ما هو مصير المعتقل السياسي؟؟؟

[نيرفانا]

المعتقل السياسي هو بطل أول موضوع أطرحه في المنتدى:
_بعد ما بينشحط الواحد فيهن هديك الشحطة وبيتبهدل حتى وهو عم يتحمل بالسيارة وبيتعرض لأسلوب حقير أثناء التحقيق ( هاد إزا تحقق معو فوراً يعني ما انكبسلو كم يوم ناطر يفهم شو القصة ) .

_هلئ بعد ما مشي الحال وثبتت الرؤيا وطلع أخونا صاحب نشاط سياسي واتجاه معين بتنفتحلو أبواب المعتقل على مصرعيها كما إنو مدة الاستضافة مفتوحة وغير محددة وازا تحددت بتكون من (7)سنوات وما فوق.

_ما رح نوصف الوضع الداخلي لأنو ما إلنا علاقة.

_الغاية من موضوعيي هي شو مصير هالمعتقل في مرحلة ما بعد الاعتقال؟؟؟؟؟؟؟؟؟؟

شباب وصبايا كتير بعد ما طلعو من السجون تهمّشو وصارو صفر على الشمال!!!! مع العلم إنو الأغلبية حاصلين على شهادات جامعية وعلى درجة عالية من الوعي......

_في حال حاول يتوظف بيرجع الطلب تبعو مع ( إكس ) وبالأحمر كمان....يعني شهادتو كأنو ما حصل عليها

_والبعض بينمنع من السفر.........

_هاد عداك عن إنو الصبايا يللي بيتعرضو للإعتقال بينبذو اجتماعياً وبيسقطو من

عين الناس وكأنهن تم اعتقالهن بتهمة دعارة........

_ما رح ننسى حالة الرعب يللي بكملو هدول الأشخاص حياتهن معها.....

هل الدولة تغض نظر عن واجبها تجاه هؤلاء وكأنهم ليسو أو لم يعودو من رعاياها؟؟؟؟؟ وهل المجتمع لديه القدرة على التسامح مع المجرم والإرهابي....ولا يمتلك القدرة على النظر لهؤلاء على أنهم أصحاب مبدأ ولا يجب لومهم.

(طبعاً يُستثنى هنا بعض الشرائح من المجتمع)

بإختصار هل المعتقل السياسي على هامش الحياة؟؟؟؟؟

[وائل 76]

مفاجئة...................................... ..................


استفهام او تعجب ؟؟؟؟؟؟؟؟؟؟

سيدتي نحن نعيش في ظل دولة الاستبداد قتلوا كل شيئ فينا حتى احلامنا البسيطة

جبلنا على الحرية والانتماء للفكرة او المبدئ وانا اقصى ما يمكن ان يحققه الانسان في حياته من شرف هو ان ينتمي لفكرة او مبدئ وان يكون مخلصاً ومضحياً حتى وان عظمت التضحية

لكن حين يتعارض الانتماء مع توجهات ألهة العصر يتم شطبك من سجلات البشر لتغدو مجرد (معتقل سياسي ) نكرة بلا ادنى حقوق حتى الطبيعية منها
بل ان الامر اقذر من ذلك حين تتحول لمجرد رقم ليس الا فقد يكون حقك في الاسم ايضاً من المزايا التي تمتعت بها طويلاً حين كان اخلاصك وانتمائك للالهة اما حين عصيت آلهتك و اعتقدت انه يجوز لك ان تكون انسان تنتمي لما تريد وتقتنع بما تراه مناسباً ومجدياً فانك تصبح رقماً ليس اكثر

سيدتي جميعنا مجرد ارقام ليس لنا اي حق في اي شيئ فجميعنا معتقلون سياسياً ليس لنا ان نتلفظ بشيئ سوى ان نصبح ونمسي نسبح بحمد آلهتنا المتنصبين على مصائرنا والمتحكمين حتى بدوران عقارب الساعة

فكلنا نعيش على هامش الحياة
سحقاً لنا وسحقاً لها من حياة



برغم انو موضوع ..................
الا اني سعيد بأني اشارك في اول موضوع لكي
اقبلي مني كل الحب والتقدير

[الموسيقار]

موضوع .. وازن ...

