ولماذا لا يصدّق الأقباط بأنه مجنون؟!

[مروان السعيد]

السلام على من اتبع الهدى
اما بعد
امر القران بالدعوه الى عباده الله الواحد الاحد الذى لم يلد ولم يولد
وامر المسلمون بدعوه الناس كافه للدخول فى هذا الدين ومناقشتهم بالحسنى
فمن قبل الدخول فى الدين فقد اهتدى ومن رفض فوجبت عليه الجزيه ان كان يعيش فى دوله اسلاميه.
فمن رفض ينذر بالحرب
ولا يقتل ولا يستحل دمه ولا عرضه ولا ماله ابدا الامن بعد انذاره
والذى يقوم بذلك هو ولى الامر وليس الافراد
اما الذى قام بقتل النصارى على باب الكنيسه فلا اعتقد انه عاقل ولا ينفذ تعليمات دينيه
فالتعليمات الدينيه تامر بحسن المعامله والدعوه الى الله بالحكمه والموعظه الحسنه
ونهايه ادعو كل من يقرا كلامى ان يدعو الله الواحد الاحد ان يهديه الى الطريق المستقيم

[محمد ابراهيم]

كاتب النص الأصلي : مروان السعيد

السلام على من اتبع الهدى
اما بعد

فمن رفض ينذر بالحرب

ونهايه ادعو كل من يقرا كلامى ان يدعو الله الواحد الاحد ان يهديه الى الطريق المستقيم

وعليكم السلام ورحمة الله وبركاته
امين

المهم
من رفض ماذا ؟؟؟؟؟

[krimbow]

كاتب النص الأصلي : مروان السعيد

السلام على من اتبع الهدى
اما بعد
امر القران بالدعوه الى عباده الله الواحد الاحد الذى لم يلد ولم يولد
وامر المسلمون بدعوه الناس كافه للدخول فى هذا الدين ومناقشتهم بالحسنى
فمن قبل الدخول فى الدين فقد اهتدى ومن رفض فوجبت عليه الجزيه ان كان يعيش فى دوله اسلاميه.
فمن رفض ينذر بالحرب
ولا يقتل ولا يستحل دمه ولا عرضه ولا ماله ابدا الامن بعد انذاره
والذى يقوم بذلك هو ولى الامر وليس الافراد
اما الذى قام بقتل النصارى على باب الكنيسه فلا اعتقد انه عاقل ولا ينفذ تعليمات دينيه
فالتعليمات الدينيه تامر بحسن المعامله والدعوه الى الله بالحكمه والموعظه الحسنه
ونهايه ادعو كل من يقرا كلامى ان يدعو الله الواحد الاحد ان يهديه الى الطريق المستقيم

أول شي انو فايت عم تسلم على يللي اتبع الهدى .. اما الكفرة امثالي فعمرهم ما يتسلم عليهم... بكل الاحوال، الواحد بيعمل باصلو، مشان هيك بحييك و بقللك... سالوت

تاني شي .. انو بفهم من كلامك انو لو انا عايش بدولة مسلمة، فانت بتناقشني بالحسنى لتقنعني بدين الاسلام، و ازا ما اقتنعت بتحاربني و بتلعن سلافي، بس بتلعن سلافي بعد ما تأنذرني (كحلوها الشباب).. طيب و شو مشان "يهدي من يشاء" ؟؟؟؟
و شو مشان "لكم دينكم و لي دين" ؟؟؟؟؟

يا اخي الله ما بدو يهديني للدين تبعك... شو بتعمل بهالحالة ؟؟؟؟

لأ و بيزعلوا مني الشباب لأنو تساءلت ازا الله اهبل او لأ

خود بقا حلوها ازا بتنحل

امرهم يدعوا لدينهم، و يقاتلوا يللي ما بيقتنع، و بالاخير بيسفقوني "يهدي من يشاء"

كرمال العفاريت خلوا هالرب يرسالو على بر ... بدو يهدي من يشاء و اللا بدو يلعن سلاف يللي ما بيهتدي ؟؟؟؟؟

تالتا و اخيرا

دعوتك الكريمة من جهتي ... غير مستجابة، و جزية ماني دافع
تعا قوصني

[toocoolfriend]

بلشت الردود تصير تحريفية وأكتر من سخيفة وتافهة
الظاهر كنت مخدوع ببعض ناس

[krimbow]

كاتب النص الأصلي : toocoolfriend

بلشت الردود تصير تحريفية وأكتر من سخيفة وتافهة
الظاهر كنت مخدوع ببعض ناس

شكرا توكولفريند

خيو ... حبيبي...

