أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 18/11/2006   #55
شب و شيخ الشباب ظل جيفارا
عضو
-- زعيـــــــم --
 
الصورة الرمزية لـ ظل جيفارا
ظل جيفارا is offline
 
نورنا ب:
Oct 2006
المطرح:
من قلبي سلام لطرطوس...رغم المسافات
مشاركات:
1,554

إرسال خطاب MSN إلى ظل جيفارا إرسال خطاب Yahoo إلى ظل جيفارا
افتراضي


اقتباس:
كاتب النص الأصلي : نيرفانا عرض المشاركة
الأممية حرام عليك يا ظل جيفارا.......ما بكفي بكتب القومية والتاريخ من الابتدائية للثانوية وهنن ما علّمونا غير انو اللي بيجمع العرب آلام واحدة وآمال واحدة وعدو واحد .......باختصار ظل جيفارا نحنا ما بيجمعنا غير مصيرنا الأسود........... لذلك مو نائصة الشغلة تصير على مستوى أمم ويصير حتى القاسم المشترك مهعن على نفس الوتيرة
بتنكري انو اممية .....................من غوانتانامو لابو غريب ل.....ولا خلص مشي الحال خليني كمل قراءة
بشوفكن بخير

فإقتلوني ..وأحرقوني ..بعظامي الفانيات ..ثم مروا برفاتي ..في القبور الدارسات
....................................................إلى روح الحلاج شهيد الحرية
"تمركز رأس المال هو المشكلة ولا حل إلا الإشتراكية ."
  رد مع اقتباس
قديم 18/11/2006   #56
شب و شيخ الشباب عبد الرشيد عوان
مسجّل
-- اخ طازة --
 
الصورة الرمزية لـ عبد الرشيد عوان
عبد الرشيد عوان is offline
 
نورنا ب:
Nov 2006
المطرح:
عين عبيد قسنطينة الجزائر
مشاركات:
2

افتراضي


أخي عمار المالكي أرى أنك ترى أن الأمة العربية لا تستحق الحرية والديموقراطية بل ذهبت اِلى حد حرمانها من الوعي وهذا شيئ خطير وكلام غير مسؤول أذكرك فقط بما فعله الشرفاء الأحرار والوعاة في جنوب لبنان أم أنك نسيت بأن الوعي والحرية هما الفاعلان الأساسيان في هذه الحرب عد اِلى رشدك وتذكر أن الجزائريين قد هزموا فرنسا بوعيهم ومن أجل حريتهم آسف اِنك حامل لفكر اِنهزامي لايعرف الطموح ولا التطلع الى ما هو جميل
شكرا
  رد مع اقتباس
قديم 18/11/2006   #57
صبيّة و ست الصبايا butterfly
مشرف
 
الصورة الرمزية لـ butterfly
butterfly is offline
 
نورنا ب:
Jan 2006
المطرح:
قلب الله
مشاركات:
14,333

افتراضي


اقتباس:
كاتب النص الأصلي : الموسيقار عرض المشاركة
أنو تعافي مجتمعنا الي أنا شايفو .. عم يبلش .. ما بيستاهللو شي ألف .. ألفين .. عشر تالاف نفر .. ينحبسو منشانو ??

لك انو أنا السياسة ما بتعنيني ... بس في شي بعرفو
الفرق بين الخاروف والبني أدم
الخاروف منضحي فيو عالعيد
بس البني أدم .. ما بيتضحى فيو
الأنسان قدسية ألو أحلام وطموحات وعلاقات واهل ... وما بيحقلنا نضحي فيه ... هيك مشان تعافي المجتمع
ليش مين المجتمع غير أنا وأنت وهوي ...
بتعرف أكلي لحوم البشر كانو ياكلو بعض ... مشان البقاء
نحنا مع تطور الحضارة صرنا ناكل بعض ( مو حرفيا ) ... مشان تعافي المجتمع
ولي رجعة عالموضوع

انك " فقير إلى الآخر " كما هو فقير إليك " وأنك محتاج إلى الآخر ، كما هو محتاج إليك
الأب جورج

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


  رد مع اقتباس
قديم 18/11/2006   #58
شب و شيخ الشباب chefadi
مشرف متقاعد
 
الصورة الرمزية لـ chefadi
chefadi is offline
 
نورنا ب:
May 2006
المطرح:
بيتي متل ورقة احترق
مشاركات:
544

افتراضي


اقتباس:
كاتب النص الأصلي : الموسيقار عرض المشاركة
أنو تعافي مجتمعنا الي أنا شايفو .. عم يبلش .. ما بيستاهللو شي ألف .. ألفين .. عشر تالاف نفر .. ينحبسو منشانو ??