يعني أنو شي .. ألو طعمة ..

بشكركـ رفيقة ..


هي أول باشتان




تاني باشتان

بلا ما نروح بعيد ..

بظن انو المعتقل السياسي أبو سنة 2006

بيختلف إختلاف جذري عن معتقل 1980

واللي صار أنو الخط البياني عم يطلع لفوق كل مالو ..

يعني عندي صديق .. قضى خمس سنين بمعتقل صيدنايا .. بتهمة الإنتساب إلى جماعة علمانية .. محظورة

يعني ع حسب ما حكالي ..
أنو المعتقل ... شي كتير هاي كلاس .. وشي كتير حضارة ..

ملاعب ومطاعم ..


يعني أقرب .. للمنتزه ..


بئا صح مو صح .. ما علينا ..

المهم أنو دخل ... وطلع

هي خطوة إيجابية .

[TheLight]

موضوع كبير لانو عطيتيه ابعاد اجتماعية بالاضافة للبعدالانساني والسياسي والقانوني الموجود بين ثناياه...
راح سجل متابعة مشاركة بس مواليوم بس حابب نوه لنقطة انو من يومين طلعت مجموعة من الاحكام بالسجن يزيد اقلها عن سبع سنين بحق مجموعة من اليافعين المتهمين بالانتماء لأحد التنظيمات المتشددة.

[وائل 76]

كاتب النص الأصلي : الموسيقار

موضوع .. وازن ...

يعني أنو شي .. ألو طعمة ..

بشكركـ رفيقة ..


هي أول باشتان




تاني باشتان

بلا ما نروح بعيد ..

بظن انو المعتقل السياسي أبو سنة 2006

بيختلف إختلاف جذري عن معتقل 1980

واللي صار أنو الخط البياني عم يطلع لفوق كل مالو ..

يعني عندي صديق .. قضى خمس سنين بمعتقل صيدنايا .. بتهمة الإنتساب إلى جماعة علمانية .. محظورة

يعني ع حسب ما حكالي ..
أنو المعتقل ... شي كتير هاي كلاس .. وشي كتير حضارة ..

ملاعب ومطاعم ..


يعني أقرب .. للمنتزه ..


بئا صح مو صح .. ما علينا ..

المهم أنو دخل ... وطلع

هي خطوة إيجابية .

هل عرفت الان لماذا قلت اننا جميعا معتقلون ؟؟؟؟؟؟؟؟؟؟؟؟



تحياتي لك

[الموسيقار]

كاتب النص الأصلي : وائل 76

هل عرفت الان لماذا قلت اننا جميعا معتقلون ؟؟؟؟؟؟؟؟؟؟؟؟



تحياتي لك

وأنا كمان .. تحياتي .. كلو ألكـ .. كلو كلو ..


ليش بس الواحد شاف بصبوصة ضو .. بآخر النفق ..

بتقولو عنه معتقل ..

بعدين بدي أسألكـ .

أنت قاعد بسوريا شي ؟

[meYnot]

حقيقة كان لي مقال قديم بهذا الخصوص!
وكانت وجهة النظر اللي ابديتها هو اننا نعرف دوافع الحاكم تجاه من يعترض على مبدأه او طريقته .. هاي مفهومه .. الحاكم بدو الناس تنام وتهلله وشوي تصلي له وللي خلفه.. لحد هون .. بنقول الحاكم فقط هو الظالم..

ولكن لا أدري كيف توصف هؤلاء المحققين؟
كيف توصف المجندين في تلك السجون ؟
كيف تكون دوافع هؤلاء لتبرير ايذائهم للمعتقلين؟

أني ارى ان الحاكم يكون أهون 100 مره من هؤلاء... على الأقل له دافع..يخاف على كرسيه!

هؤلاء هم المجرمون المحترفون.. من يكون على أهبة الأستعداد للإجرام مقابل المال! ألا يخجلوا من أنفسهم!
هم من يستحق أن يسحق تحت الأقدام لأنهم من طبيعة غير الطبيعة البشرية السويه.. حيث أنه لا دوافع عنده غير المادة وإرضاء مديره او رئيسه...

