أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 31/01/2006   #1
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي هذه وصيتي


مرحبا شبيبة

بيجوز هاليومين يعزموني جماعة صحابي (هنن مو كتير صحابي ... بالحقيقة انا ما بعرفهم و هنن ما بيعرفوني غير من التقارير يللي الله يكسر ايدين يللي عم يكتبها) على سينما بيت خالتي احضر هنيك فيلم "نجوم الضهر" المشهور (بالالوان)

بتعرفوها للسينما ما هيك ؟؟؟
سابع قبو بعد جهنم الحمرا .. فرع فلسطين

لهلأ ما بعرف شو هيي التهمة ... بس بيقولوا انو محضرينلي يا ها من قبل ما اخلق

مشان هيك ... قررنا مع ادارة اخوية انو نتخذ بعض الاجراءات الاحترازية في حال ضبوني الشباب ببيت خالتي
و اللي ما بيحسب ما بيسلم

باعتبار انو انا مراقب المنبر الحر، و مشرف اداري...
قررت الادارة انو ازا صار ما صار ... ينحذف حسابي من منصة المشرفين

يعني ازا صار ما صار ... رح يكون في مراقبين جداد ع المنبر
و بتمنى من ياس انو يوافق على استلام المنبر

هلأ لحتى كون منصف ... في شبين مخضرمين (رفضوا ذكر اسماءهم) واصل البل لدقنهم قبل ما يوصللي
و في شبين قدما كتير كانوا بيناتنا من زمان و تركونا هدول مشي حالهم بلش الفيلم تبعهم يوم الخميس الماضي
بس ما فيي احكي اكتر لأنو لسا مو مبين شي
و انشالله هاليومين بيتوضح كل شي و انشالله خير

هلأ وصيتي الكم (تقرأ في حال تعبّينا)

للملحدين...
يا ملحدين
يا كفرة
يللي ما تعرفوش ربنا
اذكرونا بالخير كل ما تسمعوا فيروز و مارسيل خليفة

للمؤمنين...
ادعولنا شباب و صبايا
ادعولنا الله يشيل عنا و عنكم و عن حبابكم
ادعولنا الله يتوه طريقهم و ما يعرفولنا طريق

لجماعة المعارضة
عباية يا شباب عباية

و خصوصي بنوتة عيونا زرقا ... خراس و سد بوزك هالكام يوم، الشغلة مو عنترة ... لازم حدا يضل برا مشان يتابع الاخبار

لجماعة الموالاة
لك نيالكم ما اهنا بالكم

للمشرفين:
انتوا احلى عيلة ممكن حدا يتعرف عليها
خليكم ايد وحدة متل ما بعرفكم

للحكيم:
لا تواخزنا خيو ... وجعنالك راسك
شكرا جزيلا على مساحة الحرية يللي وفرتها للشباب و الصبايا
و سامحني على اخطائي و ازا خيبت املك

لك دخيل رب سوريا ما احلاها
amarta

و دمتم للحرية

عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش ..
حش الحشائش في حشيش محشش ..
حشاش يا أخا الحشيش ..
حشش على تحشيش محششنا القديم ..
سوريا الله حاميا
jesus i trust in you

آخر تعديل krimbow يوم 31/01/2006 في 05:06.
  رد مع اقتباس
قديم 31/01/2006   #2
شب و شيخ الشباب \\\
عضو
-- قبضاي --
 
الصورة الرمزية لـ \\\
\\\ is offline
 
نورنا ب:
Jan 2006
المطرح:
انا في سوريا وبرضوه بالسعوديه ولكن مدري ويني
مشاركات:
726

افتراضي


مع اني مافهمت شيء من الموضوع وكله ألغاز

بس الله يووفقك وين ماتروح

صح اني اكرهك وانت تكرهني والكره متبادل

فإذا لم اكره لماذا لاتكرهني

وإذا كرهت تكرهني

ههههههههه

امزح بس والله بتصير لك وحشه

والخناقه معك بتصير لها وحشه

يعني صح انك قاعدلي بالمنتدى

بس وناسه المهم والزبده

لاتطول الغيبه ترا فيه خناقه جديده وانت المخصص فيها :>
هههههههههههههههههههههه

بالتوفيق انشاء الله

قريباً قريباً قريباً

:": الجزء الثاني من (سلسلة السعوديه أحلى بلد بالــكــون) :":
..............................................................................
السعوديه أحلى بلد بالكون والواحد بيقول ضميرو

