أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 15/03/2008   #1
شب و شيخ الشباب zen
مشرف
 
الصورة الرمزية لـ zen
zen is offline
 
نورنا ب:
Mar 2005
المطرح:
جريدة الدليل والوسيلة عمدور ع شغل
مشاركات:
7,229

إرسال خطاب ICQ إلى zen إرسال خطاب AIM إلى zen إرسال خطاب MSN إلى zen إرسال خطاب Yahoo إلى zen بعات رسالي عبر Skype™ ل  zen
افتراضي معارضة ولكن


حبيت دور شوي على أفكار المعارضيين السوريين ومشان ما أكذب بعض المعارضين أو من يدعوا المعارضة وأنا حابب سميهون من يدعو المعارضة
أول شي شو هي المعارضة ؟
برأي المعارضة هي حالة ناتجة عن عدم رضا بعد الأشخاص عن اشياء تحصل في بلد معين او عن حكم معين
وخيو ما منختلف
المهم انا كنت ببالي عم دور هالمعارضة شو هي العروض اللي عم تقدمها للمواطن السوري المعتر امثالي ؟
وامثال كتار بهالبلد
أنو للأسف ما لقيت بحديث صحفي لشي واحد من اللي عم يقولوا انون معارضة حلموا أنو يامن عيش كريم للشعب !!! كاإرادة اساسية
يعني مثلاً عنا رؤوس المعارضة الحالية البنوني شيت الأخوان المسلمين طبعاً أنا ضد لانو حزب ديني بالبداية
التاني عبد الحليم خدام اللي استعرض عضلاتو براس السنة قبل الماضية وعملنا عم ناكل من القمامة الغريب انو ما سئل حالو انو اللي عم يأكلو القمامة عنا مو من ورا ه وورا ابو صاحب سلسلة لانوازيت طبعا ومن ورا كتار فاسدين بالسلطة (سلطة فواكي)
منجي على الغادري صاحب الظل الطويل والقدالنحيل هاد الأخ بدو السلطة كيما جاءت حرب بلا حرب المهم يوصل للكرسي منشان يوفي بالوعد لإسرائيل ويبنى تمثال للمحرقة في وسط دمشق
اللبواني ما قدر يبقى بدون ما يركب الركب ويطلع عأمريكا ويطلب المساعدة بتغير النظام
السيد سيف (سيفو المحترم) تاجر كبير سابقاً بما يعني انو نصاب كبير ما بعرف شو فوتو بزواريب السياسة
طبعا انا ما بخفي انوة في ناس فهمانة بتسمي حالها معارضة
بس انا برأي يوخذ عليها نو تشارك بمؤتمر للمعارضة السورية بشترك اللي انذكروا انفاً
وتانيا اذا منجي على كل معارضة بكل بلد ومنوشوف كيف بتشتغل
منلاقي المعارضة عنا نيقة عن الخليقة
بس همها الوحيد انها تاخد السلطة وتسقط النظام
وقت ربيع دمشق أجا النظام حط ايدو بأيدن المعارضين وقلون شو مطالبكون اول شي كان بدون ياه أنو يسقطو السلطة

أنو غريب حدا عم يقلت هات بإديوبإيدك منشتغل بهالبلد
بتقلوا انو بدي سقطك
إي من طووووووط راح يرضي يشتغل معك
كلو همو الكرسي والشعب همو الرغيف
وحلوها

SYRIA

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

"حسام*عاشق من فلسطين*ناطرك"
We Ask The Syrian Government to STOP Banning Akhawia"

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 15/03/2008   #2
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


اقتباس:
وقت ربيع دمشق أجا النظام حط ايدو بأيدن المعارضين وقلون شو مطالبكون اول شي كان بدون ياه أنو يسقطو السلطة

أنو غريب حدا عم يقلت هات بإديوبإيدك منشتغل بهالبلد
فعلا ما بينعطو وجه
منيح ما طلع معك انو ربيع دمشق من منجزات الحركة التصحيحية


طريقة سرد مع احترامي الك زين فايتة بالحيط و مفوتة العالم معها... يعني شلون زبطت معك تحكي عن ربيع دمشق و عبد الحليم خدام بنفس الوقت... شو نسيت انو عبد الحليم خدام هو كبير قامعي ربيع دمشق؟ هالحكي يؤدي منو انو لانحكي عن ربيع دمشق اذا ما بنعرف عن شو عم نحكي