أنو ياريت تزكرلنا مظاهر التعافي اللي عم تشوفا بهالمجتمع ,,,, هاي أولا
تانيا ,,,, ياسيدي هاد التعافي اللي عم تحكي عنو مابيستاهل ولا نفر ينحبس و رح قلك ليش : لأنو هدول اللي عم ينحبسوا مانون مجرمين و مانون براغي بعجلات مسيرة التعافي العجيبة اللي عم تصير , هدول جماعة مفكرين و اسمون سجناء رأي يعني مو سجناء جنائيين ,,,


اقتباس:

ع قولة زياد الرحباني

وبلا حرية رأي .. سمحولنا معلش



عفوا بس كمان توضيح صغير : زياد حكى هالكلام عن الاتحاد السوفييتي بالفترة الاولى لثورة اكتوبر و كان عم يقول قبل هالجملة تمام انو كزا مليون فلاح صارو ملاكين لهيك اسمحولنا شوي بلا حرية رأي
المهم ,,,, خيو في فرق كبير لما تكون عم تبني دولة عقائدية و انت بحالة بناء متل السوفييت (ممكن تقمع لتوطيد الحكم و حتى هاد غير مبرر ) اما بحالة متل حالتنا و بعد كم عقد من القمع لو يجي التغيير من السما ما بيستاهل انو تنكم الافواه كرمالو (طبعا على فرض انو التغيير موجود و الاصلاح حقيقي)

اقتباس:

يعني لو مافي خطوة إيجابية .. كان لا في أخوية .. ولا في حدا يفتح موضوع متل هالموضوع .. و كنتي بالمزة .. بزيارة عائلية ..

الخط البياني بالطالع


وخلينا نفكر .. كيف بدنا نصلح بقا


مو نعارض .. لمجرد .. المعارضة ..

يحرق أخت لبنان شو عم تعلمنا ..
كمان بدي اسألك كيف شايف هاد الخط تصاعدي ؟؟؟؟؟؟
و اكيد نحنا غايتنا نصلح و المعارضة وسيلة وليست غاية ,,, بس قلي الاصلاح كيف برأيك ؟؟؟
لاتقلي زيادة الرواتب مشان اللي بتعبدو ,,, ولا تقلي الاستثمارات ,,, و الحريات العجيبة اللي اخدناهاااااا
عجبي ,,,

اقتباس:
وهاد رفيقي .. نفسو نفسو الي قلتللكـ عليه أنو كان مرفــّه بالمعتقل السياسي ليكو .. كان بمصر هالصيفية



مافهمت شو خص هي ب هي
بس اديش عمرو رفيقك
اكيد ما لحق تدمرررررررررررررررررررررر
و ياسيدي بلا تدمر حوادث الاكراد الاخيرة استخدمت فيها نفس وسائل التعذيب القديمة ال لطيفة ال خفيفة و بفرع فلسطين كمان ,,,,,,


ماتواخزني بس كتير استفزني كلامك ,,,,

تحياتي ,,,

إذا تعبت أضع رأسي على كتف قاسيون و أستريح و لكن إذا تعب قاسيون على كتف من يضع رأسه .......... المـــــــــــــــــــــا غوط
  رد مع اقتباس
قديم 20/11/2006   #59
شب و شيخ الشباب ابو عمير السوري
عضو
-- زعيـــــــم --
 
الصورة الرمزية لـ ابو عمير السوري
ابو عمير السوري is offline
 
نورنا ب:
Aug 2005
المطرح:
دمشق
مشاركات:
1,112

إرسال خطاب MSN إلى ابو عمير السوري
افتراضي


اقتباس:
كاتب النص الأصلي : نيرفانا عرض المشاركة
لن أجيب بنعم أو لا يستحق!!!!!!!!بل أبادلك السؤال بسؤال هل من يُقمع ويُضتطهد ويُعذّب ويلقى مصيره الأسود لأجلها......لا يستحقها؟؟؟؟؟؟؟؟ وهل يتكبّد كل ذلك العناء لأجل شيء لا يعرف عنه سوى اسمه؟؟؟؟؟؟؟؟

أما بالنسبة للحرية.......فمن يجوع الحرية ويطالب بها ليس إلا ذلك الانسان الذي عرف معناها فسعى إليها وتفنن باستخدامها ورسم حدودها بنفسه فكيف له ألاّ يعرف ما رسمت يديه وما تعلقت آمله به؟؟؟؟؟؟؟

أما الحياة الاجتماعية ما هي إلا مرآة التي عكست قباحة السياسة المريضة التي وقفت بوجهها..... فلا تريك المرآة إلا ما يقف أمامها.....إن كان جميلاً عكسته جميلاً وإن كان قبيحاً لن تعكس إلا قبحه.........مشكور
كلامك جميل لكن قفي وانظري حواليك بتلاقي بشر ولا ؟؟؟
وهدول يلي عم تحكي عليهم أديش نسبتهم بالمليون وعي مافي ثقافة مافي سلوك حضاري مافي كل بدو يطحش عاالتاني وحالة تعبانة ياليلى-----------حالة
  رد مع اقتباس
قديم 20/11/2006   #60
شب و شيخ الشباب ابو عمير السوري
عضو
-- زعيـــــــم --
 
