|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
15/04/2005
|
#1 | ||||
|
مسجّل
-- اخ طازة --
|
سيدي الرئيس
سيدي الرئيس تحية طيبة أما بعد:
كثير منا يشعر بالتغيرات الاقتصادية والسياسية عندنا في سوريا منذ قدومك وحتى الآن ولا أستطيع أن أنكرها. لكن سيدي الرئيس إليك مني بعض الاستفسارات والتي أظن أن عددا منها خارج من فؤاد الملايين من السوريين. - زاد متوسط الدخل وزادت عدد أيام العطل لكن أسألك عن متوسط زمن العمل الفعلي اليومي في قطاعاتنا الحكومية هل هو 17 دقيقة أم 25 دقيقة؟ هل هذا يكفي؟ ترى شخصا يعمل وعشرة يضحكون ويمرحون على أنغام حوادث وطرائف تافهة، إضافي! -- هل قضيت سيدي الرئيس على الرشاوى؟ تجد بعض الموظفين أحيانا يطلبون منك الرشوة بشكل علني أكثر من السابق في بعض المناسبات --الوقت لا يقدر بثمن فأترجاك أن تجيب لأي درجة تقدرون قيمة الوقت والطوابير ما زالت متواجدة بشكل جنوني خلف الأفران وفي بعض المعاملات ! ومعاملة تافهة تتطلب منك في الكثير من المناسبات أن تترك عملك يوم أو يومين! فأين جهاز الحاسوب التي يخزن ملايين المعلومات وتحصل عليها ببضعة ثواني - هل بات دار الأوبرا في دمشق وهل باتت صور السيد الرئيس وبعض التماثيل التي صممت في أنحاء البلاد أهم من قضايا ملايين الفقراء المنتشرين في سوريا؟ أليس من الأفضل هد تلك التماثيل حتى ولو كانت لوالدك وصهرها والاستفادة من تلك المعادن في صناعات كثيرة تفيد البلاد ؟ -- أين نحن من صناعة السيارات وأجهزة الحاسوب -- مصدر يقول أن أمريكا في نيتها أن تنفق 127 مليار دولار لصنع روبوتات لاستخدامها في المعارك حفاظا على روح الإنسان وإدراكا لقيمة الإنسان،وحضرتكم تقفزون كثيرا عندما تستوردون طائرة من طراز الكونكورد! -- هل نحن حقا متخلفين آلاف السنين اليوم فيما يتعلق بناحية الاهتمام بالعلم والتكنولوجيا عن دول الغرب أم من قال هذا الكلام يدخل في صف المجانين والذين يستحقون السجن لبضعة أعوام لأنه قال كلاما يهدد أمن البلاد -- سيدي الرئيس عد إلى تركيبة الدماغ وخذ القليل من الوقت وراجع معلوماتك حول السيالات العصبية وخلايا الدماغ حتى تدرك من هو الإنسان. -- إنه كائن حي قادر على أن يدخل في علم الجينات وأن يرسم لكل إنسان خارطته الجينية الخاصة به ويوضح له العديد من الأمراض التي قد يتعرض لها في المستقبل من خلال دراسة نقاط الضعف في جسده عن طريق الجينات. -- والإنسان السوري هو من أولئك لكنه يحتاج لبعض التشجيع منك شخصيا سيدي الرئيس في النهاية أرجو ألا تنفرك أخطائي الإملائية وأظن إنك لن تنتفر كثيرا لأنني أشعر إنك تهتم بالمضمون أكثر من المظاهر سيدي الرئيس لكن سوريا بالرغم من المديح الذي تتلقاه في الظاهر إلا أن لديها الملايين من الأوبئة التي تعاني منها. |
||||
|
|
15/04/2005
|
#2 | ||||||
|
مشرف متقاعد
  |
الله يقويك يا غالي .. رسالة جيدة وممتازة .. بس حابب قلك .. أنو سيدي الرئيس هاد .. مو فارق معو كل هالحكي ومو مدور على شي من هالحكي ..
..غنــــي قلــــــيلا يـــا عصـــافير فأنــي... كلمـــا فكــــرت في أمــــــر بكـــيت ..
|
||||||
|
|
|
15/04/2005
|
#3 | ||||||
|
مشرف متقاعد
|
الله يقويك يا غالي .. رسالة جيدة وممتازة .. بس حابب قلك .. أنو سيدي الرئيس هاد .. مو فارق معو كل هالحكي ومو مدور على شي من هالحكي ..
