أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 13/07/2005   #1
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي العلمانية و الايمان و الالحاد


مرحبا

بعد التخبيص يللي صار مبارح لقيت انو من الضروري بمكان انو حط شوية نقط ع شوية حروف

تعريفات:

العلمانية :
معناتا بالانكليزي Secularism و بالفرنسي Secularite و الترجمة المزبوطة هيي "اللا دينية " او " الدنيوية"
يعني ما لها علاقة بالعلم بنوب و معناتا الحئيئي يللي " لا علاقة للدين " او " ضد الدين"
و العلمانية هيي حركة اجتماعية هدفها الرئيسي عدم الاهتمام بالامور الدينية البحتة متل الآخرة و التركيز على الامور الدنيوية (يعني متل فصل الدين عن الدولة)
ما رح نفوت بتفاصيل العلمانية الجزئية و الشاملة و الفرء بينهم (باختصار ) انو الجزئية بتلغي تأثير الدين ع الاقتصاد و السياسة و القضاء ، اما الشاملة فبتلغي تأثير الدين عن كل شؤون الحياة طبعا في كتير اختلافات ع التعريف و المعنى بس هاد الاكتر واقعية و الاكتر انتشاراً)
المهم انو الشخص العلماني هوي يللي ما بيهتم بالماورائيات او الميتافيزيقيا و ما بيفسر اي ظاهرة إلا على اساس علمي
و بيرفض ارجاع القوانين للاديان
يعني مثلا لما شخص متدين (مسلم او مسيحي او يهودي ) بيزور مريض بيكون عم يدور ع اجر بالآخرة عند الله
اما العلماني بيزورو لحتى يرفع معنوياتو

الالحاد :
هو انكار وجود الخالق .... خالق الحياة و خالق الكون و خالق يللي بدك ياه
الو درجات كتير ... و فلسفات كتير .... و حتى في ديانات بتقوم على هالمبدأ
نقطة انتهى لا بيزيد الموضوع عن هيك و لا بينقص

الايمان (بوجود الله) :
هو عكس الالحاد تماماً كمان نقطة انتهى

الايمان و الالحاد :
هنين (من التعريف) شغلتين متناقضتين تماما و احدهما بيلغي الآخر
يعني الملحد مستحيل يكون مؤمن و العكس صحيح

الايمان و العلمانية :
من التعريف ما بيتناقضوا مع بعض بالضرورة
مثال 1 :
اميركا هيي اكبر دولة علمانية (من الدستور) و اكتر دولة بتحافظ ع العلمانية و بتحميها
رئيسها و سيناتوراتها بيقسموا ع الكتاب المقدس الى جانب الدستور عند استلام المنصب
على عملتها مكتوب In God We Trust (بالله نثق)

مثال 2 :
فرنسا اكتر دولة متأصلة فيها العلمانية (و منها انتشرت العلمانية كمان) هيي تاني دولة بعدد الكنائس

مثال 3 :
اينشتاين يعتبر من غلاة العلمانيين اعترف بوجود " اله " او قوة خالقة للكون (بس متل كل نظرياتو ما قدر يفسر)

مثال 4 :
الحزب السوري القومي الاجتماعي هوي من اكتر الاحزاب علمانية بسوريا و من مبادؤو " فصل الدين عن الدولة "
و مع ذلك اهم شعاراتو " كلنا مسلمون لوجه الله ، منا من اسلم لوجهه بالقرآن ، و منا من اسلم لوجهه بالانجيل و منا من اسلم لوجهه بالحكمة" (كلنا يقصد اعضاء الحزب)
و نفس الشي حزب البعث بيتهم حالو انو علماني بس متل متل كل مبادؤو و منطلقاتو ما بيعرف لا يللي اسسوا و لا اعضاؤو ليش

من الامثلة و التعاريف منلاحظ انو العلماني ممكن يكون مؤمن بدون اي تعارض

العلمانية و الالحاد :
من التعريف منلاقي انو الالحاد جزء من العلمانية لكن العكس غير صحيح

اهداء خاص للسادة الستاتيكيين و خصوصي لما بيتفاعلوا مع عاشر اوكسيد القشطة

تحياتي الدمشقية الضاربة ع بني :P

عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش ..
حش الحشائش في حشيش محشش ..
حشاش يا أخا الحشيش ..
حشش على تحشيش محششنا القديم ..
سوريا الله حاميا
jesus i trust in you
  رد مع اقتباس
قديم 13/07/2005   #2
شب و شيخ الشباب sezar
مختار
 