الصورة الرمزية لـ ابو عمير السوري
ابو عمير السوري is offline
 
نورنا ب:
Aug 2005
المطرح:
دمشق
مشاركات:
1,112

إرسال خطاب MSN إلى ابو عمير السوري
افتراضي


اقتباس:
كاتب النص الأصلي : عبد الرشيد عوان عرض المشاركة
أخي عمار المالكي أرى أنك ترى أن الأمة العربية لا تستحق الحرية والديموقراطية بل ذهبت اِلى حد حرمانها من الوعي وهذا شيئ خطير وكلام غير مسؤول أذكرك فقط بما فعله الشرفاء الأحرار والوعاة في جنوب لبنان أم أنك نسيت بأن الوعي والحرية هما الفاعلان الأساسيان في هذه الحرب عد اِلى رشدك وتذكر أن الجزائريين قد هزموا فرنسا بوعيهم ومن أجل حريتهم آسف اِنك حامل لفكر اِنهزامي لايعرف الطموح ولا التطلع الى ما هو جميل
شكرا
حبيب انا محبط من السلوك البشري تبعنا
ولو كنا متل الشرفاء بجنوب لبنان لكنا بأحسن حال
ايام زمان راحت وقت كان الناس بتحب بعضا وبتحترم بعضا راحت ذهبت الأخلاق والتتمة عندك
  رد مع اقتباس
قديم 20/11/2006   #61
شب و شيخ الشباب الموسيقار
مشرف متقاعد
 
الصورة الرمزية لـ الموسيقار
الموسيقار is offline
 
نورنا ب:
Oct 2006
المطرح:
بين الشمنتو والبحص والرمل
مشاركات:
1,329

افتراضي


اقتباس:
كاتب النص الأصلي : butterfly عرض المشاركة

لك انو أنا السياسة ما بتعنيني ... بس في شي بعرفو
الفرق بين الخاروف والبني أدم
الخاروف منضحي فيو عالعيد
بس البني أدم .. ما بيتضحى فيو
الأنسان قدسية ألو أحلام وطموحات وعلاقات واهل ... وما بيحقلنا نضحي فيه ... هيك مشان تعافي المجتمع
ليش مين المجتمع غير أنا وأنت وهوي ...
بتعرف أكلي لحوم البشر كانو ياكلو بعض ... مشان البقاء
نحنا مع تطور الحضارة صرنا ناكل بعض ( مو حرفيا ) ... مشان تعافي المجتمع
ولي رجعة عالموضوع

طيب .. بما أنو رجعنا لنفس الموضوع

بتمنى تأشريلي على امتداد الكرة .. الأرضية .. على دولة

ما فيها معتقلين رأي ..

والي بيقللكـ غير هالحكي .

يا عم يتضحكـ ع حالو .. يا عم يتضحكـ عالناس .



بعدين .. من إيمتا مصطلح الإنسانية كان موجودج .. بأي دولة ؟ كبيرة شوي هي مو ؟

المصالح هي سيدة الموقف . . كلو صدقيني .

والمظاهر الديموقراطية .. الأوروبية .. مخبية وراها .. مصلحة .. وحضارة


وغير هيكــ ..

أنو شو الهدف من المعارضة .. والقتيل .. والقتال ؟

مو الوصول لـ مجتمع راقي ؟

طيب ممكن نوصل لمجتمع راقي .. بطرق تانية ..

اقتصاد .. ثقافة .// مسرح + موسيقا + سينما + ................................. //

أنو يعني نصلح الوسخ اللي علقان بذهنية مجتمعاتنا اللي عايشة .. بـ ما بعد التخلف ..

بعدين خلينا نتفاصج .. ونناقش بالسياسة ..

وعن جد أنا بأسف لإعتقال اي شخص .. باعتبار أنو الوطن خسره .. مدة اعتقاله

سوري رفيئتي .

بس أنا هيكـ بنحمئ


أراكـــــــــــ عصي الدمع ..شيمتكـ الصبر ..
أما للهوى نهي .. لديكـ ولا أمر ..
نعم أنا مشتاق ٌ وعندي لوعة ٌ ... ولكن مثلي لا يذاع له سر ..
  رد مع اقتباس
قديم 20/11/2006   #62
صبيّة و ست الصبايا butterfly
مشرف
 
الصورة الرمزية لـ butterfly
butterfly is offline
 
نورنا ب:
Jan 2006
المطرح:
قلب الله
مشاركات:
14,333

افتراضي


كونو موجود ... مانو دليل أنو هوي صح ...
الأصح أنو ما يحقلك تعتقل الأخر لمجرد أنو مختلف عنك

أنت بتحب الثقافة خيو ... غيرك بيحكي سياسة ؟
هي أسما حرية ... حرية أنو يعبر عن نفسو

ماني مع التعامل مع كل ( وبركز التعميم ) كل المعتقلين السياسيين على انون أبطال ... ولاني مع التعامل مع المعتقلين ككل ... بأنون خونة

المعتقل شخص عم يدفع ضريبة اختلافو وتميزو وجرأتو ..بمجتمع بيحب اللون الواحد
وهادا غلط ...

