دقيقة من وقتك لسوريا

[noooneh]

حملة جديدة وهامة برأيي... على فيس بوك

تابعوا الموضوع

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[khaliiiil]

شكرا على المعلوومة

[Abu ToNi]

شو رأيك تعطينا دقيقة من وقتك وتفهمنا شو القصة !

[عطر المغرب]

مش بس دقيقة من وقتنا لسوريا
بل كل وقتنا الها
تحياتي لكل السوريين
فاتي المغربية

[باشق مجروح]

هي حملة لمواجهة اغتصاب الاطفال . و توقيع عريضة لتعديل قانون العقوبات السوري ليصير يعاقب بالاعدام للجريمة البشعة بعد حادثة اغتصاب الطفلة خولة . و هالحملة موجهة برسالة للسيد رئيس الجمهورية و وزير العدل .
فهيك كل الفكرة فشارك واعطي دقيقة من وقتك لسوريا , اسم الحملة بعد عن طفلي

[..Jimy]

كيف فينا نعمل حملي لمنع عقوبة الاعدام وارسال المغتصب لمركز اعادة تأهيل نفسي..ونوجهها للسيد الرئيس و فخامة وزير العدل..


بس حلو انو في حراك سلمي مستمر بين الشباب السوري..

[zen]

انو حملة حراك سلمي مشان الاغتصاب وع الفيس بوك المحجوب عن السوريين

[Abu ToNi]

بس يمكن هلحملة بالتحديد تلاقي اهتمام من القيادات
خصوصا بأن السيد الرئيس زار البنت وأهلها وهلشي ما بيعني غير انه في اهتمام بالقضية
باقي بس ينحط خطوات منطقية ومطالب عادلة من اللي مشاركين بالحملات ويصير اقبال عليها ليمشي الحال

يعني الحملة هي بالتحديد شايف فيها أمل كبير
بقية الحملات هدفها جذب الاهتمام ولفت النظر .. هي مفتوحة العين عليها فبتصير التحركات اقوى من البقية .


الله وايدكن شبيبة

[Dndoshy]

كاتب النص الأصلي : zen

انو حملة حراك سلمي مشان الاغتصاب وع الفيس بوك المحجوب عن السوريين

الفيس بوك محجوب بسوريا..والسّيدة الأولى عندا صفحة عليه..غريب ما

[Abu ToNi]

مو شرط تكون الصفحة هي للسيدة الأولى

بدقيقتين بعملك صفحة باسم ( دندوشي ) وين المشكلة ؟

[Dndoshy]

أكيد مو شرط..
بس بعرف أنو هي الصفحة الرسميّ الها..

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

ويمكن مو الها..بس عالأغلب الها

[zen]

كاتب النص الأصلي : Dndoshy

الفيس بوك محجوب بسوريا..والسّيدة الأولى عندا صفحة عليه..غريب ما

اي الحجب لألنا

[ayhamm26]

مع اني بشوف انو اغتصاب طفل هو اكثر فظاعة من القتل نفسو, بس اذا فكرنا بالموضوع بعيدا عن العواطف لايمكن لاي نظام قضائي مهما كان مصدر تشريعو انو يحكم بالاعدام على اي جريمة جنائية ما عدا القتل المتعمد

من جهة تانية انا عندي سؤال, يا ترى لو صاحب الفكرة اللي مالقى يطبقها الا على موقع محجوب عن الشعب اللي عايش جوا , فكر يعمل حملة جمع تواقيع بين الناس بالشارع ما كانت فكرتو وصلت لعدد اكبر بكتير من الناس؟؟

[الوحش السوري]

إ سيدي إذا منعطيها كل عمرنا ما رح يصير شي

[الوحش السوري]

بس يسلمو على الموضوع

[Joe]

بظن بدولة متل سوريا بدنا نحاول نخفف من العقوبات مو نزود منها. انا مع الاخ Jimy

[Abu ToNi]

سمعنا اليوم انه بكرا الصبح الساعة 5 فجرا رح يتم تطبيق حكم الاعدام شنقا على الجناة ورح يتم تعليق الجثث بساحة عامة

قبل ما نعقب على الخبر تأكدولنا من مصداقيته

[Elephant And Castle]

كاتب النص الأصلي : Abu ToNi

سمعنا اليوم انه بكرا الصبح الساعة 5 فجرا رح يتم تطبيق حكم الاعدام شنقا على الجناة ورح يتم تعليق الجثث بساحة عامة

قبل ما نعقب على الخبر تأكدولنا من مصداقيته

ما بعرف مدى مصداقية الخبر ...بس اذا هيك بدو يصير ....بكونو ... حلّوا الجريمة ....بجريمة ابشع ..

ثانيا شو مشان تعليق جثث المعدومين ....بمكان عام ...!! ظاهرة حيوانية اقل شي ممكن ينقال عنها ..

هلئ هدون اربع شباب اغتصبو طفلة ,,بس ما قتلوها او اذوها اذية جسدية كبيرة !! ..مو هيك ? ,,يعني بيستاهلو عقوبة قاسية ...بس مو اكتر من سجن او اشغال شاقة ..

يعني سيادتو اتدخل ..راح بدل ما يكحلها عماها !!