القتل الرحيم

[امرأة من ورق]

كاتب النص الأصلي : أبو طريق

يا غاليتي أنا معك، و بصراحة ما بعرف شو بدي احكي بعد ما الشباب ردوا و ما قصروا، بس بغض النظر عن التكرار رح حط رأيي، أنا فهمت منك إنو إذا المريض طلب الموت فلازم نعطيه ياه، هون حطنا الجمال، أنا لأ، إذا المريض طلب الموت ما لازم نعطيه ياه، أنا قلت بتعليقي من قبل إنو الإنسان متسرع، و مو دائما قراراتو صح، و بدور دائما عراحتو حتى لو ضد مصلحتو، و هاي نقطة ضعف، فلما إنسان يطلب إنو يموت معناتا وصل لمرحلة يأس و ضعف، و هاي سببها آلامو هوي و شوفتو الناس اللي بحبوه عميتألموا لألمو هوي، هون بيجي دورنا، إنو نزرع فيه الأمل، مو نشجعوا عاليأس، حتى لو هوي استسلم ما لازم نحنا نستسلم، و المريض لما يشوف اللي حواليه متمسكين فيه مستحيل يطلب الموت أد ما كان عميتألم، بجوز يمر بلحظات ضعف(انتبهي ضعف، مو قرار سليم) بس نحنا لازم نوقف جمبو و نحسسوا بالأمل.
أما مشان الفلم أنا مو قصدي التفاصيل اللي فيه، عمبقصد الفكرة، إنو في كتير ناس تعذبوا سنين، إي سنين، و ما استسلموا لا هنن ولا أهاليهن، فخلي دائما عندك أمل، ما تستسلمي لليأس و للقرارات المتسرعة، إنتي عمتتعاملي مع روح بني آدم، مو قرار عادي يمكن يمر بحياتو و إذا طلع غلط بعدلوا بعدين. و الموت من الشغلات اللي لازم نتركها تجي هيي عراحتها، مو نحنا نتحكم فيها، و مو لازم نخل بتوازن الطبيعة أو نتدخل فيه.

من شوي كتبت الرد وفصلت الانترنت هي تانية مرة بتصير معي بهاد الموضوع انا يأست واخدت قرار الموت الرحيم..... بتساعدوني

اهلين ابو طريق

هلأ منشان الفكرة الاولى انا معك لحد ما..... يعني اكيد مع اني مع فكرة الموت الرحيم كمبدأ بس مارح اقبل باي شكل انو يتلبى طلب المريض من اول مرة ولا تاني ولا عاشر مرة بالعكس لازم كل ماطلب نحاول نحسسو باهميتو وغلاوتو عنا ونعطيه امل بحيث انو اذا كان اخد هالقرار بلحظة ضعف نخليه يتراجع عنها اما اذا ضل مصمم على هاد القرار وقتها لازم نحاول نفهم وجهة نظره بالموضوع (اللي ممكن تكون قوية ومانها عبارة عن لحظة ضعف) ونحترم رأيو

اما منشان الفكرة التانية وهيي انو الانسان مالازم يتدخل بموضوع الموت واخلال توازن الطبيعة..... طيب ابو طريق العلاج شو هوي؟؟؟ هوي عبارة عن محاولة شفاء انسان مريض ولولا هاد العلاج رح يموت يعني العلاج هوي محاولة للتدخل بالموت واخلال توازن الطبيعة ومع ذلك مابظن في انسان بالوجود رح يمانع انو نقدم العلاج لشخص مريض طالما انو هالعلاج فعال

[oliver68]

كاتب النص الأصلي : امرأة من ورق

من شوي كتبت الرد وفصلت الانترنت هي تانية مرة بتصير معي بهاد الموضوع انا يأست واخدت قرار الموت الرحيم..... بتساعدوني

اهلين ابو طريق

هلأ منشان الفكرة الاولى انا معك لحد ما..... يعني اكيد مع اني مع فكرة الموت الرحيم كمبدأ بس مارح اقبل باي شكل انو يتلبى طلب المريض من اول مرة ولا تاني ولا عاشر مرة بالعكس لازم كل ماطلب نحاول نحسسو باهميتو وغلاوتو عنا ونعطيه امل بحيث انو اذا كان اخد هالقرار بلحظة ضعف نخليه يتراجع عنها اما اذا ضل مصمم على هاد القرار وقتها لازم نحاول نفهم وجهة نظره بالموضوع (اللي ممكن تكون قوية ومانها عبارة عن لحظة ضعف) ونحترم رأيو