شو الهدف من الاعتقال ... فكرة السجن من أساسا شو مفهوما بنظرك ؟
السجن الاعتقال أيا يكن : هوي عقاب وحماية للمجتمع وإعادة تأهيل لأغناء المجتمع

منبدا نقطة نقطة
ما فيك تعاقب الأخر لأنو بيفكر بطريقة مختلفة
( الأفكار لها أجنحة ) يعني ما لاحدود .. اعتقال المفكرين مرادف لأحراق الكتب تاريخيا ً .. ومتل ما هلق مننظر بحسرة والم على احراق الكتب ... المفروض إذا تطورنا صح ... يجي الجيل اللي بعدنا يسخر من اعتقال المفكرين

حماية للمجتمع ؟ من مين ؟؟؟ من خطر المثقف ؟؟ بأنك توحي للمجتمع أنو نحنا لا نرحب بالفكر ولا بالثقافة اللي بيفكر أكتر من المتر بمتر اللي نحنا سامحينلو يفكر فيون هيك بيكون مصيرو ؟
شو مشان أنو المعتقل أذنب بأنو فكر ؟ يا زلمي الله وقت عطى موسى الوصايا العشر التعجيزية ما كان فيون لا تفكرو

إعادة تأهيل ... وهي أحلى شي ... منحطو مدري مع قتالين قتلة مدري مع مجرمين ... ومنطالعو معاد تأهيلو نسيان الثقافة وقرفان الوطن

وإذا كنا ما عم نقدر اليوم نعيش بأنسانية لازم نفكر كيف ولادنا عالأقل بيكون عندن فسحة من الأنسانية أكتر مننا
  رد مع اقتباس
قديم 20/11/2006   #63
شب و شيخ الشباب الموسيقار
مشرف متقاعد
 
الصورة الرمزية لـ الموسيقار
الموسيقار is offline
 
نورنا ب:
Oct 2006
المطرح:
بين الشمنتو والبحص والرمل
مشاركات:
1,329

افتراضي


اقتباس:
كاتب النص الأصلي : chefadi عرض المشاركة


أنو ياريت تزكرلنا مظاهر التعافي اللي عم تشوفا بهالمجتمع ,,,, هاي أولا


تانيا ,,,, ياسيدي هاد التعافي اللي عم تحكي عنو مابيستاهل ولا نفر ينحبس و رح قلك ليش : لأنو هدول اللي عم ينحبسوا مانون مجرمين و مانون براغي بعجلات مسيرة التعافي العجيبة اللي عم تصير , هدول جماعة مفكرين و اسمون سجناء رأي يعني مو سجناء جنائيين ,,,






عفوا بس كمان توضيح صغير : زياد حكى هالكلام عن الاتحاد السوفييتي بالفترة الاولى لثورة اكتوبر و كان عم يقول قبل هالجملة تمام انو كزا مليون فلاح صارو ملاكين لهيك اسمحولنا شوي بلا حرية رأي


المهم ,,,, خيو في فرق كبير لما تكون عم تبني دولة عقائدية و انت بحالة بناء متل السوفييت (ممكن تقمع لتوطيد الحكم و حتى هاد غير مبرر ) اما بحالة متل حالتنا و بعد كم عقد من القمع لو يجي التغيير من السما ما بيستاهل انو تنكم الافواه كرمالو (طبعا على فرض انو التغيير موجود و الاصلاح حقيقي)




كمان بدي اسألك كيف شايف هاد الخط تصاعدي ؟؟؟؟؟؟
و اكيد نحنا غايتنا نصلح و المعارضة وسيلة وليست غاية ,,, بس قلي الاصلاح كيف برأيك ؟؟؟
لاتقلي زيادة الرواتب مشان اللي بتعبدو ,,, ولا تقلي الاستثمارات ,,, و الحريات العجيبة اللي اخدناهاااااا
عجبي ,,,

مافهمت شو خص هي ب هي
بس اديش عمرو رفيقك
اكيد ما لحق تدمرررررررررررررررررررررر
و ياسيدي بلا تدمر حوادث الاكراد الاخيرة استخدمت فيها نفس وسائل التعذيب القديمة ال لطيفة ال خفيفة و بفرع فلسطين كمان ,,,,,,


ماتواخزني بس كتير استفزني كلامك ,,,,

تحياتي ,,,

يعني استغربت .. من أنو تسألني شو هيي المظاهر المرضيـــّة .. بالمجتمع ..

بعددللكــ كم وحدة انو هيكــ .. ع سبيل المسااااال ..

تخلف _ أمــّــيــّــة _ الجوع الجنسي _ وغيرو وغيرو ..

بعدين ..

وعن مظاهر التعافي ..

بقللكـ كونكـ عم تكتب هون بكل الحرية .. والشباب فيهون يعفطوكــ

هاد مظهر مهم .. بكتفي فيه

أنا معكـ بأنو انا ضد حبس أي شخص ..

بس لا تستغرب .. أنو النظام يحبس أي انسان بيقرب صوبو ..

لأنو نظامنا طلع من الشعب .. ومن منظومة الشعب المتخلفة .. ما بيعرف فكرة الرأي الآخر

حافظ الأسد كا إله تاريخه النضالي .. وكا ثائر مؤمن بعقيدة وحزب .. هي نقطة ما لازم نتجاهلها .
بس مو بإيدو أنو يصير الحكم ديكتاتوري ..

لأنو وقت اللي كان في تعددية سياسية .. ع زمن الشباب الطيبة .. حسني الزعيم وأديب الشيشكلي وسامي حناوي .. وو .. وو .. كنت تفيق أول يوم .. تاني يوم .. تلاقي صار بيانات عسكرية وانقلاب وحكم جديد .. البلد وقف وقفة الكلاب .. وبتعرف هالشي ..


برأيكـ اللبنانية كتيرمكيفين ؟؟ بشكـ



وفيما يخص زياد ..