أسف لتلك المقدمة ولو أنها خرجت عن الموضوع لهامش أتمنى ان لا يكون بعيداً

بإختصار هل المعتقل السياسي على هامش الحياة؟؟؟؟؟

بأعتقادي أن المجتمع يهابه ..
* يخافون الأقتراب منه لكي لا يكون عرضة للمسائلة...
* يخافون أن يكون قد أنقلب على عقبيه .. بحيث خرج بعد عملية غسيل مخ!
* يكون غالباً قليل الحديث مُحطم النفس يميل الى العنف!
* ينظرون الى كلماته بكل الأحتمالات وخاصة الأحتمالات السيئة.
* حريصاً اكثر من اللازم.. (من يقرص من الحية يخاف الحبل).
* فقد احترام المجتمع .. ويحتاج لوقت ليس بالقليل لكي يعيد تلك الثقة مرة اخرى.
* طلباته تزيد عن ما يستطيع ان يقاض به.

وكنتيجة استطيع ان اجزم انها الأغلب... هي أن يهرب ... لكي يستطيع ان يعيد ثقته بنفسه.

شكراً لك على هذا الموضوع .. ويستحق بالفعل منا جميعاً النظر الى هذا المعتقل بطريقة أفضل من ان نظلمة زيادة على ما ظلم الجاكم له

[COSTA]

المعتقل السياسي هو بطل أول موضوع أطرحه في المنتدى:

اهلين بكل ابطالك

_بعد ما بينشحط الواحد فيهن هديك الشحطة وبيتبهدل حتى وهو عم يتحمل بالسيارة وبيتعرض لأسلوب حقير أثناء التحقيق ( هاد إزا تحقق معو فوراً يعني ما انكبسلو كم يوم ناطر يفهم شو القصة ) .

طبعا لانو يللي عم يشحط مفكر انو عم يشحط شي كيس زبالة مثلا بوادي المسك قال ياسين بقوش شحطو

_هلئ بعد ما مشي الحال وثبتت الرؤيا وطلع أخونا صاحب نشاط سياسي واتجاه معين بتنفتحلو أبواب المعتقل على مصرعيها كما إنو مدة الاستضافة مفتوحة وغير محددة وازا تحددت بتكون من (7)سنوات وما فوق.

حلوة كلمة نشاط سياسي
هو من وين جابو هال مصطلح؟؟............ طبعا كل الدول الديكتاتورية بتتبعوا

_ما رح نوصف الوضع الداخلي لأنو ما إلنا علاقة.

_الغاية من موضوعيي هي شو مصير هالمعتقل في مرحلة ما بعد الاعتقال؟؟؟؟؟؟؟؟؟؟

مصيرو انو رح يكون في نظر الحكومة هو من معادين النظام القائم على اعتقالو
ومن نظر المجتمع بتختلف من فكر الى فكر معين وبحسب توجهاتو الايديولوجية

شباب وصبايا كتير بعد ما طلعو من السجون تهمّشو وصارو صفر على الشمال!!!! مع العلم إنو الأغلبية حاصلين على شهادات جامعية وعلى درجة عالية من الوعي......

السجن مو عيب اذا كان في سبيل فكر او نضال وطني
هلأ مين يللي همشون وهاد سؤال بيطرح نفسو ..... كيف ........... يعني تهميشون رح يكون من قبل فئة معينة وانا بشوف هي الفئة من المنتفعين او المستفيدين من النظام القائم في البلد يللي تم اعتقالو فيها
ومو بالضرورة انو يكون حاصل على شهادات جامعية لانو النضال في سبيل الوطن والارض مال بدو شهادة .....

_في حال حاول يتوظف بيرجع الطلب تبعو مع ( إكس ) وبالأحمر كمان....يعني شهادتو كأنو ما حصل عليها

صوفتو حمرا............. مغضوب عليه.............

_والبعض بينمنع من السفر.........

