ختان الاناث ... مأساة صامتة للفتاة

أسير التشرد · 04/12/2006

خلال قرائتي لمقالة ضمن الصحف الالكترونية ... ذهلت من رقم ..!! 97% تصل نسبة ختان الاناث بمصر طبقاً للمسح اللي قامت به وزارة الصحة المصرية عام 97 ...
إلا انو هالنسبة انخفضت لتصير بـ 57% خلال هالسنوات الاخيرة ... ويتم ختان اكثر 3 مليون فتاة سنوياً ...
بصراحة انا انصدمت لما قرئت هالخبر ...
ومذكور بالخبر انو الدراسات بتقول ان نسبة 50% من تلميذات المدارس في الفئة العمرية 15 إلى 18 تم ختانهم .. وانو هالنسبة موزعة بين الريف والمدينة...
ويعتقد انو هالعملية تقضي ع الرغبة الجنسية للأنثى وبالتالي بتساعد بالحفاظ ع عفافها ... ويتم خلال هالعملية ببتر الاعضاء التناسيلة الخارجية للاناث ... وفي هذه العملية تتم إزالة الاجراء الخارجية من العضو التناسلي للأنثى كلياً او جزئياً ... وهالعملية منتشرة بأجزاء من افريقيا جنوب الصحراء ومصر ومناطق في اليمن وعمان...
واما ببقية العالم الاسلامي في الشرق الاوسط وشمال افريقيا وجنوب وجنوب شرق آسيا فهالعملية نادرة او غير موجودة... وبقولوا انو هالممارسة تعود إلى العصر الفرعوني ع حد قول بعض الاساطير ... كما تمارسها بعض الجماعات المسيحية .. وكمان بعض الجماعات الوثنية في افريقيا...
وحسب قول مفتي مصر علي جمعه إنو النبي محمد لم يختن بناته مشيراً الى انو تلك العادة ليست قضية دينية في اصلها وانما هي موروث عن العادات الفرعونية التي انتشرت في حوض النيل فديماً وهيك انتقلت الى بعض الدول العربية ...
بقى انتو شو رأيكم ...؟

maro18 · 04/12/2006

الجهل والتقليد لعادات دون النظرلها بيعمل اكتر من كدة
وفعلا الموضوع دة كان منتشر جدا زمان بس مع محاولة التوعيه يعنى فى ناس بدأت تفهم بس لسة منتشرة بكثرة فى القرى والارياف وقلت شوية من المدينة
فاكرين انهم بيحموا الفتاه وهم بيبوظوا الدنيا

ابومزيد · 04/12/2006

المضحك انو من فترة قرأت انو علماء مسلمين حرموا هالظاهرة ونفس الشي القبطيين بقى من وين جاية هالعادة ما بعرف

maro18 · 04/12/2006

اقتباس:

كاتب النص الأصلي : ابومزيد

المضحك انو من فترة قرأت انو علماء مسلمين حرموا هالظاهرة ونفس الشي القبطيين بقى من وين جاية هالعادة ما بعرف

عادات متوارثه
ليس لها علاقة بالدين

ابومزيد · 04/12/2006

اكيد انا معك بهاد الشي وهاد دليل على عدم اهتمام كثير من رجال الدين بمصلحة الشعوب لانو صرلها زمان القصة وما عالجوها

layla · 04/12/2006

هديك المرة كنا عم نحكي عن الموضوع بصف الأنثروبولوجي
كانت اول مرة بسمع فيه وعنجد انصدمت
وهلأ انصدمت اكتر انو الموضوع منتشر بمصر و لهلأ لسمعت فيه

بس السؤال بالنسبة النا ليش ختان الصبي مقبول وختان الفتاة مامنقبلو ( اللي رافضين الفكرة طبعا )

بالنسبة الي انو ختان البنت ماكنت سمعانة فيه من قبل ابدا
بس ختان الصبي بصراحة مابعرف ليش بيصير من الاساس حتى كون مع او ضد

**Government** · 04/12/2006

اقتباس:

ويتم خلال هالعملية ببتر الاعضاء التناسيلة الخارجية للاناث ... وفي هذه العملية تتم إزالة الاجراء الخارجية من العضو التناسلي للأنثى كلياً او جزئياً ...

ينعمى كيف صارت هي

ميستي · 04/12/2006

ما فيه نص قراني بيثبت صحه هاي العمليه ولا حتى بالسنة النبويه

عشان هيك الله يهديهم

hanny dagher · 04/12/2006

اقتباس:

كاتب النص الأصلي : GOVERMENT

ينعمى كيف صارت هي

يا خيو كيف بدي فسرلك ياها بدون ما اكل تنبيه ماني عرفان

يعني عنجد انو تعو فكرو فيها بالنسبة لختان الصبي او البنت شو الفائدة منهن ؟

ما بعتقد في فائدة من ختان الصبي غير كلمة قلي ياها رفيقي مرة بمعسكر التدريب الجامعي بس عيب نقولا

hanny dagher · 04/12/2006

اقتباس:

كاتب النص الأصلي : ميستي

ما فيه نص قراني بيثبت صحه هاي العمليه ولا حتى بالسنة النبويه

عشان هيك الله يهديهم

القصة مو قصة الله يهديهم او ما يهديهم لانو هني ما عم يخالفو تعاليم شي
يعني صحي ما في نص قراني او سنة نبوية بتثبت صحة هالشي بس كمان ما في شي بيقلن ما تعملو هالشي

فالشغلة ما فيها مخالفة للتعاليم الدينية هيي مجرد عادات اجتماعية لا اعتقد بوجود فائدة الها

**Government** · 04/12/2006

اقتباس:

كاتب النص الأصلي : hanny dagher

يا خيو كيف بدي فسرلك ياها بدون ما اكل تنبيه ماني عرفان

يعني عنجد انو تعو فكرو فيها بالنسبة لختان الصبي او البنت شو الفائدة منهن ؟

ما بعتقد في فائدة من ختان الصبي غير كلمة قلي ياها رفيقي مرة بمعسكر التدريب الجامعي بس عيب نقولا

وصلت الفكرة حبيب وصلت الفكرة

مع انو مو واضحة كتير بس منحاول نستفسر

بس هلأ مو المشكلة بختان الصبي ختان الصبي هادا عرفان ومشي حالو
وبعدي الصبي بيعملو في هيك اول مابيولد يعني او مابنزل من بطن امو
وممكن ببعض الحالات بطول شهر

بس هون عبقلك انو البنات لما بيعملو هالكلام بكون عمرن 15- 18 سنة

hanny dagher · 04/12/2006

اقتباس:

كاتب النص الأصلي : GOVERMENT

وصلت الفكرة حبيب وصلت الفكرة

مع انو مو واضحة كتير بس منحاول نستفسر

بس هلأ مو المشكلة بختان الصبي ختان الصبي هادا عرفان ومشي حالو
وبعدي الصبي بيعملو في هيك اول مابيولد يعني او مابنزل من بطن امو
وممكن ببعض الحالات بطول شهر

بس هون عبقلك انو البنات لما بيعملو هالكلام بكون عمرن 15- 18 سنة

لاء يا خيي مو ضروري من اول ما ينزل من بطن امو ولا بعد شهر
في عالم بتنختن هيي وعمرا 26 سنة (هاي مرة صارت مع خالي وهوي دكتور اجا لعندو واحد عمرو 26 سنة بدو ينختن (يا اخي كلمة ينختن صعبة سهلولنا ياها

) ) فشو رايك بقى

**Government** · 04/12/2006

اقتباس:

كاتب النص الأصلي : hanny dagher

لاء يا خيي مو ضروري من اول ما ينزل من بطن امو ولا بعد شهر
في عالم بتنختن هيي وعمرا 26 سنة (هاي مرة صارت مع خالي وهوي دكتور اجا لعندو واحد عمرو 26 سنة بدو ينختن (يا اخي كلمة ينختن صعبة سهلولنا ياها

) ) فشو رايك بقى

اي طبعا وانا عندي واحد بعرفوا راح يعمل متل هادا اللي اجا عند خالك وهو كمان كبير بالعمر يعني يعني مو اقل من عمر صاحبنا

بس طبعا هالحلات نااااااااااااااااادرة كتير
وصعب كتير انو تلاقي واحد بهالعمر يجي بدو يطهر

لانو اول الشي الشغلة يتموت من الرعبة مي سهلة

وطبعا برجع بقول هالحلات نادرة جدا و90% من الصبيان بيطهروا بعد الولادة مباشرة

بالنسبة للكلمة سيبك من كلمة ختان وخليني عالتطهير
لانو معناها اخف والطف شوي وفيو خفة دم اكتر من هديك

وبلا ختان بلا بطيخ

toocoolfriend · 04/12/2006

ختان البنات منتشر جدا بمصر وبنسبة أعلى بالسودان وبيوصل الى اعلى نسبه في جيبوتي وأثيوبيا.
بالنسبة الى انو هيدي مناطق حارة جدا فبتكون نسبة الشهوة الجنسية للفتاة أعلى عند حصول الاحتكاك مع أعضاءها الجنسية. فبيعتقد أهل هيدي المناطق انو الحل هوي عبر الختان أو "الكوي" وهيدا بيعبر عن قمة الجهل والتخلف والبربرية.
أما ختان الصبيان فهوي مش واجب بالاسلام بس من شروط الحج. ويتم عبر ازالة قطعة من اللحم الميت فوق البتاعة نظرا لسهولة انتقال الأمراض من تلك المنطقة مع العلم أن اللحم الميت من أنسب البيئات لتكاثر الجراثيم والميكروبات. وتجدر الاشارة انو ختان الذكور ما بأثر على الشهوة الجنسية أو أي شيء له علاقة بالجنس.