نسيت كل معارضة البلد... كل الناس اللي اشتغلت و حكت بقلب و ضمير و دفعت سنين حياتها ثمن حبها لوطنها؟ قلتلي ما سمعت غير انو بدهون يسقطون النظام؟ أي يجوز لأنو كل واحد فينا يسمع اللي بدو ياه, و يعتبر من عندو اللي بدو ياه, و يتذكر "المعارضة" اللي بدو ياها

أبو مـــــــــ1984ـــــــارال
خبز,, سلم,, حرّية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


آخر تعديل yass يوم 15/03/2008 في 22:39.
  رد مع اقتباس
قديم 15/03/2008   #3
شب و شيخ الشباب BL@CK
مشرف
 
الصورة الرمزية لـ BL@CK
BL@CK is offline
 
نورنا ب:
Apr 2007
المطرح:
Aleppo-Syria
مشاركات:
4,345

افتراضي


اقتباس:
كاتب النص الأصلي : zen عرض المشاركة
وقت ربيع دمشق أجا النظام حط ايدو بأيدن المعارضين وقلون شو مطالبكون اول شي كان بدون ياه أنو يسقطو السلطة

فعلا ً النظام حط إيدوه بإيد المعارضة , و بعت ممثلين عنوه , فينا نذكر كـ مثال المساعد جميل ..

و كان مكان عقد الإجتماعات فرع فلسطين ..

شو ها المعارضين اللي ما بفهمو .!!!

ويحَ زمَنٍ أصبَحَ فيهِ عاشِقُ الوطَنِ يُهان ..

ويُشطَبُ مِن ذاكرةِ عشقِهِ ..

ومِن قائِمَةِ بني الإنسان !!



.
  رد مع اقتباس
قديم 15/03/2008   #4
شب و شيخ الشباب ..AHMAD
مشرف
 
الصورة الرمزية لـ ..AHMAD
..AHMAD is offline
 
نورنا ب:
Jan 2008
مشاركات:
4,906

افتراضي


اقتباس:
المهم انا كنت ببالي عم دور هالمعارضة شو هي العروض اللي عم تقدمها للمواطن السوري المعتر امثالي ؟
انو شريك بهيك طرح لهيك سوال بتحسسني انو نحنا ( بفرض انو معارض ) عمنتاجر بمستقبل المواطن ......... هالمواطن الي عمتحكي عنو هو متلو متلي ومتلك ومتل اي شخص تاني ومانو سلعة للتجارة ومانو مفروض عليه عروض يقبلها او لاء ........

وفي كتير احزاب معارضة منها السلبي والايجابي السلبي معروف مين هنن ومعروف اصلن وفصلن ومن وين قرعة ابوهن ومعروفة شو مشاريعن وشو في براسن والمعارضة الايجابية كمان معروف مين هنن ومعروفة مشاريعن وخططهن ..... انو شريك التانيين كل شي عميسعولو انو هالمواطنين يعيشو عيشة متل العالم والخلئ
بعدين لا تنسا يا شريك كم معارض من هون ومن برات هون دفعو حياتن وكرامتن وحريتهن لانهن كانو بدن بس يعيشو بحرية .....

بعدين شريك عمتئلي النظام اجا بدو يحط ايدو بايدهن؟؟؟؟؟؟؟؟؟ طيب ابل ما تطرح الرفض الي صار من جهة المعارضة ,,,,,,,, فيك تقلي شو مصلحة النظام يحطو ايدهن بايد بعض؟؟ هيك يعني مجرد مساعدة انسانية؟؟؟؟؟ مافي دوافع من وراها؟؟؟؟؟

تحياتي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 16/03/2008   #5
شب و شيخ الشباب zen
مشرف
 
الصورة الرمزية لـ zen
zen is offline
 
نورنا ب:
Mar 2005
المطرح:
جريدة الدليل والوسيلة عمدور ع شغل
مشاركات:
7,229

إرسال خطاب ICQ إلى zen إرسال خطاب AIM إلى zen إرسال خطاب MSN إلى zen إرسال خطاب Yahoo إلى zen بعات رسالي عبر Skype™ ل  zen
Smile