.................................
جـــــــــــــاكم الــــــصـــقــــــــــر

---------------------------------------
....::"::....حــــزب المشكلجيه....::"::....
  رد مع اقتباس
قديم 31/01/2006   #3
شب و شيخ الشباب Willi
مشرف متقاعد
 
الصورة الرمزية لـ Willi
Willi is offline
 
نورنا ب:
Sep 2005
المطرح:
المريخ- USA
مشاركات:
10,020

افتراضي



عم تحكي جد؟؟

لعمى

والله ما بعرف شو بدي احكي
خسارة

فكرت الوضع بالفعل عم يتحسن

كريمبو روح الله يوفقك انشالله بتنقص ايد كل واحد بمدها عليك وبينقطع لسان كل واحد بيحكي معك كلمة مو منيحة

ما بعرف شو بدي احكي
بس بالفعل انزعجت من هالخبرية

الشي والوحيد اللي بدو قولو
تفه على هيك حكومة
وتفيه على هالزمن اللي صار فيه الواحد بيتعاقب لما يقول الحق

مافي امل

يلعن ابو التخلف

ضاع الهدف




ابرة ليساعد هلق لصلاح وعدتو
بقى رئيدة زدير, اسيرا فهيم رايح
  رد مع اقتباس
قديم 31/01/2006   #4
شب و شيخ الشباب \\\
عضو
-- قبضاي --
 
الصورة الرمزية لـ \\\
\\\ is offline
 
نورنا ب:
Jan 2006
المطرح:
انا في سوريا وبرضوه بالسعوديه ولكن مدري ويني
مشاركات:
726

افتراضي


توي افهم الموضوع

وأنا آسف جداً جداً جداً جداً

على أخذي بالموضوع مزح طبعاً ماهو كله بس حبيت اني الطف الجو

وأكرر أسفي مره ثانيه

والله يوفقك

وهذي كلمه حطها حلق بأذانك ( الحق مايضيع )

ودام الحق معك راح تآخذ حقك عن قريب أو عن بعيد


الله يوفقك ويساعدك بمحنتك

بتمنى لك كل خير

وترجع لنا سالم غانم

وأتمنى إذا كنت زعلان مني تسامحني

دمت بكل ود وإحترام
  رد مع اقتباس
قديم 31/01/2006   #5
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


اقتباس:
عم تحكي جد؟؟

لعمى

والله ما بعرف شو بدي احكي
خسارة

فكرت الوضع بالفعل عم يتحسن
لا اتطمن الوضع آكل هوا بالمعلقة ... و خصوصي بعد حبة الزلمنة يللي عطاهم ياها احمدي نجاد

اقتباس:
كريمبو روح الله يوفقك انشالله بتنقص ايد كل واحد بمدها عليك وبينقطع لسان كل واحد بيحكي معك كلمة مو منيحة
آمين معلم
والله يا غالي مو هاممني غير شغلتين (طبعا بعد اهلي و الشغل)
يعني مو هاممني الكرسي الاماني و لا الكبل الرباعي و لا الدولاب و لا شي من هدول
مو هاممني غير الخازوق ... كل شي الا الخازوق (انشالله يكونوا بطلوا يستعملوه)
و الشغلة التانية انو التنين يللي ممكن اتعبا معهم غلاااااااظ
لك اغلظ من ابو انمار