اما منشان الفكرة التانية وهيي انو الانسان مالازم يتدخل بموضوع الموت واخلال توازن الطبيعة..... طيب ابو طريق العلاج شو هوي؟؟؟ هوي عبارة عن محاولة شفاء انسان مريض ولولا هاد العلاج رح يموت يعني العلاج هوي محاولة للتدخل بالموت واخلال توازن الطبيعة ومع ذلك مابظن في انسان بالوجود رح يمانع انو نقدم العلاج لشخص مريض طالما انو هالعلاج فعال

تعقيبا على أول جزء من ردك: مهما المريض أصر ما لازم نلبي طلبوا بالموت، لأن الأمل موجود أد ماكان في وجع و ألم، و أي قرار بيتخذوا بالموت أكيد قرار ضعيف و عاطفي و استسلامي، متل اللي بدو ينتحر ولو لأتفه سبب، لأن اللي بدو ينتحر أكيد السبب اللي خلاه ينتحر قوي و مقنع بس بنظرو هوي، أما نحنا منقول شو هالسبب التافه اللي خلاه يقتل حالو؟؟؟؟ و قيسي على هيك.

أما ردك التاني أنا ما قصدي ما نعالج المريض، لأن هي ما دخلها بتوازن الطبيعة، أنا عمبحكي عن الأمور المصيرية متل الموت، هي الإنسان ما بحق للإنسان يتدخل فيها، لأنها ماشية بنظام معين، ما تاخدي حكيي على أساس إنو ديني، لأ على أساس إنو الطبيعة هيي اللي بتتحكم بالبني آدم، و بعدين بدك تجي للصح أنا بآمن إنو علاج كل الأمراض موجود بالطبيعة، مو ضروري يكون بالكيمياء.

[امرأة من ورق]

كاتب النص الأصلي : أبو طريق

تعقيبا على أول جزء من ردك: مهما المريض أصر ما لازم نلبي طلبوا بالموت، لأن الأمل موجود أد ماكان في وجع و ألم، و أي قرار بيتخذوا بالموت أكيد قرار ضعيف و عاطفي و استسلامي، متل اللي بدو ينتحر ولو لأتفه سبب، لأن اللي بدو ينتحر أكيد السبب اللي خلاه ينتحر قوي و مقنع بس بنظرو هوي، أما نحنا منقول شو هالسبب التافه اللي خلاه يقتل حالو؟؟؟؟ و قيسي على هيك.

أما ردك التاني أنا ما قصدي ما نعالج المريض، لأن هي ما دخلها بتوازن الطبيعة، أنا عمبحكي عن الأمور المصيرية متل الموت، هي الإنسان ما بحق للإنسان يتدخل فيها، لأنها ماشية بنظام معين، ما تاخدي حكيي على أساس إنو ديني، لأ على أساس إنو الطبيعة هيي اللي بتتحكم بالبني آدم، و بعدين بدك تجي للصح أنا بآمن إنو علاج كل الأمراض موجود بالطبيعة، مو ضروري يكون بالكيمياء.

مو كتير رح احكي بالجزء الاول اكتر مانحكى لانو بظن هي الها علاقة بطبيعة الشخص ومارح حدا منا يقدر يقنع التاني فيها...... بس كمان برأيي انو المريض الو حق ياخد قراراتو بنفسو ونحنا متل ماقلت قبل حاولنا نقنعو بس هوي شايف الوضع من وجهة نظر تانية ومو بالضرورة عاطفية وضعيفة وبرأيي انو هاد حقو

وبالرد عالقسم التاني من كلامك حبيت قلك انو لما بدك تمشي مع الطبيعة وتراعي التوازن اللي فيها فلازم تلاحظ انو بالطبيعة الوضع الطبيعي انو المريض بمرض شوي صعب انو يموت وبلا ادوية ولا عمليات جراحية وبلا شي وعلى هاد الاساس بيمشي التوازن بالطبيعة بس لما نحنا كبشر دخلنا بالانسانية وانو بدنا نعالج المريض ونشفيه ونردلو الحياة اللي كانت رح تروح منو وقتها اخلينا بالتوازن الطبيعي ولاحظ من اثارها حاليا هيي الكثافة السكانية الهائلة...... يعني اجبار الانسان بالاستمرار بالحياة هوي الاخلال بالطبيعة والتلاعب بالموت والحياة
وعلى فكرة الموت والحياة وجهان لعملة واحدة يعني لما بترد لانسان الحياة عن طريق العلاج بتكون بعدتو عن الموت وبالتالي بتكون لعبت بالموت