الصورة الرمزية لـ sezar
sezar is offline
 
نورنا ب:
Mar 2005
المطرح:
QTR
مشاركات:
5,019

افتراضي


توضيح ضروري جدا في بعض الأحيان

"أوقفوا حجب أخوية في سوريا"
-------------------
يا نبع المحبه.... عينك عَ وطنا
-------------------
فلتحيا سوريا للأبد
واكسيرها للخلود سيكون دماء محبيها ..
-------------------
ساعدنا في الاشراف... استخدم زر المشاركة العاطلة
  رد مع اقتباس
قديم 13/07/2005   #3
شب و شيخ الشباب zen
مشرف
 
الصورة الرمزية لـ zen
zen is offline
 
نورنا ب:
Mar 2005
المطرح:
جريدة الدليل والوسيلة عمدور ع شغل
مشاركات:
7,229

إرسال خطاب ICQ إلى zen إرسال خطاب AIM إلى zen إرسال خطاب MSN إلى zen إرسال خطاب Yahoo إلى zen بعات رسالي عبر Skype™ ل  zen
افتراضي


اول شي شكرا كتير على الموضوع
واذا بدي احكي عن حالي انا علماني لحد معين يعني مو علماني كامل 100%(مو صافي مغشوش)
اقتباس:
يعني مثلا لما شخص متدين (مسلم او مسيحي او يهودي ) بيزور مريض بيكون عم يدور ع اجر بالآخرة عند الله
اما العلماني بيزورو لحتى يرفع معنوياتو
هلق قصة الاجر مفرووغ منها بس نحنا وراح احكي عن دين الاسلام انو نحنا بدين الاسلام ما بقلنا انو زور مريض حتى تاخد اجر بيعلمنا انو نحنا من النسيج الاجتماعي وبيئمرنا بصلة الرحم مو مشان الاجرة مشان سلامة النسيج الاجتماعي ومشان نرفع معنويات المريض
اقتباس:
الايمان و الالحاد :
هنين (من التعريف) شغلتين متناقضتين تماما و احدهما بيلغي الآخر
يعني الملحد مستحيل يكون مؤمن و العكس صحيح
بظن انو هون في غلط لانو الملحد مؤمن كيف يعني الملحد مؤمن بفكرة الالحاد وهيك بيكون مؤمن بفكرة
والايمان موجود عند كل انسان عندوا فكرة بيحبها يعني هو مؤمن فيها
وانت بتقصد هون بالايمان بالايمان بالله
اقتباس:
و نفس الشي حزب البعث بيتهم حالو انو علماني بس متل متل كل مبادؤو و منطلقاتو ما بيعرف لا يللي اسسوا و لا اعضاؤو ليش
هلق اذا بدنا نحكي عن حزب البعث كااهداف هو حزب راقي واهدافوا حلوة
بس الضرب هون على يلي عم يحكموا باسم البعث
اقتباس:
من التعريف منلاقي انو الالحاد جزء من العلمانية لكن العكس غير صحيح
ما بظن انو الحاد بيتفق مع العلمانية بشي
لانو العلمانية مفهوم سياسي اجتماعي من ضمن اهدافوا فصل الدين عن المجتمع مو الغاء الدين وبعدين العلمانية ممكن تضم كل اطياف الناس
انا مسلم وبحب ديني ومؤمن فيه بس انا علماني بعلاقاتي
يعني انا ما بيهمني الدين بعلاقاتي
المهم يكون الانسان الي عم ابني علاقة معو انسان كويس ومحترم



وشكرا كتير على الموضوع
كركوبة :P

SYRIA

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

"حسام*عاشق من فلسطين*ناطرك"
We Ask The Syrian Government to STOP Banning Akhawia"

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 13/07/2005   #4
شب و شيخ الشباب sezar
مختار
 
