القتل الرحيم

[امرأة من ورق]

شو رأيكن بحياة شخص مريض ووصل لدرجة من المرض انو صار عاجز تماما وعم يتألم ليل نهار وعارف انو مستحيل يكون في علاج لمرضه يعني رح يضل طول عمره (اللي صار قصير) عايش بالالم وبدون اي امل بالاضافة للمصاريف اللي يمكن تكسر ضهر عيلتو...... اي احسن انو نتركه يعيش بالالم هالايام اللي بقيانتلو او انو نسمح بالموت الرحيم بهيك حالة وهيك بنخليه يرتاح من الالم؟؟

هلأ بعرف انو الموضوع حساس لكتير منكن وبتمنى انو يكون النقاش بعيد عن الدين..... يعني يكون من النواحي الانسانية او القانونية

[نيرفانا]

سلام إمرأة من ورق

يعني موضوع حساس فعلاً لكن إنك تلاقي إجابات كلها بعيدة عن المفاهيم الدينية بتصور صعب

و أول ما خطرلي لما قرأت موضوعك إنك رح تلاحظي تفاوت كبير بالآراء ..

من جهتي وجدت صعوبة في إني حدد إجابتي لكن الحل المنطقي هو الموت الرحيم!!!!!!!

لكن السؤال هل هذا المريض رغم ألمه و فقدان أمله وما يكبد أهله من خسائر ودون جدوى يقبل أن تسلب منه أيامه المتبقية له؟؟

[امرأة من ورق]

كاتب النص الأصلي : نيرفانا

سلام إمرأة من ورق

يعني موضوع حساس فعلاً لكن إنك تلاقي إجابات كلها بعيدة عن المفاهيم الدينية بتصور صعب

و أول ما خطرلي لما قرأت موضوعك إنك رح تلاحظي تفاوت كبير بالآراء ..

من جهتي وجدت صعوبة في إني حدد إجابتي لكن الحل المنطقي هو الموت الرحيم!!!!!!!

لكن السؤال هل هذا المريض رغم ألمه و فقدان أمله وما يكبد أهله من خسائر ودون جدوى يقبل أن تسلب منه أيامه المتبقية له؟؟

شكرا كتير نيرفانا عالمرور الحلو

ومنشان سؤالك انو اذا المريض رح يقبل انو تسلب ايامه المتبقية له(وهو مابظن فينا نسميها انو سلب لانو رح تكون برضاه)؟؟ من شروط القتل الرحيم انو يتم بموافقة المريض..... وبظن انو الحياة مع الم وبدون امل كتير صعبة وكتير ناس رح يحسو انو الموت فعلا ارحم منها وهني رح يطالبو فيه

[نيرفانا]

إمرأ من ورق بدي أطلب منك ذكر مثال حي على هالحالة لأني حابة أعرف إذا في إنسان كان عندو الجرأة الكافية باتخاذ هيك قرار.... طبعاً إذا متوفر المثال؟

ومشكورة.

[امرأة من ورق]

كاتب النص الأصلي : نيرفانا

إمرأ من ورق بدي أطلب منك ذكر مثال حي على هالحالة لأني حابة أعرف إذا في إنسان كان عندو الجرأة الكافية باتخاذ هيك قرار.... طبعاً إذا متوفر المثال؟

ومشكورة.

بهاد الرابط في مثال من فرنسا

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

ونورتي نيرفانا

[tiger]

موضوع كتير شائك والأجابة عليه صعبة خصوصا اذا كانت من وجهة غير دينية ....
وبرأيي كل الحالات هي حالات خاصة بترجع لصاحب القرار وياللي حواليه ....

[امرأة من ورق]

كاتب النص الأصلي : tiger

موضوع كتير شائك والأجابة عليه صعبة خصوصا اذا كانت من وجهة غير دينية ....
وبرأيي كل الحالات هي حالات خاصة بترجع لصاحب القرار وياللي حواليه ....