مرحبا
بعد كل موضوع بلاقي اكتر واحد محموق علي ياسو

هلاء بيجوز موضوعي فايت بالحيط
بس انا ما خلطت بين عبد الحليم خدام وربيع دمشق

هي أولاً بيجوز زودتها شوي انو حط ايدو بأيدو بس كان في كلام عن مطالبون
وهي اذا بدك حذفها
كماان
وكمان بظن انو انا كتبت انو في ناس فهمانة بمايسمى معارضة لانو انا برأي انها حركة غير كاملة
وقلت أنو هدول كيف بيحضرو مؤتمر معارضة بيحضرو اللي ذكرتون سابقاً
وانا اسف ياسو بس لهلاء ما شفت برنامج لشي معارض او حزب معهارض يطرحوا على الشعب
ما عم اسمع الا انو لازم النظام يسقط
بيجوز معك حق لانو هاد اللي بدي اسمعو
هلاء انو ليش النظام بدو يحط ايدو بإيدو
لانو اذا اشتركو بالحل راح يقوى النظام
معروفة
و اكيد مو حسنة
وهلق رؤوس المعارضة الحاليين هني اللي انا حكيت عنون ماشفت واحد من المناح قام ضدون وضد مشاريعون
غريب
بس الحكومة تعمل شي بتلاقيون كلون دب فيهون النشاط وصارو يصرحو
انا ما عم احكي لانو مع الحكومة ولا مع المعارضة والكل إلو اغلاط
  رد مع اقتباس
قديم 16/03/2008   #6
شب و شيخ الشباب Raw
مشرف متقاعد
 
الصورة الرمزية لـ Raw
Raw is offline
 
نورنا ب:
Oct 2006
المطرح:
Green Idleb
مشاركات:
743

إرسال خطاب ICQ إلى Raw إرسال خطاب AIM إلى Raw
افتراضي


أنا مالي مع و لا ضد

أنا بدي شغلة وحدة

ينعطى الخبز للخبااااااز

®

مهندس هذا الكون العظيم قد بدأ يظهر على أنـّـه عالمٌ رياضيّ بحت.
^
^
المبادئ الرياضيـّـة هي الأبجديـّـة التي كتب بها الله هذا العالم وبدونها سوف يكون صعباً علينا أن نفهم كلمةً واحدةً من كتاب الطبيعة.


®
  رد مع اقتباس
قديم 16/03/2008   #7
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


لك المشكلة زين انو كل الحجج اللي تستخدمها مستهلكة و من قبلك كتييييرر.. يعني اللي بدو يهاجم المعارضة يقلك و الله ما عندون برنامج... حكي فاضي. دوّرت و ما لقيت؟ قريت دراسات عارف دليلة؟ قريت دراسات برهان غليون؟ سألت؟ استفسرت؟حضرت شي محاضرة أو ندوة بمنتدى الأتاسي و هيك استنتجت؟ بحثت؟ بتقدر تقلي اسم مؤلف واحد لميشيل كيلو؟ مين سألت لحتى طلع معك هيك؟ (أنا بقلك.. على الأغلب ما عملت و لا وحدة من هدول.. بس انت تسمع اللي بدك تسمعو على مبدأ يا أيها الذين آمنوا لا تقربو الصلاة و تعمل ع أساسو موضوع متل هاد)

و حلوة هاي انو انت لا مع هاد و لا مع هاد بس نشلف حكي عالمعارضة شروي غروي مو مشكلة... لك زين على هامان يا فرعون؟ دارسك دراسة يا زلمة و هاد ستايل مواضيعك من 3 سنين...

قلتلي النظام بدو يحط ايدو بايد المعارضة مشان يقوى الحل بس المعارضة السافلين ما بدهون... نكتة الموسم هاي... عن جد بحسك عم تتمسخر

و يكفي أشوف مين انت معتبرهون رؤوس معارضة و منك و من حالك معتبر انو هدول مدعومين من قبل أطياف المعارضة... لك زين زت الحكي عيب... عيب يعني مو حلوة لا بحقك و لا بحقنا... فسّر فصّل اشرح... مركب كم جملة عامل فيها النظام يا حرام بدو يصالح و هدوليك الأشرار مو مناح و ما بدهون يصالحو.. عم مين بدك تضحك بهالحديث ها زين؟؟