الصورة الرمزية لـ sezar
sezar is offline
 
نورنا ب:
Mar 2005
المطرح:
QTR
مشاركات:
5,019

افتراضي


اقتباس:
هلق قصة الاجر مفرووغ منها بس نحنا وراح احكي عن دين الاسلام انو نحنا بدين الاسلام ما بقلنا انو زور مريض حتى تاخد اجر بيعلمنا انو نحنا من النسيج الاجتماعي وبيئمرنا بصلة الرحم مو مشان الاجرة مشان سلامة النسيج الاجتماعي ومشان نرفع معنويات المريض
هلق انت بجوز متل ما عم تحكي بس سماع هل قصة:

مرة كنت ماشي بالسيارة مع رفيقي باليل و شفنا ختيار واقف على جنب آم رفيقي وقفلو مشان يطلعو يعني انو نوصلو ( انا هون كنت رح اعمل متلو ) و المهم تعزبنا شوي لبين ما عرفنا لوين بدو يروح لأنو الزلمة هندي ما بيحكي لا عربي و لا انكليزي و نحنا جداد بالدوحة

بعد ما وصلنا للزلمة مشينا آم شو بفهم من حكي صاحبي انو كل هل شغلة و العزاب هوي عملو مشان الأجر و الثواب

و هي مو حالة خاصة
الحالة الخاصة متل يلي انت قلتو يا زين يعني انو تساوي الخير لأجل الخير هي الحالة الخاصة للأسف طبعا

اقتباس:
هلق اذا بدنا نحكي عن حزب البعث كااهداف هو حزب راقي واهدافوا حلوة
بس الضرب هون على يلي عم يحكموا باسم البعث
اي مظبوط حزب البعث حزب أفلاطوني و مثالي جدا بأفكارو و بدو نخبة من البشر لحتى يقودو
  رد مع اقتباس
قديم 13/07/2005   #5
شب و شيخ الشباب zen
مشرف
 
الصورة الرمزية لـ zen
zen is offline
 
نورنا ب:
Mar 2005
المطرح:
جريدة الدليل والوسيلة عمدور ع شغل
مشاركات:
7,229

إرسال خطاب ICQ إلى zen إرسال خطاب AIM إلى zen إرسال خطاب MSN إلى zen إرسال خطاب Yahoo إلى zen بعات رسالي عبر Skype™ ل  zen
افتراضي


اقتباس:
هلق انت بجوز متل ما عم تحكي بس سماع هل قصة:

مرة كنت ماشي بالسيارة مع رفيقي باليل و شفنا ختيار واقف على جنب آم رفيقي وقفلو مشان يطلعو يعني انو نوصلو ( انا هون كنت رح اعمل متلو ) و المهم تعزبنا شوي لبين ما عرفنا لوين بدو يروح لأنو الزلمة هندي ما بيحكي لا عربي و لا انكليزي و نحنا جداد بالدوحة

بعد ما وصلنا للزلمة مشينا آم شو بفهم من حكي صاحبي انو كل هل شغلة و العزاب هوي عملو مشان الأجر و الثواب
بيجوز كتير بتتعامل بهالطريقة
بسي الاسلام ما قال عميل خير بس مشان تاخد الاجر فهمتني
بعدين ما فينا نعمم وبيجوز في حالات كتير من الي عم تحكي عنها بس كمان في حالات كتيرة بالعكس
  رد مع اقتباس
قديم 13/07/2005   #6
شب و شيخ الشباب s1_daoud
عضو
-- زعيـــــــم --
 
الصورة الرمزية لـ s1_daoud
s1_daoud is offline
 
نورنا ب:
Apr 2005
المطرح:
USA
مشاركات:
1,231

افتراضي


مشكور
باالفعل توضيح مهم

Nothing Else Matters

عندما قرر ادم اكل التفاحة لم يكتفي بقضمها بل اكلها كلها ربما كان يعرف انه ليس هناك فرق بين انصاف خطايا وخطايا

jesus i trust in you
  رد مع اقتباس
قديم 13/07/2005   #7
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


اول الشي الايمان يللي عم احكي عنو هوي الايمان بوجود الله تحديداً مو غيرو
و اكيد الملحد ما بيآمن بوجود الله
يعني كيف بيآمن بوجود الله و بينكر وجودو بنفس الوأت ؟؟؟

تاني شي بيجوز المثال مو كتير زابط بس قصدي انو بعض المؤمنين بيرجعوا اسباب قيامهم بالخير لفكرة الثواب الرباني بينما العلماني بيفكر فيها من منطلق تاني

