أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

عرض نتيجة التصويت: هل أنت مع ان تعمل المرأة ؟؟
نعم .. يجب ان تعمل المرأة فهي شريكة في الصرف على المنزل 16 76.19%
نعم .. لكن فقط في حالة الحاجة المادية 1 4.76%
نعم .. لكن مالها لها فقط ... ( ما معقول مرا تصرف علبيت ) 1 4.76%
. نعم لكن فقط حين يكبر الأولاد 3 14.29%
لا .. لا أفضل أبدا أن تعمل المرأة خارج البيت 0 0%
المشاركون بالتصويت: 21. لا .. مافيك اتصوت بهال الإستفتاء

إضافة موضوع جديد  إضافة رد
 
أدوات الموضوع
قديم 05/04/2006   #1
صبيّة و ست الصبايا Sailor Moon
مسجّل
لسا يا دوب
 
الصورة الرمزية لـ Sailor Moon
Sailor Moon is offline
 
نورنا ب:
Apr 2006
مشاركات:
1

Question سيدة أعمال أم سيدة أطفال ....


هل تعمل المرأة … أم تلزم المنزل إرضاءً للرجل …
شددالتقرير الصادر عن البنك الدولي على ضرورة منح المرأة الحق في اختيار مجال تعليمها، وما إذا كانت ترغب بالعمل أم لا، دون إملاء الأسرة أو الزوج وغير ذلك من الضغوطات التي تحول دون المضي في حياتها الطبيعية جنبا إلى جنب مع الرجل. ويثيرهذا الأمر الكثير من التحفظات في المجتمعات التي شملها التقرير، وبخاصة تلك المتعلقة بالدين والشريعة، رغم تشديد البنك الدولي على احترام التعاليم الدينية والعادات والتقاليد وهذه جميعها لا تحرم المرأة من حقوقها وتشير الإحصائيات إلى زيادة حجم مشاركة المرأة في القوى العاملة في العالم العربي لأقل من 23 بالمائة عام 1970، إلى 32 بالمائة عام 2000، إلا أن ذلك يعد الأدنى على مستوى العالم.

Cnn
والسؤال ؟؟؟
هل أنت مع عمل المرأة ...أم لا ؟؟؟ لا تكتف بالإجابة على الاستفتاء .. عبر لنا عن رأيك ؟
لم برأيك يخاف الرجل من الارتباط بامرأة عاملة ؟؟؟
لم يحقق المجتمع العربي أدني نسبة عمل للمرأة في العالم ؟؟

ولكم حبنا ...

آخر تعديل Sailor Moon يوم 05/04/2006 في 23:14.
  رد مع اقتباس
قديم 05/04/2006   #2
صبيّة و ست الصبايا nourf
مسجّل
-- اخ حرٍك --
 
الصورة الرمزية لـ nourf
nourf is offline
 
نورنا ب:
Apr 2006
المطرح:
دمشق
مشاركات:
27

Wink عمل


بهل أيام الزلمة عمبدور على مراة عمتشتغل لأن كتير من الأحيان عمتقدر المراة أنه تطلع أكتر من الزلمة خاصة إذا كانت متعلمة وواصلة لشهادات دراسية عالية

أما إذا ما بدو برتبط بمراة عاملة فبعود بأغلب الأحيان لتخلفه العقلي ولشرقيته يلي ما إلا طعمه

اجمل الاشياء.... هي تلك التي يقترحها الجنون .....ويكتبها العقل
  رد مع اقتباس
قديم 06/04/2006   #3
صبيّة و ست الصبايا امرأة من ورق
مشرف متقاعد
 
الصورة الرمزية لـ امرأة من ورق
امرأة من ورق is offline
 
نورنا ب:
Apr 2006
المطرح:
عوراق طيارة ورق
مشاركات:
2,968

افتراضي


برأيي أنو لازم المرة تشتغل متلها متل الرجل وبدون تفكير زايد بموضوع انها امرأة
بس عندي تعليق صغير انو الاولوية تكون لولادها يعني يفضل انو السنة او السنتين الاوائل من عمر الطفل تضل الام معو بدون ماتترك العمل بشكل نهائي يعني فيها تاخد اجازة واللي اسمها بسوريا اظن استيداع وبعد السنة او السنتين يفترض تأمن للطفل جو تكون واثقة انو كويس وترجع للشغل
والفكرة من عمل المرأة مو بس مشان الوضع المادي للبيت بس كمان للوضع الاقتصادي للبلد يعني مو معقول انو نص سكان البلد قاعدين بلاشغل ومجرد مستهلكين وكمان نقطة كتير مهمة وهي احساس المرأة بنفسها يعني العمل رح يعطيها احساس قوي بانسانيتها وبحريتها وبيعطيها ثقة بالنفس