بعدين ماني محموق... مجرد انو ما راح اشوفك تزت ادعاءات لا أساس لها أبدا و اقلك شكرا عالموضوع... مو حلوة.. باسم صحابي (و منهون صحابك ع اساس كمان) اللي ملطوعين بالحبوس مو حلوة اسكت يعني, عرفت كيف؟

آخر تعديل yass يوم 16/03/2008 في 16:15.
  رد مع اقتباس
قديم 16/03/2008   #8
شب و شيخ الشباب zen
مشرف
 
الصورة الرمزية لـ zen
zen is offline
 
نورنا ب:
Mar 2005
المطرح:
جريدة الدليل والوسيلة عمدور ع شغل
مشاركات:
7,229

إرسال خطاب ICQ إلى zen إرسال خطاب AIM إلى zen إرسال خطاب MSN إلى zen إرسال خطاب Yahoo إلى zen بعات رسالي عبر Skype™ ل  zen
افتراضي


اقتباس:
كاتب النص الأصلي : yass عرض المشاركة
لك المشكلة زين انو كل الحجج اللي تستخدمها مستهلكة و من قبلك كتييييرر.. يعني اللي بدو يهاجم المعارضة يقلك و الله ما عندون برنامج... حكي فاضي. دوّرت و ما لقيت؟ قريت دراسات عارف دليلة؟ قريت دراسات برهان غليون؟ سألت؟ استفسرت؟حضرت شي محاضرة أو ندوة بمنتدى الأتاسي و هيك استنتجت؟ بحثت؟ بتقدر تقلي اسم مؤلف واحد لميشيل كيلو؟ مين سألت لحتى طلع معك هيك؟ (أنا بقلك.. على الأغلب ما عملت و لا وحدة من هدول.. بس انت تسمع اللي بدك تسمعو على مبدأ يا أيها الذين آمنوا لا تقربو الصلاة و تعمل ع أساسو موضوع متل هاد)

و حلوة هاي انو انت لا مع هاد و لا مع هاد بس نشلف حكي عالمعارضة شروي غروي مو مشكلة... لك زين على هامان يا فرعون؟ دارسك دراسة يا زلمة و هاد ستايل مواضيعك من 3 سنين...

قلتلي النظام بدو يحط ايدو بايد المعارضة مشان يقوى الحل بس المعارضة السافلين ما بدهون... نكتة الموسم هاي... عن جد بحسك عم تتمسخر

و يكفي أشوف مين انت معتبرهون رؤوس معارضة و منك و من حالك معتبر انو هدول مدعومين من قبل أطياف المعارضة... لك زين زت الحكي عيب... عيب يعني مو حلوة لا بحقك و لا بحقنا... فسّر فصّل اشرح... مركب كم جملة عامل فيها النظام يا حرام بدو يصالح و هدوليك الأشرار مو مناح و ما بدهون يصالحو.. عم مين بدك تضحك بهالحديث ها زين؟؟

بعدين ماني محموق... مجرد انو ما راح اشوفك تزت ادعاءات لا أساس لها أبدا و اقلك شكرا عالموضوع... مو حلوة.. باسم صحابي (و منهون صحابك ع اساس كمان) اللي ملطوعين بالحبوس مو حلوة اسكت يعني, عرفت كيف؟
انا بشوف انو ردك شوي قاسي يا خوووي
وعطول انت بتفهمني غلط
وانا مو مع هدول ولا مع هدول واذا هاد مو مصدقوا هاد راي وانا حر بالتعبير عنو أولا
و تانياً ما عجبتني عأساس انون صحابي
انا ما عم اتبلى ولا عم زت حكي اذا بدك تمشي بالشارع وتسأل أي واحد عنون راح يقلك ماعرفنا عنون شي ولا عملولنا شي
هلق بتقلي هني مقموعين كيف بدون يعملوا
ممكن كتير متل ما عم يقدرو يطلعوا ويجوا ويقولوا انو بدون تغير النظام فيون يقولوا للعوام او الشعب شو ممكن يقدموا
بس هني ما بيستغلوا اي مقابلة بتصير معون إلا مشان تغير النظام
متل اللي طلع ع العربية من فترة ما حكي شي مشان الشعب بس حكي كيف بدو يسقط النظام وسرد قصة نضالوا مع 14 اذار بلبنان
وانا قلتلك انو في ناس فيهون فهمانين ومناح بس انت مو راضي تشوف الكلمة هي بالمرة ما بعرف ليش
ومشان مؤلفات ميشال كيلو بعرف انو بعرف كتير منون متل لغة السياسة والدار الكبيرة ما بعرف بيجوز لازم جبلك مقاطع من الكتب
اكيد ماني جاهل لهلدرجة وهي طريقة مو حلوة بالنقاش لغة السياسة
بعدين انا ما قلتلك النظام باحرام والمعاضة شريرة قلتلك التنين عندو أخطاء وما بدي دافع لا عن هاد ولا هاد بس الشي الواضح واللي انا شايف انو المعارضة مع عندها برنامج واضح غير انو النظام يسقط
  رد مع اقتباس
قديم 16/03/2008   #9
شب و شيخ الشباب أسير التشرد
عضو
-- مستشــــــــــار --
 