اقتباس:
ما بعرف شو بدي احكي
بس بالفعل انزعجت من هالخبرية

الشي والوحيد اللي بدو قولو
تفه على هيك حكومة
وتفيه على هالزمن اللي صار فيه الواحد بيتعاقب لما يقول الحق
هلأ الشباب عم يزبطوا الوضع مع جماعة حقوق الانسان
و انا بوكرا رح اتصل مع كم واحد من رفقاتي ايام الدراسة (خوش انا دارس بمدرسة خاصة كان فيها كم ابن ضابط منهم واحد تخين كتير ... تاني اتخن واحد عنا)
و بحجة اني عم عايدهم بحكيلهم القصة و منشوف شو بيصير

و شكرا الك
  رد مع اقتباس
قديم 31/01/2006   #6
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


الاخ ///
عادي حبيبي ولا يهمك

هوي هيك مواضيع بدها شوية الغاز

و تأكد انو ما في ضغينة بيناتنا
  رد مع اقتباس
قديم 31/01/2006   #7
شب و شيخ الشباب Willi
مشرف متقاعد
 
الصورة الرمزية لـ Willi
Willi is offline
 
نورنا ب:
Sep 2005
المطرح:
المريخ- USA
مشاركات:
10,020

افتراضي


اقتباس:
هلأ الشباب عم يزبطوا الوضع مع جماعة حقوق الانسان
و انا بوكرا رح اتصل مع كم واحد من رفقاتي ايام الدراسة (خوش انا دارس بمدرسة خاصة كان فيها كم ابن ضابط منهم واحد تخين كتير ... تاني اتخن واحد عنا)
و بحجة اني عم عايدهم بحكيلهم القصة و منشوف شو بيصير

يلعن دين عالبلد اللي ما عاد تنسكن

انشالله بتنحل الله يكون معك

اخرتهون عسيرة
يعدمني حسون والله معو حق
  رد مع اقتباس
قديم 31/01/2006   #8
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


رجاءا الاعضاء يللي ساكنين جوات موزمبيق لا يعلقوا ع الموضوع

الحذر واجب
  رد مع اقتباس
قديم 31/01/2006   #9
صبيّة و ست الصبايا Syrian__Angel
مشرف متقاعد
 
الصورة الرمزية لـ Syrian__Angel
Syrian__Angel is offline
 
نورنا ب:
Nov 2005
المطرح:
U.A.E
مشاركات:
2,544

افتراضي


له له !! والله زعلتني

انشالله يااااااااا رب يا كريم ما بيصير معك شي .. انشالله ما بيلاقولك لا تهمة ولا بطيخ ...وانشالله بتنقطع ايديهم ولساناتهم للي كانوا السبب .... وانشالله بترجعلنا سالم باذن الله ( جسديا ونفسيا )

امانة الله .. ابقى طمّنا عليك .. لا تخلينا نقلق كتيير ... والله المنبر بدونك ما حلو

~*¤ô§ô¤*~ No Pain ... No Gain ~*¤ô§ô¤*~

المقاومة مخاطبة الحكّام العرب : لعن الله أناس مثلكم ، فقد أردت لكم الحياة فأردتم لي الموت ...

نسيَ الطينُ ساعةً أنــّه طينُُ ُ حقيــرُ ُ ... فـصالَ تيهاً وعربـــَد ...
  رد مع اقتباس
قديم 31/01/2006   #10
شب و شيخ الشباب fady juventus
عضو
-- مستشــــــــــار --
 
الصورة الرمزية لـ fady juventus
fady juventus is offline
 
نورنا ب:
Aug 2005
المطرح:
______________
مشاركات:
2,432

افتراضي


عن جد شي بيقرف..
و الله شايف عم نرجع لورا
ع كل حال الله يكون معك يا أخ كريم وبتمنى تكون عم تهبطلنا قلبنا و بالأخير ترجع لأنك زينة المنبر الحر
وينك حتى لو رحت لا تزعل لأنك تركت أهلك أو شغلك .. برأيي لازم تفكر بشغلة وحدة بس ..هيي إنك ما تراجعت عن أفكارك و مبادءك، وضميرك مرتاح ، هاد مو خطاب ،أنا لما بخسر كتير وبربح شغلة وحدة بساويها أهم من كل شي بالدنيا
الله يحميك يا بطل

