يا حبيبي و الي معو شوية رشح بكرة بالمطار بيعملولو قصة ؟!!

منشان هيك بدك تنتبه على حالك حبيب

[kosayka2]

كاتب النص الأصلي : whiterose

والسارس كمان

فعلا انو شو مشان سوريا الله حاميها

لك اي كل امة الله ما طلعلها معنا

فشقفة فيروس بدو بطلعلو معنا ؟؟؟؟؟

[kosayka2]

كاتب النص الأصلي : Abu ToNi

سؤال قبل ما نفكر على التعتيم الحكومي من عدمه
( ولا تواخذونا اذا مكرر هلسؤال لأن بصراحة لسع ما قريت الا كام رد من الأولانيات )

لو فعلا في انلفلوزنا ( طيرو - خنازير - جني أزرق )
عنا بسوريا في مختبرات وتجهيزات منتشرة بكل البلد بتقدر تكشف هلأمراض والأوبئة هي ؟

هاد السؤال بدك تحولو لوزارة الصحة

و تشوف شو هي الأجراءات يلي سوتها لمنع الفيروس

و الوقاية كيف تمت

و على الأغلب شي بيخجل

[kosayka2]

كاتب النص الأصلي : abo aljoud

هلاء بما انو دول المغرب العربي ماعندون هالفيروس يعني لسا ما ضرب بكل المناطق وهالشي بخلينا نعتقد انو احتمال ما يكون بسوريا ولا اصابة . ويارب الله يحمي سوريا اكتر واكتر.

لك يا أخي انا شو بدي بالمغرب

لك إذا كل الدول يلي حولينا أنصابت

شو نحن على راسنا ريشة ؟؟؟؟؟

و لا يمكن انت عم تحكي عن الروابط القومية و وحدة المصير و وحدة الالم و الامل؟؟؟؟؟

[kosayka2]

كاتب النص الأصلي : Abu ToNi

طب سؤال
كيف وصلت انفلوانزا الطيور لتركيا ونطت من فوقنا للإردن واسرائيل ولبنان وعكفت من جنبا للعراق بدون ما توصل لعنا ؟
بدك تقنعني انه عنا التجهيزات الأقوى بالعالم لحتى ما وصل لعنا بالوقت اللي دول العالم الأول ما قدرت تقاومه ؟

مو كأنه تفسير انها وصلت لعنا ونحن نايمين بالخسة وما كشفناها .. هوي الأقرب للحقيقة ؟

الله عليك

انا سويت الموضوع كلو أنطلاقا من هي الفكرة

؟؟؟؟؟؟؟؟؟؟؟؟؟؟؟؟؟؟؟؟ و يا لكثرة اشارات الأستفهام على هذه النقطة

[kosayka2]

كاتب النص الأصلي : wile

يا معلم الله يخليك لا تقفل علي

يعني إذا نحنا بناكل لحم الخنازير إجباري نربي خنازير وهيكي رح ينتقل لنا ( لعلمك مو حيالله فيوس بيحسن يعيش بحيالله كائن )

ولعلمك جنون البقر إنتشر بين البقر لأنه بعض شركات اللحوم بأمريكا طعمت بقرها لحم خواريف ميتة بسبب مرض نسيان شو إسمه

يعني كمان أكل هوا وتخبيص من عندون

وبعدين إذا مشينا معك ففيك تقلي ليش دائما بتطلع هالفيروسات من عند الغرب مو من عنا؟؟؟؟؟؟؟؟؟؟؟؟؟

و

الفيروس بشري و ليس للخنازير علاقة

يعني اياك تفكرة انو لوكان عنا خنازير ممكن ينتشر المرض

هاد حكي غلط

لان الفيروس صار بشري يعني كم مرة بدنا نعيدها

[kosayka2]

كاتب النص الأصلي : wile

إيه معلم شو بك معصب

حدا قلك إنو ما عندي مصدر لحكيي؟؟؟؟؟

مصدري برنامج وثائقي عرضته الجزيرة وح حاول دبرلك رابط بركي بتشوفو كمان
وهي

لك يا معلم
هاد ما نو محور حكينا

ليش بتحبو تغيرو المواضيع ................

الفيروس إذا كان في الخنازير لن ينتقل للأنسان

لكن هاد الفيروس تحول ليصير فيروس انساني

و صار المسؤول عن انتشاروا هو الأنسان و ليس الخنازير

يعني بشو احلفلك انو هلق الخنازير ما لها دعوى بالقصى أبدا

[kosayka2]

كاتب النص الأصلي : ..Jimy

الفايروس ما دخل سوريا..توقف عالحدود لأن لسا ماطلع قرار رئاسي بيخولو يدخل..