و موضوع سلامة النسيج الاجتماعي هيي يللي بتخليني قول انو ممكن الواحد يكون مؤمن (بالله) و علماني بنفس الوأت

هلأ العلمانية هيي حركة اجتماعية ... و العلماني بينتمي لهي الحركة (مشان هيك حطيت احزاب بالامثلة)
هدف العلمانية هوي وضع القوانين تبع البلد (اي بلد) و خصوصي القوانين السياسية و الاقتصادية ع اسس بعيدة عن الشرائع الدينية

العلمانية هيي جملة مواقف سياسية و اقتصادية بيتخذها الانسان بوأتها

على سبيل المثال :
بالتأكيد الاصوليين و كل انسان بيطالب بتطبق الشريعة الاسلامية (او اليهودية لأنو المسيحية ما فيها شريعة دينية ) ما ممكن يكون
  رد مع اقتباس
قديم 13/07/2005   #8
شب و شيخ الشباب Danito
مشرف متقاعد
 
الصورة الرمزية لـ Danito
Danito is offline
 
نورنا ب:
Apr 2005
المطرح:
The Bridge Tonowhere
مشاركات:
877

افتراضي Re: العلمانية و الايمان و الالحاد


أحلى krimbow
توضيحك ممتاز بهالشغلة:
الزعيم أنطوان سعادة "الله" يرحمه لما قال هي المقولة :

اقتباس:
كاتب النص الأصلي : krimbow
" كلنا مسلمون لوجه الله ، منا من اسلم لوجهه بالقرآن ، و منا من اسلم لوجهه بالانجيل و منا من اسلم لوجهه بالحكمة" (كلنا يقصد اعضاء الحزب)
:P
كانت بدايتها : أيها السوريون .. مو يا أيها القوميون السوريون.. و كمالة القول كانت احذروا التآويل الدينية العمياء.. و الكمالة سامحونا فيها من شان أبو السيم...

و بالنسبة للحوار بين الشباب على فعل الخير من بدافع الناموس الإنساني ولا بدافع الثواب بيعبجبني قول للإمام علي لما بيوصف هدول جماعة الأجر و الثواب "عبادة التجار" و المعروف أنو سوريا تشتهر بالتجارة من قدم التاريخ .. يعني معباية تجار :P

تحيا سوريا!

الحرية لسوريا و السوريين

I'm going to buy this place and start a fire
Stand here until I fill all your heart's desires
Because I'm going to buy this place and see it burn
Do back the things it did to you in return
  رد مع اقتباس
قديم 14/07/2005   #9
شب و شيخ الشباب أبو النسيم
عضو
-- قبضاي --
 
الصورة الرمزية لـ أبو النسيم
أبو النسيم is offline
 
نورنا ب:
May 2005
المطرح:
damascus-syria
مشاركات:
973

إرسال خطاب MSN إلى أبو النسيم إرسال خطاب Yahoo إلى أبو النسيم
افتراضي


اقتباس:
الايمان (بوجود الله) :
هو عكس الالحاد تماماً كمان نقطة انتهى
أنا هون مو معك
تعريف الأيمان المزبوط

هو أجبار الأنسان على تصديق أمور و حوادث وأفكار لايمكن أن يصدقها عقل

هؤلاء لا يزالون خلف القضبان (سجناء رأي)

الحرية لحسام ملحم (عاشق من فلسطين)
الحرية لعلي العلي (To live is to die)
الحرية لطارق الغوراني ( Tarek 007)
الحرية لماهر أسبر
الحرية لأيهم صقر
الحرية لعلام فخور
الحرية لجميع سجناء الرأي و المعتقلين السياسين في سوريا

الحرية لسوريا
  رد مع اقتباس
قديم 14/07/2005   #10
شب و شيخ الشباب أبو النسيم
عضو
-- قبضاي --
 
الصورة الرمزية لـ أبو النسيم
أبو النسيم is offline
 
نورنا ب:
May 2005
المطرح:
damascus-syria
مشاركات:
973

إرسال خطاب MSN إلى أبو النسيم إرسال خطاب Yahoo إلى أبو النسيم
افتراضي


أمى التعريف المزبوط للألحاد هو

الالحاد هو عدم الاعتقاد بوجود إله (أو آلهة)

عدم الاعتقاد لا يعني بالضرورة "إنكار" وجود الآلهة.
ولكنه غالبا ما يعني أن الملحد لا يجد دليلا مقنعا على وجود الآلهة،
أي أنه يعتبر الآلهة "فرضية غير ضرورية"، بل ان احتمال صحتها غير كبير.
وآخرون يعتبرون أنه من غير الممكن (على الأقل حاليا) البرهان على وجود الآلهة أو عدمه،
فيعتبرون نفسهم "لا أدريين".
وهناك تفريعات فكرية أخرى كثيرة في هذا المجال.