يمكن صار فينا نفسر ظاهرة كثرة الطلاق في مصر, انو حدا مننا يتخيل عندو زوجة مختونة. اي بشرفي ما الو نفس ينام معها ولا حتى يبوسا

أسير التشرد · 05/12/2006

كلامك صحيح Toocoolfriend هالظاهرة منتشرة كتير بمصر والسودان ... وبيرتفع نسبة الطلاق بينهم بسبب هالختان... لانو الفتاة تصبح باردة جنسياً نسبة للإثارة الخارجية ... طبعاً ما فينا نقول شي عن الاثارة الداخلية...
المهم ... اغلب مراجعي العيادة الجنسية بيكون من النساء المختونات... بالمصلحة ... عزيزي انو هالعملية هي قتل شعور الفتاة ... من دون أي انسانية ... لو فرضنا انو هالامر كان مفروض ... بالاساس ليش الله خلقو ووضع بجهاز المرأة ... اللعنة ع التخلف ...
ومو هون المشكلة ... المصبية وقت ولادة المرأة المختونة ... أغلب الاوقات بيتم عبر الولادة القصرية... والطفل يتم وضعو تحت المراقبة لمدة قد تطول كتير...
واظن انو الفكرة هي فكرة معاشر الرجال ... لانو نحن ما بنفكر بالمرأة غير ع انها وعاء للتفريغ فقط...

بما يتعلق انو الختان مذكور بالاديان ام لا ... فبعتقد انو الديانة اليهودية بيلزم ع معتنقيه الختان للرجال طبعاً ... عدا النساء...
وبالمسيحية والاسلام ما مذكور نص صريح ... بالختان للنساء ... لكن في بعض الروايات عن النبي انو ما منع خفض الجواري... وبالنسبة للرجال فبعتقد انو ما عندو اي مشكلة إلا وقت الحج ... فيلزم عليه الختان...

طبعاً فوائد الختان للرجال كثيرة ... وينصح به الاطباء .. كون تجمع الجراثيم يتم تحت الجلد ... وبيتم العفونة .. وما إلى هناك من روائح كريهة... لهيك ينصح لكن لا يوجب ...

وبالنسبة للنساء ... فانا ضد الختان جملة وتفصيلاً ...

ظل جيفارا · 05/12/2006

اقتباس:

بس السؤال بالنسبة النا ليش ختان الصبي مقبول وختان الفتاة مامنقبلو ( اللي رافضين الفكرة طبعا )

انا هيدا الاقتباس هو الشي الوحيد اللي رح رد عليه
سيدتي شوفي
ختان الصبي لا يسبب موت الاحساس لديه لا بالرغبة ولا بالنشوة بل عدم الختن يسبب احتقانات خطيرة جدا
أما ختان المرأة فهو يقتل الاحساس لدى الانثى ليس الاحساس بالرغبة بل الاحساس بالنشوة
يعني لما يحصل ختن للمرأة بتصير متل اللي عم يحس بالعطش بس ما عم يشعر بالارتواء
للأسف الجهل خلى البعض يفكر إنو هو بختان المرأة يقضي على الرغبة
ولكن للأسف تبقى المرأة عطشى لا تروى
عرفتي ليش ما ركزنا على ختن الرجل

مسطول على طول · 05/12/2006

المشكله موبس بمصر او السودان وهي عاده افريقيه معروفه ومتبعه من اكثر من 5000 عام وهيه موجوده بكل دول افريقيا

بالنسبه لمصر

أثبتت تجارب السنوات الماضية إنه يمكن تحقيق نجاح ملموس في مجال مكافحة ختان البنات عن طريق وسائل عديدة أهمها التوعية والقوانين التي تحرمه. وهذا ما تدل عليه تجربة مصر التي تراجعت فيها نسبة النساء المختونات من 97 بالمئة قبل عشر سنوات إلى 75 بالمئة في الوقت الحاضر.

ولا تزيد هذه النسبة حاليا بين الفتيات دون 18 سنة على النصف سوى بقليل.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

مايا * · 05/12/2006

بس لاحظو ..

عدم وضوح موقف الأزهر إزاء ختان البنات .. ولا اي جمعية دينية مسيحية .

يعني الي ما بينفهم .. انو السيجارة لئولها فتوى وحرموها ..
مع انو مافي أدلة واضحة لحد الان بأنها مميتة .. ( بما انها مؤذية .. وان لجسمك عليك حق )
بس هل الشغلة البربرية الي ان كانت من التراث فلا فخر ,,
وان كانت عادة ,, فبئس العادة .... ولا ما بتدخل هاي تحت طائلة ( وان لجسمك عليك حق )
لهلى ما لئولها دبارة ..
انا سمعت فيها هون بألمانيا بيطبلو وبزمرو كل ما نحكى عن اضطهاد المراة بمجتمعاتنا ..

المسألة ما بدها بس توعية وتثقيف ..
لا بدها ئص ايدين برأيي
بعدين يعني كتير التوعية عم تجيب نتيجة ..لبين ما توعي ربع الشعب .. ( بطلوع الروح )
بيكون تلت ارباعو بــــــــــــــــــــــــ اظ

أأأأأأأأأأأأأأأأخ بس .. لك والله التخلف والجهل ما بتدعو عحدا .