[krakish]

كاتب النص الأصلي : 50cent

انا مع القتل الرحيم بجميع انواعه
ولماذا سموه قتل رحيم؟
هذا السؤال موجهه للي ضد الفكره

بس بالاخر اسمو ::: "قتل"

[krakish]

كاتب النص الأصلي : layla

انا كمان ضد الفكرة
حتى لو مافي أمل بتضل الشغلة شغلة انو لو مافي أمل يرجع يصح ماكان هالمخ ضل شغال او الدماغ او شو ماكان اللي ضل عايش

انا وقت خلقت كان عندي اخت توأم. كانت أكبر مني بعشر دقايق
المهم الدكتور الآدمي سحبها بالفاكيوم مو بأيدو. راس اختي كان كتير هش والدماغ كتير تضرر
فقدت كتير وظائف حيوية يعني ماكانت تشوف ولا تسمع ولاتحكي وكانت بوجع لايحتمل على طول تبكي. لاتقدر تاكل ولا تنام.
يعني لمدة تلت سنين كانت حياة اهلي لاتحتمل وفوق كل هالشي امي رفضت حتى تبعتا على اميركا. خالي قللا انو بتعيش بس مارح تشوفيها مارضيت
بعمرهون مافكرو بقصة الموت الرحيم مع انو الكل عرفان انو البنت فاقت اليوم بيجوز بكرا ماتفيق
ويمكن انا او اي حدا تاني لو بنتي بدها تضل عشرين ولك مية سنة على هالحالة مابفكر اني آخد هيك قرار

اللي بآمن فيه كتير انو الحياة اقوى من الموت وعلى طول في امل انو هالمريض يعيش
حتى لو الامل منتهي مانو حقنا ابدا نتصرف هيك تصرف وننهي حياة الشخص حتى لو بطلب منو
هالشخص اكيد عم يطلب هيك تحت الوجع, بس لو بيوم من الايام خف وجعو اكيد رح يندم على الفكرة
ومتل ماقال هاني يعني اللي ميت ميت هيك هيك بيقول انو صبرت كل هالصبر مابصبر هالكم يوم الباقيين؟

الله لايحط حدا بهيك موقف واذا بدو يموتنا يموتنا هيك خبط لزق لاوجع ولا من يحزنون

درر .... 100% صح ....

مية وردة الك

[oliver68]

كاتب النص الأصلي : امرأة من ورق

مو كتير رح احكي بالجزء الاول اكتر مانحكى لانو بظن هي الها علاقة بطبيعة الشخص ومارح حدا منا يقدر يقنع التاني فيها...... بس كمان برأيي انو المريض الو حق ياخد قراراتو بنفسو ونحنا متل ماقلت قبل حاولنا نقنعو بس هوي شايف الوضع من وجهة نظر تانية ومو بالضرورة عاطفية وضعيفة وبرأيي انو هاد حقو

وبالرد عالقسم التاني من كلامك حبيت قلك انو لما بدك تمشي مع الطبيعة وتراعي التوازن اللي فيها فلازم تلاحظ انو بالطبيعة الوضع الطبيعي انو المريض بمرض شوي صعب انو يموت وبلا ادوية ولا عمليات جراحية وبلا شي وعلى هاد الاساس بيمشي التوازن بالطبيعة بس لما نحنا كبشر دخلنا بالانسانية وانو بدنا نعالج المريض ونشفيه ونردلو الحياة اللي كانت رح تروح منو وقتها اخلينا بالتوازن الطبيعي ولاحظ من اثارها حاليا هيي الكثافة السكانية الهائلة...... يعني اجبار الانسان بالاستمرار بالحياة هوي الاخلال بالطبيعة والتلاعب بالموت والحياة
وعلى فكرة الموت والحياة وجهان لعملة واحدة يعني لما بترد لانسان الحياة عن طريق العلاج بتكون بعدتو عن الموت وبالتالي بتكون لعبت بالموت

مشان شغلةالموت الرحيم، هاي عنجد ما حدا رح يقنع التاني فيها، أما مشان الإنسان و الطبيعة هادا موضوع فلسفسي قائم بذاتو، إنتي بالظاهر بنوب ما فهمتي وجهة نظريي بهالموضوع، و يمكن صعب وصلك ياها لأنها فلسفية بحتة، يعني بدها موضوع تاني لحالها و شرح طويل و مفصل، أصلا نقاشها بالمنتديات مانو مجدي، إذا بدك تناقشي فيها لازم يكون النقاش وجها لوجه مشان الأخد و العطى.
المهم، شكرا كتير إلك سيدتي لأنك طرحتي موضوع الموت الرحيم.