الامر سيان

يعني .. يا أخي .. لما الحرية بتجي من أرضية ثقافية واقتصادية .. قوية .. بتكون مثمرة .. وفي ما عدا ذلكــ بتصير فوضى .. وهي مو فكرتي ..

وما في أي دولة في العالم.. متحضرة .. بلشت بالإصلاح السياسي ..

هنن بالترتيب ..

إصلاح اجتماعي

ثقافي

اقتصادي

وبعدين منفكر نتبوجق سياسيا ً


أما في ما يخص الأكراد

يعني معلش .. ينحط كم كردي قومي بالسجن أحسن ؟؟

ولا يطالبوا بالانفصال عن سورية والانضمام لكردستان . الكبرى .. ؟

و يعملوا فوضى أبشع .. وأحمق من اللي بالعراق .. ؟

هي عموما ً المشكلة .. كلها بلشت من لعبة طابة .. وانقلبت لحرق دوائر رسمية .. وحكومية .. وهي جرائم بحد ذاتها

ومو خافي عن حدا التشجيع الأميركي اللي صار للأكراد
.. ليتمردوا ..

والبرزاني اعترف بعضمة لسانه ..

وأنا جد حزين عالـ خازوق الي عم تنجره أميركا لأخوتنا الأكراد ..

هلق سمحت لتركيا أنو تفوت تقمع أي تمرد بيجي من جوات العراق .. والقادم أكيد أعظم .

آخر تعديل الموسيقار يوم 20/11/2006 في 23:19.
  رد مع اقتباس
قديم 20/11/2006   #64
صبيّة و ست الصبايا xena
عضو
-- قبضاي --
 
الصورة الرمزية لـ xena
xena is offline
 
نورنا ب:
Aug 2006
المطرح:
Europe.. awwal laffi 3a 2eedak el yasar
مشاركات:
519

افتراضي


أول مرة بشوف هالموضوع... و لسا ما قريت الردود .. يعني إلي رجعة بعدين

المهم سوريا من البلاد السباقة لاعتقالات الرأي
طبعا أي دولة عربية فيا معتقلي رأي و هادا إذا بيدل عشي بيدل على خوف الحكام من الشعب فبيلجأ لقمعو و هادا دليل على أنو نحنا خاضعين لحكام بمنتهى الإنسانية و التعفف و الشبع... طبعا بتختلف النسبة
في كتير ناس من اللي بعرفون راحوا من سنييييين و ما عاد حدا عرف عنن شي , هادا طبعا غير عمليات القتل السريعة اللي بتصير بلمحة بصر...
كمثال عصام العطار رئيس جماعة الأخوان المسلمين سابقا بسوريا(بغض النظر عن جرائم الاخوان المسلمين سابقا بسوريا).. هاد هرب على ألمانيا و تحديدا مدينة آخن .. المهم هاد وصلو المخابرات السورية عبيتو بألمانيا و قتلولو ابنو و مرتو قدام عيونو .. يعني في أقسى من هيك ؟
طبعا سوريا من البلاد المعروفة بقوة جهازا المخابراتي .. شي بيرفع الراس ...
يمكن بكل بلد في حريات مقموعة بس اللي بيختلف أسلوب التعامل و طبعا الأساليب عنا شي إنساني كتير و هاي كتير كتير ...
  رد مع اقتباس
قديم 20/11/2006   #65
شب و شيخ الشباب COSTA
عضو
-- مستشــــــــــار --
 
الصورة الرمزية لـ COSTA
COSTA is offline
 
نورنا ب:
Jun 2006
المطرح:
بالبار عم اشرب واسكر وارقص وحشش وشوف حياتي
مشاركات:
3,428

افتراضي


اقتباس:
حافظ الأسد كا إله تاريخه النضالي .. وكا ثائر مؤمن بعقيدة وحزب .. هي نقطة ما لازم نتجاهلها .
بس مو بإيدو أنو يصير الحكم ديكتاتوري ..
اصلا الطريقة يللي استلم فيها الحكم ديكتاتورية بحتة
بعدين شو ثائر ومؤمن بعقيدة الحزب
لك انت وين عايش ؟؟؟؟
انت بتعرف انو قبل ما يستلم كان هو وحاطوم عم يتنافسوا على الحكم
وبعدين لما استلم قتلو بالبوط العسكري

سيدي الرئيس ......... تحية وبعد
اتسمع الاحرار حين يسألون.......
امرتين الشهداء يقتلون ...........
اطفالنا في المهد بعد يحلمون....
من ينقذ الاحلام حين ينعسون...
[thread=51430][COLOR=red]تعالي نرتوي الحب لسنا سوى ظلال وغبار[/COLOR][/thread]
[B][COLOR=seagreen]شيطان انا واقف على الباب .................................. هوايتي ان ارقص مع الذئاب[/COLOR][/B]
[B][COLOR=#2e8b57][COLOR=blue]اذا اردت ان تقول الحقيقة بغير وقتها .................... فاعلم انك في نظر الكل خائن[/COLOR] [/COLOR][/B]
  رد مع اقتباس
قديم 20/11/2006   #66
شب و شيخ الشباب COSTA
عضو
-- مستشــــــــــار --
 