الفكرة و ما فيها انو انشالله اعبد القرود، متل ما قبلان فيك و معترف بوجودك، لازم تقبل فيني و تعترف بوجودي
يا رجل تخيل انو من كم يوم في شخص هون بالمنبر من المسلمين اقنعني اني اشرك، و حاليا انا عم لملم ارباب، (بالمناسبة ازا حدا عندو شي رب للبيع فنحنا مندفع كاش)
طيب انت بشو انزعجت ؟؟؟ يعني هيك بدي، و حسب معتقدات المسلمين.. هيك الله بدو .. ما بدو يهديني، شو بضربو ليهديني ؟؟؟؟ لك هاد الله .. مو حايلله

بس لما بقرا رد فيو واحد كاتب انو بدو يحاربني و يسبيني و يعمل السبعة و زمتها فيني لأنو "ما اتبعت الهدى" و سنحت "الصراط المستقيم" و اتخذت بدالو اوتستراد المزة، فبدك تسمع مني هيك ردود

انا موجود، و الكفرة موجودين، و المسيحيين كذلك، و كذلك العلويين، و الدروز و الاسماعيليين .. الخ الخ الخ
و معهم المسلمين من سنة و شيعة

هلأ المطلوب انو تتعايش معي، و اتعايش معك، و نعامل بعضنا كما يليق بمعاملة الانسان للانسان، تحترم كل حقوقي بالوجود و الحياة و العيش الكريم و الاعتقاد و الاعتناق و ابداء الرأي، و احترم كل حقوقك بالوجود و الحياة و العيش .. (نفس الكليشة)

يللي عجبو هالحكي، اهلا و سهلا فيه بالانسانية
يللي ما عجبو هالحكي، فمكانو غوانتانامو، و ابو غريب، و سجن تدمر

[toocoolfriend]

يا أخي يا كريم أنا متعايش معك ومعترف فيك وعلى راسي كلكن

بس انو معقول انتا استوعبت من الآية أمر بمقاتلة الجميع. عم بقولولك اللي ما بيدفعوا الجزية والأمر واضح جدا

بعدين اسمحلي لنفترض انو القرآن مؤلف. بس اللي ألفو مش هلقد غبي حتى يحط مرة قاتلوهن ومرة عيشو معن وحبوهن وهني أقرب الناس اليكن. وما بعرف اذا انت قاري بالقرآن بتعرف انو مش بهالغباوة.

وبالنسبة ليهدي من يشاء ويضل من يشاء: يهدي من يشاء أن يهتدي ويضل من يشاء أن يضل. يعني ولد بالتالت ابتدائي بفسرها.

فعلا أنا بنزعج لما يهلكوا ايديي أنا وعم بكتب آيات وأدلة على انو الاسلام أمرنا بمعايشة الجميع ويطلعلي حدا عم بفسر آية عزوفو ليقول انو نحنا مأمورين بقتال الجميع.

بعدين هالدين اللي كان في قوانين لكل شي ابتداء من الدولة الى الفرد مش رح يكون هلقد صطلة ليأمرنا بمقاتلة الجميع لأنو ما في عاقل بصدق انو ممكن فئة تحارب كل العالم وتربح.

وتحياتي الك

[krimbow]

ع راسي عباس

بس انو معقول انتا استوعبت من الآية أمر بمقاتلة الجميع. عم بقولولك اللي ما بيدفعوا الجزية والأمر واضح جدا

يا عباس، بصراحة انا ما بدي ادفع الجزية، يعني ما عم تزبط معي

انو شو علاقة معتقداتي بمصرياتي؟؟؟؟

يعني ليش هالتمييز ؟؟؟

يا أخي يا كريم أنا متعايش معك ومعترف فيك وعلى راسي كلكن

انت على راسي، بس شو مشان الاخ يللي هددني...

بصراحة عباس، هلأ كنت مع احد الاشخاص بذات السيرة

متل مروان و هالكام اصولي بالمنتدى هنن يللي بيشوهوا الاسلام

و واحد متلو دخل على الكنايس و اعتدا ع الناس

بدك تدافع عن معتقداتك؟؟ اعرف عدوك

اعداء الاسلام ليسوا الغير مسلمين، فالتعايش فعلا موجود و باكتر من حقبة و اكتر من بلد،

اعداء الاسلام هنن يللي بيفسروا الاسلام على كيفهم

يا عباس انت زعلت مني و نزلتني من عينك كدفاع عن معتقداتك
طيب انا لما رديت كنت مو بس عم دافع عن معتقداتي، بل عن حياتي كلها، بالنهاية في مين بدو يلعن سلافي لأني غير مسلم و ما اقتنعت معو بالحسنى.. قام انتقل للحل الآخر (اللا حسنى)

و بالنهاية .. النقاش لا يفسد للود قضية

[toocoolfriend]

الحق معك مية بالمية عن أعداء الاسلام والأصوليين (وعفكرة صار موضوع طويل عريض تخانقنا في معهن أنا وكم مسلم تانيين لأنهم مانهم اسلام أصلا)
بهمني انو ما تشمل الجميع

وبالنسبة للجزية سموها جزية عشان يخلصو من قصة انو شو خص معتقداتي بمصرياتي. يعني المسلم بيدفع زكاة وخمس (الزكاة0.1 من مصرياتو والخمس بشكل خمس المصاري اللي ما استعملهن بالسنة. وفيك تقدر اديش المبالغ كبيرة) أما غير المسلم بيدفع ضريبة اسما الجزية وكانت ما بتتعدى الدينار عالشخص الواحد.