وبمناسبة أهلا وسهلا فيك بالمنتدى .. أنا من طرطوس كمان من الدريكيش .. اذا أحتجت اي شي أنا جاهز .. |
||||||
|
|
|
15/04/2005
|
#4 | |||||||
|
أميـــــــــ
|
اقتباس:
 هلأ هي هيي مشاكلنا؟؟؟؟؟؟ هالرشوة تبع الموظف المعتر يلي عم يكمل من خلالا شهرو بألف يا ويلاه، شو شايفين الموظفين المعترين كل واحد عايش بفيللا و عم يروح على وظيفتو بشبح و عم يدرس ولادو بأوكسفورد  أخي أنا ما بدي أطلع ع القمر ولا بدي روبوتات تحرر فلسطين عنا لما كل شي عنا عم ينسرق يا زلمة حتى الهوا باعونا ياه وللا شو بتفسر دقيقة الموبايل ب4 ل.س كان الماغوط يتغنى بالشوارع على أساس أنها ملاذ الفقراء الأخير و هلق حتى هالملاذ صار يتأجر للبسطات و الكولبات و الأكشاك و شركات الهاتف و شركات الأعلانات ويا ويلو يلي بأرب على شي آرمة من آرمات المستقبل و الكونكورد و بيحاول أنو يتكا عليهون أو ينحمى من الشمس أو المطر تحتون لما بدي أكتب رسالة للرئيس بأللو فيا سيدي الرئيس ولاد خالك نشفوا دمنا سيدي الرئيس ولاد عمومك لعنوا سلافنا سيدي الرئيس كرمال الله تحنن على هالموظفين المعترين وتركون و اتطلع ع يلي حواليك يلي عم ياكلوا البيضة و تقشيرتا سيدي الرئيس وين الجولان سيدي الرئيس وين كيليكية سيدي الرئيس وين حقوق الأطفال سيدي الرئيس وين حقوق المغضوب عليون يلي الله خلقون بسوريا و بالختام سيدي الرئيس بحب قلك من حقنا أنو تلغي قانون الطوارئ و من حقنا كمان أنو نشتغل و نعمل مصاري حتى أنو من حقنا نصير أغنياء.........تصور هادا اذا.....................بدي ابعت رسالة لسيدي الرئيس :P
عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش .. حش الحشائش في حشيش محشش .. حشاش يا أخا الحشيش .. حشش على تحشيش محششنا القديم .. سوريا الله حاميا jesus i trust in you |
|||||||
|
|
|
15/04/2005
|
#5 | ||||||
|
مشرف متقاعد
|
طول بالك يا رجل .. الزلمة جديد ولسا ما دخل بجو المنبر الحر .. شوباك .. والله بعرف وجعك .. وهادا وجع 90% من الشعب .. بس لسا الزلمة جديد يعني شوي شوي .. أنا معك بكلامك .. بس الزلمة حكى حكي منطقي وواعي .. وطرح حلول .. أما انت رسالتك مجرد تعصيب وانفعال وطيش .. وهادا اللي بدو اياه فخامة الرئيس .. يعني نحنا ما بدنا بس نتأفف ونحكي لازم نطالب بمنطقية ونطرح حلول .. طول بالك يا غالي شوباك ..
يعني معلش الزلمة باين عليه وواضح انو من المعارضين للحكم وأنا عجبني كتير أسلوبو بالطرح .. محمد الماغوط أستاذ كبير وبحبو كتير .. بس الماغوط لما كانت كلمتو تعمل شي سكرو تمو وحبسو .. هلا اجا دورنا .. لأنو الماغوط ووكل سجين كلمة أو رأي عمل اللي عملو مو مشان نتغنى بكتاباتو وأنما مشان نكفي مسيرتو ..ونحنا ما لازم نضل نبكي على الأطلال .. .. |
||||||
|
|
|
15/04/2005
|
#6 | |||||||
|
عضو
-- زعيـــــــم --
|
[quote="krimbow"]
اقتباس:
ΕΛΕΥΘΕΡΙΑ ΣΤΟΝ ΣΑΒΒΑ ΞΙΡΟ
|
|||||||
|
|
|
15/04/2005
|
#7 | ||||||||
|
أميـــــــــ
|
اقتباس:
بس أنا مو شايف انو ممتازة هادا هو كلشي بعرف أنو هادا رأيك و انت حر بس أنا كمان كتبت رأيي بعدين موغلط أنو انسرع اعتيادو ع المنبر اقتباس:
أنا و عم اكتب حسيت اني طولت الرد كتيير مشان هيك ما حطيت حلول اذا بدك حلول بكتبلك مؤلفات بس المشكلة أنو أنا بشوف أنو الحلول مو للكتابة، الحلول لتنعمل بعدين أنا ما شفت حلول برسالتو و مشان الماغوط بوكرا ألك مفاجأة خصوصي ألك |
||||||||
|
|
|
15/04/2005
|
#8 | |||||||
|
عضو
-- زعيـــــــم --
|
اقتباس:
الحياة سيجارة طبعاً سيجارة
HASHiiIIIIIIIIIIIIIIIIIiiiiiiiSH مو غلط الواحد يسمع جاد شويري الحياة سيجارة ممكن أكتر يعني تقريباً كروز أو أكتر....... يعني تقريباً هيك شي بس السيجارة هي الأساس يا أخي الحياة سيجارة فعلاً......الحياة سيجارة |
|||||||
|
|
|
16/04/2005
|
#9 | |||||
|
مسجّل