عدم الاعتقاد
هذا التعريف يعني أن هذه الفكرة هي "نفي" للاعتقاد، وليست اعتقادا قائما بذاته.
والسبب هو أن "الشيء الآخر"،
وهو "الاعتقاد بوجود اله" هو توجه فكري منتشر وطاغي في عالمنا العربي.
وهذا يقتضي كل من لا يشارك في هذا التيار أن يعرّف موقعه منه.
  رد مع اقتباس
قديم 14/07/2005   #11
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


اقتباس:
تعريف الأيمان المزبوط

هو دفع الأنسان إلى تصديق أمور و حوادث وأفكار لايمكن أن يصدقها عقل
صح
بس انا وضحت أنو المقصود هو الايمان بوجود الله

غايتي من الموضوع التأكيد انو الايمان بوجود الله ما بيتعارض مع العلمانية كحركة اجتماعية
__________________________

طالما عجبتكم شغلة المصطلحات رح افتح موضوع عن المصطلحات و ياريت الكل يشارك فيه
مشان يصير عنا مكتبة كاملة للمصطلحات و هيك الكل بيستفيد

  رد مع اقتباس
قديم 13/08/2007   #12
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


لفوق يا شيخ...موضوع مهم


تحياتي لكريمبو وين ماكان

أبو مـــــــــ1984ـــــــارال
خبز,, سلم,, حرّية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 13/08/2007   #13
شب و شيخ الشباب MadMax
مشرف
 
الصورة الرمزية لـ MadMax
MadMax is offline
 
نورنا ب:
Aug 2006
المطرح:
Antaradus
مشاركات:
11,261

افتراضي


اقتباس:
كاتب النص الأصلي : yass عرض المشاركة
لفوق يا شيخ...موضوع مهم


تحياتي لكريمبو وين ماكان
بالفعل موضوع مهم ......... لأنو في ناس كتير هالايام صاروا عم يخلطوا بين التنين








كمان تحية لكريم

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 26/09/2007   #14
شب و شيخ الشباب Barleb
عضو
-- مستشــــــــــار --
 
الصورة الرمزية لـ Barleb
Barleb is offline
 
نورنا ب:
Nov 2005
مشاركات:
2,824

افتراضي


up ......

أن خدعونا مرة .. تباً لهم , أن خدعونا مرتين .. تباً لنا

Amarta <3

ܒܪܠܝܒ
  رد مع اقتباس
قديم 05/10/2008   #15
شب و شيخ الشباب stormsmaker
عضو
-- قبضاي --
 
الصورة الرمزية لـ stormsmaker
stormsmaker is offline
 
نورنا ب:
Oct 2003
المطرح:
بلاد أستغرب لماذا أعشقها
مشاركات:
433

افتراضي


و أنا كمان up و تحية لل(ما بعرف شو سميه)الحشاش

على هذه الأرض ما يستحق الحياة
الموت لا يعني لنا شيئا نكون فلا يكون
ان صرخت بكل قواك و رد عليك الصدى من هناك...فقل للهوية شكرا
ان تذكرت حرفا من اسمك و اسم بلادك كن ولدا طيبا ليقول لك الرب شكرا
بلاع يا وطن بلاع و أضيف بلاع يا أخوية بلاع
  رد مع اقتباس
قديم 06/10/2008   #16
شب و شيخ الشباب المتشائل
عضو
-- أخ لهلوب --
 
الصورة الرمزية لـ المتشائل
المتشائل is offline
 
نورنا ب:
Mar 2008
المطرح:
غزة ... جهنم الحمرا ...
مشاركات:
212

إرسال خطاب ICQ إلى المتشائل إرسال خطاب MSN إلى المتشائل
افتراضي


اقتباس:
مى التعريف المزبوط للألحاد هو

الالحاد هو عدم الاعتقاد بوجود إله (أو آلهة)

عدم الاعتقاد لا يعني بالضرورة "إنكار" وجود الآلهة.
ولكنه غالبا ما يعني أن الملحد لا يجد دليلا مقنعا على وجود الآلهة،
أي أنه يعتبر الآلهة "فرضية غير ضرورية"، بل ان احتمال صحتها غير كبير.
وآخرون يعتبرون أنه من غير الممكن (على الأقل حاليا) البرهان على وجود الآلهة أو عدمه،
فيعتبرون نفسهم "لا أدريين".
وهناك تفريعات فكرية أخرى كثيرة في هذا المجال.