أعـشق عـمري لأنـي إذا مـتُّ أخجل من دمـع حـبـيـبـتـي ... و أمـي
______
في حضرة الإمبراطور اليوفي و الأسطروة دل بييرو .. يركع الملكي المدريدي
______
احذروا قناة العربية
لأنها قناة حريرية عبرية أميريكية سعودية قذرة
همها الأوحد تشويه صورة سوريا العظيمة
  رد مع اقتباس
قديم 31/01/2006   #11
شب و شيخ الشباب توت توت توت
مشرف متقاعد
 
الصورة الرمزية لـ توت توت توت
توت توت توت is offline
 
نورنا ب:
May 2005
مشاركات:
1,420

افتراضي


كريم ..
ما بعرف والله شو قلك ..
انو رح نخسر صديق ولا رفيق ولا أخ
رح نخسر شب من احلى شباب الأخوية و افهم شباب اخوية
كريم اللي علمنا كتير .. و فهمنا كتير شغلات ..
قبل ماتروح بدي تسامحني على كلشي .. و إذا غلطت بحقك شي نهار استوعبني و سامحني ...
ماني مؤمن كتير بس رح ادعيلك من كل قلبي ..
الله يكون معك يا كريم .. ويرد عنك كل بلا ... لأنك ما بتستاهل إلا كل خير ...
و خليك عم تطلطل علينا ..
لأنو انتي اخونا الكبير ..
و دمت لسورية
ودمت للحرية
ودمتلنا احلى كريم وأحلى أخ ...
  رد مع اقتباس
قديم 31/01/2006   #12
شب و شيخ الشباب MR.SAMO
عضو
-- مستشــــــــــار --
 
الصورة الرمزية لـ MR.SAMO
MR.SAMO is offline
 
نورنا ب:
Sep 2005
المطرح:
طريق النحل .......
مشاركات:
5,049

إرسال خطاب AIM إلى MR.SAMO إرسال خطاب MSN إلى MR.SAMO إرسال خطاب Yahoo إلى MR.SAMO
افتراضي


الداخل مفقود والخارج مولود
الله يسترك

انسان بلا حدود
CHEGUEVARA
انني احس على وجهي بألم كل صفعة توجه الى مظلوم في هذه الدنيا ، فأينما وجد الظلم فذاك هو وطني.
EYE IN EYE MAKE THE WORLD EVIL
"أما أنا فقد تعلمت أن أنسى كثيرًا، وأطلب العفو كثيرًا"
الأنسان والأنسانية
  رد مع اقتباس
قديم 31/01/2006   #13
شب و شيخ الشباب صياد الطيور
عضو
-- مستشــــــــــار --
 
الصورة الرمزية لـ صياد الطيور
صياد الطيور is offline
 
نورنا ب:
Jun 2005
المطرح:
في قلب حبيبتي
مشاركات:
12,956

إرسال خطاب MSN إلى صياد الطيور
افتراضي


اقتباس:
كاتب النص الأصلي : krimbow
مرحبا شبيبة

بيجوز هاليومين يعزموني جماعة صحابي (هنن مو كتير صحابي ... بالحقيقة انا ما بعرفهم و هنن ما بيعرفوني غير من التقارير يللي الله يكسر ايدين يللي عم يكتبها) على سينما بيت خالتي احضر هنيك فيلم "نجوم الضهر" المشهور (بالالوان)



لجماعة الموالاة
لك نيالكم ما اهنا بالكم

و دمتم للحرية
يعني ما فيي قلك تروح وترجع بالسلامة ... لأنو صعبة شوي ...

وقلنالك من زمان خليك بصف الموالاة ... ما قنعت ...

ودمتم للحرية .. أي حرية هي وانت غير الرب ما رح يعرف أراضيك ..

