|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
13/09/2007
|
#1 | ||||||
|
مشرف متقاعد
|
شو الوطنية؟
مرحبا! هلق بمرحلة معينة صار تعريف الوطني بلبنان هو (اللي ضد سوريا) أو (اللي ضد اسرائيل) أو (اللي ضد سوريا واسرائيل)... هلق بدي اسأل شو تعريف الوطني بسوريا؟ سوريا حصراً... شو هو الإنسان الوطني؟ شو بيعمل؟ مين بيأيد ومين بيعارض وضد مين بيقاتل؟ بيقاتل أصلاً؟ مين بيقرر وطنية أحدهم او عدمها؟ وأهم شي... شو تأثير تعريفك للوطنية على تعاملك مع اللي حواليك؟ وهل أنت عم تعمّمّ؟ شكراً
I am you and what I see is me
اللي عم يشتغل مو فاضي يحكي كتير |
||||||
|
|
13/09/2007
|
#2 | ||||||
|
مشرف متقاعد
|
برايي الوطنيه باختصار انو يضل كل انسان معتز ببلدو وما ينكر اصلوو
ويقعد يسب ويحكي شروي غروي .... ويعمل محاضره انو خايف على هالبلد وانو لو يصحلوو بيفديها بروحو ... متل كتار بالمنتدى وعامل فيها رجال ... او شي شخصيه وعندو رايي   * !!! I Would Never Change My Self 4 Anyone * إلي بيحكي ما ِبخاف وإلي بخاف مايحكي . __________________ الحياه التي اعيشها كالقهوه التي اشربها بالرغم من مرارتها إلا أنها حلوة ツ |
||||||
|
|
|
13/09/2007
|
#3 | |||||||||||
|
مشرف
|
اقتباس:
الوطني بسوريا هو يللي بكون مع سوريا و بيعمل من أجل سوريا ...بغض النظر اذا كان معارض للحكومة ...أو موالي الها اقتباس:
و هالحكي مو تنظير ...و بين مزبوط ....بالفترة السابقة أثناء الضغوطات الغربية عالى سوريا شفنا مثلاً الاحزاب يللي هرولت لأحضان الغرب و شفنا الاحزاب يللي بالرغم من معارضتها للحكم بسوريا ....رفضت أي تعاون مع أي دولة ضد سوريا اقتباس:
بس بنفس الوقت ممكن أي انسان قد ما كان بسيط يقدر يميز اقتباس:
اقتباس:
بصراحة اي بأثر بس هل بتقصد أنو بأثر على تعاملنا مع الآخرين على حسب تقييمنا لوطنيتهون أو كونا وطنيين ( من وجهة نظرنا ) كيف لازم نتعامل مع الآخرين
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
|||||||||||
|
|
الملاكمة|
13/09/2007
|
#4 | |||||||
|
شبه عضو
-- اخ حرٍك --
 |
اقتباس:
وتحيا سوريا سوريا |
|||||||
|
|
|
13/09/2007
|
#5 | |||||||
|
شبه عضو
-- اخ حرٍك --
|
اقتباس:
  |
|||||||
|
|
|
13/09/2007
|
#7 | ||||||
|
عضو
-- قبضاي --
|
سؤال عالهامش
يعني والله كفيتو ووفيتو بشرح الوطنية بس احيانا بسمع كلمة جنب الوطنية هي اللحمة ...طبعا من الالتحام يعني التحام فئات وطبقات وقوميات الشعب مع بعض مو من اللحمة اللحم يعني ... يعني انو صيام هلق يروح حدا يخربط بين اللحمتين لذلك وجب التوضيح .... المهم ... كيفها اللحمة الوطنية بسوريا ...