لا عيني ما بسمحلك تحكي هيك عن سوريا

بيكون الفيروس فات على البلد بكل تسهيلات أمنية

بس لما شاف قوانين الأستثمار عنا

لقا انو ما لو مصلحة انو يبقى هون

فطلع قبل ما ينتحر

[kosayka2]

كاتب النص الأصلي : i m sam

هاد فعلا هو الاجراء يلي عم يعملوه على جميع المداخل الحدودية بيقيسو الحرارة اذا في ارتفاع بيعملو باقي فحوصات ... " عم احكي عن الحدود البرية ما بعرف بالمطار"
بالنسبة لسياسة التعتيم . بغض النظر انو هي سيئة او جيدة ... بس بنظري كشعب عنا وحياة ربك لو يدروا انو صار في اصابات لحتى يتقاتلو على المواد التموينية ويخزنو وكل واحد يسكر على أهلو باب بيتو وبتجمد البلد شي شهرين زمان ما بتلاقي زلمة بالشارع " اي ما بتتذكر شو صار يوم كسوف الشمس".
شعب على كيفك بدو شغلة تشغلو بس .
من ناحية تانية وكوننا بلدان عالم تالت فانو اي خبر عن اصابات رح تضرب الموسم السياحي , وانا عم احكي عن السياح الغربيين مو العرب .
هلق برجع بقول انا ما عم دافع عن التعتيم وما بعرف ولا سمعت عن اصابات. وبتوقع لانو الانفلونزا عنا دواها عند الصيدلي مو عند الدكتور فأكيد ما رح تبين الاصابات عند اهل الاختصاص او عند الدولة .

منشان هيك أنا بعتقد انو حتى لو كان في حالة أو تنتين
فهاد لا يعني وباء
فالتحفظ و معالجة الموضوع بيكون أحسن

فالوزارة ما لها مصلحة تعلن عنها لان الأعلان رح يسبب حالة من الذعر الأجتماعي ما في إلها داعي

[kosayka2]

يا شباب
في سياق الوضوع و نحن عم نتناقش بموضوع الأنفلونزا تبع الطيور و تبع الخناريز
وردت لبالي فكرة

هلق بالأول منلاحظ انو انفلونزا الطيور بدأت بشرق اسيا و سببت فينا نقول نكسة أقتصادية لبعض الدول
و لكن بعد مرحلة معينة أستطاعوا السيطرة عليه

و بعد فترة وجدنا ان هناك فيروس هو أنفلونزا الخنازير بدأ بأمريكا و المكسيك و عم يسبب نكسات أقتصادية
و الأن نلاحظ أنه يدخل تحت السيطرة تقريبا

و لكن الفكرة لاحظت ان انفلونزا الخنازير كأنه رد على أنفلونزا الطيور ؟؟؟؟ و الذي كان على ما أعتقد رد على السارس

اي كأننا نعيش الأن في ظل حرب بيولوجية

و أحد الأدلة ان المرض يدعونه يصل لمرحلة معينة ثم يسيطرون عليه

فانتم ما رأيكم

[kosayka2]

كاتب النص الأصلي : zen

انو انت جايب دليل ع حكي او حكيك

[right]

أنو صحيح شو منشان الشب جاب برهان على حكينا و خجل حالو

[Abu Guzef]

مشان الاستمارة ياخي مو بس نحنا مع انو الثقة احلا شي

يعني لما بيجي الواحد معو انفلونزا ولا ما معو بيكتب انو لا والله مامعي لا انفلونزا ولامرشح لك سعلة ما عم اسعل ولا حرارة ولا شي من هذا القبيل ههه


بيزكرني بامتحان الجنسية باميركا لما يعمللولك امتحان بيقعدو يسالوك كم ولاية في باميركا ومين كان رئيس اميركا بالفترة الفلانية

بعدين احلا سؤال بيقولولك .. انت إرهابي !!

ههههه

[Abu ToNi]

كاتب النص الأصلي : yass

ما بعرف اذا بكل البلد بس أكيد على الأقل بالمدن اللي فيها كلّيات طب لازم يكون في مخبر ميكروبيولوجيا عندو امكانياتها..

بسوريا اذا في 3 مختبرات من هالنوع بعتقد بيكفي... و بتوقّع انو موجودين

انا بعترف بأنه معلوماتي الطبية صفر مكعب
يعني اول مرة بسمع بأنه الكشف على المرض بتم بشكل حراري

بس السؤال اللي قلته هوي على الأمراض والاوبئة بشكل عام مو على انلفوزنا من أيا نوع كان
بالعادة وقت بالأخبار بيعرضوا طرق الكشف عن الحالات المرضية اغلبيتا بكون عن طريق الصدفة
بكون شخص عم يشتكي من مرض ما يمكن ما اله اي علاقة بالحالة اللي تم توصيفها
بروح وبيعمل فحوصات فبيطلع معن انه مصاب بمرض من نوع جديد أو انه معدي بمرض جديد

ما عم نحكي على العلاج لأن ما فينا نطالب دولة من العالم التالت امتلاك تقنيات مفقودة بالعالم الأول
بس انه عم نسأل عن مستوى الرعاية ممكن يأمن سلامة عامة الشعب ويكشف الأمراض فور حدوثها ولا لأ ؟