الصورة الرمزية لـ COSTA
COSTA is offline
 
نورنا ب:
Jun 2006
المطرح:
بالبار عم اشرب واسكر وارقص وحشش وشوف حياتي
مشاركات:
3,428

افتراضي


اقتباس:
لأنو وقت اللي كان في تعددية سياسية .. ع زمن الشباب الطيبة .. حسني الزعيم وأديب الشيشكلي وسامي حناوي .. وو .. وو .. كنت تفيق أول يوم .. تاني يوم .. تلاقي صار بيانات عسكرية وانقلاب وحكم جديد .. البلد وقف وقفة الكلاب .. وبتعرف هالشي ..
هدول كانو رجال سياسة
مو عسكريين متل حافظ اسد
يعني لما عملو انقلابون كان شان سياسي

بعدين عبر التاريخ و باي دولة بالعالم اكبر غلط انو يستلم الحكم العسكريين
  رد مع اقتباس
قديم 20/11/2006   #67
شب و شيخ الشباب الموسيقار
مشرف متقاعد
 
الصورة الرمزية لـ الموسيقار
الموسيقار is offline
 
نورنا ب:
Oct 2006
المطرح:
بين الشمنتو والبحص والرمل
مشاركات:
1,329

افتراضي


اقتباس:
كاتب النص الأصلي : butterfly عرض المشاركة
كونو موجود ... مانو دليل أنو هوي صح ...
الأصح أنو ما يحقلك تعتقل الأخر لمجرد أنو مختلف عنك

أنت بتحب الثقافة خيو ... غيرك بيحكي سياسة ؟
هي أسما حرية ... حرية أنو يعبر عن نفسو

ماني مع التعامل مع كل ( وبركز التعميم ) كل المعتقلين السياسيين على انون أبطال ... ولاني مع التعامل مع المعتقلين ككل ... بأنون خونة

المعتقل شخص عم يدفع ضريبة اختلافو وتميزو وجرأتو ..بمجتمع بيحب اللون الواحد
وهادا غلط ...

شو الهدف من الاعتقال ... فكرة السجن من أساسا شو مفهوما بنظرك ؟
السجن الاعتقال أيا يكن : هوي عقاب وحماية للمجتمع وإعادة تأهيل لأغناء المجتمع

منبدا نقطة نقطة
ما فيك تعاقب الأخر لأنو بيفكر بطريقة مختلفة
( الأفكار لها أجنحة ) يعني ما لاحدود .. اعتقال المفكرين مرادف لأحراق الكتب تاريخيا ً .. ومتل ما هلق مننظر بحسرة والم على احراق الكتب ... المفروض إذا تطورنا صح ... يجي الجيل اللي بعدنا يسخر من اعتقال المفكرين

حماية للمجتمع ؟ من مين ؟؟؟ من خطر المثقف ؟؟ بأنك توحي للمجتمع أنو نحنا لا نرحب بالفكر ولا بالثقافة اللي بيفكر أكتر من المتر بمتر اللي نحنا سامحينلو يفكر فيون هيك بيكون مصيرو ؟
شو مشان أنو المعتقل أذنب بأنو فكر ؟ يا زلمي الله وقت عطى موسى الوصايا العشر التعجيزية ما كان فيون لا تفكرو

إعادة تأهيل ... وهي أحلى شي ... منحطو مدري مع قتالين قتلة مدري مع مجرمين ... ومنطالعو معاد تأهيلو نسيان الثقافة وقرفان الوطن

وإذا كنا ما عم نقدر اليوم نعيش بأنسانية لازم نفكر كيف ولادنا عالأقل بيكون عندن فسحة من الأنسانية أكتر مننا

صدقيني ..

لما ولادنا بيعيشوا ضمن نظام قمعي ؟؟

أهون ألف مرة .. لما بيعيشوا .. ظلال للحضارة ..


قوليلي كم معتقل في بالبلد ؟؟ ألف ألفين ؟؟ عشر تالاف ؟؟

مو أكتر من المعتقلين ضمن عادات بالية .. وتافهة .. وفلسفة مظلمة بالنظر للمجتمع ..

ومعلش اسمحيلي قللكــ ..

ما في أسهل من سب النظام .. ومحاربته ..

بس كتير صعب .. أنو تحفري اسمكـ بالتاريخ .. بأنو قدمتي شي للبشرية ..



والسجن .. تهزيب .. وإصلاح .. ع قولة أبو عنتر ..

أنا مالي ضد هالمبدأ .

وأنا ضد أنو ينسجن أي شخص .. لمجرد رأي ..





بس بتمنا تجاوبيني ع نقاطي ..
ممكن ؟
  رد مع اقتباس
قديم 20/11/2006   #68
شب و شيخ الشباب الموسيقار
مشرف متقاعد
 
الصورة الرمزية لـ الموسيقار
الموسيقار is offline
 
نورنا ب:
Oct 2006
المطرح:
بين الشمنتو والبحص والرمل
مشاركات:
1,329

افتراضي


اقتباس:
كاتب النص الأصلي : كوستا عرض المشاركة
اصلا الطريقة يللي استلم فيها الحكم ديكتاتورية بحتة
بعدين شو ثائر ومؤمن بعقيدة الحزب
لك انت وين عايش ؟؟؟؟
انت بتعرف انو قبل ما يستلم كان هو وحاطوم عم يتنافسوا على الحكم
وبعدين لما استلم قتلو بالبوط العسكري

هههههههههههههههههههه


قللي عن // ثائر // ما استلم السلطة بهالطريقة ..