شكرا كتير تايغر عالمرور

[طاهر اخـو وطفي]

الموت الرحيم ربما هي سلب الشخص حياته

الحياة والموت بيد الله عز وجل
وكثير ما سمعنا ان اشخاص فاقدي الحياة ولكن بارادة الله عاشوا ربما اكثر من الذي عالجهم او من قرر ان لا حياة لهم
وجميع من التشريعات السماورية او التشريعي الذي وضعه الانسان لا تقر بالموت الرحيم

[Blue Sky]

كاتب النص الأصلي : امرأة من ورق

شو رأيكن بحياة شخص مريض ووصل لدرجة من المرض انو صار عاجز تماما وعم يتألم ليل نهار وعارف انو مستحيل يكون في علاج لمرضه يعني رح يضل طول عمره (اللي صار قصير) عايش بالالم وبدون اي امل بالاضافة للمصاريف اللي يمكن تكسر ضهر عيلتو...... اي احسن انو نتركه يعيش بالالم هالايام اللي بقيانتلو او انو نسمح بالموت الرحيم بهيك حالة وهيك بنخليه يرتاح من الالم؟؟

هلأ بعرف انو الموضوع حساس لكتير منكن وبتمنى انو يكون النقاش بعيد عن الدين..... يعني يكون من النواحي الانسانية او القانونية

من جهة حساس اكيد ...بس يعني كيف بدي قللك ماتواخذيني على هالكلمة :

اذا شفت الاعمى تركو مانك ارحم من ربوو (هو انا غيرت كلمة لانو يمكن البعض مايفهمها )

[Reemi]

اول شي انا بأمن انو في علاج لكل شي .. ما دام العلاج الاول هوي الارداة...

بس اذا وصل الموضوع انو مثلا عايش فيه بس الدماغ..وهوي متألم وبقراره وهيك حالات خاصة يعني .. انا مع الموت الرحيم...مع الاسف

[hanny dagher]

لقول رايي بالموضوع وبعدين بدي احكي قصة صارت مع واحد من معارفنا
رايي انا ضد القتل الرحيم باي شكل من الاشكال لانه انهاء لحياة الشخص ان كان بعدم موافقتو فهوي جريمة قتل وان كان بموافقتو فهوي انتحار وانا ضد التنتين

هادا واحد من معارفنا تصاوب بطلق براسو واستقرت الرصاصة بالدماغ وما قدرو يطالعولو ياها صار متل الميت بس بيفتح عيونو ووبيتنفس بس مو وعيان شو في حواليي مو وعيان مين بيحكي ما بيميز شي بحالة سكون كاملة
الدكاترة فقدو الامل نهائي منو انو ينجى من هالحادثة وكتير اقترحو على اهلو الموت الرحيم بس ما كانو اهلو يرضو كان خيو يقول لو بدو يكلفني كل المصاري اللي معي ما رح اتركو وبدي عالجو لو شو ما بدو

اخر شي سمعتو انو حالتو تحسنت صار بيسمع وبيحكي وبيتحرك حركات بسيطة وحالتو بتحسن ملحوظ

يعني لو قاتلينو من اول كانو حرمو علي فرصة الشفاء
فلهيك برجع بقول رايي بطريقة تانية انو الواحد ياخد فرصتو بالحياة للاخير ان كان مريض وان كان مو مريض وبدون ما حاد يتدخل فيها وما بيعرف الواحد شو بيصير معو


ملاحظة (نقطتين فوق بعض ) حاسس الرد محشش بس ما تواخزوني عم اكتبو قبل ما قوم على النوم

[فلاش باك]

فعلا موضوعك صعب
بس انو موضوع الموت الرحيم مشكلة كبيرة وعويصة يعني نحنا بأغلب الاحيان عاطفيين يعني ممكن يكون في عنا حالة من هالنوع انو شخص مريض وخاصة اذا كان كبير بالعمر وعم يتعذب انو يموت ولا مايموت ؟
في ناس بتقول انو ياعمي خليه بالغرفة على القليلة انو عم نشوفو وعم نسمع نفسه وفي ناس بتقلك خليه يموت مشان يرتاح ومنزعل كم يوم بعدين بيمشي الحال لأنو اولتا وأخرتا بدو يموت فلاء يموت من هلئ احسن مشانو
وطبعا في شغلة مهمة بتلعب دور بالموضوع انو اذا كان المريض مصاب بداء مافي منو علاج وطبعا اذا كان المريض كبير بالعمر يعني

بس انا صراحة مو مع الموت الرحيم

[امرأة من ورق]

كاتب النص الأصلي : طاهر اخـو وطفي

الموت الرحيم ربما هي سلب الشخص حياته

الحياة والموت بيد الله عز وجل
وكثير ما سمعنا ان اشخاص فاقدي الحياة ولكن بارادة الله عاشوا ربما اكثر من الذي عالجهم او من قرر ان لا حياة لهم
وجميع من التشريعات السماورية او التشريعي الذي وضعه الانسان لا تقر بالموت الرحيم

شكرا كتير على مرورك

هلأ مارح احكي من ناحية التشريعات السماوية لانو بس فتنا بالنقاش من وجهة نظر دينية رح يتحول النقاش لحرب ومسبات لذلك بتمنى انو ماحدا يرجع يدخل بالحكي من الناحية الدينية