وشكرا لطرح الموضوع

لاتمشي حيث يأخذك الطريق
بل امشي حيت لاطريق
واترك اثرا

عملك فتلة باللغات ياحبيب
  رد مع اقتباس
قديم 06/04/2006   #4
شب و شيخ الشباب rafat
شبه عضو
-- اخ حرٍك --
 
الصورة الرمزية لـ rafat
rafat is offline
 
نورنا ب:
Apr 2006
مشاركات:
26

افتراضي


صباح الخير للجميع
طبعا للمراة الحق في كل شيء كما للرجل , فالرجل مساو للمراة ,
الرجل بحكم قوته الجسدية قام بالاعمال الخارجية لسد حاجات العالية المعيشية , المراة بحكم كونها المربية للاطفال بقية في البيت , و لكن هذا لا يعني انها لا تستطيع التوافق بين الاثنين ,
و لها الحق بان تكون رئيسة وزراء و ايضا ربت البيت اذا كان زوجها مو زلمه !!!
و عفوا شباب
  رد مع اقتباس
قديم 06/04/2006   #5
صبيّة و ست الصبايا butterfly
مشرف
 
الصورة الرمزية لـ butterfly
butterfly is offline
 
نورنا ب:
Jan 2006
المطرح:
قلب الله
مشاركات:
14,333

افتراضي


واو .. وقت شفت انو 9 مع عمل المرأة ... وبدون أي قيود ... وقريت الاحصائيات ... قلت لا الوضع كتير منيح وأنو أكيد هالأحصائيات عم تحاول تظهرنا متخلفين مع أنو نحنا شمس الحضارة المشرقة وعرفت فوراً أنو هي مؤامرة مشارك فيها اعداء الأمة

اقتباس:
والسؤال ؟؟؟
هل أنت مع عمل المرأة ...أم لا ؟؟؟
أكيد ... وقت منقول أنو المرأة تقعد بالبيت منكون حكمنا ..على المجتمع بمحدودية أنتاج لأنو شريحة جدا كبيرة منو ..ما عم تستغل مقدراتها .. هادا عصعيد المجتمع
أما عصعيد المرأة بحد ذاتها ... بيفتحلا أفق كتير كبير وبيعطيا ثقة بأنها شحص منتج مو مستهلك بس . وأنو هي شريكة حياة في هذا البيت مو ضيفة مدفوعة الخدمات ...

اقتباس:
لم برأيك يخاف الرجل من الارتباط بامرأة عاملة ؟؟؟

لأنو الرجل الشرقي ببساطة ما بيبحث عن مرأة ند وشريك بيبحث عن زوجة يبدي عليها تفوقو
( عقد نقص ذكورية ) .. ما بيقبل بندية الأنثى فهي ضلع قاصر وهو عليه أن يتباهى كالطاووس بريشه الملون وهي عليها ببساطة انو تصفق له ...
كتير حلو أنو الشباب عم تصوت بأي بس اعذروني الواقع مو هيك ..
الرجل بيخاف الأرتباط بالمرأة لأنو ما بيحب استقلال المرأة بيحب التبعية ألو اقتصاديا ..
ولانو الزواج في مجتمعنا للأسف ليس شراكة أنما تبعية

اقتباس:
لم يحقق المجتمع العربي أدني نسبة عمل للمرأة في العالم ؟؟
لأنو مجتمعنا بيربي البنت غلط وبيربي الشب غلط
البنت استسلامية وبتمشي عرأي رجلها وهي تابعة للرجل ( أبوا أو أخوا أو جوزا )
والرجل مسيطر
لأنو عنا كتير مفاهيم غلط .. شو هوي الزواج ؟؟ شو هية الأسرة ؟؟
ليش تربية الأولاد مسؤولية انثوية ؟؟
ولهيك عم نحقق ورح نضل نحقق أخفض نسب
لأنو منتميز بمفاهيمنا الخاطئة ..