وتقبل اعتذاري وانت دايما كبير

[المجاهد في سبيل الله]

كاتب النص الأصلي : كسار الروس

شيه
والله ما عرفتك لوما قريت الإسم
طيب مدام بتعرف تناقش ليش مو من الأول هيك
على كل حال
رح ننسى الماضي ونفتح صفحة جديدة
بس إسمك ما عم أغضر أهضمو

؟؟؟؟


معليش خيو اسمي مابقدر أغيرو...لأنو إسمي الحقيقي مجاهد

[المجاهد في سبيل الله]

كاتب النص الأصلي : javarmouna

والله هذا الكلام استفزازي جدا,
بس تقديرا لكلامك وكرمالك ما بدي ارد على هذا الكلام التافه

جد" إستفزازي؟؟

[ammar_d]

كاتب النص الأصلي : المجاهد في سبيل الله

جد" إستفزازي؟؟

لا... هيك خوفتني
سؤال صغير عملتو استفزازي؟؟!!
طب رد

[tiger]

كاتب النص الأصلي : krimbow

هلأ المطلوب انو تتعايش معي، و اتعايش معك، و نعامل بعضنا كما يليق بمعاملة الانسان للانسان، تحترم كل حقوقي بالوجود و الحياة و العيش الكريم و الاعتقاد و الاعتناق و ابداء الرأي، و احترم كل حقوقك بالوجود و الحياة و العيش .. (نفس الكليشة)
يللي عجبو هالحكي، اهلا و سهلا فيه بالانسانية

باعتقادي انو هذا الحكي هو خلاصة كل الأديان الراقية على الأرض

[tiger]

كاتب النص الأصلي : krimbow

متل مروان و هالكام اصولي بالمنتدى هنن يللي بيشوهوا الاسلام

و واحد متلو دخل على الكنايس و اعتدا ع الناس

بدك تدافع عن معتقداتك؟؟ اعرف عدوك

اعداء الاسلام ليسوا الغير مسلمين، فالتعايش فعلا موجود و باكتر من حقبة و اكتر من بلد،

اعداء الاسلام هنن يللي بيفسروا الاسلام على كيفهم

وانا بضم صوتي لصوتك وبطلب نبذ هالعالم لأنو وجودون مو بس تهديد للأسلام أو المسيحية ... وجودون تهديد لكل شي حلو على الكرة الأرضية

[tiger]

كاتب النص الأصلي : toocoolfriend

الحق معك مية بالمية عن أعداء الاسلام والأصوليين (وعفكرة صار موضوع طويل عريض تخانقنا في معهن أنا وكم مسلم تانيين لأنهم مانهم اسلام أصلا)

برافو عليك يا صديقي ... وتحية من القلب ألك

[tiger]

كاتب النص الأصلي : مروان السعيد

فمن قبل الدخول فى الدين فقد اهتدى ومن رفض فوجبت عليه الجزيه ان كان يعيش فى دوله اسلاميه.

بللا ممكن تحددلي شو معناتى دولة اسلامية ??!! لأنو في دول ما كانت أسلامية وفتحتوها ام صارت أسلامية... وفي دول كانت أسلامية آم شلحوكون هية ... فسرلي ياها شوي بللا..!!!

كاتب النص الأصلي : مروان السعيد

فمن رفض ينذر بالحرب
ولا يقتل ولا يستحل دمه ولا عرضه ولا ماله ابدا الامن بعد انذاره
والذى يقوم بذلك هو ولى الامر وليس الافراد

حكينا قبل هلا أنو كلمة ولي الأمر فضفاضة شوي يعني كل عشرة أو خمستاعش شخص ممكن يعملولون ولي امر هاي كمان فسرها اذا بتريد

كاتب النص الأصلي : مروان السعيد

ونهايه ادعو كل من يقرا كلامى ان يدعو الله الواحد الاحد ان يهديه الى الطريق المستقيم

مهديين والحمد الله فمافي داعي تعزب حالك

[toocoolfriend]

بعتقد أنا انو توصلنا لخلاصة واضحة بهيدا الموضوع ومتل ما قال خيي تايغر انو خاتمة كريم هيي خلاصة كل الأديان.

بس شو قصة هيدا المجنون بموضوع أسامة بن لادن