-- اخ طازة --
|
اقتباس:
لما منتناقش ببعض الأمور الحكاية بدها تروي وإنك توزن الكلام مش حكي كلو عواطف و نكد النكد والعواطف و الدلع خليها للقسم الفكاهي |
|||||
|
|
|
16/04/2005
|
#10 | ||||||||||||
|
أميـــــــــ
|
اقتباس:
أنا انحمقت من الموضوع بذاتو و مشان العواطف و الدلع تكرم عينك  بس المشكلة أنو ماني شايف دلع بردي أرجو أنك اتدلني عليه لحتى شيلو من عيني هي قبل هي و لحتى تتصافى لقلوب شو رأيك أنت كمان تشيل الدلع و العواطف يلي برسالتك ورح دلك عليا اقتباس:
اقتباس:
اقتباس:
اقتباس:
اقتباس:
مشان هيك ما بحب المهاترات كتير هون أنا متأكد أنك مو قصير حربة بالملاسنة (ولا بغير شي) بس أنا كمان بعرف امكانياتي كتير منيح كلمة دلع ما حلوة تنقال لشب، يمكن ما تكون قصدتها بالمعنى يلي أنا فهمتو بس بكل الأحوال أنا بردي ما جرحت بالكلام بعكس ردك |
||||||||||||
|
|
|
16/04/2005
|
#11 | ||||||
|
أميـــــــــ
|
اول شي انا بدي اشكركن كتير على هالموضوع الرائع بس عندي بحصة و بدي بقها
انا برأيي انو الغلط فينا نحنا قبل مايكون بأي حدا تاني يعني الاخ (krimbow( حكى كلمة و قال انو دقيقة الموبايل ب 4 ليرات صح ؟ انتو ملاحظين انو الموبايل صار اكبر هم بحياة المواطن السوري و مع انو كلو للفشخرة ما اكتر و من سنتين او تلاتة كنا عايشين بلاه و عين الله علينا قصدي بالحكي انو البلد بتتصلح بس نحنا نفهم شو بدنا و نعرف كيف نطور اهتماماتنا اكتر شوي يعني ما نستغل اهم وسائل التكنولوجيا لشي بلا طعمة ( عفوا على التعبير) يعني بس اذا حدا بيقدر يقللي شو هوي استخدام الكمبيوتر لكل الشباب اللي بيقضوا الليل على الانترنت و بشو عم يستفيدوا من الانترنت , شو هوي اكتر استخدام للموبايل اكتر من انو تبعتوا رسائل و نكت ما بعرف في بعقلي كتير حكي بس خايفة انو اغلط بشي كلمة طالعة ولا نازلة و تقحطولي يللا بشوفكون بعدين باي
ادعـــي علـــي بالموت.. ولا سمني
بس لا تفارقني دخيــل الله و تغيب طاري السفر يا بعد عمري همني شلون اودع في المطار اغلـــى حبيب :cry: تعال قبل تروح عني ضمني اقرب من انفاسي ترى حالي صعيب ابنتثر قدام عينك لمني وابسألك هل نلتقي عما قريب نسيت حتي اسمي دخيلك سمني باللى تسمينى البيلك واجيب مجنون عاقل ما علي من لامني انا مع نفسي واحس اني غريب |
||||||
|
|
|
16/04/2005
|
#12 | |||||||
|
أميـــــــــ
|
اقتباس:
يا أختي أنا رفضت أنو تكون الرشوة الكريهة أكبر همومنا..... معقول تكوني مفكرة أني رح اهتم للموبايل؟ شكرا لمشاركتك |
|||||||
|
|
|
16/04/2005
|
#13 | ||||||
|
عضو
-- أخ لهلوب --
|
الأسد وبس !!!!!!!!!!!!!!!!!!
يا شباب قبل ما تحكو هيك بدي تسمعوني .
هذا الشعب العربي أعوج مع أحترامي للجميع !! مع العلم أنني عربي سوري أذا صار مع هذا الشعب مصاري كتير مع العلم أنا لاأقصد الجميع الأنو بتعرفو في عالم كتير الله منعم عليهم (الله يرزقهم) يالطيف بدهن يصيرو ما يتهدو بدوس على بعضها البعض هذا كلو ولسا ما قلتلكم الأمور السياسية.... مع العلم أنو في هذا الزمن الأخ ما بحب أخوه بريده على الخازوق يقعد |
||||||
|
|
|
16/04/2005
|
#14 | ||||||
|
مشرف متقاعد
|
آه!!! يعني قصدك لازم يجوع الشعب مشان يقعد عاقل؟؟!!!
أبو مـــــــــ1984ـــــــارال
خبز,, سلم,, حرّية
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
16/04/2005
|
#18 | |||||||
|
مشرف متقاعد
|
اقتباس:
مشكور خاي, بس المجموعة تبعيت المراقبين موجودة من زمان, بس ما كان الها اشارة... لكن الجهات العليا ( الله يخليلنا الجهات العليا  و نقوللها سلميلنا عالبلد  ) رأت أنو يكون في اشارة مشان الناس تعرف بصفتي شو أنا عم ألعي :P نرجع لموضوعنا!!!!!!!!! شو مافي معارك اليوم  |
|||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 11:05 (بحسب عمك غرينتش الكبير +3)