يا دامي العينين والكفين
إن الليل زائل لا غرفة التوقيف باقية ولا زرد السلاسل نيرون مات ولم تمت روما بعينيها تقاتل وحبوب سنبلة تجف ستملأ الوادي سنابل. ______________________ We ask the Syrian government to stop banning Akhawia |
||||||
|
|
|
13/09/2007
|
#8 | |||||||
|
مشرف متقاعد
|
اقتباس:
يعني أنت كتير رح تغير تعاملك مع حدا إذا ما كان وطني؟ |
|||||||
|
|
|
13/09/2007
|
#9 | ||||||||||||
|
عضو
-- أخ لهلوب --
|
اقتباس:
هلق الوطني هو اللي بيقول عن كل شي لأ بدون ما يشغل مخه يعني ما بيصير يكون في شي ايه وشي لأ لازم كل شي لأ واللي بيرمي كل شي على محل واحد طبعا هاد مو تعريفي هادا التعريف السائد اقتباس:
الوطني يا صديقي هو اللي بيحط مصلحة وطنه قبل اي شي واللي بيقدر يميز انه لازم اول شي نحافظ على الوطن لنقدر بعدين ننهض فيه او نحافظ على الحياة لنحولها لحياة كريمة لأنه اذا ماضل في وطن ما رح يكون في فايدة من اي شي واذا انتهت الحياة فما في معنى لأي شي وراها اقتباس:
اقتباس:
وبيعارض اي حدا ضد البلد وبيقاتل بس بس اعداء البلد اقتباس:
بيني وبينك هلق صارفي ناس عم توزع وطنيات وعم تعطي شهادات بالوطنية من موقف او من رأي وهنن بالأساس عم يدعوا للحرية وهنن ما عم يسمحوا لغيرهن يمارسها وما عم يقدروا يفهموا انه السياسة مافيها شي بالمطلق يعني مافينا نكون مع او ضد بس فينا نكون مع في او ضد في المطلق مو بهيك اماكن الوطن بيطلب كل ابناءه وبيطلب عدة افكار اقتباس:
بحاول افهم كل شي بينقال حولي وبطرح رأي وفكرة للنقاش وأكيد التعميم مرفوض بأي شي لأنه لازم نفهم خصوصيات بعض ونقدر نوصل لمكان يجمع الكل لأنه كلنا ولاد بلد واحد وعفواً
سهار بعد سهار
تيحرز المشوار كتار هو زوار شوي وبيفلوا وعنا الحلا كله وعنا القمر بالدار ورد وحكي واشعار بس اسهار بس اسهار اسهار ________________________________________________ الحرية لكريم ولمعتقلي الرأي في سورية..... |
||||||||||||
|
|
|
16/09/2007
|
#11 | ||||||
|
عضو
-- مستشــــــــــار --
|
كلنـــــــــــــــــــــــــــــا للوطـــــــــــــــــــــــــن
ياوطني يسعد صباحك
متى الحزن يطلق سراحك الابتسامة النبيلة هي التي تخرج من قلب يبكي هكذا انا قررت ((((*(*(*(*(*(*(*عصابة الملوك *)*)*)*)*)*)*) )))) |
||||||
|
|
|
16/09/2007
|
#12 | ||||||
|
عضو
-- مستشــــــــــار --
|
انو الواحد يخلص لوطنو سوريا
ما حدا يقولي البلدان العربية ومدري شو لأن انا ماني عربي انا سوري وآه يا نيالي كمان ... الوطنية انو الواحد ما ينكر اصلو حتى لو طلع برا سوريا وانو بفرجي صورة سوريا للعالم بأحسن صورة الوطنية انو الواحد بيضل بيدافع عن بلدو تى بأتعس الظروف الوطنية انو الواحد بيحارب في حال الحرب او اذا ما كان عندو قدرة يحارب خلي يعمل شي شغلة تأثر ولو بشي بسيط لبلدو بوقت الحرب هادا برأيي الوطنية وتحيا سوريا .. |
||||||
|
|
|
16/09/2007
|
#13 | ||||
|
شبه عضو
-- أخ لهلوب --
|
بتعرفو شغلة ,,,
هلأ انا لاحظت انو في كتير شباب (وانا منهون) ..لما بتجي سيرة سوريا ,,,مقارنة مع بلد تاني ...بينصابو بالاحباط ..و ببلشو يتدايقو ..و فعلا بيطلع معهون حكي شروي غروي .. بس خلوني احكي عن حالي ..بما اننو انا واحد من هالشباب .. قعدت صفنت هيييك ...قلت لحالي شو السبب اللي هيك عميعمل فينا ... بتعرفو شو لاقيت ......... السبب هو ..الحب لسوريا ايه نعم هو الحب لسوريا ... لأنو لما منقارن بلد تاني ..مع سورية ,,من ناحية ,,درجة الفساد ..و النظام والانضباط .و المستوى العلمي .الصحي .التعليمي ..الثقافي ........و تطول السلسة ..منلاقي انو سوريا و ضعها مزري ... و لما انا بشوف انو بلدي وضعها مزري ...اكيد رح اتديق ..و ثور ..و فور و اغلي ..... لقلكن شغلة ...السنة الماضيه ...كان في منحه مقدمة من الحكومة اليابانية للطلاب السوريين ... قدمت عليها ...و كنت انا واحد من 14 واحد بس من سوريا اللي انقبلو بهالمنحة ... بفحص المقابلة ...سالني المسؤول عن المقابلات ...قللي ..انت ليش ناوي تسافر ,,؟ و ليش قدمت ... قلتلو لقلك شغلة ...انا هلأ ..عمقدم ..و عرفان اننو رح اترك بلدي .و اهلي ..و ناسي و رفقاتي ..و المناطق اللي تعودت زورها ..و روح عليها لما كون تعبان او فرحان او زعلان ...انا رح اترك كل هدول مو لأني بكرههون ....بس لأنو طموحي .(اكبر من الامكانيات المتاحة ببلدي) .... برايكن ... انا و طني ... ولا ...لأ ..!!! |
||||
|
|
|
16/09/2007
|
#14 | |||||||
|
عضو
-- أخ لهلوب --
|
اقتباس:
أولا نقطة هيةحبنا لسوريا : أنا يا جماعة بالفعل بتدايق و أحيانا بخجل بالوضع يللي نحنا فيه بس هاد من حبي لبلدي و من غيرتي عليه ...  تاني شي : وهو لما بقارن آآآآآآآآآآآآآخ شو بيصير فيني بييأس من الدنيا كلها  يا سيدي بالأخير بقللك إنت و طني و نص و ستين و طني كمان و إنت مو لحالك بتحس بهي المشاعر تجاه بلدك لأني أنا معك للعضم بكل شي قللتو أحلى أخ وطني والله
الشجاع من يخلق من اليأس أمل لأن اليأس فيه طعم الموت -----
و لأن الشجاعة معنى الحياة............ ***** الدين أفيون الشعوب ***** |
|||||||
|
|
|
16/09/2007
|
#15 | ||||||
|
مختار
|
الوطنية..كالحب .. قد تكون مبرر لكثير من الأفعال ..قد تكون مبررا للخيانة قد تكون مبررا للجهاد .. قد تكون مبررا للنضال ..