بعدين مين قللكـ انو حسني الزعيم .. وسامي الحناوي .. وأديب الشيشكلي .؟

كانوا مدنيين بالمطلق ؟
  رد مع اقتباس
قديم 20/11/2006   #69
شب و شيخ الشباب الموسيقار
مشرف متقاعد
 
الصورة الرمزية لـ الموسيقار
الموسيقار is offline
 
نورنا ب:
Oct 2006
المطرح:
بين الشمنتو والبحص والرمل
مشاركات:
1,329

افتراضي


اقتباس:
كاتب النص الأصلي : xena عرض المشاركة
أول مرة بشوف هالموضوع... و لسا ما قريت الردود .. يعني إلي رجعة بعدين

المهم سوريا من البلاد السباقة لاعتقالات الرأي
طبعا أي دولة عربية فيا معتقلي رأي و هادا إذا بيدل عشي بيدل على خوف الحكام من الشعب فبيلجأ لقمعو و هادا دليل على أنو نحنا خاضعين لحكام بمنتهى الإنسانية و التعفف و الشبع... طبعا بتختلف النسبة
في كتير ناس من اللي بعرفون راحوا من سنييييين و ما عاد حدا عرف عنن شي , هادا طبعا غير عمليات القتل السريعة اللي بتصير بلمحة بصر...
كمثال عصام العطار رئيس جماعة الأخوان المسلمين سابقا بسوريا(بغض النظر عن جرائم الاخوان المسلمين سابقا بسوريا).. هاد هرب على ألمانيا و تحديدا مدينة آخن .. المهم هاد وصلو المخابرات السورية عبيتو بألمانيا و قتلولو ابنو و مرتو قدام عيونو .. يعني في أقسى من هيك ؟
طبعا سوريا من البلاد المعروفة بقوة جهازا المخابراتي .. شي بيرفع الراس ...
يمكن بكل بلد في حريات مقموعة بس اللي بيختلف أسلوب التعامل و طبعا الأساليب عنا شي إنساني كتير و هاي كتير كتير ...

والله المخابرات السورية طلعت كفوو .. ههههههههه .. انو مدام وصلت ع ألمانياا .,

وسوريا سباقة .. لاعتقالات الرأي .. ممممممممممممممم


بتعرفي ستالين كم مواطن روسي قتل ؟

وبالمقابل .. كيف طلعت روسيا من تحت دياته ..؟


مو دفاعا ً عن ستالين ..

بس مسال بصيط ..
  رد مع اقتباس
قديم 20/11/2006   #70
صبيّة و ست الصبايا butterfly
مشرف
 
الصورة الرمزية لـ butterfly
butterfly is offline
 
نورنا ب:
Jan 2006
المطرح:
قلب الله
مشاركات:
14,333

افتراضي


اقتباس:
لما ولادنا بيعيشوا ضمن نظام قمعي ؟؟

أهون ألف مرة .. لما بيعيشوا .. ظلال للحضارة ..
أكيد أكيد أكيد لأ ... مشكلتنا عقد ما يأسنا من التغيير صرنا نأقنع حالنا انو القمع أحسن من الحضارة


اقتباس:
قوليلي كم معتقل في بالبلد ؟؟ ألف ألفين ؟؟ عشر تالاف ؟؟

مو أكتر من المعتقلين ضمن عادات بالية .. وتافهة .. وفلسفة مظلمة بالنظر للمجتمع ..
ما فهمت وين الربط ؟ شو خصون هالألف ألفين وعشر تالاف واحد ؟ بتخلف المجتمع ؟
يمكن بالعكس عالالف الفين مدري قديه المثقفين لو كانو برا ... كانو حررونا من المعتقدات البالية والتافهة .

اقتباس:
ما في أسهل من سب النظام .. ومحاربته ..
بس كتير صعب .. أنو تحفري اسمكـ بالتاريخ .. بأنو قدمتي شي للبشرية
معك بالفكرة ... بس ضد اعتبار أي معارضة عم يسب النظام
لك ليش ما منفكر بالمعارض كناقد ؟ يا أخي عم ينقد الأخطاء بهدف تصحيحها ...
يعني الزلمة قلبو عالبلد ... وانت وياه على نفس الصف تنيناتكون حاطين البلد قدام عيونكون
بس كل واحد عندو وجهة نظر ...
هوي بيشوف جانب أنت ما انتبهتلو وانت كذلك ونظرتكون بتتكامل لمصلحة الوطن
بس طول ما انت شايفو زلمة بياع شعارات وعم يسب من دون ما يعمل شي ... وشايفو واقف بالصف التاني ضدك
وحاطو ببالك وعم تطلع فيه
وهوي طول ما شايفك زلمة السلطة وبتأيد عالفاضي والملان .. وما منك خير ... وشايفك واقف بالصف التاني ضدو وحاطك ببالو وعم يتطلع فيك
تنيناتكون رح تشوفو بعض .. ورح تعلقو ببعض بس ما رح تقدرو تشوفو البلد