عادية حتى ما يقوم بالاتصال مع جماعات مناهضة للنظام القائم في بلدو....... هي افكار الانظمة الفاشلة

_هاد عداك عن إنو الصبايا يللي بيتعرضو للإعتقال بينبذو اجتماعياً وبيسقطو من

عين الناس وكأنهن تم اعتقالهن بتهمة دعارة........

هدول الناس يللي بينبذوهون بكونو اما عن غيرة او عن جهل
ليش؟؟؟؟؟ لانو في ناس بتغار او بالاحرى في شباب بتغار منها للبنت لانو متل ما منعرف مجتمعنا ذكوري
والجهل هو نابع من عدم فهم الوضع السياسي للبلد وعلى قولة شو ما جرى طنجرة

_ما رح ننسى حالة الرعب يللي بكملو هدول الأشخاص حياتهن معها.....

ما بعتقد انو بعيش بحالة رعب لانو بكون تأقلم على الرعب في المعتقل وصار عندو مناعة منها

هل الدولة تغض نظر عن واجبها تجاه هؤلاء وكأنهم ليسو أو لم يعودو من رعاياها؟؟؟؟؟ وهل المجتمع لديه القدرة على التسامح مع المجرم والإرهابي....ولا يمتلك القدرة على النظر لهؤلاء على أنهم أصحاب مبدأ ولا يجب لومهم.

ما الدولة اعتقلتهون حتى تذلهون و لانها خايفة منهم
وبالنسبة للمجتمع هون بتعود بحسب المجتمع يللي عايش فيه المعتقل او البيئة يللي عايش معها لانو في كتير ناس اعتقلوا وما حدا عرف فيهم !!!!!!!!!!

(طبعاً يُستثنى هنا بعض الشرائح من المجتمع)

هي ما فهمتها ..................

بإختصار هل المعتقل السياسي على هامش الحياة؟؟؟؟؟

لا ........... باختصار

[وائل 76]

كاتب النص الأصلي : الموسيقار

وأنا كمان .. تحياتي .. كلو ألكـ .. كلو كلو ..


ليش بس الواحد شاف بصبوصة ضو .. بآخر النفق ..

بتقولو عنه معتقل ..

بعدين بدي أسألكـ .

أنت قاعد بسوريا شي ؟

تعا لقلك القصة من البداية

هذا يا سيدنا في شي اسمه اسرائيل وفي جماعة كانوا ماخدين امن اسرائيل مقاولة من الباطن
هلاء كل واحد بيسرح شي يوم وبيفكر ليش هاي اسرائيل خلقت وليش نحنا ما ......... اختها وبيبلش يبحث عن تنظيم متوافق مع افكاره لحد هون ممتاز جدا وما في مشكلة
لما ينتمي لاي تنظيم او تيار اسمه بيوصل لاولاد عمنا يلي هما اسرائيل الاسم بيتم ارساله لمين ؟؟؟؟؟؟؟؟؟؟
للمقاولين يلي ماسكين امن اولاد عمنا
من هون بتبلش القصة وبيصير مجرد رقم وما حدا بيعرف هو باي نقطة على الخارطة وطبعا لا يتم توجيه تهمة الانتماء لتيار او تنظيم لاء بالعكس التهمة تكون العمالة لدولة اجنبية وهاي يا سيدنا محكوميتها بتبدأ من 10 سنوات حتى الاعدام
طبعاً المسكين قضى عشر سنوات بتهمة العمالة بالمعتقل وبيخرج بعدها الكل بيقرف منه لانو عميل لاسرائيل ما حدا بيسلم عليه ولا حدا بيشتري منه او بيبيعه واذا ما كمان متزوج ما حدا بيزوجه واذا كان متزوج مرته بتكون تطلقت منه
يعني من الاخر بيكفر بشيي اسمه انتماء ووطن وانسانية وكل شي

حلوة القصة ؟؟؟؟؟؟؟؟؟؟؟؟؟؟؟؟؟؟

على فكرة الاعتقال السياسي ليس من ابتكارات النظام السوري

[الموسيقار]