ســــــــــــــــــوريا قلعة الصمود العربي
  رد مع اقتباس
قديم 31/01/2006   #14
post[field7] Majood
____
 
الصورة الرمزية لـ Majood
Majood is offline
 
نورنا ب:
Mar 2005
مشاركات:
2,964

افتراضي



كريــــ مــبــــوووووووووووو
  رد مع اقتباس
قديم 31/01/2006   #15
صبيّة و ست الصبايا not me
مسجّل
-- اخ حرٍك --
 
الصورة الرمزية لـ not me
not me is offline
 
نورنا ب:
Aug 2005
المطرح:
قبرص
مشاركات:
19

افتراضي


يا ترى مين احسن الزحفطون ؟؟؟

لما المرمطون ؟؟؟


في موزنبيق كل شيء جائز


ليبقى الزاحفون على بطونهم إلى ما لا نهاية.........

و سيبقى هناك أشخاص يقولون : للأعور اعور بوشو


سموهم ما شئتوا ...........أبطال ...خونة ...عملاء ...صادقون ......

التاريخ لن ينكر احد





المجد للشيطان.. معبود الرياح
من قال (لا) في وجه من قالوا (نعم)
من علم الإنسان تمزيق العدم
من قال (لا).. فلم يمت
وظل روحا أبدية الألم
"
  رد مع اقتباس
قديم 31/01/2006   #16
شب و شيخ الشباب WHITESNAKE
عضو
-- أخ لهلوب --
 
الصورة الرمزية لـ WHITESNAKE
WHITESNAKE is offline
 
نورنا ب:
Aug 2005
المطرح:
Damascus
مشاركات:
275

افتراضي


يا حبيبي كمان شيطان؟؟

كريمبو بتمنالك الخير ويلي قلتو عن تشوف شباب تخان فأوعة ماتعملو لأنو هاد الشي الوحيد يلي بساعدك وأي خدمة أنا جاهز وانشالله خير

..........Silent Cries & Mighty Echoes.............
  رد مع اقتباس
قديم 31/01/2006   #17
شب و شيخ الشباب أبو النسيم
عضو
-- قبضاي --
 
الصورة الرمزية لـ أبو النسيم
أبو النسيم is offline
 
نورنا ب:
May 2005
المطرح:
damascus-syria
مشاركات:
973

إرسال خطاب MSN إلى أبو النسيم إرسال خطاب Yahoo إلى أبو النسيم
افتراضي


تحية لمنبر أخوية الحر

تحية لهذا المكان الجميل الذي قضينا فيه اجمل أوقات

تحية لجميع الزملاء من المعارضة و جزء من الموالة

عاشت أخوية وعاش المنبر الحر ساحة للحوار الديمقراطي الحقيقي

الحرية لشباب أخوية المعتقلين
الحرية لجميع أصحاب الكلمة الحرة
الحرية لجميع المعتقلين السياسين في سوريا

الحرية لسوريا


أذكرونا بالخير

هؤلاء لا يزالون خلف القضبان (سجناء رأي)

الحرية لحسام ملحم (عاشق من فلسطين)
الحرية لعلي العلي (To live is to die)
الحرية لطارق الغوراني ( Tarek 007)
الحرية لماهر أسبر
الحرية لأيهم صقر
الحرية لعلام فخور
الحرية لجميع سجناء الرأي و المعتقلين السياسين في سوريا

الحرية لسوريا
  رد مع اقتباس
قديم 31/01/2006   #18
شب و شيخ الشباب Abo Anmar
عضو
 
الصورة الرمزية لـ Abo Anmar
Abo Anmar is offline
 
نورنا ب:
Jan 2006
مشاركات:
336

افتراضي


[quote=krimbow]


و الشغلة التانية انو التنين يللي ممكن اتعبا معهم غلاااااااظ
لك اغلظ من ابو انمار


و الله أنا زي الأطرش في الزفه . وماني فاهم أي شي . بس ردود الزملا حسيت ان الموضوع قلب دراما . و فيه تلميح . لرعب .

عموماً سيد krimbow

نحنا تعملنا مع بعض من ورا الكيبورد . يجوز لو تقبلنا نخد بعض بالحضن .

ماني فاهم بس اذا بتمر بظرف صعب الله يقويك و يجنبك كل شــــــر
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 14:48 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.10536 seconds with 13 queries