انك " فقير إلى الآخر " كما هو فقير إليك " وأنك محتاج إلى الآخر ، كما هو محتاج إليك
الأب جورج

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


  رد مع اقتباس
قديم 06/04/2006   #6
شب و شيخ الشباب توت توت توت
مشرف متقاعد
 
الصورة الرمزية لـ توت توت توت
توت توت توت is offline
 
نورنا ب:
May 2005
مشاركات:
1,420

افتراضي


اقتباس:
سيدة أعمال أم سيدة أطفال ...
بالنسبة الي .. اريدها سيدة اعمال وسيدة اطفال .. والأصح (كمان بالنسبة الي) .. بدي ياها سيدة اطفال و سيدة أعمال ...
  رد مع اقتباس
قديم 06/04/2006   #7
شب و شيخ الشباب MR.SAMO
عضو
-- مستشــــــــــار --
 
الصورة الرمزية لـ MR.SAMO
MR.SAMO is offline
 
نورنا ب:
Sep 2005
المطرح:
طريق النحل .......
مشاركات:
5,049

إرسال خطاب AIM إلى MR.SAMO إرسال خطاب MSN إلى MR.SAMO إرسال خطاب Yahoo إلى MR.SAMO
افتراضي


انا بعتقد اي انسان بالوقت الحاضر بيفضل المرأة العاملة عن غيرها
لأنه حتى ينبنى مجتمع صحيح لازم يكون اساساته قوية اللي مبنية على الرجل والمراة
وبعنقد المرأة الناجحة واللي بتحب عملها فيها تنجح بشغلها وتربية ولادها
تحياتي

انسان بلا حدود
CHEGUEVARA
انني احس على وجهي بألم كل صفعة توجه الى مظلوم في هذه الدنيا ، فأينما وجد الظلم فذاك هو وطني.
EYE IN EYE MAKE THE WORLD EVIL
"أما أنا فقد تعلمت أن أنسى كثيرًا، وأطلب العفو كثيرًا"
الأنسان والأنسانية
  رد مع اقتباس
قديم 06/04/2006   #8
شب و شيخ الشباب rafat
شبه عضو
-- اخ حرٍك --
 
الصورة الرمزية لـ rafat
rafat is offline
 
نورنا ب:
Apr 2006
مشاركات:
26

Lightbulb


الحقيقة يجب الاسراع في تحرير المراة من الضغوطات التي تجبرها و ترغمها على الاندحار في البيت و الحقل احيانا كثيرة في القرى ! عندما نتكلم عن عمل , نعني به العمل الحر الناتج عن اختيار المراة بنفسها و ارادتها ... من اجل مصلحتها اولا ثم المجتمع اخيرا ...

www.livingwithjesus.org
المجد لله في العلى و على الارض السلام و في الناس المسرة
ارحمنا يا رافع خطايا العالم , اقبل تضرعنا ايها الجالس عن يمين الاب و ارحمنا ..... لانك انت وحدك قدوس ......
يسوع حبيبي
  رد مع اقتباس
قديم 09/04/2006   #9
صبيّة و ست الصبايا Syrian__Angel
مشرف متقاعد
 
الصورة الرمزية لـ Syrian__Angel
Syrian__Angel is offline
 
نورنا ب:
Nov 2005
المطرح:
U.A.E
مشاركات:
2,544

افتراضي


اول شي لقلك انا شو صوتت ...
( نعم .. لكن مالها لها فقط ... )

لانه برأيي متى ما صرفت مرّة .. رح تصير هي من " مسؤولياتها وواجباتها " .. فالاحسن انّو هيي لو " حبّت " من حالا وبالا انّو تصرف عالبيت بيكون كتير منيح وكتّر الله خيرها .. بس انو تنجبر على هالشي متل ما بيعملوا ازواج هالايام .. معناها خليها تقعد بالبيت وخليه هو ينجبر يصرف عليها ...

هلأ نرجع لاسئلتك ..
اقتباس:
هل أنت مع عمل المرأة ...أم لا ؟؟؟
اي ... بس بشروط بظن انّي وضحتها فوق

اقتباس:
لم برأيك يخاف الرجل من الارتباط بامرأة عاملة ؟؟؟
لانه الرجل بشكل عام والشرقي بشكل خاص ما بيحب " امرأة " تكون اعلى منّو او بتساويه بالمرتبة ..
بعدين شغلة تانية .. انه المرأة العاملة بتكون ( الها لسان يحكي ) .. يعني بتجادل كتير وما بتفرق معها .. "وشو يعني لو صار ما صار ؟! هي انا بشتغل وبقدر اصرف على حالي" .. اما اللي بتكون ربّة بيت بلاقيها مسالمة اكتر لانها بحاجتو ..
مشان هيك - برأيي - اغلبية الرجال بيريحوا حالون من البداية وبيرتبطوا بصبايا يا امّا ما بيشتغلوا يا اما بيشغلوا بس شرط يتركوا الشغل بعدين (هي الحالة مو عامّة .. لانو في ناس بحاجة لانه يتساعدو سوا ليوصلوا لمكانة منيحة ).... وطبعاً لو كانت صغيرة ومو مكملة تعليمها بيكون لسه احسن واحسن ... لانه التعليم بيفسّد عقلية البنت