كاتب النص الأصلي : وائل 76

تعا لقلك القصة من البداية

هذا يا سيدنا في شي اسمه اسرائيل وفي جماعة كانوا ماخدين امن اسرائيل مقاولة من الباطن
هلاء كل واحد بيسرح شي يوم وبيفكر ليش هاي اسرائيل خلقت وليش نحنا ما ......... اختها وبيبلش يبحث عن تنظيم متوافق مع افكاره لحد هون ممتاز جدا وما في مشكلة
لما ينتمي لاي تنظيم او تيار اسمه بيوصل لاولاد عمنا يلي هما اسرائيل الاسم بيتم ارساله لمين ؟؟؟؟؟؟؟؟؟؟
للمقاولين يلي ماسكين امن اولاد عمنا
من هون بتبلش القصة وبيصير مجرد رقم وما حدا بيعرف هو باي نقطة على الخارطة وطبعا لا يتم توجيه تهمة الانتماء لتيار او تنظيم لاء بالعكس التهمة تكون العمالة لدولة اجنبية وهاي يا سيدنا محكوميتها بتبدأ من 10 سنوات حتى الاعدام
طبعاً المسكين قضى عشر سنوات بتهمة العمالة بالمعتقل وبيخرج بعدها الكل بيقرف منه لانو عميل لاسرائيل ما حدا بيسلم عليه ولا حدا بيشتري منه او بيبيعه واذا ما كمان متزوج ما حدا بيزوجه واذا كان متزوج مرته بتكون تطلقت منه
يعني من الاخر بيكفر بشيي اسمه انتماء ووطن وانسانية وكل شي

حلوة القصة ؟؟؟؟؟؟؟؟؟؟؟؟؟؟؟؟؟؟

على فكرة الاعتقال السياسي ليس من ابتكارات النظام السوري

يا سيدي أنت زكرت .. وبحترمكـ

بالإضافة .. لأنكـ زكرت حالة كتير مؤسفة صايرة بالأراضي الفلسطينية ..

أنو المتشدقين عالقضية اللي ماسكين الصلطة هلئ ..

أفقدوا الشعب الفلسطيني شهيته عالمقاومة ..



يمكن هالشي بيبرر أنو حزب الله ماتم اختراقه لحد هلق ..

أنو في هامش .. من الحرية

و هاد لا ينفي أنو لبنان عاش الشوربة العجيبة ..




صديقي كل الحب ... عن جد هالمرة .. لألكـ

[نيرفانا]

[quote=وائل 76;559103]مفاجئة...................................... ..................


استفهام او تعجب ؟؟؟؟؟؟؟؟؟؟

سيدتي نحن نعيش في ظل دولة الاستبداد قتلوا كل شيئ فينا حتى احلامنا البسيطة

جبلنا على الحرية والانتماء للفكرة او المبدئ وانا اقصى ما يمكن ان يحققه الانسان في حياته من شرف هو ان ينتمي لفكرة او مبدئ وان يكون مخلصاً ومضحياً حتى وان عظمت التضحية

لكن حين يتعارض الانتماء مع توجهات ألهة العصر يتم شطبك من سجلات البشر لتغدو مجرد (معتقل سياسي ) نكرة بلا ادنى حقوق حتى الطبيعية منها
بل ان الامر اقذر من ذلك حين تتحول لمجرد رقم ليس الا فقد يكون حقك في الاسم ايضاً من المزايا التي تمتعت بها طويلاً حين كان اخلاصك وانتمائك للالهة اما حين عصيت آلهتك و اعتقدت انه يجوز لك ان تكون انسان تنتمي لما تريد وتقتنع بما تراه مناسباً ومجدياً فانك تصبح رقماً ليس اكثر

سيدتي جميعنا مجرد ارقام ليس لنا اي حق في اي شيئ فجميعنا معتقلون سياسياً ليس لنا ان نتلفظ بشيئ سوى ان نصبح ونمسي نسبح بحمد آلهتنا المتنصبين على مصائرنا والمتحكمين حتى بدوران عقارب الساعة

فكلنا نعيش على هامش الحياة
سحقاً لنا وسحقاً لها من حياة



برغم انو موضوع ..................
الا اني سعيد بأني اشارك في اول موضوع لكي
اقبلي مني كل الحب والتقدير