عدم الاعتقاد
هذا التعريف يعني أن هذه الفكرة هي "نفي" للاعتقاد، وليست اعتقادا قائما بذاته.
والسبب هو أن "الشيء الآخر"،
وهو "الاعتقاد بوجود اله" هو توجه فكري منتشر وطاغي في عالمنا العربي.
وهذا يقتضي كل من لا يشارك في هذا التيار أن يعرّف موقعه منه.
تعريف الالحاد مو سهل لهالدرجة ... في عندك الحاد ايجابي ... وعندك الحاد سلبي ....
ياللي حضرتك تكلمت عنو هو الالحاد السلبي ... عدم الايمان بوجود آلهة
الالحاد الايجابي هو الإيمان بعدم وجود آلهة ... يعني بالمطلق ...
وفيك تحط كمان درجة اللا ادرية ...
موسهل الموضوع لهالدرجحة متل ما حكيتلك .... غير البان ثيزم ... وغيرها كمان

أخبروني يومها أن مقتل تلك الطفلة كان لحكمة إلهية لا يعلمها إلا هو ...
أي حكمة إلهية هي تلك التي تنطلي في تمزق جسدها العاري إلى تسع وتسعين جزئا ؟؟
هل أراد الرب اثبات اسماءه التسع وتسعون ؟؟؟
  رد مع اقتباس
قديم 07/10/2008   #17
شب و شيخ الشباب المتشائل
عضو
-- أخ لهلوب --
 
الصورة الرمزية لـ المتشائل
المتشائل is offline
 
نورنا ب:
Mar 2008
المطرح:
غزة ... جهنم الحمرا ...
مشاركات:
212

إرسال خطاب ICQ إلى المتشائل إرسال خطاب MSN إلى المتشائل
افتراضي


اي نسيت احكي ان ياللي بدو يستزيد بموضوع الالحاد ما عندي مشكلة اني افيدو
او انو يقرأ كتاب " وهم الاله " God Delusion

للعالم البريطاني .. ريتشارد داوكينز ... كتير حلو
  رد مع اقتباس
قديم 16/10/2008   #18
شب و شيخ الشباب El Greco
مسجّل
-- اخ طازة --
 
الصورة الرمزية لـ El Greco
El Greco is offline
 
نورنا ب:
Apr 2008
مشاركات:
9

افتراضي


بس حابب ضيف شغلة وقبل ما ضيفها حابب اشكر الاخ كريمبو على الموضوع,

انا بصراحة ضد جميع التصنيفات والتحزبات المذكورة,
الايمان بشكل عام هو عبارة عن تأطير للعقل ووضع حد لتطور الفكر, طبعا ما بقصد الايمان بالله فقط وانما الايمان باي شي لدرجة التطرف, وغالبا اي ايمان بيتحول لتطرف مع الوقت. لانو الايمان بحزب او ديانة بيعني انو الشخص يتحول لعبد لفكر الحزب وبالتالي من المفروض عليه العمل كجندي لخدمة الحزب وافكاره الشي يلي بيأدي بالنهاية لنبذ جميع الافكار الاخرى المخالفة.
مع انو التطرف الديني بيكون غالبا اشد واكثر فتكا من التطرف الالحادي او العلماني ولكن التطرف الالحادي والعلماني ما بيقلو شراسة عنو.

بالنهاية, الايمان بوجود الله برأيي هو شي غير منطقي والايمان بعدم وجود الله كمان شي غير منطقي,


تحية واسف ازا طلعت عن الموضوع

Every block of stone has a statue inside it and it is the task of the sculptor to discover it.
Michelangelo
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 11:05 (بحسب عمك غرينتش الكبير +3)


Powered by vBulletin® Copyright ©2000 - 2021, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.17766 seconds with 14 queries