الصورة الرمزية لـ أسير التشرد
أسير التشرد is offline
 
نورنا ب:
Apr 2006
المطرح:
ع سطح القمر (كندا)
مشاركات:
3,811

افتراضي


اقتباس:
بس الشي الواضح واللي انا شايف انو المعارضة مع عندها برنامج واضح غير انو النظام يسقط
بعد السقوط المعارضة رح تكون قادرة ع وضع برنامج..
الشرط الوحيد للبرنامج هو سقوط النظام..قبل هيك في شعارات عامة وبرامج عامة..القضاء ع الفقر و تحسين الاقتصاد وتحسين الحريات المدنية..
بس بيني وبينك..يا عزيزي ما دام في حزب قائد للمجتمع والامة اكيد مافي شي اسمو معارضة عندون او بتفكيرهم..يعني معقول برأيك حزب قائد مؤمن بالثورة والانقلاب من انو يعطي شي للمعارضة..
بالاساس هنن (النظام) ماسكين مصطلح الانقلاب عندهم بقا كيف للمعارضة طريق من انون يوصلوا للحكم..!!؟
  رد مع اقتباس
قديم 16/03/2008   #10
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


اقتباس:
كاتب النص الأصلي : zen عرض المشاركة
انا بشوف انو ردك شوي قاسي يا خوووي
وعطول انت بتفهمني غلط
وانا مو مع هدول ولا مع هدول واذا هاد مو مصدقوا هاد راي وانا حر بالتعبير عنو أولا
و تانياً ما عجبتني عأساس انون صحابي
انا ما عم اتبلى ولا عم زت حكي اذا بدك تمشي بالشارع وتسأل أي واحد عنون راح يقلك ماعرفنا عنون شي ولا عملولنا شي
هلق بتقلي هني مقموعين كيف بدون يعملوا
ممكن كتير متل ما عم يقدرو يطلعوا ويجوا ويقولوا انو بدون تغير النظام فيون يقولوا للعوام او الشعب شو ممكن يقدموا
بس هني ما بيستغلوا اي مقابلة بتصير معون إلا مشان تغير النظام
متل اللي طلع ع العربية من فترة ما حكي شي مشان الشعب بس حكي كيف بدو يسقط النظام وسرد قصة نضالوا مع 14 اذار بلبنان
وانا قلتلك انو في ناس فيهون فهمانين ومناح بس انت مو راضي تشوف الكلمة هي بالمرة ما بعرف ليش
ومشان مؤلفات ميشال كيلو بعرف انو بعرف كتير منون متل لغة السياسة والدار الكبيرة ما بعرف بيجوز لازم جبلك مقاطع من الكتب
اكيد ماني جاهل لهلدرجة وهي طريقة مو حلوة بالنقاش لغة السياسة
بعدين انا ما قلتلك النظام باحرام والمعاضة شريرة قلتلك التنين عندو أخطاء وما بدي دافع لا عن هاد ولا هاد بس الشي الواضح واللي انا شايف انو المعارضة مع عندها برنامج واضح غير انو النظام يسقط

أكره ما عندي أدافع عن المعارضة ككل... لما بكون داخل وسط معارض ممكن أنتقد جهة ما معارضة و أقول انو و الله فكرتها هاي هيك و أو فكرتها هاي هيك...