الوطنية .. كانت مبررا ليوسف العظمة للقيام بمعركته الاستشهادية كانت مبررا لابراهيم هنانو و سلطان باشا للقتال ضد مستعمر " الوطنية " كانت مبرر .. رفعت الأسد بما فعله و بما يفعله " الوطنية " كانت مبرر خدام حين هرب و " انقلب " على ما كان " الوطنية " مبرر الغادري للقاء الكنيست الاسرائيلي فقرر ما هي الوطنية
"أوقفوا حجب أخوية في سوريا"
------------------- يا نبع المحبه.... عينك عَ وطنا ------------------- فلتحيا سوريا للأبد واكسيرها للخلود سيكون دماء محبيها .. ------------------- ساعدنا في الاشراف... استخدم زر المشاركة العاطلة |
||||||
|
|
|
19/09/2007
|
#16 | ||||||
|
مشرف متقاعد
|
هالرد حطيتو في موضوع تاني وحابة شارك فيو هون ... وهوي رأي عام وليس رأي خاص خصوصاً وأن الموضوع يتعلق بمفهوم الوطنية في سوريا بس ..
فاسمحلي كهربجي اني نزل هالتعليق البسيط هون خصوصا وانو صار حكي كتير بهالموضوع واذا شفت انو مو مناسب ينزل هون .. فأكيد انت قادر على حزفو .. في تعليق بدي ضيفو عن الوطنية والوطن .. اللي بيحكي عن الوطنية لا يعني انو احسن من غيرو ولا يعني ايضا انو عم يتصنع هالعاطفة .. واللي بيحكي عن الوطنية مو شرط يكون عم يحكي عنها ليقلل من قيمة حدا أو من وطنيتو .. وانا الي رأي يمكن يكون خاص بهالموضوع الا وهو .. انو الوطنية هوي نوع من الحلول الي بحب ركّز عليها لنرفع من وطننا ونحاول نقدملو شي ليطور ويكون في اطار حضاري اجمل . وانو الانتماء للوطن هوي دعوة لنكون جزء من وطننا وبنوجها خصوصا لنسبة كبيرة من الجيل الجديد اللي هالشي لا من ثقافتهم ولا من حساباتهم. وانو تقديم شي للوطن اللي عم بتكون هالفترة كتير قاسية عليه حتى ولو هوي ما عم يقدملنا شي ممكن يساعد هالوطن ليتقدم وليصير يقدر يقدملنا شي . ومشان الاسباب المذكورة اعلاه بتضايق كتير لما احس انو في ناس بتعتبر هالموضوع واي سياق تذكر فيه الوطنية هو عبارة عن لوحة اعلانية أو دعاية ذاتية أو ما الى ذلك .. في وقت اصبحت فيه الوطنية بديهية عن شعوب أخرى وضرورة لشعوبنا .
كل جنون بينكتب بالدم ..
|
||||||
|
|
|
19/09/2007
|
#17 | ||||||
|
عضو
-- أخ لهلوب --
|
وطن الإنسان ليس قطعة أرض وجبال وأنهار وغابات، ولكنه مبدأ والوطنية هي الالتزام بهذا المبدأ - جورج ويليام كورتيس.
شو هو مبدأكم؟
الحرية لمعتقلي غوانتانامو باي
الحربة لمعتقلي فاتح ماي في المغرب الحرية لكريم عامر وكل من اغتصب منه حقه في المعارضة ...وتذكروا أن الحرية اللتي تعيش في داخلكم أقوى من السجون التي تعيشون في داخلها |
||||||
|
|
![post[field7]](images/gender/undisclosed.gif)
|
19/09/2007
|
#18 | |||||
|
شبه عضو
-- أخ لهلوب --
|
اقتباس:
انا ما عمبسالك بهدف الجدال ... انا عمبسال ..لأنو بسمع هاللكلمة كتير ...و عجزت لا قيلها جواب ...فانشالله الجواب يكون عندك .. |
|||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 10:03 (بحسب عمك غرينتش الكبير +3)