اقتباس:
والسجن .. تهزيب .. وإصلاح .. ع قولة أبو عنتر ..
أنا مالي ضد هالمبدأ .
وأنا ضد أنو ينسجن أي شخص .. لمجرد رأي ..
هلق أنت عيني
  رد مع اقتباس
قديم 21/11/2006   #71
شب و شيخ الشباب الموسيقار
مشرف متقاعد
 
الصورة الرمزية لـ الموسيقار
الموسيقار is offline
 
نورنا ب:
Oct 2006
المطرح:
بين الشمنتو والبحص والرمل
مشاركات:
1,329

افتراضي


اقتباس:
كاتب النص الأصلي : butterfly عرض المشاركة
أكيد أكيد أكيد لأ ... مشكلتنا عقد ما يأسنا من التغيير صرنا نأقنع حالنا انو القمع أحسن من الحضارة



ما فهمت وين الربط ؟ شو خصون هالألف ألفين وعشر تالاف واحد ؟ بتخلف المجتمع ؟
يمكن بالعكس عالالف الفين مدري قديه المثقفين لو كانو برا ... كانو حررونا من المعتقدات البالية والتافهة .


معك بالفكرة ... بس ضد اعتبار أي معارضة عم يسب النظام
لك ليش ما منفكر بالمعارض كناقد ؟ يا أخي عم ينقد الأخطاء بهدف تصحيحها ...
يعني الزلمة قلبو عالبلد ... وانت وياه على نفس الصف تنيناتكون حاطين البلد قدام عيونكون
بس كل واحد عندو وجهة نظر ...
هوي بيشوف جانب أنت ما انتبهتلو وانت كذلك ونظرتكون بتتكامل لمصلحة الوطن
بس طول ما انت شايفو زلمة بياع شعارات وعم يسب من دون ما يعمل شي ... وشايفو واقف بالصف التاني ضدك
وحاطو ببالك وعم تطلع فيه
وهوي طول ما شايفك زلمة السلطة وبتأيد عالفاضي والملان .. وما منك خير ... وشايفك واقف بالصف التاني ضدو وحاطك ببالو وعم يتطلع فيك
تنيناتكون رح تشوفو بعض .. ورح تعلقو ببعض بس ما رح تقدرو تشوفو البلد



هلق أنت عيني
أي لكن بصير عينكـ لما بحكي ع كيفكــ .. ههههه


ع كللن ..

لا تقنعيني بأنو القابعين في السجون كلهم ملائكة ..

ولا كلهم شياطين ..


بس معقول كل المثقفين والفهمانين بهالبلد .. جوات السجن .؟


علي فرزات مو مثقف ؟؟

حيدر حيدر .. مو مثقف ؟

محمد الماغوط مو مثقف ؟؟

طاهر المامللي .. مو مثقف ؟




هي أمثلة كتير بسيطة ..




أنا ما عم قول أنو الوضع .. ما في أحسن منو .

بس بنفس الوقت .. أحسن من كتير دول . بتقاسمنا التخلف ..

بس بدي تجاوبيني .. ع نقطة ..


صح انو نبلش بأي إصلاح .. من السياسة ؟؟

علما ً أنو أوروبا تطلب منها النظر بموضوع السياسة .. قرنين .. من التطور والتضخم الثقافي والاجتماعي ..

لحتى قدروا يتجاوزوا العصبيات القبلية .. والاختلافات المذهبية .. ويببنو ا أنظمة ديموقراطية ..


يا ريت تجاوبيني ع هالنقطة بالزاااااااات ..

  رد مع اقتباس
قديم 21/11/2006   #72
صبيّة و ست الصبايا xena
عضو
-- قبضاي --
 
الصورة الرمزية لـ xena
xena is offline
 
نورنا ب:
Aug 2006
المطرح:
Europe.. awwal laffi 3a 2eedak el yasar
مشاركات:
519

افتراضي


اقتباس:
كاتب النص الأصلي : الموسيقار عرض المشاركة
والله المخابرات السورية طلعت كفوو .. ههههههههه .. انو مدام وصلت ع ألمانياا .,

وسوريا سباقة .. لاعتقالات الرأي .. ممممممممممممممم


بتعرفي ستالين كم مواطن روسي قتل ؟

وبالمقابل .. كيف طلعت روسيا من تحت دياته ..؟


مو دفاعا ً عن ستالين ..

بس مسال بصيط ..
أها ... صار السبب لازدهار روسيا هوي إبادة مليونين من الشعب ما هيك ؟
ايه و شوف شو صار بستالين آخر شي عزمن خروتشوف ... ما عاد إلو قبر يا حرام ... بس عفكرة كل الانجازات يللي حققا كانت بتعتمد عالسلاح بس من جوا كان الشعب آكل هوا
فبهالحالة صار هتلر كمان عظيم !
بعمرو العنف و الاضطهاد ما كان سبب لازدهار الشعوب .. و آثار الحكم الديكتاتوري أيام الشيوعية هلأ عم تظهر بالشعب... اسألني انا ... كل حكم ديكتاتوري إلا ما تظهر آثارو بعد فترة من زوال هالحكم ...
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 12:12 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.20860 seconds with 12 queries