[hanny dagher]

يلعن ها بكيتوني
اول مرة بعد زمن طويل بيصير هيك نقاش محترم بدون تجريح باخوية

وينك يا نيرفانا

[Abu ToNi]

يا ستي اذا بدك الرأي الشخصي بقول لك ان التكنولوجيا الحديثة قدرت توصل لمرحلة اطالع فترة تعذيب الانسان يعني مثلا متل الملك حسين الله يرحمه بقي 3 ايام عايش وبنفس الوقت ميت يعني كل اعضائه ميتة باستثناء قلبه . حتى القلب كان عايش عن طريق الأجهزة

وبنفس الوقت ما بتقدري تقولي انه يموت أفضل له لأنه نفس بشرية ولا يحق لانسان ان يتحكم بها . مشان هيك ما بعرف انا بقول انه لكل حالة في الها اوضاعها الخاصة

[ري مي]

اول شي عندي تعليق انو ماحدا بياخد غير اللي بيستاهلو..... يعني المريض اللي عم يتألم بيكون بيستاهل الألم؟؟ مابعرف ليش حسيت انو هالفكرة فيها ظلم كتير للمريض..... انو ممكن يكون انسان سكرة وبيجنن ومن احسن الشخصيات اللي مرت عالبشرية بس يمرض يعني هاد بيستاهل يعيش ايام بالألم.......

أي وبكل بساطة آسفة على تعليقي يمكن قاسي بس يمكن الله عم يختبرك بمرضك اذا كنت قادرة على التعامل معه والصبر عليه يعني مو بالضرورة يمرض الانسان لانو سيء او شرير
ويمكن ليختبر اهل المريض ويشوف قديه الانسان ممكن يضحي كرمال اخوه او صديقه المريض


بصراحة شديدة انا هالموضوع حسيته من ارقى المواضيع اللي تم نقاشها باخوية وشكرا للكل عالاسلوب الراقي بالنقاش صدقا مبسوطة فيه

[Abu ToNi]

كاتب النص الأصلي : ري مي

أي وبكل بساطة آسفة على تعليقي يمكن قاسي بس يمكن الله عم يختبرك بمرضك اذا كنت قادرة على التعامل معه والصبر عليه يعني مو بالضرورة يمرض الانسان لانو سيء او شرير
ويمكن ليختبر اهل المريض ويشوف قديه الانسان ممكن يضحي كرمال اخوه او صديقه المريض


بصراحة شديدة انا هالموضوع حسيته من ارقى المواضيع اللي تم نقاشها باخوية وشكرا للكل عالاسلوب الراقي بالنقاش صدقا مبسوطة فيه

بس نحن هون ما عمنحكي عن مجرد اختبار عمنحكي عن حياء شخص ز يعني وقت بتكون بين ايديكي حياة شخص على الأغلب غالي عليمي برايك بدك تقدري تفكري بمنطق

[ري مي]

كاتب النص الأصلي : gabriel

بس نحن هون ما عمنحكي عن مجرد اختبار عمنحكي عن حياء شخص ز يعني وقت بتكون بين ايديكي حياة شخص على الأغلب غالي عليمي برايك بدك تقدري تفكري بمنطق

أكيد المرض مو مجرد اختبار وبس ولكن انو هيك الله خلى هالانسان يمرض هيك صار وانتهى ونحنا ما فينا نشفيه منقوم منقتلو
برأيك انو من المنطق انو نعتمد القتل الرحيم
ما بعرف هيدا رأيي وبحترم آراء الكل

[tiger]

كاتب النص الأصلي : ري مي

أكيد المرض مو مجرد اختبار وبس ولكن انو هيك الله خلى هالانسان يمرض هيك صار وانتهى ونحنا ما فينا نشفيه منقوم منقتلو
برأيك انو من المنطق انو نعتمد القتل الرحيم
ما بعرف هيدا رأيي وبحترم آراء الكل

طيب اذا المريض نفسو هو ياللي طلب هال شي ؟؟؟
و ياما في عالم بتطلب الموت و ما عم تحصلو !!!!