صحيح وائل ........نحنا مجرد دمى بمسرح عرائس عم نتحرك بأوامرهن ونحكي بلسانن وحتى بنبرة صوتن نحنا ما بحئلنا نبذل أي مجهود أو نفكر حتى....لكن هاد ما بيعني إننا ما نتمسك بمبادئنا ونناضل في سبيلها....مشكور على مشاركتك وائل

[abosleman]

من وين جبتوها هي شغلة 7 سنين
هدا الكلام معلش مو منطقي بنوب
ومابيدخل مخي
ليش ... لا تسألوني ليش
لان وقت كان عمري 7 سنين راح جارنا المنتسب
لحزب ... يجيب سطل لبن

ولهلئ ناطرينو يرجع

ال 7 سنين ال

هي مو مشاركه
إلي رجعه لهون

[نيرفانا]

أهلين رفيق


هي أول باشتان

معك في اختلاف لكن أنا قصدت يللي قضو (7) و (15) و (52) سنة بالمعتقل ....مو حديثي العهد من المعتقلين

أهه ....خطوة إيجابية!!!!!! ما أنا كل تساؤلاتي كانت عن المرحلة يللي بدو يرجع فيها هاد الانسان ليباشر حياتو ومتل ما حكيتلك يللي عم يجي الفرج بعد (15) و(20) سنة كيف بدو يكمل تحت الضغوط يللي عم تتمارس عليه من استحالة توفير فرصة عمل.....لمنعو من السفر....وصولاً للمتاعب مع محيطو؟؟؟؟؟؟؟ مشكور موسيقار

[نيرفانا]

كاتب النص الأصلي : TheLight

موضوع كبير لانو عطيتيه ابعاد اجتماعية بالاضافة للبعدالانساني والسياسي والقانوني الموجود بين ثناياه...
راح سجل متابعة مشاركة بس مواليوم بس حابب نوه لنقطة انو من يومين طلعت مجموعة من الاحكام بالسجن يزيد اقلها عن سبع سنين بحق مجموعة من اليافعين المتهمين بالانتماء لأحد التنظيمات المتشددة.

أهلاً ذا لايت وبنتظر رجعتك..............

[نيرفانا]

كاتب النص الأصلي : meYnot

حقيقة كان لي مقال قديم بهذا الخصوص!
وكانت وجهة النظر اللي ابديتها هو اننا نعرف دوافع الحاكم تجاه من يعترض على مبدأه او طريقته .. هاي مفهومه .. الحاكم بدو الناس تنام وتهلله وشوي تصلي له وللي خلفه.. لحد هون .. بنقول الحاكم فقط هو الظالم..



ولكن لا أدري كيف توصف هؤلاء المحققين؟
كيف توصف المجندين في تلك السجون ؟
كيف تكون دوافع هؤلاء لتبرير ايذائهم للمعتقلين؟

أني ارى ان الحاكم يكون أهون 100 مره من هؤلاء... على الأقل له دافع..يخاف على كرسيه!

هؤلاء هم المجرمون المحترفون.. من يكون على أهبة الأستعداد للإجرام مقابل المال! ألا يخجلوا من أنفسهم!
هم من يستحق أن يسحق تحت الأقدام لأنهم من طبيعة غير الطبيعة البشرية السويه.. حيث أنه لا دوافع عنده غير المادة وإرضاء مديره او رئيسه...

أسف لتلك المقدمة ولو أنها خرجت عن الموضوع لهامش أتمنى ان لا يكون بعيداً

بإختصار هل المعتقل السياسي على هامش الحياة؟؟؟؟؟

بأعتقادي أن المجتمع يهابه ..
* يخافون الأقتراب منه لكي لا يكون عرضة للمسائلة...
* يخافون أن يكون قد أنقلب على عقبيه .. بحيث خرج بعد عملية غسيل مخ!
* يكون غالباً قليل الحديث مُحطم النفس يميل الى العنف!
* ينظرون الى كلماته بكل الأحتمالات وخاصة الأحتمالات السيئة.
* حريصاً اكثر من اللازم.. (من يقرص من الحية يخاف الحبل).
* فقد احترام المجتمع .. ويحتاج لوقت ليس بالقليل لكي يعيد تلك الثقة مرة اخرى.
* طلباته تزيد عن ما يستطيع ان يقاض به.