زين بصراحة طريقة كلامك... المستعملة جدا, ع فكرة, تذكرني بطريقة حكي سياسيي اليمين الأوربي.. ما بيسترجي يقول صراحة انو هو عنصري لكن شغلتو عملتو يحكي انو المهاجرين جابو اجرام و المهاجرين جابو دعارة و المهاجرين جابو ضغط اقتصادي... و بعد ما يظل ساعة يحكي عن المشاكل اللي برأيو سببها المهاجرين يطلع معو انو ترى انا عم قول هيك بس ماني ضد المهاجرين ها...


هلأ أي شو بدك من الموضوع؟ انو المعارضة برنامجها اسقاط النظام؟ شو قصدك باسقاط النظام قبل كل شي, لأنو كلمة اسقاط كلمة ملغومة..

و استغرب كمان انو حدا يطلعلو يعطي مآخذ عالمعارضة لما المعارضة مهمشة, ملاحقة, مكممة الأفواه الى أبعد الحدود... يعني انت مين بدك تقنع انو النظام بدو يتعاون مع المعارضة بس المعارضة ما بدها... بعدين شيل كلمة اسقاط و حط تغيير... مين المعارضة الخروق اللي ما بدها تغيير؟ أحزاب الجبهة؟


لا تجادل حدا ع لون حيطان البيت اللي بدو يعمرو لما انت ما عم تخليه يعمّر الأساسات... يعني لا تعمل مآخذ عالمعارضة انو ما عم تعمل برنامج (و ع فكرة... البرنامج موجود, و في حكي كتير انت يبدو ما بدك تسمعو) لما أبسط أشكال العمل المعارض ممنوع, مجرد اجتماع بقلب العاصمة السورية صارت وراه حملة قمع و اعتقالات.. يعني اللي يجتمع برا خاين, و اللي يجتمع جوا كمان خاين... دخلك كمان باجتماع اعلان دمشق كانو خدام و البيانوني؟؟؟ تقدر المعارضة توصل للشعب؟ تقدر؟ جاوبني بدلائل و وقائع مو زت حكي


لا تقللي انو ردي شوي قاسي لما عم تصف حكي رخيص بحق ناس عم يروح عمرها بالسجون و بالملاحقة و مشان "ما تزعل حدا" تلزق جملة انو مانك مع حدا و انو و الله في ناس بالمعارضة مناح... بس مشان تعطي لنفسك صورة حيادية ما عندك ياها... انو ما دامك حيادي تركت كل فضايع الأمن و لاحقلي المعارضة على انو عندهون برنامج أو لأ؟ تركت كل الفساد اللي ناخر بعظام البلد و جاي تزت الحق عالمعارضة...و لسى جاي تعتب علي... أنا عم رد عليك الرد اللي يستوجبو الموضوع.. اذا ما تقدر تدافع عن كلامك بدون ما تحط حالك بموقف دفاع و تحكيلي انو و الله مانك عم حدا بس تحكي اللي بتشوفو ... أي معناتو راجع طبيب عيون اذا هاد اللي بتشوفو... من كل بلاوي البلد ما شفت الا هاي؟؟؟فعلا شي بينرفز
  رد مع اقتباس
قديم 16/03/2008   #11
شب و شيخ الشباب شب الكوبة
عضو
-- قبضاي --
 
الصورة الرمزية لـ شب الكوبة
شب الكوبة is offline
 
نورنا ب:
May 2007
المطرح:
S y r i a n C o a s t
مشاركات:
493

افتراضي


ملاحظة : كل كلامي هو عن بعض المعارضين في الخارج بدون تسمية .. و لست اعمم على جميع المعارضين يللي منهم من يجب وضع يدنا بيده من أجل سورية أفضل


أسوأ معارضة بالعالم المعارضة يللي مسماية حالا هلأ المعارضة السورية"ويللي هي الأبرز ع الساحة هلا"
لأنو ما عندا برنامج عمل أبدا.. ومعارضتا بس لمجرد المعارضة و للوصول للكرسي و اسقاط النظام
و ما عندا غير شغلتين رئيسيتين بس بتحكي فيهن اما
1.النظام علوي .... يعني "طائفيين" وهدول اذا حكموا رح يخربوا البلد ويعملوا فينا متل العراق
أو
2. المعيشة والغلاء والفساد "وهي كلمة حق يراد بها باطل"...وكأنو اذا اجو ع الحكم يعني رح يعيش المواطن السوري برفاهية ..ورح ينعدم الفساد ... وما بدن يشوفوا شو عم يصير بسوريا من تطوير بكتير مجالات .. والحقيقة تمت نقلة ايجابية نوعية من كل النواحي منذ استلام الرئيس بشار الحكم .. صح أنو ما صرنا لسا متل اميركا أو أوروبا و لسا في كتير شغل قدامنا ..بس معو معو منكمل الطريق نحو المزيد من الأمور المنيحة وخصوصا حرية التعبير يللي عم نسعالا بخطوات كبيرة "هلأ ما بدي فوت بالتفاصيل"