[Abu ToNi]

كاتب النص الأصلي : ري مي

أكيد المرض مو مجرد اختبار وبس ولكن انو هيك الله خلى هالانسان يمرض هيك صار وانتهى ونحنا ما فينا نشفيه منقوم منقتلو
برأيك انو من المنطق انو نعتمد القتل الرحيم
ما بعرف هيدا رأيي وبحترم آراء الكل

متل ما قلت بالاول

في حالات العلم بوقف موقف المعذب يعني بالاساليب الحديثة بتتحول لطرق لاطالة فترة تعذيب الشخص .

ماقصدي واحد يثير معه كريب أو رشح نروح نقتله

بس اذا كان شخص ميت جسديا وعايش على الىلات أنا بهادالموقف بفضل اني أنهي عذابه بايدي احسن من ما أعذب نفس بريئة

[ري مي]

طيب اذا المريض نفسو هو ياللي طلب هال شي

هون حكي تاني ..... بس بعتقد بيصير هيك اسمو (انتحار رحيم) مو هيك

بس اذا كان شخص ميت جسديا وعايش على الىلات أنا بهادالموقف بفضل اني أنهي عذابه بايدي احسن من ما أعذب نفس بريئة

طيب وشو عرفك انها نفس بريئة
عم امزح
انا بالنسبة الي مالي قلب خلصه من العذاب بايدي لاني رح ضل اتعذب بقية عمري

[امرأة من ورق]

كاتب النص الأصلي : krakish

بس بالاخر اسمو ::: "قتل"

برأيي انا انو اسمو قتل رحيم

ومشكورة كتير كراكيش على مرورك

[امرأة من ورق]

كاتب النص الأصلي : أبو طريق

مشان شغلةالموت الرحيم، هاي عنجد ما حدا رح يقنع التاني فيها، أما مشان الإنسان و الطبيعة هادا موضوع فلسفسي قائم بذاتو، إنتي بالظاهر بنوب ما فهمتي وجهة نظريي بهالموضوع، و يمكن صعب وصلك ياها لأنها فلسفية بحتة، يعني بدها موضوع تاني لحالها و شرح طويل و مفصل، أصلا نقاشها بالمنتديات مانو مجدي، إذا بدك تناقشي فيها لازم يكون النقاش وجها لوجه مشان الأخد و العطى.
المهم، شكرا كتير إلك سيدتي لأنك طرحتي موضوع الموت الرحيم.

شكرا الك ابو طريق
ومنشان موضوع الانسان والطبيعة يمكن صعب انو نلتقى وجها لوجه او بالاصح مستحيلة بقى اذا كان عندك الوقت والراوق ياريت تفتحو بموضوع منفصل مع انك شايف انو نقاشها بالمنتديات مو مجدي بس بيضل افضل الموجود
بيعجبني الحوار الراقي معك

[امرأة من ورق]

كاتب النص الأصلي : hanny dagher

يلعن ها بكيتوني
اول مرة بعد زمن طويل بيصير هيك نقاش محترم بدون تجريح باخوية

وينك يا نيرفانا

صحي وينها نيرفانا؟؟؟

اشتقنالها

[امرأة من ورق]

كاتب النص الأصلي : gabriel

يا ستي اذا بدك الرأي الشخصي بقول لك ان التكنولوجيا الحديثة قدرت توصل لمرحلة اطالع فترة تعذيب الانسان يعني مثلا متل الملك حسين الله يرحمه بقي 3 ايام عايش وبنفس الوقت ميت يعني كل اعضائه ميتة باستثناء قلبه . حتى القلب كان عايش عن طريق الأجهزة

وبنفس الوقت ما بتقدري تقولي انه يموت أفضل له لأنه نفس بشرية ولا يحق لانسان ان يتحكم بها . مشان هيك ما بعرف انا بقول انه لكل حالة في الها اوضاعها الخاصة

ياعزيزي رأيك اكتر عجبني بكل الحكي اللي نحكى انو كل حالة الها اوضاعها الخاصة لذلك مالازم نكون مع الموت الرحيم بكل حالاتو بس كمان مالازم نكون ضدو بكل الحالات يعني انو نشوف الحالة ونقرر على اساسها