وكنتيجة استطيع ان اجزم انها الأغلب... هي أن يهرب ... لكي يستطيع ان يعيد ثقته بنفسه.

شكراً لك على هذا الموضوع .. ويستحق بالفعل منا جميعاً النظر الى هذا المعتقل بطريقة أفضل من ان نظلمة زيادة على ما ظلم الجاكم له

هذا وصف دقيق لحالة الأشخاص الذين يتعرضون للاعتقال ........لكن ماذا تنتظر من هؤلاء بعد القمع والتعذيب اللذان تعرضو لهما؟؟؟؟؟ تصور أن فتيات ممن كانو في معتقلات سياسية ذكرو أن الفتاة التي تسجن بتهمة دعارة كانت تعامل بطريقة جيدة ويوفر لها ما تحتاجه!!!..... بعكسهنّ تماماًوهذا ليس دليلاً إلا على سقاطة من أسميتهم أنت المجرمون ....مشكور

[Spector]

تسجيل متابعة

[نيرفانا]

كاتب النص الأصلي : كوستا

اهلين بكل ابطالك


طبعا لانو يللي عم يشحط مفكر انو عم يشحط شي كيس زبالة مثلا بوادي المسك قال ياسين بقوش شحطو


حلوة كلمة نشاط سياسي
هو من وين جابو هال مصطلح؟؟............ طبعا كل الدول الديكتاتورية بتتبعوا




مصيرو انو رح يكون في نظر الحكومة هو من معادين النظام القائم على اعتقالو
ومن نظر المجتمع بتختلف من فكر الى فكر معين وبحسب توجهاتو الايديولوجية


السجن مو عيب اذا كان في سبيل فكر او نضال وطني
هلأ مين يللي همشون وهاد سؤال بيطرح نفسو ..... كيف ........... يعني تهميشون رح يكون من قبل فئة معينة وانا بشوف هي الفئة من المنتفعين او المستفيدين من النظام القائم في البلد يللي تم اعتقالو فيها
ومو بالضرورة انو يكون حاصل على شهادات جامعية لانو النضال في سبيل الوطن والارض مال بدو شهادة .....



صوفتو حمرا............. مغضوب عليه.............



عادية حتى ما يقوم بالاتصال مع جماعات مناهضة للنظام القائم في بلدو....... هي افكار الانظمة الفاشلة


هدول الناس يللي بينبذوهون بكونو اما عن غيرة او عن جهل
ليش؟؟؟؟؟ لانو في ناس بتغار او بالاحرى في شباب بتغار منها للبنت لانو متل ما منعرف مجتمعنا ذكوري
والجهل هو نابع من عدم فهم الوضع السياسي للبلد وعلى قولة شو ما جرى طنجرة



ما بعتقد انو بعيش بحالة رعب لانو بكون تأقلم على الرعب في المعتقل وصار عندو مناعة منها


ما الدولة اعتقلتهون حتى تذلهون و لانها خايفة منهم
وبالنسبة للمجتمع هون بتعود بحسب المجتمع يللي عايش فيه المعتقل او البيئة يللي عايش معها لانو في كتير ناس اعتقلوا وما حدا عرف فيهم !!!!!!!!!!


هي ما فهمتها ..................



لا ........... باختصار

إي لا تعليق .........لأنك سيد العارفين......أهلين كوستا

[نيرفانا]

كاتب النص الأصلي : abosleman

من وين جبتوها هي شغلة 7 سنين
هدا الكلام معلش مو منطقي بنوب
ومابيدخل مخي
ليش ... لا تسألوني ليش
لان وقت كان عمري 7 سنين راح جارنا المنتسب
لحزب ... يجيب سطل لبن

ولهلئ ناطرينو يرجع

ال 7 سنين ال

هي مو مشاركه
إلي رجعه لهون

آل 7 سنين آل أنا مو ذنبي إزا انت نعسان....... أنا إلت من 7 سنين وما فوق.....وفترة الاستضافة مفتوحة وأهلين برجعتك