اقتباس:
لم يحقق المجتمع العربي أدني نسبة عمل للمرأة في العالم ؟؟
باختصار لانه المجتمع ذكوري .. ولهلأ لسه العقليّة المتحجرة عند بعض عالم انّو البنت محلها بيتها وبس !!


يسلمو عالموضوع

~*¤ô§ô¤*~ No Pain ... No Gain ~*¤ô§ô¤*~

المقاومة مخاطبة الحكّام العرب : لعن الله أناس مثلكم ، فقد أردت لكم الحياة فأردتم لي الموت ...

نسيَ الطينُ ساعةً أنــّه طينُُ ُ حقيــرُ ُ ... فـصالَ تيهاً وعربـــَد ...
  رد مع اقتباس
قديم 13/04/2006   #10
شب و شيخ الشباب CHADI KADDOUR
عضو
-- أخ لهلوب --
 
الصورة الرمزية لـ CHADI KADDOUR
CHADI KADDOUR is offline
 
نورنا ب:
Apr 2005
المطرح:
نص الشام
مشاركات:
99

إرسال خطاب Yahoo إلى CHADI KADDOUR
Angry مربية اطفال و لاحقا سيدة أعمال


المساواة بين المرأة و الرجل هي حق طبيعي.
رأي شخصي انو يلي شغلو بجيب مصاري أكتر هو يلي بيشتغل برا و التاني بيقعد بالبيت بيهتم بالأولاد حتى يصيروا بعمر مناسب يقدروا يعتمدوا على حالون لما يكونوا الأهل برا طبعا العمر المناسب أكيد مو سنتين لأنو هاد اسمو حكي فاضي العمر المناسب يتراوح بي 7 - 10 سنوات بالنسبة لتربية صحيحة بس المشكلة أنو أغلب الأهالي حاليا بخلوا الولد ما يقدر يعتمد على حالو لمراحل لاحقة يعني 15 17 19 22 25 مو مشكلة ( مثلا الولاد جاعوا وين الماما لتعمل أكل ما حدا بيعرف يلف عروسة , حدا بدو يروح مع رفقاتو مامااااااااااا ليش مو كاوية التياب تبعي لأنو ما بيعرف كيف يحط المكواية سعادتو بالكهربا شو رد الماما على هلحكي روح تقبرني الله يوفقك ما تواخذني نسيت خمس دقايق بكويلك ياهون ) هاد وضع تقليدي عند كتير من الناس يلي بعرفون.
أنا عندي بنت و صبي و أنا بشتغل تقريبا من العشرة الصبح للعشرة المسا إيمتا مرتي بدا تروح تشتغل برات البيت إذا راحت تشتغل الولاد شو بصير فيون يلعن أبوون يعني مو راكزة لازم حدا يضل بالبيت يهتم فيهون المنطق بقول ( لا أقول المنطق الذكوري الشرقي ) أنو يلي فينو يجيب مصاري أكتر يروح ينقبر يشتغل برا لأنو ماني فهمان شو يلي شايفينو حلو بانو هلكائن الحي يروح يتغل متل الحمار 12 ساعة باليوم و ساعة لساعتين مواصلات بالمكاري فوقون كمان لك ليش حاسدينو ووووووو عتقوا حاج تأرو عليه هلق بتصيبو بالعين.

المشكلة بمجتمعاتنا الشرقية إذا المرأة بدا تشتغل شي شغلة شريفة ما بتاخد نص يلي بياخدو الرجال غير الازعاجات و التحرشات يلي ممكن تتعرضلها بالشغل و على الطريق.
يعني بهيك مجتمع فاضي لازم الصبايا ينبسطوا أنون ضلع قاصر و بس الوحدة يجيها عريس ما بدو ياها تشتغل لك أحسنلك من البهدلة و وجع القلب و العتعتة مع العالم

طولت عليكون الحكي و يمكن ما حدا فهم شو بدي ما تهتموا كتير شنو أنا مواطن سوري ( علاك )

أنا متلي متل غيري حمار شغل
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 13:35 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.10014 seconds with 13 queries