اما منشان التشريعات اللي وضعها الانسان بحب قلك انو في تشريعات أقرت الموت الرحيم واعتبرتو عمل شرعي متل هولندا

[امرأة من ورق]

كاتب النص الأصلي : Blue Sky

من جهة حساس اكيد ...بس يعني كيف بدي قللك ماتواخذيني على هالكلمة :

اذا شفت الاعمى تركو مانك ارحم من ربوو (هو انا غيرت كلمة لانو يمكن البعض مايفهمها )

شكرا blue sky عالمرور
وووووووووو لاتعليق

[امرأة من ورق]

كاتب النص الأصلي : Reemi

اول شي انا بأمن انو في علاج لكل شي .. ما دام العلاج الاول هوي الارداة...

بس اذا وصل الموضوع انو مثلا عايش فيه بس الدماغ..وهوي متألم وبقراره وهيك حالات خاصة يعني .. انا مع الموت الرحيم...مع الاسف

وانا متلك

شكرا ريمي

[امرأة من ورق]

كاتب النص الأصلي : hanny dagher

لقول رايي بالموضوع وبعدين بدي احكي قصة صارت مع واحد من معارفنا
رايي انا ضد القتل الرحيم باي شكل من الاشكال لانه انهاء لحياة الشخص ان كان بعدم موافقتو فهوي جريمة قتل وان كان بموافقتو فهوي انتحار وانا ضد التنتين

هادا واحد من معارفنا تصاوب بطلق براسو واستقرت الرصاصة بالدماغ وما قدرو يطالعولو ياها صار متل الميت بس بيفتح عيونو ووبيتنفس بس مو وعيان شو في حواليي مو وعيان مين بيحكي ما بيميز شي بحالة سكون كاملة
الدكاترة فقدو الامل نهائي منو انو ينجى من هالحادثة وكتير اقترحو على اهلو الموت الرحيم بس ما كانو اهلو يرضو كان خيو يقول لو بدو يكلفني كل المصاري اللي معي ما رح اتركو وبدي عالجو لو شو ما بدو

اخر شي سمعتو انو حالتو تحسنت صار بيسمع وبيحكي وبيتحرك حركات بسيطة وحالتو بتحسن ملحوظ

يعني لو قاتلينو من اول كانو حرمو علي فرصة الشفاء
فلهيك برجع بقول رايي بطريقة تانية انو الواحد ياخد فرصتو بالحياة للاخير ان كان مريض وان كان مو مريض وبدون ما حاد يتدخل فيها وما بيعرف الواحد شو بيصير معو


ملاحظة (نقطتين فوق بعض ) حاسس الرد محشش بس ما تواخزوني عم اكتبو قبل ما قوم على النوم

هلأ حكيك كتير حلو
بس متل مافهمت من قصة هاد الشب انو كان مو وعيان..... بكلمة تانية ماكانو اهلو عم يشوفوه وهوي بحالة الم لاتحتمل وهوي كمان ماكان حاسس بالم..... بس لو كان واعي وحاسس بالم كتير قوي وبنفس الوقت بيعرف انو مافي مجال يرتاح من ألمو غير بالموت ماكان اختلف الوضع؟؟؟
ونوم العوافي

[امرأة من ورق]

كاتب النص الأصلي : فلاش باك

فعلا موضوعك صعب
بس انو موضوع الموت الرحيم مشكلة كبيرة وعويصة يعني نحنا بأغلب الاحيان عاطفيين يعني ممكن يكون في عنا حالة من هالنوع انو شخص مريض وخاصة اذا كان كبير بالعمر وعم يتعذب انو يموت ولا مايموت ؟
في ناس بتقول انو ياعمي خليه بالغرفة على القليلة انو عم نشوفو وعم نسمع نفسه وفي ناس بتقلك خليه يموت مشان يرتاح ومنزعل كم يوم بعدين بيمشي الحال لأنو اولتا وأخرتا بدو يموت فلاء يموت من هلئ احسن مشانو
وطبعا في شغلة مهمة بتلعب دور بالموضوع انو اذا كان المريض مصاب بداء مافي منو علاج وطبعا اذا كان المريض كبير بالعمر يعني

بس انا صراحة مو مع الموت الرحيم

شكرا كتير فلاش باك

[الإمبراطور]

أول شيء : القتل الرحيم هو يأس من رحمة الله
هو رفض لتجربة سمح بها الله
و هو قتل "لا تقتل" و لا إستثناء