لــــــــــــــــــــــكل انســـــــــــــــــــــان في هذا العالم وطنـــــان وطنه الأم و ســـــــــــــــــــوريا
  رد مع اقتباس
قديم 16/03/2008   #12
شب و شيخ الشباب شب الكوبة
عضو
-- قبضاي --
 
الصورة الرمزية لـ شب الكوبة
شب الكوبة is offline
 
نورنا ب:
May 2007
المطرح:
S y r i a n C o a s t
مشاركات:
493

افتراضي


ملاحظة : كل كلامي هو عن بعض المعارضين في الخارج بدون تسمية .. و لست اعمم على جميع المعارضين يللي منهم من يجب وضع يدنا بيده من أجل سورية أفضل

خدوا متل ..مرة كانو جماعة من المعارضة السورية طالعين ع أحدى المحطات..وقال شو ع أساس جبهة وموحدين مع بعضن و ما بعرف شو
واحد منن صار يحكي بمساوئ النظام و أنو اذا اجا رح يعمل و يسوي سوريا الدولة الموحدة القوية الغنية

هلأ مو هون النهفة ..النهفة أنو رفيقو بالمعارضة وهوي كردي بلش يحكي بحق الأكراد أنو يكون الون دولة بمعنى يستقلو ..وقتا هداك الأول يللي عم يحكي بوحدة سوريا ما فكر يرد عليه .. وهاد بيدل على عمق التناقض بالمعارضة السورية الفاشلة
يعني بتشوف العلمانيين متحالفين مع الأخوان
و معارض من عرب الجزيرة السورية يللي بيحكي بوحدة سوريا متحالف مع الأكراد يللي بدن يستقلو
مزيج من التناقضات بتدل ع شي واحد أنو هدول ما بدن يعارضوا ..هدول بدن يسقطو النظام بأي شكل و اخر همن الشعب السوري متل ما شفنا بعض المعارضين السوريين بالخارج عم يطلبوا من أمريكا تفوت ع سوريا مشان تريحن من النظام يعني يصير فينا متل العراق ..هدول شو ؟؟؟هدول بدن مصالحن و مصالحن فقط وانشاالله ستين عمرو الشعب السوري ..ففهموني هدول الناس كيف ممكن نسلمهن رقبتنا
  رد مع اقتباس
قديم 16/03/2008   #13
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


كلام صحيح... في مرتزقة, ان كان بجبهة الخلاص أو حزب الاصلاح, لا ناقة لهم و لا جمل في المنطقية السياسية السورية...أنا كشخص معارض أقر بهذا الشيء

الخطأ الأكبر... هو اتباع نهج الضبابية و مزج المفاهيم ووضع جميع المعارضة في خانة واحد بشكل تعميمي بشع, و هو ما فعله -قاصدا أم لا- الأخ زين... فلا يمكن الحديث عن ربيع دمشق و عبد الحليم خدام في سياق واحد أو وضعهم في موضوع واحد عندما كان عبد الحليم خدام من رؤوس حراب اجهاض ربيع دمشق... لا أحد من الذين شاركو في اعلان دمشق أو اعتقلو على خلفية اعلان دمشق يمكن أن يضع يده بيد خدام أبدا

و نفس الشيء بالنسبة للاخوان... لا أحد من المعارضة الوطنية يضع يده بيد حزب طائفي كالاخوان المسلمين... فمن الواجب التذكير بأن المعارضة الوطنية تحوي أعضاء من جميع الطوائف و لا يمكن أن تتقبل فكرة الطائفية السياسية و نظرية حكم الأقلية...

كل ما سلف و أكثر يجعل من المزعج انتهاج هذه الطريقة في التعميم


تحية
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 07:14 (بحسب عمك غرينتش الكبير +3)


Powered by vBulletin® Copyright ©2000 - 2021, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.16715 seconds with 14 queries